Hindi - Chapter 59 - Al-Hashr

allaah kee tasabeeh kee hai har us cheez ne jo aakaashon aur dharatee mein hai, aur vahee prabhutvashaalee, tatvadarshee hai

vahee hai jisane kitaabavaalon mein se un logon ko jinhonne inakaar kiya, unake gharon se pahale hee jamaavade mein nikal baahar kiya. tumhen gumaan na tha ki unakee gadhiyaan allaah se unhen bacha lengee. kintu allaah unapar vahaan se aaya jisaka unhen gumaan bhee na tha. aur usane unake dilon mein rob daal diya ki ve apane gharon ko svayan apane haathon aur eemaanavaalon ke haathon bhee ujaadane lage. atah shiksha grahan karo, ai drshti rakhanevaalo

yadi allaah ne unake lie desh nikaala na likh diya hota to duniya mein hee vah unhen avashy yaatana de deta, aur aakhirat mein to unake lie aag kee yaatana hai hee

yah isalie ki unhonne allaah aur usake rasool ka muqaala karane kee koshish kee. aur jo koee allaah ka muqaabala karata hai to nishchay hee allaah kee yaatana bahut kathor hai

tumane khajoor ke jo vrksh kaate ya unhen unakee jadon par khada chhod diya to yah allaah hee kee anugya se hua (taaki eemaanavaalon ke lie aasaanee paida kare) aur isalie ki vah avagyaakaariyon ko rusava kare

aur allaah ne unase lekar apane rasool kee or jo kuchh palataaya, usake lie na to tumane ghode daudae aur na oont. kintu allaah apane rasoolon ko jisapar chaahata hai prabhutv pradaan kar deta hai. allaah ko to har cheez kee saamarthy praapti hai

jo kuchh allaah ne apane rasool kee or bastiyonvaalon se lekar palataaya vah allaah aur rasool aur (muhataaj) naatedaar aur anaathon aur muhataajon aur musaafir ke lie hai, taaki vah (maal) tumhaare maaladaaron hee ke beech chakkar na lagaata rahe - rasool jo kuchh tumhen de use le lo aur jis cheez se tumhen rok de usase ruk jao, aur allaah ka dar rakho. nishchay hee allaah kee yaatana bahut kathor hai.

vah gareeb muhaajiron ke lie hai, jo apane gharon aur apane maalon se is haalat mein nikaal baahar kie gae hai ki ve allaah ka udaar anugrah aur usakee prasannata kee talaash mein hai aur allaah aur usake rasool kee sahaayata kar rahe hai, aur vahee vaastav mein sachche hai

aur unake lie jo unase pahale hee se hijarat ke ghar (madeena) mein thikaana banae hue hai aur eemaan par jame hue hai, ve unase prem karate hai jo hijarat karake unake yahaan aae hai aur jo kuchh bhee unhen diya gaya usase ve apane seenon mein koee khatak nahin paate aur ve unhen apane muqaabale mein praathamikata dete hai, yadyapi apanee jagah ve svayan muhataaj hee hon. aur jo apane man ke lobh aur krpanata se bacha liya jae aise log hee saphal hai

aur (is maal mein unaka bhee hissa hai) jo unake baad aae, ve kahate hai, "ai hamaare rab! hamen kshama kar de aur hamaare un bhaiyon ko bhee jo eemaanalaane mein hamase agrasar rahe aur hamaare dilon mein eemaanavaalon ke lie koee vidvesh na rakh. ai hamaare rab! too nishchay hee bada karunaamay, atyant dayaavaan hai.

kya tumane un logon ko nahin dekha jinhonne kapataachaar kee neeti apanaee hain, ve apane kitaabavaale un bhaiyon se, jo inakaar kee neeti apanae hue hai, kahate hai, "yadi tumhen nikaala gaya to ham bhee avashy hee tumhaare saath nikal jaenge aur tumhaare maamale mein kisee kee baat kabhee bhee nahin maanenge. aur yadi tumase yuddh kiya gaya to ham avashy tumhaaree sahaayata karenge." kintu allaah gavaahee deta hai ki ve bilakul jhoothe hai

yadi ve nikaale gae to ve unake saath nahin nikalenge aur yadi unase yuddh hua to ve unakee sahaayata kadaapi na karenge aur yadi unakee sahaayata karen bhee to peeth phenr jaenge. phir unhen koee sahaayata praapt na hogee

unake dilon mein allaah se badhakar tumhaara bhay samaaya hua hai. yah isalie ki ve aise log hai jo samajhate nahin

ve ikatthe hokar bhee tumase (khule maidaan mein) nahin ladege, qilaaband bastiyon ya deevaaron ke peechh hon to yah aur baat hai. unakee aapas mein sakht ladaee hai. tum unhen ikattha samajhate ho! haalaanki unake dil phate hue hai. yah isalie ki ve aise log hai jo buddhi se kaam nahin lete

unakee haalat unheen logon jaisee hai jo unase pahale nikat kaal mein apane kie ke vabaal ka maza chakh chuke hai, aur unake lie dukhad yaatana bhee hai

inakee misaal shaitaan jaisee hai ki jab usane manushy se kaha, "qufr kar!" phir jab vah kufr kar baitha to kahane laga, "main tumhaaree zimmedaaree se baree hoon. main to saare sansaar ke rab allaah se darata hoon.

phir un donon ka parinaam yah hua ki donon aag mein gae, jahaan sadaiv rahenge. aur zaalimon ka yahee badala hai

ai eemaan laanevaalo! allaah ka dar rakho. aur pratyek vyakti ko yah dekhana chaahie ki usane kal ke lie kya bheja hai. aur allaah ka dar rakho. jo kuchh bhee tum karate ho nishchay hee allaah usakee pooree khabar rakhata hai

aur un logon kee tarah na ho jaana jinhonne allaah ko bhula diya. to usane bhee aisa kiya ki ve svayan apane aapako bhool baithe. vahee avagyaakaaree hai

aagavaale aur baagavaale (jahannamavaale aur jannatavaale) kabhee samaan nahin ho sakate. baagavaale hee safal hai

yadi hamane is quraan ko kisee parvat par bhee utaar diya hota to tum avashy dekhate ki allaah ke bhay se vah daba hua aur phata jaata hai. ye mishaalen logon ke lie ham isalie pesh karate hai ki ve soch-vichaar karen

vahee allaah hai jisake siva koee poojy-prabhu nahin, paroksh aur pratyaksh ko jaanata hai. vah bada krpaasheel, atyant dayaavaan hai

vahee allaah hai jisake siva koee poojy nahin. baadashaah hai atyant pavitr, sarvatha salaamatee, nishchintata pradaan karanevaala, sanrakshak, prabhutvashaalee, prabhaavashaalee (tute hue ko jodanevaala), apanee badaee prakat karanevaala. mahaan aur uchch hai allaah us shirk se jo ve karate hai

vahee allaah hai jo sanrachana ka praaroopak hai, astitv pradaan karanevaala, roop denevaala hai. usee ke lie achchhe naam hai. jo cheez bhee aakaashon aur dharatee mein hai, usee kee tasabeeh kar rahee hai. aur vah prabhutvashaalee, tatvadarshee hai