Fulah - Chapter 76 - Al-Insan

Mbela arii e aade tumo e yonta nde o wonaana hay huunde jantateende

Min tagii aade e toɓɓere jillunde ndiyam gorko e debbo Min kumpitoo mbo Min laatini mbo nanoowo ji*oowo

Min peewnii mbo e laawol o yetta wollo o yedda

Pellet Min keblinii heeferbe callalle e tonngi e yiite

Pellet ɗigguɓe ɓe na yara e kaas jilluɗo kaafuur

Seewnde nde jiyaaɓe Alla ɓallinaaɓe njarata hoɓe ilnande ilnugol

Hoɓe kuuɓna takkere hoɓe kula ñalawma mbo bone mum na caroo

Hoɓe ñammina ñamri wondude e yiɗde ndi miskiin e alyatiime e dahaaɗo

Min ñamminirta mon ko sabi Alla Min faalaaka e mon njoɓdi wonah yetteede

Pellet min kuli ummaade e joomi amen ko ñalawma nyirɓiniiɗo cattuɗo tumminaare

Alla reeniɓe e bone oon ñalawma O okkiɓe pummam labaɗam e weltaare

Alla yoɓiri ɓe koɓe muñi ko aljanna e hariir

Hoɓe tuugnii e fotooyji ɓe yi*atah heen naange wonah jaangol cattungol

Na ɓadi e dow mum en ɗowdi mammba ɓesnaaɗe mum na eeltanaaɓe eeltegol

Ina taarneeɓe ngennduwon kaalis e kaasyon na feewnira weer

Kaaseeje kaalis hoɗe potndira potndegol

Hoɓe njarnee kaas njilludi mum ko janjabiil

Seewnde na e hembo na inne Sal sabiil

Sukaaɓe saasnaaɓe na mbanngo e mum en si a yi*iiɓe cikka ko ɓe lu*u lu*u caraaɗo

Si a yi*i toon yi*a neema e laamu manngu

Ina e dow mum en comci sundus ɗi mbaadi haaka hecco e istabraq ɓe ɓoorna jawe kaalis joom mum en yarnaɓe njaram laaɓɗam

Ko Minen tigi tellini Quraana e dow ma tellingol

Muny e ñaawoore joom Ma woto ɗofto e mum en bakkadinɗo wolla keefeero

janta inne joom ma subaka e kikiiɗa

E jemma he sujjan Mbo cubahinanɗaa Mbo jemma juutɗo

Pellet ɓe na njiɗi nguurndam aduna yaawɗam gasde ɓe acca caggal mum en ñalawma nisɗo

Ko Minen tagi on Min cemmbini terɗo si Min haajaama Min gostoroo on nandadiiɓe mon gostogol

Ko nde woni waaju goongo kala faalaaɗo daɗde nanngira faade e joomiiko ruttorde

On paaletaake si wonah Alla haaje pellet Alla ko Ganndo ko ñeeño

Hombo naatna mbo O welaa e yurmeene Makko O heblanii tooñɓe ɓe lepte muusɗe