Kendayan - Chapter 17 - Al-Isra

Maha Suci (Allah) nang udah nyalantatn hamba-Nya (Muhammad) ka’ malam ari dari Masjid al-¦arām ka’ Masjid al-Aqshā nang udah Kami barakati sakulilikngnya469 supaya Kami tele’atn ka’ ia saka’an tanda- tanda kabasaran Kami. Sabatolnya Ia Maha Nangar, Maha Nele’

Man Kami barentatn ka’ Musa, Kitab (Taurat) man Kami jajiatn ia patunjuk ka’ Bani Israel (mang pirman), ”amelah kita’ na’ap (palindung) selain Aku

(Wahe) katurunan urakng nang Kami incakng barage Nuh. Sabatolnya ia (Nuh) ialah amba (Allah) nang manyak basukur. ”

Man Kami natapatn ka’ Bani Israel dalapm Kitab koa, ”Kita’ pasti mao’ babuat karusakatn ka’ ai’ tanah nian dua kali man pasti kita’ mao’ nyombongkatn diri’ mang kasombongan nang aya’.”

Maka kade’ atakng ukuman ka’ (kajahatatn) nang pertama dari kadua’ (kajahatatn) koa, Kami ngatakngkatn ka’ kita’ amba-amba Kami nang gagah, lalu iaka’koa marajalela ka’ kampokng-kampokng. Man koalah katatapatn nang pasti tajadi

Kamudian Kami barentatn ka’ kita’ giliran nto’ ngalahatnnya iaka’koa, Kami manto’ mang harta kekayaan man anak-anak man Kami jajiatn kita’ kalompok nang labih aya’

Kade’ kita’ babuat edo’ (barati) kita’ babuat edo’ nto’ diri’ kita’ babaro. Man kade’ kita’ babuat jahat maka (karugiatn kajahatatn) koa nto’ diri’ kita’ babaro. Kade’ atakng waktu ukuman (kajahatatn) nang kadua, (Kami bangkitatn musuhnyu) nto’ nyurami’ muhanyu lalu iaka’koa tama’ ka’ dalapm masjid (Masjidil Aqsa) sabagemae waktu iaka’koa nama’i’nya patama kali man iaka’koa miriasaatn ahe ma’an nang iaka’koa kuasai’

Mudah-mudahan Tuhannyu ngalimpahatn rahmat ka’ kita’ tapi kade’ kita’ mulakng (ngalakuatn kajahatatn), pasti Kami kambali (nyiksa-nyu). Man Kami jajiatn naraka Jahanam panjara ka’ urakng nang kapir

Sungguh, al-Quran nian mare’ patunjuk ka’ (maraga) nang paling locor man mare’ kabar gambira ka’ urakng mukmin nang ngarajaatn kabajikatn, bahoa’ iaka’koa mao’ namu pahala nang aya’

Man urakng-urakng nang nana’ baiman ka’ kaidupatn naherat, Kami nyadiaatn ka’ iaka’koa siksaatn nang padih

Man talino (pancah) bado’a nto’ kajahatatn sabagemae (biasanya) ia bado’a nto’ kabaikatn. Man memang talino basipat baganceh-ganceh

Man Kami jajiatn malam man siakng sabage dua tanda (kabasaratn Kami), kamudian Kami apusatn tanda malam man Kami jajiatn tanda siakng koa tarang bandarang, supaya kita’ (dapat) ngago’ karunia dari Tuhannyu, man supaya kita’ ngatahui’ bilangan tahutn’ man paretongan (waktu). Man sagala sasuatu udah Kami tarakngkatn mang jalas

Man satiap talino udah Kami kalongkatn (catatan) amal pabuatatnnya ka’ tage’nya. Man ka’ ari kiamat Kami kaluaratn nto’nya sabuah Kitab dalapm kaadaan tabuka’

“Bacalah kitabnyu, cukuplah diri’nyu babaro ka’ ari nian sabage pangetong atas diri’nyu. ” 17. AL-I

Sae ma’an babuat sasue mang patunjuk (Allah) maka sabatolnya koa nto’ (kasalamatatn) diri’nya babaro; mang sae ma’an tasasat maka sabatolnya (karugiatn) koa nto’ diri’nya babaro. Man surakng nang badosa nana’ dapat mikuli’ dosa urakng lain, tapi Kami bai’ mao’ nyiksa sanape’ Kami ngutus saurakng Rasul

Man kade’ Kami mao’ minasaatn nagari maka Kami parentahatn ka’ urakng nang idup mewah ka’ nagari koa (supaya mantaati’ Allah), tapi mile iaka’koa ngalakuatn kadurhakaatn ka’ dalapm (nagari) koa maka sapantasnya balakulah ka’ala pakataan (ukuman Kami), kamudian Kami binasaatn maan (nagari koa)

Man sangahe manyak kaum salaka’ Nuh, nang udah Kami binasaatn. Man cukuplah Tuhannyu nang Maha Nau’an, Maha Nele’ dosa hamba-hamba-Nya

Barang sae nang ngahondaki kaidupatn ampeatn (duniawi) maka Kami sagaraatn ka’la (dunia) nian ahe nang Kami kahendaki’ ka’ urakng nang Kami kahendaki’. Kemudian Kami nyadiaatn nto’nya (ka’ naherat) naraka Jahanam; ia mao’ nama’i’nya dalapm kaadaan tacela man taoser

Man sae ma’an ngahendaki kaidupatn naherat man barusaha ka’ arah koa mang sungguh-sungguh, sedangkan ia baiman maka iaka’koa koalah urakng nang usahanya dibalasi’ manang baik

Ka’ maasing-masing (golongan) nian (nang malantatn dunia) mao’pun (golongan) koa (nang malantatn naherat), Kami barentatn bantuan dari kamurahan Tuhannyu. Man kamurahan Tuhannyu nana’ dapat di alangi’

Paratiatnlah ampahe Kami ngalabihatn saka’an iaka’koa atas saka’an (nang lain). Man kaidupatn naherat labih tingi’ darajatnya man labih aya’ kautamaannya

Amelah kao ngadaatn tuhan nang lain ka’ sisi Allah, nae kao manjaji tacela man tahina

Man Tuhannyu udah marentahatn supaya kita’ ame nyambah salain Ia man baiknya babuat edo’ ka’ uwe’ apak kade salah surakng ka’ antara kaduanya ato kadua- duanya sampe baomor lanjut dalapm piharaatnnyu maka sakali-kali amelah kao ngataatn ka’ kaduanya bakata”ah”man amelah kao ngaok ia badua, man barakalah ka’la badua pakataatn nang baik

Man randahi’lah diri’nyu ka’ kadua’nya mang panoh kasih sayang man ucapatnlah, ”Wahe Tuhanku! Sayangi’lah ia badua seampahe iaka’koa badua udah nidik aku gi enek.”de’e

Tuhannyu labih ngatahui’ ahe nang ada dalapm atinyu; kade’ kao urakng nang edo’ maka ssungguh Ia Maha Pangampon ka’ urakng nang batobat

Man bare’lah haknya ka’ page waris nang sama’, uga’ ka’ urakng marepa man urakng nang ka’ dalapm pajalanan; man amelah kao ngambur-ngamburatn (hartanyu) sacara boros

Sabatolnya urakng-urakng nang pamboros iakoa kamar kapala setan man setan koa miah ingkar ka’ Tuhannya

Man kade’ kao bapaling dari iaka’koa nto’ namu rahmat dari Tuhannyu nang kao arapatn maka batakatnlah ka’ iaka’koa pakataan nang lamah lambut

Man amelah kao jajiatn kokotnyu tarikat ka’ tage’nyu man ame (uga’) kao talalu nguluratnnya (miah pamurah) nae kao jadi urakng tacela man nyasal

Sungguh Tuhannyu ngalapangkatn rajaki ka’ sae nang Ia kahendaki’ man matasi’ (ka’ sae nang’ Ia kahendaki’); Sungguh Ia Maha Nau’an, Maha Nele’ hamba-hamba-Nya. 17. AL-I

Man amelah kao munuh anak-anaknyu karana gali’ miskin. Kamilah nang mare’ rajaki ka’ kita’ man ka’ kao. Munuh’nya ka’ koa sungguh suatu dosa nang aya’

Man amelah kao nyamaki’ zinah; (zinah) koa sungguh suatu pabuatatn keji, man suatu maraga nang buruk

Man amelah kao nyamaki’ harta anak yatim, kacoali mang cara nang labih edo’ (bamanpa- ’at) sampe ia dewasa, man panohi’lah janji, karana janji koa dimintai’ patanggungjawa- bannya

Man sampuranaanlah takaran kade’ kao nakar, man timbanglah mang timbangan nang batol. Koalah nang labih utama (ka’nyu) man labih edo’ akibatnya

Man amelah kao ngikuti’ nang nana’ kao katahui’. Karana panangaratn, panele’atn man atinurani, samua koa mao’ dimintai’ patanggungjawabannya

Man amelah kao bajalatn ka’ ai’ tanah nian mang sombong, karana sabatolnya kao nana’ dapat nambusi’ ai’ tanah man nana’ akan mampu manjulang satingi gunung

Samua koa474 kajahatatn nya miah dibanci’ ka’ sisi Tuhannyu

Koalah saka’an hikmah nang diwahyuatn Tuhan ka’ kao (Muhammad). Man amelah kao ngadaatn Tuhan nang lain ka’ sisi Allah, Nae kao ditabakatn ka’ dalapm naraka dalapm kaadaan tacela man dijauhatn (dari rahmat Allah)

Maka ahe ke’ pantas Tuhan milihi’ kamuda’ nang laki nto’ nyu man Ia na’ap kamuda’ nang bini dari mala’ekat? Sungguh kao ngucapatn kata-kata nang aya’ (dosanya)

Man sungguh, dalapm Al-Quran nian udah Kami (jalasatn) barulang-ulang (paringatatn), supaya iaka’koa salalu ingat. Tapi (paringatatn) koa’ ngge nambah iaka’koa dari (dari kabanaratn)

Kataatnlah (Muhammad), ”Kade’ ada tuhan-tuhan ka’ samping-Nya sabaga mae nang iaka’koa katakatn, pasti tuhan-tuhan koa ngagoi’ Tuhan nang ngampu’i’ Arsy. ”

Mahasuci man Mahatingi’ Ia dari ahe nang iaka’koa kataatn, luhur man agung (nana’ ada bandingannya)

Langit nang tujuh, ai’ tanah man samua nang ada ka’ dalapmnya batasbih ka’ Allah, Man nana’ ada sasuatu pun melainkan batasbih mang mujii’-Nya, tapi kita’ nana’ ngarati tasbih nya ka’ koa. Sungguh Ia Maha enyantun, Maha Pengampun

Man kade’ kao (Muhammad) macaatn al- Quran, Kami bare’ dininkng suatu dinikng nang nana’ katele’atn antara kao man urakng-uraakng nang nana’ baiman ka’ kaidupatn naherat

man Kami jajiatn ati nya ka’koa ta tutup man tarenyekng nya ka’koa tasumbat, supaya iaka’koa nana’ dapat memahami’nya. Man kade’ kita’ nyabut Tuhannyu ihan dalapm al-Quran, iaka’koa bapaling ka’ balakang nariatn diri’ (karana banci’)

Kami labih ngatahui’ dalapm kaadaan ampahe iaka’koa nangaratn waktu iaka’koa nangaratn kao (Muhammad), man waktu iaka’koa babisik-bisik (lakoa) waktu urakng zalim koa bakata, ”kita’ nggelah ngikuti’ saurakng laki-laki nang kana seher. ”

Tele’lah ampahe iaka’koa manjuat parumpa- maan nto’ nyu (Muhammad); karana koa iaka’koa manjadi sasat man nana’ dapat agi’ namuan maraga (nang banar) 17. AL-I

man iaka’koa bakata, ”kade’ kami udah jadi tulakng man jukut-jukut nang hancur, aheke’ kami batol-batol mao’ dibangkitkatn agi’ sabage mahluk nang baru?”

kataatnlah (Muhammad), ”jadilah kita’ batu ato basi

ato manjadi mahluk nang aya’ (nang nana’ mungkin idup agi’) manurut pikirannyu. ”Maka iaka’koa mao’ batanya’, ”sae nang mao’ ngidupatn kami agi?”Kataatnlah, ”nang udah nyiptaatn kita’ partama kali. ”Lalu iaka’koa mao’ ngeleng-ngelengkatn kapala’nya ka’ kao man bakata, kade’ (kiamat) koa (mao’ tajadi)? Batakatnlah, ”barangkali waktunya udah samak,”

iakkoa ka’ ari (waktu) Ia nyaru’ kita’, man kita’ matuhi’-Nya, sambil mujii’-Nya man kita’ ngira, (rasanya) ngge sabantar ihan kita’ badiapm (ka’ dalapm kubur)

Man kataatnlah ka’ hamba-hamba-Ku, ”Baiknya iaka’koa bakata mang pakataatn nang edo’ (banar). Sungguh setan koa (selalu) nimulatn pasalisihatn ka’ antara iaka’koa. Sungguh, setan koa’ munsuh nang nyata ka’ talino

Tuhannyu labih ngatahui’ ka’ kita. Kade’ ia mao’i’, pasti Ia mao’ mare’ rahmat ka’ kita, man kade’ Ia mao’i’, pasti Ia mao’ nyiksa- nyu. Man Kami nana’ ngutus nyu (Muhammad) nto’ jadi panjaganya nyaka’koa

Man Tuhannyu labih ngatahui’ sae nang ka’ langit man ka’ bumi. Man sungguh, Kami udah marentatn kalabihatn ka’ saka’an nabi- nabi atas sabgian (nang lain), man Kami barentatn Zabur ka’ Dawut

Kataatnlah (Muhammad), ”saru’lah iaka’koa nang kita’ anggap (tuhan)475 selain Allah, iaka’koa nana’ kuasa nto’ ngilangkatn bahaya darinyu man nana’ (agi’) mampu ngobahnya.”

Urakng-urakng nang nya ka’koa saru’koa, iaka’koa sandiri’ ngago’i’ maraga ka’ Tuhan476 sae ka’ antara nya ka’ ia nang labih samak ka’ (ka’ Allah). Iaka’koa ngarapatn rahmat-Nya man gali’ ka’ siksaatn-Nya. Sungguh siksaatn Tuhannyu koa sasuatu nang (harus) gali’i’. ”

Man nana’ ada saete’ nagari pun (nang durhaka panduduknya), malaintatn Kami minasaatnnya sanape’ ari kiamat ato Kami seksa (panduduknya) mang seksa nang miah karas. Nang ampakea koa udah tatulis dalapm kitab lau(h mahfuz)

Man nana’ ada nang ngalangi’ Kami nto’ ngirimpatn (ka’kao) tanda-tanda (kakuasaan Kami), melainkan karana (tanda-tanda) koa udah didustaatn di urakng duhiya. Man udah Kami barentatn ka’ kaum Samut onta bini (sabage mukjizat) nang dapat ditele’, tapi iaka’koa nganiaya (onta bini koa). Man Kami nana’ ngirimpatn tanda-tanda koa malaintaatn nto’ ngali’-ngali’i

Man (ingatlah) waktu Kami kataatn ka’ kao, ”sungguh, (ilmu) Tuhannyu ngaliputi’ salu- ruh talino. ”Man Kami nana’ nyajiatn mimpi477 nang udah Kami tele’atn ka’ kao, melainkan sabage ujian ka’ talino man (ampakoa uga’) puhutn’ nang takutuk (zaqqum) dalapm Al-Quran. Man Kami ngali’-ngali’I nya ka’koa, tapi nang ampakoa nggelah nambah aya’ kadurhakaan nya ka’koa

Man (ingatlah), waktu Kami bapirman ka’ sigana mala’ekat, ”sujudlah kita’ samua ka’ adam,” lalu iaka’koa sujud, kacoali balis. Ia (balis) bakata, ”ahe ke’ aku harus sujud ka’ urakng nang Kita’ ciptaatn dari tanah?”

Ia (Balis) bakata, ”tarang’katnlah ka’ aku, nianke’ nang labih Kita’ muliaatn daripada aku? Sakiranya Kita’ mare’ waktu ka’ aku sampe hari kiamat, pasti mao’ ku sasatatn katurunannya, kacoali sabebat ihan. ” 17. AL-I

Ia (Allah) bapirman, ”darilah, tapi sae ma’an ka’ antara iaka’koa nang ngikuti’ kao maka sungguh, naraka Jahanamlah balasatnnyu samua, sabage pambalasan nang cukup

Man tipulah sae ma’an ka’ antara iaka’koa nang kao (balis) sanggup mang suaranyu (nang ngarere’i’), babalah pasukatnnyu terhadap nya ka’koa, nang bakuda man nang bajalatn paha, man basakongkollah mang iaka’koa ka’ harta man anak-anak lalu bare’ janjilah ka’ iaka’koa. Padahal setan koa nggelah nyanjiatn tipuan balaka ka’ nyaka’koa

Sabatolnya (terhadap) hamba-hamba-Ku, kao (balis) nana’lah dapat bakuasa Atas iaka’koa. Man cukuplah Tuhannyu sabage panjaga. ”

Tuhannyulah nang ngalayaratn kapal-kapal ka’ lautan nto’nyu, supaya kao ngago’ karunia-Nya. Sungguh Ia Maha Penyayang ka’ kita’

Man kade’ kita’ kana timpa’ bahaya ka’ lautan, pasti hilang samua nang (biasa) kita’ saru’, kacoali Ia. Tapi waktu Ia nyalamatatn kita’ ka’ daratan, kita’ bapaling (dari-Nya). Man talino memang salalu ingkar (nana’ basukur)

Maka ahe ke’ kita’ marasa aman bahoa’ Ia nana’ akan ningalamptn saka’an daratan basama kita’ ato Ia nyiupatn (nyaru karas nang ngincakngi’) batu-batu enek? Man kita’ nana’ akan napati’ surakng pangingu pun

Ato ke’ kita’ marasa aman bahoa’ Ia nana’ akan ngambaliatn kita’ ka’ laut sakali agi’, lalu Ia nyiupatn angin topan ka’ kita’ man ditingalamptn’-Nya kita’ disababpatn kekapirannyu? Kamudian kita’ nana’ akan namu surakng panolongpun dalapm ngadapi’ (siksaan) Kami

Man sunggguh Kami udah ngamuliaatn anak cucu Adam, man Kami angkut iaka’koa ka’ darat man ka’ laut, man Kami bare’ iaka’koa rajaki dari nang edo’-edo’ man Kami labihatn iaka’koa ka’ atas manyak mahluk nang Kami nyiptaatn mang kalabihan nang sampurana

(Ingatlah), ka’ ari waktu Kami saru’ satiap umat mang pamimpinnya; man barangsae dibare’ catatan amalnya ka’ kokot kanannya iaka’koa nae maea catatannya (manang baik), man iaka’koa nana’ akan dirugiatn saebetpun

Man sae ma’an buta (atinya) ka’ dunia nian maka ka’ naherat ia nae buta man tasasat jauh dari maraga (nang banar)

Man ia amper malingkatn kao (Muhammad) dari ahe nang udah Kami wahyuatn ka’ kao, supaya kao ngada-ngadaatn nang lain ka’ Kami; man kade’ ampakoa tantu iaka’koa nyajiatn kao ayukng nang satia

Man sakiranya Kami nana’ nguatatn (ati)- nyu, pasti kao amper ereh sabebet ka’ iaka’koa

kade’ ampakoa, tantu Kami mao’ misa’atn ni’nya ka’ kao (siksaan) balipat ganda ka’ dunia nian man balipat ganda salaka’ mati, man kao (Muhammad) nana’ akan namui’ saurakng panolong pun tahadap Kami

Man sungguh, iaka’koa amper mamuatnyu (Muhammad) gulisah ka’ nagari (Mekah) karana kao harus kaluar dari nagari koa, man kade’ tajadi ampakoa, pasti sapaninggalannyu iaka’koa nana’ akan badiapm’ (ka’ naung) melaintatn sabantar ihan

(Nang ampa koa) barupa katatapan ka’ sigana rasul Kami nang Kami utus sanape’ kao, 479 man nana’ akan kao dapati’ parobahan ka’ katatapatn Kami

Laksanaatn salat mulai mata ari tagulincir sampe patakngnya malam man (laksanaatn uga’ salat) Subuh.480 sungguh salat Subuh koa disaksiatn (da’ mala’ekat). 17. AL-IS

Man ka’ saka’an malam, karajaatnlah salat tahajut (sabage ibadah) tambahan ka’nyu; mudah-mudahan Tuhannyu ngangkat kao ka’ tampat nang tapuji

Man batakatnlah (Muhammad), ya Tuhanku, masokatnlah aku ka’ tampat masok nang banar man kaluaratnni’lah (uga) aku ka’ tampat kalluar nang banar man bare’lah ka’ aku dari sisi-Kita’ kakuasaan nang dapat nulukngi’ (ku)

Man kataatnlah”kabanaran udah atakng man nang batil udah lanyap”sungguh nang batil koa pasti lanyap

Man Kami turuntatn dari Al-Quran (suatu) nang jadi panawar man rahmat ka’ urakng nang baiman, sedangkan ka’ urakng nang zalim (al-Quran koa) ngge mao’ nambahi’ karugiatn

Man kade’ Kami barentatn kasanangan ka’ talino, pasti ia bapaling man nyauhi’ diri’ mang sombong; man kade’ ia kasusahatn, pasti ia baputus asa

Batakatnlah (Muhammad)”satiap urakng babuat sasue mang pangincakngannya masing-masing. ”Maka Tuhannyu labih ngatahui’ sae nang labih banar maraganya

Man iaka’koa batanya’ ka’ kao (Muhammad) tantang ruh. Batakatnlah, ”Ruh koa tamasok urusaan Tuhanku, samintara kita’ dibare’ pangatahuan Cuma sabebet. ”

Man sabatolnya kade’ Kami mao’i’ pasti Kami lanyapatn ahe nang udah Kami wahyukan ka’ kao (Muhammad), man kao nana’ akan namu saurakng pembelapun terhadap Kami

kacoali karana rahmat dari Tuhannyu. Sungguh karunia-Nya ka’kao (Muhammad) miah aya’

Batakatnlah, ”sabatolnya kade’ talino mam jin bakumpur nto’ manjoat nang sarupa (mang) Al-Quran nian, iaka’koa nana’ akan dapat manjoat nang sarupa mang nang koa, sekalipun iaka’koa babanto’-banto’ mang nang lain”

Man sungguh, Kami udah nyalasatn baulang-ulang ka’ talino ka’ Al-Quran nian mang bamacam-macam parumpama’an, tapi kamayakatn talino nana’ nyukai’nya malahan ngingkari’ (nya)

Man iaka’koa bakata, ”kami nana’ akan pucaya’’ ka’ kao (Muhammad) sanape’ kao mancaratn mata ai’ dari bumi nto’ kami

ato kao ba kabon kurma man anggur, lalu kao aliratn ka’ antara-antaranya sunge nang daras ngalirnya

ato kao jantu’atn langit bakapikng-kapikng ka’ kami, saampahe kao ngataatn, ato (sanape’) kao ngatakngkatn Allah man sigana mala’ekat baradapatn muha mang kami

ato kao ba rumah sabuah rumah (tabuat) dari amas, ato kao naik ka’ langit. Man kami nana’ akan mucaya’i’ kanaikatn nyu koa sanape’ kao nuruntatn ka’ kami sabuah kitab nto’ kami baca. ”Batakatnlah (Muhammad), ”Mahasuci Tuhanku, buke’ke’ aku nian ngge talino nang manjaji rasul?”

Man nana’ ada suatu nang ngalangi’ talino nto’ baiman waktu patunjuk koa atakng ka’ ia, selain pakataan nyaka’koa, ”ngahe Allah ngutusatn saurakng talino manjaji rasul?”

Batakatnlah (Muhammad), ”sakiranya ka’ bumi ada sigana mala’ekat, nang bajalatn- jalatn mang tanang, pasti Kami turuntatn ka; iaka’koa mala’ekat dari langit nto’ manjaji rasul. ”

Batakatnlah (Muhammad), ”cukuplah Allah manjadi saksi antara aku man kita’ koa. Sungguh, Ia Maha Nau’an, Maha Nele’ ka’ hamba-hamba-Nya. 17. AL-I

Man sae ma’an dibare’ patunjuk di Allah, ia lah nang namu patunjuk, man sae ma’an Ia sasatatn maka kao nana’ akan namu panolong-panolong ka’ iaka’koa selain Ia. Man Kami mao’ ngumpuratn iaka’koa ka’ ari kiamat mang muha tasungkur, dalapm kaadaan buta’, awa’ man bangal. Tampat kadiaman iaka’koa ialah naraka Jahanam. Satiap kali api Jahanam koa mao’ padapm’, Kami tambah agi’ nyalanya ka’ iaka’koa

Koalah balasan ka’ iaka’koa, karana sabatolnya iaka’koa kapir ka’ ayat-ayat Kami man (karana iaka’koa) bakata, ”kade’ kami udah manjadi tulakng balulakng man banda-banda nang ancur, ahe ke’ kami mao’ dibangkitatn agi’ sabage mahluk baru?”

Man ahe ke’ iaka’koa nana’ nele’atnni’ bahoa’ Allah nang nyiptaatn langit man bumi ialah Mahakuasa (uga’) nyiptaatn nang sarupa mang iaka’koa, man Ia udah natapatn waktu tatantu (mati ato dibangkitatn) ka’ iaka’koa, nang nana’ diraguatn agi’? Maka urakng jalim koa nana’ nolaknya kacoali mang kakapiran

batakatnlah (Muhammad), ”sakiranya kita’ nguasai’ pabandahara’an Tuhanku, pasti pabandahara’an koa kita’ tahan, karana gali’ malanjaatnnya. ”Man talino koa memang miah sengke’

Man sungguh, Kami udah marentatn ka’ Musa sambilan mukjizat nang nyata482 maka tanya’anlah ka’ Bani Israel, waktu Musa atakng ka’ iaka’koa lalu Pir’aun bakata ka’ ia, ”Wahe Musa! Sabatolnya aku banar- banar nyangka kao kana seher. ”

Ia (Musa) nyawap, ”sungguh kao udah ngatahui’, bahoa’ nana’ ada nang nuruntatn (mukjizat-mukjizat) koa kacoali Tuhan (nang mihara) langit man bumi sabage bukti-bukti nang nyata; man sungguh, aku banar-banar manduga kao nae binasa, wahe pir’aun. ”

Laka’ koa (Pir’aun) ngati ngoser iaka’koa (Musa man pangikutnya) dari bumi (Mesir) maka Kami tingalampatn ia (Pir’aun) mang urakng nang basama man’ia saluruhnya

man salaka’ koa Kami bapirman ka’ Bani Israel, ”badiapm’lah ka’ nagari nian, tapi kade’ waktu babangkit atakng, pasti Kami kumpuratn kita’ dalapm”kaadaan bacampur baur. ”

Man Kami turuntatn (Al-Quran) koa mang sabanarnya man (Al-Quran) koa turutn’ mang (ngincakng) kabanaratn. Man Kami ngutus kao (Muhammad), ngge sabage pangincakng barita man pamare’ paringatatn

Man Al-Quran (Kami turuntatn) barangsur- angsur supaya kao (Muhammad) macaatnnya ka’ talino sawe’sawe’ man Kami nuruntatnnya sacara batahap

Batakatnlah (Muhammad), ”Baimanlah kita’ ka’ ia (Al-Quran) ame’ baiman (sama ma’an ka’ Allah). Sabatolnya urakng nang udah dibare’ pangatahuan sanape’nya, kade’ (Al- Quran) dibacaatn ka’ iaka’koa, iaka’koa nyungkuratn muhanya, basujud, ”

Man iaka’koa bakata, ”Mahasuci Tuhan kami; sungguh, janji Tuhan kami pasti dipanohi’

Man iaka’koa nyungkuratn muhanya sambil nangis iaka’koa batambah khusyuk

Batakatnlah (Muhammad), ”saru’lah Allah ato saru’lah Ar-Rahman. Mang dama nang mae ma’an kita’ dapat nyaru’, karana Ia badama nang miah edo’ (Asma-ul Husna) man amelah kao ngarasatn suaranyu dalapm salat man amelah (uga’) mabahatnnya man usahaatn ka’ tangah-tangah ka’ antara kadua’ koa.”

Man batakatnlah, ”sagala puji ka’ Allah nang nana’ baranak man nana’ (uga’) ba’ sakutu dalapm kerajaan-Nya man Ia nana’ palalu panolong dari kahina’an man agungkatnlah Ia saagung-agungnya