Back to Languages
Fulah - Chapter 37 - As-Saffat
Translation by Rowad Translation Center And Islamhouse — Permalink
Verse 1 — Surah As-Saffat 37:1
Mi woondirii saffiniraaɗi ɗin saffaaji
Verse 2 — Surah As-Saffat 37:2
Mi woondirii soggirayɗi (duule) ɗin soggugol
Verse 3 — Surah As-Saffat 37:3
Mi woondirii janngirayɗi ɗin, anndintinorgol
Verse 4 — Surah As-Saffat 37:4
Pellet, reweteeɗo mon On, ko bajjo
Verse 5 — Surah As-Saffat 37:5
Jeyɗo kammuuli ɗin e leydi ndin, e kon ko woni hakkunde ɗin ɗiɗi, Jeyɗo kadi fuɗirɗe ɗen
Verse 6 — Surah As-Saffat 37:6
Men cuɗirii kammu (hikkii ngu) aduna ngun: cuɗaari koode ɗen
Verse 7 — Surah As-Saffat 37:7
e reenirgol (ngu) kala seytaane raɗaandu
Verse 8 — Surah As-Saffat 37:8
Ɗi haɗtanaaka heɗitagol mbatu [Malaa'ika'en] toowu ngu ngun; tawde hiɗi feroree e kala baŋŋe
Verse 9 — Surah As-Saffat 37:9
ka raɗagol (ɗi). Hino woodani ɗi kadi, lepte duumiiɗe
Verse 10 — Surah As-Saffat 37:10
Si wanaa ndun bifti ndu e majji, jilannde [haala], ndu rewniree hoodere tufaynde
Verse 11 — Surah As-Saffat 37:11
Lamndo ɓe: si ko kamɓe ɓuri saɗtude tagude kaa ko ɓen ɓe Men tagi? Men tagirii ɓe kamɓe, loopal narnungal
Verse 12 — Surah As-Saffat 37:12
Si ko woni, a haawi, hiɓe jalnora
Verse 13 — Surah As-Saffat 37:13
Si ɓe waajaama, ɓe waajitortaa
Verse 14 — Surah As-Saffat 37:14
si ɓe yi'ii maande, ɓe jalkita
Verse 15 — Surah As-Saffat 37:15
ɓe wi'a: "Ɗum wonaali, si wanaa mbilewu ɓanngu ngu
Verse 16 — Surah As-Saffat 37:16
Eyoo si men maayii, men wontii mbullaari e ƴi'e, haray ko men immintinoyteeɓe
Verse 17 — Surah As-Saffat 37:17
Baabiraaɓe amen adinooɓe ɓen kadi e minen
Verse 18 — Surah As-Saffat 37:18
Maaku: "Pellet! Hara le ko on hoynaaɓe
Verse 19 — Surah As-Saffat 37:19
Anndon ɗum, ko wuttaandu wooturu pet, tawee jaka yoo, hiɓe ndaara
Verse 20 — Surah As-Saffat 37:20
Ɓe wi'a: Ee bone amen ! Ko ndee woni Ñalaande njoɓdi kuuɗe
Verse 21 — Surah As-Saffat 37:21
Ko ndee woni Ñalaande ñaawoore, ko fennaynoɗon fii mun
Verse 22 — Surah As-Saffat 37:22
Mooɓee tooñuɓe ɓen, e nandadiiɓe maɓɓe ɓen, e kon ko ɓe wonunoo e rewde
Verse 23 — Surah As-Saffat 37:23
ko wonaa Alla. Soggireeɓe ka laawol Jahiimi
Verse 24 — Surah As-Saffat 37:24
Darnon ɓe, tawde ko ɓe lamnditeteeɓe
Verse 25 — Surah As-Saffat 37:25
Ko heɓi on, on wallindirtaa
Verse 26 — Surah As-Saffat 37:26
Ko woni kamɓe on hannde, ko ɓe jebbilii ɓe
Verse 27 — Surah As-Saffat 37:27
woɗɓe e maɓɓe fewtita ɓeya, ɓe lamndondira
Verse 28 — Surah As-Saffat 37:28
ɓe wi'a: "Ko onon woni ko ardiranaynoo men, ka ɓaŋŋe ñaamo
Verse 29 — Surah As-Saffat 37:29
(Koohooɓe) ɓen wi'a: "Ko woni kon, on meeɗaano wonnde gomɗimɓe
Verse 30 — Surah As-Saffat 37:30
Doole woo men alanaano on. Si ko woni, on wonuno yimɓe bewɓe
Verse 31 — Surah As-Saffat 37:31
Konngol Joomi men ngol, jojjii e men; pellet, ko en meeɗooɓe [lepte ɗen]
Verse 32 — Surah As-Saffat 37:32
Men bewinno on, tawde hay menen, ko men bewnooɓe
Verse 33 — Surah As-Saffat 37:33
Kamɓe on nden ñalnde, ko ɓe hawtoyteeɓe ka lepte
Verse 34 — Surah As-Saffat 37:34
Ko nii Menen Men huuwirta bomɓe ɓen
Verse 35 — Surah As-Saffat 37:35
Kamɓe si ɓe wi'anooma: "Reweteeɗo alaa si wanaa Alla", ɓe mawnintinoo
Verse 36 — Surah As-Saffat 37:36
ɓe wi'a: "Kere men accitiray reweteeɗi amen ɗin, fii yimoowo haangaaɗo
Verse 37 — Surah As-Saffat 37:37
Si ko woni, (Nulaaɗo) on ko goonga ardi, o goongini Nulaaɓe ɓen
Verse 38 — Surah As-Saffat 37:38
Pellet, ko on meeɗay ɓe lepte muusuɗe ɗen
Verse 39 — Surah As-Saffat 37:39
On yoɓitetaake, si wanaa yeru kon ko huuwaynoɗon
Verse 40 — Surah As-Saffat 37:40
si wanaa jeyaaɓe Alla laɓɓinaaɓe ɓen
Verse 41 — Surah As-Saffat 37:41
hino woodani ɓen ɗon, fanndaari anndaandi
Verse 42 — Surah As-Saffat 37:42
muuyanteeɗi, kadi ko ɓe teddinaaɓe
Verse 43 — Surah As-Saffat 37:43
ka Aljannaaji neeminiiɗi
Verse 44 — Surah As-Saffat 37:44
e hoore danɗe, ko ɓe fewtondirɓe
Verse 45 — Surah As-Saffat 37:45
Hara kore hino wannginii e maɓɓe, immorde e ɓulirde
Verse 46 — Surah As-Saffat 37:46
daneere, lewñunde, fii yarooɓe
Verse 47 — Surah As-Saffat 37:47
muusu hoore alaa e majjam, wanaa ɗam siwrinirteeɓe ɗam
Verse 48 — Surah As-Saffat 37:48
Hino woodani ɓe (ton): raɓɓiduɓe ndaarɗe, yaaja giteeɓe
Verse 49 — Surah As-Saffat 37:49
wa'uɓe wa boofo maraaɗe
Verse 50 — Surah As-Saffat 37:50
Woɗɓe e maɓɓe fewtita ɓeya, ɓe lamndondira
Verse 51 — Surah As-Saffat 37:51
Goɗɗo e maɓɓe wi'a: "Min miɗo marunoo wonndiiɗo
Verse 52 — Surah As-Saffat 37:52
wi'aynooɗo: "Kere ko a jeyaaɗo e googimɓe ɓen
Verse 53 — Surah As-Saffat 37:53
Eyoo si en maayii, en wontii mbullaari e ƴi'e, haray ko en yoɓitoyteeɓe
Verse 54 — Surah As-Saffat 37:54
O wi'a: "Taw si ɗon yiɗi ƴeewude
Verse 55 — Surah As-Saffat 37:55
O ƴeewa, o haynoo oya ka tummbo Dulbunge
Verse 56 — Surah As-Saffat 37:56
o wi'a: "Mi woondirii Alla ! A eɓɓuno fii no mi halkorde
Verse 57 — Surah As-Saffat 37:57
Si wanaano moƴƴere Joomi am nden, mi tawdeteno e [lepteteeɓe ɓen]
Verse 58 — Surah As-Saffat 37:58
Wonaa non enen maayataa
Verse 59 — Surah As-Saffat 37:59
si wanaa maayde men aranere nden, en wonaali kadi lepteteeɓe
Verse 60 — Surah As-Saffat 37:60
Pellet, ko ɗum ɗoo woni maloore mawnunde nden
Verse 61 — Surah As-Saffat 37:61
Ko fii sugu ɗum ɗoo, woni yo gollooɓe gollan
Verse 62 — Surah As-Saffat 37:62
Hara ko ɗum ɓuri moƴƴude jipporde, kaa ko leggal "Zaqquumi" [ngal haaɗungal]
Verse 63 — Surah As-Saffat 37:63
Men waɗii ngal jarrabuyee tooñuɓe ɓen
Verse 64 — Surah As-Saffat 37:64
Ngal, ko leggal yaltayngal ka tummbere Dulbunge
Verse 65 — Surah As-Saffat 37:65
Dimɗe maggal, hino wa'i wa ko'e seytanooji
Verse 66 — Surah As-Saffat 37:66
Kamɓe on, pellet, ko e maggal ɓe nyaamirta, ɓe hebbinira ngal deedi maɓɓe
Verse 67 — Surah As-Saffat 37:67
Refti hino woodani ɓe e dow maggal, njaram fatinaaɗam
Verse 68 — Surah As-Saffat 37:68
Refti ruttorde maɓɓe nden, ko ka Dulɓoowe
Verse 69 — Surah As-Saffat 37:69
Ɓe tawu baabiraaɓe maɓɓe ɓen, ko majjunooɓe
Verse 70 — Surah As-Saffat 37:70
ɓe woni e yaccagol jokka baɗteeji maɓɓe
Verse 71 — Surah As-Saffat 37:71
Gomɗii, ko ɓuri ɗuuɗude e aramɓe ɓen, majjiino, ado maɓɓe
Verse 72 — Surah As-Saffat 37:72
Gomɗii le, Men nuluno e maɓɓe, jertinooɓe
Verse 73 — Surah As-Saffat 37:73
Kono ndaaru baɗtane ɓen jertinanooɓe, no wa'unoo
Verse 74 — Surah As-Saffat 37:74
Si wanaa jeyaaɓe Alla, laɓɓinaaɓe ɓen
Verse 75 — Surah As-Saffat 37:75
Gomɗii Nuuhu nodduno Men, Men moƴƴii jaabotooɓe
Verse 76 — Surah As-Saffat 37:76
Men daɗni mo, kanko e yimɓe makko ɓen, e suno mawnungo ngon
Verse 77 — Surah As-Saffat 37:77
Men waɗi geyngol makko ngol, heddotooɓe ɓen
Verse 78 — Surah As-Saffat 37:78
Men accani mo mantoore, e sakkitiiɓe ɓen
Verse 79 — Surah As-Saffat 37:79
Kisal wonii e Nuuhu, e nder winndere nden
Verse 80 — Surah As-Saffat 37:80
Ko non woni ko Men warjorta moƴƴimɓe ɓen
Verse 81 — Surah As-Saffat 37:81
Kanko, ko o jeyanooɗo e jeyaaɓe Amen gomɗimɓe ɓen
Verse 82 — Surah As-Saffat 37:82
Refti Men yooli heddii ɓe ɓen
Verse 83 — Surah As-Saffat 37:83
Hino jeyanoo e jokkuɓe mo ɓen, Ibraahiima
Verse 84 — Surah As-Saffat 37:84
Tuma nde ardunoo ka Joomi makko, e ɓernde hisunde
Verse 85 — Surah As-Saffat 37:85
Nde o maakannoo ben makko e yimɓe mun ɓen: "Ko honɗum rewoton
Verse 86 — Surah As-Saffat 37:86
E ko reweteeɗi fefindaaɗi, ko wanaa Alla, faalaɗon
Verse 87 — Surah As-Saffat 37:87
Ko sikkuɗon e Joomiraawo tageefo ngon
Verse 88 — Surah As-Saffat 37:88
O ndaariri ndaarande ka koode
Verse 89 — Surah As-Saffat 37:89
o maaki: "Ko mi nawnuɗo
Verse 90 — Surah As-Saffat 37:90
Ɓe acci mo, ɓe hucciti
Verse 91 — Surah As-Saffat 37:91
O moltii e reweteeɗi maɓɓe ɗin, o maaki: "E on ñaamataa
Verse 92 — Surah As-Saffat 37:92
Ko heɓi on, on wowlataa
Verse 93 — Surah As-Saffat 37:93
O moltorani ɗi, piyirgol ɗi ñaamo ngon
Verse 94 — Surah As-Saffat 37:94
Ɓe fewri ka makko, hiɓe yaawno
Verse 95 — Surah As-Saffat 37:95
O maaki: "E on reway kon ko lesuɗon
Verse 96 — Surah As-Saffat 37:96
hara le ko Alla tagi on, e kon ko golloton
Verse 97 — Surah As-Saffat 37:97
Ɓe wi'i: "Mahanee mo maadi, bugoɗon mo ka dulɓayange
Verse 98 — Surah As-Saffat 37:98
Ɓe faandanii mo feere; kono Men waɗi ɓe sooyube ɓen
Verse 99 — Surah As-Saffat 37:99
O maaki: "Min on, ko mi feroowo ka Joomi am, aray nde O fewnata lam
Verse 100 — Surah As-Saffat 37:100
Joomi am, yeɗam geɓal moƴƴuɓe
Verse 101 — Surah As-Saffat 37:101
Men wewliniri mo, geɗal muññiiɗo
Verse 102 — Surah As-Saffat 37:102
Nde on yottinoo e makko jahal, [Ibraahiima] maaki: "Ko an ɓiɗɗo am, min mi yi'ii e ɗoyngol, wonnde miɗo hirse. Ndaaru ko yi'uɗaa". [Ismaa'iila] maaki: "Ko onon yo baaba'en, waɗee ko yamiraɗon kon, on tawoyay lam, si Alla jaɓii, jeyaaɗo e muñiiɓe ɓen
Verse 103 — Surah As-Saffat 37:103
Nde ɓe jebbilaninoo (ymiroore Alla nden), o hippiri mo tiinde nden
Verse 104 — Surah As-Saffat 37:104
Men noddiri mo wiide: "ko yo Ibraahiima
Verse 105 — Surah As-Saffat 37:105
Pellet, a goonginii koyɗol ngol. Ko Menen Men yoɓirte moƴƴinooɓe ɓen
Verse 106 — Surah As-Saffat 37:106
Pellet, ko ɗum ɗoo woni jarrabuyee ɓannguɗo on
Verse 107 — Surah As-Saffat 37:107
Men soktiri mo kirse mawɗe
Verse 108 — Surah As-Saffat 37:108
Men accani mo mantoore, e sakkitiiɓe ɓen
Verse 109 — Surah As-Saffat 37:109
Kisiyee wonii e Ibraahiima
Verse 110 — Surah As-Saffat 37:110
Ko wano nii Men yoɓirta moƴƴinooɓe ɓen
Verse 111 — Surah As-Saffat 37:111
Kanko, ko o jeyaaɗo e jeyaaɓe Amen gomɗimɓe ɓen
Verse 112 — Surah As-Saffat 37:112
Men wewlintiniri Ishaaqa, Annabaajo jeyaaɗo e moƴƴuɓe ɓen
Verse 113 — Surah As-Saffat 37:113
Men hebbini barki e makko e Ishaaqa. Hino e geyngol maɓɓe ngol: moƴƴinɗo, e tooñuɗo hoore-mun ɓanngini
Verse 114 — Surah As-Saffat 37:114
Gomɗii Men moƴƴike e dow Muusaa e Haaruuna
Verse 115 — Surah As-Saffat 37:115
Men daɗni ɓe, kamɓe e yimɓe maɓɓe ɓen, e ngoƴo mawnungo
Verse 116 — Surah As-Saffat 37:116
Men walli ɓe, ɓe woni fooluɓe ɓen
Verse 117 — Surah As-Saffat 37:117
Men okki ɓe Deftere ɓannginnde nden
Verse 118 — Surah As-Saffat 37:118
Men fewniri ɓe, e laawol focciingol ngol
Verse 119 — Surah As-Saffat 37:119
Men accani ɓe mantoore, e sakkitiiɓe ɓen
Verse 120 — Surah As-Saffat 37:120
Kisal wonii e dow Muusaa e Haaruuna
Verse 121 — Surah As-Saffat 37:121
Ko wano nii Men yoɓitirta moƴƴimɓe ɓen
Verse 122 — Surah As-Saffat 37:122
Kamɓe ɗiɗo, ko ɓe jeyanooɓe e jeyaaɓe Amen gomɗimɓe ɓen
Verse 123 — Surah As-Saffat 37:123
Pellet, Ilyaasa kadi, ko jeyanooɗo e Nulaaɓe ɓen
Verse 124 — Surah As-Saffat 37:124
Janto nde o maakannoo yimɓe makko ɓen: "E on hulataa [Alla]
Verse 125 — Surah As-Saffat 37:125
E ko "Ba'ala" rewoton, accon ɓurɗo moƴƴude tagu On
Verse 126 — Surah As-Saffat 37:126
Woni Alla, Jeyɗo on, Jeyi baabiraaɓe mon adinooɓe ɓen
Verse 127 — Surah As-Saffat 37:127
Ɓe fenni mo, awa non, ko ɓe tawnoyteeɓe (ka lepte)
Verse 128 — Surah As-Saffat 37:128
Si wanaa jeyaaɓe Alla laɓɓinaaɓe ɓen
Verse 129 — Surah As-Saffat 37:129
Men accani mo mantoore, e sakkitiiɓe ɓen
Verse 130 — Surah As-Saffat 37:130
Kisal wonii e dow Ilyaasiina'en
Verse 131 — Surah As-Saffat 37:131
Ko wano nii Men yoɓirta moƴƴimɓe ɓen
Verse 132 — Surah As-Saffat 37:132
Kanko, ko o jeyanooɗo e jeyaaɓe Amen gomɗimɓe ɓen
Verse 133 — Surah As-Saffat 37:133
Pellet, Luutu kadi, ko jeyanooɗo e Nulaaɓe ɓen
Verse 134 — Surah As-Saffat 37:134
Janto nde Men daɗndunoo mo, kanko e ɓeynguure makko nden fow
Verse 135 — Surah As-Saffat 37:135
si wonaa nayeeja debba, tawaaɗo e luttunooɓe ɓen
Verse 136 — Surah As-Saffat 37:136
refti Men oƴƴi heddii ɓe ɓen
Verse 137 — Surah As-Saffat 37:137
Onon non, hiɗon rewa e hoore-maɓɓe, dawol mon
Verse 138 — Surah As-Saffat 37:138
e ka jemma. E on haqqiltaa
Verse 139 — Surah As-Saffat 37:139
Pellet, Yuunusa kadi, ko jeyanooɗo e Nulaaɓe ɓen
Verse 140 — Surah As-Saffat 37:140
Janto nde o dogirnoo ka laana hebbinaaka
Verse 141 — Surah As-Saffat 37:141
o urbinii, o jeyaa e foolaaɓe ɓen
Verse 142 — Surah As-Saffat 37:142
Linngii ngii moɗi mo, ko o felniiɗo
Verse 143 — Surah As-Saffat 37:143
Si wanaano tawde himo jeyanoo e subbunhinotooɓe ɓen
Verse 144 — Surah As-Saffat 37:144
o ñiiɓayno e reedu maggii, haa ñalnde ɓe immintinoytee
Verse 145 — Surah As-Saffat 37:145
Men werlii mo ka ladde, ko o nawnuɗo
Verse 146 — Surah As-Saffat 37:146
Men fuɗini e mayre, leggal buudi
Verse 147 — Surah As-Saffat 37:147
Men nuli mo e ujune teemeder yimɓe, maa ko ɓuri
Verse 148 — Surah As-Saffat 37:148
Ɓe gomɗini, Men dakmiti ɓe haa e dumunna
Verse 149 — Surah As-Saffat 37:149
Lamndii ɓe:" E ko Joomi maa woodanta ɓiɗɓe rewɓe, kamɓe kan worɓe
Verse 150 — Surah As-Saffat 37:150
Kaa Men tagir Malaa'ika'en rewɗinaaɗi, hara ko ɓe seediiɓe
Verse 151 — Surah As-Saffat 37:151
Faamee, kamɓe e pepindaale maɓɓe ɗen, hiɓe wi'a
Verse 152 — Surah As-Saffat 37:152
Allah jibinii"; pellet, ɓe fanay
Verse 153 — Surah As-Saffat 37:153
Hara O suɓay ɓiɗɓe rewɓe ɓen e dow worɓe ɓen
Verse 154 — Surah As-Saffat 37:154
Ko heɓi on, si ɗon ñaawira non
Verse 155 — Surah As-Saffat 37:155
E on miijitottaako
Verse 156 — Surah As-Saffat 37:156
Kaa hiɗon jogii hujja ɓannguɗo
Verse 157 — Surah As-Saffat 37:157
Haray addee deftere mon nden, si wonii ko on goonguɓe
Verse 158 — Surah As-Saffat 37:158
Ɓe waɗi hakkunde Makko e Malaa'ika'en, asko; hara non, Malaa'ka'en no anndi, ɓen ko tawnoyteeɓe (ka lepte)
Verse 159 — Surah As-Saffat 37:159
Senayee woodani Allah, e kon ko ɓe sifotoo
Verse 160 — Surah As-Saffat 37:160
Si wanaa jeyaaɓe Allah laɓɓinaaɓe ɓen
Verse 161 — Surah As-Saffat 37:161
Anndon onon e ko rewoton kon
Verse 162 — Surah As-Saffat 37:162
on wonaali majjinooɓe ɗum [goɗɗo goo]
Verse 163 — Surah As-Saffat 37:163
si wanaa tawɗo on ko naatoowo ka Dulɓaynge
Verse 164 — Surah As-Saffat 37:164
[Malaa'ika'en wi'i]: "Alaa e amen, mo alanaa ɗum, darorde anndaande
Verse 165 — Surah As-Saffat 37:165
Ko menen woni saffinaaɓe ɓen
Verse 166 — Surah As-Saffat 37:166
Ko menen kadi woni subbunhinotooɓe ɓen
Verse 167 — Surah As-Saffat 37:167
Ɓe woniino e wi'ugol
Verse 168 — Surah As-Saffat 37:168
Hara Deftere iwnde e adinooɓe ɓen, no woodannoo men
Verse 169 — Surah As-Saffat 37:169
men wonayno jeyaaɓe Allah laɓɓinaaɓe
Verse 170 — Surah As-Saffat 37:170
Ɓe yeddi nde, kono aray ɓe anndoya
Verse 171 — Surah As-Saffat 37:171
Gomɗii Konngol Amen ardinoke, fii jeyaaɓe Amen, Nulaaɓe ɓen
Verse 172 — Surah As-Saffat 37:172
wonnde pellet, ko kamɓe woni walleteeɓe ɓen
Verse 173 — Surah As-Saffat 37:173
e wonnde ko konu Amen ngun, woni foolooɓe ɓen
Verse 174 — Surah As-Saffat 37:174
Ɗuurno ɓee, haa e saanga
Verse 175 — Surah As-Saffat 37:175
ndaaraa ɓe, ɓe aray yi'ude
Verse 176 — Surah As-Saffat 37:176
E hara ko lepte Amen ɗen ɓe heñorta
Verse 177 — Surah As-Saffat 37:177
Si ɗe jippike ka tannde (dingiral)maɓɓe, haray bimmbi waajonooɓe ɓen bonii
Verse 178 — Surah As-Saffat 37:178
Ɗuurno ɓee, haa e saanga
Verse 179 — Surah As-Saffat 37:179
ndaaraa, ɓe aray yi'ude
Verse 180 — Surah As-Saffat 37:180
Senayee woodanii Joomi maa, Jeyɗo teddungal, e kon ko ɓe sifotoo
Verse 181 — Surah As-Saffat 37:181
Kisyee wonii e Nulaaɓe ɓen
Verse 182 — Surah As-Saffat 37:182
Yettoore woodani Allah, Jeyɗo winndere nden