Hindi - Chapter 79 - An-Naziat

gavaah hai ve (havaen) jo zor se ukhaad phainke

aur gavaah hai ve (havaen) jo narmee ke saath chalen

aur gavaah hai ve jo vaayumandal mein tairen

phir ek-doosare se agrasar hon

aur maamale kee tadabeer karen

jis din hila daalegee hila daalanevaale ghatana

usake peechh ghatit hogee doosaree (ghatana)

kitane hee dil us din kaanp rahe honge

unakee nigaahen jhukee hongee

ve kahate hai, "kya vaastav mein ham pahalee haalat mein phir lautae jaenge

kya jab ham khokhalee galit haddiyaan ho chuke honge

ve kahate hai, "tab to lautana bade hee ghaate ka hoga.

vah to bas ek hee jhidakee hogee

phir kya dekhenge ki ve ek samatal maidaan mein upasthit hai

kya tumhen moosa kee khabar pahunchee hai

jabaki usake rab ne pavitr ghaatee tuva mein use pukaara tha

ki "firaun ke paas jao, usane bahut sir utha rakha hai

aur kaho, kya too yah chaahata hai ki svayan ko paak-saaf kar le

aur main tere rab kee or tera maargadarshan karoon ki tu (usase) dare

phir usane (moosa ne) usako badee nishaanee dikhaee

phir sakriyata dikhaate hue palata

phir (logon ko) ekatr kiya aur pukaarakar kaha

main tumhaara uchchakoti ka svaamee hoon

antatah allaah ne use aakhirat aur duniya kee shikshaaprad yaatana mein pakad liya

nissandeh isamen us vyakti ke lie badee shiksha hai jo dare

kya tumhen paida karana adhik kathin kaary hai ya aakaash ko? allaah ne use banaaya

usakee oonchaee ko khoob ooncha karake use theek-thaak kiya

aur usakee raat ko andhakaaramay banaaya aur usaka divas-prakaash prakat kiya

aur dharatee ko dekho! isake pashchaat use phailaaya

usamen se usaka paanee aur usaka chaara nikaala

aur pahaado ko dekho! unhen us (dharatee) mein jama diya

tumhaare lie aur tumhaare maveshiyon ke lie jeevan-saamagree ke roop mein

phir jab vah mahaavipada aaegee

us din manushy jo kuchh bhee usane prayaas kiya hoga use yaad karega

aur bhadakatee aag (jahannam) dekhane vaalon ke lie khol dee jaegee

to jis kisee ne sarakashee kee

aur saansaarik jeevan ko praathamikata do hogee

to nissandeh bhadakatee aag hee usaka thikaana hai

aur raha vah vyakti jisane apane rab ke saamane khade hone ka bhay rakha aur apane jee ko buree ichchha se roka

to jannat hee usaka thikaana hai

ve tumase us ghadee ke vishay mein poochhate hai ki vah kab aakar thaharegee

usake bayaan karane se tumhaara kya sambandh

usakee antim pahunch to tere se hee sambandh rakhatee hai

tum to bas us vyakti ko saavadhaan karanevaale ho jo usase dare

jis din ve use dekhenge to (aisa lagega) maano ve (duniya mein) bas ek shaam ya usakee subah hee thahare hai