Back to Languages
Dagbani - Chapter 79 - An-Naziat
Translation by Muhammad Baba Ghtobo — Permalink
Verse 1 — Surah An-Naziat 79:1
M (Mani Naawuni) po Malaaikanim’ ban tɔhigiri deeri (chɛfurinim’) nyɛvuya ni suli
Verse 2 — Surah An-Naziat 79:2
Yaha! M-po Malaaikanim’ ban deeri ninvuɣu shɛba ban ti Naawuni yɛliamaŋli nyɛvuya ni baalim
Verse 3 — Surah An-Naziat 79:3
Yaha! M-po Malaaikanim’ ban chani ka labri sagbana mini tiŋgbani sunsuuni
Verse 4 — Surah An-Naziat 79:4
Yaha! M-po Malaaikanim’ ban kpaɣiri taba n-zaŋ chaŋ Naawuni ni puhi ba shɛli tumbu
Verse 5 — Surah An-Naziat 79:5
Yaha! M-po Malaaikanim’ ban gbibi binnamda yɛligola
Verse 6 — Surah An-Naziat 79:6
Dabsi’ shɛli din sɔhigiri binyɛra ni yɛn ti sɔhigira
Verse 7 — Surah An-Naziat 79:7
Ka kikaa piɛbsibu (din pahiri ayi) doli di nyaaŋa
Verse 8 — Surah An-Naziat 79:8
Dindali maa, ninvuɣu shɛba suhiri nyɛla din yɛn ti dam
Verse 9 — Surah An-Naziat 79:9
Ka bɛ (ninsalinim’) nina ba tiŋgbani ni
Verse 10 — Surah An-Naziat 79:10
Ka bɛ yɛra: “Di ni bɔŋɔ, ti nyɛla bɛ ni yɛn labsi shɛba ti tuuli bɛhigu la ni
Verse 11 — Surah An-Naziat 79:11
Hali di yi niŋ ka ti yi leei koba din bursi bursi
Verse 12 — Surah An-Naziat 79:12
Ka bɛ yɛli: “Din ŋuna, di labbu maa nyɛla ashaara dini.”
Verse 13 — Surah An-Naziat 79:13
Achiika! Di nyɛla tahigu yim zuɣu
Verse 14 — Surah An-Naziat 79:14
Ka a nya ba (ninsalinima) ka bɛ ʒe tiŋgbani yaaŋa zuɣu
Verse 15 — Surah An-Naziat 79:15
(Yaa nyini Annabi)! Di ni- bɔŋɔ, Annabi Musa lahibali ka a na
Verse 16 — Surah An-Naziat 79:16
Saha shɛli o Duuma ni daa boli o biɛŋ din nyɛ kasi la shee
Verse 17 — Surah An-Naziat 79:17
(Ka yɛli o): “Cham Fir’auna sani, dama o nyɛla ninvuɣu so ŋun kpahi yεɣi.”
Verse 18 — Surah An-Naziat 79:18
Ka yɛli o: “Di ni bɔŋɔ, a ku niŋ a maŋ’ kasi?”
Verse 19 — Surah An-Naziat 79:19
Ka n-dolsi a n-zaŋ kana a Duuma sani, ka a zo o dabɛm?”
Verse 20 — Surah An-Naziat 79:20
Ka o (Annabi Musa) wuhi o alaama titali (dina n-nyɛ o jaangbee la)
Verse 21 — Surah An-Naziat 79:21
Ka o (Fir’auna) labsi o ʒirilana, ka kpe Naawuni taali puuni
Verse 22 — Surah An-Naziat 79:22
Din nyaaŋa, ka o lebi biri, ka be o tummbiɛri ni
Verse 23 — Surah An-Naziat 79:23
Ka o laɣim o niriba, ka moli
Verse 24 — Surah An-Naziat 79:24
Ka yɛli: “Mani n-nyɛ yi duuma so ŋun gari duma kam.”
Verse 25 — Surah An-Naziat 79:25
Ka Naawuni niŋ o azaaba ni o bahigu yɛltɔɣa ŋɔ maa mini tuuli dini la
Verse 26 — Surah An-Naziat 79:26
Achiika! Ŋɔ maa puuni mali kpahimbu n-ti ninvuɣu so ŋun zɔri Naawuni
Verse 27 — Surah An-Naziat 79:27
Di ni bɔŋɔ, yi (ninsalinim’) nambu n-kpɛm gari sagbana shɛli O (Naawuni) ni me ŋɔ maa
Verse 28 — Surah An-Naziat 79:28
O (Naawuni) duhila di mee, ka chɛ ka di saɣisi
Verse 29 — Surah An-Naziat 79:29
Ka zibgi di yuŋ, ka chɛ ka di wuntaŋ’ ne
Verse 30 — Surah An-Naziat 79:30
Din nyaaŋa, ka o yɛrgi tiŋgbani
Verse 31 — Surah An-Naziat 79:31
Ka O yihi di kom mini di biŋkobri ŋubbu shee di puuni na
Verse 32 — Surah An-Naziat 79:32
Ni zoya, ka O (Naawuni) kpaŋkpa li
Verse 33 — Surah An-Naziat 79:33
Ka di nyɛ nyεɣisim wumbu n-tin ya, ni yi biŋkɔbri
Verse 34 — Surah An-Naziat 79:34
Dinzuɣu, mushiiba titali (Chiyaama yiɣisibu) yi ti kana
Verse 35 — Surah An-Naziat 79:35
Dabsi’ shɛli ninsala ni yɛn ti teei o ni daa tum shɛli
Verse 36 — Surah An-Naziat 79:36
Ka bɛ yihi ʒehiimi buɣum polo ni, n-zaŋ ti ŋun yɛn nya li
Verse 37 — Surah An-Naziat 79:37
Amaa! Ninvuɣu so ŋun kpahi yεɣi
Verse 38 — Surah An-Naziat 79:38
Ka gahim Dunia biɛhigu
Verse 39 — Surah An-Naziat 79:39
Tɔ! Achiika! Ʒehiimi buɣum n-nyɛ o labbu shee
Verse 40 — Surah An-Naziat 79:40
Amaa! Ninvuɣu so ŋun zo o Duuma (Naawuni) tooni zanibu, ka mɔŋ o maŋ’ suhuyurlim
Verse 41 — Surah An-Naziat 79:41
Tɔ! Achiika! Alizanda n-nyɛ o labbu shee
Verse 42 — Surah An-Naziat 79:42
(Yaa nyini Annabi)! Bɛ bɔhira n-zaŋ chaŋ saha (Chiyaama yiɣisibu), ni bondali ka di yɛn ti niŋ
Verse 43 — Surah An-Naziat 79:43
Yapolo ka a yɛn nyɛ di baŋsim yɛli ba
Verse 44 — Surah An-Naziat 79:44
Di baŋsim kpaliŋkpaa bela a Duuma (Naawuni) sani
Verse 45 — Surah An-Naziat 79:45
Achiika! A nyɛla valsigulana n-ti ŋun zɔri li
Verse 46 — Surah An-Naziat 79:46
Dabsi’ shɛli bɛ (chɛfurinim’) ni yɛn ti nya li, di yɛn ti ŋmanila bɛ na ʒin ʒinila Dunia puuni, naɣila dabsili puuni Zaawuni bee di Wuntaŋ’ palli