Back to Languages
Dagbani - Chapter 53 - An-Najm
Translation by Muhammad Baba Ghtobo — Permalink
Verse 1 — Surah An-Najm 53:1
M (Mani Naawuni) po saŋmariga, di yi ti sɔɣi
Verse 2 — Surah An-Najm 53:2
Yi zo (Annabi Muhammadu) maa bi bɔrgi, o mi bi kpahi yεɣi
Verse 3 — Surah An-Najm 53:3
O mi bi yεri yεltɔɣa ni suhuyurlim
Verse 4 — Surah An-Najm 53:4
Di (Alkur’aani) pa shεli naɣila wahayi (Naawuni tuuntali) n-nyɛ li, ka bɛ timdi na (o sani)
Verse 5 — Surah An-Najm 53:5
Ŋun kpɛŋ paai tariga (Malaaika Ziblila) n-nyɛ ŋun baŋsi o li (Alkur’aani)
Verse 6 — Surah An-Najm 53:6
O (Malaaika Ziblila) nyɛla yaalana, ka o niŋ tabata
Verse 7 — Surah An-Najm 53:7
Ka o (Malaaika Zibliila) daa nyɛla ŋun be sagbana yɛɣi shɛli din dula ni
Verse 8 — Surah An-Najm 53:8
Din nyaaŋa, ka o miri (tiŋgbani na), ka miri cho (Annabi Muhammadu sani)
Verse 9 — Surah An-Najm 53:9
Ka di ti kpalim (bɛ sunsuuni) kamani peenzalli ayi, bee ka di miri gari lala
Verse 10 — Surah An-Najm 53:10
Din nyaaŋa, ka O (Naawuni) tim na O dabli (Annabi Muhammadu) sani ni O tuuntali ni nyɛ shεli
Verse 11 — Surah An-Najm 53:11
O (Annabi Muhammadu) suhi daa bi zaŋ o ni nya shɛli nimaa ni leei ʒiri
Verse 12 — Surah An-Najm 53:12
Di ni bɔŋɔ, yi (Maka chεfurinima) ŋmεri o la namgbankpeeni n-zaŋ chaŋ o ni nya shɛli
Verse 13 — Surah An-Najm 53:13
Yaha! Achiika! O daa lahi nya o (Malaaika Ziblila) sheeri shɛli yaha
Verse 14 — Surah An-Najm 53:14
Naɣatibchεriga tia din be sagbana ayɔpoin bahigu shee la
Verse 15 — Surah An-Najm 53:15
Di shee ka Alizanda shεli bε ni boondi Ma’awa la be
Verse 16 — Surah An-Najm 53:16
(Annabi Muhammadu daa nya o) Saha shεli din limsiri naɣatibchεriga maa ni limsiri li
Verse 17 — Surah An-Najm 53:17
O (Annabi Muhammadu) nina daa bi ŋmalgi yuli shεli polo, o mi daa bi kpahi yεɣi
Verse 18 — Surah An-Najm 53:18
Achiika! O (Annabi Muhammadu) daa nya o Duuma (Naawuni) nam- yεlikpahinda zaɣikara puuni
Verse 19 — Surah An-Najm 53:19
Di ni bɔŋɔ, yi (Maka chεfurnima) nya (yi buɣu shɛŋa yi ni boondi) laata mini uzza maa
Verse 20 — Surah An-Najm 53:20
N-ti pahi manaati (buɣu shɛli) din pahi ka bɛ leei duumanim’ ata la
Verse 21 — Surah An-Najm 53:21
Di ni bɔŋɔ, yi (chɛfurinim’) sula bidibsi, ka O (Naawuni) su bipuɣinsi dɔɣibu
Verse 22 — Surah An-Najm 53:22
Din’ ŋuna, di fukumsi maa nyɛla ŋarigu (zualinsi) dini
Verse 23 — Surah An-Najm 53:23
Di (yi buɣa maa) pa shɛli m-pahila yuli shɛŋa ka yi mini yi banim’ boli li, Naawuni bɛ siɣisi di daliri shεli na. Bɛ (chεfurinim’) bi doli shεli naɣila zilsigu, ni suhuyurilim. Yaha! Achiika! Dolsigu (Alkur’aani) ka ba na bɛ Duuma (Naawuni) sani
Verse 24 — Surah An-Najm 53:24
Di ni bɔŋɔ, ninsala ni tooi nya o ni bɔri shɛli (ka di nyɛla buɣa n-ti o li)
Verse 25 — Surah An-Najm 53:25
Tɔ! Naawuni n-nyɛ Ŋun su Bahigu yili ni pilgu yili (Dunia ni Chiyaama)
Verse 26 — Surah An-Najm 53:26
Yaha! Di zooiya ka Malaaikanim’ niŋ anfaani, naɣila Naawuni yi ti saɣi ti ban be sagbana ni maa suhudee ku tooi O ni bɔri so, ka niŋ o yεda nyaaŋa (ka o ni tooi suhudee)
Verse 27 — Surah An-Najm 53:27
Achiika! Ninvuɣu shεba ban bi tiri Chiyaama yεlimaŋli maa n-nyɛ ban mali Malaaikanim’ boondi paɣaba la
Verse 28 — Surah An-Najm 53:28
Bɛ mi ka di baŋsim shεli, bɛ bi doli shɛli m-pahila zilsigu, zilsigu mi ku tooi zani yɛlimaŋli zaa ni n-niŋ anfaani shɛli
Verse 29 — Surah An-Najm 53:29
Dinzuɣu (yaa nyini Annabi)! Yim ninvuɣu so ŋun lebi biri Ti (Tinim’ Naawuni) yɛla teebu, ka bi bɔri shεli naɣila Dunia biεhigu
Verse 30 — Surah An-Najm 53:30
Dina n-nyɛ bɛ (chɛfurinim’) baŋsim targi. Achiika! A Duuma (Naawuni) n-nyɛ Ŋun mi ninvuɣu so ŋun bɔrgi ka chɛ O soli. Ŋuna n-lahi mi ŋun dolsi
Verse 31 — Surah An-Najm 53:31
Yaha! Naawuni n-su din be sagbana ni, ni din be tiŋgbani ni. Achiika! O (Naawuni) nyɛla Ŋun yɛn ti yo ninvuɣu shεba ban tum tuumbiεri samli ka di saɣisi bɛ ni tum shɛli, ka yo ban tum tuunviεla ni sanyoviεlli (Alizanda)
Verse 32 — Surah An-Najm 53:32
Ninvuɣu shεba ban ŋindi katiŋ’ ka chɛri tuumbekara, n-ti pahi kavituma, naɣila taali bihi. Achiika! A Duuma (Naawuni) nyɛla Ŋun chε m-paŋ galsi, Ŋuna n-nyɛ Ŋun mi hali shεŋa ni yi ni be saha shεli O ni yihi ya tiŋgbani yaaŋa zuɣu na, ni saha shεli yi ni daa nyɛ bilεri yi manim’ puya ni. Dinzuɣu, miri ya ka yi simsiri yi maŋa, Ŋuna m mi ninvuɣu so ŋun mali wuntia
Verse 33 — Surah An-Najm 53:33
(Yaa nyini Annabi)! A nya ninvuɣu so ŋun lebi biri
Verse 34 — Surah An-Najm 53:34
Ka ti pini bɛla, ka lahi niŋ biɛm
Verse 35 — Surah An-Najm 53:35
Di ni bɔŋɔ, o malila din sɔɣi baŋsim, ka nyɛla ŋun shiri nyara
Verse 36 — Surah An-Najm 53:36
Bee bɛ bi ti o la din be Annabi Musa kundili (litaafi) puuni lahibali
Verse 37 — Surah An-Najm 53:37
Ni Annabi Ibrahima so ŋun daa pali alikauli la
Verse 38 — Surah An-Najm 53:38
Kadama nyɛvuli shεli din mali taali ku tooi deei di nyɛvuli kpee taali ʒi
Verse 39 — Surah An-Najm 53:39
Yaha! Ninsala ti ka shɛli (Zaadali) naɣila o ni daa tum shɛli (Dunia)
Verse 40 — Surah An-Najm 53:40
Yaha! Achiika! Ni baalim, bɛ ni ti nya o tuma ni daa nyɛ shɛli (Zaadali)
Verse 41 — Surah An-Najm 53:41
Din nyaaŋa, bɛ ni yo o samli, ka di nyɛ sanyo’ shɛli din pali
Verse 42 — Surah An-Najm 53:42
Yaha! Achiika! A Duuma sani n- nyɛ bahigu shee
Verse 43 — Surah An-Najm 53:43
Yaha! Achiika! Ŋuna n-nyɛ Ŋun chɛ ka ninvuɣu so lara, ka chɛ ka so mi kuhira
Verse 44 — Surah An-Najm 53:44
Yaha! Achiika! Ŋuna n-nyɛ Ŋun kura, ka neera
Verse 45 — Surah An-Najm 53:45
Yaha! Achiika! Ŋuna n-nyɛ Ŋun nam (binshɛɣu kam) balibu buyi, ka di nyɛ doo ni paɣa
Verse 46 — Surah An-Najm 53:46
Ni maniyyi (dablim kom), bɛ yi ti dulim li bahi na
Verse 47 — Surah An-Najm 53:47
Yaha! Achiika! Ŋuna n-yɛn ti nam (binnamda) namdi palli (Zaadali)
Verse 48 — Surah An-Najm 53:48
Yaha! Ŋuna n-nyɛ Ŋun tiri arzichi din galsi, ni din pɔra
Verse 49 — Surah An-Najm 53:49
Yaha! Ŋuna n-nyɛ shiɣira Duuma. (Shi’ira nyɛla saŋmari so Ŋun ne pam, ka Maka chεfurinim’ daa jεmdi li)
Verse 50 — Surah An-Najm 53:50
Yaha! Ŋuna (Naawuni) n-daa niŋ tuuli Aadunim’ (Annabi Hudu niriba) hallaka
Verse 51 — Surah An-Najm 53:51
Ni Samuudunima (Annabi Salihu niriba), ka daa bi guui so (bɛ puuni)
Verse 52 — Surah An-Najm 53:52
Yaha! Pɔi ni bana, (O daa min niŋ) Annabi Nuhu niriba hallaka. Achiika! Bana n-daa gari sokam zualinsi dibu, ka kpahiri yεɣiri targa n-gari sokam
Verse 53 — Surah An-Najm 53:53
Ni ninvuɣu shεba bɛ ni daa lebi bɛ tiŋgbani pili (Annabi Lutu niriba)
Verse 54 — Surah An-Najm 53:54
Ka din daa liri ba (azaaba) maa daa liri ba
Verse 55 — Surah An-Najm 53:55
Dinzuɣu, (yaa nyini ninsala)! A Duuma (Naawuni) yolisigu dini ka a leei zilsira
Verse 56 — Surah An-Najm 53:56
Ŋumbɔŋɔ (Annabi Muhammadu) maa nyɛla saɣisigulana, ka o nyɛla ŋun be kurumbuni nima ban tiri saɣisigu la puuni
Verse 57 — Surah An-Najm 53:57
Din miri maa (Chiyaama yiɣisibu) miri ya na
Verse 58 — Surah An-Najm 53:58
Di ka ŋun yɛn tooi taɣi li ka pa ni Naawuni
Verse 59 — Surah An-Najm 53:59
Di ni bɔŋɔ, yɛtɔɣali (Al-Kur’aani) ŋɔ maa ka yi niŋdi lahiʒiba
Verse 60 — Surah An-Najm 53:60
Ka yi lara, ka bi kuhira
Verse 61 — Surah An-Najm 53:61
Ka nyɛla ban kpɛrita
Verse 62 — Surah An-Najm 53:62
Tɔ! Ŋmiɛm ya gbiɛɣu n-ti Naawuni, ka jεm ya O