Hindi - Chapter 32 - As-Sajdah

alif॰ laam॰ meem॰

is kitaab ka avataran - isamen sandeh nahin - saare sansaar ke rab kee or se hai

(kya ve isapar vishvaas nahin rakhate) ya ve kahate hai ki "is vyakti ne ise svayan hee ghad liya hai?" nahin, balki vah saty hai tere rab kee or se, taaki too un logon ko saavadhaan kar de jinake paas tujhase pahale koee saavadhaan karanevaala nahin aaya. kadaachit ve maarg paen

allaah hee hai jisane aakaashon aur dharatee ko aur jo kuchh donon ke beech hai chhah dinon mein paida kiya. phir sinhaasan par viraajamaan hua. usase hatakar na to tumhaara koee sanrakshak mitr hai aur na usake muqaabale mein koee sifaaris karanevaala. phir kya tum hosh mein na aaoge

vah kaary kee vyavastha karata hai aakaash se dharatee tak - phir saare maamale usee kee taraf lautate hai - ek din mein, jisakee maap tumhaaree ganana ke anusaar ek hazaar varsh hai

vahee hai paroksh aur pratyaksh ka jaananevaala atyant prabhutvashaalee, dayaavaan hai

jisane harek cheez, jo banaee khoob hee banaee aur usane manushy kee sanrachana ka aarambh gaare se kiya

phir usakee santati ek tuchchh paanee ke sat se chalaee

phir use theek-theek kiya aur usamen apanee rooh (aatma) phoonkee. aur tumhen kaan aur aankhen aur dil die. tum aabhaaree thode hee hote ho

aur unhonne kaha, "jab ham dharatee mein ral-mil jaenge to phir kya ham vaastab mein naveen kaay mein jeevit honge?" nahin, balki unhen apane rab se milane ka inakaar hai

kaho, "mrtyu ka farishta jo tumapar niyukt hai, vah tumhen poorn roop se apane qabje mein le leta hai. phir tum apane rab kee or vaapas honge.

aur yadi kaheen tum dekhate jab ve aparaadhee apane rab ke saamane apane sir jhukae honge ki "hamaare rab! hamane dekh liya aur sun liya. ab hamen vaapas bhej de, taaki ham achchhe karm karen. nissandeh ab hamen vishvaas ho gaya.

yadi ham chaahate to pratyek vyakti ko usaka apana sammaarg dikha dete, tintu meree or se baat satyaapit ho chukee hai ki "main jahannam ko jinnon aur manushyon, sabase bharakar rahoonga.

atah ab chakho maza, isaka ki tumane apane is din ke milan ko bhulae rakha. to hamane bhee tumhen bhula diya. shaashvat yaatana ka rasaasvaadan karo, usake badale mein jo tum karate rahe ho

hamaaree aayaton par jo bas vahee log eemaan laate hai, jinhen unake dvaara jab yaad dilaaya jaata hai to sajade mein gir padate hai aur apane rab ka gunagaan karate hai aur ghamand nahin karate

unake pahaloo bistaron se alag rahate hai ki ve apane rab ko bhay aur laalasa ke saath pukaarate hai, aur jo kuchh hamane unhen diya hai usamen se kharch karate hai

phir koee praanee nahin jaanata aankhon kee jo thandak usake lie chhipa rakhee gaee hai usake badale mein dene ke dhyey se jo ve karate rahe honge

bhala jo vyakti eemaanavaala ho vah us vyakti jaisa ho sakata hai jo avagyaakaaree ho? ve baraabar nahin ho sakate

rahe ve log ja eemaan lae aur unhen achchhe karm kie, unake lie jo karm ve karate rahe usake badale mein aatithy svaroop rahane ke baag hai

rahe ve log jinhonne seema ka ullanghan kiya, unaka thikaana aag hai. jab kabhee bhee ve chaahenge ki usase nikal jaen to usee mein lauta die jaenge aur unase kaha jaega, "chakho us aag kee yaatana ka maza, jise tum jhooth samajhate the.

ham badee yaatana se itar unhen chhotee yaatana ka maza chakhaenge, kadaachit ve palat aaen

aur us vyakti se badhakar atyaachaaree kaun hoga jise usake rab kee aayaton ke dvaara yaad dilaaya jae,phir vah unase munh pher le? nishchay hee ham aparaadhiyon se badala lekar rahenge

hamane moosa ko kitaab pradaan kee thee - atah usake milane ke prati tum kisee sandeh mein na rahana aur hamane isaraeel kee santaan ke lie us (kitaab) ko maargadarshan banaaya tha

aur jab ve jame rahe aur unhen hamaaree aayaton par vishvaas tha, to hamane unamen aise naayak banae jo hamaare aadesh se maarg dikhaate the

nishchay hee tera rab hee qiyaamat ke din unake beech un baaton ka faisala karega, jinamen ve matabhed karate rahe hai

kya unake lie yah cheez bhee maargadarshak siddh nahin huee ki unase pahale kitanee hee naslon ko ham vinasht kar chuke hai, jinake rahane-basane kee jagahon mein ve chalate-phirate hai? nissandeh isamen bahut-see nishaaniyaan hai. phir kya ve sunane nahin

kya unhonne dekha nahin ki ham sookhee padee bhoomi kee or paanee le jaate hai. phir usase khetee ugaate hai, jisamen se unake chaupae bhee khaate hai aur ve svayan bhee? to kya unhen soojhata nahin

ve kahate hai ki "yah faisala kab hoga, yadi tum sachche ho

kah do ki "faisale ke din inakaar karanevaalon ka eemaan unake lie kuchh laabhadaayak na hoga aur na unhen theel hee dee jaegee.

achchha, unhen unake haal par chhod do aur prateeksha karo. ve bhee pareekshaarat hai