Kinyarwanda - Chapter 72 - Al-Jinn

Translation by R. M. C. Rwanda — Permalink

Verse 1 — Surah Al-Jinn 72:1

Vuga (yewe Muhamadi) uti "Nahishuriwe ko hari itsinda ry’amajini ryumvise (Qur’an isomwa), nuko rikavuga riti "Mu by’ukuri, twumvise Qur’an itangaje

View verse 72:1 page →Raw JSON

Verse 2 — Surah Al-Jinn 72:2

Iyobora iganisha ku kuri, nuko turayemera kandi ntituzigera tubangikanya Nyagasani wacu (Allah) n’icyo ari cyo cyose

View verse 72:2 page →Raw JSON

Verse 3 — Surah Al-Jinn 72:3

Kandi ko icyubahiro cy’ikirenga ari icya Nyagasani wacu, utarigeze umugore cyangwa umwana

View verse 72:3 page →Raw JSON

Verse 4 — Surah Al-Jinn 72:4

Kandi ko umunyabwenge buke muri twe (Shitani) yajyaga avuga ibidahwitse kuri Allah

View verse 72:4 page →Raw JSON

Verse 5 — Surah Al-Jinn 72:5

Kandi mu by’ukuri, twakekaga ko abantu n’amajini badashobora guhimbira Allah ikinyoma

View verse 72:5 page →Raw JSON

Verse 6 — Surah Al-Jinn 72:6

Kandi mu by’ukuri, mu bantu hari abagabo bajyaga biyambaza amajini y’igitsinagabo, ariko (ibyo) byongereraga (abo bantu) gukora ibyaha (ndetse n’ayo majini bikayongerera kwibona)

View verse 72:6 page →Raw JSON

Verse 7 — Surah Al-Jinn 72:7

Kandi ko mu by’ukuri, batekerezaga nk’uko mwatekerezaga ko Allah atazigera agira n’umwe azura

View verse 72:7 page →Raw JSON

Verse 8 — Surah Al-Jinn 72:8

Kandi twagerageje kugera mu kirere dusanga cyuzuye abarinzi bakomeye ndetse n’ibishirira

View verse 72:8 page →Raw JSON

Verse 9 — Surah Al-Jinn 72:9

Kandi mu by’ukuri, twajyaga tuhagira ibyicaro kugira ngo twumvirize (ibivugirwa mu Ijuru), ariko ubu uwagerageza kumviriza yahura n’igishirira kimwubikiriye

View verse 72:9 page →Raw JSON

Verse 10 — Surah Al-Jinn 72:10

Kandi ntitwigeze tumenya niba hari ikibi giteganyirizwa abari ku isi, cyangwa niba Nyagasani wabo abifuriza icyiza

View verse 72:10 page →Raw JSON

Verse 11 — Surah Al-Jinn 72:11

Kandi ko muri twe hari abakora ibyiza n’abatameze batyo. Turi amatsinda afite amayira (imyizerere) atandukanye

View verse 72:11 page →Raw JSON

Verse 12 — Surah Al-Jinn 72:12

Kandi twizeraga ko tudashobora kunanira Allah (aramutse ashatse kuduhana) ku isi, cyangwa ngo tube twagira aho tumuhungira

View verse 72:12 page →Raw JSON

Verse 13 — Surah Al-Jinn 72:13

Kandi ko mu by’ukuri, ubwo twumvaga umuyoboro (Qur’an) twarawukurikiye. Kandi uwemeye Nyagasani we, ntatinya kugabanyirizwa (ibihembo bye) cyangwa ngo abe yatinya kongererwa (ibihano)

View verse 72:13 page →Raw JSON

Verse 14 — Surah Al-Jinn 72:14

Kandi ko muri twe hari mo abicishije bugufi (Abayisilamu) n’abatannye. Nyamara abicishije bugufi ni bo bagannye inzira igororotse

View verse 72:14 page →Raw JSON

Verse 15 — Surah Al-Jinn 72:15

Naho abatannye bazaba inkwi z’umuriro wa Jahanamu

View verse 72:15 page →Raw JSON

Verse 16 — Surah Al-Jinn 72:16

Kandi ko iyo (abahakanyi) baza kuyoboka inzira igororotse (bakayishikamamo), rwose twari kubaha amazi (imvura) menshi (kandi y’umugisha)

View verse 72:16 page →Raw JSON

Verse 17 — Surah Al-Jinn 72:17

Kugira ngo tuyabageragereshe. Kandi uzirengagiza urwibutso rwa Nyagasani we, azamuhanisha ibihano bihambaye

View verse 72:17 page →Raw JSON

Verse 18 — Surah Al-Jinn 72:18

Kandi ko imisigiti yose ari iya Allah (wenyine). Bityo, ntimukagire undi musaba mumubangikanyije na Allah

View verse 72:18 page →Raw JSON

Verse 19 — Surah Al-Jinn 72:19

Kandi ubwo umugaragu wa Allah (Muhamadi) yahagurukaga amusenga, (amajini) yabaga amuzengurutse (kugira ngo yumve Intumwa isoma Qur’an)

View verse 72:19 page →Raw JSON

Verse 20 — Surah Al-Jinn 72:20

Vuga (yewe Muhamadi) uti "Mu by’ukuri, njye nsaba Nyagasani wanjye wenyine nta wundi mubangikanyije na we

View verse 72:20 page →Raw JSON

Verse 21 — Surah Al-Jinn 72:21

Vuga (yewe Muhamadi) uti "Mu by’ukuri, nta bubasha mfite bwo kuba nagira ikibi mbakorera, cyangwa ngo mbe nabayobora (mu nzira igororotse)

View verse 72:21 page →Raw JSON

Verse 22 — Surah Al-Jinn 72:22

Vuga uti "Mu by’ukuri, nta n’umwe wandinda (ibihano bya) Allah (ndamutse mwigometseho), ndetse nta n’ahandi nabona ubuhungiro hatari kuri we

View verse 72:22 page →Raw JSON

Verse 23 — Surah Al-Jinn 72:23

(Umurimo wanjye nta wundi) usibye gusohoza (ukuri) n’ubutumwa biturutse kwa Allah. Ariko uzigomeka kuri Allah n’intumwa ye, azahanishwa umuriro wa Jahanamu azabamo ubuziraherezo

View verse 72:23 page →Raw JSON

Verse 24 — Surah Al-Jinn 72:24

Kugeza ubwo (ababangikanyamana) bazabona ibyo basezeranyijwe, ni bwo bazamenya ufite abatabazi b’abanyantege nke n’ufite bake

View verse 72:24 page →Raw JSON

Verse 25 — Surah Al-Jinn 72:25

Vuga (yewe Muhamadi) uti "Sinzi niba (ibihano) musezeranywa biri bugufi cyangwa niba Nyagasani wanjye azabiha igihe kirekire

View verse 72:25 page →Raw JSON

Verse 26 — Surah Al-Jinn 72:26

Ni we (wenyine) mumenyi w’ibitagaragara kandi nta n’umwe ajya ahishurira ibye

View verse 72:26 page →Raw JSON

Verse 27 — Surah Al-Jinn 72:27

Uretse uwo yishimiye mu ntumwa ze, akamwoherereza abarinzi (abamalayika) bamugenda imbere n’inyuma

View verse 72:27 page →Raw JSON

Verse 28 — Surah Al-Jinn 72:28

(Ibyo Allah abikora) kugira ngo amenye ko (Intumwa) zasohoje neza ubutumwa bwa Nyagasani wazo. Kandi (ko Allah) azi neza ibyo zitunze ndetse azi byimazeyo umubare wa buri kintu

View verse 72:28 page →Raw JSON