Kendayan - Chapter 14 - Ibrahim

Alif lām rā’ (nian alah) Kitab nang Kami turuntatn ka’ kao (Muhammad) supaya kao ngaluaratn talino dari kagalapatn ka’ cahaya tarang mang ijin Tuhannya, nuju maraga Tuhan Nang Maha Gagah, Maha Tapuji

Allah nang ngampu’i’ ahe nang ada ka’ langit mang ahe nang ada ka’ dunia. Cilakalah ka’ urakng nang ingkar ka’ Tuhan karana siksa nang miah barat

(iakoa) urakng nang labih nyukai’ kaidupatn dunia daripada (kaidupatn) naherat, man ngalang-ngalangi’ (talino) dari maraga Allah man malantatn (maraga nang) bengkok. Iaka’koa barada dalapm kasasatatn nang jauh

Man Kami nana’ ngutus saurakng rasul pun, malaintatn man bahasa kaumnya, 423 supaya ia dapat mare’ panjalasan ka’ iaka’koa. Maka Allah nyasatatn sae nang Ia mao’i’. Ia nang Maha Gagah, Maha Bijaksana

Man sungguh, Kami udah ngutus Musa ngincakng tanda-tanda (kakuasaan) Kami, (man Kami parentahatn ka’ ia), ”kaluaratn- lah kaumnyu dari kagalapatn ka’ cahaya nang miah tarang man ingatatnlah iaka’koa ka’ ari-ari Allah”.424 Sungguh, ka’ nang ampakoa ada tanda-tanda (kakuasaan Allah) bagi satiap urakng nang panyabar man manyak basyukur

Man (ingatlah) waktu Musa bakata ka’ kaumnya, ”ingatlah nikmat Allah ka’ kita’ waktu Ia nyalamatatn kita’ dari pangikut Pir’aun; iaka’koa nyiksa kita’ mang siksa nang padih, man nyambalehi’ nak-nak kita’ nang laki-laki man miaratn idup nak-nak kita’ nang bini; ka’ nang ampakoa suatu coba’an nang aya’ dari Tuhan kita’.”

Man (ingatlah) waktu Tuhan kita’ bapadah, ”sabatolnya kade’ kita’ basukur, pasti Aku mao’ nambahatn (nikmat) ka’ kita’, tapi kade’ kita’ ingkari’ (nikmat-Ku) maka pasti siksa-Ku miah barat

Man Musa bakata, ”Kade’ kita’ man urakng nang ada ka’ dunia samuanya ngingkari’ (nikmat Allah) maka sabatolnya Allah Mahakaya, Mahatapuji

Ahe ke’ nape’ sampe ka’ kao barita urakng- urakng sanape’ kita’ (iakoa) kaum Nuh, ’Ad, Samut man urakng-urakng salaka’ iaka’ koa. Nana’ ada nang nau’an iaka’koa salain Allah. Rasul-rasul udah atakng iaka’koa ngincakng bukti-bukti (nang nyata) tapi iaka’koa nutupatn kokotnya ka’ molotnya (karana busak), man bakata, ”Sabatolnya kami nana’ pucaya’ ka’ (bukti bahwa’) kita’ dingutus (ka’ kami), man kami batol-batol ragu ka’ ahe nang kita’ parentahatn ka’ kami. ”

Rasul-rasul nya ka’koa bakata, ”aheke’ ada karaguatn ka’ Allah, pancipta langit man dunia? Ia nyaru’ kita’ nto’ (baiman) supaya Ia ngamponi’ sabagian dosa-dosa kita’ man nanggohatn (siksaatn) kita’ sampe ka’ waktu nang ditantuatn?” Iaka’koa bakata, ”kita’ nggelah talino saparati kami uga’. Kita’ mao’ ngalangi’ kami (nyambah) ahe nang dari de’e disambah da’ ne’nange kami, karana koa atanganlah ka’ kami bukti nang nyata. ”

Rasul-rasul ’koa bakata ka’ iaka’koa, ”Kami nian talino saparati kita’, tapi Allah mare’ karunia ka’ sae nang Ia mao’i’ ka’ antara amba-amba-Nya. Nana’ pantas kami ngatangan bukti ka’ kita’ malaintatn mang ijin Allah. Man ngge ka’ Allah ihan urakng nang baiman batawakal

Man ngahe kami bai’ mao batawakal ka’ Allah. Samintara Ia udah nojokatn maraga 14. IBR ka’ kami, man kami sungguh, akan tatap basabar ka’ gangguan nang kita’ ngalakuatn- nya ka’ kami. Man ngge ka’ Allah ihannya urakng nang batawakal nyarahatn diri’. ”

Man urakng-urakng kapir bakata ka’ rasul- rasul iaka’koa. ”kami pasti mao’ ngoser kao dari nagari kami ato kao batol-batol mulakng ka’ agama kami. ”maka Tuhan ngawahyuatn ka’iaka’koa. ”Kami pasti mao’ minasaatn urakng nang zalim koa

Man kami pasti mao’ nampatatn kao ka’ nagari-nagari koa salaka’ iaka’koa. Nang ampaksa koa (adalah nto’) urakng-urakng nang gali’ (ngadap) ka’hadirat-Ku man gali’ ka’ ancaman-Ku. ”

Man iaka’koa minta’ dibare’ kamanangan man binasalah samua urakng nang babuat samao’-mao nya man karas kapala’

Ka’ adapatnnya ada naraka Jahanam man ia akan dibare’ nyoco’ ai’ nanah

Ditagot-tagotnya (ai’ nanah koa) man ia amper nana’ bisa nalatnnya man ataknglah (bahaya) maut ka’ ia dari saganap panjuru, tapi ia nana’ uga’ mati;man ka’ adapatnnya (masih ada) siksaatn nang barat

Paarumpama’an urakng nang ingkar ka’ Tuhan-Nya, pabuatan nya ka’koa saparati abu nang disiup oleh angin karas ka’ suatu ari nang barangin kancang. iaka’koa nana’ kuasa (ngatangan manpa’at) sama sakali dari ahe nang udah iaka’koa ngusahaatn (ka’ dunia) nang ampaksa ialah kasasatatn nang jauh

Nana’ ke’ kao nele’i’, bahoa’ sabatolnya Allah udah nyiptaatn langit man dunia mang hak (banar)? Kade Ia mao’i’, pasti Ia minasaatn kao man ngatakngkatn mahluk nang baru (nto’ ngatinyu)

Man nang ampakoa nana’ sulit ka’ Allah

Man iaka’koa samua (ka’ padang mahsar) bakumpul nto’ ngadapia’ ka’ hadirat Allah, lalu urakng nang lamah bakata ka’ urakng nang sombong, ”sabatolnya kami de’e ialah pangikut-pangikutnyu maka dapat ke’ kao ngindari’ kami dari siksaatn Allah (walopun) saebet ihan” iaka’koa nyawap, ”sakiranya Allah mare’ patunjuk ka’ kami, pasti kami dapat mare’ patunjuk ka’ kao. Sama ma’an ka’ diri’, ahe ke’ diri’ ngaloh ato basabar. Diri’ nana’ namu tampat nto’ daria’. ”

Man setan bakata waktu pakara (hisab) udah dinyalaseatn, ”sabatolnya Allah udah nyanjiatn janji ka’ kita’ janji nang banar, man aku pun udah nyanjiatn ka’ kita’ tapi aku nyalahi’nya. nana’ ada kakuasaan ku ka’ kao, malaintatn (sakadar) aku nyuruh kao lalu matuhi’ suruhatn ku, oleh sabab koa amelah kao nyalahi’ aku, tapi salahi’lah diri’nyu babaro. Aku nana’ dapat nulukngi’nyu, man kao pun nana’ dapat nulukngi’ku. Sabatolnya aku nana’ ngabanaratn pabuatatnnyu nyakutuatn aku (mang Allah) dari de’e. ”Sungguh urakng jalim koa nae namu siksaatn nang padih

Man urakng nang baiman man ngarajaatn kabajikatn dimasokatn ka’ dalapm saruga- saruga nang ngalir ka’ babahnya sunge- sunge. Ia ka’ ka’ dalapmnya mang saijin Tuhan nya. Ucapatn panghormatan iaka’koa dalapm (saruga) koalah salam

Nana’ ke’ kao nele’ ampahe Allah udah mamuat parumpamaan kalimat nang baik426 saparati puhutn’ nang baik, uratnya kuat man dahatnnya manjulang ka’ langit

(puhutn’) koa ngasilatn buahnya ka’ satiap waktu mang sa’ijin Tuhannya. Man Allah manjuat parumpama’an koa nto’ talino supaya iaka’koa salalu ingat

Man parumpama’an kalimat nang buruk427 saparati puhutn’ nang buruk, nang udah dinyabut akar-akarnya dari parmukaan ai’ tanah , nana’ dapat tatap (taga’) saebet pun

Allah nguatatn (iman) orakng-urakng nang baiman mang ucapatn nang kuat428 (dalapm 14. IBR²H kaidupatn) ka’ dunia man ka’ naherat, man Allah nyasatatn urakng-urakng nang jalim man Allah manjuat ahe nang Ia mao’i’

Nana’ ke’ kao nele’ urakng-urakng nang udah nukari’ nikmat Allah mang ingkar ka’ Allah man nyatuhatn kaumnya ka’ arokng kabinasaatn

Iakoa naraka Jahanam, iaka’koa tama’ ka’ dalapmnya;man koalah saburuk-buruk tampat kadiaman

Batakatnlah (Muhammad) ka’ amba-amba- Ku nang udah baiman, ”sabaiknyalah iaka’ koa ngalaksanaan salat, ngimpakatn sabagian rajaki nang Kami bare’ sacara nyosok ato tarang-tarangan sanape’ atakng ari, waktu nana’ ada agi’ jaul bali man parayungan

Allah-lah nang udah nyiptaatn langit man ai’ tanah man nuruntatn (ai’ ujatn) dari langit, lalu man (ai’ ujatn) koa Ia ngaluaratn babage macam buah- buahan sabage rajaki nto’nyu; man Ia udah nundukatn kapal nto’ nyu supaya kita’ balayar ka’ lautan mang kamao’an-Nya, man Ia udah nundukatn sunge-sunge nto’nyu

Man Ia udah nundukatn mata ari man bule’ nto’nyu nang tarus-tarusatn baredar (dalapm orbitnya); man udah nundukatn malam man siakng nto’nyu

Man Ia udah marentatn ka’ kita’ sagala ahe nang kao minta’ ka’- Ia. Man kade’ kao nge- tong nikmat Allah. Pasti kao nana’ mampu ngetongi’nya. Sungguh, talino koa miah jalim man miah ngingkari’ (nikmat Allah)

Man (ingatlah), waktu Ibrahim bado’a, ”Ya Tuhan, jadiatnlah nagari nian (Mekah), nagari nang aman, man jauhatnlah aku man anak ucu’ku supaya nana’ nyambah bahala (pantak)

Ya Tuhan, bahala-bahala koa udah nyasatatn manyak talinno. Sae ma’an nang ngikuti’ku maka urakng koa tamasok golonganku, man sae ma’an nang durhaka ka’ aku maka Kita’ Maha pangampon, Maha panyayang

Ya Tuhan, sabatolnya aku udah nampatatn sabagian katurunanku ka’ arokng nang nana’ ada tanam-tanaman ka’ samak rumah Kita’ (Baitu al-lâh) nang dihormati’, ya Tuhan (nang ampaksa) supaya iaka’koa ngalaksanaan salat maka jadiatnlah ati sabagian talino rere’ ka’ iaka’koa man bare’lah iaka’koa rajaki dari buah-buahan, mudah-mudahan iaka’koa basukur

Ya Tuhan kami, sabatolnya Kita’ ngatahui’ ahe nang kami sosokam man ahe nang kami nampakatn;man nana’ ada ahe pun nang di nosokatn Allah, baik nang ada ka’ dunia mao’pun nang ada ka’ langit

sagala puji nto’ Allah nang udah nganugerahatn ka’ aku ka’ ari tua (ku) Ismail man Ishak. sungguh, Tuhanku banar- banar Maha nangar (narima’) do’a

Ya Tuhanku, jadiatnlah aku man anak ucu’ku urakng nang tatap ngalaksanaan salat, ya Tuhan kami, tarima’lah do’aku

Ya Tuhan kami, amponi’lah aku man apa’ uwe’ ku man samua urakng baiman ka’ ari diadaatnnya pangetongan (ari kiamat)

Man amelah kita’ ngira, bahoa’ Allah lengah dari ahe nang dipanjuat urakng nang zalim. Sabatolnya Allah nangguhatn iaka’koa sampe ari nang waktu koa mata (nya) tacolong

Iaka’koa atakng baganceh-ganceh (ngampusi’ panggelan) mang ngangkat kapalanya, samintara mata nya ka’ koa babesap-besap man ati iaka’koa kosong

Man bare’atnlah paringatatn (Muhammad) ka’ talino ka’ ari (waktu) siksaatn atakng ka’iaka’koa maka urakng nang jalim babatak, Ya Tuhan kami, bare’lah kami 14. IBR² kasampatatn (mulakng ka’ dunia) walopun sabantar, pasti kami mao’ matuhi’ saru’atn Kita’ man mao’ ngikuti’ rasul-rasul. ”(ka’ iaka’koa kataatn), ”buke’ ke’ de’e (ka’ dunia) kao udah basumpah bahoa’ sakali- kali kao nanak binasa

Man kao udah badiapm ka’ tampat urakng nang nyalimi’ diri’nya babaro, man udah nyata baginyu ampahe Kami udah babuat ka’ iaka’koa man udah Kami barentatn ka’ kita’ ada sangahe parumpama’an. ”

Man sungguh, Ia ka’ia udah manjuat tipu daya padahal Allah (ngatahui’ man mao’ malasi’) tipu daya nya ka’ koa. Man sabatolnya tipu daya iaka’koa nana’ mampu ngalanyapatn gunung-gunung

Maka karana koa amelah sakali-kali bahoa’ kao ngira bahoa’ Allah ngingkari’ janji-Nya ka’ Rasul-rasul-Nya. Sungguh, Allah Mahaparkasa man ada pambalasatn-Nya

(Iakoa) waktu dunia diganti mang dunia nang lain man (ampakoa uga’) langit. man iaka’koa(talino) bakumpur (ka’ padang masara) ngadap Allah Nang Maha Esa, Mahaparkasa

Man ka’ koa ka’ kao akan nele’ urakng nang badosa basama-sama dingikat mang rante

Pakean nya ka’ koa dari caeran aspal, man muha nya ka’koa ditutupi’ api naraka

Supaya Allah mare’ balasan ka’ satiap urakng ka’ ahe nang ia usahaatn. Sungguh, Allah Maha Capat paretongan-Nya

Man (al-Quran) nian ialah panjalasan (nang sampurana) nto’ talino, supaya iaka’koa dibare’ paringatatn mang ia, supaya iaka’koa ngatahuai’ bahoa’ Ia ialah Tuhan Nang Maha Esa man supaya urakng nang barakal na’ap palajaran