Hindi - Chapter 13 - Ar-Rad

alif॰ laam॰ meem॰ ra॰. ye kitaab kee aayaten hai aur jo kuchh tumhaare rab kee or se tumhaaree or avatarit hua hai, vah saty hai, kintu adhikatar log maan nahin rahe hai

allaah vah hai jisane aakaashon ko bina sahaare ke ooncha banaaya jaisa ki tum unhen dekhate ho. phir vah sinhaasan par aaseen hua. usane soory aur chandrama ko kaam par lagaaya. harek ek niyat samay tak ke lie chala ja raha hai. vah saare kaam ka vidhaan kar raha hai; vah nishaaniyaan khol-kholakar bayaan karata hai, taaki tumhen apane rab se milane ka vishvaas ho

aur vahee hai jisane dharatee ko phailaaya aur usamen jame hue parvat aur nadiyaan banaee aur harek paidaavaar kee do-do qismen banaee. vahee raat se din ko chhipa deta hai. nishchay hee isamen un logon ke lie nishaaniyaan hai jo soch-vichaar se kaam lete hai

aur dharatee mein paas-paas bhoobhaag pae jaate hai jo paraspar mile hue hai, aur angooron ke baag hai aur khetiyaan hai aur khajoor ke ped hai, ikahare bhee aur dohare bhee. sabako ek hee paanee se sinchit karata hai, phir bhee ham paidaavaar aur svaad mein kisee ko kisee ke muqaabale mein badha dete hai. nishchay hee isamen un logon ke lie nishaaniyaan hain, jo buddhi se kaam lete hai

ab yadi tumhen aashchary hee karana hai to aashchary kee baat to unaka yah kahana hai ki ,"kya jab ham mittee ho jaenge to kya ham nae sire se paida bhee honge?" vahee hain jinhonne apane rab ke saath inakaar kee neeti apanaee aur vahee hai, jinakee gardanon me tauq pade hue hai aur vahee aag (mein padane) vaale hai jisamen unhen sadaiv rahana hai

ve bhalaee se pahale buraee ke lie tumase jaldee macha rahe hain, haalaanki unase pahale kitanee hee shikshaaprad misaalen guzar chukee hai. kintu tumhaara rab logon ko unake atyaachaar ke baavajood kshama kar deta hai aur vaastav mein tumhaara rab dand dene mein bhee bahut kathor hai

jinhonne inakaar kiya, ve kahate hain, "usapar usake rab kee or se koee nishaanee kyon nahin avatarit huee?" tum to bas ek chetaavanee denevaale ho aur har qaum ke lie ek maargadarshak hua hai

kisee bhee stree-jaati ko jo bhee garbh rahata hai allaah use jaan raha hota hai aur use bhee jo garbhaashay mein kamee-beshee hotee hai. aur usake yahaan harek cheez ka ek nishchit andaaza hai

vah paroksh aur pratyaksh ka gyaata hai, mahaan hai, atyant uchch hai

tumamen se koee chupake se baat kare aur jo koee zor se aur jo koee raat mein chhipata ho aur jo din mein chalata-phirata deekh padata ho usake lie sab baraabar hai

usake rakshak (paharedaar) usake apane aage aur peechhe lage hote hain jo allaah ke aadesh se usakee raksha karate hai. kisee qaum ke logon ko jo kuchh praapt hota hai allaah use badalata nahin, jab tak ki ve svayan apane aapako na badal daalen. aur jab allaah kisee qaum ka anisht chaahata hai to phir vah usase tal nahin sakata, aur usase hatakar unaka koee samarthak aur sanrakshak bhee nahin

vahee hai jo bhay aur aasha ke nimitt tumhen bijalee kee chamak dikhaata hai aur bojhil baadalon ko uthaata hai

baadal kee garaj usaka gunagaan karatee hai aur usake bhay se kaanpate hue farishte bhee. vahee kadakatee bijaliyaan bhejata hai, phir jisapar chaahata hai unhen gira deta hai, jabaki ve allaah ke vishay mein jhagad rahe hote hai. nishchay hee usakee chaal badee sakht hai

usee ke lie sachchee pukaar hai. usase hatakar jinako ve pukaarate hai, ve unakee pukaar ka kuchh bhee uttar nahin dete. bas yah aisa hee hota hai jaise koee apane donon haath paanee kee or isalie phailae ki vah usake munh mein pahunch jae, haalaanki vah usatak pahunchanevaala nahin. kufr karanevaalon kee pukaar to bas bhatakane hee ke lie hotee hai

aakaashon aur dharatee mein jo bhee hai svechchhaapoorvak ya vivashataapoorvak allaah hee ko sajada kar rahe hai aur unakee parachhaiyaan bhee praatah aur sandhya samay

kaho, "aakaashon aur dharatee ka rab kaun hai?" kaho, "allaah" kah do, "phir kya tumane usase hatakar doosaron ko apana sanrakshak bana rakha hai, jinhen svayan apane bhee kisee laabh ka na adhikaar praapt hai aur na kisee haani ka?" kaho, "kya andha aur aankhonvaala donon baraabar hote hai? ya baraabar hote ho andhare aur prakaash? ya jinako allaah ka sahabhaagee thaharaaya hai, unhonne bhee kuchh paida kiya hai, jaisa ki usane paida kiya hai, jisake kaaran srshti ka maamala inake lie gadumadu ho gaya hai?" kaho, "har cheez ko paida karanevaala allaah hai aur vah akela hai, sab par prabhaavee

usane aakaash se paanee utaara to nadee-naale apanee-apanee samaee ke anusaar bah nikale. phir paanee ke bahaav ne ubhare hue jhaag ko utha liya aur usamen se bhee, jise ve zevar ya doosare saamaan banaane ke lie aag mein tapaate hain, aisa hee jhaag uthata hai. is prakaar allaah saty aur asaty kee misaal bayaan karata hai. phir jo jhaag hai vah to sookhakar nasht ho jaata hai aur jo kuchh logon ko laabh pahunchaanevaala hota hai, vah dharatee mein thahar jaata hai. isee prakaar allaah drshtaant prastut karata hai

jin logon ne apane rab ka aamantran sveekaar kar liya, unake lie achchha puraskaar hai. rahe ve log jinhonne use sveekaar nahin kiya yadi unake paas vah sab kuchh ho jo dharatee mein hain, balki usake saath utana aur bhee ho to apanee mukti ke lie ve sab de daalen. vahee hain, jinaka bura hisaab hoga. unaka thikaana jahannam hai aur vah atyant bura vishraam-sthal hai

bhala vah vyakti jo jaanata hai ki jo kuchh tum par utara hai tumhaare rab kee or se saty hai, kabhee us jaisa ho sakata hai jo andha hai? parantu samajhate to vahee hai jo buddhi aur samajh rakhate hai

jo allaah ke saath kee huee pratigya ko poora karate hai aur abhivachan ko todate nahin

aur jo aise hain ki allaah nai jise jodane ka aadesh diya hai use jodate hain aur apanai rab se darate rahate hain aur burai hisaab ka unhain dar laga rahata hai

aur jin logon ne apane rab kee prasannata kee chaah mein dhairy se kaam liya aur namaaz qaayam kee aur jo kuchh hamane unhen diya hai, usamen se khule aur chhipe kharch kiya, aur bhalaee ke dvaara buraee ko door karate hai. vahee log hai jinake lie aakhirat ke ghar ka achchha parinaam hai

arthaat sadaiv rahane ke baag hai jinamen ve pravesh karenge aur unake baap-daada aur unakee patniyon aur unakee santaanon mein se jo nek honge ve bhee aur har daravaaze se farishte unake paas pahunchenge

(ve kahenge) "tumapar salaam hai usake badale mein jo tumane dhairy se kaam liya." atah kya hee achchha parinaam hai aakhirat ke ghar ka

rahe ve log jo allaah kee pratigya ko use drdh karane ke pashchaat tod daalate hai aur allaah ne jise jodane ka aadesh diya hai, use kaatate hai aur dharatee mein bigaad paida karate hai. vaheen hai jinake lie phitakaar hai aur jinake lie aakhirat ka bura ghar hai

allaah jisako chaahata hai prachur phailee huee rozee pradaan karata hai aur isee prakaar napee-tulee bhee. aur ve saansaarik jeevan mein magn hain, haalaanki saansaarik jeevan aakhirat ke muqaabale mein to bas alp sukh-saamagree hai

jin logon ne inakaar kiya ve kahate hai, "usapar usake rab kee or se koee nishaanee kyon nahin utaree?" kaho, "allaah jise chaahata hai pathabhrasht kar deta hai. apanee or se vah maargadarshan usee ka karata hai jo rujoo hota hai.

aise hee log hai jo eemaan lae aur jinake dilon ko allaah ke smaran se aaraam aur chain milata hai. sun lo, allaah ke smaran se hee dilon ko santosh praapt hua karata hai

jo log eemaan lae aur unhonne achchhe karm kie unake lie sukh-saubhaagy hai aur lautane ka achchha thikaana hai

atev hamane tumhen ek aise samudaay mein bheja hai jisase pahale kitane hee samudaay guzar chuke hai, taaki hamane tumhaaree or jo prakaashana kee hai, use unako suna do, yadyapi ve rahamaan ke saath inakaar kee neeti apanae hue hai. kah do, "vahee mera rab hai. usake siva koee poojy-prabhu nahin. usee par mera bharosa hai aur usee kee or mujhe palatakar jaana hai.

aur yadi koee aisa quraan hota jisake dvaara pahaad chalane lagate ya usase dharatee khand-khand ho jaatee ya usake dvaara murde bolane lagate (tab bhee ve log eemaan na laate) . nahin, balki baat yah hai ki saare kaam allaah hee ke adhikaar mein hai. phir kya jo log eemaan lae hai ve yah jaanakar niraash nahin hue ki yadi allaah chaahata to saare hee manushyon ko seedhe maarg par laga deta? aur inakaar karanevaalon par to unakee karatooton ke badale mein koee na koee aapada nirantar aatee hee rahegee, ya unake ghar ke nikat hee kaheen utaratee rahegee, yahaan tak ki allaah ka vaada aa poora hoga. nissandeh allaah apane vaade ke viruddh nahin jaata.

tumase pahale bhee kitane hee rasoolon ka upahaas kiya ja chuka hai, kintu mainne inakaar karanevaalon ko muhalat dee. phir antatah mainne unhen pakad liya, phir kaisee rahee meree saza

bhala vah (allaah) jo pratyek vyakti ke sir par, usakee kamaee par nigaah rakhate hue khada hai (usake samaan koee doosara ho sakata hai)? phir bhee logon ne allaah ke sahabhaagee-thahara rakhe hai. kaho, "tanik unake naam to lo! (kya tumhaare paas unake paksh mein koee pramaan hai?) ya aisa hai ki tum use aisee baat kee khabar de rahe ho, jisake astitv kee use dharatee bhar mein khabar nahin? ya yoon hee yah ek ooparee baat hee baat hai?" nahin, balki inakaar karanevaalon ko unakee makkaaree hee suhaavanee lagatee hai aur ve maarg se ruk gae hai. jise allaah hee gumaraahee mein chhod de, use koee maarg par laanevaala nahin

unake lie saansaarik jeevan mein bhee yaatana, to vah atyant kathor hai. aur koee bhee to nahin jo unhen allaah se bachaanevaala ho

dar rakhanevaalon ke lie jis jannat ka vaada hai usakee shaan yah hai ki usake neeche naharen bah rahee hai, usake phal shaashvat hai aur isee prakaar usakee chhaaya bhee. yah parinaam hai unaka jo dar rakhate hai, jabaki inakaar karanevaalon ka parinaam aag hai

jin logon ko hamane kitaab pradaan kee hai ve usase, jo tumhaaree or utaara hai, harshit hote hai aur vibhinn girohon ke kuchh log aise bhee hai jo usakee kuchh baaton ka inakaar karate hai. kah do, "mujhe par bas yah aadesh hua hai ki main allaah kee bandagee karoon aur usaka sahabhaagee na thaharaoon. main usee kee or bulaata hoon aur usee kee or mujhe lautakar jaana hai.

aur isee prakaar hamane is (quraan) ko ek arabee faramaan ke roop mein utaara hai. ab yadi tum us gyaan ke pashchaat bhee, jo tumhaare paas aa chuka hai, unakee ichchhaon ke peechhe chale to allaah ke muqaabale mein na to tumhaara koee sahaayak mitr hoga aur na koee bachaanevaala

tumase pahale bhee ham, kitane hee rasool bhej chuke hai aur hamane unhen patniyon aur bachche bhee die the, aur kisee rasool ko yah adhikaar nahin tha ki vah allaah kee anumati ke bina koee nishaanee svayan la leta. har cheez ke ek samay jo atal likhit hai

allaah jo kuchh chaahata hai mita deta hai. isee tarah vah qaayam bhee rakhata hai. mool kitaab to svayan usee ke paas hai

ham jo vaada unase kar rahe hai chaahe usamen se kuchh ham tumhen dikha den, ya tumhen utha len. tumhaara daayitv to bas sandesh ka pahuncha dena hee hai, hisaab lena to hamaare zimme hai

kya unhonne dekha nahin ki ham dharatee par chale aa rahe hai, use usake kinaaron se ghataate hue? allaah hee faisala karata hai. koee nahin jo usake faisale ko peechhe daal sake. vah hisaab bhee jald leta hai

unase pahale jo log guzare hai, ve bhee chaalen chal chuke hai, kintu vaastavik chaal to pooree kee pooree allaah hee ke haath mein hai. pratyek vyakti jo kamaee kar raha hai use vah jaanata hai. inakaar karanevaalon ko sheeghr hee gyaat ho jaega ki paralok-grh ke shubh parinaam ke adhikaaree kaun hai

jin logon ne inakaar kee neeti apanaee, ve kahate hai, "tum koee rasool nahin ho." kah do, "mere aur tumhaare beech allaah kee aur jis kisee ke paas kitaab ka gyaan hai usakee, gavaahee kaafee hai.