Fulah - Chapter 68 - Al-Qalam

Nuun. Mi woondirii karambol e ko ɓe winndirta kon

Aan a wonaa, sabu neema Joomi maa on, haangaaɗo

Ko pellet, hino woodan-maa njoɓdi ndi taƴondirtaa

E ko pellet, hiɗa e jikku mawngu

Aray nde tinaa, ɓe yi'a kamɓe kadi

ko hommbo e mo'on woni haangaaɗo on

Pellet, ko Joomi maa ɓuri anndude majjuɗo on laawol Makko ngol, ko Kanko kadi ɓuri anndude feewuɓe ɓen

Wata a tewto fennooɓe ɓen

Hiɓe yiɗi si a newantono (ɓe), ɓe newano-(maa)

Wata a tewto kadi kala ɗuuɗuɗo woondugol, hoyɗo

ɗuuɗuɗo nyo*ugol, ɗuuɗuɗo yaarugol baddi

ɗuuɗuɗo haɗugol moƴƴere, jaggitoowo, bakkondinɗo

yoora-ɓerndeejo e hoore ɗum, heɓiraaɗo nii

fii o wonii jom jawdi e ɓiɗɓe

Si Aayeeje Amen ɗen janngaama e [tawnde] makko, o wi'a: "Ko tinndi adinooɓe

Aray nde Men maandina mo e hoore kinal

Men jarribor ɓe wano Men jarribornoo jeyɓe ngesa mba : fewndo ɓen woondunoo pellet, ɓe soñay mba subaka ko ɓe dawuɓe

ɓe ittintinaali [wiide] :"Si Allah jaɓii

Yiite immori ka Joomi maa ari huuɓiti mba tawi hiɓe ɗaanii

mba wa'iti wa jemma ɓaleejo

Ɓe noddindiri bimmbi on

Kori dawee ka ngesa mon, si tawii ko on soñooɓe

Ɓe hucciti hiɓe ɓɗuumbo

Wonnde "Miskiino woo naatataa e mabba hannde

Ɓe ndawidi e ɗawugol [waasuɓe ɓen] ko ɓe eɓɓuɓe

Nde ɓe yi'unoo mba, ɓe wi'i: "Pellet, men majjii [laawol ngol]

wurin ko men ɗawaaɓe

Ɓurɗo ɓe moƴƴude on wi'i: "Mi wi'anaano on : haanii ko subbunhinoɗon

Ɓe wi'i: "Senaade woodanii Joomi amen ! Pellet, hari ko men tooñuɓe

Woɗɓe e maɓɓe fewtiti ɓeya, hiɓe felindira

Ɓe wi'i: "Ee bone amen ! Pellet, hari ko men bewuɓe

Hino gasa ka Joomi amen wattitana men ɓuri mban ɗon moƴƴude. Ko ka Joomi amen ko min reerɗube e [yaafeede]

Ko non tigi woni lette ɗen; ko lette laakara ɗen non ɓuri manude, sinno hiɓe anndunoo

Pellet, hino woodani gomɗuɓe ɓen ka Joomi maɓɓe, Aljannaaji neema

Kere Men waɗay jebbiliiɓe ɓen wano bomɓe ɓen

Ko heɓi on, si ɗon ñaawira non

Kaa hiɗon mari Deftere, nde janngoton e mun

Pellet, ko woodani on e mayre, ko ko suɓotoɗon

Lamndii ɓe ko hommbo e maɓɓe fawtaniiɓe ɗum

Kaa ko kafidiiɓe woodani ɓe? Awa yo ɓe addu kafidiiɓe maɓɓe ɓen, si tawii ko ɓe goonguɓe

Ñalnde belenru ñoroytee, ɓe noddee e sujjugol kono hara ɓe waawataa. @Corrected

Hara gite maɓɓe ɗen no heli, koyeera no suddi ɓe. Ko tawde ɓe noddeteno e sujjugol fewndo ka ɓe waawunoo

Accidam e kala fennuɗo ndee yewtere; aray nde Men suynira ɓe nokku ka ɓe anndaa

Miɗo nennan ɓe. Pellet non, pewje Am ɗen ko tiiɗuɗe

Kaa a lamndi ɓe njoɓdi, hara ko yoɓugol ndi teddani ɓe

Kaa ɓe anndu fii wirniiɗi ɗin, hara hiɓe winndira [ɗim hujjaaji maɓɓe]

Muññor ñaawoore Joomi maa nden, hara a wa'aali wa wonndiiɗo linngii ngii fewndo o noddunoo [Joomi makko] himo sunii

Si tawno moƴƴere immorde e Joomi makko hewtitanooki mo, ko pellet, o bugeteno e wulaa hara ko o felniiɗo

Joomi makko suɓii mo, O waɗi mo e moƴƴuɓe ɓen

Hay yedduɓe ɓen eɓɓiinoo yuwirgol ma gite maɓɓe ɗen, nde ɓe nanunoo Janntoore nden, hiɓe wi'a: "On ko haangaaɗo

Ndee [Alqur’aanaare] wonaali, si wanaa waaju tageefo ngon