Back to Languages
Kendayan - Chapter 37 - As-Saffat
Translation by Unknown — Permalink
Verse 1 — Surah As-Saffat 37:1
Demi (rombongan mala’ekat) nang babar basaf-saf
Verse 2 — Surah As-Saffat 37:2
Demi (rombongan) nang mancagah mang sungguh-sungguh
Verse 3 — Surah As-Saffat 37:3
Demi (rombongan) nang macaatn paringatan
Verse 4 — Surah As-Saffat 37:4
Sungguh,Tuhannyu banar-banar Esa
Verse 5 — Surah As-Saffat 37:5
Tuhan langit man bumi man ahe nang barada ka’ antara kaduanya man Tuhan tampat-tampat tarabitnya mata’ari
Verse 6 — Surah As-Saffat 37:6
Sasungguhnya Kami udah ngiasi’ langit dunia (nang samak) mang ngiasi’ bintakn bintakng
Verse 7 — Surah As-Saffat 37:7
Man (Kami) udah nyaganya dari satiap setan nang durhaka
Verse 8 — Surah As-Saffat 37:8
Iaka’ koa (setan-setan koa) nana’bisa nan (pambicaraatn) para mala’ekat man iaka’ koa di tabaki’ dari sagala panjuru
Verse 9 — Surah As-Saffat 37:9
Nto’ ngusir iaka’ koa man iaka’ koa akan namu azab nang kakal
Verse 10 — Surah As-Saffat 37:10
Kacoali (setan) nang ngalit (pambicaraatn maka ia di unyar oleh bintakng nang manyala)
Verse 11 — Surah As-Saffat 37:11
Maka tanya’anlah ka’ iaka’ koa (musrik mekah), “ahe ke’ panciptaatn iaka’ koa n labih susah ato ke’ ahe725 nang udah Kam ciptaatn koa?” sasungguhnya Kami udah nyiptaatn iaka’ koa dari tanah liat
Verse 12 — Surah As-Saffat 37:12
Bahkan kao (Muhammad) manjadi heran (tahadap kaingkaratn iaka’ koa) man iaka koa ngina ( kao)
Verse 13 — Surah As-Saffat 37:13
Man kade’ iaka’ koa bi bare’ paringatatn, iaka’ koa nana’ ngindahatnnya
Verse 14 — Surah As-Saffat 37:14
Man kade’ iaka’ koa nele’ suatu tanda (kaaya’atn) Allah, iaka’ koa ngolo’-ngolo’
Verse 15 — Surah As-Saffat 37:15
Man iaka’ koa bakata,”Nian nana’ lain hanyalah seher nang nyata
Verse 16 — Surah As-Saffat 37:16
Kade’ Kami udah mati man dah jadi tanah man tulakng-tulakng, ahe ke’banar kami akan di bangkitatn (kambali)
Verse 17 — Surah As-Saffat 37:17
Man ahe ke’ene’ moyang kami nang udah de’e’ (akan dibangkitatn uga’)?”
Verse 18 — Surah As-Saffat 37:18
Kataatnlah (Muhammad), ”au’ ( iya ), man kao akan tahina,”
Verse 19 — Surah As-Saffat 37:19
Maka sasungguhnya kabangkitatn koa hanya mang sote’ kampak ihan; maka sakatika koa iaka’ koa nele’nya
Verse 20 — Surah As-Saffat 37:20
Man iaka’ koa bakata,”Alangkah calaka kami! (kiranya) nianlah ari pambalasan koa”
Verse 21 — Surah As-Saffat 37:21
Nianlah ari kaputusan726, nang de’e kao dustaatn
Verse 22 — Surah As-Saffat 37:22
(Diparentahatn ka’ mala’ekat), ”kumpuratn- lah urakng-urakng nang zalim man ayukng sabaya iaka’ koa man ahe nang de’e’iaka’ koa sambah
Verse 23 — Surah As-Saffat 37:23
Salain Allah, lalu tojokatnlah ka’ iaka’ koa maraga ka’naraka
Verse 24 — Surah As-Saffat 37:24
Tahanlah iaka’ koa (ka’ tampat baranti), sasungguhnya iaka’ koa akan di tanya
Verse 25 — Surah As-Saffat 37:25
“Ngahe kao nana’ tolong-manolong?”
Verse 26 — Surah As-Saffat 37:26
Bahkan iaka’ koa pada ari koa nana’ nyarah (ka’ kaputusatn Allah)
Verse 27 — Surah As-Saffat 37:27
Man sabagian iaka’ koa ngadap ka’ sabagian nang lain saling babantah- bantahatn
Verse 28 — Surah As-Saffat 37:28
Sasungguhnya (pangikut-pangikut) iaka’ koa bakata (ka’ pamimpin-pamimpin iaka’ koa),”kaolah nang de’e’atakng ka’kami dari kanan”
Verse 29 — Surah As-Saffat 37:29
(Pamimpin-pamimpin) iaka’ koa nyawab,”(nana’) bahkan kaolah nang (mao’) jadi urakng mukmin
Verse 30 — Surah As-Saffat 37:30
Sadangkan kami nana’ bakuasa ka’k bahkan kao manjadi kaum nang ngal batas
Verse 31 — Surah As-Saffat 37:31
Maka pantas putusan (azab) Tuhan manimpa diri’; pasti diri’ akan ngara (azab koa)
Verse 32 — Surah As-Saffat 37:32
Maka kami udah nyasatatn kao, sasungguhnya kami babaro, urakng-u nang sasat
Verse 33 — Surah As-Saffat 37:33
Maka sasungguhnya iaka’ koa pada a basama-sama marasaatn azab
Verse 34 — Surah As-Saffat 37:34
Sungguh, ampak koalah Kami ngalak tahadap urakng-urakng nang babuat
Verse 35 — Surah As-Saffat 37:35
Sungguh, de’e’ kade’ dikataatn ka’ ia koa,”La illah ha illallah” (nana’ ada salain Allah), iaka’ koa nyombongka
Verse 36 — Surah As-Saffat 37:36
Man iaka’ koa bakata,”Ahe ke’ kami ningalatn sasambahatn kami karana seko’urakng panya’ir gila?”
Verse 37 — Surah As-Saffat 37:37
Padahal ia (Muhammad) atakng man ngincakng kabanaratn man manaratn rasul (sanape’nya)
Verse 38 — Surah As-Saffat 37:38
Sungguh, kao pasti akan ngarasaatn nang padih
Verse 39 — Surah As-Saffat 37:39
Man kao nana’ di bare’balasan malai tahadap ahe nang udah kao karajaatn
Verse 40 — Surah As-Saffat 37:40
Tatapi amba-amba Allah nang di bar (dari dosa)
Verse 41 — Surah As-Saffat 37:41
Iaka’ koa koa namu razaki nang udah tantuatn
Verse 42 — Surah As-Saffat 37:42
(Yaitu) buah-buahan. Man iaka’ koa nang di muliaatn
Verse 43 — Surah As-Saffat 37:43
Didalapm saruga-saruga nang panoh kanikmatan
Verse 44 — Surah As-Saffat 37:44
(Iaka’ koa duduk) baadap-adapatn ka dipan-dipan
Verse 45 — Surah As-Saffat 37:45
Ka’ iaka’ koa di edaratn galas (nang ai’ dari mata ai’)(saruga), 37. A¢-¢²FF²
Verse 46 — Surah As-Saffat 37:46
(Warnanya ) putih baraseh, sadap rasanya bagi urakng-urakng nang nyocok
Verse 47 — Surah As-Saffat 37:47
Nana’ ada ka’ dalapm nya (unsur) nang mabukatn man iaka’ koa nana’ mabuk karananya
Verse 48 — Surah As-Saffat 37:48
Man ka’ sisi iaka’ koa ada (bidadari- bidadari) nang bamata indah, man mambatasi’ panele’atnnya
Verse 49 — Surah As-Saffat 37:49
Seakan-akan iaka’ koa ialah talo’ nang tasimpan baik
Verse 50 — Surah As-Saffat 37:50
Lalu iaka’ koa baadap-adapatn seko’ mang nang lain sambil bacakap-cakap
Verse 51 — Surah As-Saffat 37:51
Bakatalah seko’urakng ka’antara iaka’ koa,”sasungguhnya aku de’e’(ka’ dunia ) paranah ada ayukng
Verse 52 — Surah As-Saffat 37:52
Nang bakata,”ahe ke’ sasungguhnya kao tamasok urakng-urakng nang manaratn (ari’ babangkit)
Verse 53 — Surah As-Saffat 37:53
Kade’ diri’ udah mati man udah manjadi tanah man tulakng-tulakng, ahe ke’ diri’ banar-banar (akan dibangkitatn) nto’ dibare’ pambalasan?”
Verse 54 — Surah As-Saffat 37:54
Ia bakata,”mao ke’kao ninjo (ayukng- ayukng ku koa)?”
Verse 55 — Surah As-Saffat 37:55
Maka ia ninjonya, lalu ia nele’ (ayukng) nya koa ka’ tangah-tangah naraka nang manyala-nyala
Verse 56 — Surah As-Saffat 37:56
Ia bakata,”Demi Allah, kao ampir saja nyalakai’ku
Verse 57 — Surah As-Saffat 37:57
Man sakiranya buke’karana nikmat Tuhanku pastilah aku tamasok urakng- urakng nang diseret (ka’ naraka)
Verse 58 — Surah As-Saffat 37:58
Maka, ahe ke’ diri’ nana’ akan mati
Verse 59 — Surah As-Saffat 37:59
Kacoali kamatiatn diri’ nang partama saja’(ka’dunia), man diri’ nana’ akan diazab (ka’naherat nian)?”
Verse 60 — Surah As-Saffat 37:60
Sungguh nian banar-banar (kamanangan) nang agung
Verse 61 — Surah As-Saffat 37:61
Nto’ kamanangan nang sarupa nian, handaklah baramal urakng-urakng nang mampu baramal
Verse 62 — Surah As-Saffat 37:62
Ahe ke’ (makanan saruga) koa idangan nang labih baik ato’ ke’ puhutn zaqqum
Verse 63 — Surah As-Saffat 37:63
Sungguh, Kami nyadiatn nya (puhutn zaqqum) sabage azab bagi urakng-urakng zalim
Verse 64 — Surah As-Saffat 37:64
Sungguh, koa ialah puhutn nang kaluar dari dasar naraka zahim
Verse 65 — Surah As-Saffat 37:65
Mayangnya lea kapala-kapala setan
Verse 66 — Surah As-Saffat 37:66
Maka sungguh, iaka’ koa banar-banar makatn sabagian darinya (buah puhutn koa) man iaka’ koa ngisi’parutnya mang buah nya (zaqqum)
Verse 67 — Surah As-Saffat 37:67
Kamudian sungguh, udah makatn (buah zaqqum) iaka’ koa namu nyocok nang di campur mang ai’ nang miah angat (panas)
Verse 68 — Surah As-Saffat 37:68
Kamudian pasti tampat kambali iaka’ koa ka’naraka jahim
Verse 69 — Surah As-Saffat 37:69
Sasungguhnya iaka’ koa namu ene’ moyang iaka’ koa dalapm ka adaan sasat
Verse 70 — Surah As-Saffat 37:70
Lalu iaka’ koa tagasa-gasa ngikuti’ jejak (ene’ moyang) iaka’ koa
Verse 71 — Surah As-Saffat 37:71
Man sungguh, sanape’ iaka’ koa (suku quraisy), udah sasat sabagian aya’dari urakng-urakng nang de’e’
Verse 72 — Surah As-Saffat 37:72
Man sungguh, Kami udah ngutus (rasul) pamare’ paringatan ka’kalangan iaka’ koa
Verse 73 — Surah As-Saffat 37:73
Maka paratiatn lah ampahe kaudahatn urakng-urakng nang di bare’ paringatan koa
Verse 74 — Surah As-Saffat 37:74
kacoali amba-amba Allah nang di suciatn (dari dosa)
Verse 75 — Surah As-Saffat 37:75
Man sungguh, Nuh udah ba do’a ka’ Kami,maka sungguh Kamilah sabaik-baik nang ngabulatn do’a
Verse 76 — Surah As-Saffat 37:76
Kami udah nyalamatatn ia man pangikutnya dari bancana nang aya’
Verse 77 — Surah As-Saffat 37:77
Man kami jadiatn anak ucu’nya urakng- urakng nang ngalanjutatn katurunan
Verse 78 — Surah As-Saffat 37:78
Man Kami abadiatn nto’ Nuh (pujian) ka’ kalangan urakng-urakng nang atakng dudi; 37. A¢-¢²FF²
Verse 79 — Surah As-Saffat 37:79
“Kasahjahteraan (Kami limpahatn ) atas Nuh ka’saluruh alam”
Verse 80 — Surah As-Saffat 37:80
Sungguh, ampakoalah Kami mare’ balasan ka’urakng-urakng nang babuat baik
Verse 81 — Surah As-Saffat 37:81
Sungguh, ia tamasok ka’ antara amba-amba Kami nang baiman
Verse 82 — Surah As-Saffat 37:82
Kamudian, Kami tingalampatn nang lain
Verse 83 — Surah As-Saffat 37:83
Man sungguh, Ibrahim tamasok golongan nya (Nuh)
Verse 84 — Surah As-Saffat 37:84
(Ingatlah) katika ia atakng ka’ Tuhannya mang ati nang suci
Verse 85 — Surah As-Saffat 37:85
(Ingatlah) katika ia bakata, ”ka’apa’nya man kaumnya,”ahe ke’nang kao sambah koa
Verse 86 — Surah As-Saffat 37:86
Ahe ke’ kao manghandaki’ kaalokatn mang sasambahan salain Allah koa
Verse 87 — Surah As-Saffat 37:87
Maka ampahe anggapannyu tahadap Tuhan saluruh alam?”
Verse 88 — Surah As-Saffat 37:88
Lalu ia nele’ sakilas ka’ bintakng-bintakng
Verse 89 — Surah As-Saffat 37:89
Kamudian ia (Ibrahim) bakata,”sasungguhnya aku sakit”
Verse 90 — Surah As-Saffat 37:90
Lalu iaka’ koa bapaling dari ia man ampus ningalatnnya
Verse 91 — Surah As-Saffat 37:91
Kamudian ia (Ibrahim) ampus diam-diam ka’ bahala-bahala iaka’ koa; lalu ia bakata,”Ngahe kao nana’ makatn
Verse 92 — Surah As-Saffat 37:92
Ngahe kao nana’ bajawab?”
Verse 93 — Surah As-Saffat 37:93
Lalu di adapi’nya (bahala-bahala) koa sambil mangkukngi’nya mang kokot kanannya
Verse 94 — Surah As-Saffat 37:94
Kamudian iaka’ koa (kaumnya) atakng capat ka’ ia
Verse 95 — Surah As-Saffat 37:95
Dia (Ibrahim) bakata,” ahe ke’ kao manyam- bah patung-patung nang kao pahat koa
Verse 96 — Surah As-Saffat 37:96
Padahal Allah lah nang nyiptaatn kao man ahe nang kao pabuat koa”
Verse 97 — Surah As-Saffat 37:97
Iaka’ koa bakata, ”Buatlah bangunan (parapiatn) nto’nya (nunu Ibrahim); lalu di tabakatn ia ka’ dalapm api nang manyala- nyala koa”
Verse 98 — Surah As-Saffat 37:98
Maka iaka’ koa ba maksud mampadayai’nya mang (nunu) nya,(namun Allah nyalamatatnnya), Lalu Kami jadiatn iaka’ koa urakng-urakng nang hina
Verse 99 — Surah As-Saffat 37:99
Man ia (Ibrahim) bakata,”Sasungguhnya aku harus ampus (ngadap)ka’ Tuhanku, Ia akan mare’ patunjuk ka’ aku
Verse 100 — Surah As-Saffat 37:100
Ya Tuhanku, anugarahatnlah ka’ aku (seko’ urakng anak) nang tamasok urakng-urakng nang saleh”
Verse 101 — Surah As-Saffat 37:101
Maka Kami bare’ kabar gambira ka’ ia mang (kalahiratn/baranak) seko’ urakng anak nang miah sabar (Ismail)
Verse 102 — Surah As-Saffat 37:102
Maka katika kamuda’ koa sampe (ka’ omor) sanggup barusaha basamanya, (Ibrahim) bakata, ”Wahe anak ku! sasungguhnya aku bamimpi bahwa’ aku manyambaleh nyu. Maka pikiratnlah ampahe pandapat nyu,! Ia (Ismail) nyawab,”Wahai apa’ ku! karajaatn lah ahe nang diparentahatn (Allah) ka’kita’; Insya Allah kita’ akan namui’ aku tamasok urakng nang sabar”
Verse 103 — Surah As-Saffat 37:103
Maka katika kaduanya udah basarah diri’ man ia (Ibrahim) nguringkatn anaknya ka atas palipisnya, (nto’ ngalaksanaatn parentah Allah)
Verse 104 — Surah As-Saffat 37:104
Lalu kami saru’ ia,”Wahai Ibrahim
Verse 105 — Surah As-Saffat 37:105
Sungguh, kao udah ngabanaratn mimpi koa”,732 sungguh, ampakoalah Kami mare’ balasan ka’ urakng-urakng nang babuat baik
Verse 106 — Surah As-Saffat 37:106
Sasungguhnya nian banar-banar suatu ujian nang nyata
Verse 107 — Surah As-Saffat 37:107
Man Kami tabus anak koa mang seko’ sambalehatn nang aya’
Verse 108 — Surah As-Saffat 37:108
Man Kami abadiatn nto’ Ibrahim (pujian) ka’ kalangan urakng-urakng nang atakng nae
Verse 109 — Surah As-Saffat 37:109
“Salamat sajahtera nto’ Ibrahim”
Verse 110 — Surah As-Saffat 37:110
Ampakoalah Kami mare’ balasan ka’ urakng-urakng nang babuat baik
Verse 111 — Surah As-Saffat 37:111
Sungguh, ia tamasok amba-amba Kami nang baiman
Verse 112 — Surah As-Saffat 37:112
Man Kami mare’ ia kabar gambira mang (kalahiratn) Ishak saurakng Nabi nang tamasok urakng-urakng nang saleh
Verse 113 — Surah As-Saffat 37:113
Man Kami limpahatn barakah ka’ ia man ka’ Ishak. Man di antara katurunan kaduanya ada nang babuat baik man ada (uga’) nang tarang-tarangan babuat zalim tahadap diri’nya babaro
Verse 114 — Surah As-Saffat 37:114
Man sungguh, Kami udah malimpahatn nikmat ka’ Musaman Harun
Verse 115 — Surah As-Saffat 37:115
Man kami salamatatn kaduanya man kaumnya dari bancana nang aya’
Verse 116 — Surah As-Saffat 37:116
Man Kami tolong iaka’ koa, sahingga jadi lah iaka’ koa urakng-urakng nang manang
Verse 117 — Surah As-Saffat 37:117
Man Kami bareatn ka’ kaduanya Kitab nang miah jalas
Verse 118 — Surah As-Saffat 37:118
Man Kami tojokkatn kaduanya maraga nang lurus
Verse 119 — Surah As-Saffat 37:119
Man Kami abadiatn nto’ kaduanya (pujian) di kalangan urakng-urakng nang atakng dudi
Verse 120 — Surah As-Saffat 37:120
Salamat sajahtera bagi Musa man Harun
Verse 121 — Surah As-Saffat 37:121
Le koalah Kami mare’ balasan ka’ urakng- urakng nang babuat baik
Verse 122 — Surah As-Saffat 37:122
Sungguh, kaduanya tamasok amba-amba Kami nang ba iman
Verse 123 — Surah As-Saffat 37:123
Man sungguh,Ilyas banar-banar tamasok salah saurakng Rasul
Verse 124 — Surah As-Saffat 37:124
(Ingatlah), katika ia bakata ka’ kaumnya, ngahe kao nana’ batakwa
Verse 125 — Surah As-Saffat 37:125
Pantas ke ‘ kao manyambah Ba’i,734 man kao ningalatn (Allah) sabaik-baik pancipta
Verse 126 — Surah As-Saffat 37:126
(ialah)Allah Tuhan nyu man Tuhan ene’ moyang nyu nang de’e’
Verse 127 — Surah As-Saffat 37:127
Tatapi iaka’ koa mandustaatnnya,(Iliyas maka sungguh, iaka’ koa akan di seret (ka’ naraka)
Verse 128 — Surah As-Saffat 37:128
Kacoali amba-amba Allah nang di suciatn (dari dosa)
Verse 129 — Surah As-Saffat 37:129
Man Kami abadiatn nto’ Ilyas (pujian) di kalangan urakng-urakng nang atakng dudi (balakangan)
Verse 130 — Surah As-Saffat 37:130
Salamat sajahtera nto’ Ilyas
Verse 131 — Surah As-Saffat 37:131
Ampakoalah Kami mare’ balasan ka’urakng-urakng nang babuat baik
Verse 132 — Surah As-Saffat 37:132
Sungguh, ia tamasok amba-amba Kami nang ba iman
Verse 133 — Surah As-Saffat 37:133
Man sungguh, Lut banar-banar tamasok salah saurakng rasul
Verse 134 — Surah As-Saffat 37:134
(ingatalah)katika Kami udah nyalamatatn ia man pangikutnya samua
Verse 135 — Surah As-Saffat 37:135
Kacoali saurakng nang bini tuha (bininya) basama-sama urakng nang diapm (ka’ kota)
Verse 136 — Surah As-Saffat 37:136
Kamudian Kami binasakan urakng-urakng nang lain
Verse 137 — Surah As-Saffat 37:137
Man sasungguhnya, kao (panduduk Mekah) banar-banar akan lalui’ (bakas tarnyata - bakas) iaka’ koa pada waktu alap’m
Verse 138 — Surah As-Saffat 37:138
Man pada waktu malam, maka ngahe kao nana’ ngarati
Verse 139 — Surah As-Saffat 37:139
Man sungguh, Yunus banar-banar tamasok salah saurakng rasul
Verse 140 — Surah As-Saffat 37:140
(Ingatlah) waktu ia dari,736 ka’ kapal nang bisi’ muatan
Verse 141 — Surah As-Saffat 37:141
Kamudian ia ikut di undi,737 ia tamasok urakng-urakng nang kalah (dalapm undian)
Verse 142 — Surah As-Saffat 37:142
Maka ia di di talatn oleh ikatn nang aya’ dalapm kaadaan tacela.738 37. A¢-¢²FF²
Verse 143 — Surah As-Saffat 37:143
Maka sakiranya ia nana’ tamasok urakng nana’ bazikir (batasbih)ka’ Allah
Verse 144 — Surah As-Saffat 37:144
Niscahya ia akan tatap diapm ka’ parut (ikatn koa) sampe’ ari babangkit
Verse 145 — Surah As-Saffat 37:145
Kamudian Kami tabakakan ia ka’ pantai nang tandus, sadangkan ia dalapm ka adaan sakit
Verse 146 — Surah As-Saffat 37:146
Kamudian nto’ ia Kami tumbuhatn sabatakng pohon dari dari jenis labu
Verse 147 — Surah As-Saffat 37:147
Man Kami utus ia ka’ saratus ribu (urakng) ato labih
Verse 148 — Surah As-Saffat 37:148
Sahingga iaka’ koa ba iman, karana koa Kami anugrahi atnikmatan idup ka’ iaka’ koa hingga waktu ta’ tentu
Verse 149 — Surah As-Saffat 37:149
Maka tanyaanlah (Muhammad) ka’ iaka’ koa (urakng-urakng kafir Mekah), ”Ahe ke’ kamuda’enek nang bini koa nto’ Tuhan nyu, sadangkan nto’ iaka’ koa anak kamuda’nang laki
Verse 150 — Surah As-Saffat 37:150
Ato ahe ke’ Kami nyiptaatn Mala’ekat- mala’ekat barupa nang bini sadangkan iaka’ koa manyaksiatn (nya)
Verse 151 — Surah As-Saffat 37:151
Ingatlah, sasungguhnya pangalok iaka’ koa banar-banar kataatn/mangatakan
Verse 152 — Surah As-Saffat 37:152
Allah punya anak, ”Sungguh iaka’ koa banar-banar pandusta
Verse 153 — Surah As-Saffat 37:153
Ahe ke’ Ia (Allah) milih kamuda’-kamuda’ nang bini dari pada kamuda’ nang laki
Verse 154 — Surah As-Saffat 37:154
Ngahe kao nian ? ampahe (caranya) kao menetap atn
Verse 155 — Surah As-Saffat 37:155
Maka kao nana’mamikiratn
Verse 156 — Surah As-Saffat 37:156
Ato ke’ kao ada bukti nang jalas
Verse 157 — Surah As-Saffat 37:157
Kalo’ lekoa, maka baba kitab nyu kade’ kao urakng nang banar
Verse 158 — Surah As-Saffat 37:158
Man iaka’ koa mangadakan (hubungan) nasab (kaluarga) antara Ia (Allah) man jin. Man sungguh,jin udah nu’an bahwa’ iaka’ koa pasti akian di seret (ka’ naraka)
Verse 159 — Surah As-Saffat 37:159
Maha suci Allah dari ahe nang iaka’ koa sifat atn
Verse 160 — Surah As-Saffat 37:160
Kacoali amba-amba Allah740 nang di suci (dari dosa)
Verse 161 — Surah As-Saffat 37:161
Man sasungguhnya kao man ahe nang ka sambah koa
Verse 162 — Surah As-Saffat 37:162
Nana’ akan bisa manyesatatn (urakng- urakng) tahadap Allah
Verse 163 — Surah As-Saffat 37:163
Kacoali urakng-urakng nang mao’ tama’ naraka Jahim
Verse 164 — Surah As-Saffat 37:164
Man nana’ satu pun ka’ antara kami (mala’ekat) melainatn ngampu’i’ kadudu tatantu
Verse 165 — Surah As-Saffat 37:165
Man sasungguhnya kami selalu teratur dalapm barisan (dalapm ngalaksanaan parentah Allah)
Verse 166 — Surah As-Saffat 37:166
Man sungguh, kami batol-batol tarus batasbih (ka’ Allah)
Verse 167 — Surah As-Saffat 37:167
Man sasungguhnya (urakng kafir Mekah) batol-batol paranah bakata
Verse 168 — Surah As-Saffat 37:168
“Sakiranya ka’ sisi kami ada sabuah kitab dari (kitab-kitab nang dinuruntatn’) ka’ urakng-urakng duhuya
Verse 169 — Surah As-Saffat 37:169
Tantu kami mao manjaji amba Allah nan disuciatn (dari dosa)”
Verse 170 — Surah As-Saffat 37:170
Tapi ternyata iaka’ia ngingkari’nya (Al- Quran); maka na’e iaka’ia mao’ ngatahui (akibat kaingkarannya koa)
Verse 171 — Surah As-Saffat 37:171
Man sungguh, janji Kami udah tatap bagi amba-amba Kami nang manjaji rasul
Verse 172 — Surah As-Saffat 37:172
(Iakoa) iaka’ai pasti mao’ napati’ patolongan
Verse 173 — Surah As-Saffat 37:173
Man sasungguhnya bala tantara Diri’741 koalah nang pasti manang
Verse 174 — Surah As-Saffat 37:174
Maka bapalinglah kao (Muhammad) dari iaka’ sampai waktu tatantu
Verse 175 — Surah As-Saffat 37:175
Man tele’atni’lah ka’iaka’ia, maka na’e iaka’ia mao’ nele’ (azab koa) 37. A¢-¢²FF²
Verse 176 — Surah As-Saffat 37:176
Maka ahe ke’ iaka’ia minta supaya azab Kami dicapatatni’
Verse 177 — Surah As-Saffat 37:177
Maka kamile (siksa’an) koa turutn’ ka’ laman iaka’ia, maka miah buruk lah alapm’ ari nto’ urakng-urakng nang diparingatatn koa
Verse 178 — Surah As-Saffat 37:178
Man bapalinglah kao dari iaka’ia sampe waktu tatantu
Verse 179 — Surah As-Saffat 37:179
Man tele’atni’lah, maka na’e iaka’ia mao’ nele’ (azab koa)
Verse 180 — Surah As-Saffat 37:180
Mahasuci Tuhannyu, Tuhan Nang Mahapakasa dari sifat nang iaka’ia batakatn’
Verse 181 — Surah As-Saffat 37:181
Man salamat sejahtera nto’ sigana rasul
Verse 182 — Surah As-Saffat 37:182
Man segala puji nto’ Allah Tuhan saluruh Alam. a