Back to Languages
Bambara - Chapter 29 - Al-Ankabut
Translation by Fodi Suliman Kanti — Permalink
Verse 1 — Surah Al-Ankabut 29:1
ߊ. ߟ. ߡ. ( ߊߟߌ߯ߝ. ߟߊ߯ߡ. ߡߌ߯ߡ)
Verse 2 — Surah Al-Ankabut 29:2
ߊ߰ ߡߐ߱ ߟߎ߬ ߢߣߊ߫ ߟߋ߫ ߓߊ߬ ߸ ߞߏ߫ ߞߵߊ߬ߟߎ߬ ߕߏ߫ ߕߋ߲߬ ߊ߬ߟߎ߬ ߦߴߊ߬ ߝߐ߫ ߜߊ߲ߛߊ߲߫ ߞߏ߫ ߊ߲ ߓߘߊ߫ ߘߍ߲߬ߞߣߍ߬ߦߊ߫ ߸ ߞߵߊ߬ ߕߘߍ߬ ߊ߬ߟߎ߬ ߕߍ߫ ߞߘߐߓߐ߫ ߟߊ߫؟
Verse 3 — Surah Al-Ankabut 29:3
ߊ߲ ߘߏ߲߬ ߞߵߊ߬ߟߎ߬ ߢߍߓߊ߮ ߟߎ߬ ߞߘߐߓߐ߫ ߟߋ߫ ߘߋ߬ ، ߏ߬ ߘߐ߫ ߊߟߊ߫ ߘߌߣߊ߬ ߕߎ߬ߢߊ߬ ߝߐ߬ߟߊ ߟߎ߬ ߟߐ߲߫ ߸ ߊ߬ ߘߌ߫ ߥߎߦߊ߫ ߝߐߟߊ ߟߎ߬ ߝߣߊ߫ ߟߐ߲߫
Verse 4 — Surah Al-Ankabut 29:4
ߥߟߴߊ߬ ߦߋ߫ ߖߎ߯ߡߊ߲߫ ߞߍߟߊ ߟߎ߬ ߢߣߊ߫ ߟߋ߬ ߞߏ߫ ߊ߬ߟߎ߬ ߘߌ߫ ߒ߬ߠߎ߫ ߘߊ߲߬؟ ߊ߬ߟߎ߬ ߞߕߌ߫ ߟߊ߫ ߢߊ ߘߏ߲߬ ߖߎ߯ߡߊ߲߫ ߥߍ߫߹
Verse 5 — Surah Al-Ankabut 29:5
ߡߍ߲ ߦߟߌ߫ ߓߊ߯ ߞߍ߫ ߊߟߊ߫ ߓߍ߲߬ߢߐ߲߰ߦߊ ߟߊ߫ ߸ ߊߟߊ߫ ߟߊ߫ ߛߕߊ ߣߊ߬ߕߐ߫ ߟߋ߫ ߘߋ߬ ، ߊ߬ߟߋ ߟߋ߫ ߘߏ߲߬ ߦߋ߫ ߡߍ߲ߠߌ߲ߠߊ߫ ߟߐ߲ߠߌ߲ߠߊ ߘߌ߫
Verse 6 — Surah Al-Ankabut 29:6
ߡߍ߲ ߓߊ߯ ߖߘߍ߬ߘߌ ߞߍ߫ ߸ ߏ߰ ߖߘߍ߬ߘߌ ߞߍ߫ ߟߴߊ߬ ߖߍ߬ߘߍ ߟߋ߬ ߦߋ߫ ، ߊߟߊ߫ ߞߏ߬ߣߌ߲߬ ߞߊ߯ߙߌߣߍ߲߫ ߠߋ߬ ߖߊ߯ߓߊ ߟߎ߫ ߡߊ߬
Verse 7 — Surah Al-Ankabut 29:7
ߡߍ߲ ߠߎ߫ ߘߏ߲߬ ߘߍ߲߬ߞߣߍ߬ߦߊ߬ߣߍ߲߫ ߞߊ߬ ߢߌ߬ߡߊ ߟߎ߬ ߞߍ߫ ߸ ߊ߲ ߘߌߣߵߏ߬ ߟߎ߬ ߟߊ߫ ߖߎ߯ߡߊ߲ ߠߎ߫ ߥߊ߬ߣߊߙߌ߫ ߊ߬ߟߎ߬ ߦߋ߫ ߟߋ߬ ߘߍ߯ ، ߊ߬ ߣߴߊ߲ ߘߴߊ߬ߟߎ߫ ߛߊ߬ߙߴߊ߬ߟߎ߬ ߗߋߥߊߟߌ ( ߘߐ߫ ) ߢߌ߬ߡߊ ( ߟߎ߬ ) ߟߊ߫
Verse 8 — Surah Al-Ankabut 29:8
ߊ߲ ߞߊ߬ ߡߐ߱ ߡߊߛߊ߬ߙߊ߫ ߢߌ߬ߡߊ߫ ߟߋ߬ ߟߴߊ߬ ߡߏߦߌߓߊ߯ ߝߌ߬ߟߊ ߦߋ߫ ، ߣߴߊ߬ߟߎ߫ ߞߏ߬ߣߌ߲ ߞߵߊ߬ߟߎ߬ ߞߊߘߊ߲߫ ߌ ߞߊ߲߬ ߸ ߛߴߌ ߘߌ߫ ߝߋ߲߫ ߝߙߊ߬ ߒߠߋ ߞߊ߲߬ ߡߍ߲ ߟߐ߲ߠߌ߲߫ ߕߴߌ ߟߊ߫ ߸ ߌ ߞߊߣߵߊ߬ߟߎ߫ ߝߌ߬ߟߊ ߞߊ߲ ߡߌ߬ߘߴߏ߬ ߘߐ߫ ߘߋ߬ ، ߓߊߏ߬ ߊߟߎ߫ ߛߊ߬ߦߌ߬ߕߐ߫ ߒߠߋ ߟߋ߫ ߡߊ߬ ߸ ߒ ߘߏ߲߬ ߘߌ߫ ߖߐ߲ ߠߊߓߐ߫ ߊߟߎ߫ ߡߊ߬ ߸ ߊߟߎ߫ ߕߊ߫ ߞߍߕߊ ߟߎ߬ ( ߓߍ߯ ) ߘߐ߫
Verse 9 — Surah Al-Ankabut 29:9
ߡߍ߲ ߠߎ߫ ߘߍ߲߬ߞߣߍ߬ߦߊ߬ߣߍ߲߫ ߞߊ߬ ߢߌ߬ߡߊ ߟߎ߬ ߞߍ߫ ߸ ߊ߲ ߘߌߣߵߏ߬ ߟߎ߬ ߟߊߘߏ߲߬ ߖߐ߲߬ ߢߌߡߊ ߟߎ߬ ߘߐ߫ ߟߋ߬ ߕߘߋ߫
Verse 10 — Surah Al-Ankabut 29:10
ߘߏ߫ ߦߋ߫ ߡߐ߱ ߟߎ߬ ߘߐ߫ ߸ ߏ߬ ߟߴߊ߬ ߝߐ߫ ߟߊ߫ ߞߏ߫ ߊ߲ ߘߍ߲߬ߞߣߍ߬ߦߊ߬ߣߍ߲߫ ߊߟߊ߫ ߡߊ߬ ، ߓߊ߬ߙߌ߬ ߣߴߏ߬ ߕߙߐ߫ ߘߴߊߟߊ߫ ( ߞߏ ) ߘߐ߫ ߸ ߊ߬ ߘߌ߫ ߡߐ߱ ߟߎ߬ ߟߊ߫ ߥߊ߬ߥߎߟߋ ߞߍ߫ ߦߏ߫ ߊߟߊ߫ ߟߊ߫ ߖߊ߲߰ߞߕߊ ߟߴߏ߬ ߘߌ߫ ، ߣߌ߫ ߘߍ߲߬ߡߍ߲߬ߠߌ߲߫ ߘߏ߲߬ ߣߊ߬ ߘߊ߫ ߞߊ߬ ߝߊߘߴߌ ߡߊ߰ߙߌ ߟߊ߫ ߸ ߌ ߘߴߊ߬ߟߎ߬ ߞߊ߲ ߡߍ߲߫ ߞߏ߫ ߒ߬ߠߎ߬ ߦߴߊߟߎ ߟߋ߫ ߝߍ߬ ، ߦߊ߯ߟߴߊߟߊ߫ ߡߴߊ߬ ߟߐ߲߫ ߓߊ߬ ߡߍ߲ ߦߋ߫ ߖߊ߯ߓߊ ߟߎ߬ ߛߌߛߌ ߟߎ߬ ߘߐ߫؟
Verse 11 — Surah Al-Ankabut 29:11
ߊߟߊ߫ ߘߏ߲߬ ߘߌߣߊ߬ ߘߍ߲߬ߞߣߍ߬ߦߊ߬ߓߊ߮ ߟߎ߬ ߟߐ߲߫ ߠߋ߬ ߕߘߋ߫ ، ߊ߬ ߣߴߊ߬ ߘߌ߫ ߝߌ߬ߟߊ߲߬ߞߊߝߏ ߟߎ߬ ߝߣߊ߫ ߟߐ߲߫
Verse 12 — Surah Al-Ankabut 29:12
ߓߊ߲߬ߓߊ߮ ߟߎ߫ ߟߋ߬ ߞߊ߲߫ ߘߍ߲߬ߞߣߍ߬ߦߊ߬ߓߊ߮ ߟߎ߫ ߡߊ߬ ߸ ߞߏ߫ ߊߟߎ߫ ߕߎ߲߰ ߒ߬ߠߎ߬ ߟߊ߫ ߛߌߟߊ ߟߊ߫ ߸ ߊ߲ ߧߴߊߟߎ߫ ߝߎ߬ߕߎ߲߬ߕߌ ߟߎ߫ ߕߊ߬ ߸ ߞߵߊ߬ ߕߘߍ߬ ߊ߬ߟߎ߬ ߕߍߣߊ߬ ߝߏߦߌ߫ ߕߊ߬ ߟߴߊ߬ߟߎ߫ ߝߎ߬ߕߎ߲߬ߕߌ ߟߎ߬ ߘߐ߫ ، ߓߊ ߥߎߦߊ߫ ߝߐߟߊ ߟߎ߫ ߟߋ߬
Verse 13 — Surah Al-Ankabut 29:13
ߛߋߚߋ߫ ߊ߬ߟߎ߬ ߓߍߣߵߊ߬ߟߎ߫ ߘߏ߬ߣߌ߲ ߠߎ߫ ߕߊ߬ ، ߊ߬ ߣߌ߫ ( ߞߊ߬ ) ߘߏ߬ߣߌ߲߬ ߜߘߍ߫ ߟߎ߫ ( ߕߊ߬ ) ߊ߬ߟߎ߫ ߘߏ߬ߣߌ߲ ߠߎ߫ ߝߍ߬ ، ߊ߬ߟߎ߫ ߘߏ߲߬ ߘߌߣߊ߬ ߢߌ߬ߣߌ߲߬ߞߊ߫ ߟߐ߬ߓߊ ߟߏ߲ ߸ ߊ߬ߟߎ߬ ߟߊ߫ ߞߏ߫ ߞߎ߲߬ߘߐߕߍ߰ߣߍ߲ ߠߎ߫ ߡߊ߬ ߟߋ߬ ߖߐ߫
Verse 14 — Surah Al-Ankabut 29:14
ߖߊ߯ߕߋ߬ ߸ ߒ߬ߠߎ߫ ߟߋ߫ ߞߊ߬ ߣߎߤߎ߲߫ ߗߋ߫ ߊ߬ ߡߌ߬ߙߌ߲߬ߘߌ ߡߊ߬ ، ߊ߬ ߡߍ߲߫ ߘߴߊ߬ߟߎ߫ ߝߍ߬ ߛߊ߲߬ ߥߊ߯ ߞߋߟߋ߲߫ ߸ ߝߏ߫ ߛߊ߲߬ ߓߌߟߏ߯ߟߎ ( ߡߍ߲ ߦߴߊ߬ ߖߊ߲߬ ߠߊ߫. ) ߥߊߡߍ ߣߊ߬ ߘߴߏ߬ ߟߎ߬ ߕߍ߯ߕߊ߬ ، ߞߵߊ߬ߟߎ߬ ߕߏ߫ ߖߘߍ߬ ߕߐߢߍ߮ ߟߊ߫
Verse 15 — Surah Al-Ankabut 29:15
ߊ߲ ߘߏ߲߬ ߞߵߊ߬ ߟߊߞߛߌ߫ ߸ ߊ߬ߟߋ߬ ߣߌ߫ ߞߎߟߎ߲ ߘߏ߲߬ߞߏ ߟߎ߫ ߞߊ߬ߣߌ߲߫ ، ߊ߬ ߣߴߊ߲ ߞߊ߬ ‹ ߞߎߟߎ߲ › ߞߍ߫ ߕߊ߰ߛߌ߬ߟߌ߫ ߘߌ߫ ߖߊ߯ߓߊ ߟߎ߬ ߦߋ߫
Verse 16 — Surah Al-Ankabut 29:16
ߌߓߎ߬ߙߊ߬ߤߌߡߊ߫ ߝߣߊ߫ ( ߗߋ߫ ߘߊ߫ ) ߸ ߕߎ߬ߡߊ ߡߍ߲ ߊ߬ ߞߵߊ߬ ߝߐ߫ ߊ߬ ߡߌ߬ߙߌ߲߬ߘߌ ߦߋ߫ ߸ ߞߏ߫ ߊߟߎ߯ ߊߟߊ߫ ߓߊ߬ߕߏ߫ ߸ ߞߵߊߟߎ߫ ߝߊ߲ߕߊ߲߬ߞߴߊ߬ ߡߊ߬ ، ߏ߬ ߟߋ ߘߌߡߊ߲߫ ߊߟߎ߫ ߟߊ߫ ߸ ߣߴߊߟߎ߫ ߓߴߊ߬ ߟߐ߲߫ ߠߊ߫
Verse 17 — Surah Al-Ankabut 29:17
ߊߟߎ߫ ߦߋ߫ ߖߏ߭ ߟߎ߫ ߟߋ߫ ߓߊ߬ߕߏ߬ ߟߊ߫ ߞߵߊߟߊ߫ ߕߏ߫ ، ߊ߬ ߣߌ߫ ߞߊ߬ ߥߎߦߊ ( ߟߎ߫ ) ߞߎ߲߬ߘߐߕߍ߰ ، ߊߟߎ߫ ߘߏ߲߬ ߦߋ߫ ߡߍ߲ ߠߎ߫ ߓߊ߬ߕߏ߬ ߟߊ߫ ߞߵߊߟߊ߫ ߕߏ߫ ߸ ߏ߬ ߟߎ߬ ߕߍ߫ ߤߊ߬ߙߌ߬ߖߍ߰ ߛߌ߫ ߡߙߊ߬ ߟߴߊߟߎ߫ ߦߋ߫ ، ߒ߬ߓߵߊߟߎ߯ ߤߊ߬ߙߌ߬ߖߍ߮ ߢߌߣߌ߲߫ ߊߟߊ߫ ߓߘߊ ߟߋ߫ ߘߋ߬ ، ߊ߬ ߣߴߊߟߎ߫ ߦߴߊ߬ ߓߊ߬ߕߏ߫ ߞߵߊ߬ ߞߏߢߌߡߊߟߐ߲߫ ، ߓߊ ߊߟߎ߫ ߟߊߛߊ߬ߦߌ߲߬ߕߐ߫ ߊ߬ߟߋ ߟߋ߫ ߡߊ߬
Verse 18 — Surah Al-Ankabut 29:18
ߣߴߊߟߎ߫ ߞߊ߬ ߡߊ߬ߛߐ߬ߛߐ߬ߟߌ ߞߍ߫ ߸ ߡߊ߲߬ߕߏ߲߬ ߛߘߍߡߊ߲߫ ߓߘߊ߫ ߡߊ߬ߛߐ߬ߛߐ߬ߟߌ ߞߍ߫ ߊߟߎ߫ ߢߍ߫ ߞߘߐ߬ߡߊ߲߫ ، ߝߏߦߌ߫ ߘߏ߲߬ ߕߍ߫ ߞߋߟߊ ߡߊ߬ ߟߊ߬ߛߋ߬ߟߌ߫ ߘߐߞߣߍߣߍ߲ ߞߐ߫
Verse 19 — Surah Al-Ankabut 29:19
ߊ߬ߟߎ߬ ߕߍ߫ ߊ߬ ߦߋ߫ ߟߊ߫ ߓߊ߬ ߸ ߊߟߊ߫ ߦߋ߫ ߘߊ߲ߠߌ߲ ߠߊߝߟߐ߫ ߟߊ߫ ߢߊ ߡߍ߲ ߸ ߞߊ߬ ߓߊ߲߫ ߞߵߊ߬ ߡߊߛߊ߬ߦߌ߬ ߕߎ߲߯؟ ، ߏ߬ ߘߏ߲߬ ߣߐ߲߰ߡߊ߲߬ߓߊ ߟߋ߬ ߊߟߊ߫ ߡߊ߬
Verse 20 — Surah Al-Ankabut 29:20
ߊ߬ ߝߐ߫ ߞߏ߫ ߊߟߎ߫ ߦߴߊߟߎ߫ ߕߊ߯ߡߊ߫ ߘߎ߱ ߢߊߝߍ߬ ߸ ߊߟߎ߫ ߦߴߊ߬ ߝߟߍ߫ ߏ߬ ߘߐ߫ ߸ ߊߟߊ߫ ߞߊ߬ ߘߊ߲ߠߌ߲ ߖߎ߬ߕߍ߰ ߢߊ ߡߍ߲ ، ߏ߬ ߟߋ ߞߐ߫ ߸ ߊ߬ ߘߌߣߊ߬ ߘߊ߲ߠߌ߲߫ ߠߊߓߊ߲ ߞߍ߫ ، ߓߊߏ߬ ߊߟߊ߫ ߟߋ߬ ߛߋ߫ ߟߊ߫ ߞߏ ߓߍ߯ ߟߊ߫
Verse 21 — Surah Al-Ankabut 29:21
ߡߍ߲ ߓߊ߯ ߊ߬ ߘߌߦߊ߫ ߸ ߊ߬ ߘߴߏ߬ ߖߊ߲߰ߞߕߊ߫ ߸ ߡߍ߲ ߓߊ߯ ߊ߬ ߘߌߦߊ߫ ߝߣߊ߫ ߸ ߊ߬ ߘߌ߫ ߤߌߣߴߏ߬ ߟߊ߫ ، ߊߟߎ߫ ߘߏ߲߬ ߠߊߛߊ߬ߦߌ߬ߕߐ߫ ߊ߬ߟߋ ߟߋ߫ ߡߊ߬
Verse 22 — Surah Al-Ankabut 29:22
ߝߋߎ߫ ߸ ߊߟߎ߫ ߕߍߣߊ߬ ߓߟߏߡߓߊߟߌ߫ ߞߍ߫ ߟߊ߫ ߘߎ߰ߡߊ߬ߟߊ ߣߌ߫ ߛߊ߲ߡߟߊ ߛߌ߫ ߘߐ߫ ، ߣߌ߫ ߊߟߊ߫ ߘߏ߲߬ ߕߍ߫ ߸ ߢߌ߲߬ ߕߍ߫ ߊߟߎ߫ ߟߊ߫ ߸ ߘߍ߬ߡߍ߲߬ߓߊ߯ ߕߍ߫
Verse 23 — Surah Al-Ankabut 29:23
ߡߍ߲ ߠߎ߫ ߘߏ߲߬ ߓߊ߲߬ߣߍ߲߫ ߊߟߊ߫ ߟߊ߫ ߟߝߊߙߌ ߟߎ߬ ߣߴߊ߬ ߓߍ߲߬ߢߐ߲߰ߦߊ ߡߊ߬ ߸ ߏ߬ ߟߎ߫ ߖߌ߰ߕߍ߰ߣߍ߲߫ ߠߋ߬ ߒ ߠߊ߫ ߤߌߣߊ ߟߊ߫ ߸ ߏ߬ ߟߎ߫ ߘߏ߲߬ ߢߍߛߌ߰ߣߍ߲߫ ߠߋ߬ ߖߊ߲߰ߞߕߊ߬ ߘߌߡߌ߲ߣߍ߲ ߠߊ߫
Verse 24 — Surah Al-Ankabut 29:24
‹ ߌ ߓߎ߬ߙߊ߬ߤߌߡߊ߫ › ߡߌ߬ߙߌ߲߬ߘߌ ߟߊ߫ ߖߋ߬ߓߌ߬ߟߌ ߡߊ߫ ߞߍ߫ ߘߏ߫ ߜߘߍ߫ ߘߌ߫ ߸ ߝߏ߫ ߊ߬ߟߎ߫ ߞߵߊ߬ ߝߐ ߡߍ߲ ߞߍ߫ ߞߏ߫ ߊߟߎ߫ ߦߴߊ߬ ߝߊ߰ ߸ ߥߟߴߊߟߎ߫ ߦߴߊ߬ ߖߋ߬ߣߌ߲߬ ، ߊߟߊ߫ ߘߏ߲߬ ߞߵߊ߬ ߞߛߌ߫ ߕߊ ߡߊ߬ ، ߕߊ߰ߛߌ߬ߟߌ߫ ߟߴߏ߬ ߘߐ߫ ߡߌ߬ߙߌ߲߬ߘߌ߫ ߘߍ߲߬ߞߣߍ߬ߦߊ߬ߣߍ߲ ߠߎ߬ ߦߋ߫ ߘߋ߬
Verse 25 — Surah Al-Ankabut 29:25
ߊ߬ ߞߊ߲߫ ߞߏ߫ ߊߟߎ߫ ߣߵߊߟߊ߫ ߕߏ߫ ߟߊ߫ ߦߋ߲߬ ߸ ߞߵߊߟߎ߫ ߓߟߏߞߍ߫ ߖߏ߭ ߟߎ߫ ߟߋ߬ ߟߊ߫ ߞߊ߬ߣߌ߲߬ ߘߐ߬ߘߌߦߊ ߡߊ߬ ߊߟߎ߫ ߣߌ߫ ߢߐ߲߮ ߕߍ߫ ߘߎߢߊ߫ ߢߣߊߡߦߊ ߘߐ߫ ، ߓߊ߬ߙߌ߬ ߟߐ߬ߓߊ ߟߏ߲ ߸ ߊߟߎ߫ ߘߏ߫ ߘߴߊ߬ ߓߊ߲߬ ߘߏ߫ ߘߐ߫ ߸ ߊ߬ ߣߴߊߟߎ߫ ߘߏ߫ ߘߌ߫ ߘߏ߫ ߘߊ߲ߞߊ߫ ، ߊ߬ ߣߴߊߟߎ߫ ߡߊߞߍ߫ ߦߙߐ ߟߋ߬ ߞߍߕߐ߫ ߕߊ ߘߌ߫ ، ߘߍ߲߬ߡߍ߲߬ߓߊ߯ ߟߎ߫ ߘߏ߲߬ ߕߍߣߊ߬ ߞߍ߫ ߟߴߊߟߎ߫ ߟߊ߫
Verse 26 — Surah Al-Ankabut 29:26
ߟߎ߯ߕߌ߫ ߟߋ߫ ߘߍ߲߬ߞߣߍ߬ߦߊ߬ ߘߴߊ߬ ߡߊ߬ ، ߊ߬ ߞߊ߲߫ ( ߏ߬ ߢߍ߫ ) ߸ ߞߏ߫ ߒߠߋ ߝߎ߲ߘߌߕߐ߫ ߟߋ߬ ߞߊߕߙߍ߬ ߒ ߡߊ߰ߙߌ ߡߊ߬ ، ߓߊ ߏ߬ ߟߋ ߦߋ߫ ߣߌ߬ߣߌ߬ߟߊ߫ ߥߘߋ߬ߥߘߋ߬ߟߌ߬ߟߊ ߘߌ߫
Verse 27 — Surah Al-Ankabut 29:27
ߊ߲ ߘߏ߲߬ ߞߵߊ߬ ߛߐ߫ ߌߛߌ߬ߤߊ߯ߞߊ߫ ߣߌ߫ ߦߊ߰ߞߎߓߊ߫ ߟߊ߫ ، ߊ߬ ߣߴߊ߲ ߞߊ߬ ߟߊ߬ߝߐ߬ߓߊ߰ߦߊ ߣߌ߫ ߟߍߙߊ ߞߍ߫ ߊ߬ ߓߐ߲ߛߐ߲ ߘߐ߫ ، ߊ߬ ߣߴߊ߲ ߞߵߊ߬ ߛߐ߫ ߊ߬ ߛߊ߬ߙߊ ߟߊ߫ ߘߎߢߊ߫ ߘߐ߫ ، ߊ߬ ߘߏ߲߬ ߦߋ߫ ߛߎ߬ߟߊ߫ ߡߐ߰ ߢߌߡߊ ߟߎ߬ ߘߏ߫ ߟߋ߬ ߘߌ߫
Verse 28 — Surah Al-Ankabut 29:28
ߟߎ߯ߕߌ߫ ߝߣߊ߫ ( ߗߋ߫ ߘߊ߫ ) ߸ ߕߎ߬ߡߊ ߡߍ߲ ߊ߬ ߞߵߊ߬ ߝߐ߫ ߊ߬ ߡߌ߬ߙߌ߲߬ߘߌ ߦߋ߫ ߞߏ߫ ߖߊ߯ߕߋ߬ ߸ ߊߟߎ ߟߋ߫ ߣߊ߬ ߟߊ߫ ߖߊߡߙߎߦߊ ߘߌ߫ ߸ ߡߐ߰ ߛߌ߫ ߡߴߊߟߎ߫ ߞߐ߲߰ ߡߍ߲ ߠߊ߫ ߖߊ߯ߓߊ ߟߎ߬ ߘߐ߫
Verse 29 — Surah Al-Ankabut 29:29
ߌ߬ߦߏ߯ ߊߟߎ ߟߋ߫ ߣߊ߬ ߟߊ߫ ߗߍ߭ ߟߎ߫ ߡߊ߬ ( ߤߌߟߍ ߘߌ߫ )؟ ߊ߬ ߣߴߊߟߎ߫ ߦߋ߫ ߛߌߟߊ ߕߍ߰ ߟߊ߫ ، ߊ߬ ߣߴߊߟߎ߫ ߦߋ߫ ߣߊ߬ ߟߴߊߟߎ߫ ߟߊ߫ ߞߍߙߍ߲ ߠߊ߫ ߞߐ߲ߞߏ ߘߌ߫؟ ߏ߬ ߡߌ߬ߙߌ߲߬ߘߌ ߟߊ߫ ߖߋ߬ߓߌ߬ߟߌ ߡߊ߫ ߞߍ߫ ߘߏ߫ ߜߘߍ߫ ߘߌ߫ ߸ ߝߏ߫ ߞߵߊ߬ ߝߐ߫ ߞߏ߫ ߣߊ߬ ߊߟߊ߫ ߟߊ߫ ߖߊ߲߰ߞߕߊ ߘߴߊ߲ ߞߊ߲ߡߊ߬ ߛߊ߫ ߸ ߣߴߌ ߞߍ߫ ߘߊ߫ ߕߎ߬ߢߊ߬ ߕߌ߮ ߟߎ߬ ߘߏ߫ ߘߌ߫
Verse 30 — Surah Al-Ankabut 29:30
ߏ߬ ߞߊ߲߫ ߞߏ߫ ߒ ߡߊ߰ߙߌ ߸ ߒ ߘߍ߬ߡߍ߲߫ ߡߌ߬ߙߌ߲߬ߘߌ߬ ߕߌߢߍߟߌߟߊ ߟߎ߫ ߡߊ߬
Verse 31 — Surah Al-Ankabut 29:31
ߊ߲ ߠߊ߫ ߗߋߘߋ߲ ߠߎ߫ ߣߊ߬ߣߍ߲ ߌߓߎ߬ߙߊ߬ߤߌߡߊ߫ ߡߊ߬ ߘߟߊߝߎߟߌ ߘߌ߫ ߸ ߊ߬ߟߎ߬ ߞߊ߲߫ ߞߏ߫ ߊ߲ ߧߋ߫ ߛߏ ߣߌ߲߬ ߘߏ߲߬ߞߏ ߟߎ߫ ߟߋ߬ ߛߌߟߊߛߊ߬ ߟߊ߫ ، ߓߊ ߊ߬ ߘߏ߲߬ߞߏ ߟߎ߬ ߓߘߊ߫ ߞߍ߫ ߕߐ߬ߢߍ߰ߒߕߋ ߟߎ߬ ߘߌ߫
Verse 32 — Surah Al-Ankabut 29:32
‹ ߌߓߎ߬ߙߊ߬ߤߌߡߊ߫ › ߞߊ߲߫ ߸ ߞߏ߫ ߟߎ߯ߕߌ߫ ߦߋ߫ ߦߋ߲߬ ߘߋ߬ ، ߏ߬ ߟߎ߬ ߞߊ߲߫ ߸ ߞߏ߫ ߊ߲ߠߎ߫ ߟߋ߫ ߞߵߏ߬ ߞߣߐ߫ ߡߐ߮ ߟߎ߬ ߟߐ߲߫ ( ߓߍ߯ ߘߌ߫ ) ، ߊ߲ ߘߴߏ߬ ߣߴߊ߬ ߞߐߙߍ ߟߊߞߛߌ߫ ߝߏ߫ ߊ߬ ߡߏ߬ߛߏ ، ߏ߬ ߟߋ ߞߍ߫ ߘߊ߫ ߞߐ߫ ߘߐ߫ ߕߏߟߊ ߟߎ߬ ߘߏ߫ ߘߌ߫
Verse 33 — Surah Al-Ankabut 29:33
ߊ߲ ߠߊ߫ ߗߋߘߋ߲ ߠߎ߫ ߘߏ߲߬ߣߍ߲ ߟߎ߯ߕߌ߫ ߞߊ߲߬ ߸ ߊ߬ ߛߎ߬ߣߎ߲߬ ߘߴߊ߬ߟߎ߫ ߝߍ߬ ߞߵߊ߬ ߛߣߐ߬ߡߍ ߜߍ߲߬ߘߍ߫ ߊ߬ߟߎ߬ ߘߌ߫ ߜߋ߲߫ ، ߏ߬ ߟߎ߬ ߞߊ߲߫ ߞߏ߫ ߌ ߞߊߣߊ߬ ߛߌߟߊ߲߫ ߌ ߞߣߊ߫ ߛߎ߬ߣߎ߲߬ ߸ ߓߊ ߊ߲ ߘߴߌ ߣߴߌ ߞߐߙߍ ߟߊߞߛߌ߫ ߝߏ߫ ߌ ߡߏ߬ߛߏ ، ߏ߬ ߟߋ ߞߍߕߐ߫ ߞߐ߫ ߘߐ߫ ߕߏߟߊ ߟߎ߬ ߘߏ߫ ߘߌ߫
Verse 34 — Surah Al-Ankabut 29:34
ߊ߲ ߞߍߕߐ߫ ߟߋ߫ ߖߊ߲߰ߞߕߊ ߟߊߖߌ߰ ߟߊ߫ ߛߏ ߣߌ߲߬ ߘߏ߲߬ߞߏ ߟߎ߫ ߞߊ߲߬ ߞߊ߬ ߓߐ߫ ߛߊ߲ ߡߊ߬ ߸ ߞߊ߬ߡߊߛߐ߬ߘߐ߲߫ ߊ߬ߟߎ߬ ߟߊ߫ ߔߊߟߊ߲ߞߊ ߝߍ߬
Verse 35 — Surah Al-Ankabut 29:35
ߊ߲ ߘߏ߲߬ ߞߊ߬ ߕߐ߰ߡߊ߬ߛߙߋ߫ ߟߊ߲ߞߣߍߡߊߣߍ߲ ߠߎ߬ ߕߏ߫ ߦߋ߲߬ ߸ ߡߌ߬ߙߌ߲߬ߘߌ߬ ߤߊ߲ߞߟߌߡߊ ߟߎ߬ ߦߋ߫
Verse 36 — Surah Al-Ankabut 29:36
ߊ߲ ߞߊ߬ ߡߊߘߌߦߣߊߞߊ ߟߎ߬ ߓߊߘߋ߲߫ ߛߎ߬ߊߦߌߓߎ߫ ߗߋ߫ ߊ߬ߟߎ߫ ߡߊ߬ ، ߏ߬ ߞߊ߲߫ ߞߏ߫ ߒ ߓߊߘߋ߲ ߠߎ߬ ߸ ߊߟߎ߯ ߊߟߊ߫ ߓߊ߬ߕߏ߫ ߞߵߊߟߎ߫ ߦߟߌߛߌ߰ ߟߏ߲߫ ߠߊߓߊ߲ ߠߊ߫ ، ߊߟߎ߫ ߞߊߣߊ߬ ߞߏ߫ ߘߐߕߌߢߍ ߞߍ߫ ߖߡߊ߬ߣߊ ߞߣߐ߫ ߘߋ߬ ߞߊ߬ ߞߍ߫ ߕߌߢߍߟߌߟߊ ߟߎ߬ ߘߌ߫
Verse 37 — Surah Al-Ankabut 29:37
ߓߊ߬ߙߌ߬ ߊ߬ߟߎ߫ ߞߵߏ߬ ߡߊߛߐ߬ߛߐ߬ ߡߍ߲ߞߍ߭ ، ߦߙߍߦߙߍ ߞߵߊ߬ߟߎ߫ ߡߌ߬ߘߊ߬ ، ߏ߬ ߞߍ ߊ߬ߟߎ߬ ߓߌߘߌ߲ߣߍ߲ ߞߊ߬ ߘߎ߬ߛߊ ߟߊߜߍ߫ ߊ߬ߟߎ߬ ߟߊ߫ ߟߎ ( ߟߎ߬ ) ߞߣߐ߫
Verse 38 — Surah Al-Ankabut 29:38
ߊ߯ߘߌ ߟߎ߬ ߣߌ߫ ߛߊ߬ߡߎߘߊ ߟߎ߬ ߸ ߏ߬ ߟߎ߬ ߟߊ߫ ߞߏ ߢߊߘߐߜߍ ߓߘߊ߫ ߟߐ߲߫ ߊ߬ߟߎ߫ ߛߌ߰ ߦߌߟߊ ߟߎ߫ ߡߊ߬ ߸ ߜߍ߬ߘߍ ߟߋ߫ ߞߵߏ߬ ߟߎ߬ ߗߋߥߊߟߌ ߟߎ߬ ߡߊߢߍ߯ߙߍ߫ ߊ߬ߟߎ߬ ߢߊߞߘߐ߫ ߸ ߞߵߊ߬ߟߎ߫ ߞߎ߬ߡߊ߲߬ߘߌ߬ ߛߌߟߊ ߡߊ߬ ، ߊ߬ߟߎ߫ ߘߏ߲߬ ߜߎ ߕߘߍ߬ ߡߐ߰ ߢߟߊߞߊ߬ߣߍ߲߫ ߠߎ߫ ߘߌ߫߹
Verse 39 — Surah Al-Ankabut 29:39
ߞߊߙߎߣߊ߫ ߣߌ߫ ߝߋߙߊߥߎ߲߫ ߣߌ߫ ߤߊߡߊ߲߫ ߠߎ߫ ߝߣߊ߫ ߸ ߡߎߛߊ߫ ߣߊ߬ ߘߴߏ߬ ߟߎ߫ ߡߊ߬ ߔߊߞߌ ߟߎ߬ ߘߌ߫ ، ߓߊ߬ߙߌ߬ ߊ߬ߟߎ߫ ߞߵߊ߬ߟߎ߫ ߖߘߍ߬ߘߐߓߏ߲߬ߧߊ߫ ߘߎ߰ߞߟߏ ߞߊ߲߬ ߔߊߦߌ߫ ، ߊ߬ߟߎ߫ ߘߏ߲߬ ߡߊ߫ ߞߍ߫ ߘߊ߲߬ ߞߍ߬ߓߊ߯ ߟߎ߫ ߘߌ߫
Verse 40 — Surah Al-Ankabut 29:40
ߊ߲ ߞߵߏ߬ ߞߋ߬ߟߋ߲߬ߞߋ߬ߟߋ߲߬ߣߊ ߕߍ߯ߕߵߊ߬ߟߎ߫ ߖߟߎ߬ߡߎ߲ ߠߊ߫ ߗߐߞߎ߬ߡߐ߬ ، ߘߏ߫ ߦߴߊ߬ߟߎ߬ ߘߐ߫ ߸ ߊ߲ ߞߊ߬ ߓߙߍ߬ ߛߊ߬ߙߌ߬ ߝߢߐ ߗߋ߫ ߏ߬ ߞߊ߲ߡߊ߬ ، ߘߏ߫ ߦߴߊ߬ߟߎ߬ ߘߐ߫ ߸ ߛߊ߬ߝߍ߬ ߞߊ߲߬ ߞߋߟߋ߲߫ ߞߵߏ ߡߌ߬ߘߊ߬ ، ߘߏ߫ ߦߴߊ߬ߟߎ߬ ߘߐ߫ ߸ ߊ߲ ߞߊ߬ ߘߎ߱ ߟߐ߬ ߏ߬ ߟߊߞߎ߬ߣߎ߲߬ ߠߊ߫ ߞߌߚߌ߫ ، ߘߏ߫ ߦߴߊ߬ߟߎ߬ ߘߐ߫ ߸ ߊ߲ ߞߵߏ߬ ߟߊߕߏ߫ ߖߌ ߘߐ߫ ، ߊߟߊ߫ ߘߏ߲߬ ߡߴߏ߬ ߟߎ߫ ߕߐ߬ߢߍ߯ ߘߋ߬ ، ߏ߬ ߟߎ߫ ߟߋ߫ ߞߵߊ߬ߟߎ߫ ߖߍ߬ߘߍ߫ ߕߐ߬ߢߍ߰
Verse 41 — Surah Al-Ankabut 29:41
ߡߍ߲ ߠߎ߫ ߣߵߊ߬ߟߎ߬ ߓߟߏߞߍ߫ ߟߊ߫ ߞߏߕߌ߯ ߜߘߍ߫ ߟߎ߫ ߟߊ߫ ߞߵߊߟߊ߫ ߕߏ߫ ، ߏ߬ ߟߎ߬ ߟߊߒߡߊ ߟߋ߬ ߦߏ߫ ߕߊߟߏ߲ߕߊߟߏ߲ߓߊ ߦߋ߫ ߢߊ ߡߍ߲ ߊ߬ ߟߊ߫ ߓߏ߲߫ ߠߊߘߊ߲ ߘߐ߫ ، ߓߏ߲ ߠߎ߬ ߘߐ߫ ߗߙߐߞߐߣߍ߲ ߠߋ߫ ߘߏ߲߬ ߦߋ߫ ߕߊߟߏ߲ߕߊߟߏ߲ߓߊ ߟߊ߫ ߓߏ߲ ߘߌ߫ ߣߴߊߟߎ߫ ߓߴߊ߬ ߟߐ߲߫ ߠߊ߫
Verse 42 — Surah Al-Ankabut 29:42
ߊߟߊ߫ ߞߵߊ߬ ߟߐ߲߫ ߊ߬ߟߎ߬ ߦߋ߫ ߡߍ߲ ߞߟߌ߫ ߟߊ߫ ߝߋ߲ߣߍ߲ ߛߎ߯-ߎ-ߛߎ߯ ߘߐ߫ ߞߵߊ߬ߟߋ߬ ߕߏ߫ ، ߓߊ ߊ߬ߟߋ ߟߋ߫ ߣߌ߬ߣߌ߬ߟߊ߫ ߥߘߋ߬ߥߘߋ߬ߟߌ߬ߟߊ ߘߌ߫
Verse 43 — Surah Al-Ankabut 29:43
ߛߊ߲߬ߘߊ ߡߍ߲ ߠߎ߬ ߦߋ߫ ߣߌ߲߬ ߸ ߊ߲ ߧߴߏ߬ ߟߎ߫ ߟߋ߬ ߟߊ߫ ߟߊ߫ ߡߐ߱ ߟߎ߬ ߦߋ߫ ، ߓߊ߬ߙߌ߬ ߡߐ߰ ߛߌ߫ ߕߴߏ߬ ߟߎ߬ ߤߊߞߟߌߡߦߊ߫ ߟߊ߫ ߝߏ߫ ߟߐ߲ߠߌ߲ߠߊ ߟߎ߬
Verse 44 — Surah Al-Ankabut 29:44
ߊߟߊ߫ ߞߊ߬ ߛߊ߲ ߠߎ߬ ߣߌ߫ ߘߎ߱ ߘߊ߲߫ ߕߎ߬ߢߊ߫ ߟߋ߬ ߟߊ߫ ، ߖߊ߯ߕߋ߬ ߸ ߕߊ߰ߛߌ߬ߟߌ߫ ߟߴߏ߬ ߘߐ߫ ߘߍ߲߬ߞߣߍ߬ߦߊ߬ߓߊ߮ ߟߎ߬ ߦߋ߫
Verse 45 — Surah Al-Ankabut 29:45
ߟߍߙߊ ߞߊ߬ߙߊ߲߬ ߸ ߌ ߦߟߌߘߏ߲߬ߣߍ߲߬ ߡߍ߲ ߠߊ߫ ، ߊ߬ ߣߴߌ ߦߋ߫ ߛߊߟߌ ߟߐ߬ ، ߓߊ ߛߊߟߌ ߟߋ߬ ߝߊߕߊ߲ߕߟߌ ߞߍ߫ ߟߊ߫ ߞߏߙߏ߲ߧߊ ߣߌ߫ ߞߐ߲ߞߏ ߡߊ߬ ، ߊߟߊ߫ ߞߏߝߐ ߟߋ߫ ߓߏ߲߬ߓߊ߬ߓߊ ߦߋ߫ ، ߊߟߊ߫ ߘߏ߲߬ ߞߵߊ߬ ߟߐ߲߫ ߖߐ߫ ߊߟߎ߫ ߦߋ߫ ( ߞߏ ) ߡߍ߲ ߠߊߘߊ߲߫ ߠߊ߫
Verse 46 — Surah Al-Ankabut 29:46
ߊߟߎ߫ ߞߊߣߊ߬ ߟߍߙߊߟߞߊ ߟߎ߬ ߘߊߘߐߛߐ߬ߛߐ߬ ( ߢߊ߫ ߛߌ߫ ߡߊ߬ ) ߝߏ߫ ߡߍ߲ ߞߊ߫ ߢߌ߲߬ ، ߝߏ߫ ߡߍ߲ ߠߎ߬ ߓߊ߯ ߕߐ߬ߢߍ߮ ߞߍ߫ ߊ߬ߟߎ߬ ߘߐ߫ ߘߋ߬ ، ߊߟߎ߫ ߦߴߊ߬ ߝߐ߫ ߟߋ߬ ߞߏ߫ ߒ߬ ߘߍ߲߬ߞߣߍ߬ߦߊ߬ߣߍ߲߫ ( ߟߍߙߊ ) ߡߊ߬ ߸ ߡߍ߲ ߠߊߖߌ߰ߣߍ߲߫ ߒ߬ ߡߊ߬ ߸ ߊ߬ ߣߌ߫ ߡߍ߲ ߠߊߖߌ߰ߣߴߊߟߎ߫ ߡߊ߬ ، ߊ߬ ߣߴߊ߲ ߡߊ߰ߙߌ ߣߴߊߟߎ߫ ߡߊ߰ߙߌ ߦߋ߫ ߞߋߟߋ߲߫ ߠߋ߬ ߘߌ߫ ߸ ߊ߲ߠߎ߫ ߘߏ߲߬ ߞߟߏߣߴߏ߬ ߟߋ ߦߋ߫
Verse 47 — Surah Al-Ankabut 29:47
ߊ߲ ߘߏ߲߬ ߣߊ߬ ߟߍߙߊ ߟߊߖߌ߰ ߟߴߌ ߡߊ߬ ߕߋ߲߬ ߠߋ߬ ، ߒ߬ߓߊ߬ ߊ߲ ߣߊ߬ ߡߍ߲ ߠߎ߬ ߛߐ߫ ߟߊ߫ ߟߍߙߊ ߟߊ߫ ( ߞߘߐ߬ߡߊ߲߫ ) ߸ ߏ߬ ߟߎ߬ ߦߋ߫ ߘߍ߲߬ߞߣߍ߬ߦߊ߬ ߟߊ߫ ‹ ߞߎ߬ߙߊ߬ߣߊ › ߡߊ߬ ، ߘߏ߫ ߦߋ߫ ߢߌ߲߬ ߠߎ߬ ߝߣߊ߫ ߘߐ߫ ߸ ߏ߬ ߦߋ߫ ߘߍ߲߬ߞߣߍ߬ߦߊ߬ ߟߴߊ߬ ߡߊ߬ ، ߡߐ߰ ߛߌ߫ ߘߏ߲߬ ߕߍ߫ ߒ߬ ߠߊ߫ ߟߝߊߙߌ ߟߎ߬ ߡߊߛߐ߬ߛߐ߬ ߸ ߝߏ߫ ߓߊ߲߬ߓߊ߮ ߟߎ߬
Verse 48 — Surah Al-Ankabut 29:48
ߌߟߋ ߕߎ߲߬ ߕߍ߫ ߟߍߙߊ߫ ߛߌ߫ ߞߊ߬ߙߊ߲߬ ߠߊ߫ ( ߞߎ߬ߙߊ߬ߣߊ ) ߣߌ߲߬ ߢߍ߫ ߞߘߐ߬ߡߊ߲߫ ، ߌ ߘߏ߲߬ ߕߎ߲߬ ߕߴߊ߬ ߞߍ߬ߙߍ߲߬ߘߍ߬ ߟߊ߫ ߌ ߓߟߏ ߟߊ߫ ، ߓߊ ߞߊ߬ߟߏ߬ߞߊ߬ߟߏ߬ߟߊ ߟߎ߫ ߕߎ߲߬ ߘߌ߫ ߛߌߞߊ߫ ߏ߬ ߘߐ߫ ߟߋ߬ ߘߍ߯
Verse 49 — Surah Al-Ankabut 29:49
ߞߏ߬ߣߌ߲߬ ߍ߲߬ߍ߲߫ ߸ ‹ ߞߎ߬ߙߊ߬ߣߊ › ߦߋ߫ ߟߝߊߙߌ߫ ߘߐߞߣߍߣߍ߲ ߠߎ߫ ߟߋ߬ ߘߌ߫ ߸ ߟߐ߲ߠߌ߲ߠߊ ߟߎ߬ ߛߌߛߌ ߟߎ߬ ߘߐ߫ ، ߡߐ߰ ߛߌ߫ ߘߏ߲߬ ߕߍ߫ ߒ߬ ߠߊ߫ ߟߝߊߙߌ ߟߎ߬ ߡߊߛߐ߬ߛߐ߬ ߟߊ߫ ߝߏ߫ ߕߐ߬ߢߍ߰ߒߕߋ ߟߎ߬
Verse 50 — Surah Al-Ankabut 29:50
ߊ߬ߟߎ߬ ߞߊ߲߫ ߠߋ߬ ߞߏ߫ ߥߟߊߞߏ߫ ߡߊ߲߬ߕߊߣߌ߲ ߘߏ߫ ߟߎ߫ ߕߘߍ߬ ߟߊߖߌ߰ ߊ߬ ߡߊ߬ ߞߊ߬ ߝߘߴߊ߬ ߡߊ߰ߙߌ ߟߊ߫ ߸ ߊ߬ ߝߐ߫ ߞߏ߫ ߡߊ߲߬ߕߊߣߌ߲ ߠߎ߬ ߦߋ߫ ߊߟߊ߫ ߓߘߊ ߟߋ߬ ، ߒߠߋ ߦߋ߫ ߖߊ߬ߛߙߋ߬ߡߊ߬ߟߌ߬ߟߊ߬ ߘߐ߬ߜߍ ߘߐߙߐ߲߫ ߠߋ߬ ߘߌ߫
Verse 51 — Surah Al-Ankabut 29:51
ߦߊ߯ߟߴߊ߬ ߡߴߊ߬ߟߎ߫ ߥߊ߬ߛߊ߫ ߓߊ߬ ߞߏ߫ ߊ߲ ߓߘߊ߫ ߟߍߙߊ ߟߊߖߌ߰ ߌߟߋ ߡߊ߬ ߸ ߞߵߏ ߞߊ߬ߙߊ߲߫ ߊ߬ߟߎ߬ ߦߋ߫ ߞߍ߬ߣߍ߲؟ ߖߊ߯ߕߋ߬ ߸ ߤߌߣߊ߫ ߣߌ߫ ߦߟߌߓߌߟߊ߫ ߟߴߏ߬ ߘߐ߫ ߡߌ߬ߙߌ߲߬ߘߌ߫ ߘߍ߲߬ߞߣߍ߬ߦߊ߬ߟߊ ߟߎ߬ ߦߋ߫
Verse 52 — Surah Al-Ankabut 29:52
ߊ߬ ߝߐ߫ ߞߏ߫ ߊߟߊ߫ ߥߛߊ߬ ߘߊ߫ ߒߠߋ ߣߴߊߟߎ߫ ߕߍ߫ ߛߙߋ߫ ߘߌ߫ ، ߏ߬ ߟߋ ߘߏ߲߬ ߞߵߊ߬ ߟߐ߲߫ ߸ ߝߋ߲ ߡߍ߲ ߦߋ߫ ߛߊ߲ ߠߎ߬ ߣߌ߫ ߘߎ߱ ߘߐ߫ ، ߡߍ߲ ߠߎ߫ ߞߏ߬ߣߌ߲ ߘߍ߲߬ߞߣߍ߬ߦߊ߬ߣߍ߲߫ ߡߣߊ߬ߡߣߊ ߡߊ߬ ߸ ߞߵߊ߬ߟߎ߫ ߓߊ߲߬ ߊߟߊ߫ ߘߐ߫ ߸ ߏ߬ ߟߎ߫ ߟߋ߫ ߓߣߐ߬ߓߊ߮ ߟߎ߬ ߘߌ߫
Verse 53 — Surah Al-Ankabut 29:53
ߊ߬ߟߎ߬ ߦߋ߫ ߞߌߢߍ ߢߌߣߌ߲߫ ߠߴߌߟߋ ߝߍ߬ ߖߊ߲߰ߞߕߊ ߟߊ߫ ، ߣߌ߫ ߛߕߊ߫ ߟߐ߯ߟߊߣߍ߲ ߘߏ߲߬ ߕߍ߫ ߸ ߛߊ߫ ߖߊ߲߰ߞߕߊ ߓߘߊ߫ ߣߵߊ߬ߟߎ߫ ߡߊ߬ ، ߊ߬ ߘߏ߲߬ ߣߊ߬ߕߐ߫ ߟߴߊ߬ߟߎ߫ ߡߊ߬ ߓߙߊ߬ߒ߬ߘߐ߬ ߓߟߏ ߡߊ߬ ߸ ߞߵߊ߬ ߕߘߍ߬ ߊ߬ߟߎ߬ ߦߟߌ߫ ߕߍ߫ ߊ߬ ߟߊ߫
Verse 54 — Surah Al-Ankabut 29:54
ߊ߬ߟߎ߬ ߦߋ߫ ߞߌߢߍ ߢߌߣߌ߲߫ ߠߴߌ ߝߍ߬ ߖߊ߲߰ߞߕߊ ߟߊ߫ ، ߔߊߦߌߔߊߦߌ ߘߏ߲߬ ߣߊ߬ ߓߊ߲߬ߓߊ߮ ߟߎ߬ ߟߊߝߏ߬ ߟߊ߫ ߟߋ߬ ߔߘߋߞߎ߬
Verse 55 — Surah Al-Ankabut 29:55
ߖߊ߲߰ߞߕߊ ߦߴߊ߬ߟߎ߫ ߞߎ߲߬ߠߊ߬ߓߌߘߌ߲߫ ߠߊ߫ ߟߏ߲ ߡߍ߲ ߸ ߞߊ߬ ߓߐ߫ ߊ߬ߟߎ߫ ߞߎ߲߬ߘߐ߫ ߊ߬ ߣߌ߫ ߞߊ߬ ߓߐ߫ ߊ߬ߟߎ߫ ߛߋ߲߬ߞߘߐ߫ ߸ ߞߵߊ߬ ߝߐ߫ ߊ߬ߟߎ߫ ߡߊ߬ ߞߏ߫ ߊߟߎ߫ ߕߘߍ߬ ߓߊ߯ߙߊ ߡߍ߲ ߠߊ߫ ߊߟߎ߫ ߦߴߏ߬ ( ߓߌ߲߬ߓߊߏ ) ߡߊߜߙߏ߬ ߛߊ߫
Verse 56 — Surah Al-Ankabut 29:56
ߤߍ߲߬ ߊߟߎ߬ ߒ ߠߊ߫ ߖߐ߲߬ ߘߍ߲߬ߞߣߍ߬ߦߊ߬ߣߍ߲ ߠߎ߬ ߸ ߒ ߠߊ߫ ߘߎ߰ߞߟߏ ߦߙߌߥߊߣߍ߲ߓߊ ߟߋ߬ ، ߒ߬ߓߊ߬ ߏ߬ ߘߐ߫ ߸ ߊߟߎ߫ ߒߠߋ ߓߊ߬ߕߏ߫ ߘߋ߬
Verse 57 — Surah Al-Ankabut 29:57
ߣߌߡߊ ߞߋ߬ߟߋ߲߬ߞߋ߬ߟߋ߲߬ߣߊ ߘߌ߫ ߛߊ߬ߦߊ ߣߍߣߍ߫ ߟߋ߬ ߕߘߋ߫ ، ߏ߬ ߟߋ ߞߐ߫ ߸ ߊߟߎ߫ ߘߌ߫ ߟߊߛߊ߬ߦߌ߫ ߒ߬ߠߎ߫ ߡߊ߬
Verse 58 — Surah Al-Ankabut 29:58
ߡߍ߲ ߠߎ߫ ߘߍ߲߬ߞߣߍ߬ߦߊ߬ߣߍ߲߫ ߞߊ߬ ߢߌ߬ߡߊ ߟߎ߬ ߞߍ߫ ߸ ߊ߲ ߘߌߣߵߏ߬ ߟߎ߬ ߡߊߞߍ߫ ( ߣߍߡߊ ) ߣߊߞߐ ߘߐ߫ ߛߊ߲ߞߊߛߏ ߟߎ߬ ߟߊ߫ ߸ ߞߐ߭ ߟߎ߬ ߦߋ߫ ߥߦߏ߬ ߟߊ߫ ߡߍ߲ ߠߎ߬ ߞߘߐߟߊ ߘߐ߫ ߸ ߊ߬ߟߎ߫ ߘߏ߲߬ ߘߎߡߊߕߐ߫ ߏ߬ ߟߋ ߘߐ߫ ، ߓߊ߯ߙߟߊ ߟߎ߫ ߛߙߊ߬ ߢߌߡߊ ߟߴߏ߬ ߘߌ߫ ߞߟߋ߫
Verse 59 — Surah Al-Ankabut 29:59
ߏ߬ ߟߎ߫ ߟߋ߫ ߞߵߊ߬ߟߎ߫ ߡߎ߬ߢߎ߲߬ ߸ ߊ߬ ߣߴߊ߬ߟߎ߬ ߦߴߊ߬ߟߎ߫ ߛߍ߲߬ߓߍ߬ ߟߴߊ߬ߟߎ߫ ߡߊ߰ߙߌ ߟߊ߫
Verse 60 — Surah Al-Ankabut 29:60
ߡߊ߬ߛߍ߲߬ߛߍ߲߬ߓߊ߯ ߖߋ߬ߟߌߖߋ߬ߟߌ߫ ߟߋ߬ ߕߍ߫ ߊ߬ ߖߘߍ߬ ߓߊߟߏ ߕߊ߬ ߟߊ߫؟ ߊߟߊ߫ ߟߴߏ߬ ߣߴߊߟߎ ߓߊߟߏ߫ ߟߊ߫ ، ߓߊ ߊߟߊ߫ ߟߋ߬ ߡߍ߲ߠߌ߲ߠߊ߫ ߟߐ߲ߠߌ߲ߠߊ ߘߌ߫
Verse 61 — Surah Al-Ankabut 29:61
ߣߴߌ ߞߵߊ߬ߟߎ߫ ߢߌ߬ߣߌ߲߬ߞߊ߫ ߞߏ߫ ߖߍߣߍ߲ ߞߊ߬ ߛߊ߲ ߠߎ߬ ߣߌ߫ ߘߎ߱ ߘߊ߲߫ ߸ ߞߊ߬ ߕߋ߬ߟߋ ߣߌ߫ ߞߊߙߏ ߞߟߏ߫؟ ߊ߬ߟߎ߬ ߘߴߊ߬ ߝߐ߫ ߟߋ߬ ߘߍ߯ ߞߏ߫ ߊߟߊ߫ ، ߒ߬ߓߵߊ߬ߟߎ߫ ߞߎ߲߬ ߦߋ߫ ߓߐ߫ ߟߴߏ߬ ߞߊ߲߬ ߘߌ߬ ߓߏ߲߰؟
Verse 62 — Surah Al-Ankabut 29:62
ߊߟߊ߫ ߦߋ߫ ߤߊ߬ߙߌ߬ߖߍ߮ ߘߐߝߎߟߋ߲߫ ߠߊ߫ ߡߐ߰ ߟߋ߬ ߦߋ߫ ߸ ߡߍ߲ ߓߊ߯ ߊ߬ ߘߌߦߴߊ߬ ߟߊ߫ ߖߐ߲߭ ߠߎ߬ ߘߐ߫ ، ߊ߬ ߘߴߊ߬ ߛߌ߬ߕߌ߫ ߏ ߡߊ߬ ߝߣߊ߫ ، ߖߊ߯ߕߋ߬ ߸ ߊߟߊ߫ ߟߋ߬ ߞߏ ߓߍ߯ ߟߐ߲ߓߊ߮ ߘߌ߫
Verse 63 — Surah Al-Ankabut 29:63
ߣߴߌ ߞߵߊ߬ߟߎ߫ ߢߌ߬ߣߌ߲߬ߞߊ߬ ߞߏ߫ ߖߍߣߍ߲ ߞߊ߬ ߖߌ ߟߊߖߌ߰ ߞߊ߬ ߓߐ߫ ߡߐ߲ߕߐ߲ ߘߐ߫ ߸ ߞߊ߬ ߘߎ߱ ߟߊߢߣߊߡߦߊ߫ ߏ߬ ߟߴߊ߬ ߛߊ߬ߣߍ߲ ߞߐ߫؟ ߊ߬ߟߎ߬ ߘߴߊ߬ ߝߐ߫ ߟߋ߬ ߘߍ߯ ߞߏ߫ ߊߟߊ߫ ، ߊ߬ ߝߐ߫ ߞߏ߫ ߒ߬ߓߊ߬ ߕߊ߲߬ߘߏ ߦߋ߫ ߊߟߊ߫ ߦߋ߫ ߥߍ߫ ، ߓߊ߬ߙߌ߬ ߋ߬ߋ߬ߋ߯ ߸ ߊ߬ߟߎ߫ ߝߊ߲߬ߓߊ ߟߋ߬ ߕߍ߫ ߤߊ߲ߞߟߌߡߊ߫ ߘߌ߫
Verse 64 — Surah Al-Ankabut 29:64
ߘߎߢߊ߫ ߢߣߊߡߦߊ ߣߌ߲߬ ߕߍ߫ ߝߏߦߌ߬ ߘߌ߫ ߝߏ߫ ߕߏߟߏ߲߫ ߣߌ߫ ߥߍ߲ߖߍ߫ ، ߟߊߞߌߙߊ߫ ߛߏ ߟߋ߬ ߢߣߊߡߦߊ ߘߌ߫ ߸ ߣߴߊ߬ߟߎ߬ ߓߴߏ߬ ߟߐ߲߫ ߠߊ߫
Verse 65 — Surah Al-Ankabut 29:65
ߒ߬ߓߊ߬ ߣߴߊ߬ߟߎ߫ ߘߏ߲߬ ߘߊ߫ ߞߎߟߎ߲ ߘߐ߫ ߸ ߊ߬ߟߎ߬ ߘߴߊߟߊ߫ ߞߟߌ߫ ߞߊ߬ ߘߌ߯ߣߊ ߓߎ߰ߓߎ߯ ߊ߬ ߦߋ߫ ߛߏߘߊ߫ ، ߊ߬ ߓߊ߯ ߊ߬ߟߎ߬ ߟߊߞߛߌ߫ ߏ߬ ߘߐ߫ ߞߊ߬ ߛߋ߫ ߜߙߋ ߟߊ߫ ߸ ߘߊ߬ߡߊ߲߬ߛߊ߫ ߊ߬ߟߎ߬ ߘߴߊ߬ ߞߍ߫ ߜߙߊ߬ߢߐ߲߰ ߟߊ߬ߘߊ߲ߘߌ߫
Verse 66 — Surah Al-Ankabut 29:66
ߞߵߊ߬ ߟߊߥߟߌ߬ ߊ߲ ߞߵߊ߬ߟߎ߬ ߛߐ߫ ߝߋ߲ ߡߍ߲ ߠߊ߫ ߸ ߛߴߊ߬ߟߎ߬ ߘߴߏ߬ ߝߌߕߙߌߥߊߟߋߦߊ߫ ، ߒ߬ߓߵߊ߬ߟߎ߬ ߦߴߊ߬ߟߎ߫ ߘߊ߰ߡߎ߲߫ ߠߋ߬ ߞߟߋ߫ ، ߓߊ߬ߙߌ߬ ߊ߬ߟߎ߬ ߘߌߣߵߊ߬ ߟߐ߲߫
Verse 67 — Surah Al-Ankabut 29:67
ߦߊ߯ߟߴߊ߬ߟߎ߬ ߡߴߊ߬ ߦߋ߫ ߓߊ߬ ߞߏ߫ ߊ߲ ߓߘߊ߫ ߛߏ߫ ߟߊߕߏߕߊ߫ ߞߎ߲߬ߠߊ߬ߝߎߟߋ߲ߣߍ߲ ߞߍ߫ ( ߊ߬ߟߎ߬ ߦߋ߫ )؟ ߡߐ߱ ߟߎ߬ ߦߋ߫ ( ߕߏ߫ ߟߊ߫ ) ߖߊ߬ߛߏ߲ߖߊ߬ߛߏ߲߬ ߠߴߊ߬ߟߎ߬ ߟߊߡߌߣߌ߲ ߘߐ߫ ߞߍ߬ߣߍ߲ ، ߌ߬ߦߏ߯ ߊߟߎ߫ ߘߌ߫ ߘߍ߲߬ߞߣߍ߬ߦߊ߫ ߡߣߊ߬ߡߣߊ ߡߊ߬ ߞߵߊߟߎ߫ ߓߊ߲߬ ߊߟߊ߫ ߟߊ߫ ߣߍߡߊ ߘߐ߫؟
Verse 68 — Surah Al-Ankabut 29:68
ߖߍߣߍ߲ ߠߊ߫ ߕߐ߬ߢߍ߮ ߕߊ߬ߡߌ߲߬ߣߍ߲߬ ߥߎߦߊ ߞߎ߲߬ߘߐߕߍ߰ߓߊ߮ ߕߊ ߟߊ߫ ߞߵߊ߬ ߟߴߊߟߊ߫ ߟߊ߫؟ ߥߟߴߊ߬ ߞߊ߬ ߕߎ߬ߢߊ ߡߊߛߐ߬ߛߐ߫ ߸ ߏ ߣߊ߭ ߡߍ߲ ߞߍ߫ ߘߴߊ߬ ߡߊ߬ ، ߦߊ߯ߟߊ߫ ߛߌ߰ ߦߌߟߊ߫ ߕߍ߫ ߔߊߦߌߔߊߦߌ ߘߐ߫ ߓߊ߲߬ߓߊ߮ ߟߎ߬ ߢߍ߫ ߓߊ߬؟
Verse 69 — Surah Al-Ankabut 29:69
ߡߍ߲ ߠߎ߫ ߞߏ߬ߣߌ߲ ߞߊ߬ ߘߐ߬ߖߊ ߞߍ߫ ߒ߬ ( ߠߊ߫ ߞߏ ) ߘߐ߫ ߸ ߊ߲ ߘߌߣߵߏ߬ ߟߎ߬ ߞߊ߲ߘߊ߫ ߒ߬ ߠߊ߫ ߛߌߟߊ ߟߎ߫ ߡߊ߬ ߟߋ߬ ߘߍ߯ ، ߓߊߏ߬ ߖߊ߯ߕߋ߬ ߸ ߊߟߊ߫ ߦߋ߫ ߢߊ߬ߓߊ߮ ߟߎ߫ ߟߋ߬ ߝߍ߬