Kendayan - Chapter 27 - An-Naml

°± s³n nianlah ayat-ayat al-Quran, man kitab nang jalas

Pautnjuk man barita repo bagi urakng- urakgn nang baiman

(yakoa) urakng-urakng nang ngarajaatn salat man nuaeatn zakat, man iaka’koa manyakini’ adanya naherat

Sabatolnya urakng-uarakng nana’baiman ka’ naherat, kami jadiatn tarasa do’ bagi aiaka’koa bagi mang dalapm kasasatatn

Iaka’koalah urakng-urakng nang nae namu siksaan buruk (ka’ dunia) man iaka’koa ka’ naherat urakng-urakng nang paling rugi

Man sabatolnya kao (Muhammad) banar- banar dibare’ Al-Quran dari sisi Allah nang maha bijaksana, Maha Nau’an

(Ingatlah) katika Musa bakata ka’ kaluarganya, ”Sungguh, aku nele’ api. Aku nae ngincakng kabar masalah nang nian ka’ kao. Ato aku nae ngincakng suluh suluh api (obor) ka’ kao supaya kao dapat badiakng (ngangatatn tubu samak api)”

Maka ke’ dah ia atakng ka’ koa (tampat api koa) ia ngampak udah dibarkahi urakng- urakng nang barada samak api, man nang urakng-urakng nang ada ka’ sakitar, Maha Suci Allah, Tuhan saluruh Alam

(Allah bapirman) wahe Musa! Sabatolnya aku ialah Allah, nang maha parkasa, maha bijaksana

Man tabakatnlah tungkatnyu! Maka katika (tungkat koa manjadi ular man) Musa nele’nya bagarak-garak saparti seko’ ular nang cakik, darilah ia babalik tampa malek, ”ahe Musa! Ame gali’ sabatolnya ka’ dalapm ku, para rasul nana’ gali’”

Kacoali urakng-urakng nang balaku zalim nang kamudiatn ngubah (diri’nya) man kabaikatn salaka’ kajadiatn (batobat) maka sungguh aku maha pengampon, Maha Panyayang

Man masokkatnlah kokotnya ka’ tage’ bajunyu, 591 niscaya ia nae kaluar manjadi putih (basinar) tanpa cacat (kadua mukjizat nian) ka’ pir’aun man kaumnya, iaka’koa banar-banar urakng-urakng nang fāsiq

Maka katika mukjizat-mukjizat kami nang tarang koa sampe ka’ iaka’koa, ia bakata, ”nian seher nang nyata”

Man iaka’koa, mangingkarinya karana kazaliman. Man kasombongannya, padahal ati iaka’koa manyakini (kabanaratn) nya maka paratiatnlah bage mae kaudahatn urakng-urakng nang babuat karusakkatn

Man sungguh kami udah mare’atn ilmu ka’ Daud man Sulaiman, man kaduanya bakata, ”sagala puji bagi Allah nang ngalabihatn ka’ mi dari sakiatn manyak amba-ambanya nang baiman”

Man Sulaiman udah mewarisi Dawud, 592 man ia (Sulaiman) bakata, ”wahe talino! Kamu udah diajari’ bahasa burukng man akamu uga’ udah dibare’ sagala ahe pun. Sungguh samua nian nanar-banar karunia nang nyata”

Man nto’ Sulaiman diKumpulatn balatantaranya dari Jin, talino, man burukng. Lalu ia aka’ koa babaris nang edo’/samporna

Sahingga katika iaka’koa sampe’ ka’ urakng Samut, bakatalah seko’ dari Samot koa, ”wahe samot-samot! Batama’anlah ka’ dalapm sarakng-sarakng kita’ supaya kita’ nana’ ditanya diSulaiman man balatantara- nya, sadangkan iaka’koa pun nana’ nyadari’ dirinya (nana’ nau’an)”

Maka ia (Sulaiman) tasanyum lalau galak karana (nangar) kata-kata samot ka’ koa. Ia pun bado’a, ”Oh Tuhanku, anugarahi’lah aku ilham nto’ tatap manyukuri’ nikmat kita’ nang dah udah kita’ anugarahkatn/ bare’atn ka’ aku man ka’ kadua urakng tuhaku, man supaya aku nagarajaatn kabaikatn nang kita’ rido’i tama’anlah aku ka’ rahmat kita’ ka’ dalapm glongan amba-amba kita’ nang salah”

Ia marasa bururkng-burukng ka’ koa lalu bakata, ”jahe aku nana’ nele’ Hud-Hud, 593 jahe ia nana’ ka’ didiatn?”

Pasti akan aku ukum ia man ukuman nang berat nt’ ku sambaleh iaka’koa nae. Kacoa- lai ia atakng ka’ akungincaknag alas an nang jalas/banar

Maka nana’ lama kamudiatn (ataknglah Hud-hud), lalau ia bakata, ”aku udah nau’an ahe nang nape’ kao tauatn, akuatakng ka’ kao dari nagari saba’594 ngincakng barita nang banar (yakin kabanaratnnya)”

Sungguh aku namui’ saurakng nang bini595 nang marentah iaka’koa, iaka’koa dianugera- hi sagalanya, sarata ada basinggasana nang aya’

Aku (burukng Hud) namui’ ia man kaumnya nyambah mata’ari, buke’ka’ Allah, man setan mamuat edo’ katele’atnnya ka’ iaka’ koa sagala pabuatatn (buruk) nang aya’ pamuat. Sahingga nglangi iaka’koa dari jalatn Allah maka iaka’koa nana’ namu patunjuk

Iaka’koa nana’ nyambah Alah nang ngaluar- atn ahe nang tapanapm ka’ langit man ka’ bumi, 596 uga’ nang nau’an ahe nang kita’ sosokatn man ahe nang kita’ padahatn

Allah, nana’ ada Tuhan malaintatn ia, Tuhan nang ngampu’ Arsi nang agung

Ia (Sulaiman) bakata, ”akan kami tele’ ahe ke’ kao banar. Ato tamasok urakng nang pangolok”

Ampuslah man (ngincakng) suratku nian, lalau jantu’atn ka’ iaka’koa, kamdiatn palainglah dari iaka’koa, lalau tele’ ahe nang iaka’koa omongan

Ia (Balqis) bakata, ”wahe para pambasar! Sabatolnya udah disampeatn ka’ aku sabuat surat nang mulia”

Sabatolnya surat koa dari Sulaiman nang isinya bakata dama Allah nang Maha Pangasih, Maha Panyayang

Amelah kao basikap sombong ka’ aku, man atakng lah ka’ aku sabage urakng-urakng nang nyarahatn diri

Ia (Balqis) bakata, ”wahe para pambasar! Bare’lah aku partimbangan dalapm parkaraku nian. Aku nana’ parnah mutusatn pakara sanape’ kita’ batatangan ka’ tampat ku nia. ”

Iaka’koa bakata, ”diri’ ada bakakuatatn man kabaranian nang luar biasa (nto’ baparakng), tapi kaputusatn koa ada ka’ kokotnyu maka patimbangkatnlah ahe nang mao’ kao parentahatn”

Ia (Balqis) bakata, ”sabatolnya raja-raja kade’ nyalahatn soato nagara, iaka’koa tantu mina- saatn samuanya, man mamuat panduduknya nang mulia jadi hina/marepa. Macam nianlah nang aya’ ka’ koa pamuata”

Man sungguh, aku akan ngirim utusatn iaka’koa man (ngincakng) adiah, man aku akan nunggu ahe nang bakalnya incakng diutusatnku koa

Maka katika para utusatn ka’ sampe’ ka’ Sulaiman, ia (Sulaiman) bakata, ”ahe ke’akao mare’atn aku harta? Ahe nang Allah bare’atn ka’ aku labih edo’ daripada ahe nang Allah bari’atn ka’ kao. Tapi kao marasa bangga (repo) man adiahnyu”

Ia (Sulaiman) bakata, ”wahe para pambasar! Sae ka’ antara kita’ nang sanggup ngincakng singgasananya ka’ aku, sanape’ iaka’koa atakng ka’ aku man nyarahatn diri’nya”

Ifrit dari golongan Jin bakata, ”akulah nang akan ngincakngnya ka’ kita’ sanape’ kita’ badiri dari tampat duduk kita’ sungguh aku kuat ngarajaatnnya man bisa dipucaya’’”

Saurakng nang bailmu, dari kitab597 Allah bakata, “aku akan ngincakng singgasana koa ka’ kita’ sanape’ mata kita’ misap”. Maka katika ia (Sulaiman) nele’ tiba-tiba singgasana koa dah ada ka’ adapatn nya, ia pun bakata, ”nian tamask karunia Tuhanku nto’ nguji aku, ahe ke’ aku basukur ato nana’ basukur ngingkari’ (Nikmatnya), sae ma’an basukur maka sasunggunhnya ia basukur nto’ kabaikatn diri’nya babaro. Man sae ma’an engkar maka sabatolnya Tuhanku Maha Kaya, man maha mulya”

Ia (Sulaiman) bakata, ”ubahlah nto’nya singgasananya koa, diri’ nele’nya ah eke (Balqis) nganal nto’ nana’ agi’ nganali’nya”

Maka katika ia (Balqis) atakng, dinanya’an (ka’ ia) sarupa nian ka’ singgasananyu? Ia (Balqis) nyawabnya. ”macam nang nianlah nya koa” (Balqis bakata), kami udah dibare’ pangatahuan sanape’nya,598 man kami ialah urakng nang basarah diri’ (ka Allah)

Kabiasaat nyaka’koa nyambah salain Allah nyagahnya (nto’ nyataatn kaislamanya), sabatolnya ia (Balqis) de’enya tamsok urakng-urakng kapir

di ngataatn ka’ ia (Balqis), ”Tama’lah ka’ dalapm istana. Maka katika ia nele’ lente istana koa dikiranya kolam ai’ nang aya’ lalunya naikatn (panutup) kadua batisnya. Ia (Sulaiman) bakata, saasungguhnya nang nian ngga lante istana nang dingalapisi kaca, ia (Balqis) bakata, O Tuhanku, sungguh aku udah babuat jalim ka’ diri’ku. Aku basarah diri’ barage man Sulaiman ka’ Allah Tuhan saluruh alam”

Man sungguh kami udah ngutus ka’ kaom Samud sodara nyaka’koa badama saleh (nang bakata), sambah lah Allah! Tapi tiba- tiba iaka’koa tapacah (manjadi) dia golongan nang bamusuhatn

Ia (saleh) wahe kaumku! Jahe kita’ minta digancehi’ kaburukatn sanape’ (kita’ minta) kabaikatn? Jahe kita’ nana’ minta ampon ka’ Allah, supaya kita’ namu rahmat

Iaka’koa nyambah, ”kami namu nasep malang karana kao man urakng-urakng nang ngikuti’ kao ia (saleh) bakata, nasep kita’ ada ka’ Allah (buke’ kami nang manjadi sabab) tapi kita’ koa ialah kaom nang gi’ dinguji”

Ka’ kota koa599 ada sambilan urakng laki- laki nang babuat ka’ rusakatn ka’ dunia, iaka’koa nana’ babauat nang ngedo’

Iaka’koa bakata, basumpahlah kita’ man dama Allah, bahowa’ diri’ pasti nyarangnya ia manda’ kaluarganya malapm ari kamodian diri ngataatn kada’ kapalnya bahoa’ diri nana’ nele’ kamatiatn kaluarganya koa, sungguh diri’ urakng nang banar

Iaka’koa mamuat tipudaya, kami Allah pun mamuat tipudaya sadangkan iaka’koa nana’ nau’an

Maka tele’lah mpahe akibat dari tipudayanya ka’ koa, bahowa kami (Allah) minasaatn iaka’koa manda’ kaom nyaka’koa samuanya

Maka koalah rumah-rumah nyaka’koa nang runtuh karana kajalimannya ka’ koa. Sungguh, ka’ nang macam nian koa banar- banar tadapat tanda (kakuasaatn Allah) bagi urakng-urakng nang nau’an

Kami (Allah) salamatatn urakng-urakng nang baiman600 man urakng nang salalu bataqwa

Man (ingatlah ka’ gesah) Luth, katika ia bakata ia bataqwa ka’ kaomnya, ”jahe kita’ ngarajaatn pabuatatn fahisyah (keji)601, padahal kita’ nele’nya (pabuatan jahat koa)?”

Jahe koa ngatangi’ nang laki-laki nto’ (manuhi’) sahwatnyu, buke’ ngatangi’ nang bini? Sungguh kita’ kaom nang nana’ nau’an lain (akibat pabuatatn kita’)

Jawapat kaomnya nana’ lain hanya ngataatn, ”usir Lut ma kaluarganya koa dari nagarinyu nian, sabatolnya ia koa (nangnggap diri’nya) baraseh”

Maka kami salamatatn ia (Lut) manda; kaluarganya, kacoali bininya, kami (Allah) udah nantuatn ia tamasok urakng nang dimasar (diminaatn ka’ dalapm sesa)

Kami (Allah) turuntatn ujatn ka’ iaka’koa man ujatn batu maka ujatn nang dinimpaatn ka’ koa batol-batol ujatn nang miah buruk (dinimpaatn) ka’ urakng-urakng nang dibare’ paringatatn tatapi nananya danger

Kataatnlah (Muhammad) sagala puji ka’ Allah man salam sajahtra ka’ amba- ambanya nang dipilihnya ahe ke’ Allah nang labih baik, ato ke’ ahe nangnya pasakutuatn/nya pasamaatn (man ia/Allah)

Buke’ ke’ ia (allah) nan majoat langit man dunia man mang nuruntatn ai’ dari langit nto’nyu. Lalu kami tumbuhatn man ai’ koa kabon-kabon nang bapamaniaka’koa edo’? kita’ nana’ akan mampu numuhatn kayu- kayunya. Ahe ke’ ada Tuhan nang lain ka’ sampe Allah? Sabanarnya iaka’koalah urakng-urakng nang manyimpang (dari kabanaratn)

Buke’ ke’ ia (Allah) nan udah majoat dunia sabage tampat badiapm nang majoat sunge- sunge ka’ calah-calah nya, nang manjuat gunung-gunung (nto’ ngakokohatnnya), man nang majoat batas pamisah antara dua laut. 602 Ahe ke’ ka’ sammping Allah ada Tuhan nang lian? Sabanarnya kamanyakatn iaka’koa nana’ nau’an

Buke’ ke’ ia (Allah) nang ngabulatn (Doa) urakng nang da’ kasusahatn kade’ bado’a ka’ ia (Allah), man ngilangkatn mimpih ka’ dunia? Ahe ke’ ka’s ampikng Allah ada Tuhan (nang lain)? Saebet sakasi nikmat Allah nang koa ingat

Buke’ ke ia (Allah) nang mare’ patunjuk ka’ koa dalapm kaglapatn ka’ darat man ka’ lautatn, nang ngatakngkatn angin sabage kabar sepo sanape’ kaatangan rahmat-Nya? Ahe ke’ ka’ sampikng Allah ada Tuhan (nang lain)? maha tinggi Allah ka’ ahe nang iaka’koa pasakutuatn

Buke’ ke’ ia (Allah) nang majoat/nyiptaatn mahluk dari pamulaannya, kamudian ngulangi’nya lagi, man nang mare’atn rajaki ka’ koa dari langit mann dunia? Ahe ke’ ka’ sampikng Allah ada Tuhan (nang lain)? kataatnlah padahatnlah bukti kabanaratnnyu, kade’ kao urakng nang banar

Kataatnlah (Muhammad) nana’ ada suatupun ka’ langitm man ka’ dunia nang nau’an pakara gaib, kacoalai allah. Ma iaka’koa nana’ nau’an mela ia akan dibangkitatn

Bahkan pangatahuann nyaka’koa tantang naherat nna’ sampe’ (ka’ koa). Bahkan iaka’koa ragu-ragu (ka’ naherat koa). Bahkan iaka’koa buta’ maslah nang koa (Naherat)

Urakng-urakng kapir bakata, salaka’ diri’ manjadi tanah man (mpakoa uga’) ne’ moyang diri’, ahe ke’ banar diri dikaluaratn (dari subur)

Dah dari de’e kami udah dibare’ ancamatn dari nang nian koa (dari naherat) kami man da’ ne’ moyang kami, sabanarnya nang nian koa ngge curita (saruga) jaman dahoya

Kataatnlah (Muhammad), bajalatnlah kao ka’ dunia lalau tele’ ampahe aer kaudahatn urakng-urakng nang badosa

Man amelah kao basadih ati ka’ iaka’koa, man amelah (dada nya) marasa sampit ka’ tipu daya nya ka’ koa

Iaka’koa (urakng kapir) bakata, mule ke’ atakngnya janji (ajap/siksaatn) koa, kade’ kao urakng nang banar

Kataatnlah (Muhammad) bisa jadi sabagiatn dari (ajap) nang kita’ minta’ digancehi’ koa udah amper sampe’ ka’ kita’

Sungguh, Tuhannyu batol-batol ada miliki’ karunia (nang dibare’atnnya) ka’ talino, tapi kamanyakatn iaka’koa nana’ nyukuri’nya

Man sungguh, Tuhannyu ngatahui (nau’an) ahe nang disosokatn ka’ dalapm dada nyaka’koa man ahe nang nya tele’atn (padahatn)

Nana’ ada sasoatupun nang disososkatn (tasambunyi) ka’ langit man ka’ dunia, samua udah tatulis ka’ kitab nang jalas (Lauh Mahfûdz)

Sungguh, Al-Quran nian nyalasatn ka’ Bani Israil sabagiatnnya dari (pakara) nang iaka’koa pasalisihatn

Man sungguh, (al-Quran) koa banr-banar manjadi patunjuk man rahmat bagii urakng- urakng nang baiman

Sungguh Tuhannyu akan nyalasatn pakara ka’ antara iaka’koa mang ukumnya. Ia maha parkasa (jago) man maha mangatahui’ (nau’an)

Man bataqwalah ka’ Allah, sungguh koa (muhammad) barada ka’ atas maraga nang lurus

Sungguh koa (Muhammad) nana’ bisa nyadia’atn urakng nang dah mat ibis anangar, man (nana’ uga) bbisa mammuat urakng nang batole’ bisa nangar nasehat, kade’ iaka’koa udah bapaling ka’ balakakng

Uga’ kao (Muhammad) nana’ akan bisa mare’ patunjuk urakng nang buta’ dari kasasatatnnya, kao uga’ nana’ dapat nyadia’atn (saurakng pun) bisa nangar, kacoali urakng-urakng nang baiman ka’ ayat-ayat kami, lalu iaka’koa basarah diri

Man kade’ pakataatn (katantuatn masa kaancuratn dunia) udah balaku ka’ iaka’koa, kami Allah kaluaratn mahluk bagarak nang banyawa dari dinia. Nang akan ngataatn ka’ iaka’koa bahoa talino de’e nya nana’ yakin ka’ ia ayat-ayat kami

Man (ingatlah) ka’ ari (katika) kami Allah ngumpuratn satiap umat, sakalompok urakng nang madah alok ayat-ayat kami, lalu iaka’koa dibagi (bakalompok- kaompok)

Sahingga kade’ iaka’koa batangan, ia (Allah) bapirman, jahe kita’ madah alok ayat-ayat ku, padahal kita’ koa nana’ bapangatahuan tantang koa, 603 nto’ ahe nang dah udah kita’ karajaatn

Balakulah pakataatn (janji sesa) ka’ iaka’koa karana kajaliman koa maka iaka’koa nana’ bakata

Ahe ke’ iaka’koa nana’ maratiatn bahowa’ kami (Allah) udah majoat malapm supaya iaka’koa baristirahat malapm ari, man (nyadiaatn) siakng nang narangi? Sungguh nang mpaikng koa tadapat tanda-tanda (kabasaratn/ ka’ ayaatn Allah) bagi urakng– urakng baiman

Man ingatlah sangkakala disiup maka takajutlah ahe nang ada ka’ langit, ahe nang ada ka’ dunia, kacoalai sae nang ada dikahandaki’Allah, samua iaka’koa akan atakng ngadap ka’ ia (Allah) sarata marandah diri

Man katika nele- gunung-gunung nang kita’ kira tatap ka’ tampatnya, padahal iaka’koa bajalatn (ampahe) rahu bajalatn, (ngkoalah) ciptaatn Allah, nang majoat batol-batol samporna sagala ahe maan. Sungguh ia maha taliti ka’ ahe nang kita’ karajaatn

Sae ma’an nang ngincakng kabaikatn maka ia namu (balasan) nang labih edo’ dari ngkoa. Uga’ iaka’koa marasa aman ne’e dari kajutatn (nang miah dasat) pada ari koa (kiamat)

Man sae ma’an nang ngincakng kajahatatn maka disurungkatn muha nyaka’koa dalapm naraka, kita’ nana’ dibare’ balasatn. Kacoali (satimpal) man ahe nang udah kita’ karajaatn

Aku (Muhammad) ngge parentahatn nyambah Tuhannya nagari nian, (Makah) nang ia (Allah) udah nyadiaatn baraseh ka’ ia, man sagala sasuatu koa nu’-Nya. Akudiparentahatn supaya aku jadi urakng muslim (Islam)

Supaya aku macaan Al-Quran (ka’ talino). Maka sae ma’an nang namu patunjuk maka sabatolnya ia namu patunjuk nto’ (kabaikatn) dari’nya. Man sae ma’an sasat. Maka kataatn- lah, sabatolnya, aku (nian) nana’ lain nggelah ngge urakng nang mare’ paringatatn

Man kataatn (muhammad), sagala puji nto’ Allah ia akan nele’atn ka’ kita’ tanda-tanda (ka ayaa’atn) nya maka kita’ nau’ani’nya. Uga’ Tuhannyu nana’ langah ka’ ahe nang kita’ karajaatn