Kurmanji - Chapter 77 - Al-Mursalat

Bi wan (bayê) şandayê (peywestene) ji bona qencîyan

Bi wan (bayê) bagerok

Bi wan (bayê) vekerokê (tiştan e)

Bi wan (bayê) ji hev derxistok

Bi wan (bayê) bûyerên (borî) tîne bîra merivan

Tatan û ya jî hişyarîyê

Îdî gava sitêrk biçilmisin

Û gava ezman ji hev çirya (ji hev çû)

Gava çîya hatine jenandinê

Û gava qasid (ji bona nihrewanîyê) danê ra dewanîyê dabe

(Aha tê gotinê): "Ji bona kîjan royê "Dan" para hatîye danînê

Ji bona roja berewanî (tê da tê kirinê)

Tu ji ku dizanî, ka roja berewanîyê çîye

Di wê royê da, xwelî li derewdêran be

Maqey me ewan (virekê) berê teşqele ne kirîye

Paşê emê ewanê para da mayî jî bûne peyrewê wan

Bi vî awayî em gunehkaran (celat) dikin

Di wê royê da xwelî li derewdêran be

Maqey me hûn ji aveke sike tîr ne afirandîne

Îdî me eva (ava) di ewreke parisvane bi hêz da cîh kirîye

Heya danekî dîyarî

Îdî me ewa (ava) pîva (xistiye meriv). Îdî pîvdanok çiqa qenc e

Di wê royê da xwelî li derewdêran be

Maqey me zemîn ne xistîye şûna civînê

Ji bona zindî û miryan

Û me di zemîn da çîyane bilindê dirêj binecî danîne û me hûn bi ava hêsaî û şirin dane avdanê

Di wê royê da xwelî li derewdêran be

Hûn (gelî filan!) li bal wê (şapata) ku we bi hatina wê derew dikinir, herin

Hûn li bal wê sî ya (doja) sê şax da herin

Ewan (sîyan) sîwanê nakin û ji pêtê agir jî (naparisînin)

Bi rastî ewa (doja) pêtê wusa devêje, ta dibê qey wekî koşkan in

Ewan (pêtê hatine avêtinê) tu dibê qey pîletê keleka nin (ji agirê) sor (dirêj bûne)

Di wê royê da xwelî li derewdêran be

Eva roja royeke wusane qe ewan tê da na-axivin

Ji bona wan ra destûr nayê dayînê heya, ku ewan tatê xwe jî bixwazin

Di wê royê da xwelî li derewdêran be

Ewa roja (ku pûçî û rastî ji hev ra diqete) eva ye. Emê we û ewanê berya we da (di vê royî da) bicivînin

Îdî heke ji bona we ra endeze hene (ku hûn xwe bi wan fereste bikin) ka ji bona xwe ra endezan bikin

Di wê royê da xwelî li derewdêran be

Bi rastî Xuda-pariz di nava sîwan fi kanî ya danin

Di nava êmîşên dilxwastî danin

Hûn (gelî Xuda parizan!) bi sedema kirinê xwe bigivirandin bixwun û vexun, noşê canê we be

Bi rastî em bi vî awayî qenckaran xelat dikin

Di wê royê da xwelî li derewdêran be

(Gelî gunehkaran!) hûn hindik bi xwaşî bixun û bijîn. Qe (tu zîyan tuneye) bi rastî hûn gunehkar in

Di wê royê da xwelî liderewdêran be

Gava ji bona wan ra hatîye gotinê: "Hûn ji bona (Yezdan ra) xwe kûz bikin. Ewan (ji bona Yezdan ra biperestî) xwe kûz nakin

Di wê royê da xwelî li derewdêran be

Îdî gelo ji piştî (Qur´an ê) ewanê bi kîjan axiftinê bawer bikin