Hausa - Chapter 87 - Al-Ala

Ka tsarkake sunan Ubangijinka Mafi ɗaukaka

Wanda Ya yi halitta sa'an nan Ya daidaita abin halittar

Kuma Wanda Ya ƙaddara (abin da Ya so) sannan Ya shiryar, (da mutum ga hanyar alheri da ta sharri)

Kuma Wanda Ya fitar da makiyaya

Sa'an nan Ya mayar da ita ƙeƙasassa, baƙa

Za mu karantar da kai (Alƙur'ani) saboda haka ba za ka manta (shi) ba

Face abin da Allah Ya so, lalle ne Shi (Allah) Ya san bayyane da abin da yake boye

Kuma za Mu sauƙaƙe maka (al'amari) zuwa ga (Shari'a) mai sauƙi

Saboda baka, ka tunatar, idan tunatarwa za ta yi amfani

Wanda yake tsoron (Allah) Zai tuna

Kuma shaƙiyyi, zai nisanceta

Wanda zai shiga wutar da ta fi girma

Sa'an nan ba zai mutu ba a cikinta, kuma ba zai rayu ba

Lalle ne wanda ya tsarkaka (da imani) ya samu babban rabo

Kuma ya ambaci sunan* Ubangijinsa, sa'an nan ya yi salla

Ba haka ba! Kuna zaɓin rayuwa ta kusa duniya

Alhali Lahira ita ce mafi alheri kuma mafi wanzuwa

Lalle ne, wannan* yana a cikin littafan farko

Littaffan Ibrahim da Musa