Hindi - Chapter 10 - Yunus

alif॰ laam॰ ra॰. ye tatvadarshitaayukt kitaab kee aayaten hain

kya logon ko is baat par aashchary ho raha hai ki hamane unhee mein se ek aadamee kee or prakaashana kee ki logon ko sachet kar do aur jo log maan len, unako shubh samaachaar de do ki unake lie rab ke paas shaashvat sachcha unnat sthaan hai? inakaar karanevaale kahane lage, "nissandeh yah ek khula jaadoogar hai.

nissandeh tumhaara rab vahee allaah hai, jisane aakaashon aur dharatee ko chhah dinon mein paida kiya, phir sinhaasan par viraajamaan hokar vyavastha chala raha hai. usakee anugya ke bina koee sifaarish karanevaala bhee nahin hai. vah allaah hai tumhaara rab. atah usee kee bandagee karo. to kya tum dhyaan na doge

usee kee or tum sabako lautana hai. yah allaah ka pakka vaada hai. nissandeh vahee pahalee baar paida karata hai. phir dobaara paida karega, taaki jo log eemaan lae aur unhonne achchhe karm kie unhen nyaayapoorvak badala de. rahe ve log jinhonne inakaar kiya unake lie khaulata pey aur dukhad yaatana hai, us inakaar ke badale mein jo ve karate rahe

vahee hai jisane soory ko sarvatha deepti aur chandrama ka prakaash banaaya aur unake lie manzilen nishchit kee, taaki tum varshon kee ginatee aur hisaab maaloom kar liya karo. allaah ne yah sab kuchh soddeshy hee paida kiya hai. vah apanee nishaaniyon ko un logon ke lie khol-kholakar bayaan karata hai, jo jaanana chaahen

nissandeh raat aur din ke ulat-pher mein aur jo kuchh allaah ne aakaashon aur dharatee mein paida kiya usamen dar rakhanevaale logon ke lie nishaaniyaan hai

rahe ve log jo hamase milane kee aasha nahin rakhate aur saansaarik jeevan hee par nihaal ho gae hai aur usee par santusht ho baithe, aur jo hamaaree nishaaniyon kee or se asaavadhaan hai

aise logon ka thikaana aag hai, usake badale mein jo ve kamaate rahe

rahe ve log jo eemaan lae aur unhonne achchhe karm kie, unaka rab unake eemaan ke kaaran unaka maargadarshan karega. unake nemat bharee jannaton mein naharen bah rahee hogee

vahaan unakee pukaar yah hogee ki "mahima hai teree, ai allaah!" aur unaka paarasparik abhivaadan "salaam" hoga. aur unakee pukaar ka ant isapar hoga ki "prashansa allaah hee ke lie hai jo saare sansaar ka rab hai.

yadi allaah logon ke lie unake jaldee machaane ke kaaran bhalaee kee jagah buraee ko sheeghr ghatit kar de to unakee or unakee avadhi pooree kar dee jae, kintu ham un logon ko jo hamase milane kee aasha nahin rakhate unakee apanee sarakashee mein bhatakane ke lie chhod dete hai

manushy ko jab koee takaleef pahunchatee hai, vah lete ya baithe ya khade hamako pukaarane lag jaata hai. kintu jab ham usakee takaleef usase door kar dete hai to vah is tarah chal deta hai maano kabhee koee takaleef pahunchane par usane hamen pukaara hee na tha. isee prakaar maryaadaaheen logon ke lie jo kuchh ve kar rahe hai suhaavana bana diya gaya hai

tumase pahale kitanee hee naslon ko, jab unhonne atyaachaar kiya, ham vinasht kar chuke hai, haalaanki unake rasool unake paas khulee nishaaniyaan lekar aae the. kintu ve aise na the ki unhen maanate. aparaadhee logon ko ham isee prakaar badala diya karate hai

phir unake pashchaat hamane dharatee mein unakee jagah tumhen rakha, taaki ham dekhen ki tum kaise karm karate ho

aur jab unake saamane hamaaree khulee huee aayaten padhee jaatee hai to ve log, jo hamase milane kee aasha nahin rakhate, kahate hai, "isake siva koee aur quraan le aao ya isamen kuchh parivartan karo." kah do, "mujhase yah nahin ho sakata ki main apanee or se isamen koee parivartan karoon. main to bas usaka anupaalan karata hoon, jo prakaashana meree or avatarit kee jaatee hai. yadi main apane prabhu kee avagya karans to isamen mujhe ek bade din kee yaatana ka bhay hai.

kah do, "yadi allaah chaahata to main tumhen yah padhakar na sunaata aur na vah tumhen isase avagat karaata. aakhir isase pahale main tumhaare beech jeevan kee pooree avadhi vyateet kar chuka hoon. phir kya tum buddhi se kaam nahin lete

phir us vyakti se badhakar atyaachaaree kaun hoga jo allaah par thopakar jhooth ghade ya usakee aayaton ko jhuthalae? nissandeh aparaadhee kabhee saphal nahin hote

ve log allaah se hatakar unako poojate hain, jo na unaka kuchh bigaad saken aur na unaka kuchh bhala kar saken. aur ve kahate hai, "ye allaah ke yahaan hamaare sifaarishee hai." kah do, "kya tum allaah ko usakee khabar denevaale? ho, jisaka astitv na use aakaashon mein gyaat hai na dharatee mein" mahimaavaan hai vah aur usakee uchchata ke pratikool hai vah shirk, jo ve kar rahe hai

saare manushy ek hee samudaay the. ve to svayan alag-alag ho rahe. aur yadi tere rab kee or se pahale hee ek baat nishchit na ho gaee hotee, to unake beech ka faisala kar diya jaata jisamen ve matabhed kar rahe hain

ve kahate hai, "us par unake rab kee or se koee nishaanee kyon nahin utaree?" to kah do, "paroksh to allaah hee se sambandh rakhata hai. achchha, prateeksha karo, main bhee tumhaare saath prateeksha karata hoon.

jab ham logon ko unake kisee takaleef mein padane ke pashchaat dayaaluta ka rasaasvaadan karaate hai to ve hamaaree aayaton ke vishay mein chaalabaaziyaan karane lag jaate hai. kah do, "allaah kee chaal zyaada tez hai." nissandeh, jo chaalabaajiyaan tum kar rahe ho, hamaare bheje hue (farishte) unako likhate ja rahe hai

vahee hai jo tumhen thal aur jal mein chalaata hai, yahaan tak ki jab tum nauka mein hote ho aur vah logo ko lie hue achchhee anukool vaayu ke sahaare chalatee hai aur ve usase harshit hote hai ki akasmaat unapar prachand vaayu ka jhonka aata hai, har or se laharen unapar chalee aatee hai aur ve samajh lete hai ki bas ab ve ghir gae, us samay ve allaah hee ko, niree usee par aastha rakhakar pukaarane lagate hai, "yadi toone hamen isase bacha liya to ham avashy aabhaaree honge.

phir jab vah unako bacha leta hai, to kya dekhate hai ki ve naahaq dharatee mein sarakashee karane lag jaate hai. ai logon! tumhaaree sarakashee tumhaare apane hee viruddh hai. saansaarik jeevan ka sukh le lo. phir tumhen hamaaree hee or lautakar aana hai. phir ham tumhen bata denge jo kuchh tum karate rahe hoge

saansaarik jeevan kee upama to bas aisee hai jaise hamane aakaash se paanee barasaaya, to usake kaaran dharatee se uganevaalee cheeze, jinako manushy aur chaupaaye sabhee khaate hai, ghanee ho gaee, yahaan tak ki dharatee ne apana shrngaar kar liya aur sanvar gaee aur usake maalik samajhane lage ki unhen usapar poora adhikaar praapt hai ki raat ya din mein hamaara aadesh aa pahuncha. phir hamane use katee fasal kee tarah kar diya, maano kal vahaan koee aabaadee hee na thee. isee tarah ham un logon ke lie khol-kholakar nishaaniyaan bayaan karate hai, jo soch-vichaar se kaam lena chaahen

aur allaah tumhen salaamatee ke ghar kee or bulaata hai, aur jise chaahata hai seedhee raah chalaata hai

achchhe se achchha karm karanevaalon ke lie achchha badala hai aur isake atirikt aur bhee. aur unake chaharon par na to kalaus chhaegee aur na zillat. vahee jannatavaale hai; ve usamen sadaiv rahenge

rahe ve log jinhonne buraiyaan kamaee, to ek buraee ka badala bhee usee jaisa hoga; aur zillat unapar chha rahee hogee. unhen allaah se bachaanevaala koee na hoga. unake chaharon par maano andheree raat ke tukade odha die gae hon. vahee aagavaale hain, unhen usamen sadaiv rahana hai

aur jis din ham un sabako ikattha karenge, phir un logon se, jinhonne shirk kiya hoga, kahenge, "apanee jagah thahare raho tum bhee aur tumhaare saajheedaar bhee." phir ham unake beech alagaav paida kar denge, aur unake thaharae hue saajheedaar kahenge, "tum hamaaree to hamaaree bandagee nahin karate the

hamaare aur tumhaare beech allaah hee ek gavaah kaafee hai. hamen to tumhaaree bandagee kee khabar tak na thee.

vahaan pratyek vyakti apane pahale ke kie hue karmon ko svayan jaanch lega aur vah allaah, apane vaastavik svaamee kee or phirenge aur jo kuchh jhooth ve ghadate rahe the, vah sab unase gum hokar rah jaega

kaho, "tumhen aakaash aur dharatee se rozee kaun deta hai, ya ye kaan aur aankhen kisake adhikaar mein hai aur kaun jeevant ko nirjeev se nikaalata hai aur nirjeev ko jeevant se nikaalata hai aur kaun yah saara intizaam chala raha hai?" isapar ve bol padege, "allaah!" to kaho, "phir aakhir tum kyon nahin dar rakhate

phir yahee allaah to hai tumhaara vaastavik rab. phir aakhir saty ke pashchaat pathabhrashtata ke atirikt aur kya rah jaata hai? phir tum kahaan se phire jaate ho

isee tarah avagyaakaaree logon ke prati tumhaare rab kee baat sachchee hokar rahee ki ve maanenge nahin

kaho, "kya tumhaare thaharae hue saajheedaaron mein koee hai jo srshti ka aarambh bhee karata ho, phir usakee punaraavrtti bhee kare?" kaho, "allaah hee srshti ka aarambh karata hai aur vahee usakee punaraavrti bhee; aakhir tum kahaan audhe hue jaate ho

kaho, "kya tumhaare thaharae saajheedaaron mein koee hai jo saty kee or maargadarshan kare?" kaho, "allaah hee saty ke maarg par chalaata hai. phir jo saty kee or maargadarshan karata ho, vah isaka zyaada haqadaar hai ki usaka anusaran kiya jae ya vah jo svayan hee maarg na pae jab tak ki use maarg na dikhaaya jae? phir yah tumhen kya ho gaya hai, tum kaise faisale kar rahe ho

aur unamen se adhikatar to bas atakal par chalate hai. nishchay hee atakal saty ko kuchh bhee door nahin kar sakatee. ve jo kuchh kar rahe hain allaah usako bhalee-bhaanti jaanata hai

yah quraan aisa nahin hai ki allaah se hatakar ghad liya jae, balki yah to jisake samajh hai, usakee pushti mein hai aur kitaab ka vistaar hai, jisamen kisee sandeh kee gunjaish nahin. yah saare sansaar ke rab kee or se hai

(kya unhen koee khatak hai) ya ve kahate hai, "is vyakti (paigambar) ne use svayan hee ghad liya hai?" kaho, "yadi tum sachche ho, to is jaisee ek sura le aao aur allaah se hatakar use bula lo, jisapar tumhaara bas chale.

balki baat yah hai ki jis cheez ke gyaan par ve haavee na ho sake, use unhonne jhuthala diya aur abhee usaka parinaam unake saamane nahin aaya. isee prakaar un logon ne bhee jhuthalaaya tha, jo inase pahale the. phir dekh lo un atyaachaariyon ka kaisa parinaam hua

unamen kuchh log usapar eemaan rakhanevaale hai aur unamen kuchh log usapar eemaan laanevaale nahin hai. aur tumhaara rab bigaad paida karanevaalon ko bhalee-bhaanti jaanata hai

aur yadi ve tujhe jhuthalaen to kah do, "mera karm mere lie hai aur tumhaara karm tumhaare lie. jo kuchh main karata hoon usakee zimmedaaree se tum baree ho aur jo kuchh tum karate ho usakee zimmedaaree se main baree hoon.

aur unamen bahut-se aise log hai jo teree or kaan lagaate hai. kintu kya too baharon ko sunaega, chaahe ve samajh na rakhate hon

aur kuchh unamen aise hain, jo teree or taakate hain, kintu kya too andhon ka maarg dikhaega, chaahe unhen kuchh soojhata na ho

allaah to logon par tanik bhee atyaachaar nahin karata, kintu log svayan hee apane oopar atyaachaar karate hai

jis din vah unako ikattha karega to aisa jaan padega jaise ve din kee ek ghadee bhar thahare the. ve paraspar ek-doosare ko pahachaanenge. ve log ghaate mein pad gae, jinhonne allaah se milane ko jhuthalaaya aur ve maarg na pa sake

jis cheez ka ham unase vaada karate hai usamen se kuchh chaahe tujhe dikha den ya ham tujhe (isase pahale) utha len, unhen to hamaaree or lautakar aana hee hai. phir jo kuchh ve kar rahe hai usapar allaah gavaah hai

pratyek samudaay ke lie ek rasool hai. phir jab unake paas unaka rasool aa jaata hai to unake beech nyaayapoorvak faisala kar diya jaata hai. unapar kuchh bhee atyaachaar nahin kiya jaata

ve kahate hai, "yadi tum sachche ho to yah vaada kab poora hoga

kaho, "mujhe apane lie na to kisee haani ka adhikaar praapt hai aur na laabh ka, balki allaah jo chaahata hai vahee hota hai. har samudaay ke lie ek niyat samay hai, jab unaka niyat samay aa jaata hai to ve na ghadee bhar peechhe hat sakate hai aur na aage badh sakate hai.

kaho, "kya tumane yah bhee socha ki yadi tumapar usakee yaatana raaton raat ya din ko aa jae to (kya tum use taal sakoge?) vah aakhir kaun-see cheez hogee jisake lie aparaadhiyon ko jaldee padee huee hai

kya phir jab vah ghatit ho jaegee tab tum use maanoge? - kya ab! isee ke lie to tum jaldee macha rahe the

phir atyaachaaree logon se kaha jaega, "sthaayee yaatana ka maza chakho! jo kuchh tum kamaate rahe ho, usake siva tumhen aur kya badala diya ja sakata hai

ve tum se chaahate hai ki unhen khabar do ki "kya vah vaastav mein saty hai?" kah do, "haan, mere rab kee qasam! vah bilkul saty hai aur tum qaaboo se baahar nikal jaanevaale nahin ho.

yadi pratyek atyaachaaree vyakti ke paas vah sab kuchh ho jo dharatee mein hai, to vah arthadand ke roop mein use de daale. jab ve yaatana ko dekhenge to man hee man mein pachhataenge. unake beech nyaayapoorvak faisala kar diya jaega aur unapar koee atyaachaar na hoga

sun lo, jo kuchh aakaashon aur dharatee mein hai, allaah hee ka hai. jaan lo, nissandeh allaah ka vaada sachcha hai, kintu unamen adhikatar log jaanate nahin

vahee jilaata hai aur maarata hai aur usee kee or tum lautae ja rahe ho

ai logo! tumhaare paas tumhaare rab kee or se upadesh aur jo kuchh seenon mein (rog) hai, usake lie rogamukti aur mominon ke lie maargadarshan aur dayaaluta aa chukee hai

kah do, "yah allaah ke anugrah aur usakee daya se hai, atah is par prasann hona chaahie. yah un sab cheezon se uttam hai, jinako ve ikattha karane mein lage hue hai.

kah do, "kya tum logon ne yah bhee dekha ki jo rozee allaah ne tumhaare lie utaaree hai usamen se tumane svayan hee kuchh ko haraam aur halaal thahara liya?" kaho, "kya allaah ne tumhen isakee anumati dee hai ya tum allaah par jhooth ghadakar thop rahe ho

jo log jhooth ghadakar use allaah par thompate hai, unhonne qiyaamat ke din ke vishay mein kya samajh rakha hai? allaah to logon ke lie bada anugrahavaala hai, kintu unamen adhikatar krtagyata nahin dikhalaate

tum jis dasha mein bhee hote ho aur quraan se jo kuchh bhee padhate ho aur tum log jo kaam bhee karate ho ham tumhen dekh rahe hote hai, jab tum usamen lage hote ho. aur tumhaare rab se kan bhar bhee koee cheez chhipee nahin hai, na dharatee mein na aakaash mein aur na usase chhotee aur na badee koee ta cheez aisee hai jo ek spasht kitaab mein maujood na ho

sun lo, allaah ke mitron ko na to koee dar hai aur na ve shokaakul hee honge

ye ve log hai jo eemaan lae aur dar kar rahe

unake lie saansaarik jeevan mein bhee shubh-soochana hai aur aakhirat mein bhee - allaah ke shabd badalate nahin - yahee badee saphalata hai

unakee baat tumhen dukhee na kare, saara prabhutv allaah hee ke lie hai, vah sunata, jaanata hai

jaan rakho! jo koee bhee aakaashon mein hai aur jo koee dharatee mein hai, allaah hee ka hai. jo log allaah ko chhodakar doosare saajheedaaron ko pukaarate hai, ve aakhir kisaka anusaran karate hai? ve to keval atakal par chalate hai aur ve nire atakale daudaate hai

vahee hai jisane tumhaare lie raat banaee taaki tum usamen chain pao aur din ko prakaashamaan banaaya (taaki tum usamen daud-dhoop kar sako); nissandeh isamen un logon ke lie nishaaniyaan hai, jo sunate hai

ve kahate hai, "allaah aulaad rakhata hai." mahaan aur uchch hai vah! vah nirapeksh hai, aakaashon aur dharatee mein jo kuchh hai usee ka hai. tumhaare paas isaka koee pramaan nahin. kya tum allaah se jodakar vah baate kahate ho, jisaka tumhe gyaan nahee

kah do, "jo log allaah par thopakar jhooth ghadate hai, ve saphal nahin hote.

yah to saansaarik sukh hai. phir hamaaree or hee unhen lautana hai, phir jo inakaar ve karate rahe hoge usake badale mein ham unhen kathor yaatana ka maza chakhaenge

unhen nooh ka vrttaant sunao. jab usane apanee qaum se kaha, "ai meree qaum ke logo! yadi mera khada hona aur allaah kee aayaton ke dvaara naseehat karana tumhen bhaaree ho gaya hai to mera bharosa allaah par hai. tu apana maamala thahara lo aur apane thaharae hue saajheedaaron ko bhee saath le lo, phir tumhaara maamala tum par kuchh sandigdh na rahe; phir mere saath jo kuchh karana hai, kar daalon aur mujhe muhalat na do.

phir yadi tum munh pheroge to mainne tumase koee badala nahin maanga. mera badala (paarishraamik) bas allaah ke zimme hai, aur aadesh mujhe muslim (aagyaakaaree) hone ka hua hai

kintu unhonne jhoothala diya, to hamane use aur un logon ko, jo unake saath nauka mein the, bacha liya aur unhen utaraadhikaaree banaaya, aur un logo ko doobo diya, jinhonne hamaaree aayaton ko jhuthalaaya tha. atah dekh lo, jinhen sachet kiya gaya tha unaka kya parinaam hua

phir usake baad kitane hee rasool hamane unakee qaum kee or bheje aur ve unake paas spasht nishaaniyaan lekar aae, kintu ve aise na the ki jisako pahale jhuthala chuke hon, use maanate. isee tarah atikramanakaariyon kai dilon par ham muhar laga dete hain

phir unake baad hamane moosa aur haaroon ko apanee aayaton ke saath firaun aur usake saradaaron ke paas bheja. kintu unhonne ghamand kiya, ve the hee aparaadhee log

atah jab hamaaree or se saty unake saamane aaya to ve kahane lage, "yah to khula jaadoo hai.

moosa ne kaha, "kya tum saty ke vishay mein aisa kahate ho, jabaki yah tumhaare saamane aa gaya hai? kya yah koee jaadoo hai? jaadoogar to saphal nahin hua karate.

unhonne kaha, "kya too hamaare paas isalie aaya hai ki hamen us cheez se pher de jisapar hamane apana baap-daada ka paaya hai aur dharatee mein tum donon kee badaee sthaapit ho jae? ham to tumhen maananevaale nahin.

firaun ne kaha, "har kushal jaadoogar ko mere paas lao.

phir jab jaadoogar aa gae to moosa ne unase kaha, "jo kuchh tum daalate ho, daalo.

phir jab unhonne daala to moosa ne kaha, "tum jo kuchh lae ho, jaadoo hai. allaah abhee use matiyaamet kie deta hai. nissandeh allaah bigaad paida karanevaalon ke karm ko phaleebhoot nahin hone deta

allaah apane shabdon se saty ko saty kar dikhaata hai, chaahe aparaadhee naapasand hee karen.

phir moosa kee baat usakee qaum kee santati mein se bas kuchh hee logon ne maanee; firaun aur unake saradaaron ke bhay se ki kaheen unhen kisee fitane mein na daal den. firaun tha bhee dharatee mein bahut sir uthae hue, aur nishchay hee vah had se aage badh gaya tha

moosa ne kaha, "ai meree qaum ke logo! yadi tum allaah par eemaan rakhate ho to usapar bharosa karo, yadi tum aagyaakaaree ho.

isapar ve bole, "hamane allaah par bharosa kiya. ai hamaare rab! too hamen atyaachaaree logon ke haathon aazamaish mein na daal

aur apanee dayaaluta se hamen inakaar karanevaalon se chhutakaara diya.

hamane moosa aur usake bhaee kee or prakaashana kee ki "tum donon apane logon ke lie misr mein kuchh ghar nishchit kar lo aur apane gharon ko qibala bana lo. aur namaaz qaayam karo aur eemaanavaalon ko shubhasoochana de do.

moosa ne kaha, "hamaare rab! toone firaun aur usake saradaaron ko saansaarik jeevan mein shobha-saamagree aur dhan die hai, hamaare rab, isalie ki ve tere maarg se bhatakaen! hamaare rab, unake dhan nasht kar de aur unake hrday kathor kar de ki ve eemaan na laen, taaki ve dukhad yaatana dekh len.

kaha, "tum donon kee praarthana sveekrt ho chukee. atah tum donon jamen raho aur un logon ke maarg par kadaapi na chalana, jo jaanate nahin.

aur hamane isaraeeliyon ko samudr paar kara diya. phir firaun aur usakee senaon ne sarakashee aur zyaadatee ke saath unaka peechha kiya, yahaan tak ki jab vah doobane laga to pukaar utha, "main eemaan le aaya ki usake siv koee poojy-prabhu nahee, jis par isaraeel kee santaan eemaan laee. ab main aagyaakaaree hoon.

kya ab? haalaanki isase pahale tune avagya kee aur bigaad paida karanevaalon mein se tha

atah aaj ham tere shareer ko bacha legen, taaki too apane baadavaalon ke lie ek nishaanee ho jae. nishchay hee, bahut-se log hamaaree nishaaniyon ke prati asaavadhaan hee rahate hai.

aur hamane isaraeel kee santaan ko achchha, sammaanit thikaana diya au unhen achchhee aajeevika pradaan kee. phir unhonne us samay vibhed kiya, jabaki gyaan unake paas aa chuka tha. nishchay hee tumhaara rab qiyaamat ke din unake beech us cheez ka faisala kar dega, jisamen ve vibhed karate rahe hai

atah yadi tumhen us cheez ke baare mein koee sandeh ho, jo hamane tumhaaree or avatarit kee hai, to unase poochh lo jo tumase pahale se kitaab padh rahe hai. tumhaare paas to tumhaare rab kee or se saty aa chuka. atah tum kadaapi sandeh karanevaale na ho

aur na un logon mein sammilit hona jinhonn allaah kee aayaton ko jhuthalaaya, anyatha tum ghaate mein padakar rahoge

nissandeh jin logon ke vishay mein tumhaare rab kee baat sachchee hokar rahee ve eemaan nahin laenge

jab tak ke ve dukhad yaatana na dekh len, chaahe pratyek nishaanee unake paas aa jae

phir aisee koee bastee kyon na huee ki vah eemaan laatee aur usaka eemaan usake lie laabhaprad siddh hota? haan, yoonus kee qaum ke log isake lie apavaad hai. jab ve eemaan lae to hamane saansaarik jeevan mein apamaanajanak yaatana ko unapar se taal diya aur unhen ek avadhi tak sukhopabhog ka avasar pradaan kiya

yadi tumhaara rab chaahata to dharatee mein jitane log hai ve sab ke sab eemaan le aate, phir kya tum logon ko vivash karoge ki ve momin ho jaen

haalaanki kisee vyakti ke lie yah sambhav nahin ki allaah kee anugya ke bina koee kyakti eemaan lae. vah to un logon par gandagee daal deta hai, jo buddhi se kaam nahin lete

kaho, "dekh lo, aakaashon aur dharatee mein kya kuchh hai!" kintu nishaaniyaan aur chetaavaniyaan un logon ke kuchh kaam nahin aatee, jo eemaan na laana chaahen

atah ve to us tarah ke din kee prateeksha kar rahe hain, jis tarah ke din ve log dekh chuke hai jo unase pahale guzare hai. kah do, "achchha, prateeksha karo, main bhee tumhaare saath prateeksha karata hoon.

phir ham apane rasoolon aur un logon ko bacha lete rahe hain, jo eemaan le aae. aisee hee hamaaree reeti hai, hamapar yah haq hai ki eemaanavaalon ko bacha len

kah do, "ai logon! yadi tum mere dharm ke vishay mein kisee sandeh mein ho to main to unakee bandagee nahin karata jinakee tum allaah se hatakar bandagee karate ho, balki main us allaah kee bandagee karata hoon jo tumhen mrtyu deta hai. aur mujhe aadesh hai ki main eemaanavaalon mein se hooon

aur yah ki har or se ekaagr hokar apana rukh is dharm kee or kar lo aur mushariqon mein kadaapi sammilit na ho

aur allaah se hatakar use na pukaaro jo na tumhen laabh pahunchae aur na tumhen haani pahuncha sake aur na tumhaara bura kar sake, kyonki yadi tumane aisa kiya to us samay tum atyaachaaree hoge

yadi allaah tumhen kisee takaleef mein daal de to usake siva koee use door karanevaala nahin. aur yadi vah tumhaare lie kisee bhalaee ka iraada kar le to koee usake anugrah ko pheranevaala bhee nahin. vah ise apane bandon mein se jis tak chaahata hai, pahunchaata hai aur vah atyant kshamaasheel, dayaavaan hai.

kah do, "ai logon! tumhaare paas tumhaare rab kee or se saty aa chuka hai. ab jo koee maarg par aaega, to vah apane hee lie maarg par aaega, aur jo koee pathabhrasht hoga to vah apane hee bure ke lie pathabhrashti hoga. main tumhaare oopar koee havaaledaar to hoon nahin.

jo kuchh tumapar prakaashana kee ja rahee hai, usaka anusaran karo aur dhairy se kaam lo, yahaan tak ki allaah faisala kar de, aur vah sabase achchha faisala karanevaala hai