Kinyarwanda - Chapter 93 - Ad-Duhaa

Ndahiriye ku gasusuruko

No ku ijoro igihe ryijimye

(Yewe Muhamadi), Nyagasani wawe ntiyagutereranye kandi nta n’ubwo yakurakariye

Kandi rwose ubuzima bw’imperuka ni bwo bwiza kuri wowe kurusha ububanza (ubw’isi)

Mu by’ukuri, bidatinze Nyagasani wawe azaguha kandi uzishima

Ese ntiyagusanze uri imfubyi akaguha icumbi (abakwitaho)

Akanagusanga udasobanukiwe (Qur’an n’amategeko yayo), nuko akakuyobora

Akaba yaranagusanze uri umukene maze akagukungahaza (akaguha kunyurwa)

Bityo, ntugahutaze imfubyi

Ntukanakankamire uje asaba

Kandi ingabire za Nyagasani wawe (yaguhaye), ujye uzigaragaza (umushimira)