Kendayan - Chapter 25 - Al-Furqan

Maha Cuci baraseh Allah nang udah nuruntatn furqan (al-Quran) ka’ ambanya (Muhammad), supaya ia mare’ paringatatn ka’ saluruh alam (jin man talino)

Nang ngampu’ karaja’an langit man ai’ tanah, nana’ baranak, nana’ ada sakutu baginya ka’ dalapm ka’ koasa’an-Nya Ia majoati sigama jukut ahepun, lalu natapatn ukuran-ukuranya nang tapat

Lalu iaka’koa na’ap tuhan-tuhan salain Ia (Allah) nto’ disambah, padahal iaka’koa (tuhan-tuhan koa) nana’ majoati ahe pun, bahkan iaka’koa sandiripun dipamuat man nana’ bakuasa nto’ (nolak) bahaya ka’ diri’nya, man nana’ bisa ngatangkatn mampa’at sarata nana’ bakuasa matiatn, ngidupatn, man nana’ uga’ bisa mangkitatn nuhanian

Uga’ urakng-urakng kapir bakata, ”Al- Quran”nian nana’ lain nggelah alok-alok nang dipamuat-pamuat di(Muhammad), dipabanto’atn diurakng lain. ”Sungguh, iaka’koa batol-batol udah babuat jalim man miah alok”

Man ia ka’koa ngomong, ”ngkoa ngge”curita-curita urakng-urakng jaman de’e, nang diminta’ supaya ditulis, lalu dibaca’atnlah curita koa ka’ ia (Muhammad) satiap alapm man gumare’ ari

Kataatnlah Muhammad, ”Al-Quran, koa di Allah nuruntatn nang nau’an rahasia langit man ka’ ai’ tanah. Sungguh, Ia Maha pangampon, man Maha Panyayang”

Uga’ iaka’koa bakata, ”jahe Rasul (muhammad) nian makatn makanatn man bajalatn ka’ pasar-pasar? Jahe mala’ekat nana’ dituruntatn sama-sama mang ia (supaya malae’kat) koa mare’ paringatatn basama man ia

Ato (jahe nana’) dituruntatn ka’ ia harta kakaya’an, nto’ (jahe ia nana’) bakabon saebet pun. Sahingga ia bisa makatn dari (asel)? nya. Urakng-urakng jalim ka’ koa nggan bakata, ”kita’ koa hanya ngikuti’ saurakng laki-laki nang kana seher”

Paratiatnlah, mpahe iaka’koa mamuat parumpama’an tantang kao, maka sasatlah iaka’koa. Iaka’koa (urakng jahat/jalim nana’ sanggup namua’) maraga (nto’ nantang karasulannyu)

Maha Baraseh (Allah) nang kade’ Ia mao’, pasti Ia mamuat nto’nyu nang labih edo’ dari nang koa. Ialah saruga-saruga nang ngalir ai’ ka’ babahnya sunge’-sunge’, man Ia majoat (uga’) istana-istana nto’nyu

Bahkan iaka’koa madah alok ari kiamat. Kami (Allah) majoat naraka nang miahnyala nto’ sae nang madah alok ari kiamat

Kade’ ia (naraka) nele’ iaka’koa dari tampat nang jauh, iaka’koa nangar suaranya nang baguruh saking beranya

Man kade’ iaka’koa ditabakatn ka’ tampat nang sampit ka’ naraka man diikati’, iaka’koa mangka’ kampak ngarapatn supaya bisa mati

(Tatap dikataatn ka’ iaka’koa), ”amelah kita’ aui nian ngge sote’ ihan kabinasa’atn, malaintatn arapatnlah kabinasaatn nang baulang-ulang”

Kataatnlah (Muhammad), ”ahe ke’ siksaatn saparati koa nang edo’, ato saruga nang kakal nang d janjiatn ka’ urakng-urakng nang bataqwa sabage balasan, man tampat mulakng nto’nye ka’koa?”

Nto’ nyaka’koa sigama ahe nang iaka’koa mao’i ada ka’ dalapmnya (saruga), iaka’koa kakal (ka’ dalapmnya). Koalah janji Tuhannyu nang pantas dipinta’ (ka’ Ia)

Man (ingatlah) pada ari (katika) Allah ngumpuratn iaka’koa barage ahe nang iaka’koa sambah salin Allah. Lalu Ia bapirman (ka’ nang disambah), ”ahe ke’ kita’ nang nyasatatn amba-amba ku koa, ato iaka’koa sandiri nang sasat dari maraga (nang banar)

Iaka’koa (nang disambah koa) nyawap, ”Maha Cuci baraseh kita’, nana’lah pantas bagi kami naap pangingu salain Kita’572, tapi Kita’ udah mare’ iaka’koa man ene’ moyang nya ka’koa kasanangan idup, sahingga iaka’koa ngalupaatn paringatatn; man ia ka’ koa kaum nang binasa.”

Maka sungguh, ia (nang disambah koa) udah ngingkari’ ahe nang kita’ kataatn maka kita’ nana’’ akan bisa nolak (siksa) man nana’ bisa (uga’) nolong (diri’nya) man sae ma’an ka’ antara kita’ babuat zalim, pasti kami timpa’atn ka’ ia rasa siksaatn nang miah

Man Kami nana’ ngutus Rasul-rasul sanape’nyu (Muhammad) malaintatn iaka’koa pasti makatn-makanan man bajalatn ka’ pasar-pasar, man Kami jadiatn sabagiatn kita’ sabage coba’an ka’ sabagiatn nang lain, mao’ ke’ kao basabar? Man Tuhannyu maha nele’

Man urakng-urakng nang nana’ ngarapatn patamuan mang Kami (ka’ naherat) bakata, ”Ngahe buke’ da’ mala’ekat nang dturuntatn ka’ diri ato (ngahe) diri’ nana’ nele’ Tuhan diri’’?”Sungguh iaka’koa udah nyumbongkatn diri’nya dari iaka’koa man batol-batol udah labih ngalampoi’ batas (dalapm majoat kajahatn)

(ingatlah) ka’ ari (katika) katika iaka’koa nele’ sigama mala’ekat, ka’ ari koa nana’ ada kabar repo nto’ urakng-urakng nang badosa man iaka’koa bakata, “hijran mahjura”

Panguni-panguni saruga ari koa miah edo’ tampat badiapmnya man miah edo’ tampat istirahatnya

Man (ingatlah) ka’ ari (ke’ dah) langit pacah ngaluaratni’ asap putih man sigana mala’ekat dituruntatni’ (sacara) bagelombang

Karaja’an nang hak575 ka’ ari koa ialah nu’ Tuhan nang Maha Pangasih. Ngkoalah ari nang sulit nto’ urakng-urakng kapir

Man (ingatlah) ka’ ari (ke’dah) urakng- urakng zalim ngigiti’ dua jari’nya, (nyasali pabuatatnya) lantas bakata, ”adooh! Sakiranya (de’e) aku naap maraga Rasul”

Wahe’ calaka aku! Sakiranya (dee) aku nana’ nyadiaatn si anu’576 koa ayukgn samak ku. 25. AL-FU

Sungguh, ia udah nyasatatn aku dari paringatatn (al-Quran) ke’ dah (al-Quran) koa udah atakng ka’ aku, man setan memang panghianat talino

Man Rasul (Muhammad) bakata, ”Ya Tuhan Ku, sabatolnya kaumku udah nyadiaatn Al- Quran nian diabeatn”

Ampakoalah, ka’ satiap Nabi, udah Kami ada’atn munsuh dari urakng-urakng nang badosa. Tapi cukuplah Tuhannyu manjadi pamare’ patunjuk man panulukung

Man urakng-urakng kapir bakata, ”ngahe Al-Quran koa nana’ dituruntatn ka’ ia sakaligus?”ampakoalah, 577 supaya kami naguhatn atinyu (muhammad) mang ia, Kami macaatnnya sacara tartil (baansor- ansor, sawe’ man banar)

Man iaka’koa (urakng-urakng kapir koa) nana’ atakng ka’ koa (ngincakng) jukut nang aneh, malaintatn Kami atakngkatn ka’ kao nang banar man panjalasatn nang miah baik

Urakng-urakng nang dikumpuratn ka’ naraka jahanam man diseret muhanya, iaka’koalah nang miah buruk tampatnya, man miah sasat maraganya

Man sungguh, Kami udah mare’atn kitab (taurat) ka’ Musa man Kami udah nyadiaatn Harun kamarkapalanya, nyaratai’ ia sabage wazir (pambanto’)

Laka’ koa Kami bapirman (ka’ kaduannya), ”ampuslah kao badua ka’ kaom nang madah alok ayat-ayat Kami, lalu Kami ancuratn iaka’koa nang saancor-ancorya”

Man (udah Kami riboatni’) kaum Hut waktu iaka’koa madah alok sigama rasul. Kami tingalampatn iaka’koa man Kami jadiatn (gesah) sabage palajaran nto’ talino. Man Kami udah nyadiaatn nto’ urakng-urakng zalim koa siksaatn nang miah padih

Man (udah kami riboatni’) kaum Ad man Samud uga’ panduduk Rass578 sarata many agi’ ganarasi ka’ antara (kaum-kaum) koa

Man masing-masng udah Kami jadiatn parumpamaan man masing-masing Kami ancuratn saancur-ancurnya

Man sungguh, iaka’koa (kaum muysrik mekah) udah ngalalui Binua (sodom) nang (de’e) kana ujatn nang buruk (ujatn batu). Nana’ ke’ iaka’koa nyaksiatnnya? Bahkan iaka’koa sabanarnya nana’ ngarapatn ari kabangkitantn

Man kade’ iaka’koa nele’ kao (Muhammad iaka’koa ingge’ nyadiatn kao sabage ejekatn (mang ngataatn), ”nian ke’ urakng nya nang diutus Allah sabage Rasul?”

Sungguh amper ihan ia nyasatatn dari sasambahatn diri’, saandenya diri’ bai’ batahan (nyambah)nya. Man nae iaka’koa nae dah nele’ ajap, sae nang paling sasat marganya

Udah ke’ kao (Muhammad) nele’ urakng nang nyadiaatn kainginannya sabage Tuhannya. Ahe ka’ kao nae manjadi panangahia’nya

Ato ahe ke’ koa ngira bahoa’ kawanyakatn iaka’koa nangar ato ngarati? Iaka’koa nggelah mpahe laok idupatn, malahlabih sasat maraganya

Nana’ ke’ kao nele’ (pajoatatn) Tuhannyu, lea mae Ia manyangkatn (man ngalongkat- atn) mindong-mindong, man sakiranya Ia mao’, pastilah Ia nyadiaatn (mindong- mindong koa) tatap, abis koa Kami pajoat mata’ari sabage patunjuk

Udah koa Kami nariknya (mindong- mindong koa) ka’ Kami579 sakali saebet

Man ia-lah nyadiaatn malam nto’nyu (sabage) pakean, man tidur nto’ badiapm, man Ia nyadiaatn siankg nto’ baduhanian ampus karaja

Man Ia-lah nang nyiupatn angin (sabage) pangincakng kabar repo sanape’ kaatangan rahmatnya (ujatn), man kami turunan dari langit ai’ nang miah baraseh

Supaya (mang ai’ koa) Kami ngidupatn nagari nang mati (tandus), man kami mare’ cocok ka’ sabagian ahe nang udah Kami pamuat, (barupa) laok-laok idupatn man talino nang manyak

Man sungguh, kami udah pagiliratn (ujatn) koa ka’ antara nyaka’koa supaya ia naap palajaratn, tapi kamanyaktn talino bai’ (basyukur), malahan iaka’koa ngingkari’ (nikmat)

Man sakiranya Kami mao’, pasti Kami ngutus saurakng pamare’ paringatatn ka’ satiap nagari

Maka amelah kao taati urakng-urakng kapir, man bajuanglah tahadap iaka’koa mang ia (al-Quran) man (sumangat) bajuang nang miah aya’

Man Ia-lah nang miaratn dua ai’ laut ngalir (basamakatn) nang nian parat man sagar man nang lain miah pada’ agi’ pahit, man Ia nyadiatn antara kaduanya dinikng man batas nang nana’ bisa tambus

Man Ia (uga’) nang majoat talino dari ai’, lalu Ia nyadiatn talino koa (ada ba) katurunan man musaharah580 man Tuhannyu koa Maha Kuasa

Man iaka’koa nyambah salain Allah ahe nang nana’ bisa mare’ mamfa’at ka’ iaka’koa man nana’ (uga’) ngatangan karusakatn ka’ ia. Urakng-urakng kapir koalah panolong (setan nto’ babuat durhaka) ka’ Tuhannya

Man nana’lah Kami ngutus kao (muhammad) malaintatn nggan sabage pangincakng kabar repo man pamare’ paringatatn

Kataatnlah, ”Aku nana’ minta’ imbalatn ahe pun dari Kita’ nto’ nyampeatn (risalah) koa, malaintatn (ngarapatn supaya) urakng- urakng mao’ naap maraga nuju Tuhannya”

Man bataqwalah ka’ Allah nang idup, nang nana’ mati, man batasbihlah sarata mujinya. Man cukuplah Ia Maha Nau’ah ke’ dosa amba-ambaNya

Nang majoat langit man tanah ai’ dari ahe nang ada ka’ antara kaduanya dalapm anam masa, laka’ koa Ia basamayam ka’ atas arsy (Ia-lah) nang Maha Pangasih, maka tanyaanlah (tantang Allah) ka’ urakng nang labih nau’an (Muhammad)

Man kade’ kataatn ka’ iaka’koa, ”sujutlah ka’ nang Maha Pangasih.” Iaka’ koa bajawab, “sae ke’ nang Maha Pangasih koa? Ahe ke’ kami arus basujuta’ ka’ Allah Nang koa (Muhammad) parentahatn ka’ kami (basujud ka’ Ia)?” iaka’koa dah makin jauh dari kabanaratn

Maha Cuci baraseh Allah nang majuat ka’ langit koa gugusan bintakng- bintakng man Ia uga’ majoat mata’ari man bulatn nang basinar

Man Ia (uga’) nang majoat malam man siak- ng silih baganti bagi nto’ urkang nang mao’ naap palajaratn ato nang inign basyukur

Adapun amba-amba Tuhan nang Maha Pangasih koa ialah urakng-urakng nang bajalatn ka’ dunia mang rendah ati, man kade’ dah urakng-urakng mangkakng ngatai’ nya ka’koa (mamng kata-kata nang ngina), iaka’koa bakata salam.”

Man nang uakng-urakng nang ngabisatn waktu malam nto’ baibadah ka’ Tuhannya mang basujud man badiri

Man nang urakng-urakng bakata, ”Ya Tuhan kami, jauhatnlah siksa jahanam dari kami, karana sabatolnya siksanya koa mamuat kabinasaatn nang kakal”

Sungguh, jahanam koa saburuk-buruk tampat natap man tampat kadiaman

Man (tamasok amba-amba Tuhan nang Maha Pangasih) urakng-urakng nang kade’ ngimpakkatn (harta) nyaka’koa nana’ balabihatn, man nana’ (uga’) sengke’ ka’ antara ka duanya sacara wajar

Man urakng-urakng nang nana’ masakutuatn Allah mang sasambahatn lain man nana’ munuh urakng nang diharampatn Allah kacoali mang (alasan) nang batol, man nana’ babaya’, man sae ma’an nang babuat ampaikng, pasti ia namu ukuman nang miah barat

(pasti) tatap dilipatgandaatn ajap nto’nya ka’ ari kiamat man ia pasti kakal ka’ dalapn ajap koa, dalapm kaada’an tahina

Kacoali urakng-urakng nang batobat man baiman man ngarajaatn kabaiaktn, maka kajahatatnnya iaka’koa diganti Allah mang kabaikatn, Allah maha pangampon, Maha Panyayang

Man sae ma’an batobat man ngarajaatn kabaikatn, maka sabatolnya ia batobat ka’ Allah mang tobat nang sabatol-batolnya

Man urakng-urakng nang nana’ mare’atn kasaksiatn palsu, man kade’ iaka’koa batamu mang (urakng-urakng) nang ngarajaatn pabuatan nang nana’ ba paedah, iaka’koa lewat mang nyaga kahormatan diri’nya

Man urakng-urakng nang kade’ dibare’ paringatatn mang ayat-ayat Tuhan iaka’koa. Iaka’koa nana’ basikap sabage urakng- urakng nang bangal man buta’

Man urakng-urakng nang bakata, ”Ya Tuhan kami. Anugerahkatn ka’ kami pasangan kami man katurunan kami sabage karepaoatn atii (kami), man jadiatnlah kami pamimpin bagi urakng-urakng nang bataqwa”

Iaka’koa nae dibare’ balasatn mang tampat nang tinggi (dalapm saruga) atas kasabaratn nya. Man ka’ koa ia nae disambut mang panghormatatn man salapm

Iaka’koa kakal ka’ dalapmnya, ka’ saruga koa sabaik-baik tampat natap man tampat badiapm

Kataatnlah (Muhammad, ka’ urakng-urakng musyirik), uhanku nana’ akan ngindahatn kao, kalo’ nana’ karana ibadahnyu. (tapi ampahe kao baibadah ka’ ia), padahal sungguh. Kao udah nustaatnya? Karana koa nae (sesa) pasti (manimpa’nyu). (Barakatnyabut) dama Allah nang Maha Pangasih, Maha Panyayang