Back to Languages
Bambara - Chapter 52 - At-Tur
Translation by Fodi Suliman Kanti — Permalink
Verse 1 — Surah At-Tur 52:1
ߊ߰ ߒ ߣߌ߫ ߞߐ߲߬ߞߍ ߕߍ߫
Verse 2 — Surah At-Tur 52:2
ߊ߰ ߒ ߣߌ߫ ߟߍߙߊ߫ ߛߓߍߣߍ߲ ߕߍ߫
Verse 3 — Surah At-Tur 52:3
ߛߓߍߜߟߏ߫ ߘߟߊߞߊ߬ߣߍ߲ ߞߊ߲߬
Verse 4 — Surah At-Tur 52:4
ߊ߰ ߒ ߣߌ߫ ߓߏ߲߫ ߠߊߡߍ߲߬ߛߍ߲߬ߦߊ߬ߣߍ߲ ߕߍ߫
Verse 5 — Surah At-Tur 52:5
ߊ߰ ߒ ߣߌ߫ ߓߟߌ߫ ߞߘߐߕߊ߬ߣߍ߲ ߕߍ߫
Verse 6 — Surah At-Tur 52:6
ߊ߰ ߒ ߣߌ߫ ߓߊ߫ ߥߎ߲߬ߝߊ߲߬ߣߍ߲ ߕߍ߫
Verse 7 — Surah At-Tur 52:7
ߖߊ߯ߕߋ߬ ߸ ߌ ߡߊ߰ߙߌ ߟߊ߫ ߖߊ߲߰ߞߕߊ ߦߋ߫ ߞߍߕߊ ߟߋ߬ ߘߌ߫
Verse 8 — Surah At-Tur 52:8
ߘߐ߬ߛߊ߬ߓߊ߰ ߛߌ߫ ߕߍ ߊ߬ ߟߊ߫
Verse 9 — Surah At-Tur 52:9
ߏ߬ ߟߏ߲ ߸ ߛߊ߲ ߘߌ߫ ߝߌߙߌ߲ߝߌߙߌ߲߫ ߝߌߚߌ߫
Verse 10 — Surah At-Tur 52:10
ߞߊ߬ ߞߎ߬ߙߎ ߟߎ߬ ߕߊ߯ ߛߐߍ߫
Verse 11 — Surah At-Tur 52:11
ߒ߬ߓߊ߬ ߜߊ߬ߟߏ߬ ߦߴߏ߬ ߟߏ߲ ߘߐ߫ ߡߊ߬ߛߐ߬ߛߐ߬ߟߌ߬ߟߊ ߟߎ߬ ߦߋ߫
Verse 12 — Surah At-Tur 52:12
ߏ߬ ߟߎ߬ ߡߍ߲ ߠߎ߯ ߊ߬ߟߎ߬ ߕߏߟߏ߲߫ ߠߊ߫ ( ߡߣߊ߬ߡߣߊ ) ߛߏ߲߯ߓߊߟߌ ߘߐ߫
Verse 13 — Surah At-Tur 52:13
ߏ߬ ߟߏ߲ ߸ ߊ߬ߟߎ߬ ߘߌ߫ ߟߊߕߊ߲߬ߞߌ߲߬ ߔߊߦߌߔߊߦߌ ߕߊ ߘߐ߫ ߔߏߦߌ߫
Verse 14 — Surah At-Tur 52:14
ߞߏ߫ ߕߊ ( ߛߏ ) ߟߋ߫ ߣߌ߲߬ ߸ ߊߟߎ߫ ߕߘߍ߬ ߡߍ߲ ߡߊߛߐ߬ߛߐ߬ ߟߊ߫
Verse 15 — Surah At-Tur 52:15
ߦߊ߯ߟߊ߫ ߣߌ߲߬ ߦߋ߫ ߛߎߓߊ߯ߦߊ ߟߋ߬ ߘߌ߫ ߓߊ߬ ߸ ߥߟߴߊߟߎ߫ ߕߍ߫ ߦߋߟߌ߫ ߟߋ߬ ߞߍ߫ ߟߊ߫؟
Verse 16 — Surah At-Tur 52:16
ߊߟߎ߫ ߦߋ߫ ߘߏ߲߬ ߊ߬ ߘߐ߫ ߞߍ߬ ، ߊߟߎ߫ ߞߵߊߟߎ߫ ߡߎ߬ߢߎ߲߫ ߓߊ߬ ߸ ߥߟߴߊߟߎ߫ ߡߴߊߟߎ߫ ߡߎ߬ߢߎ߲߫ ߓߊ߬ ߸ ߏ߬ ߓߍ߯ ߞߊ߫ ߞߊ߲߫ ߊߟߎ߫ ߡߊ߬ ، ߊߟߎ߫ ߞߏ߬ߣߌ߲ ߛߙߊ߬ߕߐ߫ ߊߟߎ߫ ߗߋߥߊߟߌ ( ߟߎ߫ ) ߟߋ߬ ߟߊ߫
Verse 17 — Surah At-Tur 52:17
ߖߊ߯ߕߋ߬ ߸ ߝߊ߲ߕߊ߲ߞߟߊ ߟߎ߬ ߦߋ߫ ߣߊߞߐ ߟߎ߬ ߣߌ߫ ߣߍߡߊ ߟߋ߬ ߘߐ߫
Verse 18 — Surah At-Tur 52:18
ߊ߬ߟߎ߫ ߘߊ߰ߡߎ߲߬ߣߍ߲߬ ߝߋ߲߫ ߠߊ߫ ߸ ߊ߬ߟߎ߫ ߡߊ߰ߙߌ ߞߊ߬ ߡߍ߲ ߘߴߊ߬ߟߎ߫ ߡߊ߬ ، ߊ߬ ߣߴߊ߬ߟߎ߫ ߡߊ߰ߙߌ ߞߵߊ߬ߟߎ߫ ߕߊ߲߬ߞߊ ( ߡߍ߲ ߞߍ߫ ) ߥߋ߲߯ߓߋ ߖߊ߲߰ߞߕߊ ߡߊ߬
Verse 19 — Surah At-Tur 52:19
ߞߏ߫ ߊߟߎ߫ ߘߊߥߎ߲ߠߌ߲ ߞߍ߫ ߞߵߊߟߎ߫ ߡߌ߲߬ ߕߐߟߍ߯ ߸ ߞߊ߬ߡߊߛߐ߬ߘߐ߲߬ ߊߟߎ߫ ߗߋߥߊߟߌ ߝߍ߬
Verse 20 — Surah At-Tur 52:20
ߊ߬ߟߎ߫ ߛߍ߲߬ߓߍ߬ߣߍ߲߫ ߜߡߍ߬ ߛߝߊߣߍ߲ ߠߎ߫ ߞߊ߲߬ ، ߊ߬ ߣߴߊ߲ ߓߘߊ߫ ߖߏ߲ߞߊ߲߫ ߢߊ߫ ߥߟߎߞߎ ߟߎ߬ ߝߘߎ߫ ߊ߬ߟߎ߫ ߡߊ߬
Verse 21 — Surah At-Tur 52:21
ߒ߬ߓߊ߬ ߡߍ߲ ߠߎ߫ ߘߍ߲߬ߞߣߍ߬ߦߊ߬ ߘߊ߫ ߸ ߊ߬ ߣߴߊ߬ߟߎ߬ ߓߐ߲ߛߐ߲ ߠߎ߫ ߞߵߊ߬ߟߎ߬ ߟߊߓߊ߬ߕߏ߫ ߘߍ߲߬ߞߣߍ߬ߦߊ ߘߐ߫ ، ߊ߲ ߞߵߏ߬ ߟߎ߬ ߓߐ߲ߛߐ߲ ߠߎ߬ ߟߊߞߍ߫ ߊ߬ߟߎ߬ ߘߐ߫ ߟߋ߬ ، ߊ߲ ߘߏ߲߬ ߡߴߊ߬ߟߎ߫ ߣߊ߰ߛߌ߫ ߊ߬ߟߎ߬ ߗߋߥߊߟߌ ߘߐ߫ ߝߏߦߌ߬ ߟߊ߫ ، ߡߐ߱ ߞߋ߬ߟߋ߲߬ߞߋ߬ߟߋ߲߬ߣߊ ߕߏ߬ߟߌ߬ߡߊߛߌ߰ߣߍ߲߫ ߊ߬ ߓߊ߯ߙߊ߫ ߣߐ ߟߋ߫ ߞߎ߲߬ߞߘߐ߫
Verse 22 — Surah At-Tur 52:22
ߊ߲ ߘߌ߫ ߕߏ߫ ߊ߬ߟߎ߬ ߖߘߌ߫ ߟߊ߫ ߦߙߌߘߋ߲ ߣߌ߫ ߛߏ߬ߓߏ ߟߊ߫ ߞߍ߬ߣߍ߲ ߊ߬ߟߎ߫ ߣߊ߬ߦߌ߬ߣߊ߲߬ߕߊ ߜߊ߲߬ߛߊ߲ ߘߐ߫
Verse 23 — Surah At-Tur 52:23
ߊ߬ߟߎ߬ ߦߋ߫ ߞߙߏ߫ ߜߊߘߏ߲ߣߍ߲ ߠߎ߫ ߓߏ߬ߛߌ߬ ߟߊ߫ ߢߐ߲߮ ߠߊ߫ ߦߋ߲߬ ߛߐ߲߬ ، ߞߎ߬ߟߊ߲߬ߞߎ߬ߟߊ߲߬ ߞߊ߲߫ ߕߍ߫ ߡߍ߲ ( ߡߌ߲߭ ) ߘߐ߫ ߸ ߖߟߎ߬ߡߎ߲߬ߕߐ߬ߦߊ߬ ߕߍ߫ ߊ߬ ߘߐ߫
Verse 24 — Surah At-Tur 52:24
ߊ߬ߟߎ߬ ߦߋ߫ ߡߊߡߣߌߡߌߣߌ߲߫ ߠߴߊ߬ߟߎ߫ ߖߍ߬ߘߍ ߟߊ߫ ߖߍ߲ߓߎߟߍ߲ ߠߎ߬ ߓߟߏ߫ ، ߏ߬ ߟߎ߫ ߟߋ߬ ߦߏ߫ ߟߓߊ߬ߞߐߣߐ߲߫ ߡߊߥߣߊ߬ߙߌ߬ߣߍ߲ ߠߎ߫ ߟߋ߬
Verse 25 — Surah At-Tur 52:25
(ߘߊ߬ߡߊ߲߬ߛߊ߫ ) ߊ߬ߟߎ߬ ߘߏ߫ ߘߴߊ߬ ߢߊߕߋߟߋ߲߫ ߘߏ߫ ߟߊ߫ ߸ ߞߵߊ߬ ߞߍ߫ ߢߐ߲߯ ߘߐߢߌߣߌ߲ߞߊ ߘߌ߫
Verse 26 — Surah At-Tur 52:26
ߊ߬ߟߎ߬ ߘߴߊ߬ ߝߐ߫ ߞߏ߫ ߒ߬ߠߎ߫ ߖߘߐ߬ߣߍ߲߬ߓߊ ߟߋ߫ ߕߘߍ߬ ߒ߬ ߞߐߙߍ ߟߎ߬ ߘߐ߫ ߞߘߐ߬ߡߊ߲߫
Verse 27 — Surah At-Tur 52:27
ߊߟߊ߫ ߢߊ߬ߣߍ߲߫ ߒ߬ ߡߊ߬ ߏ߬ ߟߋ ߘߐ߫ ߣߌ߲߬ ߸ ߞߊ߬ ߒ߬ ߕߊ߲߬ߞߊ߬ ߝߢߐ߫ ߞߟߊߡߊ߲ ߖߊ߲߰ߞߕߊ ߡߊ߬
Verse 28 — Surah At-Tur 52:28
ߊ߲ ߘߏ߲߬ ߕߘߍ߬ ߊ߬ ߡߊߞߟߌ߫ ߟߊ߫ ߞߘߐ߬ߡߊ߲߫ ، ߒ ߞߏ߫ ߖߊ߯ߕߋ߬ ߸ ߊ߬ߟߋ ߟߋ߬ ߢߊ߬ߓߊ߰ ߤߌߣߟߊ ߘߌ߫
Verse 29 — Surah At-Tur 52:29
ߒ߬ߓߊ߬ ߟߊ߬ߟߌ߬ߟߌ ߞߍ߫ ߸ ߓߊߏ߬ ߌ ߡߊ߰ߙߌ ߟߊ߫ ߣߍߡߊ ߛߘߊ߫ ߘߐ߫ ߸ ߌ ߕߍ߫ ߓߟߏߟߊߝߍߣߍ߲ߠߊ߫ ߘߌ߫ ߸ ߌ ߕߍ߫ ߝߊ߬ߕߐ߬ ߘߌ߫
Verse 30 — Surah At-Tur 52:30
ߊ߬ߟߎ߬ ߞߊ߲߫ ߠߋ߫ ߓߊ߬ ߞߏ߫ ߛߞߎ߬ߦߊ߬ߟߊ ߟߋ߬ ߸ ߊ߲ ߧߴߊ߬ ߘߐߞߐ߬ߣߐ߲߬ ߛߊ߬ߦߊ ߟߊ߫ ߞߏߘߐߦߟߍߡߊ߲ ߠߊ߫؟
Verse 31 — Surah At-Tur 52:31
ߊ߬ߟߎ߫ ߖߋ߬ߓߌ߬ ߸ ߞߏ߫ ߊߟߎ߫ ߦߋ߫ ߘߞߐ߬ߣߐ߲߬ߠߌ߲ ߞߍ߫ ߝߛߊߦߌ߫ ߸ ߒߠߋ ߦߋ߫ ߘߞߐ߬ߣߐ߲߬ߠߌ߲߬ߠߊ ߟߎ߬ ߘߏ߫ ߟߋ߬ ߘߌ߫ ߊߟߎ߫ ߝߍ߬
Verse 32 — Surah At-Tur 52:32
ߦߊ߯ߟߴߊ߬ߟߎ߬ ߟߊ߫ ߛߌ߬ߓߏ ߟߎ߫ ߟߴߊ߬ߟߎ߫ ߟߐ߬ ߟߴߢߌ߲߬ ߠߊ߫ ߓߊ߬؟ ߸ ߥߟߴߊ߬ߟߎ߬ ߦߋ߫ ߡߌ߬ߙߌ߲߬ߘߌ߫ ߘߊ߲߬ߠߊߕߊ߬ߡߌ߲߬ߣߍ߲ ߠߎ߫ ߟߋ߬ ߘߌ߫؟
Verse 33 — Surah At-Tur 52:33
ߤߊߡߊ߲ߕߍ߫ ߊ߬ߟߎ߬ ߞߊ߲߫ ߠߋ߫ ߓߊ߬ ߞߏ߫ ߊ߬ ߣߵߊ߬ ߕߍ߰ ߟߴߊ߬ ߞߎ߲߬ߘߐ߫ ߟߋ߬؟ ، ߍ߲߬ߍ߲߫ ߸ ߊ߬ߟߎ߬ ߕߍ߫ ߘߍ߲߬ߞߣߍ߬ߦߊ߬ ߟߊ߫ ߟߋ߬
Verse 34 — Surah At-Tur 52:34
ߒ߬ߓߵߊ߬ߟߎ߬ ߝߣߊ߫ ߦߋ߫ ߣߵߊ߬ ߢߐ߲߰ ߞߎߡߊ߫ ߜߘߍ߫ ߘߌ߫ ߓߊ߫ ߸ ߣߴߊ߬ߟߎ߬ ߞߍ߫ ߘߊ߫ ߕߎ߬ߢߊ߬ ߕߌ߯ ߟߎ߫ ߘߌ߫
Verse 35 — Surah At-Tur 52:35
ߦߊ߯ߟߴߊ߬ߟߎ߬ ߘߊ߲ߣߍ߲߫ ߠߋ߫ ߓߊ߬ ߝߋ߲߫ ߣߐ߬ ߕߍ߫؟ ߥߟߴߊ߬ߟߎ ߟߋ߬ ߘߊ߲ߠߌ߲ߠߊ ߟߎ߬ ߘߌ߫؟
Verse 36 — Surah At-Tur 52:36
ߥߟߴߊ߬ߟߎ ߟߋ߫ ߞߊ߬ ߛߊ߲ ߠߎ߬ ߣߌ߫ ߘߎ߱ ߘߊ߲߫ ߓߊ߬؟ ، ߍ߲߬ߍ߲߫ ߸ ߊ߬ߟߎ߬ ߕߍ߫ ߘߍ߲߬ߞߣߍ߬ߦߊ߬ ߟߊ߫ ߟߋ߬
Verse 37 — Surah At-Tur 52:37
ߥߟߊ߫ ߌ ߡߊ߰ߙߌ ߟߊ߫ ߡߣߐ߬ߓߏ߲ ߠߎ߫ ߟߴߊ߬ߟߎ߬ ߓߟߏ߫ ߓߊ߬؟ ، ߥߟߴߊ߬ߟߎ ߟߋ߬ ߛߟߊߕߌ߯ߦߊߓߊ߮ ߟߎ߬ ߘߌ߫؟
Verse 38 — Surah At-Tur 52:38
ߥߟߊ߫ ߛߊ߲߬ߞߊߟߊ߲߫ ߠߴߊ߬ߟߎ߬ ߓߟߏ߫ ߓߊ߬ ߸ ߞߵߊ߬ߟߎ߬ ߕߟߏߡߊߟߐ߬ ߏ߬ ߟߊ߫؟ ، ߒ߬ߓߵߊ߬ߟߎ߬ ߟߊ߫ ߕߟߏߡߊߟߐߟߊ ߦߋ߫ ߣߊ߬ ߘߊ߬ߟߎ߬ ߘߐ߬ߜߍ߫ ߘߌ߫ ߥߍ߫
Verse 39 — Surah At-Tur 52:39
ߥߟߊ߫ ߘߋ߲ߡߛߏ ߟߎ߫ ߟߴߊ߬ߟߋ߬ ߕߊ ߟߎ߬ ߘߌ߫ ߓߊ߬ ߸ ߞߊ߬ ߘߋ߲ߞߍ ߟߎ߬ ߞߍ߫ ߊߟߎ߫ ߖߍ߬ߘߍ ߕߊ ߟߎ߬ ߘߌ߫؟
Verse 40 — Surah At-Tur 52:40
ߥߟߊ߫ ߌ ߦߴߊ߬ߟߎ߬ ߕߙߊ߫ ߟߊ߫ ߛߊ߬ߙߊ߫ ߟߋ߬ ߟߊ߫ ߓߊ߬ ߸ ߊ߬ߟߎ߬ ߜߟߌߦߊߣߍ߲߫ ߦߋ߫ ߞߍ߫ ߏ߬ ߛߙߊ߬ ߞߏ ߓߟߏ߫؟
Verse 41 — Surah At-Tur 52:41
ߥߟߊ߫ ߞߏ߫ ߘߏ߲߰ߣߍ߲߫ ߠߴߊ߬ߟߎ߬ ߓߘߊ ߓߊ߬ ߸ ߊ߬ߟߎ߬ ߦߋ߫ ߞߴߏ߬ ߛߓߍ߫ ߟߊ߫؟
Verse 42 — Surah At-Tur 52:42
ߥߟߴߊ߬ߟߎ߬ ߦߴߊ߬ ߝߍ߬ ߞߊ߬ ߘߊ߬ߓߊߙߌ ߟߋ߬ ߞߍ߫ ߓߊ߬؟ ߒ߬ߓߊ߬ ߓߊ߲߬ߓߊ߮ ߟߎ߫ ߟߋ߬ ߘߓߊ߬ߙߌ߬ߕߊ ߟߎ߬ ߘߌ߫
Verse 43 — Surah At-Tur 52:43
ߤߊߡߊ߲ߕߍ߫ ߡߊ߰ߙߌ߬ ߜߘߍ߫ ߟߴߊ߬ߟߎ߬ ߓߟߏ߫ ߓߊ߬ ߡߍ߲ ߕߍ߫ ߊߟߊ߫ ߘߌ߫؟ ، ߊߟߊ߫ ߘߏ߲߬ ߛߊߣߌ߲ߡߊ߲߫ ߊ߬ߟߎ߬ ߟߊ߫ ߜߙߊ߬ߟߌ߬ ߝߋ߲ ߏ ߡߊ߬ ߞߟߋ߫
Verse 44 — Surah At-Tur 52:44
ߣߴߊ߬ߟߎ߫ ߞߊ߬ ߞߎߘߎ߲߫ ߞߋߟߋ߲߫ ߓߋ߬ߕߐ ߦߋ߫ ߞߊ߬ ߓߐ߫ ߛߊ߲ ߡߊ߬ ߸ ߊ߬ߟߎ߬ ߘߴߊ߬ ߝߐ߫ ߞߴߏ߬ ߦߋ߫ ߛߊ߲ߝߌ߲߫ ߛߌ߰ߣߍ߲߫ ߢߐ߲߰ ߞߊ߲ ߠߋ߬ ߘߌ߫
Verse 45 — Surah At-Tur 52:45
ߒ߬ߓߵߊ߬ߟߎ߬ ߕߏ߫ ߦߋ߲߬ ߖߐ߫ ߸ ߝߏ߫ ߊ߬ߟߎ߬ ߦߋ߫ ߓߍ߲߬ ߊ߬ߟߎ߬ ߟߊ߫ ߟߏ߲ ߘߌ߫ ߸ ߊ߬ߟߎ߫ ߜߊ߬ߙߊ߲߬ߞߕߊ߬ߕߐ߫ ߡߍ߲ ߘߐ߫
Verse 46 — Surah At-Tur 52:46
ߏ߬ ߟߏ߲ ߠߋ߬ ߸ ߊ߬ߟߎ߫ ߘߊ߬ߓߊߙߌ ߕߍ߫ ߝߏߦߌ߫ ߢߵߊ߬ߟߎ߫ ߡߊ߬ ، ߊ߬ߟߎ߫ ߘߏ߲߬ ߕߍ߫ ߘߍ߬ߡߍ߲߬
Verse 47 — Surah At-Tur 52:47
ߒ߬ߓߊ߬ ߛߊߣߴߏ߬ ߕߍ߫ ߸ ߖߊ߲߰ߞߕߊ ߘߏ߫ ߟߋ߬ ߕߐ߬ߢߍ߰ߒߕߋ ߟߎ߬ ߢߍ߫ ߡߍ߲ ߕߍ߫ ߏ߬ ߘߌ߫ ، ߓߊ߬ߙߌ߬ ߊ߬ߟߎ߫ ߝߊ߲߬ߓߊ ߟߋ߬ ߕߴߏ߬ ߟߐ߲߫ ߠߊ߫
Verse 48 — Surah At-Tur 52:48
ߌߟߋ ߌ ߡߎ߬ߢߎ߲߬ ߌ ߡߊ߰ߙߌ ߟߊ߫ ߞߕߌ ߢߍ߫ ߖߐ߫ ، ߌߟߋ ߞߏ߬ߣߌ߲ ߦߋ߫ ߒ߬ ߢߊߞߘߐ߫ ߟߋ߬ ، ߊ߬ ߣߴߌ ߦߋ߫ ߛߊߣߌ߲ߧߊ ߝߐ߫ ߞߵߊ߬ ߟߴߌ ߡߊ߰ߙߌ ߕߊ߲߬ߘߏ ߞߊ߲߬ ߌ ߥߟߌ߬ ߕߎߡߊ
Verse 49 — Surah At-Tur 52:49
ߊ߬ ߣߴߌ ߦߴߊ߬ ߛߊߣߌ߲ߧߊ ߝߐ߫ ߛߎ ߘߐ߫ ߸ ߊ߬ ߣߌ߫ ߟߏ߬ߟߏ ߟߎ߬ ߞߐߘߏ߲߬ ߕߎߡߊ ߝߣߊ߫ ߟߊ߫