Back to Languages
Afar - Chapter 36 - Ya-Sin
Translation by Sheikh Mahmoud Abdel Qader Hamz And Group Of Scholars — Permalink
Verse 1 — Surah Ya-Sin 36:1
Yaa-siin, (edde faxem Yalli yaaxige)
Verse 2 — Surah Ya-Sin 36:2
Yalli maxcoocá kak diggale Qhuraanal xiibita
Verse 3 — Surah Ya-Sin 36:3
Diggah nabiyow atu farmoytiitik numuk teyna kinnitoomul
Verse 4 — Surah Ya-Sin 36:4
Massa-le gitih bagul anuk (Islaam diini kinnuk)
Verse 5 — Surah Ya-Sin 36:5
A Qhuraan maysoleeh, nacrur-le Rabbih kabuk oobe
Verse 6 — Surah Ya-Sin 36:6
Nabiyow a-Qhuraan kol kah oobisnem abbobti kak meesiisime wayte mara edde meesissuh, usun iimaanak garcit yanin
Verse 7 — Surah Ya-Sin 36:7
Nummah ama-korosuk maggo maral digaalá dabaqteh, usun aamine waanamih sabbatah
Verse 8 — Surah Ya-Sin 36:8
Diggah nanu ken gaboobi ken fillittet nexeeh tet debeenat keenik neyseede, tohih sabbatah moyyaayi kareeril loonuuh, addah haanam maduudan
Verse 9 — Surah Ya-Sin 36:9
Kaadu foocal alifuh reebu keenik hayneeh, derrel alifuh reebu keenik hayne. Tokkel intiita keenik alifneh, tohih sabbatah usun cakkik-tu mayablan
Verse 10 — Surah Ya-Sin 36:10
Kaadu keenil inki gide nabiyow atu ken meesissam kee hinnay ken meesiise waytam, usun ma- yaaminan
Verse 11 — Surah Ya-Sin 36:11
Cagalah ku-meesisso tu-kah xiqtam Qhuraan kataateeh, qellut Yallak meesite numu, toysa kaa ayti-kumus dambi cabtii kee kaxxa galtól (jannat kinnuk)
Verse 12 — Surah Ya-Sin 36:12
Diggah nanu rabtem inkih naynuwweeh, addunyal maqaanék umaanék uysukummu heenim kee ken raatitte naktubeh, kaadu ummaanim baxxaqqa-le kitaabal (lowcal macfuuz kinnuk) lowsisne Gxxisne
Verse 13 — Surah Ya-Sin 36:13
Nabiyow isi marah magaalâ marih ceelallo ugur (waris) farmoytit keenih temeete waqdi
Verse 14 — Surah Ya-Sin 36:14
Namma farmoyta keenih rubne waqdii, ken nammay dirabboyseenih, kaadu sidoccaytut ken maqarrosneeh, diggah nanu sin fan rubsumte farmoytit kinnino keenik iyyen
Verse 15 — Surah Ya-Sin 36:15
Magaalâ mari woo farmoytiitik iyyeh; “isin tu-hinniton ninnah tan seehada kinnitoonum akke wayteenik, kaadu Yalli wacyik-tu moobisinna, isin ixxicci ittaanam manton dirab taceenim akke waytek”
Verse 16 — Surah Ya-Sin 36:16
Farmoytit keenik itteh; “diggah nanu sin fanah rubsumte farmoytit kinninom diggah Ni-Rabbi yaaxigeh”
Verse 17 — Surah Ya-Sin 36:17
Kaadu nel tanim matan baxxaqqa- le gudduysiyya akke waytek iyyen
Verse 18 — Surah Ya-Sin 36:18
Magaalâ mari keenik iyyeh; diggah nee geyte umaané siinik malkinna, usun xiibitak tamahak aadee wayteenik xeet siinit heennooh, qansarissa digaalá nek sin xagele iyyen
Verse 19 — Surah Ya-Sin 36:19
Farmoytit keenik itteh; sin geyte umaanéh malkit siinik yan, sinni Rabbil koroositteenimih sabbatah, kayri siinik edde yanim sin kassisnek, umaané nek malkittaanaah digaalál nee meesissaanaa? Aleey, wonna hinnay isin umaanét caddok tatura mara
Verse 20 — Surah Ya-Sin 36:20
Magaalák exxak xerrikek yarde num yemeete, yi-maraw farmoytit kataya keenik iyye
Verse 21 — Surah Ya-Sin 36:21
Farmô gudduysiyyal galtó sin esserewaa mara kataya usun tirtô bagul anuk
Verse 22 — Surah Ya-Sin 36:22
Kaadu anu yoo gine Rabbi kah aqbudewaam macaliyoo? Isin kaadu kaâ fanah aduurê ton rabteeniik lakal
Verse 23 — Surah Ya-Sin 36:23
Yallak kalah yallitte haysitoo? Yalli umaané yoh faxe kaa tekkek, ken cató tu-yoh maxiqtaay, Yallih digaalák yoo ma-wadaanak
Verse 24 — Surah Ya-Sin 36:24
Diggah anu toysa baxxaqqa-le makoh addat ayyo
Verse 25 — Surah Ya-Sin 36:25
Diggah anu sin Rabbil eemenehik yoo oobbiya keenik iyye
Verse 26 — Surah Ya-Sin 36:26
Too waqdi kaa qideeniih, Yalli jannat cul kaak iyye, maganey yi- mari aaxaginnay
Verse 27 — Surah Ya-Sin 36:27
Yi-Rabbi dambi yoh cabeeh, yessekexxime marih num yoo abem axcuk
Verse 28 — Surah Ya-Sin 36:28
Ken fayuh (catoh) yemeete num qideeniik lakal, kay maral qaraanak qande moobisinninooy, ahak dumal bayissi hayne marah malayka numtin baysah oobise mara makkinnino
Verse 29 — Surah Ya-Sin 36:29
Ken baati makkinna Jibriil inki xongolót tekkeh akke waytek, usun too waqdi inkih Rabte baruuga yekken
Verse 30 — Surah Ya-Sin 36:30
Naqoosa geyta nadaamaay! qhiyaamah ayró digaalá yablen waqdi, Toh ken kah geytam, hebeltô farmoytay keenih yamaate mayan, kaal anqasak sugeenim akķke waytek
Verse 31 — Surah Ya-Sin 36:31
A-koros matablaa! Keenik naharat makina hora bayisnem horaarik? Diggah usun ken fan addunyah aduure waanam mayablaanaa
Verse 32 — Surah Ya-Sin 36:32
Kaadu hebeltô ginó matan qhiyaamah ayró inkih Ni- garil gaaboysimaanaah xayyoysimaanam akke waytek cisaabah
Verse 33 — Surah Ya-Sin 36:33
Qhiyaamah ayró ugtoonu waanamih astá lon rabte baaxó naynuwweeh, ambó teetik nayyaaqeeh, woo ambók yakmeenimit
Verse 34 — Surah Ya-Sin 36:34
Kaadu tet (baaxó kinnuk) addal nakilaa kee qinabak yan basaatin hayneeh, daroorik-tu tet addal nuyfuxxuke (weeqisne)
Verse 35 — Surah Ya-Sin 36:35
Woh inkih kah abnem kay (basaatin kinnuk) mexexuk yakmeenî gidi. Kaadu amah ken gaboobi abtem hinna Yalli isi racmattah keenih abeemikkal, aniqmatal Yalla mafaatitaanaa
Verse 36 — Surah Ya-Sin 36:36
Ummaanimik qaynatitte gine Rabbi Saytunnooweh, baaxó uysubukku haytaamaay ken nafsik (labim kee sayim kinnuk) kaadu usun aaxige waanamak qaynatitte gine Rabbi Saytunnooweh
Verse 37 — Surah Ya-Sin 36:37
Kaadu laqó kak siibna bar astáh loonuuh, usun too waqdi ditet culan, toh Yallih dudda kinni
Verse 38 — Surah Ya-Sin 36:38
Kaadu Yallih dudda tascasse astá lon, ayróy leh tan madabah gexxal, toh mayso-li, ixxigalih yan Yallih caggudusiyya kinni
Verse 39 — Surah Ya-Sin 36:39
Kaadu astá lon mafdagoogi kah caggudusne alsál, tamiirâ (nakli) foynay ragteeh makkotteh innah gacca ittam fanah
Verse 40 — Surah Ya-Sin 36:40
Ayróh matakka alsá eleltam, kaadu barah matakka laqók yaakumem, ummaan tiya keenik isi maroh addal giirissa
Verse 41 — Surah Ya-Sin 36:41
Kaadu Yallih dudda tascasse astá lon, diggah nanu ken samad kibuk tan doynikit nukkuqeemil (Nabii Nuuc doynik kinnuk)
Verse 42 — Surah Ya-Sin 36:42
Kaadu Nabii Nuuc doynikih innah yan dawaanikiy edde feeraana keenih ginne
Verse 43 — Surah Ya-Sin 36:43
Kaadu fannek ken xuumusak (sutusak) nen, tokkel usun cateyna maloonuuy, usun mawaddiiman woo xuumiyyak (sutusiyyak)
Verse 44 — Surah Ya-Sin 36:44
Ken cattam matan Nanu keenih abne racmattaa kee yimixxige waktî (uddurih) fan keenit abne hatkisiyya akke waytek Nel yaduureenî gidih
Verse 45 — Surah Ya-Sin 36:45
Ama koros addunyâ digaaláa kee akeerâ digaalák meesita Yallak nacror geytaanam keh keenik iyyan waqdi, usun too waqdi derre edde cabaanaah, kaxxa-mariinitaanah
Verse 46 — Surah Ya-Sin 36:46
Kaadu ken Rabbih astootik hebeltoh astáy keenih tamaate matan derre teetit cabak sugeenim akke waytek
Verse 47 — Surah Ya-Sin 36:47
Kaadu korosuk Yalli siinih yeceemik-tu acuwa keenik iyyan waqdi, koroosite mari yeemene marak iyyah; Yalli faxinnay askamuk yen mara naskamoo? Yeemene maraw isin massat yan mara hinniton baxxaqqa-le hoxih addat taniinih akke waytek
Verse 48 — Surah Ya-Sin 36:48
A-xagni mawaqdiiy isin numma yacee mara tekkeenik itta koros
Verse 49 — Surah Ya-Sin 36:49
Israafiil baantah inki xongolók-sa qambaalaanam malon, is garcik ken tabbixe usun sinni caagiidat keemaaritak
Verse 50 — Surah Ya-Sin 36:50
Tokkel usun sitta farriimaanam maduudaanaay, sinni maraa kee buxaaxî fanah ma-gacan
Verse 51 — Surah Ya-Sin 36:51
Nammay haytô baantá fuxsumtaah, edde luk usun too waqdi magooqak sinni Rabbî fan sissikuk yawqen
Verse 52 — Surah Ya-Sin 36:52
Koros nadaamitak, nee gee finqaaw! ni-magooqak (kubuuruk) nee teyyeeqem miyyaay itte? Keenil gacisak ah Yalli sinam edde xagniseemiy, farmoytit nummâ xaagu kak tecee kinni keenik iyyan
Verse 53 — Surah Ya-Sin 36:53
Israafiil baantah inki xongolók-sa ken ugut magooqak edde yekkem mali, eddeluk usun inkih Ni-garil gaaboysimaanaah xayyoysiman cisab kee galtóh
Verse 54 — Surah Ya-Sin 36:54
Woo ayró (qhiyaamah ayró kinnuk) nafsi tul ma-yandulluma. Kaadu addunyal abak sugteenimik-sa elle galtimtaanam manton keenik iyyan
Verse 55 — Surah Ya-Sin 36:55
Diggah woo ayró Jannatti mari ruffu edde iyyan niqmatat agxitan
Verse 56 — Surah Ya-Sin 36:56
Ken kee ken agabi iraawoowal yanin qaraakiy (kaqaadid) amol cusuulah anuk
Verse 57 — Surah Ya-Sin 36:57
Usun Jannat addal maggo qaynatah yan caxâ mixu loonuuh, faxaanaah esseraanam elle lon niqmootak
Verse 58 — Surah Ya-Sin 36:58
Xuwaw-le Rabbik nagaynan maxcó-lon
Verse 59 — Surah Ya-Sin 36:59
Woo ayró a-umeyniitow moominiinik baxsima iyyan korosuk
Verse 60 — Surah Ya-Sin 36:60
Yalli ken sahitak keenik iyyah ; Aadam xayloy Yi-farmoytiitih arrabal sheetan aqbude waytaanaah kaa kataate waytaanamal sin ma- farriimiyyoo, diggah usuk siinik baxxaqqa-le naqboytak
Verse 61 — Surah Ya-Sin 36:61
Kaadu sin ma-amrisinniyoo dibuk Yoo uqbuda iyyaanamah, ah massa-le gita. (Islaam diini kinnuk)
Verse 62 — Surah Ya-Sin 36:62
Nummah sheetanti maggo mara siinik cakkik makehik kas- kassoowa mara matakkaanaa a-korosey
Verse 63 — Surah Ya-Sin 36:63
Ah-jahannam giráy addunyal kah xagnisimak sugteeni keenik iyyan akeeral
Verse 64 — Surah Ya-Sin 36:64
A-saaku tet culaay, teetit carara Yallal koroositak sugteenimih sabbatah
Verse 65 — Surah Ya-Sin 36:65
A-saaku ken afitte alifnaah ken gaboobi neê luk yabta, kaadu ken ibitte keenil sumaaqitta addunyal abak sugen umaanéh
Verse 66 — Surah Ya-Sin 36:66
Faxinninoy intiita ken waysiisak neneeh, duggu keenik haak nen, toysa gitâ fanah sissikuk gexak yenen kaal taturaanamkeh, tokkel mannal yableeniih intiita ken waysisne way
Verse 67 — Surah Ya-Sin 36:67
Fanne nee tekkek ginó keenik korisak neneeh, ken aracal ken daffeysak nen, toysa fooca fan gexaanam duudak manannoonuvy, wadir gacaanam duudak manannon
Verse 68 — Surah Ya-Sin 36:68
Idoolitti iyyam fan qumri kak neyxeere num ginó kaak korisnaah, yooboke saakih innah kaa gacisna hebeebih (sabarah), amah abe Rabbi qhiyaamah ayró ken ugusu waamih dudda leemil ma kas- kassoowaanaa
Verse 69 — Surah Ya-Sin 36:69
Ni-farmoyta Mucammad fzsakáýo Qadar kaa mabarsinninooy, kaa ma-ceela (ma-yangibbiya) Usuk kalah luk yemeetem mali Kassis kee baxxaqqa-le Qhuraan akke waytek
Verse 70 — Surah Ya-Sin 36:70
Ama Qhuraanal sorkocôbaxi (lubbi) kak nuwwa mara meesiisâ gidaay, korosul digaalâ maxcó nummattamkeh
Verse 71 — Surah Ya-Sin 36:71
Lacak nanu keenih ginneh nanim mayablaanaa! Ni-gaboobi abteemik, eddeluk usun kaa yamlikeenih (ikoytah kaa lon)
Verse 72 — Surah Ya-Sin 36:72
Kaadu kaa (lac kinnuk) keenih qanneh, tokkel tu-kaak feeraanaah, tu-kaak yakmeenih
Verse 73 — Surah Ya-Sin 36:73
Kaadu lacat maggo tuxxiq kee can kaak nakaanam lon, a-niqmat keenih abe Rabbi ma-faatitaanaa
Verse 74 — Surah Ya-Sin 36:74
Kaadu koros Yallak kalah yaqbuden yallitte haysitte Yallih digaalák ken cattam keh
Verse 75 — Surah Ya-Sin 36:75
Ken yallitte cató keenik maduddaay, koros kee ken yallitte inkih girâ digaaláh gaaboysimaanaah xayyoysiman tu- sittah xiqe kal
Verse 76 — Surah Ya-Sin 36:76
Toysa a-nabiyow usun Yallal koroositaanaah, koo dirabboysaanamih maxcó koo rookise waytay, diggah nanu qellisaanam kee yaybulleenim inkih keenik naaxigeeh ken elle galtenno
Verse 77 — Surah Ya-Sin 36:77
Ama seehadaytuy qhiyaamah ayró yangaddee mayablannaa! Diggah nanu daacoyti tiffak kaa ginnem, tokkel usuk baxxaqqa-le giddeyna
Verse 78 — Surah Ya-Sin 36:78
Kaadu ama giddeyni faxxiime wayta ceelallo Neh yoogoreeh, isi ginó hawweeneh (habbaaleh). Lafoofi iyyi yaynuwwee is bululteeh, rumah anuk iyye
Verse 79 — Surah Ya-Sin 36:79
Kaak ixxic nabiyow; naharsi adda tet gine Rabbi tet yaynuwwe! Usuk isi ginó inkih yaaxigi, kaak qellittam matan
Verse 80 — Surah Ya-Sin 36:80
Usuk anxaxin cooxuk girá siinih yeyyeeqe Rabbi kinni, tokkel isin woo cooxuk girá ursuttan
Verse 81 — Surah Ya-Sin 36:81
Kaadu qaranwaa kee baaxó gine Rabbi seehadah innah tanim ginaah gacsam ma-duudaa? Yeey, Usuk duudah. Kaadu Usuk ummaanim giné, ummaanim yaaxigi
Verse 82 — Surah Ya-Sin 36:82
Yalli tu-abam faxa waqdi cagalah kay amri wohiimik tik-iyyaama, edde luk wohim edde takke
Verse 83 — Surah Ya-Sin 36:83
Ummaanimih reedá gabat kak tan Yalli saytunnooweeh, cisab kee galtóh kaâ fanah gacsimtan