Fulah - Chapter 70 - Al-Maarij

Torotooɗo torike lette yanayɗe

wonannde heeferɓe ɓen, alaa duñanoowo ɓe ɗe

ko immorde ka Allah, Jom ƴawruɗe

Malaa'ka'en wonndude e Jibriilu hino ƴawa faade e Makko, e nder ñalaande nde eɓɓoore mun woni duuɓi ujune cappanɗe jowi

Muñño tun, muñal labaangal

Kamɓe hiɓe yi*a (lette) ɗen ko woɗɗuɗe

Meɗen reeni ɗe Menen ko ɓadiiɗe

Ñalnde kammu ngun wa'oyta wa ko taayinaa

pelle ɗen wa'oya wa hottolle kardaako

ka ɓadondiraaɗo lamdotaako fii jeydaaɗo mun

Hiɓe hollindiree. Bonɗo on yeloto sottorgol lette ɗen nden ñalnde, ɓiɗɓe makko ɓen

e gennda makko, e neene gooto makko on

e gorol makko ngol moolayngol mo

e kala wonɓe ka leydi ɓen, fii no ɗum daɗndira mo

Ɗum gasataa. Ngen [Yiite] ko uuyunge

ɓoltaynge guri hoore

Hinge nodda on ɗuurniiɗo o hucciti

o mooɓi (jawle) o mari e marirgel

Pellet, neɗɗo tagaama ko o ɗenƴotooɗo

si bone memii mo, o faaya

si ko mo moƴƴere heɓi mo, o salora

Si wanaa juulooɓe ɓen. @Corrected

ɓen tawɓe ko ɓe duumiiɓe e juulde maɓɓe nden

E ɓen tawɓe hino ka jawle maɓɓe haqqee anndaaɗo

wonannde torotooɗo e haɗitiiɗi

e ɓen gomɗimɓe ñalaande njoɓdi diina

E ɓen tawɓe ko ɓe huluɓe lette Joomi maɓɓe ɗen

tawde pellet, lette Joomi maɓɓe ɗen wanaa hoolniiɗe

E ɓen tawɓe ko reenuɓe farjuuji maɓɓe ɗin

si wanaa e rewɓe maɓɓe maa ɓen horɓe maɓɓe ɓe ɓe jeyiri ñaame maɓɓe, ɗon on ɓe feletaake

Kala non ɗaɓɓuɗo [ka dakmitora] caggal ɗum, haray ko ɓen woni jaggituɓe ɓen

E ɓen tawɓe ko aynituɓe koolaaje e aadiiji maɓɓe ɗin

E ɓen tawɓe ko ñiiɓuɓe e seedeeji mun

e ɓen tawɓe ko reenooɓe e juulde maɓɓe nden

E ko heɓi yedduɓe ɓen takko maaɗa, hiɓe heñora

ka nano e ka ñaamo, ko ɓe dentoy-dentoy

Hara gooto kala e maɓɓe tamƴinoto naatoygol Aljanna neemaaji

Ɗun waɗataa ! Men tagiriɓe ko ɓe anndi

Mi woondirii Jeyɗo fuɗirɗe e mutirɗe On, pellet, ko Men hattanɓe

wattitirgol ɓe ko ɓuri ɓe moƴƴude, Men siforaa ronkugol [ɗum]

Accuɓe ɓe jumpa, ɓe fija haa ɓe hawroya e ñalaande maɓɓe nde ɓe kammbirananoo

ñalnde ɓe yaltiroyta e genaale ɗen heñaare, wa si tawii ko kaaƴe (sanamu) ɓe woni wugganaade

Hara gite maɓɓe no heli, koyeera no suddi ɓe. Ko nden ñalaande woni ko ɓe kammbirananoo