Back to Languages
Bambara - Chapter 50 - Qaf
Translation by Deen Muhammad — Permalink
Verse 1 — Surah Qaf 50:1
ߞ߫ ߸ ߊ߬ ߒ ߠߌ߫ ߞߎ߬ߙߊ߬ߣߊ߫ ߡߌ߬ߙߌ߲߬ߡߊ ߕߍ߫
Verse 2 — Surah Qaf 50:2
ߍ߲߬ߍ߲߫ ߸ ߊ߬ߟߎ߬ ߓߘߊ߫ ߞߓߊߞߏߦߊ߫ ߟߋ߫ ߓߊ߬ ߞߏ߫ ߖߊ߬ߛߙߋ߬ߡߊ߬ߟߌ߬ߟߊ ߓߘߊ߫ ߣߵߊ߬ߟߎ߫ ߡߵߊ߬ߟߎ߫ ߖߍ߬ߘߍ ߘߐ߫، ߓߊ߲߬ߓߊ߮ ߟߎ߬ ߞߊ߲߫ ߏ߬ ߟߋ ߘߐ߫ ߞߏ߫ ߣߌ߲߬ ߦߋ߫ ߞߏ߫ ߡߊߞߓߊߣߍ߲ ߖߍ߬ߘߍ ߟߋ߬ ߘߌ߫
Verse 3 — Surah Qaf 50:3
ߊ߬ ߝߐ߫ ߣߴߊ߲ ߛߊ߬ ߘߊ߫ ߞߵߊ߲ ߞߍ߫ ߓߎ߰ߘߌ ߘߌ߫ ߸ ߏ߬ ߞߐߛߊߦߌ߲ ߞߊ߫ ߖߊ߲߬ (ߕߎ߬ߢߊ߬ ߟߊ߫) ߞߟߋ߫
Verse 4 — Surah Qaf 50:4
ߒ߬ ߞߵߊ߬ ߟߐ߲߫ ߝߛߊߦߌ߫ ߘߎ߱ ߦߋ߫ ߡߍ߲ ߘߊߥߎ߲߫ ߠߴߊ߬ߟߎ߬ ߘߐ߫، ߟߊ߬ߕߊ߲߬ߞߊ߬ߟߌ߬ ߟߍߙߊ ߟߋ߫ ߒ߬ ߕߍ߰ߟߊ ߘߐ߫ (ߏ߬ ߞߊߡߊ߬)
Verse 5 — Surah Qaf 50:5
ߍ߲߬ߍ߲߫ ߸ ߕߎ߬ߢߊ ߣߊ߬ߣߴߊ߬ߟߎ߫ ߡߊ߬ ߡߍ߲ߞߍ߭ ߊ߬ߟߎ߫ ߣߵߏ߬ ߟߋ ߡߊߛߐ߬ߛߐ߬ ߟߊ߫، ߊ߬ߟߎ߬ ߦߋ߫ ߞߏ߫ ߢߊ߯ߡߌ߲ߣߍ߲߫ ߠߋ߬ ߘߐ߫ ߏ߬ ߘߐ߫ ߘߋ߬
Verse 6 — Surah Qaf 50:6
ߊ߬ߟߎ߬ ߕߍ߫ ߛߊ߲ ߡߊߝߟߍ߫ ߟߴߊ߬ߟߎ߫ ߞߎ߲߬ߘߐ߫ ߓߊ߬߸ ߊ߲ ߞߵߏ ߟߐ߬ ߢߊ ߡߍ߲ ߞߵߊ߬ ߡߊߛߌ߬ߘߌ߬ ߸ ߥߏ߬ߘߊ߫ ߟߎ߫ ߖߘߍ߬ ߕߴߊ߬ ߟߊ߫
Verse 7 — Surah Qaf 50:7
ߊ߬ ߣߴߊ߲ ߞߊ߬ ߘߎ߱ ߘߐߝߎߟߋ߲߫ ߞߊ߬ ߕߌ߲ߘߌ ߟߎ߫ ߝߏ߬ߦߌߝߏ߬ߦߌ߬ ߊ߬ ߢߊߝߍ߬ ߞߊ߬ ߝߌ߬ߟߊ߬ߓߊ߫ ߗߋ߲߱ ߓߍ߯ ߘߏ߫ ߟߊߝߍߘߍ߲߫ ߊ߬ ߞߊ߲߬
Verse 8 — Surah Qaf 50:8
ߞߵߏ߬ ߞߍ߫ ߢߟߊߞߊߞߏ ߣߌ߫ ߕߊ߰ߛߌ߬ߟߌ ߘߌ߫ ߖߘߍ߬ߟߛߊ߬ߦߌ߲߬ ߖߐ߲ ߘߊ߬ߡߊ ߦߋ߫
Verse 9 — Surah Qaf 50:9
ߊ߬ ߣߴߊ߲ ߞߊ߬ ߖߌ߫ ߓߙߊߞߡߊ ߟߊߖߌ߰ ߞߊ߬ ߓߐ߫ ߡߐ߲ߕߐ߲ ߘߐ߫ ߸ ߞߊ߬ ߣߊߞߐ ߟߎ߬ ߟߊߝߍߘߍ߲߫ ߏ߬ ߟߊ߫ ߏ߬ ߘߐ߫ ߸ ߊ߬ ߣߌ߫ ߢߊ߯ߡߊ߫ ߞߊ߬ߕߊ ߟߎ߬
Verse 10 — Surah Qaf 50:10
ߊ߬ ߣߌ߫ ߕߡߊߙߏߛߎ߲߫ ߖߊ߲ߓߊ ߟߎ߬ ߸ ߝߎ߲ߘߌ߫ ߕߛߐ߬ߞߘߐ߬ߡߊ߬ߣߍ߲ ߠߎ߬ ߦߴߏ߬ ߟߎ߬ ߟߊ߫
Verse 11 — Surah Qaf 50:11
ߘߊߦߟߌߡߍ ߘߌ߫ ߖߐ߲߭ ߠߎ߬ ߦߋ߫، ߊ߬ ߣߴߊ߲ ߞߊ߬ ߘߎ߰ ߛߊ߬ߣߍ߲ ߟߊߣߌߡߦߊ߫ ߏ߬ ߟߊ߫، ߒ߬ߓߊ߬ ߓߐߟߌ ߞߍߕߐ߫ ߏ߬ ߢߊ ߟߋ߬
Verse 12 — Surah Qaf 50:12
ߣߎ߯ߤߎ߲߫ ߡߌ߬ߙߌ߲߬ߘߌ ߞߊ߬ ߡߊ߬ߛߐ߬ߛߐ߬ߟߌ ߞߍ߫ ߊ߬ߟߎ߬ ߢߍ߫ ߞߘߐ߬ߡߊ߲߫، ߊ߬ ߣߌ߫ ߞߐ߬ߟߐ߲ ߘߏ߲߬ߞߏ ߟߎ߬ ߣߌ߫ ߛߊ߬ߡߎߘߊ ߟߎ߬
Verse 13 — Surah Qaf 50:13
ߊ߬ ߣߌ߫ ߊ߯ߘߌ ߟߎ߬ ߣߌ߫ ߝߋߙߊߥߎ߲߫ ߣߌ߫ ߟߎ߯ߕߎ߫ ߓߊߘߋ߲ ߠߎ߬
Verse 14 — Surah Qaf 50:14
ߊ߬ ߣߌ߫ ߛߓߋ߬ߕߎ߫ ߘߏ߲߬ߞߏ ߟߎ߬ ߣߌ߫ ߕߎߓߊߌ߫ ߡߌ߬ߙߌ߲߬ߘߌ، ߏ߬ ߟߎ߬ ߓߍ߯ ߞߊ߬ ߞߋߟߊ ߟߎ߬ ߡߊߛߐ߬ߛߐ߫ ߟߋ߬، ߒ ߠߊ߫ ߞߐ߲߬ߞߐ߲߬ߒ߬ߡߊ ߜߋ߲ߜߋ߲ߧߊ߫ ߘߊ߫ ( ߊ߬ߟߎ߫ ߡߊ߬) ߏ߬ ߟߋ ߘߐ߫
Verse 15 — Surah Qaf 50:15
ߊ߬ ߝߐ߫ ߒ߬ ߛߍ߰ ߘߊ߫ ߟߋ߬ ߘߊ߲ߠߌ߲߫ ߝߟߐ ߘߐ߫ ߓߊ߬؟ ߍ߲߬ߍ߲߫ ߸ ߊ߬ߟߎ߬ ߦߋ߫ ߢߊ߯ߡߌ߲ ߠߋ߬ ߘߐ߫ ߘߊ߲ߠߌ߲߫ ߞߎߘߊߞߏ ߘߐ߫
Verse 16 — Surah Qaf 50:16
ߒ߬ߠߎ߫ ߟߋ߫ ߞߊ߬ ߡߐ߱ ߘߊ߲߫߸ ߒ߬ ߞߵߊ߬ ߟߐ߲߫ ߊ߬ ߣߌ ߦߋ߫ ߘߐߗߍ߫ ߟߊ߫ ߡߍ߲ ߠߊ߫، ߒ߬ߠߎ߫ ߟߋ߫ ߘߏ߲߬ ߛߎ߬ߘߎ߲߬ߡߴߊ߬ ߟߊ߫ ߞߊ߲ ߣߊ߬ߝߏ߬ߟߏ߲߬ߓߊ ߥߙߏ߬ߝߋ ߘߌ߫
Verse 17 — Surah Qaf 50:17
ߞߊ߬ߦߌ߯ ߟߊ߬ߡߌ߬ߘߊ߬ߟߌ߬ߟߊ߫ ߝߌ߬ߟߊ ߦߋ߫ ߟߊ߬ߡߌ߬ߘߊ߬ߟߌ ߞߊ߲߬ ߕߎ߬ߡߊ ߡߍ߲ ߸ ߊ߬ߟߎ߫ ߛߌ߰ߣߍ߲߫ ߞߌߣߌ߲ ߝߍ߬ ߸ ߊ߬ ߣߌ߫ ߣߎߡߊ߲ ߝߍ߬
Verse 18 — Surah Qaf 50:18
ߊ߬ ߕߍ߫ ߞߎߡߊ߫ ߛߌ߫ ߝߐ߫ ߝߏ߫ ߛߓߍߓߊ߯ ߘߐߓߍ߲߬ߣߍ߲߫ ߦߋ߫ ߞߍ߫ ߏ߬ ߞߊߡߊ߬
Verse 19 — Surah Qaf 50:19
ߛߊ߬ߦߊ ߞߊ߬ߟߏ ߘߌ߫ ߣߊ߬ ߕߎ߬ߢߊ ߟߊ߫߸ ߌ ߕߘߍ߬ ߏ߬ ߡߍ߲ ߞߘߐߞߊ߬ ߟߊ߫
Verse 20 — Surah Qaf 50:20
ߓߘߎ ߓߊ߯ ߣߊ߬ ߝߍ߫ ߸ ߏ߬ ߟߋ ߞߐ߲߬ߞߐ߲߬ߒߡߊ ߟߏ߲ ߘߌ߫ ߛߊ߫
Verse 21 — Surah Qaf 50:21
ߣߌߡߊ ߓߍ߯ ߘߌ߫ ߣߊ߬ ߏ߬ ߘߐ߫ ߸ ߜߍ߲߬ߜߍ߲߬ߓߊ߯ ߣߌ߫ ߛߙߋ߫ ߞߋߟߋ߲ߞߋߟߋ߲߫ ߦߴߊ߬ ߓߍ߯ ߟߊ߫
Verse 22 — Surah Qaf 50:22
ߌ ߕߘߍ߬ ߣߌ߲߬ ߞߏ ߖߊ߲߬ߓߐ ߟߋ߬ ߘߐ߫ ߘߋ߬، ߊ߲ ߣߵߌ ߞߎ߲߬ߠߊ߬ߓߘߌ߬ߟߊ߲ ߓߐ߫ ߟߴߌ ߞߎ߲߬ߠߊ߫ ߏ߬ ߟߋ ߘߐ߫ ߸ ߌ ߦߋߟߌߢߊ ߘߌߡߊ߲ߓߊ ߟߴߏ߬ ߘߐ߫ ߓߌ߬ ߘߋ߬
Verse 23 — Surah Qaf 50:23
ߊ߬ ߞߙߎߝߊߢߐ߲߮ ߘߴߊ߬ ߝߐ߫ ߸ ߞߏ߫ ߣߌ߲߬ ߠߋ߬ ߘߐߓߍ߲߬ߣߍ߲߬ ߒߠߋ ߓߟߏ߫ ( ߊ߬ ߗߋߥߊߟߌ ߘߐ߫)
Verse 24 — Surah Qaf 50:24
ߊ߬ ߘߌ߫ ߝߐ߫ ߞߏ߫ ߊߟߎ߫ ߝߌ߬ߟߊ ߦߋ߫ ߓߊ߲߬ߓߊ߰ ߞߊ߲ߘߐߜߍߟߍ߲ ߘߊ߬ߡߊ ߟߊߝߟߌ߬ ߔߊߦߌߔߊߦߌ ߘߐ߫
Verse 25 — Surah Qaf 50:25
ߤߙߊ ߞߎ߬ߡߊ߲߬ߘߌ߬ߓߊ߯ ߖߊ߲߬ߘߊ߬ߣߍ߲߫ ߞߎߛߎ߲ߓߊ߮ ߘߊ߬ߡߊ ߞߊ߬ߣߌ߲߫
Verse 26 — Surah Qaf 50:26
ߏ߬ ߡߍ߲ ߞߊ߬ ߡߊ߰ߙߌ߬ ߜߘߍ߫ ߞߍ߫ ߊߟߊ߫ ߝߍ߬، ߊߟߎ߫ ߝߌ߬ߟߊ ߊ߬ ߝߎ߬ߝߎ߫ ߖߊ߲߰ߞߕߊ߬ ߜߍߟߍ߲ ߘߐ߫
Verse 27 — Surah Qaf 50:27
ߊ߬ ߞߙߎߝߊߢߐ߲߮ ߘߴߊ߬ ߝߐ߫ ߞߏ߫ ߊ߲ ߡߊ߰ߙߌ ߸ ߒߠߋ ߡߴߊ߬ ߟߐ߬ ߘߊ߲߬ߠߊ߬ߕߊߡߌ߲߫ ߠߊ߫ ߘߋ߬ ߸ ߞߏ߬ߣߵߊ߬ ߕߘߍ߬ ߝߟߌ߬ ߔߘߋߞߟߋ ߟߋ߬ ߘߐ߫
Verse 28 — Surah Qaf 50:28
ߊߟߊ߫› ߘߴߊ߬ ߝߐ߫ ߞߏ߫ ߊߟߎ߫ ߞߊߣߊ߬ ߘߊߘߛߐߛߐ߫ ߞߍ߫ ߒ ߕߍ߬ߟߊ ߘߐ߫ ߸ ߓߊ ߒ ߞߊ߬ ߞߐ߲߬ߞߐ߲߬ߒߡߊ ߟߊߞߐ߲߰ ߊߟߎ߫ ߦߋ߫
Verse 29 — Surah Qaf 50:29
ߞߎߡߊ߫ ߕߍ߫ ߡߊߝߊ߬ߟߋ߲߬ ߠߊ߫ ߒ ߓߘߊ ߘߐ߫ ߸ ߒ ߘߏ߲߬ ߕߍ߫ ߖߐ߲߭ ߠߎ߫ ߕߐ߬ߢߍ߰ߓߊ߯ ߘߌ߫
Verse 30 — Surah Qaf 50:30
ߊ߲ ߞߍߕߐ߫ ߊ߬ ߝߐ߫ ߟߊ߫ ߔߊߦߌߔߊߦߌ ߦߋ߫ ߟߏ߲ ߡߍ߲ ߒ ߞߏ߫ ߌ ߓߘߊ߫ ߝߊ߫ ߓߊ߬߸ ߊ߬ ߘߴߊ߬ ߝߐ߫ ߞߏ߫ ߦߊ߯ߟߊ߫ ߡߞߊ߬ߝߏ߬ ߝߋ߲߫ ߓߴߦߋ߲߬ ߓߊ߬؟
Verse 31 — Surah Qaf 50:31
ߡߍ߲ߘߌߦߊ߫ (ߣߊߞߐ) ߘߌ߫ ߡߊߛߎ߬ߘߎ߲߬ߧߊ߫ ߝߊ߲ߕߊ߲ߞߟߊ ߟߎ߬ ߟߊ߫ ߣߌ߫ ߝߏ߬ߣߊ߲߬ ߖߊ߲߫ ߕߍ߫
Verse 32 — Surah Qaf 50:32
ߞߏ߫ ߝߋ߲߫ ߠߋ߬ ߦߋ߫ ߣߌ߲߬ ߊߟߎ߯ ߦߟߌߡߊߘߌߦߊ߫ ߟߊ߫ ߡߍ߲ ߠߊ߫ ( ߞߏ߫ ߊ߬ ߦߋ߫ ) ߖߘߍ߬ߟߛߊ߬ߦߌ߬ߟߊ߫ ߟߊ߬ߕߊ߲߬ߞߊ߬ߟߌ߬ߟߊ ߘߊ߬ߡߊ ߦߋ߫
Verse 33 — Surah Qaf 50:33
ߡߍ߲ ߛߌߟߊ߲߫ ߘߊ߫ ߡߊ߬ߤߌ߬ߣߊ߬ߟߊ ߢߍ߫ ߘߏ߲߰ ߘߐ߫ ߞߊ߬ ߣߊ߬ ߛߣߐ߬ߡߍ߫ ߖߘߍ߬ߟߛߊ߬ߦߌ߬ߟߊ ߘߌ߫
Verse 34 — Surah Qaf 50:34
ߊߟߎ߫ ߦߋ߫ ߘߏ߲߬ ߊ߬ ߞߣߐ߫ ߖߐ ߘߌ߫ ߞߍ߬، ߒ߬ߓߊ߬ ߏ߬ ߟߋ ߞߎߘߊߌ ߟߏ߲ ߘߌ߫
Verse 35 — Surah Qaf 50:35
ߊ߬ߟߎ߫ ߛߊ߬ߥߏ ߟߴߊ߬ߟߎ߬ ߦߋ߫ ߦߋ߲߬، ߡߞߊ߬ߝߏ߬ߟߌ߬ ߝߋ߲ ߝߣߊ߫ ߦߋ߫ ߒ߬ ߓߟߏ߫
Verse 36 — Surah Qaf 50:36
ߊ߲ ߓߘߊ߫ ߓߐ߲ߛߐ߲ߘߊ߫ ߖߋ߬ߟߌߖߋ߬ߟߌ߬ ߛߌߟߊߛߵߊ߬ߟߎ߬ ߢߍ߫ ߞߘߐ߬ߡߊ߲߫߸ ߏ߬ ߟߎ߯ ߜߍ߬ߟߍ߲߬ ߊ߬ߟߎ߬ ߘߌ߫ ߡߌ߬ߘߊ߬ߟߌ ߘߐ߫، ߏ߬ ߟߎ߫ ߞߊ߬ ߘߎ߱ ߓߍ߬ߙߍ߲߬ߓߍߙߍ߲߫ ߣߌ߫ ߓߏ߬ߙߌ߬ ߦߌߟߊ߫ ߓߍ߫
Verse 37 — Surah Qaf 50:37
ߕߊ߰ߛߌ߬ߟߌ߫ ߟߴߏ߬ ߘߐ߫ ߛߣߐ߬ߡߍ߬ ߕߌ߮ ߦߋ߫ ߘߋ߬، ߥߟߴߊ߬ ߞߊ߬ ߕߟߏߘߋ߲߫ ߓߍ߲߬ߢߐ߲߰ߦߊ߫ ߞߵߊ߬ ߕߘߍ߬ ߊ߬ ߦߴߊ߬ ߢߣߊ߫
Verse 38 — Surah Qaf 50:38
ߒ߬ߠߎ߫ ߟߋ߫ ߞߊ߬ ߛߊ߲ ߠߎ߬ ߣߌ߫ ߘߎ߱ ߘߊ߲߫ ߸ ߊ߬ ߣߌ߫ ߡߍ߲ ߦߴߊ߬ߟߎ߫ ߝߌ߬ߟߊ ߕߍ߫ ߕߟߋ߬ ߥߐ߯ߙߐ߫ ߞߘߐ߫ ߸ ߛߍ߰ ߛߌ߫ ߡߊ߫ ߡߊ߰ ߒ߬ ߠߊ߫
Verse 39 — Surah Qaf 50:39
ߒ߬ߓߵߊ߬ߟߎ߬ ߦߋ߫ ߡߍ߲ ߝߐ߫ ߟߊ߫ ߌߟߋ ߦߴߌ ߡߎ߬ߢߎ߲߫ ߏ߬ ߡߊ߬߸ ߞߴߌ ߡߊ߰ߙߌ ߟߊߜߍ߫ ߊ߬ ߕߊ߲߬ߘߏ ߟߊ߫߸ ߕߋ߬ߟߋ ߖߌ߲ߞߌ߲ ߢߍ߫ ߸ ߊ߬ ߣߌ߫ ߕߋ߬ߟߋ ߓߋ߭ ߢߍ߫
Verse 40 — Surah Qaf 50:40
ߊ߬ ߣߌ߫ ߛߎ ߘߐ߫ ߌ ߦߴߊ߬ ߛߊߣߌ߲ߧߊ ߝߐ߫ ߸ ߊ߬ ߣߌ߫ ߕߌ߲ߓߌߘߌ߲߫ ߞߐ ߟߎ߬ ߘߐ߫
Verse 41 — Surah Qaf 50:41
ߊ߬ ߣߴߌ ߦߴߌ ߕߟߏߡߊߟߐ߬ ߸ ߞߟߌߟߌߟߊ ߦߴߊ߬ ߞߊ߲ߠߊߓߐ߫ ߟߊ߫ ߟߏ߲ ߡߍ߲ ߞߊ߬ ߓߐ߫ ߦߌߟߊ߫ ߛߎߘߎ߲ ߘߏ߫ ߘߐ߫
Verse 42 — Surah Qaf 50:42
ߊ߬ߟߎ߬ ߦߋ߫ ߛߊ߬ߝߍ߬ ߞߊ߲ ߡߍ߲߫ ߠߴߏ߬ ߟߏ߲ ߠߋ߬ ߕߎ߬ߢߊ ߟߊ߫، ߏ߬ ߟߋ ߓߐߟߌ ߟߏ߲ ߘߌ߫ ߛߊ߫
Verse 43 — Surah Qaf 50:43
ߊ߲ߠߎ߫ ߘߏ߲߬ ߸ ߒ߬ߠߎ߫ ߟߋ߫ ߟߊ߬ߣߌ߬ߡߦߊ߬ߟߌ ߞߍ߫ ߟߊ߫ ߸ ߞߊ߬ ߟߊ߬ߣߌ߬ߒ߬ߕߊ߲߬ߧߊ߬ߟߌ ߞߍ߫، ߟߊ߬ߓߊ߲ ߘߏ߲߬ ߞߍߕߐ߫ ߒ߬ߠߎ߫ ߟߋ߫ ߡߊ߬
Verse 44 — Surah Qaf 50:44
ߘߎ߱ ߛߍ߲ߞߍߕߐ߫ ߊ߬ߟߎ߫ ߡߊ߬ ߟߏ߲ ߡߍ߲ ߞߊߟߌߦߊ߫ ߘߐ߫، ߏ߬ ߦߋ߫ ߟߊ߬ߘߍ߫ ߣߐ߲߰ߡߊ߲߬ߓߊ߫ ߟߋ߬ ߘߌ߫ ߒ߬ߠߎ߫ ߡߊ߬
Verse 45 — Surah Qaf 50:45
ߒ߬ߠߎ߫ ߞߵߊ߬ ߟߐ߲߫ ߊ߬ߟߎ߬ ߦߋ߫ ߡߍ߲ ߝߐ߫ ߟߊ߫߸ ߒ߬ߞߊ߬ ߌߟߋ ߕߍ߫ ߊ߬ߟߎ߬ ߞߊߡߊ߬ ߘߋ߲߬ߘߋ߬ߙߎ߫ ߘߌ߫، ߡߐ߰ ߖߊ߲߬ߓߌ߬ߟߊ߬ ߘߐ߬ߛߊߙߌ ߟߊ߫ ߏ߬ ߘߐ߫ ߡߍ߲ ߦߋ߫ ߛߌߟߊ߲߫ ߠߊ߫ ߒ߬ ߠߊ߫ ߞߐ߲߬ߞߐ߲߬ߒߡߊ ߢߍ߫