Fulah - Chapter 32 - As-Sajdah

Translation by Rowad Translation Center And Islamhouse — Permalink

Verse 1 — Surah As-Sajdah 32:1

Alif, Laam, Miim

Verse 2 — Surah As-Sajdah 32:2

Jippineede Deftere nden, sikke woo alaa e mu'un, ko immorde ka Jeyɗo winndere nden

Verse 3 — Surah As-Sajdah 32:3

Walla ɓe wi'ay kanko (Muhammadu) o fefindi nde? Si ko woni, ko nde goongaare, immorde ka Joomi maa, fii yo a jertin yimɓe, ɓe jertinoowo araano e mun ado maaɗa, belajo'o, ɓe feeway

View verse 32:3 page →Raw JSON

Verse 4 — Surah As-Sajdah 32:4

Ko Alla woni taguɗo kammuuli ɗin e leydi ndin, e kon ko woni hakkunde majji, e nder balɗe jeegoo. Refti O fotondiri ka dow "Arski". Alanaa on gaanin Makko, giɗo wanaa tefoowo. E on waajitotaako? @Corrected

View verse 32:4 page →Raw JSON

Verse 5 — Surah As-Sajdah 32:5

Himo fewja fiyaakuuji ɗin ka kammu haa ka leydi, refti ɗi ƴeenga ka Makko, e ñalaande nde emmbere mun woni, duuɓi ujunere e ko limoton

View verse 32:5 page →Raw JSON

Verse 6 — Surah As-Sajdah 32:6

On [fewjoowo fii ɗum on], ko Annduɗo wirniiɗi e feeñuɗi, Fooluɗo, Hinnotooɗo

View verse 32:6 page →Raw JSON

Verse 7 — Surah As-Sajdah 32:7

On labinɗo kala huunde nde O tagi. O fuɗɗi tagude neɗɗanke ndin e loopal

View verse 32:7 page →Raw JSON

Verse 8 — Surah As-Sajdah 32:8

refti O waɗi geyngol makko ngol, e sortondiral, immorde ndihal [maniiyu] lo'uɗam

View verse 32:8 page →Raw JSON

Verse 9 — Surah As-Sajdah 32:9

refi O fotndindiri mo, O wutti e makko Ruuhu Makko on. O waɗani on nanɗe, e giiɗe e ɓerɗe. [Kono] fanɗii ko yettonton

View verse 32:9 page →Raw JSON

Verse 10 — Surah As-Sajdah 32:10

Ɓe wi': "E nee, si min majjii ka leydi, eyoo men wontay e tagu hesu?" Ko woni kamɓe e hawrugol e Joomi maɓɓe, ko ɓe yedduɓe [ɗum]

View verse 32:10 page →Raw JSON

Verse 11 — Surah As-Sajdah 32:11

Maaku: "Ko hunnata on, ko malaa'ikaajo maayde on wakkilaaɗo on. Refti ko ka Joomi mon rutteteɗon

View verse 32:11 page →Raw JSON

Verse 12 — Surah As-Sajdah 32:12

Sinno a yi'ayno, tuma nde bomɓe ɓen ugginta ko'e-maɓɓe ka Joomi maɓɓe! [lƁe wi'a]: "Joomi amen, men yi'ii men nanii, rutton men, men golla ko moƴƴi; menen men yananaama

View verse 32:12 page →Raw JSON

Verse 13 — Surah As-Sajdah 32:13

Sinno Men muuyuno, Men okkayno kala wonkii peewal makki. Ko woni tun, konngol jojjii immorde e An : "Ma Mi hebbiniray Jahannama on jinna e yimɓe, ɓe denndaangal

View verse 32:13 page →Raw JSON

Verse 14 — Surah As-Sajdah 32:14

Meeɗiree (lepte ɗen) sabu welsindagol mon hawrugol e ndee ñalaande mon ɗoo. Menen (kadi) Men yejjitii on. Meeɗiree lepte luttal, sabu ko huuwaynoɗon kon

View verse 32:14 page →Raw JSON

Verse 15 — Surah As-Sajdah 32:15

Anndee ko gomɗinta Aayeeje Amen ɗen, ko ɓen tawɓe si ɓe waajoraama ɗe, ɓe suuyiray sujjugol, ɓe subbuhinora yettugol Joomi maɓɓe, kamɓe ɓe townitotaako

View verse 32:15 page →Raw JSON

Verse 16 — Surah As-Sajdah 32:16

Becce maɓɓe ɗen hino woɗɗitoo e lelorɗe ɗen, hiɓe noddira Joomi maɓɓe kulol e tama'u; e kon ko Men arsiki ɓe, hiɓe wintoo

View verse 32:16 page →Raw JSON

Verse 17 — Surah As-Sajdah 32:17

Wonkii (woo) anndaa ko maranaa ɓe e ko ɓuɓɓinta ɓernde, ɗum ko njoɓdi ko ɓe gollaynoo kon

View verse 32:17 page →Raw JSON

Verse 18 — Surah As-Sajdah 32:18

E on laatiiɗo gomɗinɗo wa'ay wa on faasiqe? (aa'aa), ɓe fotataa

View verse 32:18 page →Raw JSON

Verse 19 — Surah As-Sajdah 32:19

Si ko ɓen omɗimɓe ɓe golli golle moƴƴe, hino woodani ɓe Aljannaaji weerde jipporde, sabu koɓe gollaynoo kon

View verse 32:19 page →Raw JSON

Verse 20 — Surah As-Sajdah 32:20

Si tawii non ko ɓe faasiqiiɓe, haray femporde ɓen ɗon nden, ko ka Yiite: Tuma kala ɓe faalaa yaltugol e magge, ɓe ruttitee e magge, ɓe wi'anee: "Meeɗee lepte Yiite nge fennayoɗon ngen

View verse 32:20 page →Raw JSON

Verse 21 — Surah As-Sajdah 32:21

Ma Men meeɗinir ɓe lepte aduna, ado lepte mawɗe ɗen (laakara), belajo'o, ɓe ruttitoto

View verse 32:21 page →Raw JSON

Verse 22 — Surah As-Sajdah 32:22

Alaa ɓurɗo tooñude wano waajoraaɗo Aayeeje Joomi mun ɗen, refti o ɗuurnii ɗe ! Pellet, Menen, ko Men yoftotooɓe e bomɓe ɓen

View verse 32:22 page →Raw JSON

Verse 23 — Surah As-Sajdah 32:23

Gomɗii Men okkii Muusaa Deftere nden, - wata a wonu e sikke e fii hawroygol e makko -, Men waɗi nde ɗoworde ɓiɗɓe Israa'iila ɓen

View verse 32:23 page →Raw JSON

Verse 24 — Surah As-Sajdah 32:24

Men waɗi e maɓɓe ardiiɓe, ɗowirooɓe (yimɓe ɓen) yamiroore Amen, nde ɓe muññinoo, ɓe woni yananaaɓe e Aayeeje Amen ɗen

View verse 32:24 page →Raw JSON

Verse 25 — Surah As-Sajdah 32:25

Pellet, Joomi maa, ko Kanko senndoyta hakkunde maɓɓe, Ñalnde Darngal, e kon ko ɓe lurraynoo e fii mun

View verse 32:25 page →Raw JSON

Verse 26 — Surah As-Sajdah 32:26

E feeñanaali ɓe, no foti ɗuuɗude e ko Men halki ado maɓɓe e gire, hiɓe yaha e koɗooli maɓɓe? Pellet, no e ɗum, tasakuyeeji ! E ɓee haqqiltaa

View verse 32:26 page →Raw JSON

Verse 27 — Surah As-Sajdah 32:27

E ɓe yi'aali, wonnde Meɗen soggira ndiyam ɗam ka leydi hokkundi, Men yaltinira ɗam remuru, ndu neemoraaɗi maɓɓe e kamɓe ñaamata e mun? E ɓe yi'ataa

View verse 32:27 page →Raw JSON

Verse 28 — Surah As-Sajdah 32:28

Hiɓe wi'a: "Ko honnde tuma woni ngal uddital, si on laatike goonguɓe

View verse 32:28 page →Raw JSON

Verse 29 — Surah As-Sajdah 32:29

Maaku: "Ñalnde uddial ngal, ko heeferɓe ɓen gomɗinoyta nafoytaaɓe, wanaa kamɓe woni nennanteeɓe

View verse 32:29 page →Raw JSON

Verse 30 — Surah As-Sajdah 32:30

Ɗuurno ɓe, haɓɓito-ɗaa. Kamɓe kan, ko ɓe haɓɓitiiɓe (lepte)

View verse 32:30 page →Raw JSON