Kendayan - Chapter 40 - Ghafir

¦± M³m

Kitab nian (Al-Quran) dinuruntatn’ dari Allah Nang Mahapakasa,Maha Ngatahui’

nang ngampuni’ dosa man narima’ tobat man karas hukuman-Nya; nang ngampu’i’ karunia. Nana’ ada Tuhan selain Ia. Hanya ka’ Ia lah (samua makhluk) kambali

Nana’ ada nang ngadebati’ tantang ayat-ayat Allah, kacoali urakng-urakng nang kafir. Karana koa amelah kao (Muhammad) katipu oleh kabarasialatn’ usaha iaka’ia ka’ saluruh nagari

Sanape’ iaka’ia, kaum Nuh man golongan- golongan nang basakutu salaka’ iaka’ia udah ngadustakan’ (rasul) man satiap umat udah ngarancanaan (tipu daya) terhadap rasul iaka’ia nto’ menawannya man iaka’ia ngabantah man (alasan) nang batil nto’ ngalanyapatn’ kabanaratn’; karana koa Aku tawan iaka’ia (mang azab). Maka betapa (padihnya) azab-Ku

Man ampikoalah udah pasti balaku katatapatn’ Tuhannyu ka’ urakng-urakng kafir,(iakoa) sasungguhnya iaka’ia ialah penghuni neraka

(Mala’ekat-mala’ekat) nang mikuli’ ‘Arsy man (mala’ekat) nang barada ka’ sakulilikng’nya batasbih mang mujii’ Tuhannya man iaka’ia baiman ka’-Ia serta memohonatn amponan nto’ urakng-urakng nang baiman (palis bakata), “Ya Tuhan kami, rahmat man ilmu nang ada ka’-Kita’ ngaliputi’ sagala sesuatu, maka bare’lah ampunan ka’ urakng-uakng’ nang batobat man ngikuti’ jalatn’ (agama)-Nyu man piharalah iaka’ia dari azab neraka

Ya Tuhan kami, masokatn’lah iaka’ia ka’ dalapm’ saruga ‘Adn nang udah Kita’ janjiatn’ ka’ iaka’ia, man urakng nang saleh ka’ antara da’ ne’ nange iaka’ia, bini-bini, man katurunan iaka’ia. Sungguh Kita’lah Nang Mahapakasa, Mahabijaksana

man piharalah iaka’ia dari (bencana) kejahatan. Man uraakng’-urakng nang Kita pihara dari (bencana) kejahatan ka’ ari koa, maka sungguh, Kita’ udah ngaanugerahatn rahmat ka’ ia man demikian koalah kamanangan nang agung”

Sasungguhnya urakng-urakng nang kafir,ka’ iaka’ia (ka’ ari kiamat) disaru’atn’, “Sungguh, kabancian Allah (ka’ kao) jauh labih aya’ dari pada kabanciatn’nyu ka’ diri’nyu babaro, waktu kita’ dinyaru’ nto’ baiman lalu kita’ ngingkari’nya”

Iaka’ia manjawab, “Ya Tuhan kami, Kita’ udah ngamatiatn’ kami dua’ kali man udah ngidupatn’ kami dua’ kali (uga’), lalu kami ngakoi’ dosa-dosa kami. Maka ada ke’ jalatn’ (bagi kami) nto’ kaluar (dari neraka)?”

Nang demikian koa karana sasungguhnya kita’ ngingkari’ kamile dinyaru’ nto’ nyambah Allah ihan. Man kade’ Allah disakutuatn’, kita’ pucaya’. Maka kaputusatn’ (ampaikng’ nian) ialah ka’ Allah Nang Maha Tingi’, Mahaaya’

Ia lah nang nele’atni’ tanda-tanda (kakuasaan)-Nya ka’ kao man nuruntatn’ rajaki dari langit nto’nyu. Man nana’ lain nang mandapat palajaran hanyalah urakng nang kambali (ka’ Allah)

Maka sambahlah Allah mang tulus ikhlas baragama ka’-Ia, meskipun urakng-urakng kafir nana’ nyukai’(nya)

(Ia lah) Nang Maha Tingi’ derajat-Nya, nang ngampu’i’ ‘Arsy, nang nuruntatn’ wahyu mang parentah-Nya ka’ sae nang Ia mao’i’ ka’ antara amba-amba-Nya, agar ngingatatn’ (talino) tantang ari patamuan (ari kiamat)

(ia koa) ka’ ari (waktu) iaka’ia kaluar (dari subur);nana’ sesuatu pun kaadaan iaka’ia nang tasambunyi’ ka’ sisi Allah. (Lalu Allah bafirman), “Ampu’ sae ke’ kerajaan ka’ ari nian?” Ampu’ Allah Nang Maha Esa, Maha Ngalahatn’

Ka’ ari nian satiap jiwa dibare’ balasan sasuai mang ahe nang udah dikarajaatni’nya. Nana’ ada nang dirugiatn’ ka’ ari nian. Sungguh Allah miah capat paretongan-Nya

Man bare’lah iaka’ia paringatatn’ akan ari nang samakin samak (ari kiamat, iakoa) waktu ati nyasak sampe ka’ karongkongan karana nahani’ kasadihan. Nana’ ada seko’ pun ayukng’ nang satia bagi urakng nang zalim man nana’ ada seko’ panolong nang ditarima’ (patolongannya)

Ia ngatahui’ (paniaka’ koa) mata nang hianat.766 man ahe nang tasambunyi’ ka’ dalapm’ dada

Man Allah mutusatn’ mang kabanaratn’. Samintara iaka’ia nang disambah salain-Nya nana’ mampu mutusatn’ mang suatu ahe pun. Sasungguhnya Allah, Ia lah Nang Maha Nangaratn’, Maha Nele’

Man ahe ke’ iaka’ia nana’ ngadakan’ pajalan- an ka’ bumi, lalu nele’i’ ampahe kasudahan urakng-urakng nang sanape’ iaka’ia? Urakng- urakng koa labih hebat kakuatatn’nya dari pada iaka’ia man (labih manyak) eninggalan- peninggalan (paradaban) nya ka’ bumi, tapi Allah ngazab iaka’ia karana dosa-dosanya. Man nana’ akan ada suatu pun nang ngalinukngi’ iaka’ia dari (azab) Allah

Nang demikian koa ialah karana sasungguhnya rasul-rasul udah atakng’ ka’ iaka’ia mang ngincakng’ bukti-bukti nang nyata.767 lalu iaka’ia ingkar; lalu Allah ngazab iaka’ia. Sungguh Ia Mahakuat, Mahakaras hukuman-Nya

Man sungguh, Kami udah ngutus Musa mang ngincakng’ ayat-ayat Kami man katarangan nang nyata

ka’ Fir’aun, Haman man Karun; lalu iaka’ia bakata, “(Musa) koa surakng pesihir man pangalok”

Maka waktu ia (Musa) atakng’ ka’ iaka’ia ngincakng’ kabanaratn’ dari Kami, iaka’ia bakata, “bunuhlah anak-anak laki-laki dari urakng-urakng nang baiman basama ia man biaratni’ idup nanbini-nanbini iaka’ia”. Namun tipu daya urakng-urakng kafir koa sia-sia belaka

Man Fir’aun bakata (ka’ pembesar- pembesarnya), “Biar aku nang munuh Musa man suruh ia mohon ka’ Tuhannya. Sasungguhnya aku kawatir ia mao’ nukar agamanyu ato nimulatn’ karusakatn’ ka’ bumi”

Man (Musa) bakata, “Sasungguhnya aku balinukng’ ka’ Tuhanku man Tuhannyu dari satiap urakng nang nyomongatn diri’ nang nana’ baiman ka’ ari pangetongan”

Man seko’ nang baiman ka’ antara kaluarga Fir’aun nang nyosokatni’ iman nya bakata, “Ahe ke’ kao mao’ munuh surakng karana ia bakata, “Tuhanku ialah Allah”, padahal sungguh, ia udah atakng’ ka’ kao mang ngincakng’ bukti-bukti nang nyata dari Tuhannyu. Man kade’ ia surakng pangalok maka ia lah nang akan nanggung (dosa) aloknya koa; man kade’ ia surakng nang banar, pasti sabagian (bencana) nang diancamatnnya ka’ kao akan manimpanyu. Sasungguhnya Allah nana’ mare’ patunjuk ka’ urakng nang ngalampaui’ batas man pangalok

Wahai kaumku! “pada ari nian kerajaan ada ka’ kao manang bakuasa ka’ bumi, tapi sae nang nulukngi’ diri’ dari azab Allah kade’ (azab koa) nimpai’ diri’?” Fir’aun bakata, “ Aku hanya madahatn’ ka’ kao, ahe nang aku pandang baik; man aku hanya nonyokatn’ ka’ kao maraga nang batol”

Man urakng nang baiman koa bakata, “Wahai kaumku! Sasungguhnya aku kawatir kita’ akan ditimpa’ (bencana) lea ari kaancuratn’ golongan nang basakutu

(iakoa) lea kabinasaan kaum Nuh, ’Ad, Samud man urakng-urakng nang atakng’ salaka’ iaka’ia. Padahal Allah nana’ ngamao’i’ kazaliman ka’ amba-amba-Nya”

Man wahai kaumku! “Sasungguhnya aku banar-banar kawatir ka’ kita akan (siksa’an) ari saling basaru’i’

(iakoa) ka’ ari (waktu) kita’ bapaling ka’ balakang (dari), nana’ ada surakng pun nang mampu nyalamatatn’ kita’ dari (azab) Allah. Man barang sae dibiaratn’ sasat oleh Allah, pasti nana’ ada sesuatu pun nang mampu mare’ patunjuk”

Man sungguh, sanape’ koa Yusuf udah atakng’ ka’ kita’ mang ngincakng’ bukti- bukti nang nyata, tapi kita’ senantiasa ngaraguatn’ ahe nang diincakng’nya, bahkan waktu ia wafat, kita bakata, “Allah ngirimpatn’ seko’ rasul pun salaka’ ia”. Demikianlah Allah ngabiaratn’ sasat urakng nang ngalampaui’ batas man ragu-ragu

(iakoa) urakng-urakng nang ngadebatatn’ ayat-ayat Allah tampa alasan nang sampe ka’ iaka’ia.769 Miah aya’ kaberakan’ (bagi iaka’ia) ka’ sisi Allah man urakng-urakng nang baiman. Demikianlah Allah nguncii’ ati satiap urakng nang sombong man balaku sawenang –wenang

Man Fir’aun bakata, “Wahai Haman! Buati’lah nto’ku sabuah bangunan nang tingi’ supaya aku sampe ka’ pintu-pintu

Man urakng nang baiman koa bakata, “Wahai kaumku! Ikuti’lah aku, aku akan nunjukatn’ ka’ kita’ jalatn’ nang banar

Wahai kaumku! Sasungguhnya ka iduapatn’ dunia nian hanyalah kasanangan (samintara) man sungguh naherat koalah nangari nang kakal

Baranga sae ngarajaatn’ pabuatatn’ jahat, maka ia akan dibalas sebanding mang kajahatatn’ koa. Man barang sae ngaraja- atn’ kabakade’tn’, baik laki-laki maupun nanbini samintara ia dalapm’ kaadaan baiman, maka iaka’ia akan masok saruga, iaka’ia dibare’ rajaki ka’ dalapm’nya nana’ terhingga

Man wahai kaumku! Ampaheke’nian, aku nyaru’ kita’ ka’ kasalamatatn’, tapi kita’ nyaru’ku ka’ neraka

(Di ahe) kita’ nyaru’ku agar kafir ka’ Allah man nyakutuatn’-Nya mang sesuatu nang aku nana’ mempunyai ilmun tantang koa, padahal aku nyaru’nyu (baiman) ka’ Nang Mahapakasa, Maha Pengampun

Sudah pasti bahwa’ ahe nang kita’ saru’atn’ aku ka’ ia buke’lah suatu saru’atn’ nang baguna baik ka’ dunia mao’pun ka’ naherat. Man sasungguhnya tampat kambali kita’ pasti ka’ Allah, man sasungguhnya urakng- urakng nang ngalampaui’ batas, iaka’ia koa akan menjadi penghuni neraka

Maka na’e kita’ akan ingat ka’ ahe nang kubatakatn’ ka’ kita’. Man aku nyarahatn’ urusatn’ ku ka’ Allah. Sungguh Allah Maha Nele’ akan amba-amba-Nya”

Maka Allah miharai’nya dari kejahatatn’ tipu daya iaka’ia, samintara Fir’aun mang kaum- nya dikapukng’ oleh azab nang miah buruk

Ka’ iaka’ia ditele’atn’ neraka, ka’ alapm’ man gumare’, man ka’ ari tajadinya kiamat. (Lalu ka’ mala’ekat diparentahatn’),“Masok- lah Fir’aun mam kaumnya ka’ dalapm’ azab nang miah karas!”

Man (ingatlah), waktu iaka’ia babantah- bantah ka’ dalapm’ neraka, maka urakng nang lamah bakata ka’ urakng-urakng nang nyombongkatn’ diri’, “Sasungguhnya kami duhuya ialah pangikut-pangikutnyu, maka dapat ke’ kao ngalapasatn’ sabagian (azab) api neraka nang manimpa’ kami?”

Urakng-urakng nang nyomgangkatn’ diri’ manjawab, “Sasungguhnya kita’ samua sama- sama dalapm’ neraka karana Allah udah natapatn’ kaputusatn’ antara hngincakng- amba-(Nya)”

Man urakng-urakng nang barada ka’ dalapm’ neraka bakata ka’ panjaga-panjaga neraka Jahanam, “Mohonatnlah ka’ Tuhan-nyu supaya Ia ngaringanatn azab atas kami saari ma’an”

Maka (panjaga-panjaga Jahanam) bakata, “Ahe ke’ rasul-rasul nape’ atakng’ ka’ kita’ mang ngincakng’ bukti-bukti nang nyata?” Iaka’ia manjawab, “batol udah atakng’”. (panjaaga-panjaga Jahanam) bakata, “Bado’alah kao (babaro)” Namun do’a urakng-urakng kafir koa sia-sia belaka

Sasungguhnya Kami mao’ nulukng’ rasul- rasul Kami man urakng-urakng nang baiman dalapm’ kaidupatn’ dunia man ka’ ari tampilnya sigana saksi (ari kiamat)

(iakoa) ari waktu pamintakan’ ma’af nana’ baguna bagi urakng-urakng zalim man iaka’ia mandapat laknat man tampat badiapm’ nang buruk

man sungguh Kami udah marentatn’ patunjuk ka’ Musa; man ngawarisatn’ Kitab (Taurat) mka’ Bani Israil

nto’ manjadi patunjuk man paringatan bagi urakng-urakng nang bafikiran sehat

Maka basabarlah kao, sasungguhnya janji Allah koa banar, man mohonlah ampun nto’ dosanyu man batasbihlah palis mujii’ Tuhannyu ka’ waktu gumare’ man alapm’

Sasungguhnya urakng-urakng nang memper- debatatn ayat-ayat Allah tampa alasan man (bukti) nang sampe ka’ iaka’ia, nang ada dalapm’ dada iaka’ia hanyalah (keinginan akan) kebesaran nang nana’ akan iaka’ia capai, maka minta’lah palindungan ka’ Alllah. Sungguh Allah Maha Nangaratn’, Maha Nele’

Sungguh, penciptaan langit man bumi koa labih aya’ dari pada penciptaatn’ talino, akan tatapi kamanyakatn’ talino nana’ ngatahui’

Man nana’ sama uakng’ nang buta mang urakng nang nele’, man nana’ (sama) uga’ urakng-urakng nang baiman man ngarajaatn’ kabakade’tn’ mang urakng- urakng nang babuat kajahatatn’. Hanya sabebet sakali nang kita’ taap palajaran

Sasungguhnya ari kiamat pasti akan atakng’, nana’ ada keraguan tantangnya, akan tatapi kamanyakatn’ talino nana’ baiman

Man Tuhannyu bafirman, “Bado’alah ka’- Aku, pasti akan Aku perkenan atn nto’nyu. Sasungguhnya urakng-urakng nang sombong nana’ mao’ nyambah-Ku akan masok neraka Jahanam dalapm’ keadaan hina dina”

Allah lah nang nyajiatn’ malam nto’nyu supaya kao baistirahat ka’ ia;(man nyajiatn’) siakng’ tarang bandarang. Sungguh, Allah batol-batol ngampu’i’ karunia nang dilimpahatn’ ka’ talino, tapi kamanyakatn’ talino nana’ basukur

Demikianlah Allah, Tuhannyu, pencipta segala sesuatu, nana’ ada Tuhan selain Ia; maka ampahe ke’ kao dapat dipalingatn

Demikianlah urakng-urakng nang selalu ngingkari’ ayat-ayat Allah dipalingatn

Allah lah nang nyajiatn’ bumi nto’nyu sabage tampat badiapm’ man langit sabage atap man ngabantoki’nyu man ngaedo’i’ rupanyu serta mare’nyu rajaki nang baik- baik. Demikianlah Allah, Tuhannyu, Mahasuci Allah, Tuhan saluruh alam

Ia lah nang idup kakal, nana’ ada Tuhan selain Ia mang tulus ikhlas baagama ka’-Ia. Sagala puji bagi Allah Tuhan saluruh alam

Batakatn’lah (Muhammad), “Sungguh, aku di mai’an nyambah sambahan nang kita’ sambah selain Allah, setelah atakng’ ka’ aku katarangan-katarangan dari Tuhanku; man aku diparentahatn’ supaya basarah diri’ ka’ Tuhan saluruh alam”

Ia lah nang nyiptaatn’ kao dari tanah, kamudian dari satetes mani, lalu dari sagumpal darah, kamudian kao dilahiratn’ sabage seko’ kamuda’, kamudian dimiaratn’ kao sampe dewasa, lalu manjaji tua. Tapi ka’ antara kita’ ada nang dimatiatn’ sanape’ koa. (Kami panjuati’ ampikoa) supaya kita’ sampe ka’ kurun waktu nang dinantuatn’, supaya kita’ ngarati

Ia lah nang ngidupatn’ man ngamatiatn’. Maka kamile Ia mao’ natapatn’ suatu urusan, Ia hanya matakatn’ ka’ ia, “Jadilah!” Maka jadilah jukut koa

Ahe ke’ kita nana’ nele’i’ urakng-urakng nang (selalu) ngabantah ayat-ayat Allah? Ampahe iaka’ia dapat dipalingatn

(Iakoa) urakng-urakng nang ngadustakan’ Kitab (Al-Quran) man wahyu nang diincakng’ rasul-rasul Kami nang udah Kami utus. Nae iaka’ia akan ngatahui’

Waktu belenggu man rante dipasang ka’ tage’ iaka’ia,sirata iaka’ia dinyeret

ka’ dalapm’ ai’ nang miah angat,kemudian iaka’ia ditunu ka’ dalapm’ api

kemudian dibatakatn’ ka’ iaka’ia, mae ke’ bahala nang selalu kita sakutuatni’

(nang kita sambah) selain Allah?” Iaka’ia manjawab, “ Iaka’ia udah ilang lanyap dari kami, bahkan kami de’e nana’ paranah nyambah sesuatu”. Ampikoa lah Allah ngabiaratn’ sasat urakng-urakng kafir

Nang demikian koa disebabatn karana kita basuka ria ka’ bumi (nana’) nangaratn’ kabanaratn’ man karana kita selalu basuka ria (dalapm kemaksiatan)

(Dibatakatn’ ka’ iaka’ia), Masoklah kita’ ka’ pintu-pintu neraka Jahanam, man kita’ kakal ka’ dalapm’ nya. Maka koalah saburuk-buruk tampat bagi urakng nang sombong”

Maka basabarlah kao (Muhammad), sabanarnya janji Allah koa banar. Meski Kami tele’atni’ ka’ kao sabagian seksa nang Kami ancamatn ka’ iaka’ia, ato pun Kami matiatn’ kao (sanape’ ajal manimpa iaka’ia), namun ka’ Kami lah iaka’ia dipulakngkatni’

Man sungguh Kami udah ngutus sangae rasul sanape’ kao (Muhammad), ka’ antara iaka’ia ada nang Kami curitakan’ ka’ kao man ka’ antaranya ada (uga’) nang nana’ Kami curitakan’ ka’ kao. Nana’ ada seko’ rasul ngincakng’ suatu mukjizat, kacoali saizin Allah. Maka kamile udah atakng’ parentah Allah,(nto’ samua pakara) rugilah urakng-urakng nang bapigakng’ ka’ nang batil

Allah lah nang nyajiatn’ binatang ternak nto’ nyu, sabagian nto’ kita’ tumpakngi’ man sabagian nto’ kita’ makatn’

Man nto’ kita’ (ada agi’) manfaat-manfaat nang lain ka’ (binatang ternak koa) man supaya kita’ mancapai suatu kapalaluan (tujuan) nang tasimpan dalapm’ atinyu (mang ngandarai’nya). Man mang ngandarai’ binatang-binatang koa, man ka’ atas kapal iaka’ia diangkut

Man Ia nele’atni’ tanda-tanda (kaaya’atn’- Nya) ka’ kao. Lalu tanda-tanda (ka aya’atn’) Allah nang mae nang kita’ ingkari’

Maka ahe ke’ iaka’ia nana’ ngadakan’ pajalanan ka’ bumi,lalu iaka’ia nele’atni’ ampahe kasudahan urakng-urakng nang sanape’ iaka’ia. Iaka’ia koa labih manyak man labih hebat kakuatannya serta (labih manyak) paninggalan-paninggalan paradaban ka’ bumi,770 maka ahe nang iaka’ia usahakan koa nana’ dapat nulukngi’ iaka’ia

Maka waktu para rasul atakng’ ka’ iaka’ia mang ngincakng’ bukti-bukti nang nyata, iaka’ ia marasa karepoatn’ mang ilmu nang ada ka’ iaka’ia,771 man iaka’ia dikapukngi (azab) nang duhuya iaka’ia ngolo’- ngolo’i’nya

Maka waktu iaka’ia nele’ azab Kami, iaka’ia bakata, “Kami hanya baiman ka’ Allah ihan man kami ingkar ka’ sambahan- sambahan nang udah kami nyakutuatn’ mang Allah

Maka iman iaka’ia waktu iaka’ia udah nele’ azab Kami nana’ baguna lagi’ bagi iaka’ia. Koalah (katantuan) Allah nang udah balaku terhadap amba-amba-Nya. Man waktu koa rugilah urakng-urakng kafir. A