Hindi - Chapter 20 - Ta-Ha

ta॰ ha॰.

hamane tumapar yah quraan isalie nahin utaara ki tum mashaqqat mein pad jao

yah to bas ek anusmrti hai, usake lie jo dare

bhalee-bhaanti avatarit hua hai us satta kee or se, jisane paida kiya hai dharatee aur uchch aakaashon ko

vah rahamaan hai, jo raajaasan par viraajamaan hua

usee ka hai jo kuchh aakaashon mein hai aur jo kuchh dharatee mein hai aur jo kuchh in donon ke madhy hai aur jo kuchh aardr mittee ke neeche hai

tum chaahe baat pukaar kar kaho (ya chupake se), vah to chhipee huee aur atyant gupt baat ko bhee jaanata hai

allaah, ki usake siva koee poojy-prabhoo nahin. usake naam bahut hee achchhe hain.

kya tumhen moosa kee bhee khabar pahunchee

jabaki usane ek aag dekhee to usane apane gharavaalon se kaha, "thaharo! mainne ek aag dekhee hai. shaayad ki tumhaare lie usamen se koee angaara le aaoon ya us aag par main maarg ka pata pa loon.

phir jab vah vahaan pahuncha to pukaara gaya, "ai moosa

main hee tera rab hoon. apane joote utaar de. too pavitr ghaatee tuva mein hai

mainne tujhe chun liya hai. atah sun, jo kuchh prakaashana kee jaatee hai

nissandeh main hee allaah hoon. mere siva koee poojy-prabhu nahin. atah too meree bandagee kar aur meree yaad ke lie namaaz qaayam kar

nishchay hee vah (qiyaamat kee) ghadee aanevaalee hai - sheeghr hee use laoonga, use chhipae rakhata hoon - taaki pratyek vyakti jo prayaas vah karata hai, usaka badala pae

atah jo koee usapar eemaan nahin laata aur apanee vaasana ke peechhe pada hai, vah tujhe usase rok na de, anyatha too vinasht ho jaega

aur ai moosa! yah tere daahine haath mein kya hai

usane kaha, "yah meree laathee hai. main isapar tek lagaata hoon aur isase apanee bakariyon ke lie patte jhaadata hoon aur isase meree doosaree zarooraten bhee pooree hotee hai.

kaha, "daal de use, ai moosa

atah usane daal diya. sahasa kya dekhate hai ki vah ek saanp hai, jo daud raha hai

aur apane haath apane baazoo kee or samet le. vah bina kisee aib ke raushan doosaree nishaanee ke roop mein nikalega

isalie ki ham tujhe apanee badee nishaaniyaan dikhaen

too firaun ke paas ja. vah bahut sarakash ho gaya hai.

usane nivedan kiya, "mere rab! mera seena mere lie khol de

aur mere kaam ko mere lie aasaan kar de

aur meree zabaan kee girah khol de.

ki ve meree baat samajh saken

aur mere lie apane gharavaalon mein se ek sahaayak niyukt kar den

haaroon ko, jo mera bhaee hai

usake dvaara meree kamar mazaboot kar

aur use mere kaam mein shareek kar den

ki ham adhik se adhik teree tasabeeh karen

aur tujhe khoob yaad karen

nishchay hee too hamen khoob dekh raha hai.

kaha, "diya gaya tujhe jo toone maanga, ai moosa

ham to tujhapar ek baar aur bhee upakaar kar chuke hai

jab hamane teree maan ke dil mein yah baat daalee thee, jo ab prakaashana kee ja rahee hai

ki usako sandook mein rakh de; phir use dariya mein daal de; phir dariya use tat par daal de ki use mera shatru aur usaka shatru utha le. mainne apanee or se tujhapar apana prem daala. (taaki too surakshit rahe) aur taaki meree aankh ke saamane tera paalan-poshan ho

yaad kar jabaki teree bahan jaatee aur kahatee thee, kya main tumhen usaka pata bata doon jo isaka paalan-poshan apane zimme le le? is prakaar hamane phir tujhe teree maan ke paas pahuncha diya, taaki usakee aankh thandee ho aur vah shokaakul na ho. aur hamane tujhe bhalee-bhaanti parakha. phir too kaee varsh madayan ke logon mein thahara raha. phir ai moosa! too khaas samay par aa gaya hai

hamane tujhe apane lie taiyaar kiya hai

jo, too aur teree bhaee meree nishaaniyo ke saath; aur meree yaad mein dheele mat padana

jao donon, firaun ke paas, vah sarakash ho gaya hai

usase narm baat karana, kadaachit vah dhyaan de ya dare.

donon ne kaha, "ai hamaare rab! hamen isaka bhay hai ki vah hamapar zyaadatee kare ya sarakashee karane lag jae.

kaha, "daro nahin, mai tumhaare saath hoon. sunata aur dekhata hoon

atah jao, usake paas aur kaho, ham tere rab ke rasool hai. isaraeel kee santaan ko hamaare saath bhej de. aur unhen yaatana na de. ham tere paas tere rab kee nishaanee lekar aae hai. aur salaamatee hai usake lie jo sammaarg ka anusaran kare

nissandeh hamaaree or prakaashana huee hai ki yaatana usake lie hai, jo jhuthalae aur munh phere.

usane kaha, "achchha, tum donon ka rab kaun hai, moosa

kaha, "hamaara rab vah hai jisane har cheez ko usakee aakrti dee, phir tadanukoov nirdeshan kiya.

usane kaha, "achchha to un naslon ka kya haal hai, jo pahale thee

kaha, "usaka gyaan mere rab ke paas ek kitaab mein surakshit hai. mera rab na chookata hai aur na bhoolata hai.

vahee hai jisane tumhaare lie dharatee ko paalana (bichhauna) banaaya aur usane tumhaare lie raaste nikaale aur aakaash se paanee utaara. phir hamane usake dvaara vibhinn prakaar ke ped-paudhe nikaale

khao aur apane chaupaayon ko bhee charao! nissandeh isamen buddhimaanon ke lie bahut-see nishaaniyaan hai

usee se hamane tumhen paida kiya aur usee mein ham tumhen lautaate hai aur usee se tumhen doosaree baar nikaalenge.

aur hamane firaun ko apanee sab nishaaniyaan dikhaee, kintu usane jhuthalaaya aur inakaar kiya.

usane kaha, "ai moosa! kya too hamaare paas isalie aaya hai ki apane jaadoo se hamako hamaare apane bhoobhaag se nikaal de

achchha, ham bhee tere paas aisa hee jaadoo laate hai. ab hamaare aur apane beech ek nishchit sthaan thahara le, koee beech kee jagah, na ham isake viruddh jaen aur na too.

kaha, "utsav ka din tumhaare vaade ka hai aur yah ki log din chadhe ikatthe ho jaen.

tab firaun ne palatakar apane saare hathakande jutae. aur aa gaya

moosa ne un logon se kaha, "tabaahee hai tumhaaree; jhooth ghadakar allaah par na thopo ki vah tumhen ek yaatana se vinasht kar de aur jhooth jis kisee ne bhee ghadakar thopa, vah asaphal raha.

isapar unhonne paraspar bada matabhed kiya aur aur chupake-chupake kaanaaphoosee kee

kahane lage, "ye donon jaadoogar hai, chaahate hai ki apane jaadoo se tumhen tumhaare bhoobhaag se nikaal baahar karen. aur tumhaaree uttam aur uchch pranaalee ko tahas-nahas karake rakh de.

atah tum sab milakar apana upaay juta lo, phir panktibaddh hokar aao. aaj to prabhaavee raha, vahee saphal hai.

ve bole, "ai moosa! ya to tum phenko ya phir ham pahale phenkate hain.

kaha, "nahin, balki tumheen phenko." phir achaanak kya dekhate hai ki unakee rassiyaan aur laathiyaan unake jaadoo se unake khayaal mein daudatee huee prateet huee

aur moosa apane jee mein dara

hamane kaha, "mat dar! nissandeh too hee prabhaavee rahega.

aur daal de jo tere daahine haath mein hai. jo kuchh unhonne racha hai, vah use nigal jaega. jo kuchh unhonne racha hai, vah to bas jaadoogar ka svaang hai aur jaadoogar saphal nahin hota, chaahe vah jaise bhee aae.

antatah jaadoogar sajade mein gir pade, bole, "ham haaroon aur moosa ke rab par eemaan le aae.

usane kaha, "tumane maan liya usako, isase pahale ki main tumhen isakee anugya deta? nishchay hee yah tum sabaka pramukh hai, jisane jaadoo sikhaaya hai. achchha, ab main tumhaara haath aur paanv vipareet dishaon se katava doonga aur khanjoor ke tanon par tumhen soolee de doonga. tab tumhen avashy hee maaloom ho jaega ki hamamen se kisakee yaatana adhik kathor aur sthaayee hai

unhonne kaha, "jo spasht nishaaniyaan hamaare saamane aa chukee hai unake muqaabale mein saugandh hai us satta kee, jisane hamen paida kiya hai, ham kadaapi tujhe praathamikata nahin de sakate. to jo kuchh too faisala karanevaala hai, kar le. too bas isee saansaarik jeevan ka faisala kar sakata hai

ham to apane rab par eemaan le aae, taaki vah hamaaree khataon ko maaf kar de aur is jaadoo ko bhee jisapar toone hamen baadhy kiya. allaah kee uttam aur shesh rahanevaala hai.

saty yah hai ki jo koee apane rab ke paas aparaadhee banakar aaya usake lie jahannam hai, jisamen vah na marega aur na jiega

aur jo koee usake paas momin hokar aaya, jisane achchhe karm kie honge, to aise logon ke lie to oonche darjen hai

adan ke baag hai, jinake neechen naharen bahatee hongee. unamen ve sadaiv rahenge. yah badala hai usaka jisane svayan ko vikasit kiya

aur hamane moosa kee or prakaashana kee, "raaton raat mere bandon ko lekar nikal pad, aur unake lie dariya mein sookha maarg nikaal le. na to tujhe peechha kie jaane aur na pakade jaane ka bhay ho aur na kisee any cheez se tujhe dar lage.

firaun ne apanee sena ke saath unaka peechha kiya. antatah paanee unapar chha gaya, jaisaaki use unapar chha jaana tha

firaun ne apanee qaum ko pathabhrasht kiya aur maarg na dikhaaya

ai eesaraeel kee santaan! hamane tumhen tumhaare shatru se chhutakaara diya aur tumase toor ke daahine chhor ka vaada kiya aur tumapar magn aur salava utaara

khao, jo kuchh paak achchhee cheeze hamane tumhen pradaan kee hai, kintu isamen had se aage na badho ki tumapar mera prakop toot pade aur jis kisee par mera prakop toota, vah to girakar hee raha

aur jo tauba kar le aur eemaan lae aur achchha karm kare, phir seedhe maarg par chalata rahe, usake lie nishchay hee main atyant kshamaasheel hoon.

aur apanee qaum ko chhodakar tujhe sheeghr aane par kis cheez ne ubhaara, ai moosa

usane kaha, "ve mere peechhe hee aur main jaldee badhakar aaya teree or, ai rab! taaki too raazee ho jae.

kaha, "achchha, to hamane tere peechhe teree qaum ke logon ko aazamaish mein daal diya hai. aur saamaree ne unhen pathabhrasht kar daala.

tab moosa atyant krodh aur khed mein dooba hua apanee qaum ke logon kee or palata. kaha, "ai meree qaum ke logon! kya tumase tumhaare rab ne achchha vaada nahin kiya tha? kya tumapar lambee muddat guzar gaee ya tumane yahee chaaha ki tumapar tumhaare rab ka prakop hee toote ki tumane mere vaade ke viruddh aacharan kiya

unhonne kaha, "hamane aapase kie hue vaade ke viruddh apane adhikaar se kuchh nahin kiya, balki logon ke zevaron ke bojh ham uthae hue the, phir hamane unako (aag mein) phenk diya, saamaree ne isee tarah prerit kiya tha.

aur usane unake lie ek bachhada dhaalakar nikaala, ek dhad jisakee aavaaz bail kee thee. phir unhonne kaha, "yahee tumhaara isht-poojy hai aur moosa ka bhee isht -poojy hai, kintu vah bhool gaya hai.

kya ve dekhate na the ki na vah kisee baat ka uttar deta hai aur na use unakee haani ka kuchh adhikaar praapt hai aur na laabh ka

aur haaroon isase pahale unase kah bhee chuka tha ki "meree qaum ke logon! tum isake kaaran bas fitane mein pad gae ho. tumhaara rab to rahamaan hai. atah tum mera anusaran karo aur meree baat maano.

unhonne kaha, "jab tak moosa lautakar hamaare paas na aa jae, ham to isase hee lage baithe rahenge.

usane kaha, "ai haaroon! jab tumane dekha ki ye pathabhrasht ho gae hai, to kis cheez ne tumhen roka

ki tumane mera anusaran na kiya? kya tumane mere aadesh kee avahelana kee

usane kaha, "ai meree maan ke bete! meree daadhee na pakad aur na mera sir! main dara ki too kahenga ki toone isaraeel kee santaan mein phoot daal dee aur meree baat par dhyaan na diya.

(moosa ne) kaha, "ai saamaree! tera kya maamala hai

usane kaha, "mujhe usakee soojh praapt huee, jisakee soojh unhen praapt. na huee. phir mainne rasool ke pad-chinh se ek mutthee utha lee. phir use daal diya aur mere jee ne mujhe kuchh aisa hee sujhaaya.

kaha, "achchha, too ja! ab is jeevan mein tere lie yahee hai ki kahata rahe, koee chhue nahin! aur nishchit vaada hai, jo tere lie ek nishchit vaada hai, jo tujhapar se kadaapi na talega. aur dekh apane isht-poojy ko jisapar too reejha-jama baitha tha! ham use jala daalenge, phir use choorn-vichoorn karake dariya mein bikher denge.

tumhaara poojy-prabhu to bas vahee allaah hai, jisake atirikt koee poojy-prabhu nahin. vah apane gyaan se har cheez par haavee hai.

is prakaar vigat vrttaant ham tumhen sunaate hai aur hamane tumhen apane paas se ek anusmrti pradaan kee hai

jis kisee ne usase munh moda, vah nishchay hee qiyaamat ke din ek bojh uthaega

aise din sadaiv isee vabaal mein pade rahenge aur qiyaamat ke din unake haq mein yah bahut hee bura bojh siddh hoga

jis din soor phoonka jaega aur ham aparaadhiyon ko us din is dasha mein ikattha karenge ki unakee aankhe neelee pad gaee hongee

ve aapas mein chupake-chupake kahenge ki "tum bas das hee din thahare ho.

ham bhalee-bhaanti jaanate hai jo kuchh ve kahenge, jabaki unaka sabase achchhee sammativaala kahega, "tum to bas ek hee din thahare ho.

ve tumase parvaton ke vishay mein poochhate hai. kah do, "mera rab unhen chhool kee tarah uda dega

aur dharatee ko ek samatal chatiyal maidaan banaakar chhodega

tum usamen na koee silavat dekhoge aur na oonch-neech.

us din ve pukaaranevaale ke peechhe chal padenge aur usake saamane koee akad na dikhaee ja sakegee. aavaaze rahamaan ke saamane dab jaengee. ek halkee mand aavaaz ke atirikt tum kuchh na sunoge

us din sifaarish kaam na aaegee. yah aur baat hai ki kisee ke lie rahamaan anugya de aur usake lie baat karane ko pasand kare

vah jaanata hai jo kuchh unake aage hai aur jo kuchh unake peechhe hai, kintu ve apane gyaan se usapar haavee nahin ho sakate

chehare us jeevant, shaashvat satta ke aage jhuken honge. asaphal hua vah jisane zulm ka bojh uthaaya

kintu jo koee achchhe karm kare aur ho vah momin, to use na to kisee zulm ka bhay hoga aur na haq maare jaane ka

aur is prakaar hamane ise arabee quraan ke roop mein avatarit kiya hai aur hamane isamen tarah-tarah se chetaavanee dee hai, taaki ve dar rakhen ya yah unhen hosh dilae

atah sarvochch hai allaah, sachcha samraat! quraan ke (faisale ke) silasile mein jaldee na karo, jab tak ki vah poora na ho jae. teree or usakee prakaashana ho rahee hai. aur kaho, "mere rab, mujhe gyaan mein abhivrddhi pradaan kar.

aur hamane isase pahale aadam se vachan liya tha, kintu vah bhool gaya aur hamane usamen iraade kee mazabootee na paee

aur jab hamane farishton se kaha, "aadam ko sajada karo." to unhonne sajada kiya sivaay ibalees ke, vah inakaar kar baitha

isapar hamane kaha, "ai aadam! nishchay hee yah tumhaara aur tumhaaree patnee ka shatru hai. aisa na ho ki tum donon ko jannat se nikalava de aur tum takaleef mein pad jao

tumhaare lie to aisa hai ki na tum yahaan bhookhe rahoge aur na nange

aur yah ki na yahaan pyaase rahoge aur na dhoop kee takaleef uthaoge.

phir shaitaan ne use ukasaaya. kahane laga, "ai aadam! kya main tujhe shaashvat jeevan ke vrksh ka pata doon aur aise raajy ka jo kabhee jeern na ho

antatah un donon ne usamen se kha liya, jisake parinaamasvaroop unakee chhipaane kee cheeze unake aage khul gaee aur ve donon apane oopar jannat ke patte jod-jodakar rakhane lage. aur aadam ne apane rab kee avagya kee, to vah maarg se bhatak gaya

isake pashchaat usake rab ne use chun liya aur dobaara usakee or dhyaan diya aur usaka maargadarshan kiya

kaha, "tum donon ke donon yahaan se utaro! tumhaare kuchh log kuchh ke shatru honge. phir yadi meree or se tumhen maargadarshan pahunche, to jis kisee ne mere maargadarshan ka anupaalan kiya, vah na to pathabhrasht hoga aur na takaleef mein padega

aur jis kisee ne meree smrti se munh moda to usaka jeevan sankeern hoga aur qiyaamat ke din ham use andha uthaenge.

vah kahega, "ai mere rab! toone mujhe andha kyon uthaaya, jabaki main aankhonvaala tha

vah kahega, "isee prakaar (too sansaar mein andha raha tha) . tere paas meree aayaten aaee thee, to toone unhen bhoola diya tha. usee prakaar aaj tujhe bhulaaya ja raha hai.

isee prakaar ham use badala dete hai jo maryaada ka ullanghan kare aur apane rab kee aayaton par eemaan na lae. aur aakhirat kee yaatana to atyant kathor aur adhik sthaayee hai

phir kya unako isase bhee maarg na mila ki ham unase pahale kitanee hee naslon ko vinasht kar chuke hai, jinakee bastiyon mein ve chalate-phirate hai? nissandeh buddhimaanon ke lie isamen bahut-see nishaaniyaan hai

yadi tere rab kee or se pahale hee ek baat nishchit na ho gaee hotee aur ek avadhi niyat na kee ja chukee hotee, to avashy hee unhen yaatana aa pakadatee

atah jo kuchh ve kahate hai usapar dhairy se kaam lo aur apane rab ka gunagaan karo, sooryoday se pahale aur usake doobane se pahale, aur raat kee ghadiyon mein bhee tasabeeh karo, aur din ke kinaaron par bhee, taaki tum raazee ho jao

aur usakee or aankh uthaakar na dekho, jo kuchh hamane unamen se vibhinn logon ko upabhog ke lie de rakha hai, taaki ham usake dvaara unhen aazamaen. vah to bas saansaarik jeevan kee shobha hai. tumhaare rab kee rozee uttam bhee hai aur sthaayee bhee

aur apane logon ko namaaz ka aadesh karo aur svayan bhee usapar jame raho. ham tumase koee rozee nahin maangate. rozee ham hee tumhen dete hai, aur achchha parinaam to dharmaparaayanata hee ke lie nishchit hai

aur ve kahate hai ki "yah apane rab kee or se hamaare paas koee nishaanee kyon nahin laata?" kya unake paas usaka spasht pramaan nahin aa gaya, jo kuchh ki pahale kee pustakon mein ullikhit hai

yadi ham usake pahale inhen kisee yaatana se vinasht kar dete to ye kahate ki "ai hamaare rab, toone hamaare paas koee rasool kyon na bheja ki isase pahale ki ham apamaanit aur rusava hote, teree aayaton ka anupaalan karane lagate

kah do, "har ek prateeksha mein hai. atah ab tum bhee prateeksha karo. sheeghr hee tum jaan loge ki kaun seedhe maargavaala hai aur kinako maargadarshan praapt hai.