Back to Languages
Dagbani - Chapter 91 - Ash-Shams
Translation by Muhammad Baba Ghtobo — Permalink
Verse 1 — Surah Ash-Shams 91:1
M (Mani Naawuni) po wuntaŋ’ ni di neesim
Verse 2 — Surah Ash-Shams 91:2
Ka po goli, di yi ti doli di nyaaŋa
Verse 3 — Surah Ash-Shams 91:3
Yaha! M (Mani Naawuni) po dabsili, di yi ti yihi wuntaŋ’ neesim polo ni
Verse 4 — Surah Ash-Shams 91:4
Ka lahi po yuŋ, di yi ti zibgi li
Verse 5 — Surah Ash-Shams 91:5
Yaha! M (Mani Naawuni) po sagbana ni binshɛɣu din mɛ li
Verse 6 — Surah Ash-Shams 91:6
Yaha! M (Mani Naawuni) po tiŋgbani, ni binshɛɣu din yɛrgi li
Verse 7 — Surah Ash-Shams 91:7
Yaha! M (Mani Naawuni) po nyɛvuli, ni binshɛɣu din pali di nam
Verse 8 — Surah Ash-Shams 91:8
Din nyaaŋa, ka O (Naawuni) baŋsi li di tuumbiɛri ni di wuntia
Verse 9 — Surah Ash-Shams 91:9
Achiika! Ŋun simsi li (nyɛvuli maa) tilgi ya
Verse 10 — Surah Ash-Shams 91:10
Ŋun mi bahi li yoli niŋ hallaka
Verse 11 — Surah Ash-Shams 91:11
Samuudunim’ labsi ʒiri niŋ bɛ tumo (Annabi Salihu) noli ni, domin bɛ kpahi yεɣi tariga zuɣu
Verse 12 — Surah Ash-Shams 91:12
Saha shɛli bɛ ni daa tim bɛ zuɣubiɛɣu lana (ni o ti ku Annabi Saalihu laakumi)
Verse 13 — Surah Ash-Shams 91:13
Ka Naawuni tumo (Annabi Sālihu) yɛli ba: “O nyɛla Naawuni laakumi, Di mɔŋ ya o kom maa nyubu.”
Verse 14 — Surah Ash-Shams 91:14
Ka bɛ labsi o ʒirilana, ka ku o (laakumi ma), ka bɛ Duuma niŋ ba hallaka ni bɛ tuumbiɛri maa, ka chɛ ka di saɣisi ba
Verse 15 — Surah Ash-Shams 91:15
O (Naawuni) mi bi zɔri di bahigu