Kendayan - Chapter 32 - As-Sajdah

Alif L±mM³m

Turutnnya al-Quran koa nana’ ada karaguatn ka’ia, (ialah) dari Tuhan saluruh alam

Tatapi ngahe iaka’koa (urakng kapir) bakata, ”Ia (Muhammad) udah ngada- ngadaatn. “Nana’, al-Quran koa kabenaratn (nang atakng) dari Tuhannyu, supaya kao mare’ paringatatn ka’ kaum nang nape’ paranah diatakngi urakng nang mare’ paringatatn sanape’ kao; supaya iaka’koa namu pantunjuk

Allah nang nyiptaatn langit man tanah air man ahe nang ada ka’ antara kaduanya dalapm anam masa, kamudian Ia basamayam ka’ atas Arsy.653 Baginyu nana’ seko’ urakng pun pamare’ sapa’at,654 salain Ia. Maka ahe ke’ kao nana maratiatnnya

Ia ngatur sagala urusan dari langit ka’ tanah air, kamudian (urusan) koa naik ka’-Ia655 dalapm sote’ ari nang kadarnya (lamanya) ialah saribu tahutn manurut paretongan nyu

Nang ampakoa, ialah Tuhan nang nau’an nang gaib man nang nyata, nang Maha Gagah, Maha Panyayang

Nang ngedo’i’ sagala sasuatu nang Ia ciptaatn man nang mulai’ mamuat Talino dari tanah

Kamudiatn Ia nyadiatn katurunannya dari sari pati ai’ nang hina (ai’ mani)

Kamudiatn Ia nyampuranaatn man nyiupatn roh (ciptaatn) –Nya ka’ dalapm (tubuh) nya man Ia nyadiatn panangaratn, panele’atn man ati ka’ kita’, (tatapi) sabebet sakali kita’ basukur

Man iaka’koa bakata, ”Ahe ke’ kade’ kami udah lanyap (ancur) ka’ dalapm tanah, kami ada’a ka’ ciptaatn nang baru?656 Bahkan iaka’koa mangingkari’ patamuan mang Tuhannya

Kataatnlah.” Mala’ekat maut nang di sarahi’ nto’ (mabut seugat) nyu akan matiatn kita’, kamudian ka’ Tuhannyu, kao akan dipulangktn”

Man (alangkah gali’nya), kade’ sakiranya kita’ nele’ urakng-urakng nang badosa koa nundukkatn kapalanya ka’ adapatn Tuhannya, (iaka’koa bakata), ”Wahe Tuhan kami, kami dah nele’ man nangar maka pulangkatn lah kami (ka’ dunia), tatap kami akan ngarajaatn kabaikan. Sungguh, kami ialah urakng-urakng nang yakin

Man kade’ kami ngahandaki’ tatap kami bare’atn ka’ satiap jiwa patunjuk (ka’) ia, tatapi udah ditatapatn pakataatn (katatapatn) dari-Ku, “Pasti akan Aku panohi’ naraka jahanam mang jin man talino samua

Maka rasaatnlah di kita’ (sile saatu) disabapatn kita’ ngalalaiyatn patamuan mang ari nyu nian (ari kiamat), sabatolnya Kami pun ngalalaiyatn kita’ man rasaatn lah siksaatn nang kakal, atas ahe nang kao karajaatn”

Parut nyaka’koa jauh dari tampat tidur, 658 iaka’koa bapamang ka’ Tuhan nya, mang rasa gali’man panoh arap, man iaka’koa ngimpakatn sabagian dari rajaki nang Kami bare’atn ka’ iaka’koa

Maka nana’ saurakng pun nang nau’an ahe nang disosokkatn nto’ iaka’koa ialah (bamacam-macam nikmat) nang nyanangkatn ati sabage balasan tahadap ahe nang iaka’koa karajaatn

Maka ahe ke’ urakng nang ba iman sama man urakng nang fâsiq (kapir)? iaka’koa nana’ sama

Adapun urakng-urakng nang ba iman man ngarajaatn kabaikatn maka iaka’koa akan namu saruga-saruga tampat kadiaman, sabage pahala ka’ ahe nang udah iaka’koa karajaatn

Man adapun urakng-urakng nang fâsiq (kapir) maka tampat kadiaman iaka’koa ialah naraka. Satiap kali iaka’koa mao’ kaluar darinya, iaka’koa dikambaliatn (agi’) ka’ dalapm nya, man dikataatn ka’ iaka’koa, “rasaatnlah siksaatn naraka nang de’e’ kita’ padah alok”

Man pasti kami timpa’atn ka’ iaka’koa sabagian siksaatn nang samak (ka’dunia) sanape’ siksaatn nang labih aya’ (ka’ naherat); supaya iaka’koa pulakng (ka’ maraga nang banar)

Man sae ke’ nang labih jalim daripada urakng nang udah diparingatatn mang ayat- ayat Tuhannya, kamudian ia bapaling darinya? Sungguh, kami akan mare’atn balasatn ka’ urakng-urakng nang badosa

Man sungguh, udah kami anugarahatn Kitab (Taurat) ka’ Musa maka amelah kao (Muhammad) ragu-ragu narima’nya (al- Quran) man Kami jadiatn Kitab (Taurat) koa patunjuk kita’ bani Israil

Man Kami jadiatn ka’antara iaka’koa pamimpin-pamimpin nang mare’ patunjuk mang parentah Kami salama’ iaka’koa sabar. 660 Iaka’koa mucaya’i’ ayat-ayat Kami

Sungguh Tuhannyu, Ia nang mare’atn kaputusan ka’ antara iaka’koa ka’ ari kiamat tantang ahe nang de’e’ iaka’koa pasalisihatn

Man nana’ ke’ jadi patunjuk bagi iaka’koa, dah basangahe umat-umat sanape’ iaka’koa nang udah Kami binasaatn, sadangkan iaka’koa babaro bajalatn ka’ tampat-tampat kadiaman iaka’koa. Sungguh, ka’ nang ampakoa ada tanda-tanda (kakuasa’an Allah). Ahe ke’ iaka’koa nana’ nangaratn (Maratiatn)

Man nana’ ke’ iaka’koa maratiatn bahoa’ Kami ngarahatn rahu’ (awan) nang ngandong) ai’ ka’ ai’ tanah nang tandus, lalu Kami tumuhatn (mang ai’ ujatn koa) tanam- tanaman sahingga ayaman iaka’koa, man iaka’koa babaro dapat makatn darinya. maka ngahe iaka’koa nana’ maratiatn

Man iaka’koa bataya’, “mule ke’ kamanangan koa (atakng) kade’ kao urakng nang banar

Kataatnlah, ”ka’ ari kamanangan661 koa, nana’ banguna agi’ ka’ urakng-urakng kapir kaimanan iaka’koa man iaka’koa nana’ dibare’ pananggohan”

Maka bapalinglah kao dari iaka’koa man tunggulah, sabatolnya iaka’koa (uga’) nunggu