Back to Languages
Bambara - Chapter 38 - Sad
Translation by Fodi Suliman Kanti — Permalink
Verse 1 — Surah Sad 38:1
ߛ߫. ( ߛ߫ߊ߯ߘ. ) ߊ߰ ߒ ߣߌ߫ ߞߎ߬ߙߊ߬ߣߊ ߕߍ߫ ߸ ߏ߬ ߡߍ߲ ߦߋ߫ ߞߊ߬ߥߊ߲߬ߘߌ ߕߌ߱ ߘߌ߫
Verse 2 — Surah Sad 38:2
ߍ߲߬ߍ߲߫ ߸ ߓߊ߲߬ߓߊ߮ ߟߎ߬ ߦߋ߫ ߞߕߋߘߐߓߦߊ ߟߋ߫ ߞߊ߲߬ ߊ߬ ߣߌ߫ ߝߐߢߐ߲߯ߞߐ
Verse 3 — Surah Sad 38:3
ߊ߲ ߘߏ߲߬ ߓߘߊ߫ ߝߊ߯ߘߐߞߍ߫ ߖߋ߬ߟߌߖߋ߬ߟߌ߫ ߟߋ߬ ߛߌߟߊߛߵߊ߬ߟߎ߬ ߢߍ߫ ߞߘߐ߬ߡߊ߲߫؟ ߏ߬ ߟߎ߫ ߣߊ߬ ߘߊ߫ ߞߟߌߟߌ ߞߍ߫ ߸ ߞߵߊ߬ ߛߐ߬ߘߐ߲߬ ߏ߬ ߕߍ߫ ߓߏ߬ߙߌ ߕߎ߬ߡߣߊ߬ ߘߌ߫ ߡߎ߬ߕߎ߲߬
Verse 4 — Surah Sad 38:4
ߏ߬ ߟߎ߬ ߞߓߊߞߏߦߊ߫ ߘߊ߫ ߟߋ߬ ߸ ߞߏ߫ ߖߊ߬ߛߙߋ߬ߡߊ߬ߟߌ߬ߟߊ ߓߘߊ߫ ߣߵߊ߬ߟߎ߫ ߡߊ߬ ߞߊ߬ ߓߐ߫ ߊ߬ߟߎ߫ ߖߍ߬ߘߍ ߘߐ߫ ، ߓߊ߲߬ߓߊ߮ ߟߎ߬ ߞߊ߲߫ ߏ߬ ߟߋ ߡߊ߬ ߸ ߞߏ߫ ߣߌ߲߬ ߦߋ߫ ߛߎߓߊ߯ ߥߎߦߊ߫ ߝߐߟߊ ߟߋ߬ ߘߌ߫
Verse 5 — Surah Sad 38:5
ߌ߬ߦߏ߯ ߊ߬ ߞߊ߬ ߡߊ߰ߙߌ ߟߎ߬ ߞߍ߫ ߡߊ߰ߙߌ߬ ߞߋߟߋ߲߫ ߘߌ߫؟ ، ߖߊ߯ߕߋ߬ ߸ ߣߌ߲߬ ߦߋ߫ ߞߏ߫ ߡߊߞߓߊߣߍ߲߫ ߘߌ߫
Verse 6 — Surah Sad 38:6
ߊ߬ߟߎ߬ ߟߊ߫ ߞߏߟߊߕߍ߮ ߟߎ߬ ߥߊߕߐ ߞߊ߲߫ ߞߏ߫ ߊߟߎ߫ ߕߊ߯ ߊߟߎ߫ ߡߎ߬ߢߎ߲߬ ߊߟߎ߫ ߡߊ߰ߙߌ ߟߎ߫ ߞߊ߲߬ ߞߟߋ߫ ، ߖߊ߯ߕߋ߬ ߸ ߣߌ߲߬ ߦߋ߫ ߞߏ߫ ߟߋ߬ ߘߌ߫ ߸ ߊ߬ߟߎ߬ ߦߴߊ߬ ߝߍ߬ ߞߊ߬ ߡߍ߲ ߞߍ߫ ߸ (ߡߊ߰ߙߌ߬ ߞߋ߬ߟߋ߲߬ ߞߏ ߞߊ߬ߣߌ߲߫)
Verse 7 — Surah Sad 38:7
ߊ߲ ߡߊ߫ ߣߌ߲߬ (ߛߎ߮) ߡߍ߲߫ ߘߌ߯ߣߊ߫ ߞߐߟߕߊ ߘߐ߫ ߝߋߎ߫ ، ߣߌ߲߬ ߕߍ߫ ߝߏߦߌ߬ ߘߌ߫ ߞߎ߲߬ߘߐ߬ߕߍ߮ ߞߐ߫
Verse 8 — Surah Sad 38:8
ߦߊ߯ߟߊ߫ ߞߊ߬ߥߊ߲߬ߘߌ ߟߊߖߌ߰ߣߴߊ߬ߟߋ ߟߋ߫ ߡߊ߬ ߒ߬ߠߎ߬ ߕߍߡߊ߬ ߓߊ߬؟ ߸ ߞߏ߬ߣߌ߲߬ ߍ߲߬ߍ߲߫ ߸ ߒ߬ ߠߊ߫ ߞߊ߬ߥߊ߲߬ߘߌ߬ ( ߟߊ߬ߖߌ߰ ߞߏ ) ߛߌߞߊ ߟߴߊ߬ߟߎ߬ ߟߊ߫ ، ߓߊ߬ߙߌ߬ ߍ߲߬ߍ߲߫ ߸ ߊ߬ߟߎ߬ ߡߊ߫ ߒ߬ ߠߊ߫ ߖߊ߲߰ߞߕߊ ߡߊߜߏ߬ߙߏ߫ ߟߋ߬ ߡߎߣߎ߲߬
Verse 9 — Surah Sad 38:9
ߦߊ߯ߟߊ߫ ߌ ߡߊ߰ߙߌ߫ ߣߌ߬ߣߌ߬ߟߊ߫ ߛߐߟߌߟߊ ߟߊ߫ ߤߌߣߊ ߡߣߐ߬ߓߏ߲ ߠߎ߫ ߟߴߊ߬ߟߎ߬ ߓߟߏ߫ ߓߊ߬؟
Verse 10 — Surah Sad 38:10
ߥߟߊ߫ ߛߊ߲ ߠߎ߬ ߣߌ߫ ߘߎ߱ ߣߴߏ߬ ߟߎ߫ ߝߌ߬ߟߊ ߕߍ߫ ߝߋ߲ ߠߎ߫ ߡߊ߲߬ߛߊ߬ߦߊ ߟߴߊ߬ߟߎ߬ ߓߟߏ߫ ߓߊ߬؟ ߒ߬ߓߵߊ߬ߟߎ߬ ߦߋ߫ ߦߟߍ߬ ߖߎ߬ߟߎ ߟߎ߫ ߡߊ߬ ߥߍ߫
Verse 11 — Surah Sad 38:11
ߞߟߍ߬ߓߏߟߏ߲ ߡߍ߲ ߓߊ߯ ߞߍ߫ ߦߋ߲߬ ߞߙߎߞߊ ߟߎ߬ ߘߐ߫ ߸ ߏ߬ ߞߊߘߌߕߐ߫ ߟߋ߬ ߕߊߎ߫
Verse 12 — Surah Sad 38:12
ߣߎ߯ߤߎ߲߫ ߡߌ߬ߙߌ߲߬ߘߌ ߞߊ߬ ߡߊ߬ߛߐ߬ߛߐ߬ߟߌ ߞߍ߫ ߊ߬ߟߎ߬ ߢߍ߫ ߞߘߐ߬ߡߊ߲߫ ߸ ߊ߬ ߣߌ߫ ߊ߯ߘߌ ߟߎ߬ ߣߌ߫ ߝߋߙߊߥߎ߲߫ ߓߟߐ߬ ߛߌ߬ߦߊ߬ߡߊ߲߬ ߕߌ߮
Verse 13 — Surah Sad 38:13
ߊ߬ ߣߌ߫ ߛߊ߬ߡߎߘߊ ߟߎ߬ ߣߌ߫ ߟߎߕߌ߫ ߡߌ߬ߙߌ߲߬ߘߌ ߣߌ߫ ߛߓߋ߬ߕߎ߫ ߘߏ߲߬ߞߏ ߟߎ߬ ، ߒ߬ߓߊ߬ ߏ߬ ߟߎ߫ ߟߋ߬ ߞߙߎߞߊ ߟߎ߬ ߘߌ߫
Verse 14 — Surah Sad 38:14
ߏ߬ ߟߎ߫ ߘߏ߲߬ ߛߌ߫ ߕߍ߫ ߡߍ߲ ߡߊ߫ ߞߋߟߊ ߟߎ߫ ߛߐ߬ߛߐ߬ ، ߏ߬ ߞߍ ߸ ߊ߬ߟߎ߬ ߖߊߙߋ߫ ߘߊ߫ ߒ߬ ߠߊ߫ ߓߌ߲߬ߓߊߏ ߟߊ߫
Verse 15 — Surah Sad 38:15
ߘߐ ߢߌ߲߬ ߠߎ߫ ߘߏ߲߬ ߕߍ߫ ߝߏߦߌ߬ ߡߊߞߐ߬ߣߐ߲ ߞߊ߲߬ ߝߏ߫ ߛߊ߬ߝߍ߬ ߞߊ߲߬ ߞߋߟߋ߲߫ ߔߋ߫ ، ߡߛߊ߬ߦߟߌ߬ ߕߴߏ߬ ߘߐ߫ ( ߛߎ߬ߟߊ߬ߞߎ߲߬ߓߊ߫ ߟߊ߫ ߕߊ߬ߡߊ߲ ߠߋ߬)
Verse 16 — Surah Sad 38:16
ߊ߬ߟߎ߬ ߞߊ߲߫ ߠߋ߬ ߞߏ߫ ߊ߲ߡߊ߰ߙߌ ߸ ߒ߬ ߠߊ߫ ( ߓߊ߯ߙߊ ߟߎ߬ ) ߟߍߙߊ ߘߌ߫ ߒ߬ ߡߊ߬ ߞߊ߬ ߞߐ߲߰ ߖߊ߬ߕߋ߬ߟߌ ߟߏ߲ ߢߍ߫
Verse 17 — Surah Sad 38:17
ߌߟߋ ߊ߬ߟߎ߬ ߟߊ߫ ߞߎߡߊ ߟߎ߫ ߡߎ߬ߢߎ߲߬ ߖߐ߫ ، ߊ߬ ߣߴߌ ߦߋ߫ ߒ߬ ߠߊ߫ ߖߐ߲߬ ߘߊߥߎߘߊ߫ ߞߏߝߐ߫ ، ߛߍ߲ߓߍߡߊ߫ ߟߴߊ߬ ߘߌ߫ ( ߓߊ߬ߕߏ ߘߐ߫ ) ߸ ߊ߬ ߣߴߊ߬ ߞߍ߫ ߘߊ߫ ߖߘߍ߬ ߟߛߊ߬ߦߌ߬ߟߊ߫ ߘߌ߫
Verse 18 — Surah Sad 38:18
ߊ߲ ߞߊ߬ ߞߎ߬ߙߎ ߟߎ߬ ߞߟߏ߫ ߊ߬ ߝߍ߬ ߸ ߊ߬ߟߎ߬ ߦߋ߫ ߊߟߊ߫ ߛߊߣߌ߲ߧߊ ߝߐ ߞߍ߫ ߥߎ߬ߙߊ ߟߊ߫ ߸ ߊ߬ ߣߌ߫ ߕߋ߬ߟߋ ߜߍ߫ ߕߎߡߊ ߟߊ߫
Verse 19 — Surah Sad 38:19
ߊ߬ ߣߌ߫ ߞߐ߬ߣߐ ߟߎ߬ ߟߊߘߍ߬ߣߍ߲ ߝߣߊ߫ ، ߒ߬ߓߊ߬ ߝߋ߲ ߏ߬ ߞߋ߬ߟߋ߲߬ߞߋ߬ߟߋ߲߬ߣߊ ߓߍ߯ ߦߴߊ߬ߟߎ߫ ߖߘߍ߬ ߟߊߛߊ߬ߦߌ߬ ߟߴߊߟߊ߫ ߡߵߊ߬ ߝߍ߬
Verse 20 — Surah Sad 38:20
ߊ߲ ߘߏ߲߬ ߞߵߊ߬ ߟߊ߫ ߡߊ߲߬ߛߊ߬ߦߊ ߝߊ߲߬ߞߊߘߏ߲߬ ߞߵߊ߬ ߛߐ߫ ߥߘߋ߬ߥߘߋ߬ߟߌ ߟߊ߫ ߸ ߊ߬ ߣߌ߫ ߞߎߡߊߢߐ߲߯ߦߊ ߘߊߘߐߥߛߊ ߟߊ߫
Verse 21 — Surah Sad 38:21
ߦߊ߯ߟߊ߫ ߞߟߍ߬ߢߐ߲߰ߡߊ ߟߎ߫ ߖߊ߲߬ߖߏ߲ ߣߊ߬ ߘߴߌ ߡߊ߬ ߓߊ߬؟ ߕߎ߬ߡߊ ߡߍ߲ ߊ߬ߟߎ߫ ߦߟߍ߬ ߘߊ߫ ߞߐߘߐ߲ߞߎ߲ ߠߊ߫
Verse 22 — Surah Sad 38:22
ߕߎ߬ߡߊ ߡߍ߲ ߊ߬ߟߎ߫ ߘߏ߲߬ ߘߊ߫ ߘߊߎߘߊ߫ ߞߊ߲߬ ߸ ߏ߬ ߛߌߟߊ߲߫ ߘߴߊ߬ߟߎ߬ ߢߍ߫ ، ߊ߬ߟߎ߬ ߞߊ߲߫ ߞߏ߫ ߌ ߞߊ߫ ߛߌߟߊ߲߫ ߘߋ߬ ߸ ߞߟߍ߬ߢߐ߲߰ߡߊ߫ ߝߌ߬ߟߊ߫ ߟߋ߬ ، ߊ߲ ߘߏ߫ ߟߋ߬ ߓߊ߰ߣߍ߲߬ ߘߏ߫ ߡߊ߬ ، ߏ߬ ߘߐ߫ ߌ ߦߋ߫ ߞߕߌ߫ ߒ߬ ߕߍ߫ ߕߎ߬ߢߊ ߟߊ߫ ߸ ߌ ߘߏ߲߬ ߞߊߣߵߌ ߘߎ߬ ߘߋ߬ ߸ ߌ ߦߴߊ߲ ߞߊ߲ߘߊ߫ ߛߌߟߊ߫ ߕߋߟߋ߲ߣߍ߲߫ ߠߋ߫ ߞߊ߲߬
Verse 23 — Surah Sad 38:23
ߒ ߓߊߘߋ߲ ߠߋ߬ ߣߌ߲߬ ߸ ߛߊ߰ ߡߛߏ߬ ߓߌߞߐ߬ߣߐ߲߬ߘߐ߬ ߣߌ߫ ߞߐ߬ߣߐ߲߬ߘߐ߬ ߦߴߊ߬ߟߋ ߓߟߏ߫ ߸ ߛߊ߰ ߡߛߏ߬ ߞߋߟߋ߲߫ ߔߋ߫ ߟߋ߬ ߒߠߋ ߓߟߏ߫ ، ߏ߬ ߞߊ߲߫ ( ߒߠߋ ߡߊ߬ ) ߸ ߞߏ߫ ߌ ߕߊ߫ ߞߋߟߋ߲ ߠߊߕߊ߬ߡߌ߲߬ ߒߠߋ ߡߊ߬ ߞߟߋ߫ ، ߊ߬ ߘߏ߲߬ ߓߘߊ߫ ߜߟߌߦߊ߫ ߒߠߋ ߡߊ߬ ߞߎߡߊߢߐ߲߯ߦߊ ߘߐ߫
Verse 24 — Surah Sad 38:24
‹ ߘߊߎߘߊ߫ › ߞߊ߲߫ ߞߏ߫ ߊ߬ ߓߘߴߌ ߕߐ߬ߢߍ߰ ߌ ߟߊ߫ ߛߊ߰ ߡߛߏ߬ ߞߋߟߋ߲ ߕߙߊ ߘߐ߫ ߞߵߊ߬ ߝߊ߬ߙߴߊ߬ ߟߊ߫ ߛߊ߰ ߡߛߏ ߟߎ߬ ߟߊ߫ ، ߛߘߍߡߊ߲߫ ߦߋ߫ ߘߍ߬ߢߐ߲߮ ߠߎ߬ ߘߐ߫ ߸ ߏ߬ ߘߏ߫ ߟߎ߫ ߟߋ߬ ߓߊ߰ ߟߊ߫ ߘߏ߫ ߟߎ߫ ߡߊ߬ ، ߝߏ߫ ߡߍ߲ ߠߎ߫ ߘߍ߲߬ߞߣߍ߬ߦߊ߬ߣߍ߲߫ ߞߊ߬ ߢߌ߬ߡߊ ߟߎ߬ ߞߍ߫ ߸ ߏ߬ ߟߎ߫ ߘߏ߲߬ ߕߜߋ߫ ߟߋ߬ ، ߘߊߎߘߊ߫ ߞߵߊ߬ ߓߛߌ߬ߞߌ߫ ߸ ߞߴߏ߬ ߟߎ߫ ߝߌ߬ߟߊ ߣߵߊ߬ߟߋ߬ ߞߘߐߓߐ߫ ߟߊ߫ ߟߴߏ߬ ߘߌ߫ ، ߏ߬ ߞߍ ߸ ߊ߬ ߞߊ߬ ߦߝߊ߬ ߢߌߣߌ߲ ߞߍ߫ ߊ߬ ߡߊ߰ߙߌ ߟߊ߫ ߸ ߞߵߊ߬ ߓߋ߬ ( ߊ߬ ߞߎߡߋߙߋ߲ ߠߎ߫ ߞߊ߲߬ ) ߞߐߡߊߓߌߘߌ߲ ߘߌ߫ ߸ ߊ߬ ߣߌ߫ ߞߵߊ߬ ߖߘߍ߬ ߟߊߛߊ߬ߦߌ߲߬
Verse 25 — Surah Sad 38:25
ߊ߲ ߘߏ߲߬ ߞߵߏ ߦߊ߬ߝߴߊ߬ ߦߋ߫ ، ߓߊߏ߬ ߊ߲ ߓߘߊ ߸ ߡߊ߬ߛߎߘߎ߲ߧߊ ߟߵߊ߬ ߦߋ߫ ( ߒ߬ߠߎ߬ ߟߊ߫ ߜߐߞߎ߫ ) ߸ ߊ߬ ߣߌ߫ ߛߊ߬ߦߌ߲߬ ߦߌ߬ߟߊ߬ ߢߌߡߊ
Verse 26 — Surah Sad 38:26
ߤߍ߲߬ ߌߟߋ߬ ߘߊߎߘߊ߫ ߸ ߊ߲ ߓߘߴߌ ߞߍ߫ ߞߐߦߌߘߊߓߊ߮ ߘߌ߫ ߖߡߊ߬ߣߊ ߞߣߐ߫ ، ߏ߬ ߘߐ߫ ߸ ߌ ߦߋ߫ ߞߕߌ߫ ߡߐ߱ ߟߎ߬ ߕߍ߫ ߕߎ߬ߢߊ ߟߋ߬ ߟߊ߫ ، ߌ ߘߏ߲߬ ߞߴߌ ߣߌ ߛߊ߬ߥߏ ߟߊߓߊ߬ߕߏ߫ ߘߋ߬ ߸ ߞߊ߬ߕߎ߲߯ ߏ߬ ߘߴߌ ߟߊߝߟߌ߬ ߊߟߊ߫ ߟߊ߫ ߛߌߟߊ ߡߊ߬ ، ߡߍ߲ ߠߎ߫ ߘߏ߲߬ ߦߋ߫ ߝߟߌ߬ ߟߴߊߟߊ߫ ߟߊ߫ ߛߌߟߊ ߡߊ߬ ߸ ߖߊ߲߰ߞߕߊ߬ ߜߍߟߍ߲ ߠߴߏ߬ ߟߎ߬ ߢߍ߫ ߞߊ߬ߡߊߛߐ߬ߘߐ߲߫ ߊ߬ߟߎ߫ ߢߌ߬ߣߊ ߝߍ߬ ߖߊ߬ߕߋ߬ߓߐ ߟߏ߲ ߞߐ߫
Verse 27 — Surah Sad 38:27
ߊ߲ ߡߊ߫ ߛߊ߲ ߠߎ߬ ߣߌ߫ ߘߎ߱ ߣߴߏ߬ ߟߎ߫ ߝߌ߬ߟߊ ߕߍ߫ ߝߋ߲ ߠߎ߬ ߘߊ߲߫ ߜߊ߲ߛߊ߲߫ ߘߋ߬ ، ߓߊ߲߬ߓߊ߮ ߟߎ߫ ߘߏ߲߬ ߏ߬ ߟߋ ߖߌ߰ ߟߊ߫ ، ߒ߬ߓߊ߬ ߕߊ ߜߊ߬ߟߏ ߟߋ߬ ߓߊ߲߬ߓߊ߮ ߏ߬ ߟߎ߬ ߢߍ߫
Verse 28 — Surah Sad 38:28
ߦߊ߯ߟߊ߫ ߒ߬ߠߎ߬ ߘߌ߫ ߘߍ߲߬ߞߣߍ߬ߦߊ߬ߓߊ߯ ߢߌ߬ߡߊ߬ ߞߍ߬ߟߊ ߟߎ߬ ߞߍ߫ ߓߊ߬ ߦߏ߫ ߡߍ߲ ߠߎ߬ ߦߋ߫ ߕߌߢߍߟߌ ߟߊ߫ ߘߎ߰ߞߟߏ ߞߊ߲߬؟ ߥߟߊ߫ ߒ߬ ߘߌ߫ ߝߊ߲ߕߊ߲ߞߟߊ ߟߎ߬ ߞߍ߫ ߦߏ߫ ߖߎ߯ߡߊ߲߫ ߞߍߟߊ ߟߎ߬؟
Verse 29 — Surah Sad 38:29
ߊ߲ ߣߊ߬ ߟߍߙߊ߫ ߓߙߊߞߡߊ ߟߊߖߌ߰ ߟߴߌ ߡߊ߬ ߟߋ߬ ߸ ߛߴߊ߬ߟߎ߬ ߘߴߊ߬ߟߎ߫ ߕߊ߰ߛߌ߫ ߊ߬ ߟߝߊߙߌ ߟߎ߫ ߡߊ߬ ߸ ߊ߬ ߣߌ߫ ߛߊ߫ ߤߊ߲ߞߟߌ߫ ߕߌ߮ ߟߎ߬ ߘߴߊ߬ߟߎ߬ ߦߟߌߓߌ߬ߟߊ߬
Verse 30 — Surah Sad 38:30
ߊ߲ ߞߊ߬ ߘߊߎߘߊ߫ ߛߐ߫ ߛߎ߬ߟߋ߬ߡߊ߯ߣߊ߫ ߟߊ߫ ߸ ߏ߬ ߞߍ߫ ߘߊ߫ ߖߐ߲߬ ߓߘߍߓߘߍ߫ ߘߌ߫ ، ߖߘߍ߬ߟߛߊ߬ߦߌ߲߬ߠߊ ߜߎ ߟߋ߬
Verse 31 — Surah Sad 38:31
ߕߎ߬ߡߊ ߡߍ߲ ߛߏ߬ߘߊ߲߬ߛߏ߫ ߛߋ߲߬ ߛߓߊ߬ ߞߊ߲߬ ߟߐ߬ߟߊ ߟߎ߫ ߞߊ߬ ߓߙߊߓߐ ߞߍ߫ ߊ߬ ߦߋ߫ ߥߎ߬ߙߊ ߝߍ߬
Verse 32 — Surah Sad 38:32
ߊ߬ ߞߊ߲߫ ߞߏ߫ ߒߠߋ ߟߋ߬ ߓߘߊ߫ ߤߙߊ ߞߊ߬ߣߌ߲ ߟߊߝߌ߬ߛߊ߬ߦߊ߫ ߒ ߡߊ߰ߙߌ ߞߏߝߐ ߡߊ߬ ߣߌ߲߬ ߸ ߝߏ߫ ( ߛߏ߭ ) ߟߎ߬ ߓߘߊ߫ ߕߎߣߎ߲߫ ߘߌ߬ߓߌ ߓߟߏ߫
Verse 33 — Surah Sad 38:33
ߊߟߎ߫ ߦߴߊ߬ߟߎ߬ ߟߊߛߊ߬ߦߌ߲߬ ߒ ߡߊ߬ ߘߍ߫ ، ߏ߬ ߞߍ ߸ ߊ߬ ߞߵߊ߬ߟߎ߬ ߟߊߞߍ߬ߙߍ߲߬ߘߍ ߘߊߡߌ߬ߣߊ߬ ( ߊ߬ߟߎ߫ ) ߜߍ߬ߟߍ߲ ߠߎ߬ ߣߌ߫ ( ߊ߬ߟߎ߬ ) ߞߊ߲ ߠߎ߬ ߟߊ߫
Verse 34 — Surah Sad 38:34
ߖߊ߯ߕߋ߬ ߸ ߊ߲ ߞߊ߬ ߛߎ߬ߟߋ߬ߡߊ߯ߣߊ߫ ߞߘߐߓߐ߫ ߸ ߞߊ߬ ߝߊ߬ߘߌ ߘߏ߫ ߟߊߝߌ߬ߟߌ߫ ߊ߬ ߟߊ߫ ߛߍ߬ߡߍ ߞߊ߲߬ ߸ ߊ߬ ߞߊ߬ ߓߊ߲߫ ߞߵߊ߬ ߖߘߍ߬ߟߊߛߊ߬ߦߌ߲߬
Verse 35 — Surah Sad 38:35
ߊ߬ ߞߵߊ߬ ߝߐ߫ ߞߏ߫ ߒ ߡߊ߰ߙߌ ߸ ߦߝߊ߬ ߒ ߡߊ߬ ߖߊ߰ߣߌ߲߫ ، ߊ߬ ߣߴߌ ߦߋ߫ ߒ ߛߐ߫ ߡߊ߲߬ߛߊ߬ߦߊ߫ ߟߊ߫ ߸ ߡߍ߲ (ߢߐ߲߰) ߕߍ߫ ߓߍ߲߬ ߡߐ߰ ߜߘߍ߫ ߡߊ߬ ߒߠߋ ߞߐ߫ ߡߎ߬ߕߎ߲߬ ، ߖߊ߯ߕߋ߬ ߸ ߌߟߋ ߟߋ߬ ߛߐߟߌߟߓߊ ߘߌ߫
Verse 36 — Surah Sad 38:36
ߏ߬ ߞߍ ߊ߲ ߞߊ߬ ߝߢߐ ߞߟߏ߫ ߊ߬ ߦߋ߫ ߸ ߏ߬ ߦߋ߫ ߞߎߟߎ߲ߞߎߟߎ߲߫ ߠߊ߫ ߣߐ߰ߦߊ߬ ߓߟߏ ߡߊ߬ ߊ߬ ߟߊ߫ ߖߊ߬ߡߊߙߌ ߟߊ߫ ߸ ߞߊ߬ ߕߊ߯ ߦߙߐ߫ ߘߐ߫ ߸ ߡߍ߲ ߓߊ߯ ߊ߬ ߘߌߦߊ߫
Verse 37 — Surah Sad 38:37
ߊ߬ ߣߌ߫ ߜߍ߬ߘߍ߫ ߓߐ߰ߟߐ߬ߟߊ߫ ߖߌߘߐߕߎߣߎ߲ߠߊ ߟߎ߫ ߘߊ߬ߡߊ
Verse 38 — Surah Sad 38:38
ߊ߬ ߣߌ߫ ߘߏ߫ ߜߘߍ߫ ߟߎ߫ ߸ ߏ߬ ߟߎ߬ ߞߙߎߝߊߣߍ߲߫ ߢߐ߲߮ ߡߊ߬ ߖߟߐ߬ߞߐ ߟߎ߬ ߟߊ߫
Verse 39 — Surah Sad 38:39
ߒ ߞߏ߫ ߢߌ߲߬ ߦߋ߫ ߒ߬ ߠߊ߫ ߛߐߟߌ ߟߋ߬ ߘߌ߫ ، ߌ ߦߋ߫ ߝߎߣߎ߲ߛߙߋߦߊ߫ ߸ ߥߟߊ߫ ߌ ߦߴߌ ߘߐߡߌ߬ߘߊ߬ ߝߛߊߦߌ߫ ߣߌ߫ ߖߊ߬ߕߋ߬ߓߐ߫ ߕߍ߫
Verse 40 — Surah Sad 38:40
ߊ߲ ߓߘߊ ߘߏ߲߬ ߘߐ߫ ߸ ߡߊ߬ߛߎߘߎ߲ߧߊ ߟߴߊ߬ ߦߋ߫ ( ߒ߬ߠߎ߬ ߟߊ߫ ߜߐߞߎ߫ ) ߸ ߊ߬ ߣߌ߫ ߛߊ߬ߦߌ߲߬ ߦߌ߬ߟߊ߬ ߢߌߡߊ߫
Verse 41 — Surah Sad 38:41
ߊ߲ ߠߊ߫ ߖߐ߲߬ ߊ߬ߦߎ߯ߓߊ߬ ߞߏߝߐ߫ ߸ ߕߎ߬ߡߊ ߡߍ߲ ߊ߬ ߞߵߊ߬ ߡߊ߰ߙߌ ߞߟߌ߫ ߸ ߞߏ߫ ߜߍ߬ߘߍ ߓߘߊ߫ ߡߊ߲߬ߕߙߐ ߣߌ߫ ߖߊ߲߰ߞߕߊ ߡߊ߰ ߒ ߠߊ߫ ߘߋ߬
Verse 42 — Surah Sad 38:42
ߒ ߞߏ߫ ߌ ߛߋ߲߭ ߜߊ߬ߛߌ߬ ( ߘߎ߱ ߟߊ߫ ) ߓߊ߫ ، ߒ߬ߓߊ߬ ߞߏ߬ߟߌ߬ ߦߙߐ߬ ߛߎߡߊߣߍ߲ ߝߟߍ߫ ߣߌ߲߬ ߊ߬ ߣߌ߫ ߡߌ߲߬ ߖߌ
Verse 43 — Surah Sad 38:43
ߊ߲ ߘߏ߲߬ ߞߵߊ߬ ߟߊ߫ ߘߋ߲ߓߦߊ ߘߴߊ߬ ߡߊ߬ ߸ ߞߵߏ߬ ߟߎ߫ ߢߐ߲߰ ߞߋߟߋ߲߫ ߟߴߊ߬ߟߎ߫ ߞߊ߲߬ ، ߞߵߏ߬ ߤߌߣߊ ߝߘߊ߫ ߒ߬ߠߎ߬ ߟߊ߫ ߸ ߊ߬ ߣߌ߫ ߞߵߏ߬ ߞߍ߫ ߦߟߌߓߌߟߊ߫ ߘߌ߫ ߤߊ߲ߞߟߌ߫ ߞߌߛߍ߫ ߕߌ߮ ߟߎ߬ ߦߋ߫
Verse 44 — Surah Sad 38:44
ߊ߲ ߞߵߊ߬ ߝߐ߫ ߊ߬ ߦߋ߫ ߸ ߒ ߞߏ߫ ߌ ߦߋ߫ ߛߌߙߊ߲߫ ߛߘߌ߫ ߞߋߟߋ߲߫ ߡߌ߬ߘߊ߬ ߸ ߌ ߦߋ߫ ߜߊ߬ߛߌ߬ߟߌ ߞߍ߫ ߏ߬ ߟߊ߫ ߸ ߌ ߞߊߣߵߌ ߞߊ߬ߟߌ߬ ߞߊ߲ ߕߌߢߍ߫ ، ߊ߲ ߘߏ߲߬ ߞߵߊ߬ ߕߘߍ߬ ߡߎ߬ߢߎ߲߬ߓߊ߯ ߟߋ߬ ߘߌ߫ ، ߖߐ߲߬ ߓߘߍ ߟߋ߬ ߞߟߋ߫ ߸ ߖߘߍ߬ߟߛߊ߬ߦߌ߬ߟߊ ߝߣߊ߫ ߟߋ߬
Verse 45 — Surah Sad 38:45
ߌ ߦߋ߫ ߒ߬ ߠߊ߫ ߖߐ߲߭ ߠߎ߬ ߞߏߝߐ߫ ߸ ߣߊߟߌ߬ߡߎ߲߫ ߌߓߎ߬ߙߊ߬ߤߌߡߊ߫ ߣߴߌߛߌ߬ߤߊ߯ߞߊ߫ ߣߌ߫ ߦߊ߰ߞߎ߯ߓߊ߫ ߘߌ߫ ، ߏ߬ ߟߎ߬ ߞߍ߫ ߘߊ߫ ߓߟߏߡߊߜߟߍߦߊ ߕߌ߰ ߟߎ߬ ߣߌ߫ ߢߟߊߞߊ ߕߌ߰ ߟߎ߫ ߘߌ߫
Verse 46 — Surah Sad 38:46
ߒ߬ߠߎ߫ ߟߋ߫ ߞߵߏ߬ ߟߎ߬ ߞߙߍߞߙߍ߫ ( ߟߊߞߌߙߊ߫ ) ߛߏ ߛߌߡߊ ߘߎ߲߬ߘߎ߬ߡߊ߬ߦߊ ߟߊ߫
Verse 47 — Surah Sad 38:47
ߏ߬ ߟߎ߬ ߦߋ߫ ߒ߬ߠߎ߬ ߓߘߊ ߛߎߥߊ߲ߘߌߣߍ߲߫ ߘߐߕߐ߬ߡߐ߲߬ߣߍ߲ ߠߎ߬ ߘߏ߫ ߟߎ߫ ߟߋ߬ ߘߌ߫؟
Verse 48 — Surah Sad 38:48
ߌ ߦߋ߫ ߌߛߌ߬ߡߊ߬ߌߟߊ߫ ߣߴߌߟߌ߬ߦߊߛߎ߫ ߣߌ߫ ߓߟߏߡߦߊߕߌ߱ ߞߏߝߐ߫ ، ߏ߬ ߓߍ߯ ߦߋ߫ ߛߎߥߊ߲ߘߌߣߍ߲ ߠߎ߬ ߘߏ߫ ߟߋ߬ ߘߌ߫
Verse 49 — Surah Sad 38:49
ߣߌ߲߬ ߦߋ߫ ߖߊ߲߰ߓߌ߬ߟߊ߬ߟߌ߫ ߟߋ߬ ߘߌ߫ ، ߞߏ߬ߣߌ߲߬ ߖߊ߯ߕߋ߬ ߸ ߛߊ߬ߦߌ߲߬ ߦߌ߬ߟߊ߬ ߢߌߡߊ ߟߋ߬ ߝߊ߲ߕߊ߲ߞߟߊ ߟߎ߬ ߦߋ߫
Verse 50 — Surah Sad 38:50
(ߣߊߟߌ߬ߡߎ߲߬ ) ߝߙߍ ߣߊߞߐ ߟߎ߬ ߘߊ ߟߎ߬ ߟߊߞߊ߬ߣߍ߲ ߠߎ߬ ߘߴߊ߬ߟߎ߬ ߦߋ߫
Verse 51 — Surah Sad 38:51
ߊ߬ߟߎ߫ ߛߍ߲߬ߓߍ߬ߣߍ߲ ߦߴߊ߬ ߞߣߐ߫ ߸ ߊ߬ߟߎ߬ ߦߋ߫ ߦߙߌߘߋ߲߫ ߛߌߦߊߡߊ߲߫ ߣߌ߫ ߡߌ߲߬ߕߊ ߟߎ߬ ߡߊߞߟߌ߫ ߟߊ߫ ߦߋ߲߬ ߛߐ߲߬
Verse 52 — Surah Sad 38:52
ߡߛߏ߬ ߢߊ߫ ߟߊߖߌ߰ߣߍ߲߫ ߛߘߍߢߐ߲߯ߡߊ ߟߎ߬ ߦߴߊ߬ߟߎ߬ ߓߘߊ ߦߋ߲߬
Verse 53 — Surah Sad 38:53
ߝߋ߲߫ ߠߋ߬ ( ߡߊߘߊ߲ߣߍ߲߫ ) ߣߌ߲߬ ߸ ߊߟߎ߫ ߦߋ߫ ߦߟߌߡߊߘߌߦߊ߫ ߟߊ߫ ߡߍ߲ ߠߊ߫ ߖߊ߬ߕߋ߬ߓߐ߬ ߟߏ߲ ߘߐ߫
Verse 54 — Surah Sad 38:54
ߖߊ߯ߕߋ߬ ߸ ߣߌ߲߬ ߦߋ߫ ߒ߬ ߠߊ߫ ߤߊ߬ߙߌ߬ߖߍ߮ ߟߋ߬ ߘߌ߫ ߸ ߓߊ߲߫ ߕߍ߫ ߡߍ߲ ߡߊ߬
Verse 55 — Surah Sad 38:55
ߣߌ߲߬ ߓߍ߯ ߣߴߊ߬ ߕߊ߫ ߸ ߛߊ߬ߦߌ߲߬ ߦߌߟߊ ߘߐ߫ ߖߎ߯ߡߊ߲ ߠߋ߫ ߖߊ߲߬ߘߊ߬ߓߊ߮ ߟߎ߬ ߦߋ߫
Verse 56 — Surah Sad 38:56
ߣߊߟߌ߬ߡߎ߲߫ ߔߊߦߌߔߊߦߌ ߘߌ߫ ߸ ߊ߬ߟߎ߫ ߘߏ߲߬ߕߐ߫ ߏ߬ ߟߋ ߘߐ߫ ، ߟߊ߫ ߦߙߐ߫ ߖߎ߯ ߘߏ߲߬ ߏ߬ ߘߌ߫ ߞߟߋ߫
Verse 57 — Surah Sad 38:57
ߣߌ߲߬ ߡߍ߲ ߣߌ߲߬ ߸ ߊ߬ߟߎ߬ ߦߴߏ߬ ߡߊߜߏ߬ߙߏ߫ ߟߋ߬ ߕߘߋ߫ ߸ ߣߊߟߌ߬ߡߎ߲߫ ߝߎߦߊߝߎߦߊ ߣߌ߫ ( ߣߍ߬ ) ߞߐߟߐ߲ߞߐߟߐ߲ ߘߌ߫
Verse 58 — Surah Sad 38:58
ߊ߬ ߣߴߏ߬ ߓߐߢߐ߲߯ߞߏ߫ ߜߘߍ߫ ߘߊߓߍ߲ ߠߎ߬
Verse 59 — Surah Sad 38:59
(ߞߏ߫ ) ߣߌ߲߬ ߦߋ߫ ߖߊ߬ߡߊ߫ ߥߎ߬ߙߎ߲߬ߓߊ߬ߕߊ߫ ߟߋ߬ ߘߌ߫ ߊߟߎ߫ ߝߍ߬ ، ߟߊ߬ߞߢߐ߬ߡߊ߬ߟߌ߫ ߘߏ߲߬ ߕߴߏ߬ ߟߎ߬ ߦߋ߫ ، ߓߊ ߊ߬ߟߎ߫ ߘߏ߲߬ߕߐ߫ ߕߊ ߟߋ߬ ߘߐ߫
Verse 60 — Surah Sad 38:60
ߏ߬ ߟߎ߬ ߘߴߊ߬ߟߎ߫ ߖߋ߬ߓߌ߬ ߸ ߞߏ߫ ߍ߲߬ߍ߲߫ ، ߊߟߎ ߓߊ߬؟ ߟߊ߬ߞߢߐ߬ߡߊ߬ߟߌ߫ ߕߍ߫ ߊߟߎ ߟߋ߬ ߦߋ߫ ، ߓߊ ߊߟߎ ߟߋ߫ ߞߊ߬ ߒ߬ߠߎ߬ ߢߍߛߌ߰ ߊ߬ ߟߊ߫ ، ߡߝߊ߬ ߦߌ߬ߟߊ߬ ߖߎ߮ ߟߋ߫ ߘߏ߲߬ ߦߋ߫ ߞߟߋ߫
Verse 61 — Surah Sad 38:61
ߊ߬ߟߎ߬ ߘߴߊ߬ ߝߐ߫ ߕߎ߲߯ ، ߞߏ߫ ߊ߲ ߡߊ߰ߙߌ ߸ ߡߍ߲ ߣߐ߬ ߓߊ߯ ߞߍ߫ ߒ߬ߠߎ߬ ߢߍߛߌ߰ ߟߊ߫ ߢߌ߲߬ ߠߊ߫ ߸ ߌ ߦߴߏ߬ ߖߘߌ߫ ߖߊ߲߰ߞߕߊ߬ ߓߊߟߌߣߍ߲ ߠߊ߫ ߕߊ ߘߐ߫
Verse 62 — Surah Sad 38:62
ߊ߬ߟߎ߬ ߘߴߊ߬ ߝߐ߫ ߝߣߊ߫ ߸ ߞߏ߫ ߡߎ߲߬ߠߴߊ߲ ߕߍ߫ ߗߍ߭ ߟߎ߬ ߦߋ߫ ߟߊ߫ ߓߏ߲߰ ߊ߲ ߕߘߍ߬ ߡߍ߲ ߠߎ߫ ߖߊ߬ߕߋ߬ ߟߊ߫ ߖߎ߯ߡߊ߲߫ ߞߍߟߊ ߟߎ߬ ߘߏ߫ ߘߌ߫؟
Verse 63 — Surah Sad 38:63
ߊ߲ ߞߵߏ߬ ߟߎ߫ ߟߋ߫ ߡߌ߬ߘߊ߬ ߦߟߍߒߡߊ߫ ߝߋ߲ ߠߎ߬ ߘߌ߫ ، ߦߊ߯ߟߊ߫ ߢߊ ߟߎ߫ ߟߋ߬ ߓߘߊ߫ ߝߏ߬ߘߴߏ߬ ߟߎ߫ ߡߊ߬ ߓߊ߬؟
Verse 64 — Surah Sad 38:64
ߒ߬ߓߊ߬ ߕߎ߬ߢߊ ߟߊ߫ ߸ ߏ߬ ߟߋ ߦߋ߫ ߕߊ ߘߏ߲߬ߞߏ ߟߎ߬ ߟߊ߫ ߢߐ߲߯ ߞߟߍ߫ ߞߊ߲ ߘߌ߫
Verse 65 — Surah Sad 38:65
ߊ߬ ߟߊߛߋ߫ ߞߏ߫ ߒߠߋ ߦߋ߫ ߖߊ߬ߛߙߋ߬ߡߊ߬ߟߌ߬ߟߊ ߟߋ߬ ߘߌ߫ ، ߡߊ߰ߙߌ߬ ߜߘߍ߫ ߘߏ߲߬ ߕߍ߫ ߝߏ߫ ߊߟߊ߫ ߞߎ߲߬ߞߋߟߋ߲߫ ߞߘߊߡߊߟߌߟߊ
Verse 66 — Surah Sad 38:66
ߛߊ߲ ߠߎ߬ ߣߌ߫ ߘߎ߱ ߣߴߏ ߝߌ߬ߟߊ ߕߍ߫ ߝߋ߲ ߡߊ߰ߙߌ ߟߋ߬ ߸ ߣߌ߬ߣߌ߬ߟߊ߫ ߦߝߊ߬ߟߌ߬ߟߊ߬ߓߊ ߟߋ߬
Verse 67 — Surah Sad 38:67
ߊ߬ ߟߊߛߋ߫ ߞߏ߫ ( ߞߎ߬ߙߊ߬ߣߊ ) ߦߋ߫ ߖߊ߲߬ߖߏ߲߬ ߓߟߋߓߟߋ߫ ߟߋ߬ ߘߌ߫ ߘߋ߬
Verse 68 — Surah Sad 38:68
ߊߟߎ߫ ߘߏ߲߬ ߞߐߘߏ߲߬ߣߴߏ߬ ߟߋ ߟߊ߫ ߣߌ߲߬
Verse 69 — Surah Sad 38:69
ߟߐ߲ߠߌ߲߫ ߛߌ߫ ߕߍ߫ ߒߠߋ ߢߍ߫ ߛߊ߲ߘߐ߫ ߖߡߊ ߟߎ߬ ߟߊ߫ ߞߏߢߊ ߘߐ߫ ߸ ߕߎ߬ߡߊ ߡߍ߲ ߊ߬ߟߎ߫ ߞߊ߬ ߢߐ߲߯ ߛߐߛߐ ߞߍ߫
Verse 70 — Surah Sad 38:70
ߦߟߌߘߏ߲߫ ߛߌ߫ ߕߍ߫ ߞߍ߫ ߟߊ߫ ߒߠߋ ߟߊ߫ ߸ ߝߏ߫ ߒ ߠߊ߫ ߖߊ߬ߛߙߋ߬ߡߊ߬ߟߌ߬ ߘߐ߬ߜߍ ߞߏߢߊ
Verse 71 — Surah Sad 38:71
ߕߎ߬ߡߊ ߡߍ߲ ߌ ߡߊ߰ߙߌ ߞߵߊ߬ ߝߐ߫ ߡߟߍ߬ߞߊ ߟߎ߬ ߦߋ߫ ߸ ߞߏ߫ ߒ ߞߍߕߐ߫ ߟߋ߬ ߡߐ߱ ߘߏ߫ ߘߊ߲߫ ߠߊ߫ ߓߐ߱ ߘߐ߫
Verse 72 — Surah Sad 38:72
ߣߌ߫ ߒ ߞߵߏ߬ ߟߊߞߢߊ߫ ߞߊ߬ ߒ ߠߊ߫ ߣߌ ߘߏ߫ ߝߍ߫ ߊ߬ ߘߐ߫ ߸ ߊߟߎ߫ ߦߴߊߟߎ߫ ߓߋ߬ ߊ߬ ߦߋ߫ ߕߌ߲ߓߌߘߌ߲ ߘߌ߫
Verse 73 — Surah Sad 38:73
ߏ߬ ߞߍ ߸ ߡߟߍ߬ߞߊ ߓߍ߯ ߟߊߘߍ߬ߣߍ߲ ߞߊ߬ ߕߌ߲ߓߌߘߌ߲ ߞߍ߫ ߞߐߘߍ߫
Verse 74 — Surah Sad 38:74
ߝߏ߫ ߓߙߌ߬ߛߌ߫ ، ߏ߬ ߟߋ ߞߵߊ߬ ߖߘߍ߬ߘߐߓߏ߲߬ߧߊ߫ ߞߊ߬ ߞߍ߫ ߓߊ߲߬ߓߊ߮ ߟߎ߬ ߘߏ߫ ߘߌ߫
Verse 75 — Surah Sad 38:75
‹ ߊߟߊ߫ › ߞߊ߲߫ ߞߏ߫ ߓߙߌ߬ߛߌ߫ ߸ ߡߋ߬ߘߋ ߞߵߌ ߞߎ߬ߡߊ߲߬ߘߌ߬ ߕߌ߲ߓߌߘߌ߲ ߡߊ߬ ߒ ߠߊ߫ ߝߋ߲߫ ߠߊߘߊ߲ߣߍ߲ ߦߋ߫ ߒ ߓߟߏ߫ ߝߌ߬ߟߊ ߟߊ߫؟ ߸ ߌ ߓߘߴߌ ߖߘߍ߬ߘߐߓߏ߲߬ߧߊ߫ ߟߋ߫ ߓߊ߬؟ ߸ ߥߟߊ߫ ߌ ߓߘߊ߫ ߞߍ߫ ߖߘߍ߬ߥߙߎ߬ߞߌ߬ߟߊ ߟߎ߬ ߘߐ߫ ߟߋ߬ ߘߌ߫؟
Verse 76 — Surah Sad 38:76
ߊ߬ ߞߊ߲߫ ߞߏ߫ ߒߠߋ ߟߋ߬ ߞߊ߫ ߝߌ߬ߛߊ߫ ߏ߬ ߘߌ߫ ، ߓߊ ߌ ߞߊ߬ ߒߠߋ ߘߊ߲߫ ߕߊ ߟߋ߬ ߘߐ߫ ߸ ߌ ߘߏ߲߬ ߞߵߊ߬ߟߋ߬ ߘߊ߲߫ ߓߐ߱ ߟߋ߬ ߘߐ߫
Verse 77 — Surah Sad 38:77
‹ ߊߟߊ߫ › ߞߊ߲߫ ߞߏ߫ ߒ߬ߓߊ߬ ߓߐ߫ ߦߋ߲߬ ߝߋߎ߫ ، ߓߊ ߌ ߓߘߊ߫ ߞߍ߫ ߞߙߎ߬ߟߊ߬ߓߏ߲߬ߕߊ ߘߌ߫
Verse 78 — Surah Sad 38:78
ߒ ߠߊ߫ ߘߊ߲ߞߊ ߟߋ߫ ߘߏ߲߬ ߌ ߡߊ߬ ߛߍߣߍ߲߬ ߝߏ߫ ߞߵߊ߬ ߛߌ߰ ߛߙߊ߬ߟߌ ߟߏ߲ ߠߊ߫
Verse 79 — Surah Sad 38:79
ߊ߬ ߞߊ߲߫ ߞߏ߫ ߒ߬ߓߊ߬ ߒ ߡߊ߰ߙߌ ߸ ߒ ( ߠߊ߫ ߛߊ߬ߦߊ) ߘߏ߲߰ߘߌ߫ ߝߎߚߎ߫ ߝߏ߯ ߊ߬ߟߎ߬ ߟߊߥߟߌ߬ ߟߏ߲
Verse 80 — Surah Sad 38:80
‹ ߊߟߊ߫ › ߞߊ߲߫ ߞߏ߫ ߒ߬ߓߊ߬ ߌ ߓߘߊ߫ ߞߍ߫ ߘߏ߲߰ߘߌ߬ߕߊ ߟߎ߬ ߘߏ߫ ߘߌ߫
Verse 81 — Surah Sad 38:81
ߝߏ߫ ߞߵߊ߬ ߛߌ߰ ߥߊ߯ߕߌ߫ ߡߊߟߐ߲ߣߍ߲ ߟߏ߲ ߠߊ߫
Verse 82 — Surah Sad 38:82
ߊ߬ ߞߊ߲߫ ߞߏ߫ ߊ߰ ߒ ߣߴߌ ߟߊ߫ ߜߟߌߦߊ ߕߍ߫ ߸ ߛߋߚߋ߫ ، ߒ ߘߌ߫ ( ߊߘߡߊ߫ ߓߐ߲ߛߐ߲) ߓߍ߯ ߟߊߝߟߌ߬ ߞߐߘߍ߫
Verse 83 — Surah Sad 38:83
ߝߏ߫ ߌ ߟߊ߫ ߖߐ߲߬ ߓߎ߰ߓߎ߰ߣߍ߲ ߡߍ߲ ߠߎ߬ ߦߴߊ߬ߟߎ߬ ߘߐ߫
Verse 84 — Surah Sad 38:84
(ߊߟߊ߫ ) ߞߊ߲߫ ߞߴߏ߬ ߦߋ߫ ߕߎ߬ߢߊ߫ ߟߋ߬ ߘߌ߫ ، ߓߊ߬ߙߌ߬ ߒߠߋ ߝߣߊ߫ ߦߋ߫ ߕߎ߬ߢߊ߫ ߟߋ߬ ߝߐ߫ ߟߊ߫ ߣߌ߲߬ ߘߋ߬
Verse 85 — Surah Sad 38:85
ߒ ߞߏ߫ ߛߋߚߋ߫ ߸ ߒ ߘߌߣߊ߬ ߔߊߦߌߔߊߦߌ ߟߝߊ߫ ߌ ߣߴߌ ߟߊߓߊ߬ߕߏ߬ߓߊ߮ ߟߎ߬ ߟߊ߫ ߊ߬ߟߎ߬ ߘߐ߫ ߓߋߘߋ߲ߎ߲߫
Verse 86 — Surah Sad 38:86
ߊ߬ ߟߊߛߋ߫ ߸ ߞߏ߫ ߒߠߋ ߕߴߊߟߎ߫ ߕߙߊ߫ ߟߊ߫ ߛߙߊ߬ ߛߌ߫ ߟߴߊ߬ ߘߐ߫ ، ߒߠߋ ߘߏ߲߬ ߕߍ߫ ߖߘߍ߬ߞߍ߬ߒ߬ߞߏ߬ߘߌ ߟߎ߬ ߝߋ߲߫ ߘߌ߫
Verse 87 — Surah Sad 38:87
‹ ߞߎ߬ߙߊ߬ߣߊ › ߘߏ߲߬ ߕߍ߫ ߘߏ߫ ߜߘߍ߫ ߘߌ߫ ߖߊ߯ߓߊ ߟߎ߫ ߖߊ߲߬ߓߌߟߊ ߞߐ߫
Verse 88 — Surah Sad 38:88
ߒ߬ߞߊ߬ ߛߋߚߋ߫ ߸ ߊߟߎ߫ ߓߍߣߵߊ߬ ߖߊ߲߬ߖߏ߲ ߟߐ߲߫ ߥߊ߯ߕߌ߫ ߞߐ߫