Kinyarwanda - Chapter 22 - Al-Hajj

Yemwe bantu! Nimutinye Nyagasani wanyu! Mu by’ukuri, umutingito wo ku munsi w’imperuka ni ikintu gihambaye

Umunsi muzawubona, buri wese wonsa azibagirwa uwo yonsaga, ndetse na buri wese utwite azakuramo inda. Uzanabona abantu babaye abasinzi kandi atari bo, kubera ko ibihano bya Allah bizaba bikomeye

No mu bantu hari abajya impaka kuri Allah nta bumenyi babifitiye, bakanakurikira buri shitani ryigometse

(Iryo shitani) ryaciriweho iteka ko uzarigira inshuti magara rizamuyobya, rikazanamuganisha mu muriro ugurumana

Yemwe bantu! Niba mushidikanya ko izuka rizabaho (nimutekereze uko twabaremye): mu by’ukuri, twabaremye tubakomoye mu gitaka (umukurambere wanyu Adamu), hanyuma (mwe tubarema) mu ntanga, hanyuma (zihinduka) urusoro rw’amaraso, hanyuma (zihinduka) ikinyama kigaragaza ishusho n’ikitayigaragaza; kugira ngo tubagaragarize (ubushobozi bwacu). Tunarekera muri nyababyeyi uwo dushaka kugeza ku gihe cyagenwe, maze tukabasohora (muri nyababyeyi) muri impinja, (tukabakuza) kugira ngo muzagere mu gihe cyanyu cy’ubukure. No muri mwe, hari abapfa batarageza icyo gihe (cy’ubukure), ndetse no muri mwe hari n’abageramu zabukuru bakamera nk’ahobatigeze bagira icyo bamenya. Ndetse ubona ubutaka bwumaganye, maze twabumanuraho amazi (imvura) bukanyeganyega bukanarumbuka, bukanameraho ibimera binyuranye bishimishije

Ibyo ni ibigaragaza ko Allah ari ukuri, kandi ko ari we uha ubuzima ibyapfuye, ndetse ko ari weushobora byose

Kandi ko imperuka izaza nta gushidikanya, ndetse ko Allah azazura abari mu mva

No mu bantu hari ujya impaka ku byerekeye Allah nta bumenyi (abifitiye), nta muyoboro ndetse nta n’igitabo kimumurikira (afite)

(Uwo muntu ujya impaka) anaga ijosi (kubera kwibona) kugira ngo ayobye (abantu) inzira ya Allah; azagira ikimwaro ku isi, ndetse no ku munsi w’imperuka tuzamusogongeza ibihano by’umuriro utwika

(Azabwirwa ati) "Ibyo ni ukubera ibyakozwe n’amaboko yawe, kandi mu by’ukuri, Allahntarenganya abagaragu be

Ndetse no mu bantu hari ugaragira Allah ashidikanya. Iyo icyiza kimugezeho aratuza, naho yagerwaho n’ikigeragezo agasubira mu buhakanyi (nyuma y’uko yari yarayobotse); ubwo akaba ahombye (ibyiza byo ku) isi n’imperuka. Icyo ni cyo gihombo kigaragara

Asenga ibitari Allahbitagira icyo bimutwara cyangwa ngo bigire icyo bimumarira. Uko ni ko kuyoba guhambaye (kutagira igaruriro)

Asenga icyo inabi yacyo iri hafi kurusha ineza yacyo, kandi rwose (ibyo bihitiyemo gusenga bitari Allah)ni byo barinzi babi ndetse bikaba n’inshuti mbi

Mu by’ukuri, babandi bemeye bakanakora ibikorwa byiza, Allahazabinjiza mu busitani butembamo imigezi (Ijuru), kuko rwose Allah akora ibyo ashatse

Uwo ariwe wese wibwira ko Allah atazatabara (Intumwa Muhamadi) kuri iyi si ndetse no ku munsi w’imperuka,namanike umugozi ku gisenge maze awushyire mu ijosi, narangiza awuce (yiyahure) maze arebe ko umugambi we ukuraho uburakari bwe

Uko ni nako twahishuye imirongo isobanutse (igitabo cya Qur’an), kandi Allah ayobora uwo ashatse

Mu by’ukuri, babandi bemeye (Allah n’intumwa ye Muhamadi), Abayahudi (abemeye ubutumwa bwa Musa ku gihe cye), Abaswaabi’i (abagumye kuri kamere yabo batagize idini bayoboka), Abakirisitu [abemeye ubutumwa bwa Isa (Yesu) ku gihe cye], Abamajusi (abasenga umuriro) ndetse n’abasenga ibindi bitari Allah; rwose Allah azabakiranura ku munsi w’imperuka. Mu by’ukuri, Allah ni Umuhamyauhebuje wa buri kintu

Ese ntubona ko ibiri mu birere n’ibiri ku isi, izuba, ukwezi, inyenyeri, imisozi, ibiti, ibiremwa byose bigenda ku isi ndetse na benshi mu bantubyubamira Allah? Ariko abenshi (mu bantu) bakwiye ibihano. Kandi uwo Allah yasuzuguje ntawamwubaha, kuko mu by’ukuri Allah akora ibyo ashatse

Aya matsinda abiri (abemera n’abahakanyi) ntiyavuze rumwe kuri Nyagasani wayo; bityo babandi bahakanye bazadoderwa imyambaro yo mu muriro, maze basukwe amazi yatuye mu mitwe

(Ayo mazi yatuye) azayengesha ibyo mu nda zabo ndetse n’imibiri yabo

Kandi bazahondeshwainyundo z’ibyuma

Buri uko bazajya bashaka kuwuvamo kubera ububabare, bazajya bawusubizwamo; maze (babwirwe bati) "Ngaho nimusogongere ibihano bitwika

Mu by’ukuri, babandi bemeye bakanakora ibikorwa byiza, Allah azabinjiza mu busitani butembamo imigezi (Ijuru). Bazambikirwamo ibikomo bya zahabu n’amasaro arabagirana, ndetse n’imyambaro yabo izaba ari ihariri

Kandi (ku isi) bayobowe ku ijambo ryiza (ryo guhamya ko nta yindi mana ikwiye gusengwa by’ukuri uretse Allah), kandi bayoborwa inzira (Isilamu) y’ukwiye Ikuzo n’ishimwe (Allah)

Mu by’ukuri, babandi bahakanye bakanakumira (abantu kuyoboka) inzira ya Allah no kugana ku Musigiti Mutagatifu83 twashyiriyeho abantu bose mu buryo bureshya; baba abawuturiye cyangwa abawugana (tuzabahanisha ibihano bihambaye). N’uzashakakuwukoreramo ikibi icyo ari cyo cyose, tuzamusogongeza ku bihano bibabaza

Kandi (wibuke) ubwo twerekaga Ibrahimu aho yubaka inzu ntagatifu (Al Kaabat, tumubwira tuti) "Ntuzambangikanye n’icyo aricyo cyose, unasukurire inzu yanjye abayizenguruka (bakora umutambagiro mutagatifu), abayihagararamo, abunama n’abubama(basenga)

Unahamagarire abantu gukora umutambagiro mutagatifu (Hija). Bazakugana bagenda n’amaguru, abandi bari ku ngamiya (ndetse n’ibindi byose bigenderwaho), baturutse imihanda yose

(Ibyo) ni ukugira ngo babone ibibafitiye akamaro (ibihembo byo gukora Hija), ndetse banasingize izina rya Allah mu minsi izwi84 kubera amafunguro akomoka ku matungo yabahaye. Bityo nimurye kuri ayo mafunguro munayagaburireho abatishoboye

Hanyuma (abakora umutambagiro) bisukure, buzuze ibikorwa bisigaye, banasohoze ibyo bahize, maze bazenguruke ingoro yo hambere (Al Kaabat)

Ibyo (mwategetswe bigomba kubahirizwa) kandi uzubahiriza amategeko ya Allah,bizaba ari byiza kuri we imbere ya Nyagasani we. Mwaziruriwe (kurya) amatungo, usibye ayomwagaragarijwe(ko yaziririjwe). Bityo, nimwirinde (gusenga) ibigirwamana (kuko ari) umwanda, munirinde amagambo y’ibinyoma

Mugaragira Allah gusa kandi mutamubangikanya n’icyo aricyo cyose. Naho ubangikanya Allah, aba ameze nk’uwahanutsemu kirere maze inyoni zikamucagagura,cyangwa nk’uwatwawen’inkubi y’umuyaga ikamujugunya kure

Ibyo (Allah yategetse mu mirongo yatambutse, ya 27, 28, 29, 30, 31; ni byo umuntu ategetswe kubahiriza), kandi uwubahirije imigenzo ya Allah, mu by’ukuri, ni bimwe mu bituma imitima igandukira (Allah)

Na buri muryango w’abantu (Umat) twawushyiriyeho imigenzo kugira ngo bajye bavuga izina rya Allah(igihe cyo kubaga) amatungo yabahaye ngo ababere amafunguro. Kandi Imana yanyu ni Imana imwe, bityo nimuyicisheho bugufi. Ndetse (yewe Muhamadi) uhe inkuru nziza abicisha bugufi

Babandi imitima yabo ikangarana igihe Allah avuzwe, bihanganira ibyababayeho, bahozaho amasengesho, ndetse bakanatanga mu byo twabahaye

Kandi ingamiya (zitangwaho ibitambo) twazibashyiriyeho nk’imwemu migenzo ya Allah mufitemo ibyiza byinshi (amafunguro,ibihembo ku munsi w’imperuka). Bityo, (igihe mugiye kuzibaga)mujye muzivugiraho izina rya Allahigihe ziziritse (zigiye kubagwa), maze nizigwa hasi (nyuma yo kuzibaga), mujye muzikuraho (inyama) muzirye, munaziheho abakene badasaba ndetse n’abasabirizi. Uko ni ko twategetse (ayo matungo) kubacirabugufi kugira ngo mushimire

Inyama n’amaraso byazo si byo bigera kwa Allah, ahubwo kumutinya kwanyu ni ko kumugeraho. Uko ni ko twategetse (ayo matungo) kubacira bugufi kugira ngo musingize Allahkubera ko yabayoboye. Kandi (yewe Muhamadi) ha inkuru nziza abakora ibyiza

Mu by’ukuri, Allah arinda abemeye. Rwose Allah ntakunda umuhemu wese, w’umuhakanyi

(Abemeramana) bahawe uburenganzira bwo kwirwanaho igihe batewe, kubera ko barenganyijwe, kandi rwose Allahashoboye kubatabara

Babandi bameneshejwe mu ngo zabo bitanyuze mukuri, uretse gusa kuba bavuga bati "Nyagasani wacu ni Allah". Nyamara iyo Allah ataza kurinda abantu (akarengane) akoresheje abandi, inzu z’abihayimana, insengero, amasinagogi ndetse n’imisigiti ivugirwamo izina rya Allah kenshi, byari gusenywa. Kandi rwose Allah azatabara abaharanira (idini rye). Mu by’ukuri, Allah ni Umunyembaraga uhebuje, Ushobora byose

Babandi, igihe tubahaye ubushobozi (bwo gutsinda abanzi babo) ku isi, bahozaho amasengesho, bagatanga amaturo, bakabwiriza (abandi) gukora ibyiza ndetse bakabuzanya gukora ibibi. Kandi iherezo rya buri kintu ni kwa Allah

Kandi nibaguhinyura (yewe Muhamadi, umenye ko) na mbere yabo, abantu ba Nuhu, aba Adi n’aba Thamudu bahinyuye (intumwa zabo)

N’abantu ba Ibrahimu n’abantu ba Lutwi (nabo bahinyuye intumwa zabo)

N’abantu b’i Madiyani (bahinyuye intumwa Shuwayibu), ndetse na Musa yarahinyuwe. Nuko abahakanye mbaha igihe, maze ndabafata (ndabahana)! Mbega ukuntuibihano byanjye byari bikaze

Ese ni imidugudu ingahe yarangwaga n’ibikorwa bibi twarimbuye igahinduka amatongo, amariba akaba yarasibye, ndetse n’ingoro zikomeye zikaba zitagituwe

Ese (abo bahakanyi) ntibagenda ku isi (ngo birebere ibisigisigi by’abarimbuwe), bigatuma bagira imitima ibafasha gutekerezandetse n’amatwiabafasha kumva? Mu by’ukuri, amaso si yo ahuma, ahubwo hahuma imitima iri mu bituza

Banagusaba kwihutisha ibihano (wababuriye, yewe Muhamadi), nyamara Allah ntazigera yica isezerano rye (ryo kuzabahana ku munsi w’imperuka). Mu by’ukuri, umunsi umwe kwa Nyagasani wawe, ungana n’imyakaigihumbi mu yo mubara (hano ku isi)

Ese ni imidugudu ingahe narindirije (sinyihanireho) kandi yararangwaga n’ibikorwa bibi, hanyuma nkayifata (nkayihana)? Kandi iwanjye ni ho byose bizasubira

Vuga (yewe Muhamadi) uti "Yemwe bantu!Mu by’ukuri, ndi umuburizi wanyu ugaragara

Bityo, babandi bemeye bakanakora ibikorwa byiza, bazababarirwa ibyaha banahabwe amafunguro meza

Naho babandi bashishikajwe no kurwanya amagambo yacu (Qur’an), abo ni abantu bo mu muriro wa Jahanamu

Nta ntumwa n’imwe cyangwaumuhanuzi twohereje mbere yawe (yewe Muhamadi) ngo asome (ibyo yahishuriwe), maze ngo Shitani ibure gushyira urujijo mu byo yasomye (kugira ngo ibuze abantu gukurikiza ibyo basomewe). Nuko Allah agakuramo urwo rujijo Shitani yateje, hanyuma Allah agashimangira amagambo ye. Kandi Allah niUmumenyi uhebuje, Ushishoza

Kugira ngo urwo rujijo Shitani yateje, (Allah) arugire ikigeragezo kuri babandibafite uburwayi mu mitima (bw’uburyarya n’ubuhakanyi) ndetse n’abafite imitima inangiye. Kandi mu by’ukuri, inkozi z’ibibi ziri mu buyobe bukabije

No kugira ngo abahawe ubumenyi bamenye ko (Qur’an) ari ukuri kwaturutse kwa Nyagasani wawe, maze bayemere kandi imitima yabo iyicisheho bugufi. Mu by’ukuri, Allah ni Uyobora inzira igororotse abemeramana

Ariko babandi bahakanye ntibazareka kuyishidikanyaho (Qur’an), kugeza igihe imperuka izabagereraho ibatunguye cyangwa bakagerwaho n’ibihano by’umunsi utagira icyiza na kimwe (umunsi w’imperuka)

Kuri uwo munsi ubwami buzaba ari ubwa Allahwenyine uzabacira imanza. Babandi bazaba baremeye bakanakora ibikorwa byiza bazaba mu busitani bwuje inema (Ijuru)

Naho babandi bahakanye bakanahinyura amagambo yacu, bazahanishwa ibihano bisuzuguza

Babandi bimutse kubera Allah, hanyuma bakicwa cyangwa bagapfa (urupfu rusanzwe), mu by’ukuri Allah azabaha amafunguro meza.Kandi rwose, Allah ni we uhebuje mu batanga amafunguro

Rwose azabinjiza mu bwinjiriro bazaba bishimiye, kandi mu by’ukuri Allah ni Umumenyi uhebuje, Uworohera (abagaragu be)

Ibyo ni ko biri! Naho uzihorera bingana nk’uko yarenganyijwe, hanyuma akongera akarenganywa, rwose Allah azamutabara. Mu by’ukuri, Allah ni Umunyembabazi, Ubabarira ibyaha

Ni n’uko Allah yinjiza ijoro mu manywa,akaninjiza amanywa mu ijoro. Kandi rwose, Allah ni Uwumva cyane, Ubona bihebuje

Ibyo ni ibigaragaza ko Allah ari ukuri, naho ko ibyo (ababangikanyamana) basenga bitari we ari ibinyoma kandi ko Allah ari Uwikirenga, Usumba byose

Ese ntubona ko Allahamanura amazi mu kirere (imvura, ikameza ibimera) maze isi igahinduka icyatsi kibisi? Mu by’ukuri, Allah ni Ugenza buhoro, Umumenyi wa byose

Ibiri mu birere n’ibiri mu isi ni ibye. Kandi mu by’ukuri, Allahni Umukungu, Ukwiye gushimwa

Ese ntubona ko Allah yategetse ibiri mu isi kubacira bugufi ndetse ko n’amato agenda mu nyanja ku bw’itegeko rye? Anafashe ikirere kugira ngo kitagwa ku isi uretse igihe azabishakira. Mu by’ukuri, Allah ni Nyirimpuhwe bihebuje, akaba na Nyirimbabazi ku bantu

Ni na we wabahaye ubuzima hanyuma akazabubambura (igihe cyo gupfa), maze akazabubasubiza (ku munsi w’imperuka). Mu by’ ukuri, umuntu ni indashima

Buri muryango w’abantu (Umat) twawuhaye imigenzo bagomba gukurikiza (mu gusenga n’indi mihango y’idini). Bityo, (abahakanyi) ntibazakugishe impaka kuri iryo hame, ahubwo ujye ubahamagarira kugana Nyagasani wawe. Mu by’ukuri, wowe (Muhamadi) uri mu muyoboro ugororotse (idini rya Isilamu)

Kandi nibaramuka bakugishije impaka, ujye uvuga uti " Allah ni we uzi neza ibyo mukora

Allah azabakiranura kumunsi w’imperuka ku byo mutavugagaho rumwe

Ese ntuzi ko Allah aziibiri mu kirere no ku isi byose? Mu by’ukuri, ibyo byose biri mu gitabo (kirinzwe). Mu by’ukuri, ibyo kuri Allah biroroshye

Kandi bagaragira ibindi bitari Allah, atigeze abahera gihamya ndetse batanafitiye ubumenyi. Kandi ababangikanyamana Umutabazi. ntibazagira

Kandi iyo basomewe amagambo yacu asobanutse, ubona mu buranga bw’abahakanye(hagaragaramo)kutayishi mira, bari hafi gusumira ababasomera amagambo yacu! Vuga (yewe Muhamadi) uti "Ese mbabwire ibibi birusha ibyo? Ni umuriro Allah yasezeranyije babandi bahakanye, kandi iryo ni ryo herezo ribi

Yemwe bantu! Mwahawe urugero, ngaho nimurutege amatwi! Mu by’ukuri, ibyo musenga bitari Allah ntibishobora kurema n’isazikabone n’iyo byayiteraniraho. Kandi n’iyo iyo sazi yagira icyo ibyambura, ntibyashobora kukisubiza. Bityo, usaba n’usabwa bose ni abanyantege nke

(Ababangikanyamana) ntibahaye Allahicyubahiro kimukwiye. Mu by’ukuri, Allah ni Umunyembaraga zihebuje, Ushobora byose

Allah atoranya intumwa mu bamalayika no mu bantu. Mu by’ukuri, Allah ni Uwumva cyane, Ubona bihebuje

Azi ibizababaho n’ibyababayeho. Kandi kwa Allah ni ho ibintu byose bizasubizwa

Yemwe abemeye! Nimwuname, mwubame, kandi mugaragire Nyagasani wanyu, ndetse munakore ibyiza kugira ngo muzakiranuke

Kandi muharanire inzira ya Allah by’ukuri,mukoresheje imbaraga zanyu zose (kugira ngo izina rye rishyirwe hejuru). Ni we wabatoranyije (kugira ngo musohoze ubutumwa bwe), kandi nta nzitizi yigeze abashyirira mu idini. (Iryo dini) ni naryo dini ry’umubyeyi wanyu Ibrahimu. Ni we (Allah) wabise Abayisilamu mbere (mu bitabo byabanje), ndetse no muri iyi (Qur’an) kugira ngo intumwa (Muhamadi) ibabere umuhamya ndetse na mwe mube abahamya ku bantu bose. Bityo, nimuhozeho amasengesho, mutange amaturo, kandi mufatane urunana ku (idini rya) Allah. Ni we Mugenga wanyu; Umugenga mwiza, akaba n’Umutabazi mwiza