Kinyarwanda - Chapter 28 - Al-Qasas

Twaa Siin Miim

Iyo ni imirongo (ayat) y’igitabo gisobanutse

Turagusomera zimwe mu nkuru za Musa na Farawo mu kuri (ngo uzigeze) ku bantu bemera

Mu by’ukuri, Farawo yishyize hejuru mu gihugu (cya Misiri), anacamo ibice abantu baho, akandamiza bamwe muri bo (Abayisiraheli), abicira abana b’abahungunaho abakobwa babo akabareka. Mu by’ukuri, yari umwe mu bangizi

Kandi twifuzaga guha ingabire zacu abakandamijwe mu gihugu, tukabagira abayobozi ndetse tukanabagira abazungura (ba Misiri nyuma yo kurimbura Farawo)

No kubaha ubushobozi mu gihugu, ndetse no kugira ngo twereke Farawo na Hamana ndetse n’ingabo zabo, ibyo bajyaga batinya biturutse kuri bo (Abayisiraheli)

Nuko duhishurira nyina wa Musa (tumubwira tuti) "Mwonse, ariko niba ufite ubwoba (bw’uko yagirirwa nabi), munage mu mazi kandi ntutinye cyangwa ngo ugire agahinda. Mu by’ukuri, tuzamukugarurira ndetse tumugire umwe mu ntumwa (zacu)

Nuko atorwa n’abantu bo kwa Farawo, (nyuma) aza kubabera umwanzi n’impamvu y’umubabaro. Mu by’ukuri, Farawo na Hamana n’ingabo zabo bari abanyamakosa

Umugore wa Farawo abwira (Farawo) ati "(Uyu mwana) azaba ibyishimo byanjye na we! Ntimumwice! Hari ubwo yazatugirira akamaro cyangwa tukamugira umwana. Ariko (Farawo n’abantu be) ntibiyumvishaga (ko ari we uzaba impamvu yo korama kwabo)

Umutima wa nyina wa Musa wasigaye nta kindi kiwurimo (usibye gutekereza umwana we). Haburaga gato ngo amugaragaze (ko ari uwe) iyo tutamukomeza umutimakugira ngo abe mu bemera (isezerano ryacu)

Nuko (nyina wa Musa) abwira mushiki wa (Musa, igihe yamunagaga mu mazi) ati "Mukurikire!" Maze agenda amurebera kure batabizi

Nuko (Musa) tumubuza konka (abandi bagore) mbere (y’uko tumugarura kwa nyina), maze (mushiki we) arababwira ati "Ese mbarangire umuryango wamubarerera kandi ukamuha uburere bwiza

Maze tumusubiza kwa nyina kugira ngo (nyina) yishime ntanagire agahinda, kandi amenye ko isezerano rya Allah ari ukuri. Ariko abenshi muri bo ntibabizi

Nuko amaze kuba igikwerere anatunganye (mu bwenge), tumuha ubushishozi n’ubumenyi. Uko ni ko duhemba abakora ibyiza

Nuko yinjira mu mujyi (wa Farawo) abawutuye batabizi, ahasangaabagabo babiri barwana; umwe akomoka muri bene wabo, undi akomoka mu banzi be. Maze ukomoka muri bene wabo aramutabaza kugira ngo amufashe kwivuna umwanzi we, nuko Musa amukubita igipfunsi aramwica. (Musa amaze kumwica) aravuga ati "Ibi (nkoze) ni igikorwa cya Shitani.Mu by’ukuri, yo ni umwanzi uyobya ku buryo bugaragara

(Musa) aravuga ati "Nyagasani! Ku bw’inema wampaye, sinzigera nshyigikira inkozi z’ibibi

Nuko bukeye (Musa) aramukira mu mujyi afite ubwoba, akurikirana (ngo amenye inkurikizi z’ibyo yakoze). Maze wa wundi wamutabaje ku munsi wabanje avuza akamo amutabaza (nanone). Musa aramubwira ati "Mu by’ukuri, uri umuyobe ugaragara

Nuko (Musa) ashatse gusumira umwanzi wabo bombi, (wa mwanzi) aravuga ati "Yewe Musa! Urashaka kunyica nk’uko wishe umuntu ejo? Nta kindi ushaka kitari ukuba icyigomeke mu gihugu. Nta n’ubwo ushaka kuba mu bantu bakora ibitunganye

Maze haza umugabo yihuta, aturutse mu nkengero z’umujyi, aravuga ati "Yewe Musa! Rwose ibyegera (bya Farawo) biragucurira umugambi wo kukwica, bityo hunga! Mu by’ukuri, ndi umwe mu bakugira inama

Nuko awusohokamo akebaguzwa, afite ubwoba (bw’uko ashobora gufatwa). Aravuga ati "Nyagasani! Nkiza abantu b’inkozi z’ibibi

Ubwo (Musa) yerekezaga i Madiyana, yaravuze ati "Hari ubwo Nyagasani wanjye yanyobora inzira y’ukuri

Maze ageze ku mazi (iriba) ya Madiyana, ahasanga abantu benshi buhira (amatungo yabo), inyuma yabo hari abagore babiri bakumira (amatungo yabo kwegera amazi). Aravuga ati "Mufite ikihe kibazo?" Baravuga bati "Ntidushobora gushora (amatungo yacu) abashumba badakutse, kandi data ni umusaza ukuze cyane

Nuko abuhirira (amatungo), nyuma yerekeza mu gicucu (cy’igiti) maze aravuga ati "Nyagasani! Rwose nkeneye ibyiza wamanurira uko byaba bimeze kose

Maze umwe muri ba bagore babiri aza amusanga afite isoni, aravuga ati "Mu by’ukuri, data araguhamagaye kugira ngo aguhe igihembo cy’uko watwuhiriye (amatungo)". Nuko (Musa aramwitaba) amugezeho amubarira inkuru (y’ibyamubayeho), maze aramubwira ati "Ntugire ubwoba! Ukize abantu b’inkozi z’ibibi

Umwe muri bo (abagore) aravuga ati "Dawe! Muhe akazi! Kuko uwo ukwiriye kugaha ni umunyembaraga w’umwizerwa

(Shuwayibu) aravuga ati "Mu by’ukuri, ndashaka kugushyingira umwe muri aba bakobwa banjye babiri,ukazankorera imyaka umunani; ariko unujuje icumi, byaba ari ubushake bwawe kuko ntashaka kukugora. Ku bushake bwa Allah, uzasanga ndi umwe mu bantu beza

(Musa) aravuga ati "Ibyo ni (amasezerano) hagati yanjye na we. Kimwe muri ibyo bihe byombi nzakora, sinzarenganywe. Kandi Allahni umuhamya w’ibyo tuvuga

Nuko Musa yujuje igihe (bumvikanye), ajyana n’umuryango we (basubiye mu Misiri), arabukwa umuriro iruhande (rw’umusozi) wa Twuri. Maze abwira umuryango we ati "Nimusigare aha, mu by’ukuri, njye ndabutswe umuriro; hari ubwo nabazanira amakuru yawo (yadufasha kumenya inzira) cyangwa mbazanire igishirira cyaka kugira ngo mwote

Nuko awugezeho, ahamagarirwa iruhande rw’ikibaya iburyo (bwe), ku butaka butagatifu, iruhande rw’igiti, (abwirwa) ati "Yewe Musa! Mu by’ukuri, ni njye Allah, Nyagasani w’ibiremwa byose

Naga inkoni yawe hasi!" (Arayinaga) maze abonye yinyagambura imeze nk’inzoka, agira ubwoba arahunga ntiyahindukira. (Allah) aramubwira ati "Yewe Musa! Garuka kandi ntugire ubwoba, mu by’ukuri, uri umwe mu batekanye

Shyira ukuboko kwawe mu kwaha, kuravamo kurabagirana bidatewe n’uburwayi. Kandi wipfumbate kugira ngo ushire ubwoba. Ibyo byombi ni ibimenyetso bigaragara biturutse kwa Nyagasani wawe, uzifashisha kwa Farawo n’ibyegera bye. Mu by’ukuri, boni abantu b’inkozi z’ibibi

(Musa) aravuga ati "Nyagasani! Mu by’ukuri,nabishemo umuntu none ndatinya ko bazanyica

Kandi umuvandiwe wanjye Haruna andusha kuba intyoza, bityo mumpe tujyaneanyunganire, anahamye ibyo mvuga. Mu by’ukuri, ndatinya ko bampinyura

(Allah) aravuza ati "Tuzagushyigikiza umuvandimwe wawe tunabahe ubutware mwembi; bityo ntibazabashe kugira icyo babatwara. Ku bw’ibitangaza byacu, mwembi n’abazabakurikira muzatsinda

Nuko Musa abagejejeho ibitangaza byacu bigaragara, baravuga bati "Ibi nta kindi biricyo uretse ko ari uburozi bw’ubuhimbano, kandi ibi (uduhamagarira) ntitwigeze tubyumva ku babyeyi bacu bo hambere

Musa aravuga ati "Nyagasani wanjye ni we uzi neza uwazanye umuyoboro umuturutseho, kandi ni na we uzi uzagira iherezo ryiza ku munsi w’imperuka. Mu by’ukuri, inkozi z’ibibi ntizizatsinda

Nuko Farawo aravuga ati "Yemwe banyacyubahiro! Nta yindi mana nzi mufite itari njye, bityo ntwikira amatafari yewe Hamana, maze unyubakire umunara muremure kugira ngo nshobore kubona Imana ya Musa. Kuko mu by’ukuri, nkeka ko (Musa) ari umwe mu banyabinyoma

Maze (Farawo) n’ingabo ze bigira abibone mu gihugu bitari mu kuri kandi banibwira ko batazagarurwa iwacu (kwa Allah)

Nuko tumufatana n’ingabo ze maze tubajugunya mu nyanja. Bityo, reba uko iherezo ry’inkozi z’ibibi ryagenze

Twanabagize abayobozi bahamagarira (abantu) kugana umuriro, kandi ku munsi w’imperuka ntibazarokorwa

Twanabakurikije umuvumo hano ku isi, ndetse no ku munsi w’imperuka bazaba bari mu bantu babi

Kandi rwose twahaye Musa igitabo (Tawurati) nyuma yo kurimbura ibisekuru byo hambere, (ngo kibe) urumuri n’umuyoboro ndetse n’impuhwe ku bantu, kugira ngo babashe kwibuka

Kandi (yewe Muhamadi) ntabwo wari iruhande rw’iburengerazuba (bw’umusozi) ubwo twahaga Musa amategeko, ndetse nta n’ubwo wari mu bari aho (icyo gihe)

Ahubwo twaremye ibisekuru byinshi (nyuma ya Musa), bibaho igihe kirekire [(biza kwibagirwa isezerano rya Allah, kugeza ubwo uje (Muhamadi)], kandi nta n’ubwo wabaye mu bantu b’i Madiyana ngo ubasomere amagambo yacu. Ariko ni twe twoherezaga (intumwa, tukanaziha inkuru z’ibyabaye mbere)

Kandi nta n’ubwo wari iruhande rw’(umusozi wa)Twuri, ubwo twahamagaraga (Musa, ngo wumve ibyo tumuhishurira) ariko (twakohereje) ku bw’impuhweziturutse kwa Nyagasani wawe, kugira ngo uburire abantu batigeze bagerwaho n’umuburizi mbere yawe, kugira ngo babashe kwibuka

N’iyo (tutaza kukohereza mu bantu b’i Maka) nyuma bakagerwaho n’ibihano kubera ibyo bakoze, bari kuvuga bati "Nyagasani wacu! Iyo uza kutwoherereza intumwa, twari gukurikira amagambo yawe kandi tukaba mu bemera

Nuko ubwo ukuri kuduturutseho (intumwa Muhamadi) kwabageragaho, baravuga bati "Kuki atahawe nk’ibyo Musa yahawe?" (Babwire uti) "Ese mbere (Abayahudi) ntibahakanye ibyo Musa yahawe?" Baravuga bati "Ni uburozi bwombi (Qur’an na Tawurati) bwunganirana". Baranavuga bati "Mu by’ukuri, byose turabihakanye

Vuga (yewe Muhamadi) uti "Ngaho nimuzane igitabo giturutse kwa Allah kibirusha byombi kuba umuyoboro mwiza, maze ngikurikire niba koko muri abanyakuri

Ariko nibaramuka batagusubije, umenye ko nta kindi bakurikira kitari irari ryabo. Ese ni nde wayobye kurusha wawundi wakurikiye irari rye adafite umuyoboro uturutse kwa Allah? Mu by’ukuri, Allah ntayobora abantu b’inkozi z’ibibi

Kandi rwose twabagejejeho ijambo (Qur’an) kugira ngo babashe gutekereza

Babandi twahaye igitabo mbere yayo (Qur’an, bamwe muri bo) barayemera

N’iyo bayisomewe baravuga bati "Turayemera! Mu by’ukuri, ni ukuri guturutse kwa Nyagasani wacu. Kandi rwose na mbere yayo twari abicisha bugufi (Abayisilamu)

Abo bazahabwa ibihembo byabo byikubye kabiri kubera ko bihanganye, n’ikibi bakagikuzaho icyiza, ndetse bakanatanga mu byo twabafunguriye

N’iyo bumvise ibidafite akamaro barabyirengagiza, bakavuga bati "Twe dufite ibyo dukora namwe mukagira ibyanyu, amahoro ni abe kuri mwe. Ntidushaka kugirana ubucuti n’injiji

Rwose, wowe (Muhamadi) ntuyobora uwo ushatse, ahubwo Allahni we uyobora uwo ashatse. Kandi ni we uzi neza abayobotse

(Abahakanyi b’i Maka) baranavuga bati "Nituramuka dukurikiye umuyoboro (wazanye, tukaba) hamwe na we, tuzagirirwa nabi mu gihugu cyacu!" Ese ntitwabatuje ahantu hatagatifu kandi hatekanye (Maka), hazanwa imbuto z’ubwokobwose zikaba ari amafunguro aba aduturutseho? Nyamara abenshi muri bo ntibabizi

Ese ni imidugudu ingahe yigometsetukayoreka kubera imibereho myiza yari ifite (ikabashuka ibatesha kwemera Allah n’intumwa ze)? Ngayo amazu yaboatarongeye guturwamo nyuma ya bo uretse make muri yo. Kandi mu by’ukuri, ni twe twari abazungura

Kandi Nyagasani wawe ntiyarimbura imidugudu atabanje kohereza mu murwa mukuru wayo intumwa ibasomera amagambo yacu. Ndetse ntidushobora kurimbura imidugudu keretse abayituye ari inkozi z’ibibi

Kandi icyo mwahawe cyose ni umunezero w’ubuzima bw’isi n’umutako wayo. Naho ibiri kwa Allah (ingororano) ni byo byiza kandi bizahoraho. Ese ntimugira ubwenge

Ese uwo twasezeranyije isezerano ryiza (ijuru) maze akazaribona, ni kimwe n’uwo twahaye umunezero w’ubuzima bw’isi (akaba ari bwo ahitamo gusa) maze ku munsi w’imperuka akazaba mu bazazanwa (ngo bahanwe)

And [warn of] the Day He will call them and say, "Where are My 'partners' which you used to claim

Those upon whom the word will have come into effect will say, "Our Lord, these are the ones we led to error. We led them to error just as we were in error. We declare our disassociation [from them] to You. They did not used to worship us

And it will be said, "Invoke your 'partners' " and they will invoke them; but they will not respond to them, and they will see the punishment. If only they had followed guidance

And [mention] the Day He will call them and say, "What did you answer the messengers

But the information will be unapparent to them that Day, so they will not [be able to] ask one another

But as for one who had repented, believed, and done righteousness, it is promised by Allah that he will be among the successful

And your Lord creates what He wills and chooses; not for them was the choice. Exalted is Allah and high above what they associate with Him

And your Lord knows what their breasts conceal and what they declare

And He is Allah; there is no deity except Him. To Him is [due all] praise in the first [life] and the Hereafter. And His is the [final] decision, and to Him you will be returned

Say, "Have you considered: if Allah should make for you the night continuous until the Day of Resurrection, what deity other than Allah could bring you light? Then will you not hear

Say, "Have you considered: if Allah should make for you the day continuous until the Day of Resurrection, what deity other than Allah could bring you a night in which you may rest? Then will you not see

No kubera impuhwe ze (Allah) yabashyiriyeho ijoro kugira ngo muriruhukemo, n’amanywa kugira ngo mushakishemo ingabire ze, (ibyo byose yabibashyiriyeho) kugira ngomubashe gushimira

Kandi (wibuke) umunsi (Allah) azabahamagara akavuga ati "Ese ibyo mwajyaga mumbangikanya nabyo biri he

Tuzazana umuhamya muri buri muryango (umat), maze tuvuge tuti "Ngaho nimuzane ibimenyetso byanyu (bigaragaza ukuri kw’ibyo mwasengaga; maze babibure)". Ubwo nibwo bazamenya ko ukuri ari ukwa Allah. Kandi ibyobihimbiye (biringira ko bizabakorera ubuvugizi kwa Allah ku munsi w’imperuka) bizabatenguha

Mu by’ukuri, Qaruna yari umwe mu bantu ba Musa, nuko abigiraho umwibone. Kandi twamuhaye ibigega by’ubutunzi, ku buryo imfunguzo zabyo zaremereraga itsinda ry’abantu bafite imbaraga. (Wibuke) ubwo abantu be bamubwiraga bati "Ntukibone. Mu by’ukuri, Allah ntakunda abibona

Kandi ushake ubuturo bwo ku munsi w’imperuka mu byo Allah yaguhaye, ntuzanibagirwe umugabane wawe ku isi (kwishimisha bitanyuranye n’amategeko ya Allah), kandi ujye ugira neza nk’uko nawe Allah yakugiriye neza. Ndetse ntugakore ubwononnyi ku isi, mu by’ukuri, Allah ntakunda abononnyi

(Qaruna) aravuga ati "Mu by’ukuri, ibi nabihawe kuberaubumenyi mfite". Ese (Qaruna) ntiyamenye ko Allah yarimbuye ibisekuru mbere ye byamurushaga imbaraga no kurundanya imitungo? Kandi inkozi z’ibibi ntizizabazwa ibijyanye n’ibyahabyazo (kuko Allah abizi neza)

Maze (Qaruna) arasohoka agera mu bantu be (yambaye) imirimbo ye, nuko babandi bakunda ubuzima bw’isi baravuga bati "Iyaba twari dufite (imitungo) nk’iyahaweQaruna. Mu by’ukuri, we ni umunyamahirwe ahambaye

Ariko babandi bahawe ubumenyi baravuga bati "Muramenye! Ibihembo bya Allah ni byo byiza kuri wawundi wemeye akanakora ibikorwa byiza". Kandi ibyo ntibibonwa (n’uwo ariwe wese) usibye abihangana

Nuko we n’inzu ye tubarigitisha mu butaka, ntiyigera abona itsinda rimutabara ritari Allah. Kandi nawe ubwe ntiyashoboye kwitabara

Maze abifuzaga urwego nk’urwe ku munsi wabanje, baravuga bati "Burya bwose! Allah yongerera amafunguro uwo ashaka mu bagaragu be akanayagabanya (k’uwo ashaka). Iyo Allah ataza kutugirira ubuntu natwe yari kuturigitisha (mu butaka). Burya bwose! Abahakanyi ntibazakiranuka

Ubwo buturo bwa nyuma (Ijuru) twabugeneye babandi badashaka kwishyira hejuru cyangwa ngo bakore ubwononnyi ku isi. Kandi iherezo ryiza ni iry’abatinyamana

(Kuri uwo munsi), uzaba yarakozeicyiza (ku isi) azabona icyiza kikiruse, n’uzaba yarakoze ikibi (amenye ko) abakoze ibibi nta kindi bazahembwa kitari ibyo bakoraga

Mu by’ukuri, (yewe Muhamadi) uwaguhishuriye Qur’an azanagusubiza mu gihugu (cyawe cya Maka). Vuga uti "Nyagasani wanjye ni we uzi neza uwazanye umuyoboro ndetse n’uri mu buyobe bugaragara

Kandi ntabwo wigeze utekereza ko uzahishurirwa igitabo (cya Qur’an), ariko ku bw’impuhwe za Nyagasani wawe (waragihishuriwe). ntuzashyigikire abahakanyi. Bityo

Kandi rwose (ababangikanya mana) ntibazakubuze kugeza amagambo ya Allah(ku bantu) nyuma y’uko uyahishuriwe. Ujye unahamagarira (abantu) kugana Nyagasani wawe, ndetse ntuzabe mu babangikanya mana

Kandi ntuzabangikanye Allah n’uwo ariwe wese. Nta yindi mana ikwiriye gusengwa by’ukuri itari we. Buri kintu cyose kizarimbuka usibye we (Allah). Niwe ufite ubutware (bwa buri kintu) kandi iwe ni ho muzasubizwa