Kendayan - Chapter 13 - Ar-Rad

Alif lâm mîm râ’. Nianlah ayat-ayat kitab (Al-Quran). Man (Kitab) nang dituruntatn ka’ kao (Muhammad) dari Tuhannyu koa ialah banar; tatapi kamanyakatn talino nana’ baiman

Allah nang ningian langit nana’ batihakng (sabage mae) nang kao tele’ kamudian Ia basamayam ka’ atas Arsy. Ia nundukatn mata’ari man bulatn; masing-masing baedar manurut waktu nang udah ditantuatn. Ia ngatur urusan (makhluk-Nya), man nyalasatn tanda-tanda (kabasaratn-Nya), supaya kita’ yakin patamuan mang Tuhannyu

Man Ia nang ngamparatn dunia man nyadiatn gunung-gunung man sunge-sunge ka’ atasnya. Man Ia nyadiatn samua buah- buahan bapasang-pasangan; Ia nutupatn malam ka’ siakng. Sungguh, nang ampakoa ada tanda-tanda (kabasaran Allah) ka’ urakng-urakng nang bapikir

Man ka’ duniaada bagian-bagian nang basamakatn, kabon-kabon anggur, tanaman- tanaman, puhutn kurma nang bacabang, man nang nana’ bacabang disirami’ mang ai’ nang sama, tatapi Kami labihatn tanaman nang sote’ dari nang lainnya dalapm hal rasanya. Sungguh, nang macam nian koa tadapat tanda-tanda (kabasaran Allah) ka’ urakng-urakng nang ngarati

Man kade’ kao marasa heran maka nang labih heran ialah ucapatn nyaka’koa, “kade’ kami udah jadi tanah, ahe ke’ kami (dikambaliatn) manjadi makhluk nang baharu?” iaka’koa lah nang ingkar ka’ Tuhannya; man ia ka’koalah (nang dilakatatn) balanggu ka’ tage’nya. Ia 13. AR-R ka’koalah panghuni naraka, iaka’koa kakal ka’ dalapm nya

Uga’ iaka’koa minta ka’ kao supaya dipacapat (atakngnya) siksaatn, sanape’ (iaka’koa minta’) kabaikan, padahal udah tajadi bamacam-macam contoh siksaatn sanape’ iaka’koa. Sungguh, Tuhannyu banar-banar mamiliki’ amponan ka’ talino atas kajaliman nyaka’koa, man sungguh, Tuhannyu miah karas siksaatn-Nya

Man urakng-urakng kapir bakata, “Ngahe nana’ dituruntatn ka’ia (Muhammad) tanda (mukjizat) dari Tuhannya?” Sabatolnya kao enggelah saurakng pamare’ paringatatn; man bagi ka’ satiap kaum ada urakng nang mare’ patunjuk

Allah nau’an ahe nang dikandong satiap nang bini, ahe nang kurang sampurana man ahe nang batambah dalapm kandongan. Man sagala sasuatu ada ukuran ka’ sisi-Nya

(Allah) Nang nau’an samua nang gaib man nang nyata; Nang Maha Aya’, Maha Tingi

Sama ma’an (ka’ Allah), sae ka’ antara kita’ nang ngarasiaatn pakataannya mang sae nang batarus tarang mang ia; mang sae nang nosok ka’ malam ari man nang bajalatn ka’ siakng ari

Ka’ ia (talino) ada mala’ekat-mala’ekat nang salalu bajaga bagiliratn, dari adapatn man balakangnya iaka’koa nyaganya atas parentah Allah. Sabatolnya Allah nana’ akan mangubah kaadaan kaum sanape’ iaka’koa ngubah kaadaan diri’nya babaro. Man kade’ Allah ngahendaki’ kaburukatn tahadap kaum maka nana’ ada nang dapat nolaknya man nana’ ada pangingu bagi nyaka’koa salain Ia (Allah)

Ia-lah nang nele’atn late’ ka’ kita’, nang nimulatn kagali’anan man harapan, man Ia nyajiatn patakng

Man guruh batasbih muji-Nya, (ampakoalah) sigana mala’ekat karana gali’ ka’ Ia (Allah), man Allah ngalapasatn late’, lalu Ia kanai’ ka’ sae nang dikahandaki’-Nya, samintara iaka’koa baolek tantang Allah, man Ia Maha karas siksaan-Nya

Ngge ka’ Allah ihan do’a nang banar, man nang iaka’koa sambah salain Allah nana’ dapat ngabulatn ahe pun ka’ iaka’koa, nana’ ubahnya saparati urakng nang muka’atn ka- dua talapak kokotnya ka’ dalapm ai’ supaya sampe ka’ molotnya. Padahal ai’ koa nana’ akan sampe ka’ molotnya, man do’a urakng- urakng kapir koa, nggelah toa’-toa’ ihan

Kataatnlah (Muhammad), ”Sae ke’ Tuhan langit man dunia? “Kataatnlah, ”Allah”. Kataatnlah pantas ke’ kita’ na’ap palindung- palindung selain Allah, padahal iaka’koa nana’ kuasa ngatakngkatn manpa’at mao’ pun nolak mudarat ka’ diri’nya babaro?”batakatnlah, “sama ke’ urakng nang buta’ man urakng nang bisa nele’? ato sama ke’ nang galap mang nang tarang? ahe ke’ iaka’koa nyajiatn sakutu-sakutu nu’ Allah nang mamuat saparati ciptaan-Nya sahingga kadua ciptaan koa sarupa mang panele’atn nyaka’koa? Kataatnlah, “Allah adalah Pancipta sagala sasuatu man Ia Tuhan nang Maha Esa, Maha Pakasa.”

Allah udah nuruntatn ai’ (ujatn) dari langit maka ngalirlah (ai’) ka’ arokng-arokng manurut ukurannya maka arus koa ngincakng popo’ nang ngambang. Man dari ahe (logam) nang iaka’koa labur dalapm api nto’ manjuat pariasan ato alat-alat, ada (uga’) popo’nya saparati (popo’arus) koa. Ampakoalah Allah mamuat parumpamaan tantang nang banar man nang batil. Adapun popo’, akan ilang sabage sasuatu nang nana’ ada gunanya;tapi nang bamanpa’at ka’ talino, akan tatap ada ka’ dunia, ampakoalah Allah mamuat parumpama’an-parumpama’an

Ka’ urakng-urakng nang manohi’ saru’atn Tuhan, iaka’koa (dinyiapatn) balasan nang baik, man urakng-urakng nang nana’ nangar parentah-Nya, sakiranya iaka’koa ngampui’ 13. AR-RA samua nang ada ka’ dunia man (ditambahi’) samanyak koa agi’, pasti iaka’koa mao’ nabu- satn diri’nya mang koa. Urakng-urakng koa napati, hisab (paretongan) nang buruk man tampat kadiamannyaka’koa Jahanam, man koalah saburuk-buruk tampat kadiaman

Maka ahe ke’ urakng nang ngatahui’ bahwa’ ahe nang dituruntatn Tuhan ka’ kao ialah kabanaratn, sama mang urakng nang buta’?Nggeurakng nang barakal ihan nang bisa namu palajaran

(koalah) urakng nang napati’ janji Allah nang nana’ ngalanggar pajanjian

Man urakng-urakng nang ngubungkatn ahe nang diparentahatn Allah supaya diubungkatn,418 man iaka’koa gali’ ka’ Tuhan-Nya man gali’ ka’ hisab nang buruk

Man urakng nang sabar karana ngarapi’ karela’atn Tuhannya, ngalaksanaan salat, man ngimpakatn (mare’atn) sabagian rajaki nang Kami barentatn ka’ iaka’koa, sacara nosok-nosok ato tarang-tarangan sarata nolak kajahatatn mang kabaikatn; urakng koalah nang napati’ tampat kasudahatn (nang baik)

(koalah) saruga-saruga ‘Adn, iaka’koa tama’ ka’ dalapmnya barage mang urakng nang saleh dari da’ ne’ nangenya, pasangan- pasangannya man anak ucu’nya, samintara mala’ekat tama’ ka’ tampat-tampat nyaka’koa dari samua talobo’

(sambil ngucapatn), Salamun ‘alaikum bima shabartum (salamat sampurana ka’ kita’ karana kasabaratnn kita’). Maka sidi nyaman tampat kasudahatn koa

Man urakng-urakng nang ngalanggar janji Allah salaka’ diikraratn, man mutusan’ ahe nang diparentahatn Allah sapaya disambungkatn man babuat karusakatn ka’ dunia; iaka’koa namu kutukatn man tampat kadiaman nang buruk (Jahanam)

Allah ngalapangan man matasi’ rajaki ka’sae nang Ia maoi’. Iaka’koa repo mang ka’idupatn dunia, padahal ka’idupatn dunia nggelah karepoatn (nang saebet) dibanding ka’idupatn naherat

Man urakng-urakng kapir bakata, “ngahe nana’ dituruntatn ka’ (Muhammad) tanda (mukjizat) dari Tuhannya?” kataatnlah (Muhammad), “sabatolnya Allah nyasatatn4 sae nang Ia kahandaki’ man mare’ patunjuk ka’urang nang batobat ka’ Ia”

Ia koa urakng-urakng nang baiman man atinya ka’koa manjadi tanang mangngingat Allah. Ingatlahngge mang ngingat Allah ati manjadi tanang

Urakng-urakng nang baiman man ngarajaatn kabaikatn, iaka’koa namu kanyamanan man tampat pulakng nang edo’

Ampakoalah, Kami udah ngutus kao (Muhammad) ka’ suatu umat nang sungguh sanape’nya udah balalu sangahe umat, supaya kao macaatn ka’ iaka’koa (Al- Quran) nang Kami wahyuatn ka’ kao, padahal iaka’koa ingkar ka’ Tuhan nang Mahapengasih batakatnlah, ”Ia Tuhanku, nana’ ada Tuhan salain Ia; ngge ka’ Ia aku batawakal man ngge ka’ Ia aku batobat. ”

Man sakiranya ada suatu baca’an (kitab suci) nang man nang koa panamukng- panamukng bisa baguncang, ato dunia jaji tabalah, ato urakng nang udah mati bisa ngomong, (koalah Al-Quran) sabatolnya sigana urusan koa nu’ Allah. Maka nana’ ke’ urakng-urakng nang baiman ngatahui’ bahwa’ kade’ Allah mao’ (samua talino baiman), tantu Allah mare’ patunjuk ka’ talino samuanya. Man urakng-urakng kapir salalu kana timpa’ bancana disabapatn pabuatatnnya ka’koa babaro ato bancana koa tajadi samak tampat kadiamannya ka’koa, sampe atakng janji Allah (panaklukatn Makkah). Sungguh Allah nana’ nyalahi’ janji. 13. AR-R

Man sabatolnya udah sangahe rasul sanape’ kao (Muhammad) diolo’-olo’i maka Aku mare’ waktu ka’ urakng-urakng kapir koa, lalu Aku binasaatn iaka’koa. Maka alangkah hebatnya siksa-Ku koa

Maka ahe ke’ Tuhan nang nyagai’ satiap jiwa ka’ ahe nang dipamuatnya (sama mang nang lain)? Iaka’koa nyajiatn sakutu-sakutu nto’ Allah. Batakatnlah, ”sabuti’lah sipat- sipat iaka’koa. ”Ato aheke’ kao mao’ mare’ nu’an ka’ Allah ahe nang nana’ ditau’atnnya ka’ dunia, ato (mataki’ masalah hal koa) sakadar pakataatn ka’ lahirnya ihan. Sabatolnya nto’ urakng kapir, tipu daya iaka’koa dijajiatn tarasa edo’. Man iaka’koa dingalangi’ dari maraga (nang batol). Man sae ma’an nang disasatatn Allah maka nana’ ada saurakng pun nang mare’ patunjuk nto’nya

Iaka’koa namui’ siksaatn ka’ kaidupatn dunia, man siksaatn naherat pasti labih karas. Nana’ ada saurakng pun nang ngalindungi’ iaka’koa dari (siksaatn) Allah

Parumpamaan saruga nang dinyanjiatn ka’ urakng nang batakwa (iakoa saparati taman), ngalir ka’ babahnya sunge-sunge ada ma’an buah man talindung. Koalah tampat kasudahan nto’ urakng nang batakwa;samintara tampat kasudahatn nto’ urakng nang ingkar ka’ Tuhan koalaah naraka

Man urakng- urakng nang udah Kami barentatn kitab ka’ iaka’koa420bagambira mang ahe (kitab) nang dituruntatn ka’ kao (Muhammad), man ada ka’ antara golongan (Yahudi man Nasrani), nang ngingkari’ sabagian- Nya. Batakatnlah, ”Aku diparentah nto’ nyambah Allah man nana’ nyakutuatn-Nya. Ngge ka’-Ia aku nyaru’ (talino) man ngge ka’ Ia aku pulakng”

Man ampakoalah Kami udah nuruntatn (Al- Quran) sabage paraturan (nang batol) dalapm bahasa Arab. Sakiranya kao ngikuti’ kamao’ an iaka’koa salaka’ atakng pangatahuan ka’ kao maka nana’ ada nang ngalindungi’ man nang nolong kao dari (siksaatn) Allah

Man sungguh, Kami udah ngutus sangahe urakng rasul sanape’ kao (Muhammad) Man Kami barentatn ka’ iaka’koa bini-bini man katurunan. Nana’ ada hak ka’ saurakng rasul ngatangkatn suatu bukti (Mukjizat) malain- tatn mang ijin Allah. nto’ satiap masa ada kitab (tatantu)

Allah ngapus man natapatn ahe nang Ia mao’i’. Man ka’ sisi-Nya ada Ummul kitab (Lauh Mahfûdz)

Man sungguh kade’ Kami tele’atn ka’ kao (Muhammad) sabagian (siksaatn) nang Kami ancaman ka’ iaka’koa ato Kami matiatn kao maka sabatolnya tugasnyu ngge nyampeatn ihan, man Kamilah nang ngareken (amal iaka’koa)

Man ahe ke’ iaka’koa nana’ nele’ bahwa’ Kami ngatakngi’ daerah-daerah (urakng nang ingkar ka’ Allah, lalu Kami kurangi’ (daerah-daerah) koa (sakali saebet) dari tapi-tapinya? Man Allah natapatn ukum (manurut kamao’an-Nya), nana’ ada nang dapat nolak katatapatn-Nya; Ia Maha capat etongan-Nya

Man sungguh, urakng sanape’ iaka’koa (kapir Makah) udah ngadaatn tipu daya, tapi samua tipu daya koa dalapm kakuasaan Allah. Ia nau’an ahe nang diusahaatn di satiap urakng, man urakng nang ingkar ka’ Tuhan nau’an nto’ sae tampat kasudahatn (nang edo’)

Man urakng kapir bakata, ”Kao (Muhammad) buke’lah saurakng Rasul. ”Batakatnlah, ”Cukup Allah man urakng nang nguasai’ ilmu al-Kitab422 manjaji saksi antara aku man kao. ”