Fulah - Chapter 51 - Adh-Dhariyat

Mi woondirii keneeli jarorayɗi (leydi) jaragol

Mi woondirii duule ronndotooɗe toɓo tiiɗngo

Mi woondirii laaɗe dogirayɗe newaare

E peccooji yamiraande

ko podete ɗon ko, ko goongo

Haasbeede ko ko wonata

Mi woondirii kammu jom ɗate ngun

Pellet, hiɗon e konngol luurrangol

Hino yiltee e makko kala firlitaaɗo e gomɗinal

Fenooɓe ɓen huɗaama

ɓen yolliiɓe e majjere welsindiiɓe

Hiɓe lamndoo : "Ko honnde woni Ñalaande njoɓdi kuuɗe

Ñalaande nde ɓe leptoyteeɓe ka Yiite

Meeɗee lepte mon ɗen; ko ɗum woni ko keppatnoɗon kon

Pellet, gomɗuɓe ɓen wonii e aljannaaji e ɓulli

Jaggatnooɓe ko Joom maɓɓe okkiɓe ɓe te ko adii ɗuum koɓe moƴƴinatnooɓe

Hoɓe pamɗuno koɓe ɗaanatoo jemma

E saanga ndoogu hoɓe toro yaafeede

Ina e jawɗe mumen hakke wonande ñaagatooɓe e ɓe ñaagataako

Ina e nder leydi he maandeeji wonande yananaaɓe

E nder pittaali mon mate on teskataaka

Ina e kammu arsuka mon e ko podante ɗon

E Joom kammu e leydi koɗum goongo hono no kaalirton nih

Mbela arii e maa yeewtere hoɗɓe Ibraahiima teddinaaɓe

Tuma ɓe naatunoo ka makko ɓe wi'i: "Salaam (Kisiyee mon)". O maaki: "Menen ko men ɗenƴii ɓe on

O naayii faade e koreeji makko O addori ngaari payndi

O ɓadaniɓe ndi o wii on ñaamata

O so*i e mum en kulol, ɓe wii woto hul, ɓe weltiniriɓe cuklel

Jom suudu makko ari hombo wulla o hellii yeesa makko, o wii nayeejo dimara

Malaykaaji ɗi mbii ko hono nih Joom ma daali ko Kanko woni ñeeño Ganndo

[Annabai Ibraahiima] maaki: "Ko woni fii mon, onon ɓee nelaaɓe

Ɓe wi'i: "Menen men nela e yimɓe bomɓe ɓen

fii yo men accitu e maɓɓe, kaaƴe iwɗe e loope (juɗaaɗe)

maandiniraaɗe ka Joomi maa, fii fantinooɓe ɓen

Men yaltini toon kala gomɗimɓe wonunooɓe ton

Men tawaano ton, si wanaa suudu juulɓe wooturu

Men acci ton maande, wonannde ɓen hulooɓe lepte muusuɗe ɗen

[Men acci kadi maande] e Muusaa, tuma nde Men nulunoo mo e Fir'awna, wonndude e hujja ɓannguɗo

Kono o ɗuurnodii e cemmbe makko, o wi'i [Muusaa]: "Ko mbileejo maa feetuɗo

Men nanngi mo kanko e koneeli makko ɗin, Men bugodii ɓe ka maayo, tawde ko o felniiɗo

E 'Adi'en, tuma Men wurtunoo henndu bonndu ndun e maɓɓe

ndu accataa hay huunde nde ndu arani, si wanaa ndu waɗtay nde wa ndoondi

E Samuuda'en kadi, tuma nde ɓe wi'ananoo : "Dakmitee haa seeɗa

Ɓe townitanii yamiroore Joomi maɓɓe nden, haacaango ngon nanngi ɓe, tawi hiɓe ƴeewa

Ɓe waawaano daragol (laawoo), ɓe wonaano kadi faabaaɓe

Ko non kadi yimɓe Nuuhu ɓen ko adii[ɓe]. Ɓen ko yimɓe faasiqiiɓe wonunoo

Kammu ngun, Men mahir ngu doole Amen. Pellet, ko Men yaññuɓe

Leydi ndin kan, Men weertundi. Men moƴƴii weertuɓe

E kala huunde, Men tagii noone ɗiɗi; belajo'o on waajitoray

Awa dogee kisan faade e Allah. Min, wonannde on immorde ka Makko, ko mi jertinoowo ɓannguɗo

Wata on waɗidane Allah reweteeɗo goo. Min, wonannde on immorde ka Makko, ko mi jertinoowo ɓannguɗo

Ko wano non. Nulaaɗo araali e ɓen adinooɓe ɓe, si wanaa ɓe wi'ay : "Ko mbileejo maa feetuɗo

Hara ɓe wasondir e ɗum? Ko woni kon, ɓee ko yimɓe bewuɓe

Runto ɓe, a felnaaki [e fiiaɓɓe]

Waajo tun; sabu waajagol ngol, hino nafa gomɗimɓe ɓen

Mi tagiraali jinna e yimɓe, si wanaa fii yo ɓe rewan

Mi ɗaɓɓiraa ɓe arsike; Mi ɗaɓɓaa yo ɓe ñammina

Pellet, ko Allah woni arsikoowo On, Jom cemmbe tiiɗuɗe

Haray hino woodani ɓen tooñuɓe, bakkaat yeru bakkaat nanndo maɓɓe'en, wata ɓe hawju

Bone woodanii ɓen yedduɓe, e nden Ñalaande maɓɓe nde ɓe kammbanaa