Back to Languages
Bambara - Chapter 79 - An-Naziat
Translation by Fodi Suliman Kanti — Permalink
Verse 1 — Surah An-Naziat 79:1
ߊ߰ ߒ ߣߌ߫ ߓߏ߬ߛߟߌ߬ߟߊ ߟߎ߬ ߕߍ߫ ߔߏߦߌ߫
Verse 2 — Surah An-Naziat 79:2
ߊ߰ ߒ ߣߌ߫ ߣߌߘߐߘߌߦߟߊ ߟߎ߬ ߕߍ߫ ߝߊ߲ߛߊ߲߫
Verse 3 — Surah An-Naziat 79:3
ߊ߰ ߒ ߣߌ߫ ߣߊߥߎ߲ߠߌ߲ߠߊ ߟߎ߬ ߕߍ߫ ߓߌߘߏ߲ߓߌߘߏ߲߫
Verse 4 — Surah An-Naziat 79:4
ߊ߰ ߒ ߣߌ߫ ߓߏ߬ߙߌ߬ ߘߐ߬ߞߢߊ߬ߟߊ ߟߎ߬ ߕߍ߫ ߥߊߘߌߥߊߘߌ߫
Verse 5 — Surah An-Naziat 79:5
ߏ߬ ߞߐ߫ ߸ ߊ߰ ߒ ߣߌ߫ ߝߙߍ߬ ߘߐ߬ߓߍ߲߬ߠߊ ߟߎ߬ ߕߍ߫ ߥߊߟߌߢߊ ( ߟߎ߬ ) ߟߊ߫
Verse 6 — Surah An-Naziat 79:6
ߟߊ߬ߦߙߍ߬ߦߙߍ߬ߟߌ߬ߟߊ ߦߋ߫ ߟߊ߬ߦߙߍ߬ߦߙߍ߬ߟߌ ߞߍ߫ ߟߊ߫ ߟߏ߲ ߡߍ߲
Verse 7 — Surah An-Naziat 79:7
ߞߐߛߊ߯ߘߊߟߌߟߊ ߘߴߏ߬ ߟߊߓߊ߬ߕߏ߬
Verse 8 — Surah An-Naziat 79:8
ߖߎ߬ߛߎ ߟߎ߬ ߦߋ߫ ߞߟߎ߫ ߟߊ߫ ߏ߬ ߟߏ߲
Verse 9 — Surah An-Naziat 79:9
ߊ߬ߟߎ߬ ߟߊ߫ ߦߋߟߌ ߟߎ߬ ߦߋ߫ ߞߌߛߐ߫
Verse 10 — Surah An-Naziat 79:10
ߊ߬ߟߎ߫ ߘߏ߲߬ ߦߴߊ߬ ߝߐ ߞߊ߲߬ ߸ ߞߏ߫ ߊ߬ ߝߐ߫ ߊ߲ ߠߊߛߊ߬ߦߌ߬ߕߐ߫ ߟߋ߬ ߊ߲ ߢߊ߫ ߞߘߐ ߡߊ߬ ߓߊ߬؟
Verse 11 — Surah An-Naziat 79:11
ߌ߬ߦߏ߯ ߏ߬ ߘߌ߫ ߞߍ߫ ߊ߲ ߞߍߣߍ߲ ߞߐ ߞߟߏ߫ ߡߎ߰ߡߎ߰ߣߍ߲ ߠߎ߬ ߘߌ߫؟
Verse 12 — Surah An-Naziat 79:12
ߞߴߏ ߘߏ߲߬ ߦߋ߫ ߞߐߛߊߦߌ߲߫ ߝߎ߯ ߘߴߏ߬ ߘߐ߫ ߘߋ߬؟
Verse 13 — Surah An-Naziat 79:13
ߏ߬ ߘߏ߲߬ ߦߋ߫ ߟߊ߬ߜߎ߬ߝߎ߲߬ߠߌ߲߬ ߞߋߟߋ߲߫ ߔߋ߫ ߟߋ߬ ߘߌ߫
Verse 14 — Surah An-Naziat 79:14
ߘߊ߬ߡߊ߲߬ߛߊ߫ ߸ ߊ߬ߟߎ߬ ߓߍ߯ ߓߘߊ߫ ߛߋ߫ ߘߎ߱ ߞߐߞߊ߲߬ ߥߎߛߊߦߌ߫
Verse 15 — Surah An-Naziat 79:15
ߦߊ߯ߟߊ߫ ߡߎߛߊ߫ ߞߏ ߓߊ߬ߘߏ ߣߊ߬ ߘߴߌ ߡߊ߬ ߓߊ߬؟
Verse 16 — Surah An-Naziat 79:16
ߕߎ߬ߡߊ ߡߍ߲ ߊ߬ ߡߊ߰ߙߌ ߞߵߊ߬ ߞߟߌ߫ ߕߏߥߊ߫ ߞߐ߬ ߛߊߣߌ߲ ߘߟߊ߫
Verse 17 — Surah An-Naziat 79:17
ߞߏ߫ ߕߊ߯ ߝߋߙߊߥߎ߲߫ ߡߊ߬ ߸ ߓߊߏ߬ ߊ߬ ߓߘߊ߫ ߕߊ߬ߡߌ߲߫ ߘߊ߲߭ ߞߊ߲߬
Verse 18 — Surah An-Naziat 79:18
ߌ ߦߴߊ߬ ߝߐ߫ ( ߊ߬ ߦߋ߫ ) ߸ ߞߴߌ ߦߴߊ߬ ߝߍ߬ ߓߊ߬ ߞߊ߬ ߛߊߣߌ߲ߧߊ߫؟
Verse 19 — Surah An-Naziat 79:19
ߊ߬ ߣߌ߫ ߒ ߧߴߌ ߞߊ߲ߘߊ߫ ߌ ߡߊ߰ߙߌ ߡߊ߬ ߸ ߊ߬ ߢߍߡߌߙߌ߲ ߦߋ߫ ߞߴߌ ߟߊ߫؟
Verse 20 — Surah An-Naziat 79:20
ߏ߬ ߞߍ ߸ ߊ߬ ߞߊ߬ ߡߊ߲߬ߕߊ߬ߣߌ߲߬ ߓߟߋߓߟߋ߫ ߦߌ߬ߘߴߊ߬ ߟߊ߫
Verse 21 — Surah An-Naziat 79:21
ߊ߬ ߞߵߏ߬ ߡߊߛߐ߬ߛߐ߬ ߞߵߊ߬ ߞߊ߲ ߓߊ߬ߟߌ߬
Verse 22 — Surah An-Naziat 79:22
ߊ߬ ߞߊ߬ ߓߊ߲߫ ߞߵߊ߬ ߞߐߘߏ߲߬ ߞߊ߬ ߕߊ߯ ߛߐߍ߫
Verse 23 — Surah An-Naziat 79:23
ߊ߬ ߞߊ߬ ߟߊ߬ߘߍ ߞߍ߫ ߞߊ߬ ߞߟߋߞߟߋߡߊߦߟߍ ߞߍ߫
Verse 24 — Surah An-Naziat 79:24
ߊ߬ ߞߵߊ߬ ߟߊߛߋ߫ ߞߏ߫ ߒߠߋ ߟߋ߬ ߊߟߎ߫ ߡߊ߰ߙߌ߬ ߞߘߐߕߊ߬ߣߍ߲ ߘߌ߫
Verse 25 — Surah An-Naziat 79:25
ߏ߬ ߞߍ ߸ ߊߟߊ߫ ߞߵߊ߬ ߕߍ߯ߕߊ߬ ߟߊߞߌߙߊ߫ ߣߌ߫ ߘߎߢߊ߫ ߓߌ߲߬ߓߊߏ ߟߊ߫
Verse 26 — Surah An-Naziat 79:26
ߖߊ߯ߕߋ߬ ߸ ߕߊ߰ߛߌ߬ߟߌ߫ ߟߴߏ߬ ߘߐ߫ ߛߌߟߊ߲ߓߊ߮ ߓߟߏ߫ ߘߋ߬
Verse 27 — Surah An-Naziat 79:27
ߐ߲߬ߤߐ߲߫ ߸ ߊߟߎ ߟߋ߬ ߘߊ߲ ߜߍ߬ߟߍ߲߬ߡߊ߲߫ ߓߊ߬ ߥߟߊ߫ ߛߊ߲ ߸ ߊ߬ ߘߏ߲߬ ߞߵߏ ߟߐ߬؟
Verse 28 — Surah An-Naziat 79:28
ߊ߬ ߞߵߏ߬ ߓߟߌ ߞߘߐߕߊ߬ ߞߵߊ߬ ߟߊߞߢߊ߫
Verse 29 — Surah An-Naziat 79:29
ߊ߬ ߣߴߊ߬ ߞߵߊ߬ ߛߎ ߘߌ߬ߓߌߘߏ߲߬ ߸ ߞߵߊ߬ ߛߎ߲߰ߕߟߋ ߞߣߍߦߊ ߟߊߓߐ߫
Verse 30 — Surah An-Naziat 79:30
ߏ߬ ߟߋ ߞߐ߫ ߸ ߊ߬ ߞߊ߬ ߘߎ߱ ߘߐߝߎߟߋ߲߫ ߝߋ߲ߜߋ߲߫
Verse 31 — Surah An-Naziat 79:31
ߊ߬ ߞߵߊ߬ ߖߌ ߟߊߓߐ߫ ߊ߬ ߞߣߐ߫ ߸ ߊ߬ ߣߴߊ߬ ߖߍߥߎߟߍ
Verse 32 — Surah An-Naziat 79:32
ߊ߬ ߣߴߊ߬ ߞߊ߬ ߞߎ߬ߙߎ ߟߎ߬ ߕߘߎ߫ ( ߊ߬ ߢߊߝߍ߬)
Verse 33 — Surah An-Naziat 79:33
(ߞߵߏ߬ ߓߍ߯ ߞߍ߫ ) ߘߊ߰ߡߎ߲ ߘߌ߫ ߊߟߎ߫ ߣߴߊߟߎ߫ ߟߊ߫ ߓߌߦߊ߲ ߠߎ߬ ߦߋ߫
Verse 34 — Surah An-Naziat 79:34
ߒ߬ߓߊ߬ ߣߌ߫ ߥߙߊ߬ߒ߬ߘߊ߬ߡߊ߫ ߓߟߋ߬ߓߟߋ ߣߊ߬ ߘߊ߫ ߕߎ߬ߡߊ ߡߍ߲
Verse 35 — Surah An-Naziat 79:35
ߏ߬ ߟߏ߲ ߠߋ߬ ߸ ߡߐ߱ ߘߴߊ߬ ߦߟߌߓߌ߬ߟߴߊ߬ ߕߊ߫ ߞߍߕߊ ߘߐ߫
Verse 36 — Surah An-Naziat 79:36
ߊ߬ ߣߌ߫ ߥߋ߲߯ߓߋ ߘߌ߫ ߟߊߓߐ߫ ߜߍ ߘߐ߫ ߦߋߟߌߟߊ ߓߍ߯ ߢߊߞߘߐ߫
Verse 37 — Surah An-Naziat 79:37
ߏ߬ ߘߐ߫ ߸ ߣߌ߫ ߡߍ߲ ߣߐ߬ ߞߍ߫ ߘߊ߫ ߘߊ߲߬ߠߊ߬ߕߊߡߌ߲ ߞߍ߫ ߟߊ߫ ߸
Verse 38 — Surah An-Naziat 79:38
ߊ߬ ߣߴߊ߬ ߞߊ߬ ߘߎߢߊ߫ ߢߣߊߡߦߊ ߛߎߥߊ߲ߘߌ߫ ߸
Verse 39 — Surah An-Naziat 79:39
(ߒ߬ߓߊ߬ ) ߖߊ߯ߕߋ߬ ߸ ߥߋ߲߯ߓߋ ߟߴߏ߬ ߡߊߞߍ߫ ߦߌߟߊ ߘߌ߫
Verse 40 — Surah An-Naziat 79:40
ߒ߬ߓߊ߬ ߡߍ߲ ߓߊ߯ ߛߌߟߊ߲߫ ߊ߬ ߡߊ߰ߙߌ ߓߘߊ ߟߐ߭ ߢߍ߫ ߛߊ߫ ߸ ߊ߬ ߣߴߊ߬ ߞߊ߬ ߣߌ ߝߊߕߊ߲ߕߌ߫ ߣߋ߬ߦߌ ߟߎ߫ ߡߊ߬ ߸
Verse 41 — Surah An-Naziat 79:41
(ߡߍ߲ߘߌߦߊ ) ߣߊߞߐ ߟߴߏ߬ ߡߊߞߍ߫ ߦߌߟߊ ߘߌ߫ ߛߋߚߋ߫
Verse 42 — Surah An-Naziat 79:42
ߊ߬ߟߎ߬ ߦߴߌߟߋ ߢߌ߬ߣߌ߲߬ߞߊ߬ ߟߊ߫ ( ߟߐ߬ߓߊ ) ߕߎ߬ߡߊ ߡߊ߬ ߸ ߞߴߏ߬ ߦߋ߫ ߞߎߟߎ߲ ߓߍߟߍ߲߫ ߠߊ߫ ߕߎ߬ߡߊ ߢߌ߬ߡߊ߲߫ ߠߋ߬؟
Verse 43 — Surah An-Naziat 79:43
ߏ߬ ߛߌ߲ߞߐ߲ ߢߌ߬ߡߊ߲߫ ߠߋ߬ ߌߟߋ ߞߣߐ߫؟
Verse 44 — Surah An-Naziat 79:44
ߏ߬ ߞߐߘߊ߲ ߦߋ߫ ߞߊߕߙߍ߬ ߌ ߡߊ߰ߙߌ ߟߋ߫ ߡߊ߬
Verse 45 — Surah An-Naziat 79:45
ߌߟߋ ߦߋ߫ ߖߊ߬ߛߙߋ߬ߡߟߊ߬ߓߊ߮ ߘߌ߫ ߡߐ߰ ߟߋ߬ ߦߋ߫ ߸ ߊ߬ ߞߎ߬ߘߎ ߦߋ߫ ߡߍ߲ ߞߊ߲ߠߊ߫
Verse 46 — Surah An-Naziat 79:46
ߊ߬ߟߎ߬ ߞߍߕߐ߫ ߊ߬ ߦߋ߫ ߟߊ߫ ߟߏ߲ ߡߍ߲ ߸ ߊ߬ߟߎ߬ ߘߌ߫ ߞߍ߫ ߦߏ߫ ߊ߬ߟߎ߬ ߡߊ߫ ߥߛߎ߬ ߛߌ߫ ߞߍ߫ ( ߘߎߢߊ߫ ߘߐ߫ ) ߸ ߝߏ߫ ߥߎ߬ߙߘߊ߬ߣߍ߲߬ ߞߋߟߋ߲߫ ߸ ߥߟߊ߫ ߏ߬ ߛߐ߰ߡߘߊ߬ߣߍ߲߬ ߞߋߟߋ߲߫