Hindi - Chapter 50 - Qaf

qaaf॰; gavaah hai quraan majeed

balki unhen to is baat par aashchary hua ki unake paas unheen mein se ek saavadhaan karanevaala aa gaya. phir inakaar karanevaale kahane lage, "yah to aashchary kee baat hai

kya jab ham mar jaenge aur mittee ho jaenge (to phir ham jeevi hokar palatenge)? yah palatana to bahut door kee baat hai

ham jaanate hai ki dharatee unamen jo kuchh kamee karatee hai aur hamaare paas surakshit rakhanevaalee ek kitaab bhee hai

balki unhonne saty ko jhuthala diya jab vah unake paas aaya. atah ve ek ulajhan bhee baat mein pade hue hai

achchha to kya unhonne apane oopar aakaash ko nahin dekha, hamane use kaisa banaaya aur use sajaaya. aur usamen koee daraar nahin

aur dharatee ko hamane phailaaya aur usame atal pahaad daal die. aur hamane usamen har prakaar kee sundar cheeze ugaee

aankhen kholane aur yaad dilaane ke uddeshy se, har bande ke lie jo rujoo karanevaala ho

aur hamane aakaash se barakatavaala paanee utaara, phir usase baag aur fasal ke anaaj.

aur oonche-oonche khajoor ke vrksh ugae jinake guchchhe tah par tah hote hai

bandon kee rojee ke lie. aur hamane us (paanee) ke dvaara nirjeev dharatee ko jeevan pradaan kiya. isee prakaar nikalana bhee hain

unase pahale nooh kee qaum, ar-ras vaale, samood

aad, firaun , loot ke bhaee

al-aika vaale aur tubba ke log bhee jhuthala chuke hai. pratyek ne rasoolon ko jhuthalaaya. antatah meree dhamakee satyaapit hokar rahee

kya ham pahalee baar paida karane se asamarth rahe? nahin, balki ve ek naee srshti ke vishay mein sandeh mein pade hai

hamane manushy ko paida kiya hai aur ham jaanate hai jo baaten usake jee mein aatee hai. aur ham usase usakee garadan kee rag se bhee adhik nikat hai

jab do praapt karanevaale (farishate) praapt kar rahe hote hai, daen se aur baen se ve lage baithe hote hai

koee baat usane kahee nahin ki usake paas ek nireekshak taiyaar rahata hai

aur maut kee behoshee le aaee avishv neey cheez! yahee vah cheez hai jisase too kataraata tha

aur narasingha phoonk diya gaya. yahee hai vah din jisakee dhamakee dee gaee thee

har vyakti is dasha mein aa gaya ki usake saath ek laanevaala hai aur ek gavaahee denevaala

too is cheez kee or se gafalat mein tha. ab hamane tujhase tera parada hata diya, to aaj teree nigaah badee tez hai

usake saathee ne kaha, "yah hai (teree saja)! mere paas kuchh (sahaayata ke lie) maujood nahin.

daal do, daal do, jahannam mein! har akrtagy dvesh rakhane vaale

bhalaee se rokanevaale, seema ka atikraman karanevaale, sandehagrast ko

jisane allaah ke saath kisee doosare ko poojy-prabhu thaharaaya. to daal do use kathor yaatana mein.

usaka saathee bola, "ai hamaare rab! mainne use sarakash nahin banaaya, balki vah svayan hee parale daraje kee gumaraahee mein tha.

kaha, "mere saamane mat jhagado. main to tumhen pahale hee apanee dhamakee se saavadhaan kar chuka tha.

mere yahaan baat badala nahin karatee aur na main apane bandon par tanik bhee atyaachaar karata hoon.

jis din ham jahannam se kahenge, "kya too bhar gaee?" aur vah kahegee, "kya abhee aur bhee kuchh hai

aur jannat dar rakhanevaalon ke lie nikat kar dee gaee, kuchh bhee door na rahee

yah hai vah cheez jisaka tumase vaada kiya jaata tha har rujoo karanevaale, badee nigaraanee rakhanevaale ke lie

jo rahamaan se dara paroksh mein aur aaya rujoo rahanevaala hrday lekar

pravesh karo us (jannat) mein salaamatee ke saath" vah shaashvat divas hai

unake lie usamen vah sab kuchh hai jo ve chaahe aur hamaare paas usase adhik bhee hai

unase pahale ham kitanee hee naslon ko vinasht kar chuke hai. ve log shakti mein unase kaheen badh-chadhakar the. (panaah kee talaash mein) unhonne nagaron ko chhaan maara, koee hai bhaagane ko thikaana

nishchay hee isamen us vyakti ke lie shiksha-saamagree hai jisake paas dil ho ya vah (dil se) haajir rahakar kaan lagae

hamane aakaashon aur dharatee ko aur jo kuchh unake beech hai chhah dinon mein paida kar diya aur hamen koee thakaan na chhoo sakee

atah jo kuchh ve kahate hai usapar dhairy se kaam lo aur apane rab kee prashansa kee tasabeeh karo; sooryoday se poorv aur sooryaast ke poorv

aur raat kee ghadiyon mein phir usakee tasabeeh karo aur sajadon ke pashchaat bhee

aur kaan lagaakar sun lega jis din pukaaranevaala atyant nikat ke sthaan se pukaarega

jis din log bhayankar cheekh ko satyatah sun rahe honge. vahee din hoga nikalane ka.

ham hee jeelan pradaan karate aur mrtyu dete hai aur hamaaree hee or antatah aana hai.

jis din dharatee unapar se phat jaegee aur ve tejee se nikal padenge. yah ikattha karana hamaare lie atyant saral hai

ham jaanate hai jo kuchh ve kahate hai, tum unapar koee zabaradastee karanevaale to ho nahin. atah tum quraan ke dvaara use naseehat karo jo hamaaree chetaavanee se dare