Kendayan - Chapter 19 - Maryam

Kāf hā yā’ ‘a³n shād

(Nang dibacaatn nian ialah) panjalasan rahmat Tuhan nyu ka’ amba-ambaNya, Zakaria

(Yakoa) katika ia bado’a ka’ Tuhannya mang suara nang lamut

Ia (Zakaria) bakata, ”Oh Tuhan ku, sunggu tulakng ku udah lamah man kapalaku udah ubananman aku nape’ paranah kacewa dalapm bado’a ka’ kita’ oh Tuhanku

Man Sungguh, aku koater tahadap karabatk sapaninggal ku, padahal biniku saurakng nang mandul maka anugerahi’lah aku saurakng kamuda’ dari sisi Nyu

Nang nae mawarisi aku man mawarisi dari kaluarga Yakub, man jadiatnlah ia, ya Tuhanku saurakng nang diridoi’

(Allah bapirman), ”wahe Zakaria! kami mare’ kabar repo ka’ kao mang seko’ kamuda’ laki-laki damanya Yahya, nang Kami nape paranah mare’atn dama saparati koa sanape’nya

Ia (Zakaria) bakata, ”Oh Tuhanku, ampaheaku nae namu kamuda’, padahal biniku nang bini mandul man aku (sandiri) sabatolnya udah mancape amor nang miah tuha

(Allah) bapirman, ”Ampakoalah, ”Tuhannyu bapirman, ”Hal koa mudah bagi Ku, sungguh, kao udah aku ciptaatn sanape koa, padahal (ka’ waktu koa) kao nape bawujud sama sakali

Ia (Zakaria) ba kata, ”Oh Tuhanku, bare’lah aku suatu tanda, ”(Allah) bapirman, ”Tandanyu ialah kaonana’ dapat bakata-kata mang talino salama talu malapm padahal kao sehat

Maka ia kaluar dari mihra manuju kaum lalu ia mare isarat ka’ iaka’koa, batasbih kao ka’ waktu alapm man gumare’

Wahe Yahya! Taaplah (palajari’lah)500 Kitab (Taurat) koa mang sungguh-sungg ”Man kami bare’atn hikmah ka’ ia (Yahya)501 saagi’ ia masih kamuda’

Man (Kami jadiatn) rasa kasih sayang ( sasama) dari Kami man baraseh (dari do Man ia pun saurakng nang takwa)

Man miah babakti ka’ kadua urakng Tuhannya, man ia buke’ urakng nang sombong (buke uga’) urakng nang durh

Man kasajahteraan ka’ diri’nya ka’ ari kaluarnya, ka’ ari wafatnya, man ka’ ari dibangkitatn idup agi’

Man caritaatnlah (Muhammad) gesah Maryam ka’ dalapm kitab (Al-Quran), (yakoa) katika ia ngasingan diri’ dari kaluarganya ka’ sote’ tampat disabalah timur (Baitul Maqdis)

Lalu ia mamasang tabir (nang ngalindunginya) darinyaka’koa, lalu kam ngutus roh Kami (Jibril) ka’ ia maka ia manampakkatn diri’ ka’ adapatnnya dal bantuk talino nang sampurana

Ia (Maryam) bakata, ”Sungguh, aku balindung ka’ Tuhan nang Maha Pangas tahadapnyu, kade’ kao urakng nang bata

Ia (Jibril) bakata, ”Sabatolnya aku ingge utusan Tuhan nyu, nto’ nyampeatn anug ka’ kao saurakng kamuda’ laki-laki nan

Ia (Maryam) bakata, ”Ampahe mungkin akunamua’ kamuda’ laki-laki, padahal n paranah ada urakng (laki-laki) nang nya ku man aku buke saurakng pamabaya’

Ia (Jibril) bakata, ”Ampakoalah, ”Tuhannyu bapirman, ”Hal koa mudah ka’ Aku, man agar Kami nyadiatnya suatu tanda (kabasaranAllah) ka’ talino man sabage rahmat dari Kami, man hal koa ialah suatu urusan nang (udah) diputusatn

Maka ia (Maryam) babuntikng, lalu ia nariatn diri’nya man buntiknya koa ka’ tampat nang jauh

Kamudian rasa sakit mao baranak maksanya (basanar) ka’ pangkal puhutn kurma, Ia (Maryam) bakata, ”wahe, labih(edo’) aku mati sanape nian, man aku manjadi urakng nang nana’ diparatiatn man dilupaatn

Maka ia (Jibril) ngampak ka’ ia dari tampat nang babah, ”Amelah kao basadih ati. Sabatolnya Tuhannyu udah nyadiatn nak sunge ka’ abahnyu

Man guelah pangkal puhuth kurma koa ka’ arahnyu nae (puhutn) koa nguguratn buah kurma nang masak ka’ kao

Maka makatn, nyocok man basanang atilah kao, kade kao nele’ urakng maka kataatnlah, ”sabatolnya aku udah banazar bapuasa nto’ Tuhan Nang Maha Pangasih maka aku nana’ akan ngomong mang saepun ka’ ari nian

Kamudiatn ia (Maryam) ngicakng (ola koa) ka’ kaumnya mang ngendongnya. Iaka’koa (kaumnya) bakata, ”wahe Maryam! Sungguh, kao udah ngicakng jukut nang miah matabe’i’. (mungkar)

Wahe kamarkapala nang bini Harun (Maryam)! Apa’nyu buke’ urakng nang buruk pabuatatnnya man uwe’nya buke’ urakng nang bini pamabaya’

Maka ia (Maryam) nojok ka’olanya, ia bakata”ampahe kami ngomong mang olanang masih dalapm oanan

Ia (Isa) bakata, “Sabatolnya aku amba Allah, Ia mare’ku kitab (Injil) man Ia nyadiatn aku saurakng Nabi

Man Ia nyadiatn aku urakng nang diberkahi’ ka’ mae aku barada, man Ia marentahatn aku (ngarajaatn) salat man (nuneatn) zakat salama’ aku idup

Man babakti ka’ uwe’ku, man ia nana’ nya- diatn aku urakng nang sombong agi’ calaka

Man kasajahtaraan samoga dilimpahatn ka’ aku’, ka’ ariaku diparanakatn,ka’ ari aku wafat, man ka’ ari aku dibangkitatn idup agi.”

Koalah Isa nak laki Maryam (nang ngataatn) pakataan nang banar, nang iaka’koa raguatn kabanaratnya

Nana patut ka’ Allah baranak, Maha Suci Ia. Kade’ Ia mao natapatn jukut. Maka Ia ingge bakata ka’nya, “jadilah!” maka jadilah jukut koa

(Isa bakata), ”man sabatolnya Allah koa Tuhanku man Tuhannyu maka sambahlah Ia. Nian ialah maraga nang locor”

Maka basilisihlah golongan-golongan (nang ada) ka’ antara iaka’koa (Yahudi man Nasrani) maka calakalah urakng-urakng kapir ka’ waktu manyaksiatn ari nang agung

Alangkah tajapm panangaratn nyaka’koa man alangkah tarang panele’atn nyaka’ koaka’ ari ia atakng ka’ Kami. Tatapi urakng-urakng zalim ka’ ari koa (ka’ dunia) barada dalapm kasasatatn nang nyata

Man bare’lah iaka’koa paringatatn tantang ari panyasalan, (yakoa) ke’dahsagala pakara udah diputus, sadang iaka’koa dalapm kalaleant man ia nana’ baiman

Sabatolnya Kamilah nang mawarisi’ bumi502 man samua nang ada ka’ atasnya, man ngge’ ka’ Kami iaka’koa dikambaliatn

Man caritaatnlah (Muhammad) gesah Ibrahim ka’ dalapm kitab (Al-Quran), sabatolnya ia saurakng nang miah mancintai kabanaratn, 503 man saurakng Nabi

(ingatlah) katika Ia (Ibrahim) bakata ka’ apa’nya, ”Oh apa’ku! Ngahe kita’ manyam- bah jukut nang nana’ nangar, nana’ nele’, man nana’ dapat manolongnyu saebetpun

Wahe apa’ku! Sungguh, udah sampe ka’ aku sabagian ilmu nang nana’ dibare’atn ka’ kita’ maka ikutilah aku, niscaya aku akan nojokatn ka’ kita’ maraga nang locor

Wahe apa’ku! Amelah kita’ manyambah setan, sungguh, setan koa durhaka ka’ Tuhan nang Maha Pangasih

Wahe apa’ku! Aku sungguh koater, kita’ nae kana timpa’ siksaatn dari Tuhan nang Maha Pangasih, sahingga kita’ manjadi ayukng setan. ”

Ia (apa’nya) bakata, ”busak ke’ kao ka’ tuhan-tuhanku, wahe Ibrahim? Kade’ kao nana’ baranti pasti kao nae ku palasah maka tingalatnlah aku ka’ waktu nang lama. ”

Ia (Ibrahim) bakata, ”samoga kasalamatatn dilimpatatn ka’ kita’, aku akan mohontatn ampon nto’ kita’ ka’ Tuhanku. Sabatolnya Ia miah baik ka’ aku

Man aku akan nyauhatn Diri’nyu dari kita’ man dari ahe nang kita’ sambah salain Allah, man aku akan bado’a ka’ Tuhanku, Mudah-mudahatn aku nana’ akan kacewa mang doa ka’ Tuhanku. ”

Maka katika Ia (Ibrahim) udah nyauhatn diri dari iaka’koa man dari ahe nang ia sambah salain Allah, Kami anugerahatn ka’ ia Ishak man Ya’kub. Man masing-masing kami angkat manjadi Nabi

Man Kami anugerahatn ka’ iaka’koa sabagia- tn dari rahmat Kami man Kami jadiatn iaka’koa buah tutur nang edo’ man mulia

Man caritaatnlah (Muhammad), gesah Musa ka’ dalapm kitab (al-Quran) ia banar-banar urakng nang tapilih, saurakng Rasul man Nabi

Man Kami udah nyaru’nya dari sabalah kanan gunung (Sinai) man Kami samakatn ia nto’ ba kata-kata

Man Kami udah manganugarahatn sabagiatn rahmat Kami ka’ ia, Yakoa (bahoa’) kamarkapalanya, Harun, manjadi saurakng Nabi

Man caritaatnlah (Muhammad) gesah Ismail ka’ dalapm Kitab (Al-Quran) ia banar-banar saurakng nang banar janjinya, saurakng Rasul man Nabi

Man ia nyuruh kaluarganya504 nto’ (ngarajaatn) salat man (nuneatn) zakat, man ia saurakng nang diridoi’ ka’ samak Tuhannya

Man caritaatnlah (Muhammad) gesah Idris ka’ dalapm kitab (Al-Quran). Sabatolnya ia saurakng nang miah manyintai’ kabanaratn man saurakng Nabi

Man Kami udah ngangkatnya ka’ martabat nang tingi

Iaka’koalah urakng nang udah dibare’ nikmat di Allah, yakoa dari (golongan) da’ nabi dari katurunan Adam, man dari urakng nang kami icakng (dalapm kapal) barage Nuh, man dari katurunan Ibrahim man Israil (Yakub) man dari urakng nang udah kami barepatunjuk man udah kami pilih. Kade’ dibacaatn ayat-ayat Allah nang Maha Pangasih ka’ iaka’koa maka ia tunduk sujud man nangis

Kamudian ataknglah salaka’ iaka’koa, pangganti nang ngabeatn salat man ngikuti’ kamaoannya maka ia koa nae tasasat

Kacoali urakng nang batobat, baiman man ngarajaatn kabajikatn maka iaka’koa nae masok saruga man nana’ dijalimi’ (di rugiatn) saebetpun

Yakoa saruga ‘Adn nang udah dijanjiatn di Tuhan Nang Maha Pangasih ka’ amba- amba-Nya, sakalipun (saruga koa) nana’ katele’atn. Sungguh, (janji Allah) koa pasti ditapati’

Ka’ dalapmnya iaka’koa nana’ nangar pakataan nang nana’ baguna, kacoali (ucapatn) salam, man ka’ dalapmnya ka’ iaka’koa ada rajaki alapm man gumare

Kolah saruga nang nae Kami warisatn ka’ amba-amba Kami nang salalu bataqwa

Man nana’ lah kami (Jibril) turutn, kacoali atas parentah Tuhannyu. nu’ Nya sagala nang ada ka’ adapatn kita’, nang ada ka’ balakang kita’, man sagala nang ada ka’ antara kaduanya, man Tuhannyu nana’ lupa’

(Ialah) Tuhan (nang manguasai’) langit man bumi man sagala nang ada ka’ antara kaduanya maka sambahlah Ia man bataguh atilah dalapm baribadah ka’ Ia. Ahe ke’ kao mangatahui ada ke’ nang sama man Ia

Man urakng (kapir) bakata, ”batolke’ kade’ aku udah mati, nae aku sungguh-sungguh dibangkitatn idup agi’

Man nana’ ke’ talino koa Bapikirbahoa’ sabatolnya Kami udah nyiptaatnnya dee’, padahal (sanape’nya) Ia nape baujut sama sakali

Maka demi Tuhannyu, sungguh, pasti nae Kami kumpuratn iaka’koa barage setan, kamudian pasti nae kami atangkatn iaka’koa ka sakulilikng jahanam man balutut

Kamudian pasti nae Kami tarik dari satiap golongan sae ka’ antara iaka’koa nang miah durhaka ka’ Tuhan Nang Maha Pangasih

Salanjutnya kami sungguh labih mangatahui’ urakng nang saarusnya (di masokkatn) ka’ dalapm naraka

Man nana’ ada saurakng pun ka’ antara kao nang nana’ ngatakngi’nya (naraka). Hal koa ka’ Tuhannyu ialah suatu katantuatn nang udah ditatapatn

Kamudian Kami nae manyalamatatn urakng-urakng nang bataqwa man miaratn urakng-urakng nang jalimka’ dalapm (naraka) dalapm kadaan balutut

Man kade’ dibacaatn ka’ iaka’koa ayat-ayat Kami nang jalas (maksudnya), urakng- urakng nang kapir bakata ka’ urakng– urakng nang baiman, ”maeke’ ka’ antara kadua golongan nang labih edo’ tampat badiapmnya man labih edo’ tampat patamuan (nya)?”

Man sangahe manyak umat (nang ingkar) nang udah Kami binasaatn sanape’ iaka’koa, padahal iaka’koa labih edo’ pakakas rumah tanga’nya man (labih sadap) ditele’ mata

Kataatnlah (Muhammad), ”Sae ma’an barada dalapm kasasatatn maka biarlah Tuhan Nang Maha Pangasih manjangkatn (waktu) ka’ia, 505 sahingga kade’ iaka’koa nele’ ahe nang diancampatn ka’ ia, baikajabmaopun kiamat maka iaka’koa nae mangatahui’ sae nang labih jahat kadudukatnnya man labih lamah bala tantaranya

Man Allah akan nambah patunjuk ka’ iaka’koa nang udah namu patunjuk. Man amal kabajikkatn nang kakal koa labih edo’ pahalanya ka’ samak Tuhan nyu man labih edo’ kaudahatnya

Lalu aheke’ kao udah nele’ urakng nang ngingkari’ ayat-ayat Kami man ia ngataatn, ”Pasti aku nae dibare’ harta man anak. ”

Ahe ke’ ia nele’ nang raib ato ia udah mamuat pajanjiatn ka’ sisi Tuhan Nang Maha Pangasih

Sama sakali nana’! Kami nae nulis ahe nang ia kataatn, man Kami nae manyangkatn sesaatn nto’nya sacara sampurana

Man Kami nae mawarisi’ ahe nang ia kataatn koa, 506 man ia akan atakng ka’ Kami babaro ihan

Man iaka’koa udah milih tuhan-tuhan salain Allah, agar tuhan-tuhan koa manjadi pangingu ka’ iaka’koa. 19. M

Sama sakali nana’! nae iaka’koa (sasambahatn) koa akan mangingkari’ panyambahatn iaka’koa tahadapnya, man akan manjadi musuh baginya

Nana’ ke’ kao nele’, bahoa’ sabatolnya Kami udah mangutus setan-setan koa ka’ urakng-urakng kapir nto’ nyorong iaka’koa (babuat maksiat) man sungguh-sungguh

Maka amelah kao (Muhammad) tagesa-ges (minta sesa) tahadap iaka’koa, karana Kam ngetomg mang etongan taliti (atakngnya ar siksaan) nto’ iaka’koa

(Ingatlah) ka’ ari (katika) Kami ngumpura urakng-urakng nang bataqwa ka’ (Allah) Nang Maha Pangasih, bagekan kolifah nan tahormat

Iaka’koa nana’ bahak namu syafâ’ah, (patolongan) kacoali urakng nang udah ngadaatn pajanjian ka’ isi (Allah) Nang Maha Pangasih

Man iaka’koa bakata, ”(Allah) Nang Maha Pangasih mampunyai’ anak. ”

Sungguh, kao udah ngicakng jukut nang miah mungkar

Amper saja’ langit pacah, man ai’ tanah tabalah, man gunung-gunung ruruh, (karan ucapatn koa)

Karana iaka’koa nganggap (Allah) Nang Maha Pangasih baranak

Man nana’ mungkin (Allah) Nang Maha Pangasih baranak

Nana’ ada seko’ urakng pun ka’ langit man ka’ bumi, malaintatn akan atakng ka’ (Allah) Nang Maha Pangasih sabage saurakng amba

Ia (Allah) banar-banar udah nantuatn jumbalah iaka’koa man mangetong iaka’koa mang itungan nang taliti

Man satiap urakng dari iaka’koa akan atakng ka’ Allah babaro-babaro ka’ ari kiamat

Sungguh urakng-urakng nang baiman man ngarajaatn kabajikatn, nae (Allah) Nang Maha Pangasih akan nanampatn rasa kasih sayang (dalapm ati iaka’koa)

Maka sungguh udah Kami mudahatn (Al- Quran) koa mang bahasanyu (Muhammad), agar manang koa kao dapat mare’ kabar repo ka’ urakng-urakng nang bataqwa, man agar kao dapat mare’ paringatatn ka’ kaum nang bai’ ngasi

Man sangahe manyak umat nang udah Kami binasaatn sanape’ iaka’koa. Ada ke’ kao (Muhammad) nele’ salah seko urakng dari iaka’koa ato kao nangar bisikatn nya ka’kao. 20.°