Back to Languages
Dagbani - Chapter 78 - An-Naba
Translation by Muhammad Baba Ghtobo — Permalink
Verse 1 — Surah An-Naba 78:1
Bo yɛla ka bɛ leei bɔhiri taba
Verse 2 — Surah An-Naba 78:2
Lahibali timsili yɛla (Chiyaama yiɣisibu yɛla ka bɛ chɛfurinim’ bɔhiri taba)
Verse 3 — Surah An-Naba 78:3
Dina n-nyɛ bɛ ni ŋmɛri namgbankpeeni shɛli puuni maa
Verse 4 — Surah An-Naba 78:4
Haifa! Ni baalim, bɛ ni ti baŋ
Verse 5 — Surah An-Naba 78:5
Din nyaaŋa, Haifa! Ni baalim. bɛ ni ti baŋ
Verse 6 — Surah An-Naba 78:6
Di ni bɔŋɔ, Ti (Tinim’ Naawuni) bi zaŋ tiŋgbani leei binyɛrgili
Verse 7 — Surah An-Naba 78:7
Ka zoya mi nyɛ kpahi (din gbibi tiŋgbani)
Verse 8 — Surah An-Naba 78:8
Ka Ti nam ya ka yi nyɛ balibu (doo ni paɣa)
Verse 9 — Surah An-Naba 78:9
Yaha! Ka Ti chɛ ka gom nyɛ vuhim n-tin ya
Verse 10 — Surah An-Naba 78:10
Ka Ti lahi zaŋ yuŋ ka di nyɛ ashili lirgu tin ya
Verse 11 — Surah An-Naba 78:11
Ka Ti lahi zaŋ wuntaŋni leei bindirigu bobu saha
Verse 12 — Surah An-Naba 78:12
Ka Ti me sagbana ayɔpoin din mali yaa yi zuɣusaa
Verse 13 — Surah An-Naba 78:13
Ka Ti lahi tin ya furila shɛli (wuntaŋa) din kuli neei pam
Verse 14 — Surah An-Naba 78:14
Yaha! Ka Ti siɣisi sakom na zuɣusaa, ka di nyɛla din kuli kpaara
Verse 15 — Surah An-Naba 78:15
Domin ti zaŋ li n-yihi bimbɛlim mini bimbilma
Verse 16 — Surah An-Naba 78:16
Ni puri din laɣim tihi pam
Verse 17 — Surah An-Naba 78:17
Achiika! Saliya karibu dali nyɛla din mali di saha
Verse 18 — Surah An-Naba 78:18
Dabsi’ shɛli bɛ ni yɛn ti piɛbsi kikaa ni, ka yi ka na (Mani Naawuni sani) ka nyɛla laɣinsi
Verse 19 — Surah An-Naba 78:19
Ka bɛ yooi sagbana, ka di leei dindoya
Verse 20 — Surah An-Naba 78:20
Ka bɛ (Naawuni) chɛ ka zoya chana, ka leei aliziŋkom
Verse 21 — Surah An-Naba 78:21
Achiika! ʒahannama buɣum nyɛla din be guhibu shee
Verse 22 — Surah An-Naba 78:22
Ka di nyɛ labbu shee n-ti ban kpahi yεɣi tariga
Verse 23 — Surah An-Naba 78:23
Ka bɛ nyɛla ban yɛn ʒini di puuni ʒemana waɣila
Verse 24 — Surah An-Naba 78:24
Bɛ ti bi yɛn lam gom bee ka bɛ lam binnyurili shɛli di puuni
Verse 25 — Surah An-Naba 78:25
Naɣila kotulum mini ʒim ni mari
Verse 26 — Surah An-Naba 78:26
Di nyɛla sanyoo din simsi ba
Verse 27 — Surah An-Naba 78:27
Achiika! Bɛ daa nyɛla ban bi zɔri saliya karibu dabiɛm
Verse 28 — Surah An-Naba 78:28
Yaha! Ka bɛ labsi Ti aaya- nim’ ʒiri
Verse 29 — Surah An-Naba 78:29
Yaha! Ti (Tinim’ Naawuni) malila yɛllikam laasabu, ka di nyɛla Ti ni sabi shɛli sɔŋ
Verse 30 — Surah An-Naba 78:30
Dinzuɣu lammi ya, Ti ku yon ya sam shɛli naɣila azaaba
Verse 31 — Surah An-Naba 78:31
Achiika! Wuntizɔriba mali tarli din galsi
Verse 32 — Surah An-Naba 78:32
(Bɛ sanyoo nyɛla) Alizanda puri mini Inabi (sinsaba)
Verse 33 — Surah An-Naba 78:33
Ni paɣasara ban biha pali bɛ nyɔri ni, ka bɛ yuma lahi saɣisi taba
Verse 34 — Surah An-Naba 78:34
Ni jaashee din pali ni dam
Verse 35 — Surah An-Naba 78:35
Bɛ bi wumdi yɛltɔɣa kaha di puuni, bɛ di ti yɛli ni ʒiri
Verse 36 — Surah An-Naba 78:36
Di nyɛla sanyoo din yi a Duuma sani na, ka nyɛla pini din galsi
Verse 37 — Surah An-Naba 78:37
Sagbana mini tiŋgbani, n-ti pahi din be di sunsuuni Duuma, Nambɔnaa, bɛ ka yiko din yɛn ti tooi tɔɣisi yɛltɔɣa shɛli o sani
Verse 38 — Surah An-Naba 78:38
Dabsi’ shɛli Ruhi (Malaaika Ziblila) mini Malaaikanim’ ni yɛn ti zani safu ni, bɛ ti ku tooi tɔɣisi yɛltɔɣa naɣila Nambɔzobonaa ni saɣi ti so, ka o naan tooi tɔɣisi yɛltɔɣa shɛli din tuhi
Verse 39 — Surah An-Naba 78:39
Dina n-nyɛ yɛlimaŋli dali, dinzuɣu ŋun bɔra, ŋun gbibi biɛrisuŋ n-zaŋ labi o Duuma sani
Verse 40 — Surah An-Naba 78:40
Achiika! Ti (Tinim’ Naawuni) valsiri ya mi ni azaaba din be yoma, dabsi’ shɛli ninsala ni yɛn yuli o nuhi ni daŋsi tuun’ shɛŋa, ka chɛfura yɛli: Bo n-di leei niŋ ka n-gba leei taŋkpaɣu