Hindi - Chapter 4 - An-Nisa

ai logon! apane rab ka dar rakhon, jisane tumako ek jeev se paida kiya aur usee jaati ka usake lie joda paida kiya aur un donon se bahut-se purush aur striyaan phaila dee. allaah ka dar rakho, jisaka vaasta dekar tum ek-doosare ke saamane maangen rakhate ho. aur naate-rishton ka bhee tumhen khayaal rakhana hain. nishchay hee allaah tumhaaree nigaraanee kar raha hain

aur anaathon ko unaka maal de do aur buree cheez ko achchhee cheez se na badalo, aur na unake maal ko apane maal ke saath milaakar kha jao. yah bahut bada gunaah hain

aur yadi tumhen aashanka ho ki tum anaathon (anaath ladakiyon) ke prati nyaay na kar sakoge to unamen se, jo tumhen pasand hon, do-do ya teen-teen ya chaar-chaar se vivaah kar lo. kintu yadi tumhen aashanka ho ki tum unake saath ek jaisa vyavahaar na kar sakonge, to phir ek hee par bas karo, ya us stree (laundee) par jo tumhaare qabze mein aaee ho, usee par bas karo. isamen tumhaare nyaay se na hatane kee adhik sambhaavana hai

aur striyon ko unake mahra khushee se ada karo. haan, yadi ve apanee khushee se usamen se tumhaare lie chhod de to use tum achchha aur paak samajhakar khao

aur apane maal, jise allaah ne tumhaare lie jeevan-yaapan ka saadhan banaaya hai, besamajh logon ko na do. unhen usamen se khilaate aur pahanaate raho aur unase bhalee baat kaho

aur anaathon ko jaanchate raho, yahaan tak ki jab ve vivaah kee avastha ko pahunch jaen, to phir yadi tum dekho ki unamen soojh-boojh aa gaee hai, to unake maal unhen saump do, aur is bhay se ki kaheen ve bade na ho jaen tum unake maal anuchit roop se udaakar aur jaldee karake na khao. aur jo dhanavaan ho, use to (is maal se) se bachana hee chaahie. haan, jo nirdhan ho, vah uchit reeti se kuchh kha sakata hai. phir jab unake maal unhen saumpane lago, to unakee maujoodagee mein gavaah bana lo. hisaab lene ke lie allaah kaafee hai

purushon ka us maal mein ek hissa hai jo maan-baap aur naatedaaron ne chhoda ho; aur striyon ka bhee us maal mein ek hissa hai jo maal maan-baap aur naatedaaron ne chhoda ho - chaah vah thoda ho ya adhik ho - yah hissa nishchit kiya hua hai

aur jab baantane ke samay naatedaar aur anaath aur muhataaj upasthit ho to unhen bhee usamen se (unaka hissa) de do aur unase bhalee baat karo

aur logon ko darana chaahie ki yadi ve svayan apane peechhe apane nirbal bachche chhodate to unhen un bachchon ke vishay mein kitana bhay hota. to phir unhen allaah se darana chaahie aur theek seedhee baat kahanee chaahie

jo log anaathon ke maal anyaay ke saath khaate hai, vaastav mein ve apane pet aag se bharate hai, aur ve avashy bhadakatee huee aag mein padege

allaah tumhaaree santaan ke vishay mein tumhen aadesh deta hai ki do betiyon ke hisse ke baraabar ek bete ka hissa hoga; aur yadi do se adhik betiyaan hee ho to unaka hissa chhodee huee sampatti ka do tihaee hai. aur yadi vah akelee ho to usake lie aadha hai. aur yadi maranevaale kee santaan ho jo usake maan-baap mein se pratyek ka usake chhode hue maal ka chhatha hissa hai. aur yadi vah nissantaan ho aur usake maan-baap hee usake vaaris hon, to usakee maan ka hissa tihaee hoga. aur yadi usake bhaee bhee ho, to usaka maan ka chhatha hissa hoga. ye hisse, vaseeyat jo vah kar jae pooree karane ya rn chuka dene ke pashchaat hai. tumhaare baap bhee hai aur tumhaare bete bhee. tum nahin jaanate ki unamen se laabh pahunchaane kee drshti se kaun tumase adhik nikat hai. yah hissa allaah ka nishchit kiya hua hai. allaah sab kuchh jaanata, samajhata hai

aur tumhaaree patni yon ne jo kuchh chhoda ho, usamen tumhaara aadha hai, yadi unakee santaan na ho. lekin yadi unakee santaan ho to ve chhode, usamen tumhaara chauthaee hoga, isake pashchaat ki jo vaseeyat ve kar jaen vah pooree kar dee jae, ya jo rn (unapar) ho vah chuka diya jae. aur jo kuchh tum chhod jao, usamen unaka (patniyon ka) chauthaee hissa hoga, yadi tumhaaree koee santaan na ho. lekin yadi tumhaaree santaan hai, to jo kuchh tum chhodoge, usamen se unaka (patniyon ka) aathavaan hissa hoga, isake pashchaat ki jo vaseeyat tumane kee ho vah pooree kar dee jae, ya jo rn ho use chuka diya jae, aur yadi kisee purush ya stree ke na to koee santaan ho aur na usake maan-baap hee jeevit ho aur usake ek bhaee ya bahan ho to un donon mein se pratyek ko chhatha hissa hoga. lekin yadi ve isase adhik hon to phir ek tihaee mein ve sab shareek honge, isake pashchaat ki jo vaseeyat usane kee vah pooree kar dee jae ya jo rn (usapar) ho vah chuka diya jae, shart yah hai ki vah haanikar na ho. yah allaah kee or se taakeedee aadesh hai aur allaah sab kuchh jaananevaala, atyant sahanasheel hai

ye allaah kee nishchit kee huee seemaen hai. jo koee allaah aur usake rasool ke aadeshon ka paalan karega, use allaah aise baagon mein daakhil karega jinake neeche naharen bah rahee hongee. unamen vah sadaiv rahega aur yahee badee saphalata hai

parantu jo allaah aur usake rasool kee avagya karega aur usakee seemaon ka ullanghan karega use allaah aag mein daalega, jisamen vah sadaiv rahega. aur usake lie apamaanajanak yaatana hai

aur tumhaaree striyon mein se jo vyabhichaar kar baithe, unapar apane mein se chaar aadamiyon kee gavaahee lo, phir yadi ve gavaahee de den to unhen gharon mein band rakho, yahaan tak ki unakee mrtyu aa jae ya allaah unake lie koee raasta nikaal de

aur tumamen se jo do purush yah karm karen, unhen prataadit karo, phir yadi ve tauba kar le aur apane aapako sudhaar len, to unhen chhod do. allaah tauba qabool karanevaala, dayaavaan hai

unhee logon kee tauba qabool karana allaah ke zimme hai jo bhaavanaon mein bah kar naadaanee se koee buraee kar baithe, phir jald hee tauba kar len, aise hee log hai jinakee tauba allaah qabool karata hai. allaah sab kuchh jaananevaala, tatvadarshee hai

aur aise logon kee tauba nahin jo bure kaam kie chale jaate hai, yahaan tak ki jab unamen se kisee kee mrtyu ka samay aa jaata hai to kahane lagata hai, "ab main tauba karata hoon." aur isee prakaar tauba unakee bhee nahin hai, jo marate dam tak inakaar karanevaale hee rahe. aise logon ke lie hamane dukhad yaatana taiyaar kar rakhee hai

ai eemaan laanevaalo! tumhaare lie vaidh nahin ki striyon ke maal ke zabaradastee vaaris ban baitho, aur na yah vaidh hai ki unhen isalie roko aur tang karo ki jo kuchh tumane unhen diya hai, usamen se kuchh le udo. parantu yadi ve khule roop mein ashisht karm kar baithe to doosaree baat hai. aur unake saath bhale tareeqe se raho-saho. phir yadi ve tumhen pasand na hon, to sambhav hai ki ek cheez tumhen pasand na ho aur allaah usamen bahut kuchh bhalaee rakh de

aur yadi tum ek patnee kee jagah doosaree patnee laana chaaho to, chaahe tumane unamen kisee ko dheron maal de diya ho, usamen se kuchh mat lena. kya tum usapar jhootha aarop lagaakar aur khule roop mein haq maarakar use loge

aur tum use kis tarah le sakate ho, jabaki tum ek-doosare se mil chuke ho aur ve tumase drdh pratigya bhee le chukee hai

aur un striyon se vivaah na karo, jinase tumhaare baap vivaah kar chuke hon, parantu jo pahale ho chuka so ho chuka. nissandeh yah ek ashleel aur atyant apriy karm hai, aur buree reeti hai

tumhaare lie haraam hai tumhaaree maen, betiyaan, bahanen, phoophiyaan, mausiyaan, bhateetiyaan, bhaanjiya, aur tumhaaree ve maen jinhonne tumhen doodh pilaaya ho aur doodh ke rishte se tumhaaree bahanen aur tumhaaree saasen aur tumhaaree patniyon kee betiyaan jinase tum sambhog kar chuk ho. parantu yadi sambhog nahin kiya hai to isamen tumapar koee gunaah nahin - aur tumhaare un beton kee patniyaan jo tumase paida hon aur yah bhee ki tum do bahanon ko ikattha karo; jo pahale jo ho chuka so ho chuka. nishchay hee allaah atyant kshamaasheel, dayaavaan hai

aur vivaahit striyaan bhee varjit hai, sivaay unake jo tumhaaree laundee hon. yah allaah ne tumhaare lie anivaary kar diya hai. inake atirikt shesh striyaan tumhaare lie vaidh hai ki tum apane maal ke dvaara unhen praapt karo unakee paakadaamanee kee suraksha ke lie, na ki yah kaam svachchhand kaam-trpti ke lie ho. phir unase daampaty jeevan ka aanand lo to usake badale unaka nishchit kiya hue haq (mahri) ada karo aur yadi haq nishchit ho jaane ke pashchaat tum aapam mein apanee prasannata se koee samajhauta kar lo, to isamen tumhaare lie koee dosh nahin. nissandeh allaah sab kuchh jaananevaala, tatvadarshee hai

aur tumamen se jis kisee kee itanee saamarthy na ho ki paakadaaman, svatantr, eemaanavaalee striyon se vivaah kar sake, to tumhaaree ve eemaanavaalee javaan laudiyaan hee sahee jo tumhaare qabze mein ho. aur allaah tumhaare eemaan ko bhalee-bhaanti jaanata hai. tum sab aapas mein ek hee ho, to unake maalikon kee anumati se tum unase vivaah kar lo aur saamaany niyam ke anusaar unhen unaka haq bhee do. ve paakadaamanee kee suraksha karanevaalee hon, svachchhand kaam-trpti na karanevaalee hon aur na ve choree-chhipe gairo se prem karanevaalee hon. phir jab ve vivaahita bana lee jaen aur usake pashchaat koee ashleel karm kar baithen, to jo dand sammaanit striyon ke lie hai, usaka aadha unake lie hoga. yah tumamen se us vyakti ke lie hai, jise kharaabee mein pad jaane ka bhay ho, aur yah ki tum dhairy se kaam lo to yah tumhaare lie adhik achchha hai. nissandeh allaah bahut kshamaasheel, dayaavaan hai

allaah chaahata hai ki tumapar spasht kar de aur tumhen un logon ke tareeqon par chalae, jo tumase pahale hue hai aur tumapar dayaadrshti kare. allaah to sab kuchh jaananevaala, tatvadarshee hai

aur allaah chaahata hai ki jo tumapar dayaadrshti kare, kintu jo log apanee tuchchh ichchhaon ka paalan karate hai, ve chaahate hai ki tum raah se hatakar bahut door ja pado

allaah chaahata hai ki tumapar se bojh halaka kar de, kyonki inasaan nirbal paida kiya gaya hai

ai eemaan laanevaalo! aapas mein ek-doosare ke maal galat tareeqe se na khao - yah aur baat hai ki tumhaaree aapas mein razaamandee se koee sauda ho - aur na apanon kee hatya karo. nissandeh allaah tumapar bahut dayaavaan hai

aur jo koee zulm aur zyaadatee se aisa karega, to use ham jald hee aag mein jhonk denge, aur yah allaah ke lie saral hai

yadi tum un bade gunaahon se bachate raho, jinase tumhe roka ja raha hai, to ham tumhaaree buraiyon ko tumase door kar denge aur tumhen pratishthit sthaan mein pravesh karaenge

aur usakee kaamana na karo jisamen allaah ne tumase kisee ko kisee se uchch rakha hai. purushon ne jo kuchh kamaaya hai, usake anusaar unaka hissa hai aur striyon ne jo kuchh kamaaya hai, usake anusaar unaka hissa hai. allaah se usaka udaar daan chaaho. nissandeh allaah ko har cheez ka gyaan hai

aur pratyek maal ke lie, jo maan-baap aur naatedaar chhod jaen, hamane vaasis thahara die hai aur jin logon se apanee qasamon ke dvaara tumhaara pakka maamala hua ho, to unhen bhee unaka hissa do. nissandeh har cheez allaah ke samaksh hai

pati patniyon sanrakshak aur nigaraan hai, kyonki allaah ne unamen se kuchh ko kuchh ke muqaabale mein aage raha hai, aur isalie bhee ki patiyon ne apane maal kharch kie hai, to nek patniyaan to aagyaapaalan karanevaalee hotee hai aur gupt baaton kee raksha karatee hai, kyonki allaah ne unakee raksha kee hai. aur jo patniyon aisee ho jinakee sarakashee ka tumhen bhay ho, unhen samajhao aur bistaron mein unhen akelee chhod do aur (ati aavashyak ho to) unhen maaro bhee. phir yadi ve tumhaaree baat maanane lage, to unake viruddh koee raasta na dhoodho. allaah sabase uchch, sabase bada hai

aur yadi tumhen pati-patnee ke beech bigaad ka bhay ho, to ek faisala karanevaala purush ke logon mein se aur ek faisala karanevaala stree ke logon mein se niyukt karo, yadi ve donon sudhaar karana chaahenge, to allaah unake beech anukoolata paida kar dega. nissandeh, allaah sab kuchh jaananevaala, khabar rakhanevaala hai

allaah kee bandagee karo aur usake saath kisee ko saajhee na banao aur achchha vyavahaar karo maan-baap ke saath, naatedaaron, anaathon aur muhataajon ke saath, naatedaar padosiyon ke saath aur aparichit padosiyon ke saath aur saath rahanevaale vyakti ke saath aur musaafir ke saath aur unake saath bhee jo tumhaare qabze mein hon. allaah aise vyakti ko pasand nahin karata, jo itaraata aur deengen maarata ho

ve jo svayan kanjoosee karate hai aur logon ko bhee kanjoosee par ubhaarate hai aur allaah ne apane udaar daan se jo kuchh unhen de rakha hota hai, use chhipaate hai, jo hamane akrtagy logon ke lie apamaanajanak yaatana taiyaar kar rakhee hai

ve jo apane maal logon ko dikhaane ke lie kharch karate hai, na allaah par eemaan rakhate hai, na antim din par, aur jis kisee ka saathee shaitaan hua, to vah bahut hee bura saathee hai

unaka bigad jaata, yadi ve allaah aur antim din par eemaan laate aur jo kuchh allaah ne unhen diya hai, usamen se kharch karate hai? allaah unhen bhalee-bhaanti jaanata hai

nissandeh allaah rattee-bhar bhee zulm nahin karata aur yadi koee ek nekee ho to vah use kaee guna badha dega aur apanee or se bada badala dega

phir kya haal hoga jab ham pratyek samudaay mein se ek gavaah laenge aur svayan tumhen in logon ke muqaabale mein gavaah banaakar pesh karenge

us din ve log jinhonne inakaar kiya hoga aur rasool kee avagya kee hogee, yahee chaahenge ki kisee tarah dharatee mein samokar use baraabar kar diya jae. ve allaah se koee baat bhee na chhipa sakenge

ai eemaan laanevaalo! nashe kee dasha mein namaaz mein vyast na ho, jab tak ki tum yah na jaanane lago ki tum kya kah rahe ho. aur isee prakaar naapaakee kee dasha mein bhee (namaaz mein vyast na ho), jab tak ki tum snaan na kar lo, sivaay isake ki tum safar mein ho. aur yadi tum beemaar ho ya safar mein ho, ya tumamen se koee shauch karake aae ya tumane striyon ko haath lagaaya ho, phir tumhen paanee na mile, to paak mittee se kaam lo aur usapar haath maarakar apane chahare aur haathon par malo. nissandeh allaah narmee se kaam lenevaala, atyant kshamaasheel hai

kya tumane un logon ko nahin dekha, jinhen saubhaagy pradaan hua tha arthaat kitaab dee gaee thee? ve pathabhrashtata ke khareedaar bane hue hai aur chaahate hai ki tum bhee raaste se bhatak jao

allaah tumhaare shatruon ko bhalee-bhaanti jaanata hai. allaah ek sanrakshak ke roop mein kaafee hai aur allaah ek sahaayak ke roop mein bhee kaafee hai

ve log jo yahoodee ban gae, ve shabdon ko unake sthaanon se doosaree or pher dete hai aur kahate hain, "samiana va asaina" (hamane suna, lekin ham maanate nahee); aur "isam gai-ra musamin" (suno haalaanki tum sunane ke yogy nahin ho aur "raina" (hamaaree or dhyaan do) - yah ve apanee zabaanon ko tod-marodakar aur deen par choten karate hue kahate hai. aur yadi ve kahate, "samina va a-taana" (hamane suna aur maana) aur "isam" (suno) aur "unazurana" (hamaaree or nigaah karo) to yah unake lie achchha aur adhik theek hota. kintu unapar to unake inakaar ke kaaran allaah kee phitakaar padee huee hai. phir ve eemaan thode hee laate hai

ai logon! jinhen kitaab dee gaee, us cheej ko maano jo hamane utaaree hai, jo usakee pushti mein hai, jo svayan tumhaare paas hai, isase pahale ki ham cheharon kee rooparekha ko mitaakar rakh den aur unhen unake peechh kee or pher den ya unapar laanat karen, jis prakaar hamane sabtavaalon par laanat kee thee. aur allaah ka aadesh to laagoo hokar hee rahata hai

allaah isake kshama nahin karega ki usaka saajhee thaharaaya jae. kintu usase neeche darje ke aparaadh ko jisake lie chaahega, kshama kar dega aur jis kisee ne allaah ka saajhee thaharaaya, to usane ek bada jhooth ghad liya

kya tumane un logon ko nahin dekha jo apane ko poorn evan shisht hone ka daava karate hain? (koee yoon hee shisht nahin hua karata) balki allaah hee jise chaahata hai, poornata evan shishtata pradaan karata hai. aur unake saath tanik bhee atyaachaar nahin kiya jaata

dekho to sahee, ve allaah par kaisa jhooth madhate hain? khule gunaah ke lie to yahee paryaapt hai

kya tumane un logon ko nahin dekha, jinhen kitaab ka ek hissa diy gaya? ve avaastavik cheezo aur taagoot (badh hue sarakash) ko maanate hai. aur adharmiyon ke vishay mein kahate hai, "ye eemaanavaalon se badhakar maarg par hai.

vahee hai jinapar allaah ne laatan kee hai, aur jisapar allaah laanat kar de, usaka tum koee sahaayak kadaapi na paoge

ya baadashaahee mein inaka koee hissa hai? phir to ye logon ko phootee kaudee tak bhee na dete

ya ye logon se isalie eershya karate hai ki allaah ne unhen apane udaar daan se anugrahit kar diya? hamane to ibaraaheem ke logon ko kitaab aur hikamat (tatvadarshita) dee aur unhen bada raajy pradaan kiya

phir unamen se koee usapar eemaan laaya aur usamen se kisee ne kinaara kheech liya. aur (aise logon ke lie) jahannam kee bhadakatee aag hee kaafee hai

jin logon ne hamaaree aayaton ka inakaar kiya, unhen ham jald hee aag mein jhonkenge. jab bhee unakee khaalen pak jaengee, to ham unhen doosaree khaalon mein badal diya karenge, taaki ve yaatana ka maza chakhate hee rahen. nissandeh allaah prabhutvashaalee, tatvadarshee hai

aur jo log eemaan lae aur unhonne achchhe karm kie, unhen ham aise baago mein daakhil karenge, jinake neeche naharen bah raheen hogee, jahaan ve sadaiv rahenge. unake lie vahaan paak jode honge aur ham unhen ghanee chhaanv mein daakhil karenge

allaah tumhen aadesh deta hai ki amaanaton ko unake haqadaaron tak pahuncha diya karo. aur jab logon ke beech faisala karo, to nyaayapoorvak faisala karo. allaah tumhen kitanee achchhee naseehat karata hai. nissadeh, allaah sab kuchh sunata, dekhata hai

ai eemaan laanevaalo! allaah kee aagya ka paalan karo aur rasool ka kahana maano aur unaka bhee kahana maano jo tumamen adhikaaree log hai. phir yadi tumhaare beech kisee maamale mein jhagada ho jae, to use tum allaah aur rasool kee or lautao, yadi tum allaah aur antim din par eemaan rakhate ho. yadi uttam hai aur parinaam kee spasht se bhee achchha hai

kya tumane un logon ko nahin dekha, jo daava to karate hai ki ve us cheez par eemaan rakhate hain, jo tumhaaree or utaaree gaee hai aur tumase pahale utaaree gaee hai. aur chaahate hai ki apana maamala taagoot ke paas le jaakar faisala karaen, jabaki unhen hukm diya gaya hai ki ve usaka inakaar karen? parantu shaitaan to unhen bhatakaakar bahut door daal dena chaahata hai

aur jab unase kaha jaata hai ki aao us cheez kee or jo allaah ne utaaree hai aur aao rasool kee oras to tum munaafiko (kapataachaariyon) ko dekhate ho ki ve tumase kataraakar rah jaate hai

phir kaisee baat hogee ki jab unakee apanee karatooton ke kaaran unapar badee museebat aa padegee. phir ve tumhaare paas allaah kee qasamen khaate hue aate hai ki ham to keval bhalaee aur banaav chaahate the

ye ve log hai jinake dilon kee baat allaah bhalee-bhaanti jaanata hai; to tum unhen jaane do aur unhen samajho aur unase unake vishay mein vah baat kaho jo prabhaavakaaree ho

hamane jo rasool bhee bheja, isalie bheja ki allaah kee anumati se usakee aagya ka paalan kiya jae. aur yadi yah us samay, jabaki inhonne svayan apane oopar zulm kiya tha, tumhaare paas aa jaate aur allaah se kshama kee praarthana karata to nishchay hee ve allaah ko atyant kshamaasheel aur dayaavaan paate

to tumhen tumhaare rab kee kasam! ye eemaanavaale nahin ho sakate jab tak ki apane aapas ke jhagado mein ye tumase faisala na karaen. phir jo faisala tum kar do, usapar ye apane dilon mein koee tangee na paen aur pooree tarah maan le

aur yadi kaheen hamane unhen aadesh diya hota ki "apanon ko qatl karo ya apane gharon se nikal jao." to unamen se thode hee aisa karate. haalaanki jo naseehat unhen dee jaatee hai, agar ve use vyavahaar mein laate to yah baat unake lie achchhee hotee aur zyaada zamaav paida karanevaalee hotee

aur us samay ham unhen apanee or se nishchay hee bada badala pradaan karate

aur unhen seedhe maarg par laga dete

jo allaah aur rasool kee aagya ka paalan karata hai, to aise hee log un logon ke saath hai jinapar allaah kee krpa spasht rahee hai - ve nabee, siddeeq, shaheed aur achchhe log hai. aur ve kitane achchhe saathee hai

yah allaah ka udaar anugrah hai. aur kaafee hai allaah, is haal mein ki vah bhalee-bhaanti jaanata hai

ai eemaan laanevaalo! apane bachaav kee saamragee (hathiyaar aadi) sanbhaalo. phir ya to alag-alag tukadiyon mein nikalo ya ikatthe hokar nikalo

tumase se koee aisa bhee hai jo dheela pad jaata hai, phir yadi tumapar koee museebat aae to kahane lagata hai ki allaah ne mujhapar krpa kee ki main in logon ke saath na gaya

parantu yadi allaah kee or se tumapar koee udaar anugrah ho to vah is prakaar se jaise tumhaare aur unake beech prem ka koee sambandh hee nahin, kahata hai, "kya hee achchha hota ki main bhee unake saath hota, to badee saphalata praapt karata.

to jo log aakhirat (paralok) ke badale saansaarik jeevan ka sauda karen, to unhen chaahie ki allaah ke maarg mein lade. jo allaah ke maarg mein ladegee, chaahe vah maara jae ya vijayee rahe, use ham sheeghr hee bada badala pradaan karenge

tumhen kya hua hai ki allaah ke maarg mein aur un kamazor purushon, auraton aur bachchon ke lie yuddh na karo, jo praarthanaen karate hai ki "hamaare rab! too hamen is bastee se nikaal, jisake log atyaachaaree hai. aur hamaare lie apanee or se too koee samarthak niyukt kar aur hamaare lie apanee or se too koee sahaayak niyukt kar.

eemaan laanevaale to allaah ke maarg mein yuddh karate hai aur adharmee log taagoot (badhe hue sarakash) ke maarg mein yuddh karate hai. atah tum shaitaan ke mitron se lado. nishchay hee, shaitaan kee chaal bahut kamazor hotee hai

kya tumane un logon ko nahin dekha jinase kaha gaya tha ki apane haath roke rakho aur namaaz qaayam karo aur zakaat do? phir jab unhen yuddh ka aadesh diya gaya to kya dekhate hai ki unamen se kuchh logon ka haal yah hai ki ve logon se aisa darane lage jaise allaah ka dar ho ya yah dar usase bhee badhakar ho. kahane lage, "hamaare rab! toone hamapar yuddh kyon anivaary kar diya? kyon na thodee muhalat hamen aur dee?" kah do, "duniya kee poonjee bahut thodee hai, jabaki aakhirat us vyakti ke adhik achchhee hai jo allaah ka dar rakhata ho aur tumhaare saath tanik bhee anyaay na kiya jaega.

tum jahaan kaheen bhee honge, mrtyu to tumhen aakar rahegee; chaahe tum mazaboot burjon (qilon) mein hee (kyon na) ho." yadi unhen koee achchhee haalat pesh aatee hai to kahate hai, "yah to allaah ke paas se hai." parantu yadi unhen koee buree haalat pesh aatee hai to kahate hai, "yah tumhaare kaaran hai." kah do, "harek cheez allaah ke paas se hai." aakhir in logon ko kya ho gaya ki ye aise nahin lagate ki koee baat samajh saken

tumhen jo bhee bhalaee praapt" hotee hai, vah allaah ko or se hai aur jo buree haalat tumhen pesh aa jaatee hai to vah tumhaare apane hee kaaran pesh aatee hai. hamane tumhen logon ke lie rasool banaakar bheja hai aur (isapar) allaah ka gavaah hona kaafee hai

jisane rasool kee aagya ka paalan kiya, usane allaah kee aagya ka paalan kiya aur jisane munh moda to hamane tumhen aise logon par koee rakhavaala banaakar to nahin bheja hai

aur ve daava to aagyaapaalan ka karate hai, parantu jab tumhaare paas se hatate hai to unamen ek giroh apane kathan ke vipareet raat mein shadyantr karata hai . jo kuchh ve shadyantr karate hai, allaah use likh raha hai. to tum unase rukh pher lo aur allaah par bharosa rakho, aur allaah ka kaaryasaadhak hona kaafee hai

kya ve quraan mein soch-vichaar nahin karate? yadi yah allaah ke atirikt kisee aur kee or se hota, to nishchay hee ve isamen bahut-see bemel baaten paate

jab unake paas nishchintata ya bhay kee koee baat pahuchatee hai to use phaila dete hai, haalaanki agar ve use rasool aur apane samudaay ke utaradaayee vyaktiyon tak pahunchaate to use ve log jaan lete jo unamen usakee jaanch kar sakate hai. aur yadi tumapar allaah ka udaar anugrah aur usakee dayaaluta na hotee, to thode logon ke siva tum sab shaitaan ke peechhe chalane lag jaate

atah allaah ke maarg mein yuddh karo - tumapar to bas tumhaaree apanee hee zimmedaaree hai - aur eemaanavaalon kee kamazoriyo ko door karo aur unhen (yuddh ke lie) ubhaaro. isakee bahut sambhaavana hai ki allaah inakaar karanevaalon ke zor ko rok laga de. allaah bada zoravaala aur kathor dand denevaala hai

jo koee achchhee sifaarish karega, use usake kaaran usaka pratidaan milega aur jo buree sifaarish karega, to usake kaaran usaka bojh usapar padakar rahega. allaah ko to har cheez par qaaboo haasil hai

aur tumhen jab salaamatee kee koee dua dee jae, to tum salaamatee kee usase achchhee dua do ya usee ko lauta do. nishchay hee, allaah har cheez ka hisaab rakhata hai

allaah ke siva koee isht -poojy nahin. vah tumhen qiyaamat ke din kee or le jaakar ikattha karake rahega, jisake aane mein koee sandeh nahin, aur allaah se badhakar sachchee baat aur kisakee ho sakatee hai

phir tumhen kya ho gaya hai ki kapataachaariyon (munaafiqo) ke vishay mein tum do giroh ho rahe ho, yadyapi allaah ne to unakee karatooton ke kaaran unhen ulta pher diya hai? kya tum use maarg par laana chaahate ho jise allaah ne gumaraah chhod diya hai? haalaanki jise allaah maarg na dikhae, usake lie tum kadaapi koee maarg nahin pa sakate

ve to chaahate hai ki jis prakaar ve svayan adharmee hai, usee prakaar tum bhee adharmee banakar un jaise ho jao; to tum unamen se apane mitr na banao, jab tak ki ve allaah ke maarg mein gharabaar na chhode. phir yadi ve isase peeth pheren to unhen pakado, aur unhen qatl karo jahaan kahee bhee unhen pao - to unamen se kisee ko na apana mitr banaana aur na sahaayak

sivaay un logon ke jo aise logon se sambandh rakhate hon, jinase tumhaare aur unakee beech koee samajhauta ho ya ve tumhaare paas is dasha mein aaen ki unake dil isase tang ho rahe hon ki ve tumase lade ya apane logon se ladaee karen. yadi allaah chaahata to unhen tumapar qaaboo de deta. phir to ve tumase avashy ladate; to yadi ve tumase alag rahen aur tumase na laden aur sandhi ke lie tumhaaree or haath badhaen to unake viruddh allaah ne tumhaare lie koee raasta nahin rakha hai

ab tum kuchh aise logon ko bhee paoge, jo chaahate hai ki tumhaaree or se nishchint hokar rahen aur apane logon kee or se bhee nishchint hokar rahe. parantu jab bhee ve fasaad aur upadrav kee or phere gae to ve usee mein audhe jo gire. to yadi ve tumase alag-thalag na rahen aur tumhaaree or sulah ka haath na badhaen, aur apane haath na roken, to tum unhen pakado aur qatl karo, jahaan kaheen bhee tum unhen pao. unake viruddh hamane tumhen khula adhikaar de rakha hai

kisee eemaanavaale ka yah kaam nahin ki vah kisee eemaanavaale ka hatya kare, bhool-chook kee baat aur hai. aur yadi koee kyakti yadi galatee se kisee eemaanavaale kee hatya kar de, to ek momin gulaam ko aazaad karana hoga aur arthadand us (maare gae kyakti) ke gharavaalon ko saumpa jae. yah aur baat hai ki ve apanee khushee se chhod den. aur yadi vah un logon mein se ho, jo tumhaare shatru hon aur vah (maara jaanevaala) svayan momin raha to ek momin ko gulaamee se aazaad karana hoga. aur yadi vah un logon mein se ho ki tumhaare aur unake beech koee sandhi aur samajhauta ho, to arthadand usake gharavaalon ko saumpa jae aur ek momin ko gulaamee se aazaad karana hoga. lekin jo (gulaam) na pae to vah nirantar do maas ke roze rakhe. yah allaah kee or se nishchit kiya hua usakee taraf palat aane ka tareeqa hai. allaah to sab kuchh jaananevaala, tatvadarshee hai

aur jo vyakti jaan-boojhakar kisee momin kee hatya kare, to usaka badala jahannam hai, jisamen vah sada rahega; usapar allaah ka prakop aur usakee phitakaar hai aur usake lie allaah ne badee yaatana taiyaar kar rakhee hai

ai eemaan laanevaalo! jab tum allaah ke maarg se nikalo to achchhee tarah pata laga lo aur jo tumhen salaam kare, usase yah na kaho ki tum eemaan nahin rakhate, aur isase tumhaara dhyey yah ho ki saansaarik jeevan ka maal praapt karo. allaah ne tumapar upakaar kiya, jo achchhee tarah pata laga liya karo. jo kuchh tum karate ho allaah usakee pooree khabar rakhata hai

eemaanavaalon mein se ve log jo bina kisee kaaran ke baithe rahate hai aur jo allaah ke maarg mein apane dhan aur praanon ke saath jee-tod koshish karate hai, donon samaan nahin ho sakate. allaah ne baithe rahanevaalon kee apeksha apane dhan aur praanon se jee-tod koshish karanevaalon ka darja badha rakha hai. yadyapi pratyake ke lie allaah ne achchhe badale ka vachan diya hai. parantu allaah ne jee-tod koshish karanevaalon ka bada badala rakha hai

usakee or se darje hai aur kshama aur dayaaluta hai. aur allaah atyant kshamaasheel, dayaavaan hai

jo log apane-aap par atyaachaar karate hai, jab farishte us dasha mein unake praan grast kar lete hai, to kahate hai, "tum kis dasha mein pade rahe?" ve kahate hai, "ham dharatee mein nirbal aur bebas the." farishte kahate hai, "kya allaah kee dharatee vistrt na thee ki tum usamen ghar-baar chhodakar kaheen or chale jaate?" to ye vahee log hai jinaka thikaana jahannam hai. - aur vah bahut hee bura thikaana hai

sivaay un bebas purushon, striyon aur bachchon ke jinake bas mein koee upaay nahin aur na koee raah pa rahe hai

to sambhav hai ki allaah aise logon ko chhod de; kyonki allaah chhod denevaala aur bada kshamaasheel hai

jo koee allaah ke maarg mein gharabaar chhodakar nikalega, vah dharatee mein sharan lene kee bahut jagah aur samaee paega, aur jo koee apane ghar mein sab kuchh chhodakar allaah aur usake rasool kee or nikale aur usakee mrtyu ho jae, to usaka pratidaan allaah ke zimme ho gaya. allaah bahut kshamaasheel, dayaavaan hai

aur jab tum dharatee mein yaatra karo, to isamen tumapar koee gunaah nahin ki namaaz ko kuchh sankshipt kar do; yadi tumhen is baat ka bhay ho ki vidharmee log tumhen sataenge aur kasht pahunchaenge. nishchay hee vidharmee log tumhaare khule shatru hai

aur jab tum unake beech ho aur (ladaee kee dasha mein) unhen namaaz padhaane ke lie khade ho, jo chaahie ki unamen se ek giroh ke log tumhaare saath khade ho jaen aur apane hathiyaar saath lie rahen, aur phir jab ve sajada kar len to unhen chaahie ki ve hatakar tumhaare peechhe ho jaen aur doosare gironh ke log, jinhonne abhee namaaz nahee padhee, aaen aur tumhaare saath namaaz padhe, aur unhen bhee chaahie ki ve bhee apane bachaav ke saamaan aur hathiyaar lie rahen. vidharmee chaahate hee hai ki ve bhee apane hathiyaaron aur saamaan se asaavadhaan ho jao to ve tum par ek saath toot pade. yadi varsha ke kaaran tumhen takaleef hotee ho ya tum beemaar ho, to tumhaare lie koee gunaah nahin ki apane hathiyaar rakh do, phir bhee apanee suraksha ka saamaan lie raho. allaah ne vidharmiyon ke lie apamaanajanak yaatana taiyaar kar rakhee hai

phir jab tum namaaz ada kar chuko to khade, baithe ya lete allaah ko yaad karate raho. phir jab tumhen itameenaan ho jae to vidhivat roop se namaaz padho. nissandeh eemaanavaalon par samay kee paabandee ke saath namaaz padhana anivaary hai

aur un logon ka peechha karane mein sustee na dikhao. yadi tumhen dukh pahunchata hai; to unhen bhee dukh pahunchata hai, jis tarah tumako dukh pahunchata hai. aur tum allaah se us cheez kee aasha karate ho, jis cheez kee ve aasha nahin karate. allaah to sab kuchh jaananevaala, tatvadarshee hai

nissandeh hamane yah kitaab haq ke saath utaaree hai, taaki allaah ne jo kuchh tumhen dikhaaya hai usake anusaar logon ke beech faisala karo. aur tum vishvaasaghaatee logon ko or se jhagadanevaale na bano

allaah se kshama kee praarthana karo. nissandeh allaah bahut kshamaasheel, dayaavaan hai

aur tum un logon kee or se na jhagado jo svayan apanon ke saath vishvaasaghaat karate hai. allaah ko aisa vyakti priy nahin hai jo vishvaasaghaatee, haq maaranevaala ho

ve logon se to chhipate hai, parantu allaah se nahin chhipate. vah to (us samay bhee) unake saath hota hai, jab ve raaton mein us baat kee gupt-mantrana karate hai jo unakee ichchha ke viruddh hotee hai. jo kuchh ve karate hai, vah allaah (ke gyaan) se aachchhadit hai

haan, ye tum hee ho, jinhonne saansaarik jeevan mein unako or se jhagad liya, parantu qiyaamat ke din unakee or se allaah se kaun jhagadega ya kaun unaka vakeel hoga

aur jo koee bura karm kar baithe ya apane-aap par atyaachaar kare, phir allaah se kshama kee praarthana kare, to allaah ko bada kshamaasheel, dayaavaan paega

aur jo vyakti gunaah kamae, to vah apane hee lie kamaata hai. allaah to sarvagy, tatvadarshee hai

aur jo vyakti koee galatee ya gunaah kee kamaee kare, phir use kisee nirdosh par thop de, to usane ek bade laanchhan aur khule gunaah ka bojh apane oopar le liya

yadi tumapar allaah ka udaar anugrah aur usakee dayaaluta na hotee to unamen se kuchh log to yah nishchay kar hee chuke the ki tumhen raah se bhataka den, haalaanki ve apane aap hee ko pathabhrashti kar rahe hai, aur tumhen ve koee haani nahin pahuncha sakate. allaah ne tumapar kitaab aur hikamat (tatvadarshita) utaaree hai aur usane tumhen vah kuchh sikhaaya hai jo tum jaanate na the. allaah ka tumapar bahut bada anugrah hai

unakee adhikatar kaana-phoosiyon mein koee bhalaee nahin hotee. haan, jo vyakti sadaqa dene ya bhalaee karane ya logon ke beech sudhaar ke lie kuchh kahe, to usakee baat aur hai. aur jo koee yah kaam allaah kee prasannata praapt karane ke lie karega, use ham nishchay hee bada pratidaan pradaan karenge

aur jo kyakti, isake pashchaat bhee maargadarshan khulakar usake saamane aa gaya hai, rasool ka virodh karega aur eemaanavaalon ke maarg ke atirikt kisee aur maarg par chalega to use ham usee par chalane denge, jisako usane apanaaya hoga aur use jahannam mein jhonk denge, aur vah bahut hee bura thikaana hai

nissandeh allaah is cheez ko kshama nahin karega ki usake saath kisee ko shaamil kiya jae. haan, isase neeche darje ke aparaadh ko, jisake lie chaahega, kshama kar dega. jo allaah ke saath kisee ko saajhee thaharaata hai, to vah bhatakakar bahut door ja pada

ve allaah se hatakar bas kuchh deviyon ko pukaarate hai. aur ve to bas sarakash shaitaan ko pukaarate hai

jisapar allaah kee phitakaar hai. usane kaha tha, "main tere bandon mein se ekh nishchit hissa lekar rahoonga

aur unhen avashy hee bhatakaoonga aur unhen kaamanaon mein ulajhaoonga, aur unhen hukm doonga to ve chaupaayon ke kaan phaadege, aur unhen main sujhaav doonga to ve allaah kee sanrachana mein parivartan karenge." aur jisane allaah se hatakar shaitaan ko apana sanrakshak aur mitr banaaya, vah khule ghaate mein pad gaya

vah unase vaada karata hai aur unhen kaamanaon mein ulajhae rakhata hai, haalaanki shaitaan unase jo kuchh vaada karata hai vah ek dhoke ke siva kuchh bhee nahin hota

vahee log hai jinaka thikaana jahannam hai aur ve usase alag hone kee koee jagah na paenge

rahe ve log jo eemaan lae aur unhonne achchhe karm kie, unhen ham jald hee aise baagon mein daakhil karenge, jinake neeche naharen bah rahee hongee, jahaan ve sadaiv rahenge. allaah ka vaada sachcha hai, aur allaah se badhakar baat ka sachcha kaun ho sakata hai

baat na tumhaaree kaamanaon kee hai aur na kitaabavaalon kee kaamanaon kee. jo bhee buraee karega use usaka phal milega aur vah allaah se hatakar na to koee mitr paega aur na hee sahaayak

kintu jo achchhe karm karega, chaahe purush ho ya stree, yadi vah eemaanavaala hai to aise log jannat mein daakhil honge. aur unaka haq rattee bhar bhee maara nahin jaega

aur deen (dharm) kee spasht se us vyakti se achchha kaun ho sakata hai, jisane apane aapako allaah ke aage jhuka diya aur ibaraaheem ke tareeqe ka anusaran kare, jo sabase katakar ek ka ho gaya tha? allaah ne ibaraaheem ko apana ghanishth mitr banaaya tha

jo kuchh aakaashon mein aur jo kuchh dharatee mein hai, vah allaah hee ka hai aur allaah har cheez ko ghere hue hai

log tumase striyon ke vishay mein poochhate hai, kaho, "allaah tumhen unake vishay mein hukm deta hai aur jo aayaten tumako is kitaab mein padhakar sunaee jaatee hai, ve un striyon ke, anaathon ke vishay mein bhee hai, jinake haq tum ada nahin karate. aur chaahate ho ki tum unake saath vivaah kar lo aur kamazor yateem bachchon ke baare mein bhee yahee aadesh hai. aur is vishay mein bhee ki tum anaathon ke vishay mein inasaaf par qaayam raho. jo bhalaee bhee tum karoge to nishchay hee, allaah use bhalee-bhaanti jaanata hoga.

yadi kisee stree ko apane pati kee aur se durvyavahaar ya berukhee ka bhay ho, to isamen unake lie koee dosh nahin ki ve donon aapas mein mel-milaap kee koee raah nikaal le. aur mel-milaav achchhee cheez hai. aur man to lobh evan krpanata ke lie udyat rahata hai. parantu yadi tum achchha vyavahaar karo aur (allaah ka) bhay rakho, to allaah ko nishchay hee jo kuchh tum karoge usakee khabar rahegee

aur chaahe tum kitana hee chaaho, tumamen isakee saamarthy nahin ho sakatee ki auraton ke beech poorn roop se nyaay kar sako. to aisa bhee na karo ki kisee se poornaroop se phir jao, jisake parinaamasvaroop vah aisee ho jae, jaise usaka pati kho gaya ho. parantu yadi tum apana vyavahaar theek rakho aur (allaah se) darate raho, to nissandeh allaah bhee bada kshamaasheel, dayaavaan hai

aur yadi donon alag hee ho jaen to allaah apanee samaee se ek ko doosare se bepararavaah kar dega. allaah badee samaeevaala, tatvadarshee hai

aakaashon aur dharatee mein jo kuchh hai, sab allaah hee ka hai. tumase pahale jinhen kitaab dee gaee thee, unhen aur tumhen bhee hamane taakeed kee hai ki "allaah ka dar rakho." yadi tum inakaar karate ho, to isase kya hone ka? aakaashon aur dharatee mein jo kuchh hai, sab allaah hee ka rahega. allaah to nisprh, prashansaneey hai

haan, aakaashon aur dharatee mein jo kuchh hai, allaah hee ka hai aur allaah kaaryasaadhak kee haisiyat se kaafee hai

ai logon! yadi vah chaahe to tumhen hata de aur tumhaaree jagah doosaron ko le aae. allaah ko isakee pooree saamarthy hai

jo koee duniya ka badala chaahata hai, to allaah ke paas duniya ka badala bhee hai aur aakhirat ka bhee. allaah sab kuchh sunata, dekhata hai

ai eemaan laanevaalo! allaah ke lie gavaahee dete hue inasaaf par mazabootee ke saath jame raho, chaahe vah svayan tumhaare apane ya maan-baap aur naatedaaron ke viruddh hee kyon na ho. koee dhanavaan ho ya nirdhan (jisake viruddh tumhen gavaahee denee pade) allaah ko unase (tumase kaheen badhakar) nikatata ka sambandh hai, to tum apanee ichchha ke anupaalan mein nyaay se na hato, kyonki yadi tum her-pher karoge ya kataraoge, to jo kuchh tum karate ho allaah ko usakee khabar rahegee

ai eemaan laanevaalo! allaah par eemaan lao aur usake rasool par aur us kitaab par jo usane apane rasool par utaaree hai aur us kitaab par bhee, jisako vah isake pahale utaar chuka hai. aur jis kisee ne bhee allaah aur usake farishton aur usakee kitaabon aur usake rasoolon aur antim din ka inakaar kiya, to vah bhatakakar bahut door ja pada

rahe ve log jo eemaan lae, phir inakaar kiya; phir eemaan lae, phir inakaar kiya; phir inakaar kee dasha mein badhate chale gae to allaah unhen kadaapi kshama nahin karega aur na unhen raah dikhaega

munaafiko (kapataachaariyon) ko mangal-soochana de do ki unake lie dukhad yaatana hai

jo eemaanavaalon ko chhodakar inakaar karanevaalon ko apana mitr banaate hai. kya unhen unake paas pratishtha kee talaash hai? pratishtha to saaree kee saaree allaah hee ke lie hai

vah kitaab mein tumapar yah hukm utaar chuka hai ki jab tum suno ki allaah kee aayaton ka inakaar kiya ja raha hai aur usaka upahaas kiya ja raha hai, to jab tab ve kisee doosaree baat mein na laga jaen, unake saath na baitho, anyatha tum bhee unheen ke jaise hoge; nishchay hee allaah kapataachaariyon aur inakaar karanevaalon - sabako jahannam mein ekatr karanevaala hai

jo tumhaare maamale mein prateeksha karate hai, yadi allaah kee or se tumhaaree vijay huee to kahate hai, "kya ham tumhaar saath na the?" aur yadi vidharmiyon ke haath kuchh laga to kahate hai, "kya hamane tumhen gher nahin liya tha aur eemaanavaalon se bachaaya nahin?" atah allaah qiyaamat ke din tumhaare beech faisala kar dega, aur allaah vidharmiyon ko eemaanavaalon ke muqaabale mein koee raah nahin dega

kapataachaaree allaah ke saath dhokhabaazee kar rahe hai, haalaanki usee ne unhen dhokhe mein daal rakha hai. jab ve namaaz ke lie khade hote hai to kasamasaate hue, logon ko dikhaane ke lie khade hote hai. aur allaah ko thode hee yaad karate hai

isee ke beech daanvaadol ho rahe hai, na in (eemaanavaalon) kee taraf ke hai, na in (inakaar karanevaalon) kee taraf ke. jise allaah bhataka de, usake lie to tum koee raah nahin pa sakate

ai eemaan laanevaalo! eemaanavaalon se hatakar inakaar karanevaalon ko apana mitr na banao. kya tum chaahate ho ki allaah ka spashta tark apane viruddh jutao

nissandeh kapataachaaree aag (jahannam) ke sabase nichale khand mein honge, aur tum kadaapi unaka koee sahaayak na paoge

un logon kee baat aur hai jinhonne tauba kar lee aur apane ko sudhaar liya aur allaah ko mazabootee se pakad liya aur apane deen (dharm) mein allaah hee ke ho rahe. aise log eemaanavaalon ke saath hai aur allaah eemaanavaalon ko sheeghr hee bada pratidaan pradaan karega

allaah ko tumhen yaatana dekar kya karana hai, yadi tum krtagyata dikhalao aur eemaan lao? allaah gunagraahak, sab kuchh jaananevaala hai

allaah buree baat khullam-khulla kahane ko pasand nahin karata, magar usakee baat aur hai jisapar zulm kiya gaya ho. allaah sab kuchh sunata, jaanata hai

yadi tum khule roop mein nekee aur bhalaee karo ya use chhipao ya kisee buraee ko kshama kar do, to allaah bhee kshama karanevaala, saamarthyavaan hai

jo log allaah aur usake rasoolon ka inakaar karate hai aur chaahate hai ki allaah aur usake rasoolon ke beech vichchhed karen, aur kahate hai ki "ham kuchh ko maanate hai aur kuchh ko nahin maanate" aur is tarah ve chaahate hai ki beech kee koee raah apanaen

vahee log pakke inakaar karanevaale hai aur hamane inakaar karanevaalon ke lie apamaanajanak yaatana taiyaar kar rakhee hai

rahe ve log jo allaah aur usake rasoolon par eemaan rakhate hai aur unamen se kisee ko us sambandh mein prthak nahin karate jo unake beech paaya jaata hai, aise logon ko allaah sheeghr hee unake pratidaan pradaan karega. allaah bada kshamaasheel, dayaavaan hai

kitaabavaalon kee tumase maang hai ki tum unapar aakaash se koee kitaab utaar lao, to ve to moosa se isase bhee badee maang kar chuke hai. unhonne kaha tha, "hamen allaah ko pratyaksh dikha do," to unake is aparaadh par bijalee kee kadak ne unhen aa dabocha. phir ve bachhade ko apana upaasy bana baithe, haalaanki unake paas khulee-khulee nishaaniyaan aa chukee thee. phir hamane use bhee kshama kar diya aur moosa ka spashta bal evan prabhaav pradaan kiya

aur un logon se vachan lene ke saath (toor) pahaad ko unapar utha diya aur unase kaha, "daravaaze mein sajada karate hue pravesh karo." aur unase kaha, "sabt (saamoohik ibaadat ka din) ke vishay mein zyaadatee na karana." aur hamane unase bahut-hee drdh vachan liya tha

phir unake apane vachan bhang karane aur allaah kee aayaton ka inakaar karane ke kaaran aur nabiyon ko naahaq qatl karane aur unake yah kahane ke kaaran ki "hamaare hrday aavaranon mein surakshit hai" - nahin, balki vaastav mein unake inakaar ke kaaran allaah ne unake dilon par thappa laga diya hai. to ye eemaan thode hee laate hai

aur unake inakaar ke kaaran aur marayam ke khilaaph aisee baat karane par jo ek bada laanchhan tha

aur unake is kathan ke kaaran ki hamane marayam ke bete eesa maseeh, allaah ke rasool, ko qatl kar daala - haalaanki na to inhonne use qatl kiya aur na use soolee par chadhaaya, balki maamala unake lie sandigdh ho gaya. aur jo log isamen vibhed kar rahe hai, nishchay hee ve is maamale mein sandeh mein the. atakal par chalane ke atirikt unake paas koee gyaan na tha. nishchay hee unhonne use (eesa ko) qatl nahin kiya

balki use allaah ne apanee or utha liya. aur allaah atyant prabhutvashaalee, tatvadarshee hai

kitaabavaalon mein se koee aisa na hoga, jo usakee mrtyu se pahale usapar eemaan na le aae. vah qiyaamat ke din unapar gavaah hoga

saaraansh yah ki yahoodiyon ke atyaachaar ke kaaran hamane bahut-see achchhee paak cheeze unapar haraam kar dee, jo unake lie halaal thee aur unake praayah allaah ke maarg se rokane ke kaaran

aur unake byaaj lene ke kaaran, jabaki unhen isase roka gaya tha. aur unake avaidh roop se logon ke maal khaane ke kaaran aisa kiya gaya aur hamane unamen se jin logon ne inakaar kiya unake lie dukhad yaatana taiyaar kar rakhee hai

parantu unamen se jo log gyaan mein pakke hai aur eemaanavaale hain, ve us par eemaan rakhate hai jo tumhaaree or utaara gaya hai aur jo tumase pahale utaara gaya tha, aur jo vishesh roop se namaaz qaayam karate hai, zakaat dete aur allaah aur antim din par eemaan rakhate hai. yahee log hai jinhen ham sheeghr hee badee pratidaan pradaan karenge

hamane tumhaaree or usee prakaar vahyad kee hai jis prakaar nooh aur usake baad ke nabiyon kee or vahyu kee. aur hamane ibaraaheem, isamaeel, isahaaq aur yaaqoob aur usakee santaan aur eesa aur ayyoob aur yoonus aur haaroon aur sulaimaan kee or bhee vahyak kee. aur hamane daud ko zaboor pradaan kiya

aur kitane hee rasool hue jinaka vrtaant pahale ham tumase bayaan kar chuke hai aur kitane hee aise rasool hue jinaka vrtaant hamane tumase bayaan nahin kiya. aur moosa se allaah ne baatacheet kee, jis prakaar baatacheet kee jaatee hai

rasool shubh samaachaar denevaale aur sachet karanevaale banaakar bheje gae hai, taaki rasoolon ke pashchaat logon ke paas allaah ke muqaabale mein (apane nirdosh hone ka) koee tark na rahe. allaah atyant prabhutvashaalee, tatvadarshee hai

parantu allaah gavaahee deta hai ki usake dvaara jo usane tumhaaree or utaara hai ki use usane apane gyaan ke saath utaara hai aur farishte bhee gavaahee dete hai, yadyapi allaah ka gavaah hona hee kaafee hai

nishchay hee, jin logon ne inakaar kiya aur allaah ke maarg se roka, ve bhatakakar bahut door ja pade

jin logon ne inakaar kiya aur zulm par utar aae, unhen allaah kadaapi kshama nahin karega aur na unhen koee maarg dikhaega

sivaay jahannam ke maarg ke, jisamen ve sadaiv pade rahenge. aur yah allaah ke lie bahut-hee sahaj baat hai

ai logon! rasool tumhaare paas tumhaare rab kee or se saty lekar aa gaya hai. atah tum us bhalaee ko maano jo tumhaare lie jutaee gaee. aur yadi tum inakaar karate ho to aakaashon aur dharatee mein jo kuchh hai, vah allaah hee ka hai. aur allaah sab kuchh jaananevaala, tatvadarshee hai

ai kitaabavaalon! apane dharm mein had se aage na badho aur allaah se jodakar saty ke atirikt koee baat na kaho. marayam ka beta maseeh-eesa isake atirikt kuchh nahin ki allaah ka rasool hai aur usaka ek kalima hai, jise usane maramay kee or bheja tha. aur usakee or se ek rooh hai. to tum allaah par aur usake rasoolon par eemaan lao aur "teen" na kaho - baaz aa jao! yah tumhaare lie achchha hai - allaah to keval akela poojy hai. yah usakee mahaanata ke pratikool hai ki usaka koee beta ho. aakaashon aur dharatee mein jo kuchh hai, usee ka hai. aur allaah kaaryasaadhak kee haisiyat se kaafee hai

maseeh ne kadaapi apane lie bura nahin samajha ki vah allaah ka banda ho aur na nikatavartee farishton ne hee (ise bura samajha) . aur jo koee allaah kee bandagee ko apane lie bura samajhega aur ghamand karega, to vah (allaah) un sabhee logon ko apane paas ikattha karake rahega

atah jo log eemaan lae aur unhonne achchhe karm kie, jo allaah unhen unaka poora-poora badala dega aur apane udaar anugrah se unhen aur adhik pradaan karega. aur jin logon ne bandagee ko bura samajha aur ghamand kiya, to unhen vah dukhad yaatana dega. aur ve allaah se bach sakane ke lie na apana koee nikat ka samarthak paenge aur na hee koee sahaayak

ai logon! tumhaare paas tumhaare rab kee or se khula pramaan aa chuka hai aur hamane tumhaaree or ek spasht prakaash utaara hai

to rahe ve log jo allaah par eemaan lae aur use mazabootee ke saath pakade rahe, unhen to sheeghr hee apanee dayaaluta aur apane udaar anugrah ke kshetr mein daakhil karega aur unhen apanee or ka seedha maarg diya dega

ve tumase aadesh maaloom karana chaahate hai. kah do, "allaah tumhen aise vyakti ke vishay mein, jisaka koee vaaris na ho, aadesh deta hai - yadi kisee purush kee mrtyu ho jae jisakee koee santaan na ho, parantu usakee ek bahan ho, to jo kuchh usane chhoda hai usaka aadha hissa us bahan ka hoga. aur bhaee bahan ka vaaris hoga, yadi us (bahan) kee koee santaan na ho. aur yadi (vaaris) do bahanen ho, to jo kuchh usane chhoda hai, usamen se unake lie do-tihaee hoga. aur yadi kaee bhaee-bahan (vaaris) ho to ek purush ko hissa do striyon ke baraabar hoga." allaah tumhaare lie aadeshon ko spasht karata hai, taaki tum na bhatako. aur allaah ko har cheej ka poora gyaan hai