Hindi - Chapter 8 - Al-Anfal

ve tumase ganeematon ke vishay mein poochhate hai. kaho, "ganeematen allaah aur rasool kee hai. atah allaah ka dar rakhon aur aapas ke sambandhon ko theek rakho. aur, allaah aur usake rasool kee aagya ka paalan karo, yadi tum eemaanavaale ho

eemaanavaale to vahee log hai jinake dil us samay kaanp uthe jabaki allaah ko yaad kiya jae. aur jab unake saamane usakee aayaten padhee jaen to ve unake eemaan ko aur adhik badha den aur ve apane rab par bharosa rakhate hon

ye ve log hain jo namaaz qaayam karate hai aur jo kuchh hamane diya hai usamen se kharch karate hain

vahee log vaastav mein eemaanavaale hai. unake liee rab ke paas bade darje hai aur kshama aur sammaanit uttam aajeevika bhee

(yah bilkul vaisee hee paristhit hai) jaise tumhaare ne tumhen tumhaare ghar se ek uddeshy ke saath nikaala, kintu eemaanavaalon mein se ek giroh ko yah apriy laga tha

ve saty ke vishay mein usake spasht ho jaane ke pashchaat tumase jhagad rahe the. maano ve aankhon dekhee mrtyu kee or haanke ja rahe hon

aur yaad karo jab allaah tumase vaada kar raha tha ki do girohon mein se ek tumhaare haath aaega aur tum chaahate the ki tumhen vah haath aae, jo nihshastr tha, haalaanki allaah chaahata tha ki apane vachanon se saty ko saty kar dikhae aur inakaar karanevaalon kee jad kaat de

taaki saty ko saty kar dikhae aur asaty ko asaty, chaahe aparaadhiyon ko kitana hee apriy lage

yaad karo jab tum apane rab se fariyaad kar rahe the, to usane tumhaaree pukaar sun lee. (usane kaha,) "main ek hajaar farishton se tumhaaree madad karoonga jo tumhaare saathee honge.

allaah ne yah keval isalie kiya ki yah ek shubh-soochana ho aur taaki isase tumhaare hrday santusht ho jaen. sahaayata allaah hee ke yahaan se hotee hai. nissandeh allaah atyant prabhutvashaalee, tatvadarshee hai

yah karo jabaki vah apanee or se chain pradaan kar tumhen oongh se dhank raha tha aur vah aakaash se tumapar paanee barasa raha tha, taaki usake dvaara tumhen achchhee tarah paak kare aur shaitaan kee gandagee tumase door kare aur tumhaare dilon ko mazaboot kare aur usake dvaara tumhaare qadamon ko jama de

yaad karo jab tumhaara rab farishton kee or prakaashana (vahy) kar raha tha ki "main tumhaare saath hoon. atah tum eemaanavaalon ko jamae rakho. main inakaar karanevaalon ke dilon mein rob daale deta hoon. to tum unakee garadanen maaro aur unake por-por par chot lagao

yah isalie ki unhonne allaah aur usake rasool ka virodh kiya. aur jo koee allaah aur usake rasool ka virodh kare (use kathor yaatana milakar rahegee) kyonki allaah kadee yaatana denevaala hai

yah to tum chakho! aur yah ki inakaar karanevaalon ke lie aag kee yaatana hai

ai eemaan laanevaalo! jab ek sena ke roop mein tumhaara inakaar karanevaalon se muqaabala ho to peeth na phero

jis kisee ne bhee us din unase apanee peeth pheree - yah aur baat hai ki yuddh-chaal ke roop mein ya doosaree tukadee se milane ke lie aisa kare - to vah allaah ke prakop ka bhaagee hua aur usaka thikaana jahannam hai, aur kya hee bura jagah hai vah pahunchane kee

tumane use qatl nahin kiya balki allaah hee ne unhen qatl kiya aur jab tumane (unakee or mittee aur kankad) phenk, to tumane nahin phenka balki allaah ne phenka (ki allaah apanee gun-garima dikhae) aur taaki apanee or se eemaanavaalon ke gun prakat kare. nissandeh allaah sunata, jaanata hai

yah to hua, aur yah (jaan lo) ki allaah inakaar karanevaalon kee chaal ko kamazor kar denevaala hai

yadi tum faisala chaahate ho to faisala tumhaare saamane aa chuka aur yadi baaz aa jao to yah tumhaare hee lie achchha hai. lekin yadi tumane palatakar phir vahee harakat kee to ham bhee palatenge aur tumhaara jattha, chaahe vah kitana hee adhik ho, tumhaare kuchh kaam na aa sakega. aur yah ki allaah mominon ke saath hota hai

ai eemaan laanevaalo! allaah aur usake rasool ka aagyaapaalan karo aur usase munh na phero jabaki tum sun rahe ho

aur un logon kee tarah na ho jaana jinhonne kaha tha, "hamane suna" haalaanki ve sunate nahin

allaah kee spasht mein to nikrsht pashu ve bahare-goonge log hai, jo buddhi se kaam nahin lete

yadi allaah jaanata ki unamen kuchh bhee bhalaee hai, to vah unhen avashy sunane ka saubhaagy pradaan karata. aur yadi vah unhen suna deta to bhee ve kataraate hue munh pher lete

ai eemaan laanevaale! allaah aur rasool kee baat maano, jab vah tumhen us cheez kee or bulae jo tumhen jeevan pradaan karanevaalee hai, aur jaan rakho ki allaah aadamee aur usake dil ke beech aade aa jaata hai aur yah ki vahee hai jisakee or (palatakar) tum ekatr hoge

bacho us fitane se jo apanee lapet mein vishesh roop se keval atyaachaariyon ko hee nahin lega, jaan lo allaah kathor dand denevaala hai

aur yaad karo jab tum thode the, dharatee mein nirbal the, dare-sahame rahate ki log kaheen tumhen uchak na le jaen, phir usane tumhen thikaana diya aur apanee sahaayata se tumhen shakti pradaan kee aur achchhee-svachchh cheezon kee tumhen rojee dee, taaki tum krtagyata dikhalao

ai eemaan laanevaalo! jaanate-bujhate tum allaah aur usake rasool ke saath vishvaasaghaat na karana aur na apanee amaanaton mein khiyaanat karana

aur jaan rakho ki tumhaare maal aur tumhaaree santaan pareeksha-saamagree hain aur yah ki allaah ke paas bada pratidaan hai

ai eemaan laanevaalo! yadi tum allaah ka dar rakhoge to vah tumhen ek vishishtata pradaan karega aur tumase tumhaaree buraiyaan door karega aur tumhe kshama karega. allaah bada anugraahak hai

aur yaad karo jab inakaar karanevaale tumhaare saath chaalen chal rahe the ki tamhen qaid rakhen ya tumhe qatl kar den ya tumhe nikaal baahar kare. ve apanee chaalen chal rahe the aur allaah bhee apanee chaal chal raha tha. allaah sabase achchhee chaal chalata hai

jab unake saamane hamaaree aayaten padhee jaatee hai, to ve kahate hai, "ham sun chuke. yadi ham chaahen to aisee baaten ham bhee bana len; ye to bas pahale ke logon kee kahaaniyaan hain.

aur yaad karo jab unhonne kaha, "ai allaah! yadi yahee tere yahaan se saty ho to hamapar aakaash se patthar barasa de, ya ham par koee dukhad yaatana hee le aa

aur allaah aisa nahin ki tum unake beech upasthit ho aur vah unhen yaatana dene lag jae, aur na allaah aisa hai ki ve kshama-yaachana kar rahe ho aur vah unhen yaatana se grast kar de

kintu ab kya hai unake paas ki allaah unhen yaatana na de, jabaki ve masjide haraam (kaaba) se rokate hai, haalaanki ve usake koee vyavasthaapak nahin? usake vyavasthaapak to keval dar rakhanevaale hee hai, parantu unake adhikatar log jaanate nahin

unakee namaaz is ghar (kaaba) ke paas seetiyaan bajaane aur taaliyaan peetane ke alaava kuchh bhee nahin hotee. to ab yaatana ka maza chakho, us inakaar ke badale mein jo tum karate rahe ho

nishchay hee inakaar karanevaale apane maal allaah ke maarg se rokane ke lie kharch karate rahenge, phir yahee unake lie pashchaataap banega. phir ve paraabhoot honge aur inakaar karanevaale jahannam kee or samet lae jaenge

taaki allaah naapaak ko paak se chhaantakar alag kare aur naapaakon ko aapas mein ek-doosare par rakhakar dher banae, phir use jahannam mein daal de. yahee log ghaate mein padanevaale hai

un inakaar karanevaalo se kah do ki ve yadi baaz aa jaen to jo kuchh ho chuka, use kshama kar diya jaega, kintu yadi ve phir bhee vaheen karenge to poorvavartee logon ke silasile mein jo reeti apanaee gaee vah saamane se guzar chukee hai

unase yuddh karo, yahaan tak ki fitana baaqee na rahe aur deen (dharm) poora ka poora allaah hee ke lie ho jae. phir yadi ve baaz aa jaen to allaah unake karm ko dekh raha hai

kintu yadi ve munh mode to jaan rakho ki allaah sanrakshak hai. kya hee achchha sanrakshak hai vah, aur kya hee achchha sahaayak

aur tumhen maaloom ho ki jo kuchh ganeemat ke roop mein maal tumane praapt kiya hai, usaka paanchava bhaag allaag ka, rasool ka, naatedaaron ka, anaathon ka, muhataajon aur musaafiron ka hai. yadi tum allaah par aur us cheez par eemaan rakhate ho, jo hamane apane bande par faisale ke din utaaree, jis din donon senaon mein muthabhed hooee, aur allaah ko har cheez kee poorn saamarthy praapt hai

yaad karo jab tum ghaatee ke nikatavartee chhor par the aur ve ghaatee ke doorasth chhor par the aur qaafila tumase neeche kee or tha. yadi tum paraspar samay nishchit kie hote to anivaaryatah tum nishchit samay par na pahunchate. kintu jo kuchh hua vah isalie ki allaah us baat ka faisala kar de, jisaka poora hona nishchit tha, taaki jise vinasht hona ho, vah spasht pramaan dekhakar hee vinasht ho aur jise jeevit rahana ho vah spasht pramaan dekhakar jeevit rahe. nissandeh allaah bhalee-bhaanti jaanata, sunata hai

aur yaad karo jab allaah unako tumhaare svapn mein thoda karake tumhen dikha raha tha aur yadi vah unhen zyaada karake tumhen dikha deta to avashy hee tum himmat haar baithate aur asal maamale mein jhagadane lag jaate, kintu allaah ne isase bacha liya. nishchay hee vah to jo kuchh dilon mein hota hai use bhee jaanata hai

yaad karo jab tumhaaree paraspar muthabhed huee to vah tumhaaree nigaahon mein unhen kam karake aur tumhen unakee nigaahon mein kam karake dikha raha tha, taaki allaah us baat ka faisala kar de jisaka hona nishchit tha. aur saare maamale allaah hee kee or palatate hai

ai eemaan laanevaalo! jab tumhaara kisee giroh se muqaabala ho jae to jame raho aur allaah ko zyaada yaad karo, taaki tumhen saphalata praapt ho

aur allaah aur usake rasool kee aagya maano aur aapas mein na jhagado, anyatha himmat haar baithoge aur tumhaaree hava ukhad jaegee. aur dhairy se kaam lo. nishchay hee, allaah dhairyavaanon ke saath hai

aur un logon kee tarah na ho jaana jo apane gharon se itaraate aur logon ko dikhaate nikale the aur ve allaah ke maarg se rokate hai, haalaanki jo kuchh ve karate hai, allaah use apane ghere mein lie hue hai

aur yaad karo jab shaitaan ne unake karm unake lie sundar bana die aur kaha, "aaj logon mein se koee bhee tumapar prabhaavee nahin ho sakata. main tumhaare saath hoon." kintu jab donon giroh aamane-saamane hue to vah ulate paanv phir gaya aur kahane laga, "mera tumase koee sambandh nahin. main vah kuchh dekh raha hoon, jo tumhen nahin dikhaee deta. main allaah se darata hoon, aur allaah kathor yaatana denevaala hai.

yaad karo jab kapataachaaree aur ve log jinake dilon mein rog hai, kah rahe the, "in logon ko to inake dharm ne dhokhe mein daal rakha hai." haalaanki jo allaah par bharosa rakhata hai, to nishchay hee allaah atyant prabhutvashaalee, tatvadarshee hai

kya hee achchha hota ki tum dekhate jab farishte inakaar karanevaalon ke praan grast karate hain! ve unake chaharon aur unakee peethon par maarate jaate hain ki "lo ab jalane kee yaatana maza chakho." (to unakee durdasha ka andaaja kar sakate)

yah to usee ka badala hai jo tumhaare haathon ne aage bheja aur yah ki allaah apane bandon par tanik bhee atyaachaar nahin karata

inake saath vaisa hee maamala pesh aaya jaisa firaun ke logon aur unase pahale ke logon ke saath pesh aaya. unhonne allaah kee aayaton ka inakaar kiya to allaah ne unake gunaahon ke kaaran unhen pakad liya. nissandeh allaah shaktishaalee, kathor yaatana denevaala hai

yah isalie hua ki allaah us udaar anugrah (nemat) ko, jo usane kisee qaum par kiya ho, badalanevaala nahin hain, jab tak ki log us cheez ko na badal daalen, jisaka sambandh svayan unase hai. aur yah ki allaah sab kuchh sunata, jaanata hai

jaise firauniyon aur unase pahale ke logon ka haal hua. unhonne apane rab kee aayaton ko jhuthalaaya to hamane unhen unake gunaahon ke badale mein vinasht kar diya aur firauniyon ko doobo diya. ye sabhee atyaachaaree the

nishchay hee, sabase bure praanee allaah kee spasht mein ve log hai, jinhonne inakaar kiya. phir ve eemaan nahin laate

jinase tumane vachan liya ve phir har baar apane vachan ko bhang kar dete hai aur ve dar nahin rakhate

atah yadi yuddh mein tum unapar qaaboo pao, to unake saath is tarah pesh aao ki unake peechhevaale bhee bhaag khade hon, taaki ve shiksha grahan karen

aur yadi tumhen kisee qaum se vishvaasaghaat kee aashanka ho, to tum bhee usee prakaar aise logon ke saath huee sandhi ko khullam-khulla unake aage phenk do. nishchay hee allaah ko vishvaasaghaat karanevaale priy nahin

inakaar karanevaale yah na samajhe ki ve aage nikal gae. ve qaaboo se baahar nahin ja sakate

aur jo bhee tumase ho sake, unake lie bal aur bandhe ghode taiyaar rakho, taaki isake dvaara allaah ke shatruon aur apane shatruon aur inake atirikt un doosare logon ko bhee bhayabheet kar do jinhen tum nahin jaanate. allaah unako jaanata hai aur allaah ke maarg mein tum jo kuchh bhee kharch karoge, vah tumhen poora-poora chuka diya jaega aur tumhaare saath kadaapi anyaay na hoga

aur yadi ve sandhi aur salaamatee kee or jhuken to tum bhee isake lie jhuk jao aur allaah par bharosa rakho. nissandeh, vah sab kuchh sunata, jaanata hai

aur yadi ve yah chaahen ki tumhen dhokha den to tumhaare lie allaah kaafee hai. vahee to hai jisane tumhen apanee sahaayata se aur mominon ke dvaara shakti pradaan kee

aur unake dil aapas mein ek-doosare se jod die. yadi tum dharatee mein jo kuchh hai, sab kharch kar daalate to bhee unake dilon ko paraspar jod na sakate, kintu allaah ne unhen paraspar jod diya. nishchay hee vah atyant prabhutvashaalee, tatvadarshee hai

ai nabee! tumhaare lie allaah aur tumhaare eemaanavaale anuyaayee hee kaafee hai

ai nabee! mominon ko jihaad par ubhaaro. yadi tumhaare bees aadamee jame honge, to ve do sau par prabhaavee honge aur yadi tumase se aise sau honge to ve inakaar karanevaalon mein se ek hazaar par prabhaavee honge, kyonki ve naasamajh log hai

ab allaah ne tumhaare bojh halka kar diya aur use maaloom hua ki tumamen kuchh kamazoree hai. to yadi tumhaare sau aadamee jame rahanevaale honge, to ve do sau par prabhaavee rahenge aur yadi tumamen se aise hajaar honge to allaah ke hukm se ve do hazaar par prabhaavee rahenge. allaah to unhee logon ke saath hai jo jame rahate hai

kisee nabee ke lie yah uchit nahin ki usake paas qaidee ho yahaan tak kee vah dharatee mein raktapaat kare. tum log sansaar kee saamagree chaahate ho, jabaki allaah aakhirat chaahata hai. allaah atyant prabhutvashaalee, tatvadarshee hai

yadi allaah ka likha pahale se maujood na hota, to jo kuchh neeti tumane apanaee hai usapar tumhen koee badee yaatana aa letee

atah jo kuchh ganeemat ka maal tumane praapt kiya hai, use vaidh-pavitr samajhakar khao aur allaah ka dar rakho. nishchay hee allaah bada kshamaasheel, atyant dayaavaan hai

ai nabee! jo qaidee tumhaare qabjen mein hai, unase kah do, "yadi allaah ne yah jaan liya ki tumhaare dilon mein kuchh bhalaee hai to vah tumhen usase kaheen uttam pradaan karega, jo tum se chhin gaya hai aur tumhen kshama kar dega. aur allaah atyant kshamaasheel, dayaavaan hai.

kintum yadi ve tumhaare saath vishvaasaghaat karana chaahenge, to isase pahale ve allaah ke saath vishvaasaghaat kar chuke hai. to usane tumhen unapar adhikaar de diya. allaah sab kuchh jaananevaala, bada tatvadarshee hai

jo log eemaan lae aur unhonne hijarat kee aur allaah ke maarg mein apane maalon aur apanee jaanon ke saath jihaad kiya aur jin logon ne unhen sharan dee aur sahaayata kee, vahee log paraspar ek-doosare ke sanrakshak mitr hai. rahe ve log jo eemaan lae, kintu unhonne hijarat nahin kee, unase tumhaara sanrakshan aur mitrata ka koee sambandh nahin hai, jab tak ki ve hijarat na karen, kintu yadi ve dharm ke maamale mein tumase sahaayata maange to tumapar anivaary hai ki sahaayata karo, sivaay isake ki sahaayata kisee aisee qaum ke muqaabale mein ho jisase tumhaaree koee sandhi ho. tum jo kuchh karate ho allaah use dekhata hai

jo inakaar karanevaale log hai, ve aapas mein ek-doosare ke mitr aur sahaayak hai. yadi tum aisa nahin karoge to dharatee mein fitana aur bada fasaad phailega

aur jo log eemaan lae aur unhonne hijarat kee aur allaah ke maarg mein jihaad kiya aur jin logon ne unhen sharan dee aur sahaayata kee vahee sachche momin hain. unake kshama aur sammaanit - uttam aajeevika hai

aur jo log baad mein eemaan lae aur unhonne hijarat kee aur tumhaare saath milakar jihaad kiya to aise log bhee tum mein hee se hain. kintu allaah kee kitaab me khoon ke rishtedaar ek-doosare ke zyaada haqadaar hai. nishchay hee allaah ko har cheez ka gyaan hai