Afar - Chapter 62 - Al-Jumuah

Translation by Sheikh Mahmoud Abdel Qader Hamz And Group Of Scholars — Permalink

Verse 1 — Surah Al-Jumuah 62:1

Qaranwal tanim kee baaxô bagul tanim inkih Yalla saytunnossah, Usuk amoytay ginó inkih yamlike kinni, usuk kulli boolak saytunih, usuk isi reedal mayso li, isi abtol naggaara

View verse 62:1 page →Raw JSON

Verse 2 — Surah Al-Jumuah 62:2

Yalla kinni toogimah yan marâ fanah farmoytay (Nabii Mucammad frae kinnuk) keenik yaniy Yallih Qhuraanih aayoota keenil yakriye keenih rubtem, kaadu koroosannuu kee dambittek ken saytunnoysaah, Qhuraan kee Sunna (cadiis kinnuk) ken barsa, usun kaak (Nabii kinnuk) naharal cakkik baxxaqqa le makoh addat sugen

View verse 62:2 page →Raw JSON

Verse 3 — Surah Al-Jumuah 62:3

Kaadu keenik aka maray ken matre weey uxih amaate weeh kaa ruube (qarab yakkoonu, gersi mara yakkoonu), Yalli maysoli, naggaara

View verse 62:3 page →Raw JSON

Verse 4 — Surah Al-Jumuah 62:4

Woo Nabiih ruubiyyi, Yallih muxxooy kay acway isi naqoosak, isih faxa marah tet yacee. Kaadu Yalli kaxxa muxxoli, maggo acwali

View verse 62:4 page →Raw JSON

Verse 5 — Surah Al-Jumuah 62:5

Tawraatal taamitaanamal dirkisimeeh tohuk lakal elle taamite wee marih ceelallo, dananay elle tanim kak aaxige waa kitooba yakkuqeh ceelallo kinni, manxu qax umaa Yallih astootiy Nabii Mucammad ĵzsaseńíķ numma tascasse dirabboysah yan marak ceelallo, kaadu Yalli daalimiinih yan mara tirri mahaa

View verse 62:5 page →Raw JSON

Verse 6 — Surah Al-Jumuah 62:6

Ixxic nabyow: kee yahuudute maraw sinaamak addaak Yallih kacnoytit sinni tekkeleenik, toysa raba qaagitaay faxa, numma yacee mara tekkeenik

View verse 62:6 page →Raw JSON

Verse 7 — Surah Al-Jumuah 62:7

Kaadu usun inkinnah kaa (raba) maqaagitaanaay, mafaxan ken gaba umaanek tuysukumeemih sabbatah, kaadu Yalli daalimiinih yan mara yaaxigi kinni

View verse 62:7 page →Raw JSON

Verse 8 — Surah Al-Jumuah 62:8

Nabiyow Keenik ixxic: diggah woo rabay isin kak kuddaana diggah usuk siinit angoorowe le, tohuk lakal qelittaah tambulleem yaaxigî fanah gacsimetton, tokkel yalli abak suggu itteenim siinih warseleeh, sin elle galtele

View verse 62:8 page →Raw JSON

Verse 9 — Surah Al-Jumuah 62:9

Yallaa Kee kay farmoyta nummayse maraw! Adan aba num jumqatti ayro jumqattâ Salaatah adan aba waqdi, toysa isin Yallih kassitî fanah (kutbaa kee salat kinnuk) gexaay tellemmó caba, toh abtaanam kayrih siinih aysuk raqta sinni nafsih meqem yaaxige mara tekkeenik

View verse 62:9 page →Raw JSON

Verse 10 — Surah Al-Jumuah 62:10

Tokkel jumqatta salaatak gaba kaltan waqdi, toysa baaxól fixiixaay, Yallih rizqhi guransita, kaadu Yalla maggom cusa (kasa), yasillimeeh yaffoofe (limaye) mara takkeeni gideh

View verse 62:10 page →Raw JSON

Verse 11 — Surah Al-Jumuah 62:11

Kaadu muslimiinik tu tellemmo ablee kee hinnay addunyâ doklaa kee tet bilhada able yekken waqdi, Nabiyow teetî fanah sissikuk kok fixiixeeniih soolak koo caben. Nabiyow! keenik ixxic: Yallih garil tanim doklaa kee tellemmok (kabxa kinnuk) kayrih aysuk siinih raqta, Yalli usuk rizqhi acuyyu haa marak inkih yaysi kinnik isin rizqhi kaal esserita

View verse 62:11 page →Raw JSON