Afar - Chapter 71 - Nuh

Translation by Sheikh Mahmoud Abdel Qader Hamz And Group Of Scholars — Permalink

Verse 1 — Surah Nuh 71:1

Diggah, nanu Nabii Nuuc kay marâ fanah kaa rubneh, qansarissa digaalá keenih tamaatek naharal, ku mara meesis iyyaanamal

View verse 71:1 page →Raw JSON

Verse 2 — Surah Nuh 71:2

Nabii Nuuc iyyeh: yi maraw! Diggah anu siinih meesisso kak baxxaqqa le farmoyta kinniyo

View verse 71:2 page →Raw JSON

Verse 3 — Surah Nuh 71:3

Yalla uqbudaay qibaada kaah caglisa, kaadu kaak meesitaay, yamri oggola

View verse 71:3 page →Raw JSON

Verse 4 — Surah Nuh 71:4

Tohul sin dambitte siinih cabeleeh, qumri siinih wadirroyse le yimixxige waktî fanah, Diggah Yalli mekle wakti (Raba kinnuk) yamaate waqdi, mawadirroysima, isin woh yaaxige mará akkinnitoonuy iimaanâ fanah asissikuk tenen

View verse 71:4 page →Raw JSON

Verse 5 — Surah Nuh 71:5

Nabii Nuuc iyyeh:yi Rabbow diggah, anu inni mara kol yaamanoonuh baraay laqó ken seeceh

View verse 71:5 page →Raw JSON

Verse 6 — Surah Nuh 71:6

Tokkel Yi seeco tu keenih mossinna kudimik sá

View verse 71:6 page →Raw JSON

Verse 7 — Surah Nuh 71:7

Kaadu diggah, anu keenih seecinnaanih waqdi dambi keenih cabtuh sinni feeraari sinni aytiitat heeniih (axcem yaabbeenimik) sinni sarat yumbududeeniih, (yoo yableenimik) koroosannul yeedeeniih, kaxxa mariinoh kaxxa mariiniten iimaan oggolaanamak

View verse 71:7 page →Raw JSON

Verse 8 — Surah Nuh 71:8

Tohih lakal diggah, anu xongolo fayya haak keenih seece

View verse 71:8 page →Raw JSON

Verse 9 — Surah Nuh 71:9

Tohih lakal diggah, anu xongolo fayya keenih heeh, tutuccah tutuccu keenit exce

View verse 71:9 page →Raw JSON

Verse 10 — Surah Nuh 71:10

Tokkel sinni Rabbil dambi cabti essirita keenik exce, diggah usuk maggom dambi cabti li kinnik

View verse 71:10 page →Raw JSON

Verse 11 — Surah Nuh 71:11

Yallal tuduureeniih, dambi cabti kaal esseritteenik, sittallakleh rob siinih ruube le

View verse 71:11 page →Raw JSON

Verse 12 — Surah Nuh 71:12

Kaadu maaluvy xalay farakka siinih heele, kaadu wahoobah yan basaatin siinih heele, kaadu weeqaytitte siinih heele

View verse 71:12 page →Raw JSON

Verse 13 — Surah Nuh 71:13

Maca liton Yallih nabnak kah meesite waytaanam

View verse 71:13 page →Raw JSON

Verse 14 — Surah Nuh 71:14

Nummah Yalli ranko rankoh sin ginek

View verse 71:14 page →Raw JSON

Verse 15 — Surah Nuh 71:15

Yalli malcina qaran sittak amol massoowak elle gine inna matablaanaa

View verse 71:15 page →Raw JSON

Verse 16 — Surah Nuh 71:16

Kaadu alsá ken (Qaranwa kinnuk) addal diifu abeeh, ayró ifa faanus abe

View verse 71:16 page →Raw JSON

Verse 17 — Surah Nuh 71:17

Kaadu Yalli baaxok sin gineeh aysubukiyyah sin yuysubuke

View verse 71:17 page →Raw JSON

Verse 18 — Surah Nuh 71:18

Tohuk lakal teetit sin gacsaah, Qhiyaamah ayro teetik sin yayyaaqe ayyaaqiyyah

View verse 71:18 page →Raw JSON

Verse 19 — Surah Nuh 71:19

Kaadu Yalli baaxó fidó siinih abe

View verse 71:19 page →Raw JSON

Verse 20 — Surah Nuh 71:20

Farakka le gitittel tet bagul gexxoonuh

View verse 71:20 page →Raw JSON

Verse 21 — Surah Nuh 71:21

Nabii Nuuc: yi Rabbow diggah usun (boola le mara kinnuk) yamri cineeniih, le maaluu kee le xalay finqak sa tu kah osse wayta abbottii kee gaddaloola katyen iyye

View verse 71:21 page →Raw JSON

Verse 22 — Surah Nuh 71:22

Kaadu usun kaxxa uma maláh malsen

View verse 71:22 page →Raw JSON

Verse 23 — Surah Nuh 71:23

Kaadu sinni yallitteh qibaadá macabina sittak iyyen, kaadu Waddiiy, Suwaaqaay, Yaqhusuvy, Yaquuqh kee Nasri deqsitta numtinwellitteh qibaadá macabina sittak iyyen

View verse 71:23 page →Raw JSON

Verse 24 — Surah Nuh 71:24

Kaadu nummah maggo mara finqiseenihik ta daalimiinih finqak sah tu mossin iyye Nabii Nuuc isi Rabbik

View verse 71:24 page →Raw JSON

Verse 25 — Surah Nuh 71:25

Usun aben dambitteh sabbatah leet yunxuqsumeeniih, girá culsumen, tokkel usun Yallak kalah cateynit magennon

View verse 71:25 page →Raw JSON

Verse 26 — Surah Nuh 71:26

Kaadu Nabii Nuuc: yi Rabbow baaxô bagul koroosite marak inkittuy mutuccu iyya macabin iyye

View verse 71:26 page →Raw JSON

Verse 27 — Surah Nuh 71:27

Diggah atu ken cabtek ku naqoosa makkoyse loonuuh, maxalan umeynay kaxxa koroosannu le akke waytek

View verse 71:27 page →Raw JSON

Verse 28 — Surah Nuh 71:28

Nabii Nuuc: yi Rabbow yoo kee yi xaleynaay, yi buxá moominiinih anuk cule maraa kee, lab moominiin kee say moominiinih inkih dambi cabaay, daalimiinih baatik sa tu mossin iyye

View verse 71:28 page →Raw JSON