Back to Languages
Fulah - Chapter 36 - Ya-Sin
Translation by Rowad Translation Center And Islamhouse — Permalink
Verse 1 — Surah Ya-Sin 36:1
Yaa-Siin
Verse 2 — Surah Ya-Sin 36:2
Mi woondirii Al*ur'aana ñeñaande nden
Verse 3 — Surah Ya-Sin 36:3
Pellet, an (Nulaaɗo), ko a jeyaaɗo e Nulaaɓe ɓen
Verse 4 — Surah Ya-Sin 36:4
E dow laawol focciingol
Verse 5 — Surah Ya-Sin 36:5
Jippinannde On Fooluɗo, Hinnotoo
Verse 6 — Surah Ya-Sin 36:6
Fii yo a jertinir nde yimɓe, ɓe baabiraaɓe mun jertinanooka: ɓen ko welsindiiɓe
Verse 7 — Surah Ya-Sin 36:7
Gomɗii konngol [lepte] jojjii e ko ɓuri ɗuuɗude e maɓɓe; ɓen ɗon gomɗintaa
Verse 8 — Surah Ya-Sin 36:8
Menen Men waɗii ka daaɗe maɓɓe kolommbooje, ɗen ko yottiiɗe ka bokkuɗe; hara ko ɓe ŋalliniiɓe
Verse 9 — Surah Ya-Sin 36:9
Men waɗi yeeso maɓɓe heedo, ɓaawo maɓɓe kadi heedo, Men hippi ɓe (gite ɗen); waɗti ɓe yi'ataa [goonga]
Verse 10 — Surah Ya-Sin 36:10
Hino fota e maɓɓe, foti a jertini ɓe, maa a jertinaali ɓe; ɓe gomɗintaa
Verse 11 — Surah Ya-Sin 36:11
Anndu ko jertintaa (jaɓa), ko on jokkuɗo Jantoore (Alqur'aana) nden, o huli Jom-Yurmeende On ka wirnii. Wewlinir mo haforaneede e mbarjaari teddundi
Verse 12 — Surah Ya-Sin 36:12
Ko Menen woni wuurnitooɓe maayɓe ɓen, Men winnda ko ɓe ardini e batteeji maɓɓe. Kala huunde, Meɗen mofti nde e deftere ɓanngunde
Verse 13 — Surah Ya-Sin 36:13
Piyan-ɓe misal, fii yimɓe saare, tuma nde Nulaaɓe arunoo ɓe
Verse 14 — Surah Ya-Sin 36:14
Nde Men nulunoo e maɓɓe, [Nulaaɓe] ɗiɗo, ɓe fenni ɓen, Men sammbiniri ɓen, tataɓo, ɓe wi'i: "Menen, ko men Nulaaɓe e mo'on
Verse 15 — Surah Ya-Sin 36:15
[Yimɓe saare nden] wi'i: "On wonaali, si wanaa ko on ɓanndinke wano menen. Jom-hinaranke On jippinaali hay huunde, on wonaali, si wanaa ko on fenooɓe
Verse 16 — Surah Ya-Sin 36:16
[Nulaaɓe ɓen] wi'i: "Joomi amen no anndi pellet, ko men Nulaaɓe e mo'on
Verse 17 — Surah Ya-Sin 36:17
Fawaaki men non, si wanaa yottingol ɓanngina
Verse 18 — Surah Ya-Sin 36:18
[Yimɓe saare nden] wi'iti: "Men hiitori on kataa. Si tawii non on haɗitaaki, ma men fiɗu on, lepte muusuɗe kadi memira on immorde e amen
Verse 19 — Surah Ya-Sin 36:19
[Nulaaɓe ɓen kadi] wi'iti: "Kiite mon ɗin, hiɗon wonndi e mun. Ko si on waajaama (hiitinoɗon)? Tigi on, ko on yimɓe fantinooɓe
Verse 20 — Surah Ya-Sin 36:20
Gorko iwri ka ɓuri woɗɗude e saare nden, o ari himo yaccoo, o wi'i: "Ko onon yo yimɓe am, kori jokkee Nulaaɓe ɓen
Verse 21 — Surah Ya-Sin 36:21
jokkee ɓen ɓe lamndotaako on njoɓdi, ɓen ko fewnaaɓe
Verse 22 — Surah Ya-Sin 36:22
E ko haɗata lam rewugol On taguɗo Lam? Ko ka Makko woni ruttorde mon
Verse 23 — Surah Ya-Sin 36:23
E mi jogtoto reweteeɗi gaanin Makko? Si Jom-yurmeende On muuyanii lam lorra, tefoore majji duncantaali lam hay huunde, ɗi dɗandataa lam kadi
Verse 24 — Surah Ya-Sin 36:24
Haray min ontuma, mi wonii e majjere ɓanngunde
Verse 25 — Surah Ya-Sin 36:25
Min on, mi gomɗinii Joomi mon, nananee lam
Verse 26 — Surah Ya-Sin 36:26
wi'anaa: "Naatu Aljanna". O wi'i: "Haaniino yimɓe am ɓen annda
Verse 27 — Surah Ya-Sin 36:27
ko Joomi am haforani lam, O waɗi lam e teddinaaɓe ɓen
Verse 28 — Surah Ya-Sin 36:28
Men jippiniraano koneeli ka kammu, e yimɓe makko ɓen, ɓaawo maako. Men wonaanii jippinooɓe [ɗin koneeli]
Verse 29 — Surah Ya-Sin 36:29
(Halkeede maɓɓe) wonaali, si wanaa haacaango wooto, tawi ɓe laatii maayɓe-ɓutti
Verse 30 — Surah Ya-Sin 36:30
Ee hayreede jeyaaɓe [fenunooɓe]! Nulaaɗo araali e ɓɓe, si wanaa ɓe waɗtayno mo jalnori
Verse 31 — Surah Ya-Sin 36:31
E ɓee yi'aali ɗuuɗii e gire ɗe Men halki ado maɓɓe? Wonnde ɓen ruttitotaako e maɓɓe
Verse 32 — Surah Ya-Sin 36:32
Ɓe fow wonaali, si wanaa ko mooɓoyteeɓe ka Amen
Verse 33 — Surah Ya-Sin 36:33
Hino wonani ɓe maande: leydi yoorundi ndin, Men wuurniti ndi, Men yaltini gabbe e mayri, tawi ko e ɗen ɓe ñaamata
Verse 34 — Surah Ya-Sin 36:34
Men waɗi e mayri gese tamarooje e inabuuje, Men ɓulni e mayri ɓulli(ceewle)
Verse 35 — Surah Ya-Sin 36:35
fii no ɓe ñaamira dimɗe mun ɗen e kon ko ɓe golliri juuɗe maɓɓe ɗen. E ɓe yettataa (Alla)
Verse 36 — Surah Ya-Sin 36:36
Senaade woodanii taguɗo nooneeji ɗin On fow: gila e ko leydi ndin fuɗinta kon, haa e wonkiiji maɓɓe ɗin, e kon ko ɓe anndaa
Verse 37 — Surah Ya-Sin 36:37
Maande goo kadi wonanii ɓe: e jemma on, Meɗen sorta e makko ñalorma on, tawa ɓe wontii e niwre
Verse 38 — Surah Ya-Sin 36:38
E naange ngen, hinge doga haa e ñiiɓirde magge; ɗum ko eɓɓoore Fooluɗo, Annduɗo On
Verse 39 — Surah Ya-Sin 36:39
E lewru ndun, Men eɓɓani ndu jipporde, haa ndu waɗtinira wa baaŋal tamaro kiiɗngal
Verse 40 — Surah Ya-Sin 36:40
Wanaa naange ngen woni ko haanini hewtitagol lewru ndun, wanaa jemma on woni ko aditotoo ñalorma on; kala majji non, ko e laawol mun woni dogude
Verse 41 — Surah Ya-Sin 36:41
Maande goo wonanii ɓe, wonnde Men roondike geyngol maɓɓe ngol, ka laana hebbinaaka
Verse 42 — Surah Ya-Sin 36:42
Men tagani ɓe sugu makko, ko ɓe waɗɗoo
Verse 43 — Surah Ya-Sin 36:43
Si Meɗen yiɗuno, Men yoolayno ɓe; hara faabo alanaa ɓe, wanaa kadi ɓe daɗndeteeɓe
Verse 44 — Surah Ya-Sin 36:44
si wanaa yurmeende immornde e Amen, e dakmitagol haa e saanga
Verse 45 — Surah Ya-Sin 36:45
Si ɓe wi'anaama: "Rentee e kon ko woni yeeso mon e ɓaawo mon, belajo'o, on yurminte
Verse 46 — Surah Ya-Sin 36:46
Aaya woo e Aayeeje Joomi maɓɓe ɗen araali e maɓɓe, si wanaa ɓe ɗuurnooɗe
Verse 47 — Surah Ya-Sin 36:47
Si ɓe wi'anaama kadi: "Wintee(nafqe) e kon Alla arsiki on", yedduɓe ɓen wi'ana gomɗimɓe ɓen: "E men ñamminay on tawɗo si Alla muuyuno, O ñamminayno mo? On wonaali, si wanaa e nder majjere ɓanngunde
Verse 48 — Surah Ya-Sin 36:48
Hiɓe wi'a: "Ko honnde tuma woni ndee Fodoore, si on laatike goonguɓe
Verse 49 — Surah Ya-Sin 36:49
Ɓe habbaaki, si wanaa haacaango wooto, nanngayngo ɓe, hara hiɓe yeddondira
Verse 50 — Surah Ya-Sin 36:50
Ɓe waawoytaa wasiyagol ontuma, wanaa ɓe ruttoytooɓe e yimɓe maɓɓe ɓen
Verse 51 — Surah Ya-Sin 36:51
Wutte ka Alaandu, ɓe yaltira e genaale ɗen, ɓe heñora ka Joomi maɓɓe
Verse 52 — Surah Ya-Sin 36:52
hiɓe wi'a: "Ee bone amen! Ko hommbo immini men e genaale amen?" Ko ɗum woni ko Hinaranke On fodunoo; Nulaaɓe ɓen goonginii
Verse 53 — Surah Ya-Sin 36:53
(Ummital) ngal wonaano, si wanaa haacaango gooto, tawi ɓe fow ɓe addaama ka Amen
Verse 54 — Surah Ya-Sin 36:54
Hannde non, wonkii tooñirtaake hay huunde. On yoɓitirtaake, si wanaa kon ko gollaynoɗon
Verse 55 — Surah Ya-Sin 36:55
Yimɓe Aljanna ɓe hannde, pellet, hiɓe e nder soklio, hiɓe neeminoo
Verse 56 — Surah Ya-Sin 36:56
kamɓe e genndiraaɓe maɓɓe ɓen,e ley ɗowɗe, hiɓe soɓɓindii e hoore danɗe
Verse 57 — Surah Ya-Sin 36:57
Hino woodani ɓe ton, ɓiɗɓe leɗɗe, hino woodani kadi, kon ko ɓe noddata
Verse 58 — Surah Ya-Sin 36:58
Salaamun", konngol [kisiyee], immorde e Joomiraaɗo, Hinnotooɗo
Verse 59 — Surah Ya-Sin 36:59
Sertee non hande, onon ɓee bomɓe
Verse 60 — Surah Ya-Sin 36:60
Mi ahodaano e mon, onon ɓiɗɓe Aadama, wonnde wata on rewu seytaane? Tawde pellet, ko o gaño mon ɓannguɗo
Verse 61 — Surah Ya-Sin 36:61
[Mi yamiri on] kadi rewugol Lam. Ko ngol woni laawol focciingol ngol
Verse 62 — Surah Ya-Sin 36:62
Gomɗii o majjinii tagu ɗuuɗungu e mon. E on wonaano haqqilooɓe
Verse 63 — Surah Ya-Sin 36:63
Ko ngee woni Jahannama, nge wonanoɗon fodaneede ngen
Verse 64 — Surah Ya-Sin 36:64
Naatiree nge hannde, sabu kon ko yeddiraynoɗon
Verse 65 — Surah Ya-Sin 36:65
Hannde, Men notay e kunndule maɓɓe ɗen, juuɗe maɓɓe ɗen yewta Men, koyɗe maɓɓe ɗen kadi seeditoo e kon ko ɓe wonunoo e faggitagol
Verse 66 — Surah Ya-Sin 36:66
Si Men yiɗuno, Men mehayno gite maɓɓe ɗen, ɓe adondira e laawol ngol. Kono ko honno ɓe yiirata
Verse 67 — Surah Ya-Sin 36:67
Si Men yiɗuno kadi, Men montayno ɓe e nokku maɓɓe on; hara ɓe hattantaa feƴƴugol ɓe yiltotaako
Verse 68 — Surah Ya-Sin 36:68
Kala mo Men juutni nguurndam mun, Men yiltitay mo e tagu ngun. E ɓee haqqiltaa
Verse 69 — Surah Ya-Sin 36:69
Men anndinaali mo (kanko Muhammadu) gimɗi; ɗum haananaa mo. [Deftere] nden wonaali, si wanaa jantoore e janngeteende ɓanngunde
Verse 70 — Surah Ya-Sin 36:70
fii yo o jertin nde, on wonɗo wuurɗo (ɓernde), Konngol lepte ngol jojja e heeferɓe ɓen
Verse 71 — Surah Ya-Sin 36:71
E ɓe yi'aali, wonnde Men tagiranii ɓe neemoraaɗi, e ko juuɗe Amen golli, hara hiɓe jeyinooɗi
Verse 72 — Surah Ya-Sin 36:72
Men eltani ɓe ɗi: no e majji ɗi ɓe waɗɗotoo, no e majji ɗi ɓe ñaamata
Verse 73 — Surah Ya-Sin 36:73
hino woodani ɓe ton, nafooje e njaram. E ɓee kan yettataa (Mo)
Verse 74 — Surah Ya-Sin 36:74
Ɓe jogitorii gaanin Alla reweteeɗi, jortagol ɓe faabeedee
Verse 75 — Surah Ya-Sin 36:75
Ɗi hattanaa faabagol ɓe; ko ɓe konu tawneteengu e majji
Verse 76 — Surah Ya-Sin 36:76
Wata konngol maɓɓe sunine. Pellet, Meɗen anndi ko ɓe suuɗata e ko ɓe feññinta
Verse 77 — Surah Ya-Sin 36:77
E neɗɗanke on yi'aali, wonnde Men tagirii mo e toɓɓere maniiyu? Kono tawaa mo ko o wennjoowo ɓannguɗo
Verse 78 — Surah Ya-Sin 36:78
O fiyani Men misal, kono o yejjiti tageede makko; o wi'i: "Ko hommbo wuurnitata ƴi'e ɗen, si ɗe rappii
Verse 79 — Surah Ya-Sin 36:79
Maaku: "Ko wuurnitoowo ɗe, ko taguɗo ɗe On ka laawol aranol. Ko Kanko woni annduɗo fii kala tagu
Verse 80 — Surah Ya-Sin 36:80
On waɗanɗo on yiite, iwde e leɗɗe kecce, tawa ko e majje huɓɓirton nge
Verse 81 — Surah Ya-Sin 36:81
Kere taguɗo kammuuli ɗin e leydi ndin wonaali haɗtanɗo tagugol yeru maɓɓe? Ɗum ko pellet! Ko Kanko woni Ɗuuɗuɗo tageefo, Annduɗo
Verse 82 — Surah Ya-Sin 36:82
Anndon fiyaaku Makko On, si O faandanike huunde, ko O wi'anay nde tun: "Laato", nde laatoo
Verse 83 — Surah Ya-Sin 36:83
Senayee woodanii On Mo laamateeri kala huunde woni e juuɗe Mun! Ko ka Makko rutteteɗon