Kendayan - Chapter 12 - Yusuf

Alif lâm râ’, nian lah ayat-ayat kitab (Al- Quran) nang jalas

Sabatolnya Kami nuruntatnya barupa Al- Quran babahasa Arab, agar kita’ ngarati

Kami nyaritaatnya ka’ kao (Muhammad) gesah nang paling edo’ mang ngawahyukan Al-Quran nian ka’kao, man sabatolnya kao sanape’ koa tamasok urakng nang nana’ nau’an

(Ingatlah ), ke’ Yusup bakata ka’ apa’nya, wahe apa’ ku! Sungguh aku (bamimpi) nele’ sabalas bintakng, mata’ari man bulatn, kutele’ samuanya sujud ka’ aku

Ia (apa’nya bakata, ”wahe anak ku, amelah kao caritaatn, mimpi-nyu ka’ kaluarganyu (kamarkapalanyu), iaka’koa nae majoat tipu daya (nto’ minasaatn)-nyu, sungguh, setan koa musuh nang jalas ka’ talino

Man ampakoalah, Tuhan milih kao (nto’ jadi nabi) man ngajaratn ka’ kao sabagian dari takwil mimpi man nyampurnaan (nikmat-Nya) ka’ kao man ka’ kaluarga yakub, sabage mae Ia udah nyampurnaan nikmatNya, ka’ kadua urakng ene’ nyu, sanape’ koa, (iaksa) Ibrahim man ishak. sungguh, tuhan nyu maha nau’an, maha bijaksana

Sungguh, ka’ gesah Yusuf man kaluarga- kaluarganya tadapat tanda-tanda (kakuasaan Allah) bagi urakng nang batanya

Kade’dah iaka’koa bakata, ”sabatolnya Yusuf man kaluarganya (Bunyamin) labih dicintai apa’ dari diri’, padahal diri’ nian sote’ golongan (nang kuat) sungguh apa’ diri ka’ kakaliruan nang nyata. 12. Y®SU

Bunuhlah Yusuf ato buakng lah ia ka’ suatu tampat supaya paratiatn apa’ ka’ diri, man udah koa manjadi urakng nang baik

Seko’ urakng ka’ antara nya ka’’koa bakata, ”amelah kita’ munuh Yusuf tapi tama’an ja ia ka’ dasar sumur agar ia di taap di oleh sabagian musapir, kade’ kita nae babuat

Ia ka’ koa bakata, ”wahe apa’ kami! ngahe kita’ nana’ pucaya’ ka’ kami tahadap yusuf, padahal sabatolnya kami samua mao’ ba- buat baik ka’ ia

Biaratn lah ampus sama-sama kami ampagi (alap’m), agar la basanang-sanang, man bamain-main man kami pasti nyaganya

Ia (Ya’kub) bakata, ”sabatolnya ka’ ampusatn kita’ sama-sama ia (yusuf) miah nyadihatn man aku koater ia di pajuh srigala, sadangkan kita’ lale ka’ ia

Sabatolnya iaka’koa bakata, ”kade’ ia di pajuh srigala, padahal kami kalompok (nang kuat), kade’ ampakoa tantu kami urakng–urakng nang rugi

Maka waktu iaka’koa mabanya man sapakat, nama’an ka’dasar sumur, Kami wahyuatn ka’ ia, ”kao nae pasti nyaritaatn pabuatan nian ka’ dangan, sadangkan iaka’koa nana’ manyadari

Kamudian iaka’koa atakng ka’ apa’ nya ka’ koa ka’ gumare’ ari sambil nangis

Iaka’koa bakata, ”wahe apa kami, sabatolnya kami ampus balomba man kami ningalatn yusup ka’ samak barang- barang kami, lalu di pajuh srigala. Man kita’ tantu nana’ pucaya’ ka’ kami, Sakalipun kami bakata banar

Man iaka’koa atakng ngicakng baju gamisnya (nang balumuran) darah palsu. (Ya’kub) bakata, ”sabanarnya ngge diri’nyu, babaro nang nele’ baik urusan nang buruk koa maka ngge basabar koalah nang tabaik (bagiku). Man ka’ Allah ja’ mamohon patolongan Nya, tahadap ahe nang kao caritaatn

Man atakng lah sakalompok musapir iaka’koa nyuruh seko’ urakng naap ai lalu ia nuruntatn timba’nya. Ia bakata, ”oh, sanangnya nian ada saurang anak muda!” kamudian iaka’koa nosokkatnnya sabage barang dagangan man Allah maha nu’an ahe nang iaka’koa karajaatn

Man iaka’koa nyualnya (yusuf) mang raga murah ngge sangahe dirham ihan sabap iaka’koa nana’ tatarik ka’la

Man urakng dari mesir, nang malinya bakata ka’ bininya, 409 bare’atlah ka’ ia tampat (man layanan) nang baik, mudah- mudahan ia bamanpa’at ka’ diri’. ato diri’ pungut ia sebage anak, man leakoalah Kami mare’atn kadudukan nang edo’ ka’ Yusuf ka’ nagari (Mesir) man Kami ajaratn ka’ takwil mimpi, man Allah bakuasa tahadap urusanNya tatapi Talino kamanyakatn nana’ ngarati

Man katika ia udah cukup dewasa Kami bare’atn ka’ ia kakuasaan man ilmu. Leakoalah Kami mare’ balasan ka’ urakng-urakng nang babuat baik

Man nang bini tampat Yusuf badiapm ka’rumahnya manggoda dirinya, man ia nutup talobo’-talobo’ lalu ia bakata, ”keatn lah samaki’ aku, ”yusuf bakata, ”aku balindung ka’ Allah, sungguh, tuanku, udah ngalakuatn aku mang baik, ”sabatolnya urakng nang jalim koa nana’ akan baruntukng

Man sungguh, nang bini koa udah ba kahendak ka’nya (yusuf). Man Yusuf pun bakahendak ka’ ia, sakiranya ia nana’ nele’ 12. Y®SU tanda (dari) Tuhannya, 410 ampakoalah, Kami palingkatn ka’ ia kaburukatn man kekejian sungguh, ia (Yusuf) tamasok hamba Kami nang ta pilih

Man ia badua balomba’ notok talobo’ man nang bini koa manarik baju gamisnya(yusuf) dari balakang sampe’ rantak man ia badua batamu laki nang bini koa, ka’ adaptn talobo’: (nang bini) koa, bakata, ”ahe ke balasan tahadap urakng nang ba maksud buruk tahadap bininyu salain dipanjaraatn ato (dihukum) mang siksaatn nang padih

Ia (yusuf) bakata, ”ia nang manggoda ku man marayu aku, saurakng saksi dari kaluarga nang bini koa mareatn kasaksian, ”kalo’ baju gamisnya rantak ka’ adaptn maka nang bini koa banar man ia (yusuf) tamasok urakng nang dusta

Man kalo’ bajunya rantak ka’ balakang maka nang bini koalah nang dusta, man ia (yusuf) tamasok urakng nang banar

Maka waktu (laki nang bini koa) nele’ baju gamisnya (yusuf) rantak ka’ balakang, ia bakata, ”sabatolnya nian tipu daya nyu banar-banar hebat

Wahe yusuf! Lupaatnlah nian, man (biniku) mohonlah amponan ka’ dosanyu karana kao tamasok urakng nang basalah

Man nang bini-nang bini ka’kota bakata, ”bini al-‘Aziz, manggoda man marayu palayan nya banar-banar muatnya mabuk cinta. Kami pasti nele’ ia dalapm kasasatatn nang nyata

Maka waktu nang bini koa nangar cercaan iaka’koa, diundang nya lah nang bini-bini man disadiatn tampat duduk nto’ iaka’koa, man ka’masing-masing iaka’koa dibare’ atn sate’ iso’ (nto’ natak jamuan) kamudian ia bakata (ka’ Yusuf), ”kaluar- lah (tele’atn diri’nyu) katika nang bini bini koa nde’nya, ia ka’ koa tapasona ka’ kaedo’atn muhanya. Ia ka’ koa nana sadar ngalukai’ kokotnya babaro. Lantas bakata, “Maha Sampurana Allah, nian buke’lah talino. Nian banar-banar malaekat nang mulia.”

Ia (bini al-aziz) bakata, ”koalah urakng nya nang nyabapatn kita mancela aku karana (aku tatarik) ka’ia, man sungguh aku udah manggoda diri’nya nto’ manundukatn dirinya tatapi, ia manolak. Kalo’ ia nana ngalakuatn ahe nang aku parentahtn ka’ ia, niscaya ia akan di panjara, man ia akan menjadi uraleng nang hina

Yusuf bakata, ”wahe Tuhan ku! panjara lebih aku sukai daripada mamanuhi’ ajakan iaka’koa, kalo’ aku nana’ kita’ hindaratn dari tipu dayanya ka’ ’koa niscaya aku akan cenderung nto’ (mamanuhi kainginan iaka’koa) man pasti aku tamasok urakng nang bodoh

Maka Tuhan mangabulkan doa Yusuf man Ia ngindaratn Yusuf dari tipu daya iaka’koa, Ia-lah nang Maha Nangar Maha Nau’an

Kamudian timbul pikiran ka’ iaka’koa, udah nele’ tanda-tanda (kabanaratn Yusuf) bahwa’ iaka’koa harus manjara nya sampe waktu tatantu

Man basama ia masok uga’ dua urakng pamuda ka’dalapm panjara, 411 salah seko’nya bakata, ”sabatolnya aku bamimpi mamaras anggur, ”man nang lainya bakata, ”aku bamimpi maba roti ka’atas kapalaku, sabagiannya dimakatn burukng, ”caritaatnlah ka’ kami takwilnya, sabatolnya kami nele’ kao tamasok urakng nang babuat baik

Ia (Yusuf) bakata, ”makanan ahe pun nang akan dibare’atn ka’ kao badua aku udah bisa manarangkatn takwilnya sanape’ (makanan) koa sampe ka’ kao. Koa sabagian dari nang diajaratn Tuhan ka’aku. Sabatolnya aku udah ningalatn agama urakng nang nana baiman ka’ Allah, bahkan iaka’koa nana’ pucaya’ ka’ari naherat

Man aku ngikuti’ agama ene’ moyangku, ibrahim, ishak, yakub. Nana’ pantas ka’ kami (da’ nabi) nyakutuatn sagala sasuatu ahe pun mang Allah, nang koa ialah dari karunia Allah ka’ kami man ka’ talino (samuanya). Tatapi kamanyakatn talino nana’ ba syukur

Wahe kadua panghuni panjara mae ke’ nang edo’ tuhan-tuhan nang bamacam- macam koa ato ke’ Allah nang Maha Esa, Maha Pakasa

Ahe nang kao sambah salain Ia, nggelah dama-dama nang pamuat-pamuat di nya babaro mao’ pun di ene’ moyangnyu. Allah nana’ nuruntatn suatu katarangan pun tantang hal (dama-dama) koa. Kaputusan koa ngge nu’ Allah, Ia udah marontah supaya kao nana’ manyambah salain Ia koalah agama nang lurus tatapi kamanyakatn talino nana’ nuan

Wahe kadua panghuni panjara, ”salah saurakng (seko’ urakng) ka’antara kita’ akan batugas nyadiaatn minuman (khamr) ka’ tuannya, adapun nang seurakng (seko’ urakng) agi’ ia akan disalib lalu burung majuh sabagian kapalanya, udah tajawab pakara nang kao tanya’an ka’ aku

Man Ia (yusuf) bakata ka’ urakng nang di katahui’nya akan salamat ka’ antara iaka’koa badua tarangkatnlah ka’ adaanku ka’tuan nyu maka setan nyadiatn ia lupa nto’ menerangkan (keadaan yusuf) ka’ tuannya karana koa ia (yusuf) tatap dalapm panjara sangahe tahutn lamanya

Man raja bakata (ka’ da’ pamuka kaumnya), “sabatolnya aku bamimpi nele’ tujuh eko’ sapi nang bini nang gamok dipajuh di tujuh eko’ sapi nang bini nang kurus; tujuh tangke’ (gandum) nang ijo man (tujuh tangke’) lainnya nang karileng. Wahe urakng nang takamuka! Tarangkatnlah ka’ aku tantang takwil mimpiku koa kade’ kao dapat nakwilatn mimpi”

Iaka’koa nyawap, “(koa) mimpi-mimpi nang kosong nang kami nana’ mampu manakwilatn mimpi koa”

Man bakatalah urakng nang salamat ka’ antara iyaka’koa badua man taringat (ka’ Yusuf) sangahe waktu lamanya, “aku akan mere’ tauatn ka’ kao tantang (urakng nang pane) manakwilatn mimpi koa maka utuslah aku (ka’ ia)”

“Yusuf, wahe urakng nang miah dipucaya’’! tarangkatnlah ka’ kami (takwil mimpi) tantang tujuh eko’ sapi nang bini nang gamok nang dipajuh ditujuh (eko’ sapi nang bini) nang kurus, tujuh tangke’ (gandum) nang ijo man (tujuh tangke’) lainnya nang karikng sup;aya aku kambali ka’ urakng-urakng koa agar iaka’koa ngatahui’. ”

Ia (Yusuf) bakata, “supaya kao batanam tujuh tahutn (baturut-turut) sabagemae biasa; kamudian ahe nang kao tamu handaklah kao biaratn ka’ tangke’nya kacoali saebet nto’ kao makatn

Kamudian salaka’ koa akan atakng tujuh (tahutn) nang miah sulit, nang ngabisatn ahe nang kao simpan nto’ ngadapi’nya (tahutn sulit), kacoali saebet dari ahe (bibit gandum) nang kao simpan

Salaka’ koa akan atakng tahutn dimae talino dibare’ ujatn (nang cukup) man ka’ masa koa iaka’koa ngaramas (anggur)”

Man raja bakata, “icaknglah iaka’aku”. Katika utusatn koa atakng ka’ia, (Yusuf) bakata, “kambalilah ka’ tuannyu man tanya’an ka’ ia ampahe halnya nang bini- nang bini nang udah ngaluka’i’ kokotnya. Sungguh, Tuhanku Maha Nau’an tipu dayanyaka’koa”. 12. Y®SU

(Yusuf bakata), “nang ampakoa supaya ia (Al-Azis) ngatahui’ bahwa’ aku banar- banar nana’ ngahianati’nya katika ia nana’ ada (ka’ rumah), man bahwa’ Allah nana’ maridhoi’ tipu daya urakng-urakng nang bakianat

Man aku nana’ (ngataatn) diri’ku bebas (dari kasalahatn), karana sabatolnya napsu koa salalu nyorong ka’ kajahatatn, kacoali (napsu) nang dibare’ rahmat di Tuhanku. Sabatolnya Tuhanku Maha Pangampon, Maha Panyayang

Man raja bakata, “incaknglah ia (Yusuf) ka’ aku, supaya aku milih ia (sabage urakng nang samak) ka’ aku”. Katika (raja) udah bakata-kata mang ia, (raja) bakata, “sabatolnya kao (mulai’) ari nian jadi urakng nang bakadudukatn tingi ka’ lingkungan kami man dipucaya’.”

Ia (Yusuf) bakata, “jadiatnlah aku bandahara nagari (Mesir); karana sabatolnya aku adalah urakng nang pane nyaga, man bapangatahuan”

Man ampakoalah Kami mare’ kadudukatn ka’ Yusuf ka’ nagari nian (Mesir); nto’ badiapm ka’ mae ma’an nang ia kahandaki’. Kami ngalimpahatn rahmat ka’ sae nang Kami kahandaki’ man Kami nana’ nyia- nyiaatn pahala urakng-urakng nang babuat baik

Man sungguh, pahala naherat koa labih edo’ ka’ urakng-urakng nang baiman man salalu batakwa

Man kamarkapala Yusuf atakng (ka’ Mesir) lalu iaka’koa masok ka’ (tampat) nya. Maka (Yusuf) nganalnya ka’ koa, sadang iaka’koa nana’ kanal (agi’) ka’ ia

Man katika (Yusuf) nyiapatn bahan makanan nto’nya ka’ koa, ia bakata, “incaknglah ka’ aku kamarkapalanyu nang saapa’ mang kao (Bunyamin), nana’ ke’ kao nele’ bahwa’ aku nyampuranaan takaran man aku ialah panarima’ tamu nang paling edo’

Maka kade’ kita’ nana’ ngincakngnya ka’ aku maka kita’ nana’ akan namu jatah (gandum) agi’ dariku man ame kita’ nyamaki’ ku. ”

Iaka’koa bakata, “Kami nae mujuk pa’nya (nto’ ngincakngnya) man kami banar-banar nae ngalaksanaannya. ”

Man ia (Yusuf) bakata ka’ palayan- palayannya, “tama’anlah barang-barang (panukar) nya ka’ koa414 ka’ dalapm karong- karongnya, supaya iaka’koa ngatahui’nya kade’ udah kambali ka’ kaluarganya, mudah-mudahan iaka’koa mulakng agi’

Maka katika iaka’koa udah mulakng ka’ apa’nya (Ya’kub) iaka’koa bakata, “wahe apa’ kami! Kami nana’ akan namu jatah (gandum) agi’, sabap koa biaratnlah kamarkapala kami ampus barage kami supaya kami namu jatah, man kami banar- banar akan nyaganya. ”

Ia (Ya’kub) bakata , “ampahe aku akan mucaya’i’nya (Bunyamin) ka’ kita’, saparati aku udah mucaya’atn kamarkapalanyu (Yusuf) ka’ kita’ de’e?” maka Allah panyaga nang paling edo’ man Ia Maha Panyayang ka’ antara da’ Panyayang. 12. Y®S

Man katika iaka’koa muka’ barang- barangnya, iaka’koa namuan barang-barang (panukar) nyaka’koa dipulangkatn ka’ iaka’koa agi’. Iaka’koa bakata, “wahe apa’ kami! Ahe agi’ nang kita’ ingintatn. Nian barang-barang diri’ dipulangkatn ka’ diri’, man diri’ dapat mare’ makatn kaluarga diri’, man kami akan malihara kamarkapala kami, man diri’ akan namu tambahan jatah (gandum) sabarat seko’ onta. Ngkoa hal nang mudah (bagi Raja Mesir). ”

Ia (Ya’kub) bakata, “aku nana’ akan ngalapasatnnya (ampus) barage kita’, sanape’ kita’ basumpah ka’ aku atas (dama) Allah, bahwa’ kita’ pasti akan ngincakng ka’ aku agi’, kacoali kade’ kita’ dikapong (munsuh). ” Salaka’ iaka’koa ngucapatn sumpah, ia (Ya’kub) bakata, “Allah ialah saksi tahadap ahe nang diri’ ucapatn. ”

Man ia (Ya’kub) bakata, “wahe nak-nakku! Amelah kita’ tama’ dari sote’ pintu gerbang, man tama’ dari pintu-pintu gerbang nang babeda; kade’ ampakoa nana’ dapat matahan- tatn kita’ saebet pun dari (takdir) Allah. Kaputusatn koa nggelah ka’ Allah. Ka’Ia aku batawakal man ka’ Ia uga’ batawakalah urakng-urakng nang batawakal.”

Man katika iaka’koa tama’ sasue mang parentah pa’nya (tama’nya iaka’koa) nana’ dapat nolak saebet pun kaputusan Allah, (tatapi koa) ngge kainginan ka’ diri’ Ya’kub nang udah ditatapatnnya. Man sabatolnya ia namu pangatahuan, karana Kami udah ngajaratnnya ka’ ia. Tatapi kamanyakatn talino nana’ ngatahui’

Man katika iaka’koa ka’ (tampat) Yusuf, ia nampatatn kamarkapalanya (Bunyamin) ka’ tampatnya, ia (Yusuf) bakata, “sabatolnya aku ialah kamarkapalanyu, ame kao basadih ati tahadap ahe nang udah iaka’koa karajaatn. ”

Maka katika udah disiapatn bahan makanan nto’ iaka’koa, ia (Yusuf) nama’an piala416 ka’ dalapm karong kamarkapalanya. Kamudian ngampak saurakng nang nyaru’, “wahe kapilah! Sabatolnya kita’ pasti pangalit. ”

Iaka’koa batanya’, sambil ngadap ka’ iaka’ koa (nang nuduh), “kita’ kalangitatn ahe?”

Iaka’koa nyawap, “kami kalangitatn piala raja, man sae nang dapat mulangkatnnya nae namu (sabarat) pangincakng onta, man aku jamin koa. ”

Iaka’koa (kamarkapala Yusuf) nyawap, “demi Allah, sungguh, kita’ ngatahui’ bahwa’ kami atakng buke’ nto’ babuat karusakatn ka’ nagari nian man kami buke’lah samua pangalit. ”

Iaka’koa bakata, “tatapi ahe ukumannya kade’ kita’ pangalok?”

Iaka’koa nyawap, “ukumannya ialah ka’ sae ditamuan dalapm karongnya (barang nang langit koa) maka ia babarolah narima’ ukumannya. 417 Ampakoalah kami mare’ ukuman ka’ urakng nang jalim”

Maka mulai’lah ia (maresa) karong-karong nyaka’koa sanape’ (maresa) karong kamar- kapalanya babaro, kamudian ia ngaluaratn (piala raja) koa dari karong kamarkapalanya. Ampakoalah kami ngatur (rancana) nto’ Yusuf. Ia nana’ dapat ngukum kamarkapala- nya manurut undang-undang raja, kacoali Allah ngahandaki’nya. Kami angkat derajat urakng nang Kami kahandaki’; man ka’ atas satiap urakng nang bapangatahuan ada nang labih nau’an

Iaka’koa bakata, “kade’ ia ngalit maka sungguh sanape’ koa kamarkapalanya koa pun paranah ngalit”. Maka Yusuf nosokatn (kabusakatn) dalapm atinya man nana’ ditele’atn ka’ iaka’koa. Ia bakata (dalapm atinya), “kadudukan kita’ sabatolnya labih buruk. Man Allah Maha Nau’an ahe nang kita’ tarangkatn”

Iaka’koa bakata, “wahe pamane! Ia ada ba apa’ nang udah miah tuha, karana koa ta’aplah salah saurakng dari kami sabage 12. Y®S gantinya, sabatolnya kami nele’ kao tamasok urakng-urakng nang babuat baik”

Ia (Yusuf) bakata, “aku mohon palindungan ka’ Allah dari panahanan (saurakng), kacoali urakng nang kami tamuan harta kami ka’ ia, kade’ kami (babuat) ampakoa, barati kami urakng nang jalim”

Maka katika iaka’koa baputus asa darinya (kaputusan Yusuf) iaka’koa nyauhatn diri’nya (sambil bahaupm) mang babisik- bisik. Nang paling tuha ka’ antara nyaka’koa bakata, “nana’ ke’ kao nau’an bahwa’ apa’nyu naap janji dari kao mang (dama) Allah man sanape’ koa udah nyia- nyiaatn Yusuf? sabap koa aku nana’ akan ningalatn nagari nian (Mesir), sampe’ apa’ku ngijintatn (nto’ pulakng), ato Allah mare’ kaputusatn ka’ aku. Man Ia koalah Hakim nang miah edo’.”

Mulaknglah ka’ apa’nyu man patakatnlah, “wahe apa’ kami! Sabatolnya naknyu udah ngalit man kami ngge nyaksiatn ahe nang kami katahui’ man kami nana’ ngatahui’ ahe nang ka’ balik koa. ”

Man tanya’anlah ka’ (panduduk) nagari tampat kami barada, man ayungan nang atakng barage kami. Man kami ialah urakng-urakng nang banar. ”

(Ya’kub) bakata, “sabanarnya ngge diri’nyu sandiri nang nele’ edo’ urusan (nang buruk) koa. Maka (nang) miah gagas ialah kasabaran. Mudah-mudahan Allah ngatangan iaka’koa samuanya ka’ aku. Sungguh, Ia-lah nang Maha Nau’an Maha Bijaksana”

Man ia (Ya’kub) bapaling dari nyaka’koa (nak-naknya) lantas bakata, “adohai dukacitaku tahadap Yusuf” man kaduanya manjadi bular karana kasal. Ia badiapm nahan kaberaatnnya (kada’ nak-naknya)

Iaka’koa basumpah, “demi Allah (tallâhi), kita’ nana’ baranti-ranti nganang Yusuf, sahingga kita’ (ngidap panyakit) barat ato kita’ tamasok urakng-urakng cilaka”

Ia (Ya’kub) nyawap, “ngge ka’ Allah aku ngaduatn kasusahatn man kakasalatnku. Man aku nau’an dari Allah ahe nang nana’ kita’ tau’atn

Wahe nak-nakku! Ampuslah kita’, gago’ (barita) tantang Yusuf man kamarkapalanya man ame kita’ baputus asa dari rahmat Allah. Sabatolnya nang baputus asa dari rahmat Allah, nggelah urakng-urakng nang kapir”

Maka katika iaka’koa ngadap ka’- Yusuf, iaka’koa bakata, “wahe pamane! Kami anak baranak udah ditimpa’ kasingsaraatn man kami atakng ngicakng barang-barang nang nana’ baraga maka panohi’lah jatah (gandum) nto’ kami man basadakahlah ka’ kami. Sabatolnya Allah mare’ balasatn ka’ urakng nang basadakah”

Yusuf bakata, “nau’an ke’ kita’ (kajahatatn) ahe nang udah kita’ pamuat ka’ Yusuf man kamarkapalanya, katika kita’ ngalakuatn kamangkangan.”

Ia ka’koa bakata, “aheke’ kao banar-banar Yusuf?” Yusuf nyawap, “aku Yusuf man nian kamarkapalaku. Sungguh Allah udah ngalimpahatn karunia-Nya ka’ kami. Sabatolnya sae ma’an batakwa man basabar maka sungguh, Allah nana’ nyia-nyiaatn pahala urakng nang babuat edo’”

Iaka’koa basumpah, “Demi Allah (tallâhi), sungguh Allah udah ngalabihatn kao dari kami, man sabatolnya kami urakng nang basalah (badosa)”

Ia (Yusuf) bakata, “ari nian nana’ bera ka’ kita’, Allah ngamponi’ kita’; man Ia Maha Panyayang ka’ antara panyayang

Pulaknglah mang icakng bajuku nian, lalu usapatn ka’ muha apa’ku, nae ia nele’ agi’; man ataknglah kita’ samua anak-baranak ka’ aku”

Man katika ayungan koa udah kaluar (dari nagari Mesir), apa’-nya bakata, “sabatolnya aku nyium bau Yusuf, kade’ kita’ nana’ nuduh aku dah pikun”. 12. Y®SU

Iaka’koa (kamarkapalanya) basumpah, “Demi Allah (tallâhi), sabatolnya kita’ masih dalapm kakaliruatn nang de’e”

Maka katika udah atakng pangicakng kabar repo koa maka diusapatnnya (baju koa) ka’ muhanya (Ya’kub) lalu nele’ agi’. Ia bakata, “buke’ ke’ aku udah ngataatn ka’ kita’, bahwa’ aku nau’an dari Allah ahe nang nana’ kita’ tau’atn. ”

Iaka’koa bakata, “Wahe apa’ kami! Mohontatnlah amponan nto’ kami ka’dosa- dosa kami, sabatolnya kami ialah urakng nang basalah (badosa)”

Ya’kub bakata, “Aku akan mohontatn amponan ka’ Tuhanku nto’ kita’. Sungguh, Ia Nang Maha Pangampon, Maha Panyayang”

Maka katika iaka’koa ngadap ka’ Yusuf, (Yusuf) ngapakng kadua urakng tuhanya lantas bakata, “tama’lah kita’ ka’ nagari Mesir, insya Allah dalapm kaadaan aman”

Man ia naikatn kadua urakng tuhanya ka’ atas singgasana. Man iaka’koa (samua) tunduk basujud ka’ ia (Yusuf). Man ia (Yusuf) bakata, “Wahe apa’ku! Nianlah maksud mimpiku nang de’e koa, sungguh Tuhanku udah nyadiatnnya nyata, man Tuhanku udah babuat edo’ ka’ aku, katika Ia ngalapasatn aku dari panjara man katika ngicakng kita’ dari arokng, salaka’ setan marusak (hubungan) antara aku man kamarkapalaku. Sabatolnya, Tuhanku Maha lamut tahadap ahe nang Ia kahandaki’. Sungguh, Ia Nang Maha Nau’an, Maha Bijaksana

Tuhanku, sabatolnya Kita’ udah nganuga- rahatn ka’ aku sabagian kakuasaan man udah ngajaratn ka’ aku sabagian takwil mimpi. (Wahe Tuhan) Pancipta langit man dunia, Kita’lah Palindungku ka’ dunia man ka’ naherat. matiatnlah aku dalapm kaadaan muslim man gabungkatnlah aku mang urakng-urakng nang soleh”

Koalah sabagian barita-barita gaib nang Kami wahyuatn ka’ kao (Muhammad); padahal kao nana’ barada ka’ sampingnya ka’ koa, katika iaka’koa basapakat nipu (nto’ nama’an Yusuf ka’ dalapm samur nang dalapm)

Man kamanyakatn talino bai’ baiman walopun kao miah ngingintatnnya

Man kao nana’ minta’ imbalan ahepun ka’ iaka’koa (tahadap saru’atnnyu nian), sabap (saru’atn) koa ialah palajaran ka’ saluruh alam

Man sangahe manyak tanda-tanda (kabasaran Allah) ka’ langit man ka’ dunia nang iaka’ koa lalui’ tatapi iaka’koa bapaling darinya

Man kamanyakatn iaka’koa nana’ baiman ka’ Allah malahan iaka’koa nyakutuatn- Nya

Aheke’ iaka’koa marasa aman dari kaatangan siksaatn Allah nang ngaliputi’ iaka’koa, ato kaatangan Kiamat ka’ iaka’koa sacara tiba-tiba, sadangkan iaka’koa nana’ nyadari’nya

Kataatnlah (Muhammad), “Nianlah maragaku, aku man urakng-urakng nang ngikuti’ku maba ka’ Allah mang yakin, Maha Suci Allah, man aku nana’ tamasok urakng-urakng musyrik”

Man Kami nana’ ngutus sanape’ kao (Muhammad), malaintatn urakng laki-laki nang Kami barentatn wahyu ka’ ia ka’ antara panduduk nagari. Nana’ ke’ iaka’koa baampusatn ka’ dunia lalu nele’ ampahe kaudahatn urakng-urakng sanape’ iaka’koa (nang mandustaatn Rasul). Man sungguh, nagari naherat koa labih edo’ ka’ urakng nang batakwa, nana’ ke’ kita’ ngarati

Sahingga kade’ da’ Rasul nana’ baarap agi’ (tantang kaimanan kaumnya) man udah nyakini’ bahwa’ iaka’koa udah dialoki’, ataknglah ka’ iaka’koa (da’ Rasul) koa patolongan Kami, lalu disalamatatn urakng nang Kami kahandaki’. “Man siksaatn Kami nana’ dapat ditolak dari urakng nang badosa

Sungguh, ka’ gesah-gesah nyaka’koa ada pangajaran ka’ urakng nang baakal. (Al- Quran) koa buke’lah curita nang dipamuat- pamuat, tatapi manaratn (kitab-kitab) nang sanape’nya, nyalasatn sagala sasul, ahe pun, man (sabage) patunjuk man rahmat ka’ bagi urakng-urakng nang baiman