Kurmanji - Chapter 69 - Al-Haqqah

Maf (bi rastî di roja qarsê da) ne

(Roja) qarsê çîye

Ka çi tişt e bi te daye zanînê(roja) qarsê çîye

Semûdîyan û Adîyan (danê) qarsê (dan e) derewdêrandinê

Îdî Semûdî bi sedema ku ji avarû derketibûn, hatine teşqele kirinê

Lê Adîyan bi babelîzkeke bi denge zor hişk hatine teşqele kirinê

(Yezdan ewa baya) bi ser wan da hevt şev û hevt rojan bi peywestî anîye, îdî te digo qey ewa komala di nava wî baî da bi xwe va çûne, wekî çiqilê darê xurm kefikî, diketin

Îdî qe tu ji wan para maîyan dibnî

Fir´ewn û ewanê berya (Fir"ewn jî) û (komalê) bajarê kavil bûne, bi xeletîne xwe va hatine

Îdî ewan bê gotina qasidê Xuda yê xwe kirine, îdî (Xuda yê wan jî, ewnan) bi şapateke mezin (dane şapat) kirinê

Bi rastî gava av rabû ye, me hûn hildane kêleka kişyaî da

Ji bo ku guhekî vala ewî bi xweber bi parisîne, me ji we ra xistîye şîreteke (sodret)

Îdî gava di sturî da bi carekî tenê tê puf kirinê

Û zemin û çîyan tene rakirinê, bi yek carekî û hev dikevin

Îdî bûyera qarsê di wê royê dan e

Îdî ezman di wê rojê da çirîye; hatîye daweşandinê

Û ferişten jî li ser lêvê ezman in. Şixwa di wê rojê da arşê Xuda yê te heşt (ferişte) hil didin

Di wê rojê da hûn (ji bona Yezdan ra) têne raber kirinê, ji we tu veşartî ji (Xuda) penha namînin

Îdî ji bona kîjanî ra pirtûka wî bi destê rastê hatibe dayînê (aha) dibêje: "Ka pirtûka min bi xwûnin (hemî qencîne)

Loma bi rastî min guman kiribû, ku ezê rastê vê hijmarê wer im

Îdî ewa di jîneke pê qayîl dan e

Di behişteke bilind dan e

Guşîne (darê) wê nêzîk in

Lê ewê, ku pirtûka wî bi destê çepê ji wî ra hatîye dayînê; îdî (aha) dibêje: "Xwezîka ji bona min ra pirtûk ne hatibû ya dayînê

Min bi hijmara (kirinê) xwe nizanbû ya

Xwezîka (mirina min) pêk hatibû ya (min evan ne dîtibûnan)

Qe malê min bi kêrê min nehat (evan şapatan dûrê min ne xistin)

Hêz û seroktî ya min çû(qe tu kar nekir)

[Allah dê bêje], \" Wî bigirin û wî girêdin

Wê hingê bikeve nav Hellfire wî bişewitîne

Paşê hûnê wî di zincîrê; ku pîletê wî hevtê zend in, beherin

Loma ewî bi Yezdan ê mezin bawer ne dikir

Ji bona daxwurinan belengazan qe helan ne dida tu kesî

Îdî di îro da ji bona wî ra di vira da qe tu pismam tuneye

Ji pêştirê kêmê, qe tu xwurin jî tuneye

Ji pêştirê gunehkaran, qe tu kes (ewê xwurinê ) naxun

Ho! Ez bi wan tiştên, ku hûn ewan dibînin

Bi wan tiştên, ku hûn ewan nabînin

Sond dixum! Ku ewa (Qur´an a) bi rastî peyva (Xuda ye) qasidê (Yezdan ê) dilşa anîye

Ewa (Qur´an a) gotina bengîyekî nîne. Hûn çiqa hindik bawer dikin

Ewa (Qur´an a) gotina fal zanan jî, nîne. Hûn çiqa hindik diponijin

Lê ewa hey hînartineke ji Xuda yê cîhanê ye

Heke ewî (qasidî) li ser navê me hinek gotin, aloze kirîbû ya

Bi rastî meyê ji wî hêza wî hildabû ya

Paşê meyê temarê canê wî jêkira

Îdî tu kesî ji we nikaribû, ji wî (qasidî) eva şapata bida para da

Bi rastî ewa (Qur´an a) ji bona Xudaparizan şîretek e

Bi rastî me dizanî ya, ku hinekne ji we ewê didine derewdêrandinê

Bi rastî eva li ser filan kovanek e

Loma bi rastî ewa mafekî bê dudil e

Îdî (Muhemmed!) tu navê Xuda yê xweî mezin bi perestî paqijiyan bike