Hindi - Chapter 16 - An-Nahl

aa gaya aadesh allaah ka, to ab usake lie jaldee na machao. vah mahaan aur uchch hai us shirk se jo va kar rahe hai

vah farishton ko apane hukm kee rooh (vahyal) ke saath apane jis bande par chaahata hai utaarata hai ki "sachet kar do, mere siva koee poojy-prabhu nahin. atah tum mera hee dar rakho.

usane aakaashon aur dharatee ko soddeshy paida kiya. vah atyant uchch hai us shirk se jo ve kar rahe hai

usane manushyon ko ek boond se paida kiya. phir kya dekhate hai ki vah khula jhagadanevaala ban gaya

rahe pashu, unhen bhee usee ne paida kiya, jisamen tumhaare lie ooshma praapt karane ka saamaan bhee hai aur hain any kitane hee laabh. unamen se kuchh ko tum khaate bhee ho

unamen tumhaare lie saundary bhee hai, jabaki tum saayankaal unhen laate aur jabaki tum unhen charaane le jaate ho

ve tumhaare bojh dhokar aise bhoobhaag tak le jaate hain, jahaan tum jee-tod parishram ke bina nahin pahunch sakate the. nissandeh tumhaara rab bada hee karunaamay, dayaavaan hai

aur ghode aur khachchar aur gadhe bhee paida kie, taaki tum unapar savaar ho aur shobha ka kaaran bhee. aur vah use bhee paida karata hai, jise tum nahin jaanate

allaah ke lie zarooree hai uchit evan anukool maarg dikhaana aur kuchh maarg tedhe bhee hai. yadi vah chaahata to tum sabako avashy seedha maarg dikha deta

vahee hai jisane aakaash se tumhaare lie paanee utaara, jise tum peete ho aur usee se ped aur vanaspatiyaan bhee ugatee hai, jinamen tum jaanavaron ko charaate ho

aur usee se vah tumhaare lie khetiyaan ugaata hai aur zaitoon, khajoor, angoor aur har prakaar ke phal paida karata hai. nishchay hee soch-vichaar karanevaalon ke lie isamen ek nishaanee hai

aur usane tumhaare lie raat aur din ko aur soory aur chandrama ko kaaryarat kar rakha hai. aur taare bhee usee kee aagya se kaaryarat hai - nishchay hee isamen un logon ke lie nishaaniyaan hai jo buddhi se kaam lete hai

aur dharatee mein tumhaare lie jo rang-birang kee cheeze bikher rakhee hai, usamen bhee un logon ke lie badee nishaanee hai jo shiksha lenevaale hai

vahee to hai jisane samudr ko vash mein kiya hai, taaki tum usase taaza maans lekar khao aur usase aabhooshan nikaalo, jise tum pahanate ho. tum dekhate hee ho ki naukaen usako cheeratee huee chalatee hain (taaki tum safar kar sako) aur taaki tum usaka anugrah talaash karo aur taaki tum krtagyata dikhalao

aur usane dharatee mein atal pahaad daal die, ki vah tumhen lekar jhuk na pade. aur nadiyaan banaee aur praakrtik maarg banae, taaki tum maarg pa sako

aur maarg chinh bhee banae aur taaron ke dvaara bhee log maarg par lete hai

phir kya jo paida karata hai vah us jaisa ho sakata hai, jo paida nahin karata? phir kya tumhen hosh nahin hota

aur yadi tum allaah kee nematon (krpaadaanon) ko ginana chaaho to unhen poorn-roop se gin nahin sakate. nissandeh allaah bada kshamaasheel, atyant dayaavaan hai

aur allaah jaanata hai jo kuchh tum chhipaate ho aur jo kuchh prakat karate ho

aur jinhen ve allaah se hatakar pukaarate hai ve kisee cheez ko bhee paida nahin karate, balki ve svayan paida kie jaate hai

tumhaara poojy-prabhu akela prabhu-poojy hai. kintu jo aakhirat mein vishvaas nahin rakhate, unake dilon ko inakaar hai. ve apane aapako bada samajh rahe hai

nishchay hee allaah bhalee-bhaanti jaanata hai, jo kuchh ve chhipaate hai aur jo kuchh prakat karate hai. use aise log priy nahin, jo apane aapako bada samajhate ho

aur jab unase kaha jaata hai ki "tumhaare rab ne kya avatarit kiya hai?" kahate hai, "ve to pahale logon kee kahaaniyaan hai.

isaka parinaam yah hoga ki ve qiyaamat ke din apane bojh bhee poore uthaenge aur unake bojh mein se bhee jinhen ve agyaanata ke kaaran pathabhrasht kar rahe hai. sun lo, bahut hee bura hai vah bojh jo ve utha rahe hai

jo unase pahale guzar hai ve bhee makkaariyaan kar chuke hai. phir allaah unake bhavan par neevon kee or se aaya aur chhat unapar unake oopar se aa giree aur aise rukh se unapar yaatana aaee jisaka unhen ehasaas tak na tha

phir qiyaamat ke din allaah unhen apamaanit karega aur kahega, "kahaan hai mere ve saajheedaar, jinake lie tum ladate-jhagadate the?" jinhen gyaan praapt tha ve kahenge, "nishchay hee aaj rusavaee aur kharaabee hai inakaar karanevaalon ke lie.

jinakee roohon ko farishte is dasha mein grast karate hai ki ve apane aap par atyaachaar kar rahe hote hai, tab aagyaakaaree evan vasheebhoot hokar aa jhukate hai ki "ham to koee buraee nahin karate the." "nahin, balki allaah bhalee-bhaanti jaanata hai jo kuchh tum karate rahe ho

to ab jahannam ke dvaaron mein, usamen sadaiv rahane ke lie pravesh karo. atah nishchay hee bahut hee bura thikaana hai yah ahankaariyon ka.

doosaree or jo dar rakhanevaale hai unase kaha jaata hai, "tumhaare rab ne kya avatarit kiya?" ve kahate hai, "jo sabase uttam hai." jin logon ne bhalaee kee unakee is duniya mein bhee achchhee haalat hai aur aakhirat ka ghar to achchha hai hee. aur kya hee achchha ghar hai dar rakhanevaalon ka

sadaiv rahane ke baag jinamen ve pravesh karenge, unake neeche naharen bah raheen hongee, unake lie vahaan vah sab kuchh sanchit hoga, jo ve chaahe. allaah dar rakhanevaalon ko aisa hee pratidaan pradaan karata hai

jinakee roohon ko farishte is dasha mein grast karate hai ki ve paak aur nek hote hai, ve kahate hai, "tum par salaam ho! pravesh karo jannat mein usake badale mein jo kuchh tum karate rahe ho.

kya ab ve isee kee prateeksha kar rahe hai ki farishte unake paas aa pahunche ya tere rab ka aadesh hee aa jae? aisa hee un logo ne bhee kiya, jo inase pahale the. allaah ne unapar atyaachaar nahin kiya, kintu ve svayan apane oopar atyaachaar karate rahe

antatah unakee karatooton kee buraiyaan unapar aa padee, aur jisaka upahaas ve kahate the, usee ne unhen aa ghera

shirk karanevaalon ka kahana hai, "yadi allaah chaahata to usase hatakar kisee cheez kee na ham bandagee karate aur na hamaare baap-daada hee aur na ham usake bina kisee cheez ko avaidh thaharaate." unase pahale ke logon ne bhee aisa hee kiya. to kya saaf-saaf sandesh pahuncha dene ke siva rasoolon par koee aur bhee zimmedaaree hai

hamane har samudaay mein koee na koee rasool bheja ki "allaah kee bandagee karo aur taagoot se bacho." phir unamen se kisee ko to allaah ne seedhe maarg par lagaaya aur unamen se kisee par pathabhrasht siddh hokar rahee. phir tanik dharatee mein chal-phirakar to dekho ki jhuthalaanevaalon ka kaisa parinaam hua

yadyapi is baat ka ki ve raah par aa jaen tumhen laalach hee kyon na ho, kintu allaah jise bhataka deta hai, use vah maarg nahin dikhaaya karata aur aise logon ka koee sahaayak bhee nahin hota

unhonne allaah kee kadee-kadee qasamen khaakar kaha, "jo mar jaata hai use allaah nahin uthaega." kyon nahin? yah to ek vaada hai, jise poora karana usake lie anivaary hai - kintu adhikatar log jaanate nahin.

taaki vah unapar usako spasht. kar de, jisake vishay mein ve vibhed karate hai aur isalie bhee ki inakaar karanevaale jaan len ki ve jhoothe the

kisee cheez ke lie jab ham usaka iraada karate hai to hamaara kahana bas yahee hota hai ki usase kahate hai, "ho ja!" aur vah ho jaatee hai

aur jin logon ne isake pashchaat ki unapar zulm dhaaya gaya tha allaah ke lie ghar-baar chhoda unhen ham duniya mein bhee achchha thikaana denge aur aakhirat ka pratidaan to bahut bada hai. kya hee achchha hota ki ve jaanate

ye ve log hai jo jame rahe aur ve apane rab par bharosa rakhate hai

hamane tumase pahale bhee purushon hee ko rasool banaakar bheja tha - jinakee or ham prakaashana karate rahe hai. yadi tum nahin jaanate to anusmrtivaalon se poochh lo

spasht pramaanon aur zabooron (kitaabon) ke saath. aur ab yah anusmrti tumhaaree or hamane avatarit kee, taaki tum logon ke samaksh khol-kholakar bayaan kar do jo kuchh unakee or utaara gaya hai aur taaki ve soch-vichaar karen

phir kya ve log jo aisee buree-buree chaalen chal rahe hai, is baat se nishchint ho gae hai ki allaah unhen dharatee mein dhansa de ya aise mauke se unapar yaatana aa jae jisaka unhen ehasaas tak na ho

ya unhen chalate-phirate hee pakad le, ve qaaboo se baahar nikal jaanevaale to hai nahin

kya allaah kee paida kee huee kisee cheez ko unhonne dekha nahin ki kis prakaar usakee parachhaiyaan allaah ko sajada karatee aur vinamrata dikhaatee huee daen aur baen dhalatee hai

ya vah unhen trast avastha mein pakad le? kintu tumhaara rab to bada hee karunaamay, dayaavaan hai

aur aakaashon aur dharatee mein jitane bhee jeevadhaaree hai ve sab allaah hee ko sajada karate hai aur farishte bhee aur ve ghamand bilakul nahin karate

apane oopar se apane rab ka dar rakhate hai aur jo unhen aadesh hota hai, vahee karate hai

allaah ka faramaan hai, "do-do poojy-prabhu na banao, vah to bas akela poojy-prabhu hai. atah mujhee se daro.

jo kuchh aakaashon aur dharatee mein hai sab usee ka hai. usee ka deen (dharm) sthaayee aur anivaary hai. phir kya allaah ke siva tum kisee aur ka dar rakhoge

tumhaare paas jo bhee nemat hai vah allaah hee kee or se hai. phir jab tumhe koee takaleef pahunchatee hai, to tum usee se fariyaad karate ho

phir jab vah us takaleef ko tumase taal deta hai, to kya dekhate hai ki tumamen se kuchh log apane rab ke saath saajheedaar thaharaane lagate hai

ki parinaamasvaroop jo kuchh hamane unhen diya hai usake prati krtaghnata dikhalaen. achchha, kuchh maze le lo, sheeghr hee tumhen maaloom ho jaega

hamane unhen jo aajeevika pradaan kee hai usamen ve usaka hissa lagaate hai jinhen ve jaanate bhee nahin. allaah kee saugandh! tum jo jhooth ghadate ho usake vishay mein tumase avashy poochha jaega

aur ve allaah ke lie betiyaan thaharaate hai - mahaan aur uchch hai vah - aur apane lie vah, jo ve chaahen

aur jab unamen se kisee ko betee kee shubh soochana milatee hai to usake chahare par kalauns chha jaatee hai aur vah ghuta-ghuta rahata hai

jo shubh soochana use dee gaee vah (usakee drshti mein) aisee buraee kee baat huee jo usake kaaran vah logon se chhipata phirata hai ki apamaan sahan karake use rahane de ya use mittee mein daba de. dekho, kitana bura faisala hai jo ve karate hai

jo log aakhirat ko nahin maanate buree misaal hai unakee. raha allaah, to usakee misaal atyant uchch hai. vah to prabhutvashaalee, tatvadarshee hai

yadi allaah logon ko unake atyaachaar par pakadane hee lag jaata to dharatee par kisee jeevadhaaree ko na chhodata, kintu vah unhen ek nishchit samay tak taale jaata hai. phir jab unaka niyat samay aa jaata hai to ve na to ek ghadee peechhe hat sakate hai aur na aage badh sakate hai

ve allaah ke lie vah kuchh thaharaate hai, jise khud apane lie naapasand karate hai aur unakee zabaane jhooth kahatee hai ki unake lie achchha parinaam hai. nissandeh unake lie aag hai aur ve usee mein pade chhod die jaenge

allaah kee saugandh! ham tumase pahale bhee kitane samudaayon kee or rasool bhej chuke hai, kintu shaitaan ne unakee karatooton ko unake lie suhaavana bana diya. to vahee aaj bhee unaka sanrakshak hai. unake lie to ek dukhad yaatana hai

hamane yah kitaab tumapar iseelie avatarit kee hai ki jisamen ve vibhed kar rahe hai use tum unapar spashta kar do aur yah maargadarshan aur dayaaluta hai un logon ke lie jo eemaan laen

aur allaah hee ne aakaash se paanee barasaaya. phir usake dvaara dharatee ko usake mrt ho jaane ke pashchaat jeevit kiya. nishchay hee isamen un logon ke lie badee nishaanee hai jo sunate hai

aur tumhaare lie chaupaayon mein se ek badee shiksha-saamagree hai, jo kuchh unake peton mein hai usamen se gobar aur rakt se madhy se ham tumhe vishuddh doodh pilaate hai, jo peenevaalon ke lie atyant priy hai

aur khajooron aur angooron ke phalon se bhee, jisase tum maadak cheez bhee taiyaar kar lete ho aur achchhee rozee bhee. nishchay hee isamen buddhi se kaam lenevaale logon ke lie ek badee nishaanee hai

aur tumhaare rab ne mudhamakkhee ke jee mein yah baat daal dee ki "pahaadon mein aur vrkshon mein aur logon ke banae hue chhatron mein ghar bana

phir har prakaar ke phal-phoolon se khuraak le aur apane rab ke samatam maargon par chalatee rah." usake pet se vibhinn rang ka ek pey nikalata hai, jisamen logon ke lie aarogy hai. nishchay hee soch-vichaar karanevaale logon ke lie isamen ek badee nishaanee hai

allaah ne tumhen paida kiya. phir vah tumhaaree aatmaon ko grast kar leta hai aur tumamen se koee (budhaape kee) nikrsht tam avastha kee or phir jaata hai, ki (parinaamasvaroop) jaanane ke pashchaat phir vah kuchh na jaane. nissandeh allaah sarvagy, bada saamarthyavaan hai

aur allaah ne tumamen se kisee ko kisee par rozee mein badaee dee hai. kintu jinako badaee dee gaee hai ve aise nahin hai ki apanee rozee unakee or pher diya karate hon, jo unake qabze mein hai ki ve sab isamen baraabar ho jaen. phir kya allaah ke anugrah ka unhen inakaar hai

aur allaah hee ne tumhaare lie tumhaaree sahajaati patniyon banaee aur tumhaaree patniyon se tumhaare lie putr aur pautr paida kie aur tumhe achchhee paak cheezon kee rozee pradaan kee; to kya ve mithya ko maanate hai aur allaah ke anugrah hee ka unhen inakaar hai

aur allaah se hatakar unhen poojate hai, jinhen aakaashon aur dharatee se rozee pradaan karane ka kuchh bhee adhikaar praapt nahin hai aur na unhen koee saamarthy hee praapt hai

atah allaah ke lie misaalen na ghado. jaanata allaah hai, tum nahin jaanate

allaah ne ek misaal pesh kee hai: ek gulaam hai, jisapar doosare ka adhikaar hai, use kisee cheez par adhikaar praapt nahin. isake vipareet ek vah vyakti hai, jise hamane apanee or se achchhee rozee pradaan kee hai, phir vah usamen se khule aur chhipe kharch karata hai. to kya ve paraspar samaan hai? prashansa allaah ke lie hai! kintu unamen adhikatar log jaanate nahin

allaah ne ek aur misaal pesh kee hai: do vyakti hai. unamen se ek goonga hai. kisee cheez par use adhikaar praapt nahin. vah apane svaamee par ek bojh hai - use vah jahaan bhejata hai, kuchh bhala karake nahin laata. kya vah aur jo nyaay ka aadesh deta hai aur svayan bhee seedhe maarg par hai vah, samaan ho sakate hai

aakaashon aur dharatee ke rahasyon ka sambandh allaah hee se hai. aur us qiyaamat kee ghadee ka maamala to bas aisa hai jaise aankhon ka jhapakana ya vah isase bhee adhik nikat hai. nishchay hee allaah ko har cheez kee saamarthy praaptee hai

allaah ne tumhen tumhaaree maano ke pet se is dasha mein nikaala ki tum kuchh jaanate na the. usane tumhen kaan, aankhen aur dil die, taaki tum krtagyata dikhalao

kya unhonne pakshiyon ko nabh mandal mein vasheebhoot nahin dekha? unhen to bas allaah hee thaamen hue hota hai. nishchay hee isamen un logon ke lie kitanee hee nishaaniyaan hai jo eemaan laen

aur allaah ne tumhaare gharon ko tumhaare lie tikane kee jagah banaaya hai aur jaanavaron kee khaalon se bhee tumhaare lie ghar banae - jinhen tum apanee yaatra ke din aur apane thaharane ke din halka-phulaka paate ho - aur ek avadhi ke lie unake oon, unake lomacharm aur unake baalon se kitane hee saamaan aur baratane kee cheeze banaee

aur allaah ne tumhaare lie apanee paida kee huee cheezon se chhaanvon ka prabandh kiya aur pahaado mein tumhaare lie chhipane ke sthaan banae aur tumhen libaas die jo garmee se bachaate hai aur kuchh any vastr bhee die jo tumhaaree ladaee mein tumhaare lie bachaav ka kaam karate hai. is prakaar vah tumapar apanee nemat pooree karata hai, taaki tum aagyaakaaree bano

phir yadi ve munh modate hai to tumhaara daayitv to keval saaf-saaf sandesh pahuncha dena hai

ve allaah kee nemat ko pahachaanate hai, phir usaka inakaar karate hai aur unamen adhikatar to akrtagy hai

yaad karo jis din ham har samudaay mein se ek gavaah khada karenge, phir jinhonne inakaar kiya hoga unhen koee anumati praapt na hogee. aur na unhen isaka avasar hee diya jaega ve use raazee kar len

aur jab ve log jinhonne atyaachaar kiya, yaatana dekh lenge to na vah unake lie halakee kee jaegee aur na unhen muhalat hee milegee

aur jab ve log jinhonne shirk kiya apane thaharae hue saajheedaaron ko dekhenge to kahenge, "hamaare rab! yahee hamaare ve saajheedaar hai jinhen ham tujhase hatakar pukaarate the." isapar ve unakee or baat phenk maarenge ki "tum bilakul jhoothe ho.

us din ve allaah ke aage aagyaakaaree evan vasheebhoot hokar aa padege. aur jo kuchh ve ghada karate the vah sab unase khokar rah jaega

jin logon ne inakaar kiya aur allaah ke maarg se roka unake lie ham yaatana par yaatana badhaate rahenge, us bigaad ke badale mein jo ve paida karate rahe

aur us samay ko yaad karo jab ham har samudaay mein svayan usake apane logon mein se ek gavaah unapar niyukt karake bhej rahe the aur (isee reeti ke anusaar) tumhen in logon par gavaah niyukt karake lae. hamane tumapar kitaab avatarit kee har cheez ko kholakar bayaan karane ke lie aur muslim (aagyaakaariyon) ke lie maargadarshan, dayaaluta aur shubh soochana ke roop mein

nishchay hee allaah nyaay ka aur bhalaee ka aur naatedaaron ko (unake haq) dene ka aadesh deta hai aur ashleelata, buraee aur sarakashee se rokata hai. vah tumhen naseehat karata hai, taaki tum dhyaan do

allaah ke saath kee huee pratigya ko poora karo, jabaki tumane pratigya kee ho. aur apanee qasamon ko unhen sudrdh karane ke pashchaat mat todo, jabaki tum apane oopar allaah ko apana zaamin bana chuke ho. nishchay hee allaah jaanata hai jo kuchh tum karate ho

tum us stree kee bhaanti na ho jao jisane apana soot mehanat se kaatane ke pashchaat tukad-tukade karake rakh diya. tum apanee qasamon ko paraspar hastakshep karane ka bahaana banaane lago is dhyey se kaheen aisa na ho ki ek giroh doosare giroh se badh jae. baat keval yah hai ki allaah is pratigya ke dvaara tumhaaree pareeksha leta hai aur jis baat mein tum vibhed karate ho usakee vaastavikata to vah qiyaamat ke din avashy hee tum par khol dega

yadi allaah chaahata to tum sabako ek hee samudaay bana deta, parantu vah jise chaahata hai gumaraahee mein chhod deta hai aur jise chaahata hai seedha maarg dikhaata hai. tum jo kuchh bhee karate ho usake vishay mein to tumase avashy poochha jaega

tum apanee qasamon ko paraspar hastakshep karane ka bahaana na bana lena. kaheen aisa na ho ki koee qadam jamane ke pashchaat ukhad jae aur allaah ke maarg se tumhaare rokane ke badale mein tumhen takaleef ka maza chakhana pade aur tum ek badee yaatana ke bhaagee thaharo

aur tuchchh mooly ke lie allaah kee pratigya ka sauda na karo. allaah ke paas jo kuchh hai vah tumhaare lie adhik achchha hai, yadi tum jaano

tumhaare paas jo kuchh hai vah to samaapt ho jaega, kintu allaah ke paas jo kuchh hai vahee baaqee rahanevaala hai. jin logon ne dhairy se kaam liya unhen to, jo uttam karm ve karate rahe usake badale mein, ham avashy unaka pratidaan pradaan karenge

jis kisee ne bhee achchha karm kiya, purush ho ya stree, shart yah hai ki vah eemaan par ho, to ham use avashy pavitr jeevan-yaapan karaenge. aise log jo achchha karm karate rahe usake badale mein ham unhen avashy unaka pratidaan pradaan karenge

atah jab tum quraan padhane lago to phitakaare hue shaitaan se bachane ke lie allaah kee panaah maang liya karo

usaka to un logon par koee zor nahin chalata jo eemaan lae aur apane rab par bharosa rakhate hai

usaka zor to bas unheen logon par chalata hai jo use apana mitr banaate hai aur us (allaah) ke saath saajhee thaharaate hai

jab ham kisee aayat kee jagah doosaree aayat badalakar laate hai - aur allaah bhalee-bhaanti jaanata hai jo kuchh vah avatarit karata hai - to ve kahate hai, "tum svayan hee ghad lete ho!" nahin, balki unamen se adhikatar log nahin jaanate

kah do, "ise ta pavitr aatma ne tumhaare rab kee or kramashah saty ke saath utaara hai, taaki eemaan laanevaalon ko jamaav pradaan kare aur aagyaakaariyon ke lie maargadarshan aur shubh soochana ho

hamen maaloom hai ki ve kahate hai, "usako to bas ek aadamee sikhaata padhaata hai." haalaanki jisakee or ve sanket karate hai usakee bhaasha videshee hai aur yah spasht arabee bhaasha hai

sachchee baat yah hai ki jo log allaah kee aayaton ko nahin maanate, allaah unaka maargadarshan nahin karata. unake lie to ek dukhad yaatana hai

jhooth to bas vahee log ghadate hai jo allaah kee aayaton ko maanate nahin aur vahee hai jo jhoothe hai

jis kisee ne apane eemaan ke pashchaat allaah ke saath kufr kiya -sivaay usake jo isake lie vivash kar diya gaya ho aur dil usaka eemaan par santusht ho - balki vah jisane seena kufr ke lie khol diya ho, to aise logo par allaah ka prakop hai aur unake lie badee yaatana hai

yah isalie ki unhonne aakhirat kee apeksha saansaarik jeevan ko pasand kiya aur yah ki allaah kufr karanevaalo logon ka maargadarshan nahin karata

vahee log hai jinake dilon aur jinake kaanon aur jinakee aankhon par allaah ne muhar laga dee hai; aur vahee hai jo gafalat mein pade hue hai

nishchay hee aakhirat mein vahee ghaate mein rahenge

phir tumhaara rab un logon ke lie jinhonne isake uparaant ki ve aazamaish mein pad chuke the ghar-baar chhoda, phir jihaad (sangharsh) kiya aur jame rahe to in baaton ke pashchaat to nishchay hee tumhaara rab bada kshamaasheel, atyant dayaavaan hai

jis din pratyek vyakti apanee aur pratyek vyakti ko jo kuchh usane kiya hoga, usaka poora-poora badala chuka diya jaega, aur unapar kuchh bhee atyaachaar na hoga

allaah ne ek misaal bayaan kee hai: ek bastee thee jo nishchint aur santusht thee. har jagah se usakee rozee prachurata ke saath chalee aa rahee thee ki vah allaah kee nematon ke prati akrtagyata dikhaane lagee. tab allaah ne usake nivaasiyon ko unakee karatooton ke badale mein bhookh ka maza chakhaaya aur bhay ka vastr pahanaaya

unake paas unheen mein se ek rasool aaya. kintu unhonne use jhuthala diya. antatah yaatana ne unhen is dasha mein aa liya ki ve atyaachaaree the

atah jo kuchh allaah ne tumhen halaal-paak rozee dee hai use khao aur allaah kee nemat ke prati krtagyata dikhao, yadi tum usee ko svaamee maanate ho

usane to tumapar keval murdaar, rakt, suar ka maans aur jisapar allaah ke siva kisee aur ka naam liya gaya ho, haraam thaharaaya hai. phir yadi koee is prakaar vivash ho jae ki na to usakee lalak ho aur na vah had se aage badhanevaala ho to nishchay hee allaah bada kshamaasheel, dayaavaan hai

aur apanee zabaanon ke bayaan kie hue jhooth ke aadhaar par yah na kaha karo, "yah halaal hai aur yah haraam hai," taaki is tarah allaah par jhooth aaropit karo. jo log allaah se sambaddh karake jhooth ghadate hai, ve kadaapi saphal honevaale nahin

yah upabhog thoda hai, unake lie vaastav mein to dukhad yaatana hai

jo yahoodee hai unapar ham pahale ve cheeze haraam kar chuke hai jinaka ullekh hamane tumase kiya. unapar to atyaachaar hamane nahin kiya, balki ve svayan hee apane oopar atyaachaar karate rahe

phir tumhaara rab unake lie jinhonne agyaanavash bura karm kiya, phir isake baad tauba karake sudhaar kar liya, to nishchay hee tumhaara rab isake pashchaat bada kshamaasheel, atyant dayaavaan hai

nishchay hee ibaraaheem kee sthiti ek samudaay kee thee. vah allaah ka aagyaakaaree aur usakee or ekaagr tha. vah koee bahudevavaadee na tha

vah usake (allaah ke) udaar anugrahon ke prati krtagyata dikhalaanevaala tha. allaah ne use chun liya aur use seedhe maarg par chalaaya

aur hamane use duniya mein bhee bhalaee dee aur aakhirat mein bhee vah achchhe poornakaam logon me se hoga

phir ab hamane tumhaaree or prakaashana kee, "ibaraaheem ke tareeqe par chalo, jo bilakul ek or ka ho gaya tha aur bahudevavaadiyon mein se na tha.

sabt to keval un logon par laagoo hua tha jinhonne usake vishay mein vibhed kiya tha. nishchay hee tumhaara rab unake beech qiyaamat ke din usaka faisala kar dega, jisamen ve vibhed karate rahe hai

apane rab ke maarg kee or tatvadarshita aur sadupadesh ke saath bulao aur unase aise dhang se vaad vivaad karo jo uttam ho. tumhaara rab use bhalee-bhaanti jaanata hai jo usake maarg se bhatak gaya aur vah unhen bhee bhalee-bhaanti jaanata hai jo maarg par hai

aur yadi tum badala lo to utana hee jitana tumhen kasht pahuncha ho, kintu yadi tum sabr karo to nishchay hee yah sabr karanevaalon ke lie zyaada achchha hai

sabr se kaam lo - aur tumhaara sabr allaah hee se sambaddh hai - aur un par dukhee na ho aur na usase dil tang ho jo chaalen ve chalate hai

nishchay hee, allaah unake saath hai jo dar rakhate hai aur jo uttamakaar hai