Back to Languages
Bambara - Chapter 36 - Ya-Sin
Translation by Fodi Suliman Kanti — Permalink
Verse 1 — Surah Ya-Sin 36:1
ߦߊߛߌߣ ߠߋ߬ ߸
Verse 2 — Surah Ya-Sin 36:2
ߊ߰ ߒ ߣߌ߫ ߞߎ߬ߙߊ߬ߣߊ߫ ߥߘߋ߬ߥߘߋ߬ߣߍ߲ ߕߍ߫
Verse 3 — Surah Ya-Sin 36:3
ߖߊ߯ߕߋ߬ ߸ ߌ ߦߋ߫ ߞߋߟߊ ߟߎ߬ ߘߏ߫ ߟߋ߬ ߘߌ߫
Verse 4 — Surah Ya-Sin 36:4
ߛߌߟߊ߫ ߕߋߟߋ߲ߣߍ߲߫ ߓߐߚߐ ߞߊ߲߬
Verse 5 — Surah Ya-Sin 36:5
ߣߌ߬ߣߌ߬ߟߊ߫ ߤߌߣߟߊ ߟߊ߫ ߟߊ߬ߖߌ߰ߟߌ ߟߋ߬
Verse 6 — Surah Ya-Sin 36:6
ߛߴߌ ߘߌ߫ ߖߊ߬ߛߙߋ߬ߡߊ߬ߟߊ ߞߍ߫ ߡߌ߬ߙߌ߲߬ߘߌ߫ ߦߋ߫ ߸ ߖߊ߬ߛߙߋ߬ߡߊ߬ߟߊ߫ ߡߊ߫ ߞߍ߫ ߡߍ߲ ߠߎ߫ ߝߊ߬ ߟߎ߬ ߦߋ߫ ߸ ߒ߬ߓߊ߬ ߏ߬ ߟߎ߫ ߖߊ߲߬ߓߐߣߍ߲߫ ߠߋ߬ ߔߏ߲߫
Verse 7 — Surah Ya-Sin 36:7
ߖߊ߯ߕߋ߬ ߸ ( ߞߐ߲߬ߞߐ߲߬ߒߡߊ ) ߞߎߡߊ ߟߋ߬ ߜߋ߲ߜߋ߲ߦߊߣߴߊ߬ߟߎ߫ ߝߊ߲߬ߓߊ ߡߊ߬ ، ߏ߬ ߘߐ߫ ߸ ߊ߬ߟߎ߬ ߕߍߣߊ߫ ߘߍ߲߬ߞߣߍ߬ߦߊ߬ ߟߊ߫
Verse 8 — Surah Ya-Sin 36:8
ߊ߲ ߣߊ߬ ߞߏߟߏ߲ߜߊ߲ ߠߎ߫ ߟߋ߫ ߓߌ߬ߟߊ߬ ߟߴߊ߬ߟߎ߬ ߞߊ߲ ߠߎ߬ ߟߊ߫ ߸ ߞߊߕߙߍ߬ ( ߊ߬ߟߎ߫ ) ߓߏ߲߬ߓߏ߲ ߠߎ߬ ( ߞߘߐߟߊ ) ߡߊ߬ ߸ ߞߵߊ߬ߟߎ߫ ߞߎ߲߭ ߠߎ߬ ߛߊ߲ߘߌߣߍ߲ ߞߍ߫ ߛߍߣߍ߲߬ ߛߊ߫
Verse 9 — Surah Ya-Sin 36:9
ߊ߬ ߣߴߊ߲ ߞߊ߬ ߓߊ߬ߟߊ߲ ߘߏ߫ ߞߍ߫ ߊ߬ߟߎ߬ ߢߍߕߐ߫ ߸ ߞߊ߬ ߓߊ߬ߟߊ߲߬ ߜߘߍ߫ ߞߍ߫ ߊ߬ߟߎ߬ ߞߕߐ߫ ، ߊ߲ ߞߵߊ߬ߟߎ߫ ߞߎ߲߬ߠߊ߬ߓߌߘߌ߲߫ ߛߍߣߍ߲߬ ߔߎ߫ ߸ ߊ߬ߟߎ߬ ߕߍ߫ ߦߋߟߌ߫ ߛߌ߫ ߞߍ߫ ߟߴߏ߬ ߘߐ߫
Verse 10 — Surah Ya-Sin 36:10
ߦߊ߯ߟߊ߫ ߌ ߞߊ߬ ߖߊ߬ߛߙߋ߬ߡߊ߬ߟߊ߫ ߞߍ߫ ߊ߬ߟߎ߬ ߦߋ߫ ߓߊ߬ ߸ ߥߟߊ߫ ߌ ߡߊ߫ ߖߊ߬ߛߙߋ߬ߡߊ߬ߟߊ߫ ߞߍ߫ ߊ߬ߟߎ߬ ߦߋ߫ ߸ ߏ߬ ߓߍ߯ ߞߊ߫ ߞߊ߲߫ ߊ߬ߟߎ߫ ߡߊ߬ ، ߓߊ ߊ߬ߟߎ߫ ߘߍ߲߬ߞߣߍ߬ߦߊ߬ߕߐ߫ ߕߍ߫
Verse 11 — Surah Ya-Sin 36:11
ߌ ߦߋ߫ ߖߊ߬ߛߙߋ߬ߡߊ߬ߟߊ ߞߍ߫ ( ߟߊ߫ ) ߡߐ߰ ߟߋ߬ ߦߋ߫ ߸ ߡߍ߲ ߕߎ߲߰ߣߍ߲߫ ߞߊ߬ߥߊ߲߬ߘߌ߬ ( ߞߊ߲ ) ߠߊ߫ ߸ ߊ߬ ߣߴߊ߬ ߛߌߟߊ߲߫ ߘߊ߫ ߡߊ߬ߤߌ߬ߣߊ߬ߟߊ ߢߍ߫ ߊ߬ ߢߊߞߕߐߡߊ߫ ، ߒ߬ߓߊ߬ ߌ ߘߟߊߝߎ߬ ߏ߬ ߦߋ߫ ߦߝߊ߬ߟߌ ߟߊ߫ ߸ ߊ߬ ߣߌ߫ ߓߙߊ߬ߖߌ߬ ߞߟߊߒߞߋ ߟߊ߫
Verse 12 — Surah Ya-Sin 36:12
ߊ߲ߠߎ߫ ߘߏ߲߬ ߸ ߛߋߚߋ߫ ߒ߬ߠߎ߫ ߟߋ߬ ߛߎ߭ ߟߎ߬ ߟߊߣߌߡߦߊ߫ ߟߊ߫ ߸ ߊ߬ ߣߴߊ߲ ߘߴߊ߬ߟߎ߬ ߟߊ߫ ߓߊ߯ߙߊ߫ ߢߍߓߌ߬ߟߊ߬ߣߍ߲ ߠߎ߬ ߛߓߍ߫ ߸ ߊ߬ ߣߴߊ߬ߟߎ߫ ߝߏ߲߬ߝߏ߲ ߠߎ߬ ، ߓߊߏ߬ ߝߋ߲ ߓߍ߯ ߡߊߘߊ߲ߣߍ߲߫ ߠߋ߫ ߒ߬ߠߎ߬ ߓߟߏ߫ ߟߍߙߊ߫ ߘߐߜߍ ߞߣߐ߫ ߞߐߘߍ߫
Verse 13 — Surah Ya-Sin 36:13
ߛߊ߲߬ߘߊ ߟߴߊ߬ߟߎ߬ ߦߋ߫ ߘߎ߰ ߘߏ߲ߞߏ ( ߢߌ߲߬ ) ߠߎ߫ ߖߊ߲߬ߖߏ߲ ߘߐ߫ ߸ ߕߎ߬ߡߊ ߡߍ߲ ߞߋߟߊߞߋߟߊ ߟߎ߫ ߣߊ߬ ߘߴߏ߬ ߟߎ߫ ߡߊ߬
Verse 14 — Surah Ya-Sin 36:14
ߕߎ߬ߡߊ ߡߍ߲ ߊ߲ ߞߊ߬ ( ߡߐ߰ ) ߝߌ߬ߟߊ߬ ߗߋ߫ ߏ߬ ߟߎ߫ ߡߊ߬ ߸ ߏ߬ ߟߎ߫ ߞߵߏ߬ ߟߎ߬ ߡߊߛߐ߬ߛߐ߬ ، ߏ߬ ߞߍ ߸ ߊ߲ ߞߵߊ߬ߟߎ߫ ߝߊ߲߬ߞߊߘߏ߲߬ ߛߓߊߣߊ߲ ߠߊ߫ ، ߏ߬ ߟߎ߬ ߞߊ߲߫ ߞߏ߫ ߒ߬ߠߎ߬ ߗߋߣߴߊߟߎ߫ ߡߊ߬ ߟߋ߬
Verse 15 — Surah Ya-Sin 36:15
‹ ߘߎ߰ ߡߐ߮ › ߟߎ߬ ߞߊ߲߫ ߸ ߞߏ߫ ߊߟߎ߫ ߕߍ߫ ߝߏߦߌ߬ ߘߌ߫ ߝߏ߫ ߊ߲ ߢߐ߲߰ ߡߐ߰ ߛߊ߬ߕߊ ، ߡߊ߬ߤߌ߬ߣߊ߬ߟߊ ߡߊ߫ ߝߏߦߌ߬ ߟߊߖߌ߰ ، ߏ߬ ߘߐ߫ ߊߟߎ߫ ߕߍ߫ ߝߏߦߌ߫ ߞߊ߲߬ ߝߏ߫ ߥߎߦߊ߫ ߝߐ (ߘߊߘߐߓߍ߲)
Verse 16 — Surah Ya-Sin 36:16
‹ ߞߋߟߊߞߋߟߊ › ߟߎ߬ ߞߊ߲߫ ߸ ߞߏ߫ ߊ߲ ߡߊ߰ߙߌ ߞߵߊ߬ ߟߐ߲߫ ߛߎߋ߯ ߞߏ߫ ߒ߬ߠߎ߬ ߗߋߣߍ߲߫ ߠߵߊߟߎ߫ ߡߊ߬
Verse 17 — Surah Ya-Sin 36:17
ߝߏߦߌ߫ ߘߏ߲߬ ߕߍ߫ ߒ߬ߠߎ߫ ߡߊ߬ ߟߊ߬ߛߋ߬ߟߌ߬ ߘߐߞߣߍߣߍ߲ ߞߐ߫
Verse 18 — Surah Ya-Sin 36:18
‹ ߘߎ߰ ߡߐ߮ › ߟߎ߬ ߞߊ߲߫ ߸ ߞߏ߫ ߊ߲ ߓߘߊ߫ ߣߙߐ߬ ߖߎ߮ ߦߴߊߟߎ߫ ߝߍ߬ ߘߋ߬ ، ߏ߬ ߘߐ߫ ߣߴߊߟߎ߫ ߡߊ߫ ߝߘߊ߫ ߸ ߊ߲ ߘߴߊߟߎ߫ ߞߙߎ߬ߟߊ߬ߓߏ߲߫ ߠߋ߬ ߘߍ߯ ، ߊ߬ ߣߌ߫ ߖߊ߲߰ߞߕߊ߬ ߘߌߡߌ߲ߣߍ߲ ߘߌ߫ ߡߊ߰ ߊߟߎ߫ ߟߊ߫ ߒ߬ ߓߟߏ߫
Verse 19 — Surah Ya-Sin 36:19
‹ ߞߋߟߊߞߋߟߊ › ߟߎ߬ ߞߊ߲߫ ߞߏ߫ ߊߟߎ߫ ߟߊ߫ ߣߐ߬ߙߐ ߦߴߊߟߎ߫ ߖߍ߬ߘߍ ߟߋ߫ ߝߍ߬ ، ߋ߫ ߸ ߊߟߎ߫ ߞߊ߬ߥߊ߲߬ߘߌ߬ ( ߜߊ߲ߛߊ߲ ) ߡߍ߲ ߞߍߣߍ߲߫ ߓߊ߬؟ ߍ߲߬ߍ߲߫ ߸ ߊߟߎ߫ ߜߎ ߦߋ߫ ߡߌ߬ߙߌ߲߬ߘߌ߫ ߘߊ߲߬ߠߊߕߊ߬ߡߌ߲߬ߣߍ߲ ߠߎ߫ ߟߋ߬ ߘߌ߫
Verse 20 — Surah Ya-Sin 36:20
ߘߊ߬ߡߊ߲߬ߛߊ߫ ߸ ߗߍ߭ ߘߏ߫ ߞߊߟߌߦߊߡߍߣߍ߲ߕߐ ߣߊ߬ ߘߊ߫ ߞߊ߬ ߓߐ߫ ߛߏ ߞߎ߲߭ ߘߐ ߟߊ߫ ، ߏ߬ ߞߊ߲߫ ߞߏ߫ ߒ ߓߊߘߋ߲ ߠߎ߬ ߸ ߊߟߎ߫ ߕߎ߲߰ ߞߋߟߊߞߋߟߊ ߟߎ߬ ߟߊ߫ ߤߊ߲߫߹
Verse 21 — Surah Ya-Sin 36:21
ߊߟߎ߫ ߕߎ߲߰ ߡߐ߰ ߟߊ߫ ߸ ߡߍ߲ ߕߍ߫ ߊߟߎ߫ ߕߙߊ߫ ߟߊ߫ ߛߙߊ߬ ߟߊ߫ ߸ ߊ߬ߟߎ߫ ߘߏ߲߬ ߞߊ߲ߘߊߣߍ߲߫ ߠߋ߬
Verse 22 — Surah Ya-Sin 36:22
ߡߋ߬ߘߋ ߒߠߋ ߟߊ߫ ߸ ߒ ߕߍ߫ ‹ ߡߊ߰ߙߌ߫ › ߓߊ߬ߕߏ߬ ߡߍ߲ ߞߊ߬ ߒ ߛߌ߲ߘߌ߫؟ ߊߟߎ߫ ߘߏ߲߬ ߟߊߛߊ߬ߦߌ߬ߕߐ߫ ߏ߬ ߟߋ ߡߊ߬؟
Verse 23 — Surah Ya-Sin 36:23
ߊ߬ ߝߐ߫ ߒ ߘߌ߫ ߒ ߓߟߏߞߍ߫ ߡߊ߰ߙߌ߬ ߜߘߍ߫ ߟߎ߫ ߟߊ߫ ߞߵߏ߬ ߕߏ߫؟ ߣߌ߫ ߡߊ߬ߤߌ߬ߣߊ߬ߟߊ ߘߏ߲߬ ߢߌߣߌ߲߫ ߘߊ߫ ߡߊ߲߬ߕߙߐ߫ ߡߊ߬ ߒߠߋ ߦߋ߫ ߸ ߏ߬ ߟߎ߬ ߟߊ߫ ߛߟߏ߬ߣߊ߬ߟߌ ߕߍߣߊ߬ ߝߏߦߌ߫ ߢߊ߬ ߟߊ߫ ߒ ߡߊ߬ ߸ ߊ߬ߟߎ߫ ߘߏ߲߬ ߕߍ߫ ߒ ߠߊߞߛߌ߫
Verse 24 — Surah Ya-Sin 36:24
ߏ ߕߎ߬ߡߊ ߝߍ߬ ߸ ߒ ߘߌ߫ ߞߍ߫ ߝߟߌ߬ ߔߘߋߞߟߋ ߘߐ߫ ߛߊ߫ ߞߍ߬؟
Verse 25 — Surah Ya-Sin 36:25
ߒߠߋ ߘߏ߲߬ ߘߍ߲߬ߞߣߍ߬ߦߊ߬ߣߍ߲߫ ߠߋ߬ ߊߟߎ߫ ߡߊ߰ߙߌ ߡߊ߬ ߸ ߏ߬ ߘߐ߫ ߊߟߎ߫ ߒ ߠߊߡߍ߲߫
Verse 26 — Surah Ya-Sin 36:26
ߊ߬ ߝߐ߫ ߘߴߏ߬ ߡߊ߬ ߞߏ߫ ߘߏ߲߬ (ߡߍ߲ߘߌߦߊ) ߣߊߞߐ ߘߐ߫ ، ߊ߬ ߞߊ߲߫ ߞߏ߫ ߥߟߊߞߏ߫ ߒ ߡߌ߬ߙߌ߲߬ߘߌ ߟߎ߫ ߕߘߍ߬ ߦߴߊ߬ ߟߐ߲߫߹
Verse 27 — Surah Ya-Sin 36:27
ߞߏ߫ ߒ ߡߊ߰ߙߌ ߓߘߊ߫ ߦߊ߬ߝߊ ߞߍ߫ ߒߠߋ ߦߋ߫ ߸ ߊ߬ ߣߴߊ߬ ߓߘߊ߫ ߒ ߞߍ߫ ߡߊ߬ߓߏ߲߬ߧߊ߬ߓߊ߰ߕߐ ߟߎ߬ ߘߏ߫ ߘߌ߫
Verse 28 — Surah Ya-Sin 36:28
ߏ߬ ( ߛߊ߭ ) ߞߐ߫ ߸ ߊ߲ ߡߊ߫ ߞߟߍ߬ߓߏ߬ߟߏ߲߬ ߛߌ߫ ߟߊߖߌ߰ ߞߊ߬ ߓߐ߫ ߛߊ߲ ߡߵߊ߬ ߡߌ߬ߙߌ߲߬ߘߌ ߞߊ߲ߡߊ߬ ، ߊ߲ ߖߘߍ߬ ߕߍ߫ ߟߊ߬ߖߌ߰ߟߌ߬ߓߊ߯ ߘߌ߫ ߟߋ߬
Verse 29 — Surah Ya-Sin 36:29
ߘߏ߫ ߜߘߍ߫ ߛߌ߫ ߡߊ߫ ߞߍ߫ ߝߏ߫ ߛߊ߬ߝߍ߬ߞߊ߲߬ ߞߋߟߋ߲߫ ߔߋ߫ ، ߘߊ߬ߡߊ߲߬ߛߊ߫ ߸ ߊ߬ߟߎ߬ ߘߎߝߊ߫ ߘߊ߫ ߟߋߎ߫
Verse 30 — Surah Ya-Sin 36:30
ߒ߬ߓߊ߬ ߕߎ߲߬ߞߊ߬ߟߐ߲ ߦߋ߫ ߖߐ߲߬ ߠߎ߫ ߟߋ߫ ߞߊ߲߬ ߸ ߞߋߟߊ߫ ߛߌ߫ ߡߊ߫ ߣߊ߬ ߡߍ߲ ߠߎ߫ ߡߊ߬ ߣߴߊ߬ߟߎ߬ ߡߴߏ߬ ߡߊߦߟߍ߫
Verse 31 — Surah Ya-Sin 36:31
ߊ߬ߟߎ߬ ߡߴߊ߬ ߦߋ߫ ߓߊ߬ ߸ ߞߏ߫ ߊ߲ ߓߘߊ߫ ߓߐ߲ߛߐ߲ߘߊ߫ ߖߋ߬ߟߌߖߋ߬ߟߌ߫ ߟߋ߬ ߛߌߟߊߛߵߊ߬ߟߎ߬ ߢߍ߫ ߞߘߐ߬ߡߊ߲߫؟ ߏ߬ ߟߎ߫ ߘߏ߲߬ ߕߍߣߊ߫ ߛߊ߬ߦߌ߬ ߟߴߊ߬ߟߎ߫ ߡߊ߬ ߡߎ߬ߕߎ߲߬
Verse 32 — Surah Ya-Sin 36:32
ߏ߬ ߟߎ߫ ߞߋ߬ߟߋ߲߬ߞߋ߬ߟߋ߲߬ߣߊ ߛߌ߫ ߕߍ߫ ߸ ߝߴߏ߬ ߓߍ߯ ߦߋ߫ ߟߊߣߊ߬ ߒ߬ߠߎ߬ ߓߘߊ ߟߋ߬ ߕߘߋ߫
Verse 33 — Surah Ya-Sin 36:33
ߕߊ߰ߛߌ߬ ߞߏ ߘߏ߫ ߟߴߊ߬ߟߎ߬ ߦߋ߫ ߘߎ߱ ߛߊ߬ߣߍ߲ ߘߌ߫ ، ߊ߲ ߧߴߏ߬ ߟߊߣߌߡߦߊ ߡߍ߲ ߞߍ߫ ߟߊ߫ ߸ ߞߊ߬ ߢߊ߯ߡߊ߫ ߞߡߊ ߟߎ߬ ߟߊߓߐ߫ ߏ߬ ߘߐ߫ ߞߍ߬߹ ߊ߬ߟߎ߫ ߖߍ߬ߘߍ ߦߴߏ߬ ߘߏ߫ ߘߊߥߎ߲߫ ߠߊ߫
Verse 34 — Surah Ya-Sin 36:34
ߊ߬ ߣߴߊ߲ ߞߊ߬ ߣߊߞߐ ߟߎ߬ ߞߍ߫ ( ߘߎ߱ ) ߞߊ߲߬ ߕߡߊߙߏߛߎ߲ ߠߎ߬ ߣߌ߫ ߖߊ߬ߓߌ߬ߙߋ߲߬ ߛߎ߲ ߠߎ߬ ߘߌ߫ ߸ ߊ߬ ߣߴߊ߲ ߞߊ߬ ߞߐ߬ߢߊ ߟߎ߬ ߟߊߝߎ߲ߘߌ߫ ߊ߬ ߢߊߝߍ߬
Verse 35 — Surah Ya-Sin 36:35
ߛߴߊ߬ߟߎ߬ ߘߌ߫ ߘߏ߫ ߘߊߥߎ߲߫ ߏ߬ ߦߙߌߘߋ߲ ߠߎ߬ ߘߐ߫ ߸ ߊ߬ ߣߴߊ߬ߟߎ߫ ߖߍ߬ߘߍ ߓߟߏ ߦߋ߫ ߓߊ߯ߙߊ ߡߍ߲ ߠߎ߬ ߞߍ߫ ߟߊ߫ ، ߊ߬ ߝߐ߫ ߊ߬ߟߎ߬ ߕߴߏ߬ ߞߏߢߌߡߊߟߐ߲߫ ߠߊ߫ ߓߊ߬؟
Verse 36 — Surah Ya-Sin 36:36
ߛߊߣߌ߲ߧߊ ߦߋ߫ ߡߍ߲ ߦߋ߫ ߸ ߏ߬ ߟߋ ߞߊ߬ ߝߌ߬ߟߊ߬ߓߊ ߛߎ߮ ߓߍ߯ ߘߊ߲߫ ߘߎ߱ ߟߊ߫ ߝߋ߲߫ ߟߊߝߍߘߍ߲ߕߊ ߘߐ߫ ߸ ߊ߬ ߣߴߊ߬ߟߎ߫ ߖߘߍ߬ߞߎ߲ ߠߎ߬ ߘߐ߫ ߸ ߊ߬ ߣߌ߫ ߝߋ߲߫ ߜߘߍ߫ ߟߎ߫ ߘߐ߫ ߸ ߊ߬ߟߎ߬ ߡߊ߫ ߡߍ߲ ߠߎ߬ ߟߐ߲߫
Verse 37 — Surah Ya-Sin 36:37
ߕߊ߰ߛߌ߬ ߞߏ ߘߏ߫ ߟߵߊ߬ߟߎ߬ ߦߋ߫ ߛߎ ߘߌ߫ ߸ ߊ߲ ߧߋ߫ ߕߟߋ߬ߘߐ߬ߟߊ ߓߏ߬ߛߌ ߡߍ߲ ߞߍ߫ ߟߴߏ߬ ߘߐ߫ ߸ ߘߊ߬ߡߊ߲߬ߛߊ߫ ߘߌ߬ߓߌ ߓߘߊ߫ ߘߏ߲߬ ߊ߬ߟߎ߫ ߞߎ߲߬ߠߊ߫
Verse 38 — Surah Ya-Sin 36:38
ߕߋ߬ߟߋ ߦߋ߫ ߓߏ߬ߙߌ߬ ߟߊ߫ ߞߊߕߙߍ߬ ߊ߬ ߡߊߞߍ߫ ߦߌߟߊ ߟߋ߫ ߡߊ߬ ، ߒ߬ߓߊ߬ ߏ߬ ߦߋ߫ ߣߌ߬ߣߌ߬ߟߊ߫ ߟߐ߲ߠߌ߲ߠߊ ߟߊ߫ ߘߡߊ߬ߦߌ߬ߙߊ߬ߦߊ ߟߋ߬ ߘߌ߫
Verse 39 — Surah Ya-Sin 36:39
ߊ߲ ߞߊ߬ ߞߊߙߏ ߝߣߊ߫ ߘߡߊ߬ߦߌ߬ߙߊ߬ߦߊ߫ ߛߌ߬ߛߊ߮ ߟߎ߫ ߟߋ߬ ߘߌ߫ ߸ ߝߏ߫ ߊ߬ ߣߊ߬ ߘߊ߫ ߟߊߓߊ߲߫ ߦߏ߫ ߕߡߊߙߏ߫ ߛߌ߲ߞߟߊ߫ ߞߘߐ߬ߣߍ߲ ߠߋ߬
Verse 40 — Surah Ya-Sin 36:40
ߊ߬ ߕߍ߫ ߓߍ߲߬ ߕߋ߬ߟߋ ߡߊ߬ ߞߊ߬ ߞߍ߫ ߞߊߙߏ ߘߐ߫ ، ߛߎ ߝߣߊ߫ ߕߍ߫ ߞߐ߲߰ ߕߟߋ߬ߘߐ߬ߟߊ ߢߍ߫ ، ߓߊ ߊ߬ ߓߍ߯ ߦߋ߫ ߞߎߟߎ߲ߞߎߟߎ߲߫ ߠߊ߫ ߞߊߡߊ߲ ߠߋ߬ ߞߣߐ߫
Verse 41 — Surah Ya-Sin 36:41
ߕߊ߰ߛߌ߬ ߞߏ ߘߏ߫ ߟߴߊ߬ߟߎ߬ ߦߋ߫ ߸ ߊ߲ ߞߵߊ߬ߟߎ߬ ߓߐߛߎ߲ ߠߎ߫ ߕߊ߭ ߡߍ߲ ߞߍ߫ ߞߎߟߎ߲߫ ߠߊߢߎ߲ߣߍ߲ ߞߣߐ߫ ߞߍ߬߹
Verse 42 — Surah Ya-Sin 36:42
ߊ߲ ߞߵߏ ߢߐ߲߰ ߜߘߍ߫ ߘߊ߲߫ ߊ߬ߟߎ߬ ߦߋ߫ ߸ ߊ߬ߟߎ߫ ߘߏ߲߬ ߠߊ߫ ߡߍ߲ ߠߎ߬ ߞߣߐ߫ ߞߊ߬ߣߌ߲߫
Verse 43 — Surah Ya-Sin 36:43
ߣߴߊ߬ ߘߏ߲߬ ߞߊ߬ ߒ߬ ߘߌߦߊ߫ ߸ ߒ߬ ߘߴߊ߬ߟߎ߬ ߟߊߕߏ߫ ߖߌ ߘߐ߫ ߸ ߘߍ߬ߡߍ߲߬ߓߊ߯ ߕߍ߫ ߞߍ߫ ߊ߬ߟߎ߬ ߟߊ߫ ߸ ߊ߬ߟߎ߫ ߘߏ߲߬ ߕߍ߫ ߟߊߞߛߌ߫
Verse 44 — Surah Ya-Sin 36:44
ߝߏ߫ ߊ߲ ߠߊ߫ ߤߌߣߊ ߟߊ߫ ߘߋ߬ ߸ ߊ߬ ߣߌ߫ ߘߊ߰ߡߎ߲ ( ߡߊߞߐ߬ߣߐ߲ ) ߠߊ߫ ߛߊ߬ߣߌ߫ ߥߊ߯ߕߌ߫ ߕߍ߫
Verse 45 — Surah Ya-Sin 36:45
ߕߎ߬ߡߊ ߘߏ߫ ߟߊ߫ ߸ ߊ߰ ߊ߬ ߝߐ߫ ߟߴߊ߬ߟߎ߬ ߦߋ߫ ߞߏ߫ ߊߟߎ߫ ߦߴߊߟߎ߫ ߝߊ߲ߕߊ߲߬ߞߵߊߟߎ߫ ߢߍ߫ ߞߏ ߣߴߊߟߎ߫ ߞߐ߫ ߞߏ ߡߊ߬ ߸ ߛߴߊߟߎ߫ ߘߌ߫ ߟߊߤߌߣߊ߫
Verse 46 — Surah Ya-Sin 36:46
ߟߝߊߙߌ߫ ߛߌ߫ ߘߏ߲߬ ߕߍ߫ ߣߵߊ߬ߟߎ߫ ߡߵߊ߬ߟߎ߫ ߡߊ߰ߙߌ ߟߊ߫ ߟߝߊߙߌ ߟߎ߬ ߘߐ߫ ߸ ߣߴߊ߬ߟߎ߬ ߡߴߊ߬ߟߎ߬ ߞߐߘߏ߲߬ ߏ߬ ߟߊ߫
Verse 47 — Surah Ya-Sin 36:47
ߣߴߊ߬ ߘߏ߲߬ ߝߐ߫ ߘߴߊ߬ߟߎ߬ ߦߋ߫ ߸ ߞߏ߫ ߊߟߎ߯ ߖߘߍ߬ߡߊ߬ߓߐ ߞߍ߫ ߊߟߊ߫ ߟߊ߫ ߤߊ߬ߙߌ߬ߖߍ߰ ߘߌߣߍ߲ ߘߐ߫ ߊߟߎ߫ ߡߊ߬ ߸ ߓߊ߲߬ߓߊ߮ ߟߎ߬ ߘߴߊ߬ ߝߐ߫ ߘߍ߲߬ߞߣߍ߬ߦߊ߬ߓߊ߮ ߟߎ߫ ߡߊ߬ ߸ ߞߏ߫ ߌ߬ߦߏ߯ ߒ߬ߠߎ߬ ߦߋ߫ ߡߐ߰ ߟߘߊߥߎ߲ߠߌ߲߫ ߸ ߊ߬ ߓߊ߯ ߊߟߊ߫ ߘߌߦߴߊ߬ ߘߌ߫ ߡߍ߲ ߠߘߊߥߎ߲ߠߌ߲߫؟ ߊߟߎ߫ ߕߍ߫ ߝߏߦߌ߫ ߡߊ߬ ߏ߬ ߘߐ߫ ߝߏ߫ ߝߟߌ߬ ߔߘߋߞߟߋ߫
Verse 48 — Surah Ya-Sin 36:48
ߊ߬ ߣߴߊ߬ߟߎ߬ ߘߴߊ߬ ߝߐ߫ ߛߐ߲߬ ߸ ߞߏ߫ ߊ߬ߟߋ߬ ߛߘߊߒߡߊߕߎߡߣߊ ߣߌ߲߬ ߦߋ߫ ߥߊ߯ߕߌ ߖߐ߲߫ ߘߌ߫ ߓߏ߲߰ ߸ ߣߴߊߟߎ߫ ߦߋ߫ ߕߎ߬ߢߊ߬ ߕߌ߯ ߟߎ߫ ߘߌ߫؟
Verse 49 — Surah Ya-Sin 36:49
ߊ߬ߟߎ߫ ߘߏ߲߬ ߕߍ߫ ߝߏߦߌ߬ ߡߊߞߐ߬ߣߐ߲ ߞߊ߲߬ ߝߏ߫ ߛߊ߬ߝߍ߬ ߞߊ߲߬ ߞߋߟߋ߲߫ ߔߋ߫ ߸ ߏ߬ ߘߴߊ߬ߟߎ߬ ߕߍ߯ߕߊ߬ ߞߵߊ߬ ߕߘߍ߬ ߊ߬ߟߎ߬ ߦߋ߫ ߢߐ߲߯ ߘߊߘߛߐߛߐ ߟߊ߫
Verse 50 — Surah Ya-Sin 36:50
ߊ߬ߟߎ߬ ߕߍ߫ ߡߊ߬ߛߙߊ߬ߟߌ߫ ߟߊߣߐ߬ ߏ߬ ߘߐ߫ ߸ ߊ߬ߟߎ߫ ߘߏ߲߬ ߕߍ߫ ߛߊ߬ߦߌ߫ ߊ߬ߟߎ߬ ߞߐߙߍ ߟߎ߫ ߡߊ߬ ߡߎ߬ߕߎ߲߬
Verse 51 — Surah Ya-Sin 36:51
ߏ߬ ߞߐ߫ ߓߘߎ ߘߌ߫ ߝߍ߫ ( ߞߏ߫ ߝߌߟߊߣߊ߲ ߞߍ߫ ) ߸ ߘߊ߬ߡߊ߲߬ߛߊ߫ ߊ߬ߟߎ߬ ߘߌ߫ ߓߐ߫ ߛߊ߬ߙߌ ߟߎ߬ ߘߐ߫ ߓߏ߬ߙߌ ߘߌ߫ ߸ ߞߊߕߍ߬ߙߍ߫ ߊ߬ߟߎ߫ ߡߊ߰ߙߌ ߡߊ߬
Verse 52 — Surah Ya-Sin 36:52
ߊ߬ߟߎ߬ ߘߴߊ߬ ߝߐ߫ ߞߏ߫ ߊ߯ߟߊ߲߫߹ ߖߍߣߍ߲ ߣߵߊ߲ ߠߊߥߟߌ߬ ߟߊ߫ ߒ߬ ߛߎ߬ߣߐ߰ ߦߌߟߊ ߢߌ߲߬ ߘߐ߫ ߛߊ߫؟ ( ߞߏ߫ ) ߝߋ߲߫ ߠߋ߬ ߣߌ߲߬ ߸ ߡߊ߬ߤߌ߬ߣߊ߬ߟߊ ߞߊ߬ ߡߍ߲ ߦߟߌߡߊߘߌߦߊ ߞߍ߫ ، ߞߋߟߊߡߐ߮ ߟߎ߫ ߘߏ߲߬ ߞߊ߬ ߕߎ߬ߢߊ߬ ߝߐ߫ ߥߍ߫
Verse 53 — Surah Ya-Sin 36:53
ߊ߬ ߘߏ߲߬ ߕߍ߫ ߘߏ߫ ߜߘߍ߫ ߘߌ߫ ߝߏ߫ ߛߊ߬ߝߍ߬ ߞߊ߲߬ ߞߋߟߋ߲߫ ߔߋ߫ ، ߘߊ߬ߡߊ߲߬ߛߊ߫ ߊ߬ߟߎ߬ ߟߊߘߍ߬ߣߍ߲ ߓߘߊ߫ ߟߊߣߊ߬ ߒ߬ߠߎ߬ ߓߘߊ ߞߐߘߍ߫
Verse 54 — Surah Ya-Sin 36:54
ߞߏ߫ ߒ߬ߓߊ߬ ߓߌ߬ ߸ ߣߌߡߊ ߕߍ߫ ߕߐ߬ߢߍ߰ ߝߏߦߌ߬ ߟߊ߫ ߸ ߊߟߎ߫ ߘߏ߲߬ ߕߍ߫ ߛߙߊ߬ ߟߊ߫ ߘߏ߫ ߜߘߍ߫ ߟߊ߫ ߝߏ߫ ߊߟߎ߫ ߕߘߍ߬ ߡߍ߲ ߞߍ߫ ߟߊ߫
Verse 55 — Surah Ya-Sin 36:55
ߣߊߞߐ ߘߏ߲߬ߞߏ ߟߎ߫ ߓߌ߬ߟߊ߬ߡߊ ߛߏ߰ߟߊ߬ߣߍ߲ ߦߋ߫ ߘߊ߰ߡߎ߲߬ ߞߏ ߟߎ߫ ߟߋ߬ ߟߊ߫
Verse 56 — Surah Ya-Sin 36:56
ߊ߬ߟߎ߬ ߣߴߊ߬ߟߎ߬ ߝߘߎߡߊ ߟߎ߬ ߦߋ߫ ߘߎߟߋ߲ ߠߎ߬ ߟߊ߫ ߸ ߊ߬ߟߎ߫ ߛߍ߲߬ߓߍ߬ߣߍ߲߫ ߜߍ߬ߡߍ ߟߎ߫ ߞߊ߲߬
Verse 57 — Surah Ya-Sin 36:57
ߦߙߌߘߋ߲ ߠߎ߬ ߦߴߊ߬ߟߎ߬ ߓߟߏ߫ ߦߋ߲߬ ߸ ߝߋ߲߫ ߠߋ߬ ߝߣߴߊ߬ߟߎ߬ ߢߍ߫ ߦߋ߲߬ ߸ ߊ߬ߟߎ߬ ߦߋ߫ ߡߍ߲ ߡߊߞߟߌ߫ ߟߊ߫
Verse 58 — Surah Ya-Sin 36:58
ߖߐ ߦߋ߫ ߞߍ߫ ߟߊ߫ ߞߎߡߊ߫ ߞߋߟߋ߲߫ ߠߋ߬ ߟߊ߫ ߸ ߞߊ߬ ߝߘߊ߫ ߡߊ߰ߙߌ߬ ߤߌߣߟߊ ߟߊ߫
Verse 59 — Surah Ya-Sin 36:59
ߊߟߎ߫ ߕߏ߫ ߊߟߎ߫ ߞߏߟߊ߫ ߓߌ߬ ߘߋ߬ ߸ ߊߟߎ߬ ߛߐ߲߬ߡߊ ߟߎ߬
Verse 60 — Surah Ya-Sin 36:60
ߊ߬ ߝߐ߫ ߒߠߋ ߡߊ߫ ߟߊ߬ߤߘߌ ߘߴߊߟߎ߫ ߡߊ߬ ߓߊ߬ ߊߟߎ߬ ߊߘߡߊ߫ ߘߋ߲ ߠߎ߬ ߸ ߒ ߞߏ߫ ߊߟߎ߫ ߞߊߣߊ߬ ߜߍ߬ߘߍ ߓߊ߬ߕߏ߬ ߸ ߓߊ ߏ߬ ߦߴߊߟߎ߫ ߖߎ߯ ߘߐߜߍ ߟߋ߬ ߘߌ߫؟
Verse 61 — Surah Ya-Sin 36:61
ߒ ߞߏ߫ ߊߟߎ߯ ߒߠߋ ߟߋ߫ ߓߊ߬ߕߏ߫ ߘߋ߬ ߸ ߓߊ ߏ߬ ߟߋ ߛߌߟߊ߫ ߕߋߟߋ߲ߣߍ߲ ߘߌ߫
Verse 62 — Surah Ya-Sin 36:62
ߊ߬ ߘߏ߲߬ ߓߘߊ߫ ߘߊ߲ߝߋ߲߫ ߛߘߍߡߊ߲߫ ߠߊߝߟߌ߬ ߊߟߎ߫ ߘߐ߫ ߞߟߋ߫ ، ߊ߬ ߝߐ߫ ߊߟߎ߫ ߕߴߏ߬ ߤߊߞߟߌߡߦߊ߫ ߟߊ߫ ߓߊ߬؟
Verse 63 — Surah Ya-Sin 36:63
ߒ߬ߓߊ߬ ߔߊߦߌߔߊߦߌ ߟߋ߫ ߣߌ߲߬ ߸ ߞߐ߲߬ߞߐ߲߬ ߞߍߣߍ߲߫ ߕߘߍ߬ ߊߟߎ߫ ߡߊ߬ ߡߍ߲ ߘߐ߫
Verse 64 — Surah Ya-Sin 36:64
ߊߟߎ߫ ߘߏ߲߬ ߦߋ߲߬ ߓߌ߬ ߛߊ߫ ߸ ߞߊ߬ߡߊߛߐ߬ߘߐ߲߬ ߊߟߎ߫ ߟߊ߫ ߓߊ߲߬ߓߊ߰ߦߊ߬ ߞߍߣߍ߲߫ ߞߘߐ ߟߎ߫ ߝߍ߬
Verse 65 — Surah Ya-Sin 36:65
ߓߌ߬ ߸ ߊ߲ ߘߴߊ߬ߟߎ߬ ߘߊ ߟߎ߬ ߟߊߣߘߐ߫ ، ߊ߬ߟߎ߬ ߓߟߏ ߟߎ߬ ߦߋ߫ ߒ߬ ߞߎߡߊߢߐ߲߯ߦߊ߫ ߸ ߊ߬ߟߎ߫ ߛߋ߲߭ ߠߎ߬ ߦߴߊ߬ߟߎ߬ ߗߋߥߊߟߌ ߟߎ߬ ߛߙߋߦߊ ߟߊߟߐ߬
Verse 66 — Surah Ya-Sin 36:66
ߣߴߊ߬ ߞߊ߬ ߒ߬ ߘߌߦߊ߫ ߸ ߒ߬ ߘߴߊ߬ߟߎ߬ ߢߊ ߟߎ߬ ߓߎߙߎ߲ߞߐ߫ ߸ ߞߵߊ߬ߟߎ߬ ߟߊߜߘߌ߫ ߛߌߟߊ ߞߊ߲߬ ߸ ߊ߬ߟߎ߬ ߦߋ߫ ߦߋߟߌ ߞߍ߫ ߟߴߏ߬ ߘߐ߫ ߘߌ߬؟
Verse 67 — Surah Ya-Sin 36:67
ߣߴߊ߬ ߘߏ߲߬ ߞߊ߬ ߒ߬ ߘߌߦߊ߫ ߸ ߒ߬ ߘߴߊ߬ߟߎ߬ ߘߊ߲ߠߌ߲ ߡߊߦߟߍ߬ߡߊ߲߫ ߊ߬ߟߎ߫ ߘߌ߲߬ߞߌߙߊ ߘߐ߫ ، ߊ߬ߟߎ߬ ߕߴߛߋ߫ ߕߊ߬ߡߌ߲߬ ߠߴߏ߬ ߘߐ߫ ߸ ߊ߬ߟߎ߫ ߘߏ߲߬ ߕߍ߫ ߊ߬ߟߎ߬ ߞߐߛߊ߬ߦߌ߲߬
Verse 68 — Surah Ya-Sin 36:68
ߊ߲ ߓߊ߯ ߡߍ߲ ߛߌ߬ߡߊ߬ߦߊ߫ ߸ ߊ߲ ߘߴߏ߬ ߞߎ߲߬ߕߐ߬ߡߊ߬ߛߊߦߌ߲߫ ߘߊ߲ߠߌ߲ ߘߐ߫ ߸ ߊ߬ ߝߐ߫ ߊ߬ߟߎ߬ ߕߴߏ߬ ߤߊߞߟߌߡߦߊ߫ ߟߊ߫؟
Verse 69 — Surah Ya-Sin 36:69
ߊ߲ ߡߊ߫ ‹ ߞߋߟߊ › ߟߊߟߐ߲ߠߌ߲߫ ߛߞߎ߬ ߟߊ߫ ߘߋ߬ ߸ ߏ߬ ߝߊ߲߭ ߕߍ߫ ߓߍ߲߬ ߊ߬ ߡߊ߬ ߟߋ߬ ، ߊ߬ ߕߍ߫ ߘߏ߫ ߜߘߍ߫ ߞߊ߲߬ ߝߏ߫ ߞߊ߬ߥߊ߲߬ߘߌ ߸ ߊ߬ ߣߌ߫ ߞߊ߬ߙߊ߲߬ ߘߐߞߣߍߣߍ߲
Verse 70 — Surah Ya-Sin 36:70
ߛߴߊ߬ ߘߌ߫ ߖߊ߬ߛߙߋ߬ߡߊ߬ߟߊ ߞߍ߫ ߤߊ߲ߞߟߌߡߊ ߦߋ߫ ߸ ߊ߬ ߣߌ߫ ( ߞߐ߲߬ߞߐ߲߬ߒߡߊ ) ߞߎߡߊ ߦߋ߫ ߜߋ߲ߜߋ߲ߦߊ߫ ߓߊ߲߬ߓߊ߮ ߟߎ߫ ߡߊ߬
Verse 71 — Surah Ya-Sin 36:71
ߦߊ߯ߟߴߊ߬ߟߎ߬ ߡߴߊ߬ ߦߋ߫ ߓߊ߬ ߞߏ߫ ߒ߬ߠߎ߫ ߟߋ߫ ߞߊ߬ ߞߟߏߝߋ߲ ߠߎ߬ ߘߊ߲߫ ߊ߬ߟߎ߬ ߦߋ߫ ߒ߬ ߖߍ߬ߘߍ ߓߟߏ߫ ߟߊ߫ ߝߋ߲߫ ߓߊ߯ߙߊߣߍ߲ ߘߐ߫ ߸ ߊ߬ߟߎ߬ ߦߴߏ߬ ߟߎ߫ ߡߙߊ߬ ߟߊ߫؟
Verse 72 — Surah Ya-Sin 36:72
ߊ߲ ߞߵߏ߬ ߟߎ߬ ߞߟߏ߫ ߊ߬ߟߎ߬ ߦߋ߫ ߞߎߓߍߞߎߓߍ߫ ، ߊ߬ߟߎ߫ ߦߟߍ߬ߒ߬ߞߊ߲߬ߕߊ ( ߟߎ߬ ) ߦߴߊ߬ߟߎ߬ ߘߐ߫ ߸ ߊ߬ߟߎ߬ ߘߊߥߎ߲ߕߊ ( ߟߎ߬ ) ߦߴߊ߬ߟߎ߬ ߘߐ߫
Verse 73 — Surah Ya-Sin 36:73
ߡߎߣߊ߲ߝߊ߲ ߠߎ߬ ߣߌ߫ ߡߌ߲߬ߕߊ ߟߎ߬ ߦߴߊ߬ߟߎ߬ ߢߍ߫ ߏ߬ ߟߎ߬ ߘߐ߫ ߸ ߦߊ߯ߟߴߊ߬ߟߎ߬ ߕߴߏ߬ ߞߏߢߌߡߊߟߐ߲߫ ߠߊ߫ ߓߊ߬؟
Verse 74 — Surah Ya-Sin 36:74
ߊ߬ߟߎ߫ ߣߵߊ߬ߟߎ߬ ߓߟߏߞߍ߫ ߟߊ߫ ߡߊ߰ߙߌ߬ ߜߘߍ߫ ߟߎ߫ ߟߋ߬ ߟߊ߫ ߞߵߊߟߊ߫ ߕߏ߫ ߸ ߛߴߊ߬ߟߎ߬ ߘߌ߫ ߡߊߘߍ߬ߡߍ߲߬
Verse 75 — Surah Ya-Sin 36:75
ߏ߬ ߟߎ߫ ߘߏ߲߬ ߕߍߣߵߊ߬ߟߎ߫ ߘߍ߬ߡߍ߲ ߡߊߣߐ߬ ߟߊ߫ ، ߏ߬ ߟߎ߬ ߝߣߊ߫ ߦߋ߫ ߞߟߍ߬ߓߏߟߏ߲߫ ߟߊߣߊ߬ߕߊ ߟߋ߬ ߘߌ߫ ߊ߬ߟߎ߫ ߝߍ߬ ( ߞߕߌߘߊ ߘߐ߫)
Verse 76 — Surah Ya-Sin 36:76
ߊ߬ߟߎ߬ ߟߊ߫ ߞߎߡߊ ߞߊߣߵߌ ߟߊߛߎ߬ߣߎ߲߫ ߘߋ߬ ، ߒ߬ߠߎ߫ ߞߵߊ߬ ߟߐ߲߫ ߊ߬ߟߎ߬ ߦߋ߫ ߡߍ߲ ߜߎ߲߬ߘߎ߬ ߟߊ߫ ߸ ߊ߬ ߣߴߊ߬ߟߎ߬ ߦߋ߫ ߡߍ߲ ߟߊ߲ߞߣߍߡߊ߫ ߟߊ߫
Verse 77 — Surah Ya-Sin 36:77
ߦߊ߯ߟߊ߫ ߡߐ߱ ߕߴߊ߬ ߦߋ߫ ߟߊ߫ ߓߊ߬ ߸ ߞߏ߫ ߒ߬ߠߎ߫ ߟߋ߫ ߞߵߊ߬ ߘߊ߲߫ ߛߖߌߣߍ߲߫ ߣߙߐߘߐߖߎ߮ ߘߐ߫؟ ߏ߬ ߟߋ ߞߍߣߍ߲߫ ߞߟߍ߬ߢߐ߲߰ ߘߐ߬ߜߍ ߘߌ߫ ߣߌ߲߬؟
Verse 78 — Surah Ya-Sin 36:78
ߊ߬ ߣߴߊ߬ ߞߊ߬ ߛߊ߲߬ߘߊ ߟߊ߫ ߒ߬ߠߎ߬ ߦߋ߫ ߞߊ߬ ߢߌ߬ߣߴߊ߬ ߖߘߍ߬ ߘߊ߲ߧߊ ߞߐ߫ ߸ ߞߵߊ߬ ߝߐ߫ ߞߏ߫ ߖߍߣߍ߲ ߦߋ߫ ߞߟߏ ߟߎ߬ ߟߊߣߌߡߦߊ߫ ߟߊ߫ ߞߵߊ߬ ߕߘߍ߬ ߊ߬ߟߎ߫ ߡߎ߰ߡߎ߰ߣߍ߲ ߦߋ߫؟
Verse 79 — Surah Ya-Sin 36:79
ߊ߬ ߖߋ߬ߓߌ߬ ߸ ߞߏ߫ ߡߍ߲ ߞߵߊ߬ߟߎ߬ ߟߊߘߊ߲߫ ߛߋ߲߬ߧߊ߬ ߝߟߐ ߘߐ߫ ߸ ߏ߬ ߟߴߊ߬ߟߎ߬ ߟߊߣߌߡߦߊ߫ ߟߊ߫ ߸ ߏ߬ ߟߋ ߘߏ߲߬ ߦߋ߫ ߘߊ߲ߠߌ߲ ( ߞߍߢߊ ) ߓߍ߯ ߟߐ߲ߓߊ߮ ߘߌ߫
Verse 80 — Surah Ya-Sin 36:80
ߏ߬ ߟߋ ߞߊ߬ ߕߊ ߟߊߘߊ߲߫ ߊߟߎ߫ ߦߋ߫ ߞߊ߬ ߓߐ߫ ߦߙߌ߫ ( ߘߏ߲ߓߏ߫ ) ߝߙߌߛߌߡߊ ߘߐ߫ ߸ ߘߊ߬ߡߊ߲߬ߛߊ߫ ߊߟߎ߫ ߦߋ߫ ߟߊ߬ߡߍ߬ߣߍ߲߬ߠߌ߲ ߞߍ߫ ߟߴߏ߬ ߘߐ߫
Verse 81 — Surah Ya-Sin 36:81
(ߡߊ߰ߙߌ ) ߡߍ߲ ߞߊ߬ ߛߊ߲ ߠߎ߬ ߣߌ߫ ߘߎ߱ ߘߊ߲߫ ߸ ߊ߬ ߝߐ߫ ߏ߬ ߕߍ߫ ߛߴߊ߬ߟߎ ߢߐ߲߰ ߘߊ߲߫ ߠߊ߫؟ ߤߊ߯ߟߌ߫ ߞߍ߬ ߸ ߓߊ ߏ߬ ߟߋ ߘߊ߲ߠߌ߲ߠߓߊ ߘߌ߫ ߸ ߊ߬ߟߋ ߟߋ߬ ߟߐ߲ߠߌ߲ߠߊ ߘߌ߫
Verse 82 — Surah Ya-Sin 36:82
ߣߴߊ߬ ߞߊ߬ ߞߏ ߘߏ߫ ߟߊߢߌߣߌ߲߫ ߸ ߊ߬ ߟߊ߫ ߖߡߊ߬ߙߌ߬ߒ߬ߞߊ߲߬ߠߊ ߟߴߊ߬ ߝߐ ߘߴߏ߬ ߡߊ߬ ߞߏ߫ ߞߍ߫ ߸ ߏ߬ ߘߏ߲߬ ߘߌ߫ ߞߍ߫ ߟߋ߬ ߘߍ߯߹
Verse 83 — Surah Ya-Sin 36:83
ߛߊߣߌ߲ߧߊ ߦߋ߫ ( ߡߊ߰ߙߌ ߦߋ߫ ) ߸ ߞߏ ߓߍ߯ ߡߙߊ߬ ߡߊ߲߬ߛߊ߬ߦߊ ߦߋ߫ ߡߍ߲ ߓߟߏ߫ ، ߊߟߎ߫ ߘߏ߲߬ ߠߊߛߊ߬ߦߌ߬ߕߐ߫ ߊ߬ߟߋ ߟߋ߫ ߡߊ߬