Kendayan - Chapter 33 - Al-Ahzab

Wahe Nabi! Bataqwalah ka’ Allah, man amelah kao nuruti’ (ka’inginan) urakng- urakng kapir man urakng-urakng munâfiq. Sabatolnya Allah Maha Naw’an, Maha Bijaksana

Man ikuti’lah ahe nang diwahyuatn Tuhannyu ka’ kao. Sungguh, Allah maha taliti tahadap ahe nang kao karajaatn

Man bataqwalah ka’ Allah. Man cukuplah Allah sabage pamalihara

Allah nana’ nyadiaatn nto’ saurakng dua ati dalapm rongganya; man Ia nana’ nyadiaatn bini-bininyu nang kita’ zihar663 koa sabage uwe’ kita’, man Ia nana’ nyadiakan anak angkatnyu sabage anak kandungnyu (babaro). Nang ampakoa nggelah pakataatn ka’ molot kita’ nihan. Allah ngataatn nang sabanarnya, mang Ia nojokkatn maraga (nang banar)

Saru’lah iaka’koa (anak angkat koa) man (make’) dama apa’ nya ka’ koa ngkoalah nang adil ka’ sisi Allah, man kade’ kao nana’ nau’an apa’ iaka’koa maka (saru’lah iaka’koa sabage) sodara-sodaranyu saagama man maula-maulan kita’. 664 Man nana’ ada dosa atas nyu kade’ kao kilaf tantang koa, tatapi (nang ada dosanya) ahe nang disengaja di’ ati kita’. Allah Maha Pangampon, Maha Panyayang

Nabi koa labih utama nto’ urakng-urakng mukmin dibandingkatn diri’ nyaka’koa babaro665 man bini-bininya ialah uwe’-uwe’ iaka’koa. Urakng-urakng nang ada hubungan darah sote’ mang nang lain labih bahak (waris-mawarisi’), ka’ dalapm kitab Allah daripada urakng-urakng mukmin man urakng-urakng muhajirin, kacoali kade’ kao mao’ babuat baik666 ka’ sodara-sodaranyu (sa-agama). Ampakoalah udah tatulis ka’ dalapm Kitab (Allah)

Man (ingatlah) katika Kami na’ap pajanjian dari da’ Nabi man dari kao (babaro), dari Nuh, Ibrahim, Musa man Isa putra Maryam, man Kami udah na’ap dari iaka’koa pajanjian nang taguh

Supaya ia nanya’atn ka’ urakng-urakng nang banar tantang kabanaratn iaka’koa. 668 Ia nyadiatn siksaatn nang padih ka’ urakng- urakng kapir

Wahe urakng-urakng nang ba iman! Ingatlah ka’ nikmat Allah (nang udah dikaruniaatn) ka’ kita’ katika bala tantara atakng ka’ kita’, lalu Kami kirimpatn ka’ iaka’koa angin topan man bala tantara nang nana’ bisa tatele’ di kita’. 669 Allah Maha Nele’ ahe nang kao karajaatn

(Ialah) katika iaka’koa atakng ka’ kita’ dari atas man dari babah kita’, man katika pane- le’ atn (kita’) tapana man ati kita’ sasak sampe ka’ karongkongan670 man kao bapara- sangka nang buke’-buke’ tahadap Allah

Dikoalah diuji urakng-urakng mukmin man digoncangan (atinya) mang goncangan nang miah

Man (ingatlah) katika urakng-urakng munâfiq man urakng-urakng nang atinya bapanyakit bakata, ”Nang dijanjiatn Allah man rasul-Nya ka’ kami ngge lah tipu daya balaka”

Man (ingatlah) katika sagolongan ka’ antara iaka’koa bakata, ”Wahe panduduk Yasrib (Madinah)! nana’ ada tampat baginyu nto’ kita’ maka kambalilah kita’. “Man sabagian dari iaka’koa minta’ ijin ka’ Nabi (nto’ kambali pulakng) mang bakata, ”Sabatolnya rumah-rumah kami tabuka’ (nana’ ada panjaga)”. Man rumah-rumah koa sakali- kali nana’tabuka’, iaka’koa nana’ lain ngge mao’ dari

Man kade’ (Yasrib) disarang dari sagala panjuru, man iaka’koa di minta’ supaya muat kakacoatn, pasti iaka’koa ngarajaatn nya; man ngge sabantar nihan iaka’koa nunggu

Man sungguh, iaka’koa sanape’ kao udah bajanji ka’ Allah, nana’ akan babalik ka’ balakang (mundur). Man pajanjian mang Allah akan pinta’i patanggongjawapatn

Kataatnlah (Muhammad), ”dari nana’ lah baguna baginyunto’ kita’, kade’ kita’ nariatn diri’ dari kamatiatn ato pambunuhan, man kade’ lekoa, (kita’ tahindar dari kamatiatn) kita’ ngge akan ngarasa kasanangan sabantar nihan”

Kataatnlah, ”sae ke’nang bisa ngalindungi’ kao dari (katantuatn) Allah kade’ Ia ngahan- daki’ bancana atas nyu ato ngahandaki’ rahmat nto’ diri’ nyu?” Iaka’koa nana’ akan namu palindungan man panolong salain Allah

Sungguh, Allah nau’an urakng-urakng nang ngalang-ngalangi’ ka’antara kita’ man urakng-urakng nang bakata ka’ sodara- sodaranya, ”Ijehlah barage man kami”. Tatapi iaka’koa atakng baparang ngge sabantar

Iaka’koa sengke’ ka’ kita’. Kade’ dah atakng kagali’anan (bahaya), kita’ tele’ iaka’koa nele’ ka’ kita’ mang mata nang tabalik-balik saparati urakng nang pingsan karana mao’ mati, man kade’ kagali’atn udah ilang, iaka’koa ngina kao mang jilah nang tajapm, sadangkan iaka’koa sengke’ nto’ babuat kabaikatn. Iaka’koa nana’ baiman maka Allah ngapus amalnya. Man ampa koa mudah bagi Allah

Iaka’koa ngira (bahoa’) golongan-golongan (nang basakongkol) koa nape’ ampus, man kade’ golongan-golongan (nang basakong- kol) koa atakng kambali, pasti iaka’koa mao’ barada ka’ dusun-dusun barage-rage urakng Arab badui, barage nanya’an barita tantang kita’. Man sakiranya iaka’koa ada man kita’, iaka’koa nana’ akan baparang malaintatn sabantar nihan’

Sungguh, udah ada ka’ (diri’) Rasulullah koa suri taladan nang edo’ nto’ kita’ (ialah) ka’ urakng nang mangarap (rahmat) Allah man (kaatangan) ari kiamat man nang manyak ngingat Allah

Man katika urakng-urakng mukmin nele’ golongan-golongan (nang basakongkol) koa, iaka’koa bakata, ”Nianlah nang dijanjiatn Allah man Rasul-Nya, 671 ka’ kita’. ”Man banarlah Allah man Rasul-Nya. Nang ampa- koa manambah kaiman man kaislaman iaka’koa

Ka’antara urakng-urakng mukmin koa ada urakng-urakng nang nampati’ ahe nang udah iaka’koa janjiatn ka’ Allah. Man ka’ antara iaka’koa ada nang gugur, man ka’antara iaka’koa ada (uga’) nang nunggu-nunggu672 man iaka’koa saebet pun nana’ ngubah (janjinya)

Agar Allah mare’atn balasan ka’ urakng- urakng nang banar koa karana kabanaratn- nya, man nyiksa urakng munāfiq kade’ Ia ngahen-daki’, ato narima’ tobatnya ka’koa. sungguh, Allah Maha pangampon, Maha Panyayang

Man Allah ngaga’ urakng-urakng kapir koa nang ka’ada’an iaka’koa panoh kajengkel- atn, karana iaka’koa (uga’) nana’ namu kauntungan ahe pun. Cukuplah Allah (nang manto’) ngindaratn urakng-urakng mukmin dari paparangan. 673 Man Allah Maha Kuat, Maha Pakasa

Man Ia nuruntatn urakng-urakng ahli kitab (Bani Quraizah) nang manto’ iaka’koa (golongan-golongan nang basakongkol) dari benteng-benteng Nya ka’koa. Man Ia masokatn rasa gali’ ka’ dalapm ati Nya ka’koa. Sabagian iaka’koa kita’ bunuh man sabagian nang lain kao tawan

Man Ia ngawarisatn ka’ kita' tanah-tanah, rumah-rumah man harta banda iaka’koa, (man ampakoa uga’), tanah nang nape’ kita’ tinyak. 675 Man Allah Maha Kuasa tahadap sagala sasuatu

Wahe Nabi! kataatnlah ka’ bini-bininyu, “kade’ kita’ mangingintatn kaidupatn ka’ dunia man pariasannya maka ka’kaiknglah supaya ku barentatn ka’ kita’ mut’ah man aku careatn kita’ mang cara nang baik”

Man kade’ kao mangingintatn Allah man Rasul-Nya man nagari naherat maka sabatolnya Allah nyadiatn pahala nang aya’ ka’ sae nang babuat edo’ ka’antara kita’

Wahe bini-bini Nabi! sae ma’an ka’antara kita’ nang ngarajaatn pabuatan jahat nang nyata, pasti siksaatnnya akan dilipat gandaatn dua kali lipat ka’ ia. nang ampakoa, mudah bagi Allah

Man sae ma’an ka’ antara kita’ (bini-bini Nabi) tatap taat ka’ Allah man Rasul-Nya, man ngarajaatn kabaikatn, pasti Kami bare’atn pahala ka’ia dua kali lipat man Kami sadiaatn rajaki nang mulia ka’ ia

Wahe bini-bini Nabi! kao nana’ saparati nang bini lain, kade’ kao bataqwa. Maka amelah kao tunduk (malamah-lamutatn suara)676 dalapm babicara sahingga kaluar napsu urakng nang ada panyakit dalapm atinya,677 man ucapatn lah pakataan nang baik

Man handaklah kao tatap ka’ rumahnyu,678 man amelah kao ba’iyas man (batingkah laku) ampahe urakng-urakng jahiliah de’e,679 man laksanaatn salat, tunaiatn zakat man taati’ Allah mang rasul-Nya. Sabatolnya Allah bamaksud mao’ ngilangkatn dosa kita’, wahe ahlulbait,680 nang marasehatn kita’ sabaraseh-barasehnya

Man ingatlah ahe nang dibacaatn ka’ rumah kita’ dari ayat-ayat Allah man hikmah (sunah Nabi) nyu. Sungguh, Allah Maha lamut, Maha nau’an

Sungguh, nang laki man nang bini muslim, nang laki man nang bini mukmin, nang laki man nang bini nang tatap dalapm kataatanya, nang laki man nang bini nang banar, nang laki man nang bini nang sabar, nang laki man nang bini khusyuk, laki-laki man nang bini nang basadakah, nang laki man nang bini nang bapuasa, nang laki man nang bini nang nyaga kahormatannya, nang laki man nang bini nang manyak nyabut (dama) Allah, Allah tatap nyadiaatn nto’ iaka’koa amponan man pahala nang aya’

Man nana’ lah pantas ka’ nang laki nang mukmin man nang bini nang mukmin, kade’ Allah man Rasul-Nya, udah natapatn suatu katatapatn, akan ada kamao’atn (nang lain) bagi iaka’koa tantang urusan iaka’koa. Man sae ma’an durhakai’ ka’ Allah man Rasul- Nya maka sungguh, ia udah tasasat, mang kasasatatn nang nyata

Man (ingatlah), katika kao (Muhammad) bakata ka’ urakng nang udah dibare’ nikmat oleh Allah man kao (uga’) udah mare’ nikmat ka ia, ”patahantatnlah tarus bininyu man bataqwalah ka’ Allah.” Sadangkatn kao nasokatn ka’ dalapm atinyu ahe nang akan dinyatakan oleh Allah, man kao gali’ ka’ talino padahal Allah labih bahak kao gali’atn. Maka katika Zaid udah ngahiri’ kapalaluatn tahadap bininya (nyareatn nya), Kami nikahatn kao mang ia (Zainab)681 supaya nana’ ada kabaratatn ka’ urakng mukmin nto’ (nikahi’) bini-bini anak-anak angkat iaka’koa, kade’ anak-anak angkat koa udah nyalaseatn kapalaluannya tahadap bininya. Man katatapan Allah koa pasti tajadi

Nana’ ada kabaratan ahepun ka’ Nabi tantang ahe nang udah ditatapatn Allah ka’ ia. (Allah udah netapatn ahe nang ampakoa) sabage sunnah Allah man kada’ Nabi-nabi nang udah dolo’. Man katatapan Allah koa suatu katatapan nang pasti balaku

(Ialah) urakng-urakng nang nyampeatn risalah-risalah Allah, 682 iaka’koa gali’ ka’ Ia Man nana’ marasa gali’ ka’ sae pun salain ka’ Allah. Man cukuplah Allah sabage pamuat paretongan

Muhammad koa buke’lah apa’ dari saurakng ka’antara kita’, 683 tatapi ia ialah utusan Allah, man panutup samua Nabi. Man Allah maha nau’an sagala sasuatu

Wahe urakng-urakng nang ba iman! Ingatlah ka’ Allah, mang ngingat (dama) – Nya samanyak-manyaknya

Man batasbihlah ka’ Ia ka’ waktu alapm man gumare’ ari

Ialah nang mare’ rahmat ka’ kao man para mala’ekat-Nya (minta’atn amponan nto’ kita’) supaya Ia ngaluaratn kita’ dari kagalapatn ka’ cahaya (nang tarang). Man Ia Maha Panyayang ka’ urakng-urakng nang ba iman

Panghormatan iaka’koa (urakng-urakng mukmin koa) katika iaka’koa namui’-Nya ialah, ”salam”, 684 man ia nyadiakan pahala nang mulia nto’ iaka’koa

Wahe Nabi! sabatolnya Kami mangutusnyu nto’ manjadi saksi, nang ngicakng kabar gambira man mare’ paringatatn

Man sampeatn lah kabar gambira ka’ urakng-urakng mukmin bahoa’ sabatolnya bagi iaka’koa karunia nang aya’ dari Allah

Man amelah kao (Muhammad) nuruti’ urakng- urakng kapir, man urakng-urakng munâfiq koa, man amelah kao hiroatn ganggu’atn iaka’koa man batawakallah ka’ Allah. Man cukuplah Allah sabage palindung

Wahe urakng-urakng nang baiman! Kade’ kita’ nikahi’ nang bini-bini mukmin, kamudi- an kita’ careatn iaka’koa sanape’ kao nyaam- puri’nya maka nana’ ada masa iddah ka’ iaka’koa nang palalu kao paretongan. Namun bare’ lah iaka’koa mut’ah man lapasatn lah iaka’koa koa mang cara nang sabaik-baiknya

Wahe Nabi! Sabatolnya Kami udah ngahalal- atn nto’ nyu bini-bininyu nang udah kao bare’atn mas kawinnya man amba sahaya nang kao ampu’, tamasok ahe nang kao namu dalapm paparangan, nang dibare’atn Allah nto’nyu, man (ampakoa uga’) kamuda’- kamuda’ nang bini dari sodara nang laki dari apa’knyu, kamuda’-kamuda’ nang bini dari sodara bini apa’nyu, kamuda’-kamuda’ nang bini dari sodara laki-laki uwe’nyu mang kamuda’-kamuda’ nang bini dari sodara nang bini dari uwe’nyu nang nuna’an pindah mang kao, man nang bini mukmin nang nyarahatn diri’nya ka’ Nabi, kade’ Nabi mao’ nikahi’ nya, sabage kakususatn nto’ nyu, buke’ nto’ samua urakng mukmin. Kami udah nau’an ahe nang kami wajibpatn ka’ iaka’koa tantang nang bini-bini iaka’koa man amba sahaya nang iaka’koa ampu’ supaya nana’ jadi ka’ kita baginyu. Man Allah Maha Pangampon, Maha Panyayang

Kita’ mulih nanggohatn (ngauli’) sae nang kao kahandaki’ ka’ antara iaka’koa (da’ bini- nyu) man (mulih uga’) manggauli’ sae (ka’ antara iaka’koa) nang kao kahandaki’. Man sae nang kao ingini nto’ ngaulia’nya agi’ dari bini-bini nyu nang udah kao sisihatn maka nana’ badosa baginyu. Nang ampakoa labih samak nto’ katanangan ati iaka’koa, man iaka’koa nana’ marasa sadih, man iaka’koa rela mang ahe nang udah kao bare’atn ka’ iaka’koa samuanya. Man Allah nau’an ahe nang (tasimpan) dalapm ati kita’. Man Allah maha nau’an, maha panyantun

Nana’ halal nto’nyu (Muhammad) nikahi’ bini-bini (lain) sasudah koa, man nana’ mulih (uga’) nganti iaka’koa mang bini-bini (nang lain), walopun kaedo’atnnya manarik atinyu kacoali nang bini-bini (amba sahaya) nang kao ampu’. Man Allah Maha Ngawasi’ sagala sasuatu

Wahe urakng-urakng nang baiman! amelah kita’ masoki’ ka’ rumah-rumah Nabi kacoali kade’ kao diijinatn nto’ makatn tampa nunggu waktu basuman (makanannya), 686 tatapi kade’ kao disaru’ maka masoklah man kade’ kita’ udah makatn, kaluarlah kita’ tampa manyangkatn omongan. Sabatolnya nang ampakoa ialah nganggu’ Nabi sahing-ga ia (Nabi) tabe’ ka’ kita’ (nto’ nyuruh kita’ kaluar), man Allah nana’ malu (narangkatn) nang banar. Kade’ kita’ minta’ sasuatu (kapalaluatn) ka’ iaka’koa (bini-bini Nabi) maka minta’lah dari balakang tabir. (cara) nang ampakoa labih cuci bagi atinyu man ati iaka’koa. Man nana’ mulih kita’ nyakiti’(ati) Rasulullah man nana’ mulih (uga’) nikahi’ bini-bininya salama-lamanya salaka’ (Nabi mati). Sungguh, nang ampakoa miah aya’ (dosanya) ka’sisi Allah

Kade’ kao nyataaan sasuatu ato nosokatn- nya maka sabatolnya Allah Maha nau’an sagala sasutu

Nana’ ada badosa atas bini-bini Nabi (nto’ batamu nana’ba tabir) mang apa’-apa’ iaka’koa, sodara laki-laki iaka’koa, anak laki-laki dari sodara laki-laki iaka’koa, anak laki-laki dari sodara nang bini iaka’koa, nang bini-bini iaka’koa (nang ba iman) man amba sahaya nang iaka’koa ampu’i’, man bataqwalah kita’ (bini-bini Nabi) ka’ Allah. Sungguh, Allah Maha nyaksiatn sagala sasuatu

Sabatolnya Allah man da’ mala’ekat–Nya, basalawat nto’ Nabi. 687 Wahe urakng- urakng nang ba iman! basalawatlah kao nto’ Nabi man ucapatnlah salam nang panoh panghormatan ka’ia

Sabatolnya (tahadap) urakng-urakng nang nyakiti’ Allah man Rasul-Nya, Allah akan ngalaknatnya ka’dunia man ka’naherat, man nyadiaatn siksaatn nang nginaatn ka’ iaka’koa

Man urakng-urakng nang nyakiti’ urakng- urakng mukmin nang laki-laki man nang bini, nang nana’ ada kasalahatn nang iaka’koa pabuat maka sungguh, iaka’koa udah ngincakng kaalokatn nang nyata

Wahe Nabi! kataatnlah ka’ bini-bininyu, kamuda’-kamuda’ nang bininyu, man bini- bini urakng mukmin, ”handaklah iaka’koa nutupatn jilbabnya689, ka’ saluruh tubuh iaka’koa”. Nang ampakoa supaya iaka’koa labih mudah nto’ dikanali’, sahingga iaka’koa nana’ diganggu’. Man Allah maha pangampon, Maha Panyayang

Sungguh, kade’ urakng-urakng munāfiq, urakng-urakng nang bapanyakit dalapm atinya man urakng-urakng nang nyabaratn kabar alok ka’Madinah nana’ baranti (dari nyakiti’ nyu), pasti Kami parentahatn kao (nto’ marangi’) iaka’koa, kamudian iaka’koa nana’ agi’ manjadi tatangganyu (ka’ Madinah) kacoali sabantar

Dalapm kaadaan talaknat. ka’mae ma’an iaka’koa ditamui’, iaka’koa tatap ditangkap man dibunuh nana’ ampon

Sabage sunnah Allah nang (balaku uga’) ka’ urakng-urakng nang udah de’e’ sanape’ (kao), man kao nana’ akan namui’ parubahan ka’ sunnah Allah

Talino batanya ka’ kao (Muhammad) tantang ari kiamat. kataatnlah, ”Ilmu tantang ari kiamat koa ngge ka’sisi Allah”. Man nau’an ke’ kao, mulih jadi ari kiamat koa udah samak waktunya

Sungguh, Allah ngalaknat urakng-urakng kapir man nyadiaatn ka’ia ka’ koa api nang miah nyala (naraka)

Iaka’koa kakal ka’ dalapmnya salama- lamanya;, iaka’koa nana’ akan namu pangingu man panolong

Ka’ ari (katika) muha iaka’koa dibolak- balikatn dalapm naraka, iaka’koa bakata, “Wahe, kira’nya kade’ de’e kami taat ka’ Allah man ta’at (uga’) ka’ rasul”

Man iaka’koa bakata, ”Ya Tuhan Kami, sabatolnya kami udah na’ati da’ pamimpin man da’ pamane kami, lalu iaka’koa nyasatatn kami dari maraga (nang banar)

Ya Tuhan Kami, timpa’atnlah ka’ iaka’koa siksaatn dua’ kali lipat man laknatlah iaka’koa mang laknat nang aya’”

Wahe urakng-urakng nang ba iman! amelah kao saparati urakng-urakng nang nyakiti’ Musa maka Allah marasehatn nya dari sagana tuduhan nang iaka’koa omongkatn. Man ia saurakng nang ngampu’ kadudukatn tahormat ka’ sisi Allah

Wahe urakng urakng nang ba iman! bataqwalah kao ka’ Allah man ucapatn lah pakataatn nang banar

Pasti Allah akan maikki’ amal-amal kita’ man ngamponi’ dosa-dosa kita’. Man sae ma’an na’ati Allah man Rasul-Nya maka sungguh, ia manang mang kamanangan nang Agung

Sabatolnya Kami udah nawaratn amanat ka’ langit, tanah ai’ man man gunung-gunung; tatapi samuanya bai’ nto’ manohi’ amanat koa man iaka’koa kawatir nana’ akan ngalakuatnya (barat), lalu dipikullah amanat koa di talino. Sungguh, talino koa miah zalim man miah bodoh

Sahingga Allah akan nyiksa urakng-urakng munâfiq laki-laki man nang bini, urakng- urakng musyrik, laki-laki man nang bini;, man Allah akan narima’ tobat urakng- urakng mukmin laki-laki man nang bini. Man Allah Maha Pangampun, Maha Panyayang