Hindi - Chapter 41 - Fussilat

ha॰ meem॰

yah avataran hai bade krpaasheel, atyant dayaavaan kee or se

ek kitaab, jisakee aayaten khol-kholakar bayaan huee hai; arabee quraan ke roop mein, un logon ke lie jo jaanana chaahen

shubh soochak evan sachetakartta kintu unamen se adhikatar katara gae to ve sunate hee nahin

aur unaka kahana hai ki "jisakee or tum hamen bulaate ho usake lie to hamaare dil aavaranon mein hai. aur hamaare kaanon mein bojh hai. aur hamaare aur tumhaare beech ek ot hai; atah tum apana kaam karo, ham to apana kaam karate hai.

kah do, "main to tumheen jaisa manushy hoon. meree or prakaashana kee jaatee hai ki tumhaara poojy-prabhu bas akela poojy-prabhu hai. atah tum seedhe usee ka rukh karo aur usee se kshama-yaachana karo - saajhee thaharaanevaalon ke lie to badee tabaahee hai

jo zakaat nahin dete aur vahee hai jo aakhirat ka inakaar karate hai.

rahe ve log jo eemaan lae aur unhonne achchhe karm kie, unake lie aisa badala hai jisaka kram tootanevaala nahin.

kaho, "kya tum usaka inakaar karate ho, jisane dharatee ko do dinon (kaal) mein paida kiya aur tum usake samakaksh thaharaate ho? vah to saare sansaar ka rab hai

aur usane us (dharatee) mein usake oopar se pahaad jamae aur usamen barakat rakhee aur usamen usakee khuraakon ko theek andaaze se rakha. maang karanevaalon ke lie samaan roop se yah sab chaar din mein hua

phir usane aakaash kee or rukh kiya, jabaki vah maatr dhuaan tha- aur usane usase aur dharatee se kaha, aao, svechchha ke saath ya anichchha ke saath. unhonne kaha, ham svechchha ke saath aae.

phir do dinon mein unako arthaat saat aakaashon ko banaakar poora kiya aur pratyek aakaash mein usase sambandhit aadesh kee prakaashana kar dee aur duniya ke (nikatavartee) aakaash ko hamane deepon se sajaaya (raat ke yaatriyon ke disha-nirdesh aadi ke lie) aur surakshit karane ke uddeshy se. yah at.nt prabhutvashaalee, sarvagy ka thaharaaya hua hai.

ab yadi ve log dhyaan mein na laen to kah do, "main tumhen usee tarah ke kadaka (vajravaat) se daraata hoon, jaisa kadaka aad aur samood par hua tha.

jab unake paas rasool unake aage aur unake peechhe se aae ki "allaah ke siva kisee kee bandagee na karo." to unhonne kaha, "yadi hamaara rab chaahata to farishton ko utaar deta. atah jis cheez ke saath tumhen bheja gaya hai, ham use nahin maanate.

rahe aad, to unhonne naahaq dharatee mein ghamand kiya aur kaha, "kaun hamase shakti mein badhakar hai?" kya unhonne nahin dekha ki allaah, jisane unhen paida kiya, vah unase shakti mein badhakar hai? ve to hamaaree aayaton ka inakaar hee karate rahe

antatah hamane kuchh ashubh dinon mein unapar ek sheet-jhanjhaavaat chalaee, taaki ham unhen saansaarik jeevan mein apamaan aur rusavaee kee yaatana ka maza chakha den. aur aakhirat kee yaatana to isase kaheen badhakar rusava karanevaalee hai. aur unako koee sahaayata bhee na mil sakegee

aur rahe samood, to hamane unake saamane seedha maarg dikhaaya, kintu maargadarshan ke muqaabale mein unhonne andha rahana hee pasand kiya. parinaamatah jo kuchh ve kamaee karate rahe the usake badale mein apamaanajanak yaatana ke kadake ne unhen aa pakada

aur hamane un logon ko bacha liya jo eemaan lae the aur dar rakhate the

aur vichaar karo jis din allaah ke shatru aag kee or ekatr karake lae jaenge, phir unhen shreniyon mein kramabaddh kiya jaega, yahaan tak kee jab ve usake paas pahunch jaenge

to unake kaan aur unakee aankhen aur unakee khaalen unake viruddh un baaton kee gavaahee dengee, jo kuchh ve karate rahe honge

tum is bhay se chhipate na the ki tumhaare kaan tumhaare viruddh gavaahee denge, aur na isalie ki tumhaaree aankhen gavaahee dengee aur na is kaaran se ki tumhaaree khaale gavaahee dengee, balki tumane to yah samajh rakha tha ki allaah tumhaare bahut-se kaamon ko jaanata hee nahin

aur tumhaare us gumaan ne tumhe barabaad kiya jo tumane apane rab ke saath kiya; atah tum ghaate mein padakar rahe

ab yadi ve dhairy dikhaen tab bhee aag hee unaka thikaana hai. aur yadi ve kisee prakaar (usake) krodh ko door karana chaahen, tab bhee ve aise nahin ki ve raazee kar saken

hamane unake lie kuchh saathee niyukt kar die the. phir unhonne unake aage aur unake peechhe jo kuchh tha use suhaana banaakar unhen dikhaaya. antatah unapar bhee jinnon aur manushyon ke un girohon ke saath faisala satyaapit hokar raha, jo unase pahale guzar chuke the. nishchay hee ve ghaata uthaanevaale the

jin logon ne inakaar kiya unhonne kaha, "is quraan ko suno hee mat aur isake beech mein shor-gul machao, taaki tum prabhaavee raho.

atah ham avashy hee un logon ko, jinhonne inakaar kiya, kathor yaatana ka maja chakhaenge, aur ham avashy unhen usaka badala denge, jo nikrshtatam karm ve karate rahe hai

vah hai allaah ke shatruon ka badala - aag. usee mein usaka sada ka ghar hai, usake badale mein jo ve hamaaree aayaton ka inakaar karate rahe

aur jin logon ne inakaar kiya ve kahenge, "ai hamaare rab! hamen dikha de un jinnon aur manushyon ko, jinhonne hamako pathabhrashta kiya ki ham unhen apane pairon tale daal de taaki ve sabase neeche ja pade

jin logon ne kaha ki "hamaara rab allaah hai." phir is par drdhataapoorvak jamen rahe, unapar farishte utarate hai ki "na daro aur na shokaakul ho, aur us jannat kee shubh soochana lo jisaka tumase vaada kiya gaya hai

ham saansaarik jeevan mein bhee tumhaare sahachar mitr hai aur aakhirat mein bhee. aur vahaan tumhaare lie vah sab kuchh hai, jisakee ichchha tumhaare jee ko hogee. aur vahaan tumhaare lie vah sab kuchh hoga, jisaka tum maang karoge

aatithy ke roop mein kshamaasheel, dayaavaan satta kee or se

aur us vyakti se baat mein achchha kaun ho sakata hai jo allaah kee or bulae aur achchhe karm kare aur kahe, "nissandeh main muslim (aagyaakaaree) hoon

bhalaee aur buraee samaan nahin hai. tum (bure aacharan kee buraee ko) achchhe se achchhe aacharan ke dvaara door karo. phir kya dekhoge ki vahee vyakti tumhaare aur jisake beech vair pada hua tha, jaise vah koee ghanishth mitr hai

kintu yah cheez keval un logon ko praapt hotee hai jo dhairy se kaam lete hai, aur yah cheez keval usako praapt hotee hai jo bada bhaagyashaalee hota hai

aur yadi shaitaan kee or se koee ukasaahat tumhen chubhe to allaah kee sharan maang lo. nishchay hee vah sabakuchh sunata, jaanata hai

raat aur din aur soory aur chandrama usakee nishaaniyon mein se hai. tum na to soory ko sajada karo aur na chandrama ko, balki allaah ko sajada karo jisane unhen paida kiya, yadi tum usee kee bandagee karanevaale ho

lekin yadi ve ghamand karen (aur allaah ko yaad na karen), to jo farishte tumhaare rab ke paas hai ve to raat aur din usakee tasabeeh karate hee rahate hai aur ve ukataate nahin

aur yah cheez bhee usakee nishaaniyon mein se hai ki tum dekhate ho ki dharatee dabee padee hai; phir jyon hee hamane usapar paanee barasaaya ki vah phabak uthee aur phool gaee. nishchay hee jisane use jeevit kiya, vahee murdon ko jeevit karanevaala hai. nissandeh use har cheez kee saamarthy praapt hai

jo log hamaaree aayaton mein kutilata kee neeti apanaate hai ve hamase chhipe hue nahin hain, to kya jo vyakti aag mein daala jae vah achchha hai ya vah jo qiyaamat ke din nishchint hokar aaega? jo chaaho kar lo, tum jo kuchh karate ho vah to use dekh hee raha hai

jin logon ne anusmrti ka inakaar kiya, jabaki vah unake paas aaee, haalaanki vah ek prabhutvashaalee kitaab hai, (to na poochho ki unaka kitana bura parinaam hoga)

asaty us tak na usake aage se aa sakata hai aur na usake peechhe se; avataran hai usakee or se jo atyant tatvadarshee, prashansa ke yogy hai

tumhen bas vahee kaha ja raha hai, jo un rasoolon ko kaha ja chuka hai, jo tumase pahale guzar chuke hai. nissandeh tumhaara rab bada kshamaasheel hai aur dukhad dand denevaala bhee

yadi ham use gair arabee quraan banaate to ve kahate ki "usakee aayaten kyon nahin (hamaaree bhaasha mein) kholakar bayaan kee gaee? yah kya ki vaanee to gair arabee hai aur vyakti arabee?" kaho, "vah un logon ke lie jo eemaan lae maargadarshan aur aarogy hai, kintu jo log eemaan nahin la rahe hai unake kaanon mein bojh hai aur vah (quraan) unake lie andhaapan (siddh ho raha) hai, ve aise hai jinako kisee door ke sthaan se pukaara ja raha ho.

hamane moosa ko bhee kitaab pradaan kee thee, phir usamen bhee vibhed kiya gaya. yadi tumhaare rab kee or se pahale hee se ek baat nishchit na ho chukee hotee to unake beet faisala chuka diya jaata. haalaanki ve usakee or se ulajhan mein daal denevaale sandeh mein pade hue hai

jis kisee ne achchha karm kiya to apane hee lie aur jis kisee ne buraee kee, to usaka vabaal bhee usee par padega. vaastav mein tumhaara rab apane bandon par tanik bhee zulm nahin karata

us ghadee ka gyaan allaah kee or phirata hai. jo phal bhee apane koshon se nikalate hai aur jo maada bhee garbhavatee hotee hai aur bachcha janatee hai, anivaaryatah use in sabaka gyaan hota hai. jis din vah unhen pukaarega, "kahaan hai mere saajheedaar?" ve kahenge, "ham tere samaksh khullam-khulla kah chuke hai ki hamamen se koee bhee isaka gavaah nahin.

aur jinhen ve pahale pukaara karate the ve unase gum ho jaenge. aur ve samajh lenge ki unake lie koee bhee bhaagane kee jagah nahin hai

manushy bhalaee maangane se nahin ukataata, kintu yadi use koee takaleef chhoo jaatee hai to vah niraash hokar aas chhod baithata hai

aur yadi us takaleef ke baad, jo use pahunchee, ham use apanee dayaaluta ka aasvaadan kara den to vah nishchay hee kahenga, "yah to mera haq hee hai. main to yah nahin samajhata ki vah, qiyaamat kee ghadee, ghatit hogee aur yadi main apane rab kee or lautaaya bhee gaya to avashy hee usake paas mere lie achchha paaritoshik hoga." phir ham un logon ko jinhonne inakaar kiya, avashy bataakar rahenge, jo kuchh unhonne kiya hoga. aur ham unhen avashy hee kathor yaatana ka maza chakhaenge

jab ham manushy par anukampa karate hai to vah dhyaan mein nahin laata aur apana pahaloo pher leta hai. kintu jab use takaleef chhoo jaatee hai, to vah lambee-chaudee praarthanaen karane lagata hai

kah do, "kya tumane vichaar kiya, yadi vah (quraan) allaah kee or so hee hua aur tumane usaka inakaar kiya to usase badhakar bhataka hua aur kaun hoga jo virodh mein bahut door ja pada ho

sheeghr hee ham unhen apanee nishaaniyaan vaahy kshetron mein dikhaenge aur svayan unake apane bheetar bhee, yahaan tak ki unapar spashta ho jaega ki vah (quraan) saty hai. kya tumhaara rab is drshti, se kaafee nahin ki vah har cheez ka saakshee hai

jaan lo ki ve log apane rab se milan ke baare mein sandeh mein pade hue hai. jaan lo ki nishchay hee vah har cheez ko apane ghere mein lie hue hai