Back to Languages
Azerbaijani - Chapter 32 - As-Sajdah
Translation by Khan Musayev — Permalink
Verse 1 — Surah As-Sajdah 32:1
Əlif. Ləm. Mim
Verse 2 — Surah As-Sajdah 32:2
Şübhə yoxdur ki, bu Kitabı aləmlərin Rəbbi olan Allah nazil etmişdir
Verse 3 — Surah As-Sajdah 32:3
Yoxsa onlar: “Muhəmməd bunu özündən uydurmuşdur!”– deyirlər. Xeyr, o, Rəbbindən nazil olan bir haqdır ki, səndən öncə xəbərdar edən peyğəmbər gəlməmiş bir xalqı xəbərdar edəsən. Bəlkə də, onlar doğru yola yönələlər
Verse 4 — Surah As-Sajdah 32:4
Göyləri, yeri və onların arasındakıları altı gündə yaradan, sonra da Ərşə ucalan Allahdır. Sizin Ondan başqa nə bir haminiz, nə də bir şəfaətçiniz var. Məgər düşünüb ibrət götürməyəcəksiniz
Verse 5 — Surah As-Sajdah 32:5
O, göydən yerə qədər olan bütün işləri idarə edir. Sonra da bu işlər sizin saydığınız illərdən min ilə bərabər olan bir gündə Ona doğru yüksəlir
Verse 6 — Surah As-Sajdah 32:6
Qeybi və aşkarı Bilən, Qüdrətli və Rəhmli olan Odur
Verse 7 — Surah As-Sajdah 32:7
Hansı ki, yaratdığı hər şeyi gözəl biçimdə yaratmış, insanı ilk olaraq palçıqdan xəlq etmiş
Verse 8 — Surah As-Sajdah 32:8
sonra onun nəslini bir damla dəyərsiz sudan əmələ gətirmiş
Verse 9 — Surah As-Sajdah 32:9
sonra onu düzəldib müəyyən şəklə salmış və ona Öz ruhundan üfürmüş, sizə qulaqlar, gözlər və ürək vermişdir. Siz necə də az şükür edirsiniz
Verse 10 — Surah As-Sajdah 32:10
Onlar deyirlər: “Biz torpağın içində yox olandan sonra yenidənmi yaradılacağıq?” Doğrusu, onlar öz Rəbbi ilə qarşılaşacaqlarını inkar edirlər
Verse 11 — Surah As-Sajdah 32:11
De: “Sizə müvəkkil olan ölüm mələyi canınızı alacaq, sonra da Rəbbinizə qaytarılacaqsınız!”
Verse 12 — Surah As-Sajdah 32:12
Kaş ki, günahkarları öz Rəbbi qarşısında başlarını aşağı dikərək: “Ey Rəbbimiz! Biz gördük və eşitdik. Bizi geri qaytar ki, yaxşı işlər görək. Həqiqətən də, biz qətiyyətlə inandıq!”– deyəndə görəydin
Verse 13 — Surah As-Sajdah 32:13
Əgər Biz istəsəydik, hər kəsi doğru yola yönəldərdik. Lakin Mənim: “Cəhənnəmi mütləq bütün günahkar cin və insanlarla dolduracağam!” Sözüm yerinə yetəcək
Verse 14 — Surah As-Sajdah 32:14
Bu gününüzlə qarşılaşacağınızı unutduğunuza görə dadın əzabı! Doğrusu, Biz də sizi unutduq. Etdiyiniz əməllərə görə dadın əbədi əzabı
Verse 15 — Surah As-Sajdah 32:15
Ayələrimizə ancaq o kəslər iman gətirirlər ki, ayələrimiz onlara xatırlanarkən təkəbbür göstərmədən səcdəyə qapanır, Rəbbinə həmd-səna ilə təriflər deyirlər
Verse 16 — Surah As-Sajdah 32:16
Onlar gecə namazını qılmaq üçün böyürlərini yataqdan qaldırır, qorxu və ümid içində öz Rəbbinə yalvarır və onlara verdiyimiz ruzilərdən Allah yolunda xərcləyirlər
Verse 17 — Surah As-Sajdah 32:17
Etdikləri əməllərin mükafatı kimi onlar üçün gözlərinə sevinc gətirəcək nələr saxlandığını heç kəs bilmir
Verse 18 — Surah As-Sajdah 32:18
Məgər möminlə fasiq eynidirmi? Onlar eyni ola bilməzlər
Verse 19 — Surah As-Sajdah 32:19
İman gətirib əməlisaleh olanları etdikləri əməllərə görə Məva cənnətlərində əbədi ziyafət gözləyir
Verse 20 — Surah As-Sajdah 32:20
Fasiqlərə gəldikdə isə, onların gedəcəkləri yer Oddur. Hər dəfə onlar oradan çıxmaq istədikdə yenidən ora qaytarılacaq və onlara: “Yalan saydığınız odun əzabını dadın!”– deyiləcəkdir
Verse 21 — Surah As-Sajdah 32:21
Ən böyük əzabdan əvvəl Biz onlara mütləq kiçik əzabdan – dünya əzabından daddıracağıq ki, bəlkə doğru yola qayıtsınlar
Verse 22 — Surah As-Sajdah 32:22
Rəbbinin ayələri yadına salındıqdan sonra onlardan üz döndərən kəsdən daha zalım kim ola bilər? Şübhəsiz ki, Biz günahkarlardan intiqam alacağıq
Verse 23 — Surah As-Sajdah 32:23
Biz Musaya Kitab vermişdik. Sən onunla görüşəcəyinə şübhə etmə. Biz onu İsrail oğullarına doğru yol göstərən rəhbər etmişdik
Verse 24 — Surah As-Sajdah 32:24
Səbir etdiklərinə və ayələrimizə yəqinliklə inandıqlarına görə Biz əmrimizlə onlardan doğru yolu göstərən rəhbərlər təyin etmişdik
Verse 25 — Surah As-Sajdah 32:25
Həqiqətən, sənin Rəbbin ixtilafda olduqları məsələlər barəsində Qiyamət günü onların arasında hökm verəcəkdir
Verse 26 — Surah As-Sajdah 32:26
Yurdlarında gəzib-dolaşdıqları əvvəlki neçə-neçə nəsli məhv etməyimiz onları doğru yola gətirmədimi? Həqiqətən, bunda ibrətlər var. Məgər onlar qulaq asmırlar
Verse 27 — Surah As-Sajdah 32:27
Məgər onlar quru yerə su axıdıb onunla həm heyvanlarının, həm də özlərinin yedikləri nemətlər yetişdirdiyimizi görmürlər? Hələ də bunu görmürlər
Verse 28 — Surah As-Sajdah 32:28
Onlar: “Əgər doğru danışanlardansınızsa, deyin görək bu hökm nə vaxt olacaq?”– deyirlər
Verse 29 — Surah As-Sajdah 32:29
De: “Hökm günü kafirlərə imanları fayda verməyəcək və onlara möhlət də verilməyəcəkdir”
Verse 30 — Surah As-Sajdah 32:30
Artıq onlardan üz çevir və gözlə. Doğrusu, onlar da gözləyirlər